ରାୟଗଡା

କୂଅରେ ପଡି ଆଈ, ନାତୁଣୀ ମୃତ

କୂଅରେ ପଡି ଆଈ, ନାତୁଣୀ ମୃତ
କୋଷାଗୁମୁଡା,୧୧।୧୨(ଡି.ଏନ.ଏ)-ନବରଙ୍ଗପୁର ଜିଲା କୋଷାଗୁମୁଡା ବ୍ଲକ ଅନ୍ତର୍ଗତ ପଣ୍ଡୁଗୁଡା ପଞ୍ଚାୟତ ଅଧୀନ ନେଙ୍ଗାନାଳ ଗ୍ରାମରେ ସୋମବାର କୂଅରେ ପଡି ଆଈ, ନାତୁଣୀଙ୍କ ମୃତ୍ୟୁ ଘଟିଛି। ମୃତକମାନେ ହେଲେ ଆଈ ଚଞ୍ଚଳା ଭତରା (୪୮) ଓ ନାତୁଣୀ ଯୋଗେଶ୍ୱରୀ ଭତରା (୭)। ଘର ନିକଟସ୍ଥ ଏକ ଜମିରେ ଥିବା କୂଅ ନିକଟକୁ ଗାଧୋଇବା ପାଇଁ ଚଞ୍ଚଳା, ବଡ ନାତୁଣୀ ଯୋଗେଶ୍ୱରୀ ଓ ସାନ ନାତୁଣୀ ଲାଲେଶ ଭତରା ଯାଇଥିଲେ। ଗାଧୋଇବା ବେଳେ ଭାରସାମ୍ୟ ହରାଇ ସମସ୍ତେ କୂଅ ଭିତରେ ପଡିଯାଇଥିଲେ। ଘଟଣାସ୍ଥଳରେ ଚଞ୍ଚଳା ଓ ଯୋଗେଶ୍ୱରୀଙ୍କ ମୃତ୍ୟୁ ଘଟିଥିଲା। ଲାଲେଶ ପାଣି ଭିତରେ ଉବୁଡୁବୁ ହେଉଥିଲେ। ଏହି ସମୟରେ ଜମି ମାଲିକ ପହଞ୍ଚି ତାଙ୍କୁ କୂଅ ଭିତରୁ ଉଦ୍ଧାର କରିଥିଲେ। ଖବର ପାଇ ଗ୍ରାମବାସୀ ପହଞ୍ଚି ପୋଲିସକୁ ଖବର ଦେଇଥିଲେ । ପୋଲିସ ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ କୋଷାଗୁମୁଡା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ଆଣିଥିଲେ। ଏ ନେଇ କୋଷାଗୁମୁଡା ଥାନାରେ ଏକ ଅପମୃତ୍ୟୁ ମାମଲା ରୁଜୁ କରାଯାଇଛି। ସବ୍‌ଇନ୍ସପେକ୍ଟର ଆର.ଏନ.ସାହୁ ଘଟଣାର ତଦନ୍ତ କରୁଛନ୍ତି।
All Right Reserved By

ରାୟଗଡା

ନାବାଳକଙ୍କ ଝୁଲନ୍ତା ମୃତଦେହ ଉଦ୍ଧାର

ନାବାଳକଙ୍କ ଝୁଲନ୍ତା ମୃତଦେହ ଉଦ୍ଧାର

ଝରିଗାଁ, ୧୮।୧୨(ସ୍ବ.ପ୍ର.): ନବରଙ୍ଗପୁର ଜିଲା ଝରିଗାଁ ଥାନା ଅଧୀନ ଫୁପୁଗାଁ ହରଡାଗୁଡା ନିକଟସ୍ଥ ଆମ୍ବ ବଗିଚାରେ ଜଣେ ନାବାଳକଙ୍କ ଝୁଲନ୍ତା ମୃତଦେହ ପୋଲିସ ଉଦ୍ଧାର କରିଛି। ସେ ହେଲେ ଉକ୍ତ ଗାଁର ଚନ୍ଦ୍ର ଗୌଡଙ୍କ ପୁଅ ଲକ୍ଷ୍ମୁ(୧୬)। ପ୍ରକାଶ ଯେ, ଲକ୍ଷ୍ମୁ ସୋମବାର ସନ୍ଧ୍ୟାରୁ ଘରୁ କେଉଁଆଡେ ଚାଲି ଯାଇଥିଲେ। ମଙ୍ଗଳବାର ସକାଳୁ ଗାଁ ନିକଟ ଆମ୍ବ ବଗିଚାରେ ଲକ୍ଷ୍ମୃଙ୍କ ମୃତଦେହ ଝୁଲୁଥିବା ଦେଖି ଗ୍ରାମବାସୀ ତାଙ୍କ ପରିବାରକୁ ଖବର ଦେଇଥିଲେ। ପରେ ତାଙ୍କ ଦାଦା ପୋଲିସକୁ ଖବର ଦେଇଥିଲେ। ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରି ବ୍ୟବଚ୍ଛେଦ ପରେ ପରିବାରକୁ ହସ୍ତାନ୍ତର କରିଛି।

