Dharitri News
ରାୟଗଡା

ରାୟଗଡ଼ାରେ କାର୍ଯ୍ୟାଳୟ,ଗୁଣପୁରରେ କାମ

ରାୟଗଡ଼ାରେ କାର୍ଯ୍ୟାଳୟ,ଗୁଣପୁରରେ କାମ ଗୁଣପୁର, ୧୧।୧୨(ଡି.ଏନ.ଏ)-ରାୟଗଡାରେ ପୂର୍ତ୍ତବିଭାଗ ତଥା ରାସ୍ତା ଓ କୋଠାବାଡି ବିଭାଗର ଦୁଇଟି ଡିଭିଜନ କାର୍ଯ୍ୟାଳୟ ରହିଛି। ଡିଭିଜନ-୧ ଅଧୀନରେ ରାୟଗଡା, କାଶୀପୁର ସହ ଅନ୍ୟାନ୍ୟ ଅଞ୍ଚଳର କାର୍ଯ୍ୟ ହେଉଛି। ଅପରପକ୍ଷେ ଡିଭିଜନ-୨ ଅଧୀନରେ ଗୁଣପୁର-୧, ୨ ଓ ବିଷମକଟକ ଅଞ୍ଚଳ ରହିଛି। ଗୁଣପୁର ୧ରେ ଗୁଣପୁର ଓ ରାମନାଗୁଡା ଥିବାବେଳେ ଗୁଣପୁର-୨ ଅଧୀନରେ ପଦ୍ମପୁର ଓ ଗୁଡାରୀ ଅଞ୍ଚଳ ରହିଛି। ସେହିପରି ବିଷମକଟକ ଅଧୀନରେ ବିଷମକଟକ, ମୁନିଗୁଡା ଓ ଚନ୍ଦ୍ରପୁର ରହିଛି। ଏପରି ଭୌଗଳିକ ସୀମା ମଧ୍ୟରେ ଆବଦ୍ଧ ହୋଇଥିବା ପୂର୍ତ୍ତବିଭାଗରେ ଡିଭିଜନ-୨ର କାର୍ଯ୍ୟ ଚାଲିଛି। ଡିଭିଜନ-୨ରେ ଗୁଣପୁର ଉପଖଣ୍ଡ ଯଥା ଗୁଣପୁର, ପଦ୍ମପୁର, ଗୁଡାରୀ, ରାମନାଗୁଡା, ବିଷମକଟକ, ମୁନିଗୁଡା ଓ ଚନ୍ଦ୍ରପୁର ଏପରି ୭ଟି ବ୍ଲକ ଅଞ୍ଚଳର ରାସ୍ତା, କୋଠାବାଡି କାର୍ଯ୍ୟ ତଦାରଖ କରାଯାଉଛି। ଏହି ଡିଭିଜନ-୨ର କାର୍ଯ୍ୟାଳୟ ରାୟଗଡା ସହରଠାରୁ ୭କିମି ଦୂର କୁମିଟିପେଣ୍ଠରେ ଅବସ୍ଥିତ। ଦୁଇଟି ଡିଭିଜନ ପାଇଁ ଦୁଇଜଣ ନିର୍ବାହୀ ଅଧିକାରୀ କାର୍ଯ୍ୟ କରୁଛନ୍ତି। ଡିଭିଜନ-୨ରେ ନିର୍ବାହୀ ଯନ୍ତ୍ରୀ ଭାବେ ସୀମାଦ୍ରି ନାୟକ ଗତ କିଛିଦିନ ହେବ ଅବସ୍ଥାପିତ ହୋଇଛନ୍ତି। ତେବେ ବିଡମ୍ବନାର ବିଷୟ, ଡିଭିଜନ-୨ ଅଧୀନରେ ଗୁଣପୁର ଉପଖଣ୍ଡର ସମସ୍ତ କାର୍ଯ୍ୟ ହେଉଥିବା ବେଳେ ନିର୍ବାହୀ ଅଧିକାରୀଙ୍କ କାର୍ଯ୍ୟାଳୟ ଗୁଣପୁର ପରିବର୍ତ୍ତେ ରାୟଗଡାରେ କାର୍ଯ୍ୟକ୍ଷମ ହେଉଛି। ଏନେଇ ସାଧାରଣରେ ତୀବ୍ର ଅସନ୍ତୋଷ ଦେଖାଦେବା ସହ କାହା ସ୍ବାର୍ଥରେ ରାୟଗଡାରେ ଉକ୍ତ ଅଫିସ୍‌ କାର୍ଯ୍ୟକ୍ଷମ ହେଉଛି ବୋଲି ପ୍ରଶ୍ନ ଉଠିଛି। ଗୁଣପୁରଠାରେ ସାଉଥକୋ ନିର୍ବାହୀ ଯନ୍ତ୍ରୀ, ଗ୍ରାମ୍ୟ ନିର୍ମାଣ ବିଭାଜନ ନିର୍ବାହୀ ଯନ୍ତ୍ରୀଙ୍କ ଭଳି ଅଫିସ ଚାଲିଛି। ପୂର୍ତ୍ତ ବିଭାଗ ନିର୍ବାହୀ ଯନ୍ତ୍ରୀଙ୍କ ଅଫିସ୍‌ ଗୁଣପୁର ପରିବର୍ତ୍ତେ ରାୟଗଡାରେ କାହିଁକି ରହିଛି ତାହାକୁ ନେଇ ସାଧାରଣରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ରାୟଗଡାରେ ୨ଟି ଡିଭିଜନ ପାଇଁ ଦୁଇଟି ସ୍ବତନ୍ତ୍ର କାର୍ଯ୍ୟାଳୟ ଚାଲିଥିବା ବେଳେ ଏହା ଗୁଣପୁରରେ କାହିଁକି କାର୍ଯ୍ୟକ୍ଷମ ହେଉନାହିଁ ବୋଲି ପ୍ରଶ୍ନ ଉଠିଛି। ବର୍ତ୍ତମାନ ଡିଭିଜନ-୨ ଅଧୀନରେ କୋଟି କୋଟି ଟଙ୍କାର ଅନେକ ଉନ୍ନୟନମୂଳକ କାର୍ଯ୍ୟ ଯଥା ରାସ୍ତା, କୋଠା ଆଦି କାମ ଚାଲିଛି। ରାୟଗଡାରେ ଏହା କାର୍ଯ୍ୟକ୍ଷମ ହେଉଥିବାରୁ ବିଭିନ୍ନ କାମ ପାଇଁ ଦୀର୍ଘ ୭୫କିମି ଦୂର ଯିବାକୁ ପଡୁଛି। ଫଳରେ ନାନା ସମସ୍ୟା ଦେଖାଦେବା ସହ କାର୍ଯ୍ୟରେ ବିଳମ୍ବ ଘଟୁଛି। ନିର୍ମାଣ କାର୍ଯ୍ୟର ଅଗ୍ରଗତି ଓ ତ୍ବରିତ ଅନୁଧ୍ୟାନ କରି ଶୀଘ୍ର କାମ ସମ୍ପନ୍ନ ଉଦ୍ଦେଶ୍ୟରେ ସରକାର ଡିଭିଜନ -୨ ଅଫିସ୍‌ ଖୋଲିଥିଲେ। ମାତ୍ର ବାସ୍ତବରେ ସରକାରଙ୍କ ଉଦ୍ଦେଶ୍ୟ ସାଧିତ ହୋଇପାରୁନାହିଁ। ତେଣୁ ଲୋକେ ଏଭଳି ବ୍ୟବସ୍ଥାକୁ ଗ୍ରହଣ କରିପାରୁନାହାନ୍ତି। ଏ ନେଇ ବିଭିନ୍ନ ମହଲରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି। ଗ୍ରାମ୍ୟ ନିର୍ମାଣ ବିଭାଜନର ଡିଭିଜନ ଅଫିସ ଗୁଣପୁରରେ ଥିବାବେଳେ ପୂର୍ତ୍ତବିଭାଗର ଡିଭିଜନ-୨ ଅଫିସ ରାୟଗଡାରେ କାର୍ଯ୍ୟକ୍ଷମ ହେବାର କୌଣସି ଯଥାର୍ଥତା ନାହିଁ ବୋଲି ଜିଲାପରିଷଦ ସଭାପତି ପୁରୁଷୋତ୍ତମ ଗମାଙ୍ଗ କହିଛନ୍ତି। ନବନିର୍ମାଣ ସମିତିର ଅଧ୍ୟକ୍ଷ ଅକ୍ଷୟ ଦାସ କହିଛନ୍ତି ଯେ, ଗୁଣପୁର ପରିବର୍ତ୍ତେ ରାୟଗଡାରେ ଅଫିସ ରହିବା ଦୁର୍ଭାଗ୍ୟଜନକ। ଗୁଣପୁରବାସୀଙ୍କ ପାଇଁ ଏହା ଅବହେଳା ସଦୃଶ। ଜିଲାପାଳ ଏଥିପ୍ରତି ଦୃଷ୍ଟି ଦେଇ ତୁରନ୍ତ ପଦକ୍ଷେପ ନ ନେଲେ ଆମେ ଆଗାମୀ ଦିନରେ ବିଭାଗୀୟ ମନ୍ତ୍ରୀ ଓ ମୁଖ୍ୟମନ୍ତ୍ରୀଙ୍କୁ ଜଣାଇବୁ। ଆବଶ୍ୟକ ପଡିଲେ ଆନ୍ଦୋଳନକୁ ଓହ୍ଲାଇବୁ। ସେହିପରି ଗୁଣପୁର ବିଧାୟକ ତ୍ରିନାଥ ଗମାଙ୍ଗ କହିଛନ୍ତି, ଯେହେତୁ ଡିଭିଜନ-୨ ଅଫିସ ଅଧୀନରେ ଗୁଣପୁର ଉପଖଣ୍ଡର ସମସ୍ତ କାର୍ଯ୍ୟ ହେଉଛି ତେଣୁ ଗୁଣପୁରରେ ହିଁ ଅଫିସ ରହିବା କଥା। ଅଞ୍ଚଳବାସୀଙ୍କ ସ୍ବାର୍ଥ ଦୃଷ୍ଟିରୁ ଏହି ପ୍ରସଙ୍ଗ ମୁଁ ବିଧାନସଭାରେ ଉଠାଇବି।

