ରାୟଗଡା

କଂଗ୍ରେସର ଚିତ୍ରକୋଣ୍ଡା ବନ୍ଦ ଡାକରା

କଂଗ୍ରେସର ଚିତ୍ରକୋଣ୍ଡା ବନ୍ଦ ଡାକରା

ମାଲକାନଗିରି,୧୧।୧୨(ସ୍ବ.ପ୍ର./ଡି.ଏନ.ଏ.)-ମାଲକାନଗିରି ଜିଲା ଚିତ୍ରକୋଣ୍ଡା ବ୍ଲକ ସଦରରେ ଜିଲା କଂଗ୍ରେସ ତରଫରୁ ସୋମବାର ଛଅ ଦଫା ଦାବି ନେଇ ଭୂ ଆନ୍ଦୋଳନ କରାଯାଇଛି। ପୂର୍ବତନ ଏମ୍‌ପି ପ୍ରଦୀପ ମାଝିଙ୍କ ନେତୃତ୍ୱରେ କର୍ମୀମାନେ ଚିତ୍ରକୋଣ୍ଡା ମିନି ଷ୍ଟାଡିୟମ୍‌ରୁ ଏକ ଶୋଭାଯାତ୍ରା ବାହାରି ତହସିଲ କାର୍ଯ୍ୟାଳୟ ନିକଟରେ ପହଞ୍ଚି ଥିଲେ। ା ଭୂମିହୀନଙ୍କୁ ପଟ୍ଟା ପ୍ରଦାନ ଓ ଛାତ୍ରୀଛାତ୍ରଙ୍କୁ ପ୍ରଶାସନ ପକ୍ଷରୁ ଜାତିଗତ ପ୍ରମାଣପତ୍ର ଦେବା ନେଇ ସ୍ଳୋଗାନ ଦେବା ସହ ତହସିଲ କାର୍ଯ୍ୟାଳୟ ଘେରାଉ କରିଥିଲେ। ଏହାପରେ ଡାଲଖାଇ ମନ୍ଦିର ନିକଟରେ ଥିବା ଏସ୍‌ଆର କମ୍ପାନୀର ପମ୍ପ ହାଉସ୍‌ ଗୃହକୁ ଯାଇଥିଲେ। ସେଠାରେ କମ୍ପାନୀର ବୁଷ୍ଟର ପମ୍ପିଙ୍ଗ ହାଉସ ଘେରାଉ କରି ଦଳ ୪ଦଫା ଦାବି ରଖିଥିଲେ। ଏସଆର କମ୍ପାନୀ ୨୦୦୪ ମସିହାରୁ ଚିତ୍ରକୋଣ୍ଡାଠରେ ସ୍ଥାପନ କରି ବାର୍ଷିକ ୧୭୦୦ରୁ ୧୮୦୦ କୋଟି ଲାଭ ପାଉଛି ବୋଲି ପୂର୍ବତନ ଏମ୍‌ପି କହିଥିଲେ। ଏତେ ଲାଭ ନେଲା ପରେ ଚିତ୍ରକୋଣ୍ଡା ପାଇଁ କିଛି କରୁନାହିଁ। ତେଣୁ ଏସ୍‌ଆର କମ୍ପାନୀ ଦ୍ୱାରା ପଣସପୁଟ, କୁରୁମାନୁର ଏବଂ ଯନ୍ତାବାଇ ଠାରେ ପ୍ରାଥମିକ ଚିକିତ୍ସାଳୟ ସ୍ଥାପନ, ଚିତ୍ରକୋଣ୍ଡାଠାରେ କୁଶଳି ତାଲିମ କେନ୍ଦ୍ର ସ୍ଥାପନ, ସେହିପରି ଚିତ୍ରକୋଣ୍ଡାଠାରେ ପ୍ରାଥମିକ ଠାରୁ ଡିଗ୍ରୀ ପର୍ଯ୍ୟନ୍ତ ଶିକ୍ଷାନୁଷ୍ଠାନ ସ୍ଥାପନ ପ୍ରତ୍ୟେକ ଗ୍ରାମରେ ବିଶୁଦ୍ଧ ପାନୀୟଜଳ ଯୋଗାଣ ଦାବି ରଖାଯାଇଥିଲା। ଏହା ପରେ କମ୍ପାନୀ ମଙ୍ଗଳବାରଠାରୁ ପାନୀୟ ଜଳ ଯୋଗାଣ ବ୍ୟବସ୍ଥା କରିବା ନେଇ ଦାବି ମାନି ନେଇଛି। ଆଗାମୀ ଦିନରେ ଅନ୍ୟ ଦାବି ଗୁଡିକ କାର୍ଯ୍ୟକ୍ଷମ ହେବ ବୋଲି ପ୍ରତିଶ୍ରୁତି ଦେଇଥିଲେ। ସେହପରି ଛାତ୍ରୀଛାତ୍ରମାନଙ୍କୁ ଜାତିଗତ ପ୍ରମାଣ ପତ୍ର ଯୋଗାଇଦେବାକୁ ତହସିଲଦାର ଫାଲଗୁନି ମାଝି ଏକ ଲିଖିତ ପ୍ରତିଶ୍ରୁତି ଦେଇଛନ୍ତି। କିନ୍ତୁ କଂଗ୍ରେସ ନେତା ଆନ୍ଦୋଳନ ଜାରି ରଖିଥିବା ବେଳେ ତହସିଲ କାର୍ଯ୍ୟାଳୟ ସମ୍ମୁଖରେ ଧାରଣାରେ ବସି ରହିଛନ୍ତି। ମଙ୍ଗଳାବାର ଚିତ୍ରକୋଣ୍ଡା ବନ୍ଦ ଡାକରା ଦିଆଯିବ ବୋଲି କୁହାଯାଇଛି। ଏହି ଆନ୍ଦୋଳନରେ ନବରଙ୍ଗପୁର ଜିଲା କଂଗ୍ରେସ ସଭାପତି ମୁନା ତ୍ରିପାଠୀ, କୋରାପୁଟ ବିଧାୟକ କୃଷ୍ଣ ସଗରିଆ, ଲକ୍ଷ୍ମୀପୁର ବିଧାୟକ କିଲିସା କୁଲୁସିକା, ଜିଲା ସଭାପତି ଗୋବିନ୍ଦ ପାତ୍ର, ରାମ ପଟ୍ଟୟନାୟକ, ଶରତ ବୁରୁଦା, କାଲିମେଳା ବ୍ଲକ୍‌ ଅଧ୍ୟକ୍ଷ ମାଲାମାଢି, ଏସିଏସଟି ସେଲ୍‌ ଜିଲା ସଭାପତି ପର୍ଶୁରାମ ଭକ୍ତ ପ୍ରମୁଖ ଯୋଗଦେଇଛନ୍ତି।