ଗଞ୍ଜେଇ ବେପାରୀ ଗିରଫ:୧୧୬କେଜି ଗଞ୍ଜେଇ ସହ ୬ଲକ୍ଷ ଟଙ୍କା ଜବତ

ଗଞ୍ଜେଇ ବେପାରୀ ଗିରଫ:୧୧୬କେଜି ଗଞ୍ଜେଇ ସହ ୬ଲକ୍ଷ ଟଙ୍କା ଜବତ

ମାଲକାନଗିରି, ୧୮।୧୨(ଡି.ଏନ୍‌.ଏ.): ଜିଲାର ଗଞ୍ଜେଇ  ଚାଷୀଙ୍କୁ ଆର୍ଥିକ ସାହାର୍ଯ୍ୟ ଯୋଗାଇ ଦେଉଥିବା ଗଞ୍ଜେଇ ବେପାରୀ ରାଜୁ ବାରୋଇ(୩୫)ଙ୍କୁ ମାଲକାନଗିରି ପୋଲିସ ଗିରଫ କରି କୋର୍ଟ ଚାଲାଣ କରିଥିବା ଏସ୍‌ପି ଜଗମୋହନ ମୀନା ମଙ୍ଗଳବାର ଏକ ଖବରଦାତା ସମ୍ମିଳନୀରେ ସୂଚନା ଦେଇଛନ୍ତି। ସୋମବାର ରାତିରେ  ମାଲକାନଗିରି ଡିଏସ୍‌ପି ଦିଲୀପ ଦାସ ଓ ଅନ୍ୟ ପୋଲିସ କର୍ମଚାରୀମାନେ ପାଟ୍ରୋଲିଂ କରୁଥିବା ବେଳେ ରାଜୁ ଏକ ବୋଲେରୋରେ ଯାଉଥିବା ଦେଖି ଅଟକାଇ ଥିଲେ। ତଲାସି ବେଳେ ଗାଡିରେ ୧୧୬ କେଜି ୫୦୦ ଗ୍ରାମ ଗଞ୍ଜେଇ ସହ ୫,୯୮,୯୦୦ ଟଙ୍କା ସହ ୫ଟି ଏଟିଏମ୍‌ କାର୍ଡ, ଗାଡିର ଆର୍‌,ସି. ବୁକ୍‌, ଡ୍ରାଇଭିଂ ଲାଇସେନ୍ସ, ପାନକାର୍ଡ, ଆଧାର କାର୍ଡ  ପୋଲିସ ଜବତ କରିଛି। 

ବର୍ଷା ଯୋଗୁ ବାତିଲ ହେଲା ପିଠା କାର୍ଯ୍ୟକ୍ରମ

ରାଇକିଆ, ୧୮।୧୨(ଡି.ଏନ.ଏ)-କନ୍ଧମାଳ ଜିଲା ରାଇକିଆ ବ୍ଲକର ସୁଗଡବାଡି ଓ ପେଟାପାଙ୍ଗା ପଞ୍ଚାୟତରେ ଅନୁଷ୍ଠିତ ହେବାକୁ ଥିବା ପିଠା କାର୍ଯ୍ୟକ୍ରମକୁ ମଙ୍ଗଳବାର ବାତିଲ କରି ଦିଆଯାଇଥିବା ବିଡିଓ ରଶ୍ମି ରଞ୍ଜନ ମହନ୍ତ ସୂଚନା ଦେଇଛନ୍ତି।