ରାୟଗଡା

ସମ୍ପର୍କରେ ରକ୍ତ ଛିଟ: ପିଟିପିଟି ମାରିଦେଲେ ସ୍ତ୍ରୀ, ପୁଅ

ନବରଙ୍ଗପୁର, ୨୦।୧(ବି.ପ୍ର.)- ପାରିବାରିକ କଳହ କିଭଳି ଉଗ୍ର ରୂପ ନେଇପାରେ ଏହାର ଏକ ଦୃଷ୍ଟାନ୍ତ ଶନିବାର ନବରଙ୍ଗପୁର ଜିଲାରେ ଦେଖିବାକୁ ମିଳିଛି। ଚରିତ୍ରରେ ସନ୍ଦେହ କରି ଘରେ ଝଗଡା ଓ ମାରପିଟ କରୁଥିବା ଜଣେ ବ୍ୟକ୍ତିଙ୍କୁ କାଠ ଫାଳିଆରେ ପିଟିପିଟି ହତ୍ୟା କରିଛନ୍ତି ତାଙ୍କ ସ୍ତ୍ରୀ ଓ ପୁଅ। ସେ ହେଲେ ରାଇଘର ଥାନା ସରଗୁଲି ଅଞ୍ଚଳର ବଳଦେବ ଗଣ୍ଡ(୫୦)।

ପ୍ରେସର ବୋମା ବିସ୍ଫୋରଣରେ ଯବାନ ଗୁରୁତର

ମାଲକାନଗିରି, ୨୦।୧(ଡି.ଏନ୍‌.ଏ.)- ସୀମାନ୍ତ ଛତିଶଗଡ ଦାନ୍ତଓ୍ବୋଡା ଜିଲା ତୁମନାର ହାଟରେ ପ୍ରେସର ବୋମା ବିସ୍ଫୋରଣରେ ଜଣେ ଯବାନ ଗୁରୁତର ହୋଇଛନ୍ତି। ସେ ହେଲେ ଯବାନ ରାମ କର୍ମା। ମାଓବାଦୀମାନେ ରାମଙ୍କୁ ଟାର୍ଗେଟ କରି ବୋମାଟିକୁ ଗଛତଳେ ପୋତିଥିଲେ।