All Right Reserved By

Model This Week

Model This Week

ରାୟଗଡା

  ବିଶ୍ବ ମ୍ୟାଲେରିଆ ଦିବସ ପାଳିତ

ବିଶ୍ବ ମ୍ୟାଲେରିଆ ଦିବସ ପାଳିତ

ମାଥିଲି , ୨୫।୪ (ଡି.ଏନ.ଏ): ମାଲକାନଗିରି ଜିଲା ମାଥିଲି ବ୍ଲକ ଅନ୍ତର୍ଗତ ବଳଦିଆଗୁଡାସ୍ଥିତ ଏସଏସଡି ବାଳିକା ଊଚ୍ଚ ବିଦ୍ୟାଳୟ ପରିସରରେ ବୁଧବାର ବିଶ୍ବ ମ୍ୟାଲେରିଆ ଦିବସ ପାଳିତ ହୋଇଯାଇଛି ।

ସୁପରଭାଇଜରଙ୍କୁ ଗଳାକାଟି ହତ୍ୟା

ସୁପରଭାଇଜରଙ୍କୁ ଗଳାକାଟି ହତ୍ୟା

ମାଲକାନଗିରି,୨୫।୪(ସ୍ବ.ପ୍ର.): ମାଲକାନଗିରି ସୀମାନ୍ତରେ ପୁଣି ମାଓବାଦୀ ଆତଙ୍କ ଦେଖାଦେଇଛି। ସୀମାନ୍ତ ଛତିଶଗଡର ଗଡମିରି ଗ୍ରାମରେ ଜଣକ ଗଳାକାଟି ହତ୍ୟା କରିଛନ୍ତି। ତାଙ୍କ ନାମ ଶିକୁ ରାଜୁ।

ସଡ଼କ ସୁରକ୍ଷା ସପ୍ତାହ ପାଳିତ

ସଡ଼କ ସୁରକ୍ଷା ସପ୍ତାହ ପାଳିତ

ଗୁଣପୁର,୨୫। ୪(ଡ଼ି.ଏନ.ଏ)-ଗୁଣପୁରରେ ସଡ଼କ ସୁରକ୍ଷା ସପ୍ତାହ ପାଳିତ ହୋଇଯାଇଛି । ଏହି ଅବସରରେ ଏକ ବାଇକ ଶୋଭାଯାତ୍ରା ବାହାରି ସହର ପରିକ୍ରମା କରି ନୂତନ ବସଷ୍ଟାଣ୍ଡଠାରେ ପହଞ୍ଚତ୍ଥିଲା ।

ବିଭିନ୍ନ ଉନ୍ନୟନମୂଳକ କାର୍ଯ୍ୟର ଭିତ୍ତିପ୍ରସ୍ତର ସ୍ଥାପନ

ସୁନାବେଡ଼ା,୨୫।୪(ଡ଼ି.ଏନ.ଏ)-ସୁନାବେଡ଼ା ପୌର ପରିଷଦର ବିଭିନ୍ନ ଓ୍ବାର୍ଡ଼ରେ ଉନ୍ନୟନମୂଳକ କାର୍ଯ୍ୟର ଭିତ୍ତିପ୍ରସ୍ତର ସ୍ଥାପନ କରାଯାଇଛି । ଏହି କାର୍ଯ୍ୟକ୍ରମରେ ନଗରପାଳିିକା ଶୁଭଶ୍ରୀ ମଲ୍ଲିକ, କାର୍ଯ୍ୟନିର୍ବାହୀ ଅଧିକାରୀ ସ୍ବାସ୍ଥିକ ଯାମେଦାର, ଓ୍ବାର୍ଡ଼ମେମ୍ବର ବିଦୁ ବିଶୋଇ, ପୌର ପରିଷଦର କର୍ମଚାରୀ ଯୋଗ ଦେଇଥିଲେ । ବର୍ଷା ଦିନ ପୂର୍ବରୁ ଉକ୍ତ କାର୍ଯ୍ୟ ଶେଷ କରିବାକୁ କୁହାଯାଇଛି ।

ଡିଏଭି ଗୁରୁକୂଳର ବାର୍ଷିକ ଉତ୍ସବ

ଡିଏଭି ଗୁରୁକୂଳର ବାର୍ଷିକ ଉତ୍ସବ

ମାଲକାନଗିରି,୨୫।୪(ସ୍ବ.ପ୍ର.)-ମାଲକାନଗିରି ସଦର ମହକୁମ୍ମା ନୂଆଗୁଡାଠାରେ ଥିବା ଡିଏଭି ଗୁରୁକୂଳ ବିଦ୍ୟାଳୟର ବାର୍ଷିକ ଉତ୍ସବ ଜିଲା ପରିଷଦ ସଭାଗୃହଠାରେ ଅନୁଷ୍ଠିତ ହୋଇଯାଇଛି। ବିଦ୍ୟାଳୟ ଅଧ୍ୟକ୍ଷ ସୁଶାନ୍ତ କୁମାର ଦାସଙ୍କ ଅଧ୍ୟକ୍ଷତାରେ ହୋଇଥିବା ଏହି ଉତ୍ସବରେ ଜିଲା ପରିଷଦ ଅଧ୍ୟକ୍ଷ ଦଶରଥ ପଡିଆମି ମୁଖ୍ୟଅତିଥି ରୂପେ ଯୋଗଦେଇଥିଲେ।