ଆଇନଜୀବୀଙ୍କ ବନ୍ଦ ଡାକରା ସଫଳ

ଆଇନଜୀବୀଙ୍କ ବନ୍ଦ ଡାକରା ସଫଳ

ନବରଙ୍ଗପୁର, ୧୮।୧୨(ବି.ପ୍ର): ନବରଙ୍ଗପୁର ଜିଲା ଓକିଲ ସଂଘ ପକ୍ଷରୁ ୧୨ଘଣ୍ଟିଆ ନବରଙ୍ଗପୁର ଜିଲା ବନ୍ଦ ଡାକରା ସଫଳ ହୋଇଛି। ଅବିଭକ୍ତ କୋରାପୁଟ ଜିଲାରେ ହାଇକୋର୍ଟର ଏକ ସ୍ଥାୟୀ ବେଞ୍ଚ୍‌ ସ୍ଥାପନ ନେଇ ଦୀର୍ଘ ବର୍ଷ ହେବ ଦାବି ହୋଇଆସୁଛି। 

ହାଇକୋର୍ଟ ସ୍ଥାୟୀ ପ୍ରତିଷ୍ଠା ଦାବିରେ ନବରଙ୍ଗପୁର ଜିଲା ବନ୍ଦ ଡାକରା

ହାଇକୋର୍ଟ ସ୍ଥାୟୀ ପ୍ରତିଷ୍ଠା ଦାବିରେ ନବରଙ୍ଗପୁର ଜିଲା ବନ୍ଦ ଡାକରା

ଝରିଗାଁ, ୧୮।୧୨(ସ୍ବ.ପ୍ର)- ଅଭିଭକ୍ତ କୋରାପୁଟ ଜିଲାରେ ହାଇକୋର୍ଟ ସ୍ଥାୟୀ ପ୍ରତିଷ୍ଠା ଦାବି ନେଇ ନବରଙ୍ଗପୁର ଜିଲା ବନ୍ଦ ଡାକରା ଦିଆଯାଇଛି। ଝରିଗାଁ ବ୍ଲକ ସଦର ମହକୁମାଠାରେ ସ୍ଥାନୀୟ ଆଇନଜୀବୀମାନଙ୍କ ଦ୍ୱାରା ସମସ୍ତ ଦୋକାନ ବଜାର ବନ୍ଦ କରାଯାଇଛି।

ହାଇକୋର୍ଟ ବେଞ୍ଚ ପ୍ରତିଷ୍ଠା ଦାବିରେ କୋରାପୁଟ ଜିଲା ବନ୍ଦ

ହାଇକୋର୍ଟ ବେଞ୍ଚ ପ୍ରତିଷ୍ଠା ଦାବିରେ କୋରାପୁଟ ଜିଲା ବନ୍ଦ

କୋରାପୁଟ, ୧୮।୧୨(ସ୍ବ.ପ୍ର): ଦୀର୍ଘ ୧୫ ଦିନ ହେବ କାର୍ଯ୍ୟ ବନ୍ଦ କରିଥିବା ଆଇନଜୀବୀମାନେ ମଙ୍ଗଳବାର ଅଭିଭକ୍ତ କୋରାପୁଟ ଜିଲା ବନ୍ଦ ଡାକରା ଦେଇଛନ୍ତି।

ୟୁଏନଡିପି କୋର୍ଡିନେଟରଙ୍କୁ ଜିଲାପାଳଙ୍କ ଚିଠି: ୨ କର୍ମଚାରୀଙ୍କୁ କାର୍ଯ୍ୟରୁ ଅନ୍ତର କରାଯାଉ

ନବରଙ୍ଗପୁର,୧୮ା୧୨(ବି.ପ୍ର)- ୟୁଏନଡିପି ପକ୍ଷରୁ ତେନ୍ତୁଳିଖୁଣ୍ଟି ବ୍ଲକ ଠାରେ ନିୟୋଜିତ ବ୍ଲକ ପ୍ରୋଜେକ୍ଟ କୋର୍ଡିନେଟର (ବିପିଏ ) ରାଜିଆ ବାନୁ ଓ ବ୍ଲକ ପ୍ରୋଜେକ୍ଟ ଆସିଷ୍ଟାଣ୍ଡ (ବିପିଏ) ଗୁରୁପ୍ରସାଦ ପଣ୍ଡାଙ୍କୁ କାର୍ଯ୍ୟରୁ ଅନ୍ତର କରିବା ପାଇଁ  ଜିଲାପାଳ  ଅଜିତ କୁମାର ମିଶ୍ର ୟୁଏନଡିପି ରାଜ୍ୟ କୋଡିନେଟରଙ୍କୁ ୧୨ ତାରିଖରେ  ଚିଠି ନମ୍ବର ୪୭୮୯ ମାଧ୍ୟମରେ ଜଣାଇଛନ୍ତି ା  ଗ୍ରାମ ରୋଜଗାର ସେବକମାନେ ଆନ୍ଦୋଳନରେ ରହିଥିବାରୁ ଗ୍ରାମୀଣ ଆବାସ ଯୋଜନା ଓ ଅନ୍ୟ ଉନ୍ନୟନ ମୂଳକ କାର୍ଯ୍ୟରେ ବ୍ଲକର ବିଭିନ୍ନ କର୍ମଚାରୀଙ୍କୁ ପର୍ଯ୍ୟାୟ କ୍ରମେ ଦାୟିତ୍ୱ ଦିଆଯାଇଥିବା ନେଇ ଇମେଲ ଓ ଚିଠି କରାଯାଇଥିଲା ା