ବିଷାକ୍ତ ଖାଦ୍ୟ ଖାଇ ଛାତ୍ର ମୃତ

ବିଷାକ୍ତ ଖାଦ୍ୟ ଖାଇ ଛାତ୍ର ମୃତ

ନବରଙ୍ଗପୁର, ୨୦।୧(ବି.ପ୍ର.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ମାଳିଗୁଡ଼ା ଉଚ୍ଚ ପ୍ରାଥମିକ ବିଦ୍ୟାଳୟର ଜଣେ ଛାତ୍ରଙ୍କ ଝାଡ଼ାବାନ୍ତିରେ ମୃତ୍ୟୁ ହୋଇଛି। ସେ ହେଲେ ଷଷ୍ଠ ଶ୍ରେଣୀର ଛାତ୍ର ଗୁରୁବନ୍ଧୁ ଭତ୍ରା। ଏହାଛଡା ବିଦ୍ୟାଳୟର ଅନ୍ୟ ୧୩ଜଣ ଛାତ୍ର ଏଥିରେ ଆକ୍ରାନ୍ତ ହୋଇ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଚିକିତ୍ସିତ ହେଉଛନ୍ତି। ଖବରପାଇ ଏକ ଡାକ୍ତରୀ ଦଳ ବିଦ୍ୟାଳୟରେ ପହଞ୍ଚି ଆଉ ୭ଜଣ ଆକ୍ରାନ୍ତଙ୍କୁ ଚିକିତ୍ସା କରୁଛନ୍ତି। ଫୁଡ୍‌ ପଏଜନିଂରେ ଛାତ୍ରଙ୍କ ମୃତ୍ୟୁ ହୋଇଥିବା ଡାକ୍ତର ବ୍ରହ୍ମପ୍ରକାଶ ମହାନ୍ତି କହିଛନ୍ତି।

ସୀମାନ୍ତରେ ଲାଲ୍‌ ଆତଙ୍କ: ପୋଲିସ ଇନ୍‌ଫର୍ମର ସନ୍ଦେହରେ ଯୁବକଙ୍କୁ ହତ୍ୟା

ସୀମାନ୍ତରେ ଲାଲ୍‌ ଆତଙ୍କ: ପୋଲିସ ଇନ୍‌ଫର୍ମର ସନ୍ଦେହରେ ଯୁବକଙ୍କୁ ହତ୍ୟା

ମାଲକାନଗିରି, ୨୦।୧(ସ୍ବ.ପ୍ର.)- ସୀମାନ୍ତ ଛତିଶଗଡ ସୁକ୍‌ମା ଜିଲାର ଚିନୁଲନାର ଅଞ୍ଚଳର ଜଣେ ଯୁବକଙ୍କୁ ପୋଲିସ ଇନ୍‌ଫର୍ମର ସନ୍ଦେହରେ ମାଓବାଦୀମାନେ ହତ୍ୟା କରିଛନ୍ତି। ସେ ହେଲେ ରାଜେଶ ଯାଦବ। ଶନିବାର ସକାଳେ ଦରନାପାଲର ଜଗରମୁଣ୍ଡା ରାସ୍ତା ନିକଟସ୍ଥ ମୁକ୍ରମ ନାଳ ପାଖରେ ରାଜେଶଙ୍କ ମୃତଦେହ ପଡିଥିବା ସ୍ଥାନୀୟ ଲୋକେ ଦେଖିବାକୁ ପାଇଥିଲେ।

ସୀମାନ୍ତରେ ଗାଡି ଜାଳିଲେ ମାଓବାଦୀ

ସୀମାନ୍ତରେ ଗାଡି ଜାଳିଲେ ମାଓବାଦୀ

ମାଲକାନଗିରି, ୨୦।୧(ଡି.ଏନ୍‌.ଏ.) ସୀମାନ୍ତ ଦାନ୍ତଓ୍ବୋଡା ଜିଲା ଫରସପାଲ ଥାନା ଅଞ୍ଚଳରେ ଶନିବାର ମାଓବାଦୀମାନେ ଦୁଇଟି ଡ୍ରିଲ୍‌ ମେଶିନ ଓ ଗୋଟିଏ ବାଇକ୍‌ ପୋଡି ଦେଇଥିବା ସୂଚନା ମିଳିଛି ।