ଜବରଦଖଲକାରୀଙ୍କ କବ୍‌ଜାରେ ୪୦ ଏକର ଜମି

ଜବରଦଖଲକାରୀଙ୍କ କବ୍‌ଜାରେ ୪୦ ଏକର ଜମି

ଜୟପୁର,୨୫।୪ (ନି.ପ୍ର)- କୋରାପୁଟ ଜିଲା ଜୟପୁରରେ ସରକାରଙ୍କ ଜମି କ୍ରମାଗତ ଭାବେ ଜବରଦଖଲ ହେବାରେ ଲାଗିଛି । ଯାହାଦ୍ୱାରା ରାଜ୍ୟ ସରକାରଙ୍କ ବହୁ ଉନ୍ନୟନମୂଳକ କାର୍ଯ୍ୟ ଜମି ଅଭାବରୁ ଅଟକି ରହିଛି । ବିଶେଷ କରି ରାଜ୍ୟ ସରକାର ଆଇଟି ପାର୍କ ପାଇଁ ୫ ଏକର ବଦଳରେ ୩ ଏକର ଜମି ଦେଇଥିବାରୁ ଏହି ପ୍ରକଳ୍ପ ଆଗେଇ ପାରୁ ନାହିଁ । ଏପରିକି ଜିଲା ମୁଖ୍ୟ ଚିକିତ୍ସାଳୟ ଜୟପୁରରେ ପ୍ରତିଷ୍ଠା ପାଇଁ ମୁଖ୍ୟମନ୍ତ୍ରୀ ଘୋଷଣା କରିଥିବା ବେଳେ ମାତୃ ଓ ଶିଶୁ ଚିକିତ୍ସାଳୟକୁ ଦିଆଯାଇଥିବା ମାତ୍ର ୨୪ ଏକର ଜମିରେ ଏହା ସିମିତି ରହି ଭବିଷ୍ୟତରେ ସମସ୍ୟା ସୃଷ୍ଟି କରବ ବୋଲି ଆଶଙ୍କା ପ୍ରକାଶ ପାଇଲାଣି ।

ବିଶ୍ୱ ମ୍ୟାଲେରିଆ ଦିବସ ପାଳିତ

ବିଶ୍ୱ ମ୍ୟାଲେରିଆ ଦିବସ ପାଳିତ

ଉମରକୋଟ,୨୫।୪(ଡ଼ି.ଏନ.ଏ)-ନବରଙ୍ଗପୁର ଜିଲା ଉମରକୋଟ ପଞ୍ଚାୟତ ପୁଜାରିଗୁଡ଼ା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ପକ୍ଷରୁ ବୁଧବାର ସ୍ବାସ୍ଥ୍ୟକେନ୍ଦ୍ର ପରିସରରେ ଥିବା ସଭାଗୃହରେ ବିଶ୍ୱ ମ୍ୟାଲେରିଆ ଦିବସ ପାଳିତ ହୋଇଯାଇଛି । ଏଥିରେ ଗୋଷ୍ଠୀ ଉନ୍ନୟନ ଅଧିକାରୀ ତରଣି ସୁନା ମୁଖ୍ୟଅତିଥି ଭାବେ ଯୋଗ ଦେଇ ଏହାକୁ ଉଦ୍‌ଘାଟନ କରିଥିଲେ।

କଂଗ୍ରେସର କର୍ମୀ ସମ୍ମିଳନୀ: ୫୦ରୁ ଊର୍ଦ୍ଧ୍ୱ ବିଜେଡ଼ି ଛାଡ଼ିଲେ

କଂଗ୍ରେସର କର୍ମୀ ସମ୍ମିଳନୀ: ୫୦ରୁ ଊର୍ଦ୍ଧ୍ୱ ବିଜେଡ଼ି ଛାଡ଼ିଲେ

ସେମିଳିଗୁଡ଼ା,୨୫।୪(ସ୍ବ.ପ୍ର)- କୋରାପୁଟ ଜିଲା ସେମିଳିଗୁଡ଼ାରେ ବୁଧବାର କଂଗ୍ରେସର ଏକ କର୍ମୀ ସମ୍ମିଳନୀ ଅନୁଷ୍ଠିତ ହୋଇଯାଇଛି। କଂଗ୍ରେସ କର୍ମୀମାନେ ଦାମନଯୋଡ଼ି ଛକ ନିକଟରୁ ଏକ ମୋଟରସାଇକେଲ ରାଲି ଯୋଗେ ବାହାରି ସେମିଳିଗୁଡ଼ା ସହର ପରିକ୍ରମା କରିଥିଲେ।