ଗୋପବନ୍ଧୁ ଗ୍ରାମୀଣ ଯୋଜନା ବାଟବଣା: ଘରୋଇ ଜମିରେ ରାସ୍ତା ନିର୍ମାଣ

ଗୋପବନ୍ଧୁ ଗ୍ରାମୀଣ ଯୋଜନା ବାଟବଣା: ଘରୋଇ ଜମିରେ ରାସ୍ତା ନିର୍ମାଣ

ନବରଙ୍ଗପୁର,୧୮ା୧୨( ବି.ପ୍ର.)-ନବରଙ୍ଗପୁର ଜିଲାର ଅନେକ ଗାଁ ଓ ପଡାକୁ ରାସ୍ତା ନାହିଁ। ସେଥିପାଇଁ ବିଭିନ୍ନ ଯୋଜନାରେ ରାସ୍ତା ନିର୍ମାଣ କରାଯାଉଛି।  କିନ୍ତୁ ରାସ୍ତା ନିର୍ମାଣ ବେଳେ ଏହା ସରକାରୀ ଜମି କି ଘରୋଇ ଜମିରେ ନିର୍ମାଣ ହେଉଛି ସେଥିପ୍ରତି କେହି ଦୃଷ୍ଟି ଦେଉ ନାହିଁ। 

ଜାତୀୟ ଶିଶୁ ଅଧିକାର ସୁରକ୍ଷା ଆୟୋଗ ପ୍ରତିନିଧିଙ୍କ ମାଲକାନଗିରି ଗସ୍ତ

ଜାତୀୟ ଶିଶୁ ଅଧିକାର ସୁରକ୍ଷା ଆୟୋଗ ପ୍ରତିନିଧିଙ୍କ ମାଲକାନଗିରି ଗସ୍ତ

ମାଲକାନଗିରି, ୧୭।୧୨(ଡି.ଏନ୍‌.ଏ.)ଭାରତ ସରକାରଙ୍କ ନିର୍ଦ୍ଦେଶ କ୍ରମେ ଜାତୀୟ ଶିଶୁ ଅଧିକାର ସୁରକ୍ଷା ଆୟୋଗ  ପ୍ରତିନିଧି ସନ୍ଦୀପ ଚକ୍ରବର୍ତ୍ତୀ ସୋମବାର  ମାଲକାନଗିରି ଗସ୍ତ କରିଛନ୍ତି।  ଜିଲା ଶିଶୁ ମଙ୍ଗଳ କମିଟି ଅଧ୍ୟକ୍ଷ ଅଶୋକ କୁମାର ପଟ୍ଟନାୟକ, ସଦସ୍ୟ ଦୀନବନ୍ଧୁ ଦାସ, ରାମଗୋବିନ୍ଦ ପଣ୍ଡା ଓ ସଦସ୍ୟ ଚୁମୁକି ବେହେରା ସ୍ବାଗତ କରିବା ପରେ ଶିଶୁ ସୁରକ୍ଷା ଦିଗରେ କମିଟି ପକ୍ଷରୁ ନିଆଯାଇଥିବା ବିଭିନ୍ନ ପଦକ୍ଷେପ ସମ୍ପର୍କରେ ଅବଗତ କରାଇଥିଲେ। ପରେ ସେ ସ୍ଥାନୀୟ ପରିବର୍ତ୍ତନ ଶିଶୁ ଗୃହ ପରିଦର୍ଶନ କରି ନଥିପତ୍ର ଯାଞ୍ଚ କରିଥିଲେ। ଏଥିସହ ଶିଶୁଙ୍କ ସହ ସେମାନଙ୍କ ଯନତ୍, ଶିକ୍ଷା ଓ ଖାଦ୍ୟପେୟ ସମ୍ପର୍କରେ ପଚାରି ବୁଝିଥିଲେ।