ଶୁଣିଲାନି ପ୍ରଶାସନ, ଗ୍ରାମବାସୀ କଲେ ରାସ୍ତା ନିର୍ମାଣ

ମୁକୁନ୍ଦପୁର, ୨୦।୧(ଡି.ଏନ୍‌.ଏ) ଗାଁକୁ ଭଲ ରାସ୍ତାଟିଏ ନାହିଁ। ଫଳରେ ଲୋକେ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଗାଁକୁ ରାସ୍ତାଟିଏ ପାଇଁ ଜିଲାପାଳ,ବିଧାୟକଙ୍କ ନିକଟକୁ ବାରମ୍ବାର ଦୌଡ଼ିଲେ ଗ୍ରାମବାସୀ । ହେଲେ କେହି ତାଙ୍କ କଥାକୁ ଶୁଣିଲେନି । ତେଣୁ ବାଧ୍ୟ ହୋଇ ନିଜ ଗ୍ରାମକୁ ନିଜେ ଏକ ରାସ୍ତା ନିର୍ମାଣ କରିଛନ୍ତି ।

କ୍ୟାନ୍‌ସର ପୀଡ଼ିତଙ୍କ ଇଚ୍ଛାମୃତ୍ୟୁ ପାଇଁ ପ୍ରଧାନମନ୍ତ୍ରୀଙ୍କୁ ନିବେଦନ

ଜୟପୁର,୨୦।୧(ଡି.ଏନ.ଏ): କୋରାପୁଟ ଜିଲା ଜୟପୁର ଜୟନଗର ବାସିନ୍ଦାର ଜଣେ ଯୁବକ ଗତ କିଛିବର୍ଷ ହେବ କ୍ୟାନସର ରୋଗରେ ପୀଡିତ ହୋଇଛନ୍ତି । ଏଥିପାଇଁ ସେ ଭୀଷଣ ଯନ୍ତ୍ରଣା ଏବଂ ଅଧିକ ଖର୍ଚ୍ଚାନ୍ତ ହେଉଥିବାରୁ ନିଜର ଅସାମର୍ଥ୍ୟ ପ୍ରକାଶ କରି ମୃତ୍ୟୁବରଣ କରିବାକୁ ଇଚ୍ଛା ପ୍ରକାଶ କରିଛନ୍ତି। ଏଥିପାଇଁ ତାଙ୍କୁ ଆତ୍ମହତ୍ୟା କରିବାକୁ ଅନୁମତି ଦେବାକୁ ନିବେଦନ କରିଛନ୍ତି ।

ଖଜୁରିଗୁଡା ଗ୍ରାମକୁ ନାହିଁ ରାସ୍ତା: ସମସ୍ୟା ସମାଧାନ ନ ହେଲେ ଆନ୍ଦୋଳନ

ଖଜୁରିଗୁଡା ଗ୍ରାମକୁ ନାହିଁ ରାସ୍ତା: ସମସ୍ୟା ସମାଧାନ ନ ହେଲେ ଆନ୍ଦୋଳନ

ଦଶମନ୍ତପୁର, ୨୦।୧ (ଡି.ଏନ୍‌.ଏ.) କୋରାପୁଟ ଜିଲା ଦଶମନ୍ତପୁର ବ୍ଲକଠାରୁ ୪ କି.ମି. ଦୂରରେ ରହିଛି ଖଜୁରିଗୁଡା ଗ୍ରାମ। ଗ୍ରାମରେ ୩୫ଟି ପରିବାରର ୨୦୦ରୁ ଊର୍ଦ୍ଧ୍ୱ ଲୋକ ବସବାସ କରନ୍ତି। ମାତ୍ର ଏଯାଏ ଗ୍ରାମରେ ବିକାଶର ଚିହ୍ନବର୍ଣ୍ଣ ନାହିଁ। ଶିକ୍ଷା, ସ୍ବାସ୍ଥ୍ୟ, ଗମନାଗମନ ଭଳି ମୌଳିକ ସୁବିଧା ଠାରୁ ବହୁ ଦୂରରେ ରହିଛନ୍ତି ଗ୍ରାମବାସୀ। ବ୍ଲକ ନିକଟସ୍ଥ ଗ୍ରାମ ହୋଇଥିଲେ ମଧ୍ୟ ପ୍ରଶାସନର ଦୃଷ୍ଟି ଖଜୁରିଗୁଡା ଉପରେ ପଡୁନି। ଗ୍ରାମକୁ ଭଲ ରାସ୍ତାଟିଏ ନ ଥିବାରୁ ଯାତାୟାତ ସମସ୍ୟା ଲାଗିରହିଛି।