 ପିଡିଏସ ଚାଉଳ, କିରୋସିନ ପାଇବାରୁ ବଞ୍ଚିତ ୧୦ ଗ୍ରାମବାସୀ,  ଜିଲାପାଳଙ୍କ ଦ୍ୱାରସ୍ଥ

ପିଡିଏସ ଚାଉଳ, କିରୋସିନ ପାଇବାରୁ ବଞ୍ଚିତ ୧୦ ଗ୍ରାମବାସୀ, ଜିଲାପାଳଙ୍କ ଦ୍ୱାରସ୍ଥ

କୋରାପୁଟ,୨୫ । ୪(ସ୍ବ.ପ୍ର)- ଦୁଇ ମାସ ହେଲା ପିଡିଏସ ଚାଉଳ ଓ କିରୋସିନ ପାଇବାରୁ ବଞ୍ଚିତ ହୋଇଛନ୍ତି ଦଶମନ୍ତପୁର ବ୍ଲକର ୧୦ ଟି ଗ୍ରାମବାସୀ । ସେମାନେ ବୁଧବାର ଜିଲାପାଳଙ୍କ ଦ୍ୱାରସ୍ଥ ହୋଇଛନ୍ତି ।

ଛାତ୍ରୀ ଶିଖିଲେ ଆତ୍ମ ସୁରକ୍ଷା କୌଶଳ

ଛାତ୍ରୀ ଶିଖିଲେ ଆତ୍ମ ସୁରକ୍ଷା କୌଶଳ

ଧୋଡ଼୍ରା,୨୫।୪(ଡ଼ି.ଏନ.ଏ)-ନବରଙ୍ଗପୁର ଜିଲା ଝରିଗାଁ ବ୍ଲକ ଧୋଡ଼୍ରା ଅଲେଖ ମହିମା ମହାବିଦ୍ୟାଳୟରେ ଆତ୍ମରକ୍ଷା ସୁରକ୍ଷା ତାଲିମ ଶିବିର ଅନୁଷ୍ଠିତ ହୋଇଯାଇଛି। ଏଥିରେ ଅଧ୍ୟକ୍ଷ ବିବେକାନନ୍ଦ ବାରିକ ସଭାପତିତ୍ୱ କରିଥିଲେ । ଆତ୍ମ ସୁରକ୍ଷା ତାଲିମ ଦାୟିତ୍ୱରେ ଥିବା ଓଡ଼ିଆ ଅଧ୍ୟାପିକା ନର୍ମଦା ଭତ୍ରା ଏବଂ ଇଂରାଜୀ ଅଧ୍ୟାପିକା ଏମ. ମଧୁଛନ୍ଦା ଶିବିର ପରିଚାଳନା କରିଥିଲେ ।