‘ପେଥାଇ’ ବଢ଼ାଇଲା ଚାଷୀଙ୍କ ଦୁଃଖ: ମଣ୍ଡିରେ ଭିଜିଲା ଧାନ, ଚିନ୍ତାରେ ଚାଷୀ

‘ପେଥାଇ’ ବଢ଼ାଇଲା ଚାଷୀଙ୍କ ଦୁଃଖ: ମଣ୍ଡିରେ ଭିଜିଲା ଧାନ, ଚିନ୍ତାରେ ଚାଷୀ

କାଲିମେଳା,୧୭।୧୨(ଡି.ଏନ୍‌.ଏ.)- ଦକ୍ଷିଣ ପୂର୍ବ ବଙ୍ଗୋପ ସାଗରରେ ସୃଷ୍ଟ ଲଘୁଚାପ ପେଥାଇ କ୍ରମଶ ଘନୀଭୁତ ହେବାରେ ଲାଗିଛି। ଏହାର ପ୍ରଭାବରେ ମାଲକାନଗିରି ଜିଲା କାଲିମେଳା ବ୍ଲକରେ ରବିବାର ଅପରାହ୍ନରୁ ବର୍ଷା ଲାଗିରହିଛି। ମିଳିଥିବା ସୂଚନା ଅନୁଯାୟୀ ଏବେବି ପ୍ରାୟ ୪୦ ପ୍ରତିଶତ ଜମିରେ ଧାନ କଟାଯାଇ ପାରିନାହିଁ।

ଦୁର୍ବୃତ୍ତ ଜାଳିଦେଲେ ଅଟୋ

ଦୁର୍ବୃତ୍ତ ଜାଳିଦେଲେ ଅଟୋ

ଧୋଡ୍ରା,୧୭।୧୨(ଡି.ଏନ.ଏ): ଉମରକୋଟ ଥାନା ଅନ୍ତର୍ଗତ ବଡଭୀମାଗୁଡା ଗ୍ରାମର ଗୋପାଳ ବିଶୋୟୀଙ୍କ ଅଟୋକୁ ଦୁର୍ବୃତ୍ତମାନେ  ନିଆଁ ଲଗାଇ ପୋଡି ଦେଇଛନ୍ତି। ଗୋପାଳ ତାଙ୍କ ଅଟୋକୁ (ନଂ ଓଡି-୨୪ବି୩୯୩୬କୁ) ଘର ଆଗରେ ରଖି  ଶୋଇଥିଲେ।

  ବର୍ଷା ଦେଖି ଧାନ କିଣିବାକୁ ପ୍ରଶାସନର ତତ୍ପରତା:  ତଥାପି ସରୁନି ଚାଷୀଙ୍କ ଦୁଃଖ

ବର୍ଷା ଦେଖି ଧାନ କିଣିବାକୁ ପ୍ରଶାସନର ତତ୍ପରତା: ତଥାପି ସରୁନି ଚାଷୀଙ୍କ ଦୁଃଖ

କୁନ୍ଦୁରା,୧୭।୧୨(ଡି.ଏନ୍‌.ଏ)- ଗୋଟିଏ ପଟେ ପେଥାଇ ଆଗମନରେ ବର୍ଷା, ଅନ୍ୟପଟେ ଧାନ ସାଇତିବାକୁ ଚାଷୀଙ୍କ ଚିନ୍ତା। ଏହାରି ଭିତରେ ଗତ ନଭେମ୍ବର ମାସରୁ ମଣ୍ଡିଖୋଲି ଚୁପ୍‌ ବସିଥିବା ପ୍ରଶାସନ ଏବେ ଧାନ କିଣିବାକୁ ବେଶ୍‌ ତତ୍ପରତା ଦେଖାଇଛି। ଆଜି ଡଙ୍ଗରପାଉଁସୀ ମଣ୍ଡିରେ ଧାନ କିଣିବା ପାଇଁ ପ୍ରଶାସନ ମିଲର୍ସଙ୍କ ସହାୟତାରେ ପ୍ରସ୍ତୁତି ଚଳାଇଛି। ଏତେଦିନ ବିତିଯାଇଥିଲେ ମଧ୍ୟ ଧାନ ନ କିଣି ବର୍ତ୍ତମାନ ପ୍ରଶାସନ ତରବରିଆ ଭାବେ କିଣିବାକୁ ପ୍ରୟାସ କରି ଚାଷୀଙ୍କୁ ବର୍ଷା , ଜାଡ଼ରେ ହଇରାଣ ହରକତ କରୁଛି ବୋଲି କୃଷକ କଲ୍ୟାଣ ମଞ୍ଚ ଅଭିଯୋଗ କରିଛି।