 ଦୁର୍ଘଟଣାରେ ଆହତଙ୍କ ମୃତ୍ୟୁ

ଦୁର୍ଘଟଣାରେ ଆହତଙ୍କ ମୃତ୍ୟୁ

ଡାବୁଗାଁ,୧୯।୧(ଡି.ଏନ୍‌.ଏ.) ଅଟୋ- ଟ୍ରକ ଧକ୍କାରେ ଗୁରୁତର ଆହତ ହୋଇଥିବା ଦନାଇ ଭତ୍ରାଙ୍କର ଜିଲା ମୁଖ୍ୟ ଚିକିତ୍ସାଳୟରେ ଚିକିତ୍ସାଧୀନ ଅବସ୍ଥାରେ ଗୁରୁବାର ବିଳମ୍ବିତ ରାତିରେ ମୃତ୍ୟୁ ଘଟିଛି ।

ରାୟଗଡା ସିଜେଏମ୍‌ କୋର୍ଟରେ ହାଜର ହେଲେ ସବ୍ୟସାଚୀ

ରାୟଗଡା ଅଫିସ୍‌, ୧୯।୧- ରାୟଗଡା ସିଜେଏମ୍‌ଙ୍କ କୋର୍ଟରେ ମାଓବାଦୀ ନେତା ସବ୍ୟସାଚୀ ପଣ୍ଡାଙ୍କୁ ଶୁକ୍ରବାର ହାଜର କରାଯାଇଛି । ତାଙ୍କ ନାମରେ ଚାନ୍ଦିଲି ଥାନାରେ ରହିଥିବା ୩ଟି ମାମଲା ସାକ୍ଷ୍ୟ ଗ୍ରହଣ ପାଇଁ ଅଦାଲତରେ ସିଜେଏମ୍‌ ମହମ୍ମଦ ଇର୍ଶାନୁଦ ନବୀଙ୍କ ସମ୍ମୁଖରେ ହାଜର କରାଯାଇଥିଲା ।

ମେକାରେ ୮୩, ଚାଉଳମେନ୍ଦିରେ ୮୩ ପ୍ରତିଶତ ଭୋଟିଂ

ମାଥିଲି,୧୯।୧(ଡି.ଏନ୍‌.ଏ.)-ମାଥିଲି ବ୍ଲକ ମେକା ପଞ୍ଚାୟତ ସରପଞ୍ଚ ଓ ଚାଉଳମେନ୍ଦି ପଞ୍ଚାୟତ ଅଧୀନ ୪ ନମ୍ବର ଓ୍ବାର୍ଡ଼ମେମ୍ବର ପଦବୀ ପାଇଁ ଶୁକ୍ରବାର ମତଦାନ ହୋଇଛି। ନିର୍ବାଚନ ଅଧିକାରୀ ଅଗସ୍ତି ପ୍ରଧାନଙ୍କ ସୂଚନା ପ୍ରକାରେ, ସକାଳ ୭ରୁ ମଧ୍ୟାହ୍ନ ୧୨ଟା ପର୍ଯ୍ୟନ୍ତ ଭୋଟ ଗ୍ରହଣ କରାଯାଇଥିଲା।

ଏଫଡିଆଇକୁ ବିରୋଧ କରି ବିକ୍ଷୋଭ

ଏଫଡିଆଇକୁ ବିରୋଧ କରି ବିକ୍ଷୋଭ

ପାରଳାଖେମୁଣ୍ଡି,୧୯।୧(ସ୍ବ.ପ୍ର.)-କେନ୍ଦ୍ର ସରକାରଙ୍କ ଏଫଡିଆଇ ନିବେଶକୁ ବିରୋଧ କରି ପାରଳାଖେମୁଣ୍ଡିସ୍ଥିତ ହାଇସ୍କୁଲ ଛକଠାରେ ଜିଲା ଆପ୍‌ ପକ୍ଷରୁ ଶୁକ୍ରବାର ବିକ୍ଷୋଭ ପ୍ରଦର୍ଶନ କରାଯାଇଛି ।