ବିଶ୍ୱ ମ୍ୟାଲେରିଆ ଦିବସ: ସଚେତନତା ରୋକିଛି ମ୍ୟାଲେରିଆ

ବିଶ୍ୱ ମ୍ୟାଲେରିଆ ଦିବସ: ସଚେତନତା ରୋକିଛି ମ୍ୟାଲେରିଆ

ରାୟଗଡା ଅଫିସ୍‌, ୨୫।୪- ୨୦୦୮ରୁ ଜିଲା ସ୍ବାସ୍ଥ୍ୟ ବିଭାଗ ପକ୍ଷରୁ ରାୟଗଡାରେ ଜିଲାସ୍ତରୀୟ ବିଶ୍ୱ ମ୍ୟାଲେରିଆ ଦିବସ ପାଳିତ ହୋଇ ଆସୁଛି । ରାୟଗଡା ଜିଲା ମ୍ୟାଲେରିଆ ପାଇଁ ଚର୍ଚ୍ଚାର ପରିଧିରେ ରହି ଆସିଥିଲା । ବର୍ତ୍ତମାନ ମ୍ୟାଲେରିଆ ନିରାକରଣ ହୋଇପାରିଛି । ଫଳରେ ମ୍ୟାଲେରିଆ ରୋଗୀଙ୍କ ସଂଖ୍ୟା ହ୍ରାସ ପାଇଛି । ଏନେଇ ଜିଲା ପ୍ରଶାସନ ପକ୍ଷରୁ ‘ଆମ ସଙ୍କଳ୍ପ’, ‘ଦମନ’ କାର୍ଯ୍ୟକ୍ରମ କରାଯାଇ ମଶାରୀ ବଣ୍ଟନ, ମଶାରୀ ବ୍ୟବହାର ପାଇଁ ଆଶା ଓ ଅଙ୍ଗନୱାଡ଼ି କର୍ମୀ ଦ୍ୱାରା ଘଣ୍ଟି ବଜାଇବା, ସ୍କୁଲ କଲେଜ ଛାତ୍ରୀଛାତ୍ରମାନଙ୍କୁ ସଚେତନ କରାଯାଇଥିଲା । ଜିଲାର ପ୍ରାୟ ୫୮୦ଟି ଦୁର୍ଗମ ଅଞ୍ଚଳରେ ସ୍ବାସ୍ଥ୍ୟ ବିଭାଗ ପକ୍ଷରୁ ଏକ ସ୍ବତନ୍ତ୍ର କ୍ୟାମ୍ପ କରାଯାଇ ରୋଗୀଙ୍କ ରକ୍ତ ନମୁନା ପରୀକ୍ଷା କରିବା ସହିତ ଆବଶ୍ୟକ ଔଷଧ ଓ ଚିକିତ୍ସା କରାଯିବାରୁ ଆକ୍ରାନ୍ତଙ୍କ ସଂଖ୍ୟା ହ୍ରାସ ପାଇଛି ।

ମାଥିଲିରେ ଉତ୍କଟ ହେଉଛି ପାନୀୟ ଜଳ ସମସ୍ୟା

ମାଥିଲିରେ ଉତ୍କଟ ହେଉଛି ପାନୀୟ ଜଳ ସମସ୍ୟା

ମାଥିଲି, ୨୫।୪ (ଡି.ଏନ୍‌.ଏ.): ଗ୍ରୀଷ୍ମର ପ୍ରକୋପରେ ଲୋକଙ୍କୁ ବୁନ୍ଦାଏ ପାଣି ମିଳିବା କଷ୍ଟକର ହୋଇପଡିଲାଣି । ଏପରି ପରିସ୍ଥିତିରେ ପଦକ୍ଷେପ ନେଉନାହିଁ ଜିଲା ପ୍ରଶାସନ । ଏହାର ଫାଇଦା ନେଉଛି ରାସ୍ତା ନିର୍ମାଣକାରୀ ସଂସ୍ଥା । ମାଲକାନଗିରି ଜିଲା ମାଥିଲି ବ୍ଲକର ଜନ ପ୍ରତିନିଧିମାନେ ଏପରି ଅଭିଯୋଗ ଆଣିଛନ୍ତି । ଗଣମାଧ୍ୟମ ସମ୍ମୁଖରେ ଜିଲା ପ୍ରଶାସନର ଅପାରଗତା ଯୋଗୁ ସାଧାରଣ ଲୋକେ ପାଣି ପାଇଁ ସମସ୍ୟା ଭୋଗୁଥିବା ଅଭିଯୋଗ ହୋଇଛି । ମାଥିଲି ଜୋନ-୩ର ଜିଲା ପରିଷଦ ସଭ୍ୟ ବାଲରାଜୁ କପେ ଓ ମାଥିଲି ସରପଞ୍ଚ ଗୌରୀ ବଟେ ଏହି ଅଭିଯୋଗ କରିଛନ୍ତି ।