ଉପକୂଳ ଓଡିଶା

କାମରେ ଆସୁନି ଅଟୋମେଟିକ୍‌ ୱେଦର ଷ୍ଟେଶନ୍‌

କାମରେ ଆସୁନି ଅଟୋମେଟିକ୍‌ ୱେଦର ଷ୍ଟେଶନ୍‌

ଜଗତ୍‌ସିଂହପୁର ଅଫିସ,୧୧।୧୨

ତାପମାତ୍ରା ଓ ବର୍ଷା ଜଳ ମାପିବା ପାଇଁ ରାଜ୍ୟର ବିଭିନ୍ନ ଜିଲାରେ ଅଟୋମେଟିକ ୱେଦର ଷ୍ଟେଶନ୍‌ (ଏଡବ୍ଲ୍ୟୁଏସ୍‌) ପ୍ରତିଷ୍ଠା କରାଯାଇଛି। ଜଗତ୍‌ସିଂହପୁର ସର୍କିଟ୍‌ ହାଉସ ନିକଟରେ ମଧ୍ୟ ଏହି ଷ୍ଟେଶନ୍‌ ଦୀର୍ଘ ବର୍ଷ ପୂର୍ବରୁ ପ୍ରତିଷ୍ଠା କରାଯାଇଛି। କିନ୍ତୁ ଦୁଃଖର କଥା ହେଲା, ବର୍ଷାଧିକ କାଳ ହେବ ଷ୍ଟେଶନ୍‌ଟି ଅଚଳ ହୋଇରହିଛି। ଏହାର ମରାମତି କିମ୍ବା ନୂଆ ପ୍ରତିଷ୍ଠା ଉପରେ ଗୁରୁତ୍ୱ ଦିଆଯାଉନାହିଁ। ସେହିପରି ଜିଲାର ବିଭିନ୍ନ ସ୍ଥାନରେ ବର୍ଷା ଜଳ ମାପିବା ପାଇଁ ପୂର୍ବରୁ ୮ଟି ଅଟୋମେଟିକ୍‌ ରେନଗଜ୍‌ (ଏଆର୍‌ଜି) ଷ୍ଟେଶନ୍‌ ପ୍ରତିଷ୍ଠା ହୋଇଥିଲା। ଏଗୁଡିକ ମଧ୍ୟ କାମ କରୁନି। ପବନର ବେଗ ମାପିବା ପାଇଁ ଜଗତସିଂହପୁର ଜିଲାପାଳଙ୍କ କାର୍ଯ୍ୟାଳୟ ପୁରୁଣା ବିଲ୍ଡିଂ ଛାତ ଉପରେ ଆନିମୋମିଟର ଲଗାଯାଇଥିଲେ ସୁଦ୍ଧା ତାହା ଅଚଳ ରହିଛି। ଏସବୁ ବାଦ୍‌ ଜଗତ୍‌ସିଂହପୁର ଜିଲାରେ ସ୍ବତନ୍ତ୍ର ରିଲିଫ କମିଶନର(ଏସ୍‌ଆର୍‌ସି)ଙ୍କ ତରଫରୁ ଏକାଧିକ ସୁନାମୀ ଟାୱାର ପ୍ରତିଷ୍ଠା ପାଇଁ ପଦକ୍ଷେପ ନିଆଯାଇଥିଲେ ସୁଦ୍ଧା ତାହା ମଧ୍ୟ ଏଯାଏ କାର୍ଯ୍ୟକ୍ଷମ ହୋଇନାହିଁ। ଏହାକୁ ନେଇ ସାଧାରଣରେ ଅସନ୍ତୋଷ ବୃଦ୍ଧି ପାଇଛି।
୧୯୯୯ ମହାବାତ୍ୟାରେ ଜିଲାର ପ୍ରଭୁତ କ୍ଷତି ହୋଇଥିଲା। ବହୁ ଧନ ଜୀବନ ହାନୀ ଘଟିଥିଲା। ତେଣୁ ଏହି ଜିଲାବାସୀ ପ୍ରାକୃତିକ ବିପର୍ଯ୍ୟୟ କଥା ଶୁଣିଲେ ଭୟଭୀତ ହୋଇପଡନ୍ତି। ଏସବୁ ଦୃଷ୍ଟିରୁ ଜଗତସିଂହପୁରରେ ଏକାଧିକ ଏଡବ୍ଲ୍ୟୁଏସ୍‌ କାର୍ଯ୍ୟକ୍ଷମ ହେବାର ଆବଶ୍ୟକତା ରହିଛି। କିନ୍ତୁ ପାରାଦୀପକୁ ବାଦ୍‌ଦେଲେ ଜିଲାରେ ଥିବା ଅନ୍ୟ କୌଣସି ଗୋଟିଏ ସ୍ଥାନରେ ଏଡବ୍ଲ୍ୟୁଏସ୍‌ ଏବଂ ଏଆର୍‌ଜି ଷ୍ଟେଶନ୍‌ କାର୍ଯ୍ୟକ୍ଷମ ନାହିଁ। ଏହି ଷ୍ଟେସନ୍‌ଗୁଡିକ ପ୍ରତଷ୍ଠା ସମୟରେ ବହୁ ଟଙ୍କା ଖର୍ଚ୍ଚ କରାଯାଇଛି। କିନ୍ତୁ ଆବଶ୍ୟକ ରକ୍ଷଣାବେକ୍ଷଣ ଅଭାବରୁ ଏଗୁଡିକ ଖରାପ ହୋଇଯାଇଛି। ଭାରତୀୟ ପାଣିପାଗ ବିଭାଗ (ଆଇଏମ୍‌ଡି) ଓ ଜିଲା ପ୍ରଶାସନର ମିଳିତ ସହଯୋଗରେ ଏସବୁ ବାବଦରେ ପଦକ୍ଷେପ ନିଆଯିବା କଥା। ବଡ଼ କଥା ହେଲା ବ୍ଲକ ଅଞ୍ଚଳରେ ପ୍ରତିଷ୍ଠା ହୋଇଥିବା ଏଆର୍‌ଜି ଷ୍ଟେଶନ୍‌ଗୁଡିକର ସୁରକ୍ଷା ଦାୟିତ୍ୱ ଜିଲା ପ୍ରଶାସନର। କିନ୍ତୁ ସୁରକ୍ଷା ଏବଂ ମରାମତି ଅଭାବରୁ ଜିଲାରେ ଥିବା ଏକାଧିକ ଏହି ଷ୍ଟେଶନ୍‌ ବର୍ଷାଧିକ କାଳ ହେବ ଅଚଳ ରହିଛି। ଅନୁରୂପ ଭାବେ ଜିଲାପାଳଙ୍କ କାର୍ଯ୍ୟାଳୟ ପୁରୁଣା ବିଲ୍ଡିଂ ଉପରେ ପବନର ବେଗ ମାପିବା ପାଇଁ ଏକ ଯନ୍ତ୍ର ବସାଯାଇଥିଲା। ଏହି ଯନ୍ତ୍ର ଜିଲା ଆପାତକାଳୀନ ବିଭାଗ ନିକଟରେ ସ୍ଥାପନ ହେବା କଥା। ତାହା କରା ନ ଯିବା ସାଙ୍ଗକୁ ଆବଶ୍ୟକ ଯନତ୍ ଅଭାବରୁ ଏହା ଖରାପ ହୋଇଯାଇଛି । ଯେହେତୁ ଜଗତ୍‌ସିଂହପୁର ଏକ ସୁନାମୀପ୍ରବଣ ଅଞ୍ଚଳ, ତେଣୁ ଜିଲାର ୧୨ଟି ସ୍ଥାନରେ ସୁନାମି ଟାୱାର କରାଯିବାକୁ ନିଷ୍ପତ୍ତି ନିଆଯାଇ କାମ ଚାଲିଛି। ଏହି ଟାୱାରଗୁଡିକ ବିଶେଷକରି ଜିଲାର ୮ଟି ବ୍ଲକ ଅଞ୍ଚଳ, ପାରାଦୀପ, ଜଗତ୍‌ସିଂହପୁର ଓ ଅନ୍ୟ ୨ଟି ସ୍ଥାନରେ କରାଯାଉଛି। ଟାୱାରଗୁଡିକ ଛିଡା ହୋଇଗଲାଣି। ହେଲେ ଆହୁରି ଅନେକ କାମ ବାକି ଥିବାରୁ ଏଗୁଡିକ ଶେଷ ହେବାରେ ବିଳମ୍ବ ହେଉଛି। ଚଳିତ ଡିସେମ୍ବର ମାସ ଭିତରେ ସୁନାମୀ ଟାୱାରଗୁଡିକ କାର୍ଯ୍ୟକ୍ଷମ ହେବ ବୋଲି ଲକ୍ଷ୍ୟଧାର୍ଯ୍ୟ କରାଯାଇଥିଲା। କିନ୍ତୁ କାହିଁକି କାମ ଶେଷ ହେଉନାହିଁ ତାହା ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି। ଏ ସମ୍ପର୍କରେ ଜିଲା ଆପାତକାଳୀନ ବିଭାଗ ପକ୍ଷରୁ କୁହାଯାଇଛି, ଏଡବ୍ଲ୍ୟୁଏସ୍‌, ଏଆର୍‌ଜି ଓ ଆନିମୋମିଟର ଆଦି କାମ ଆଇଏମ୍‌ଡି ଉପରେ ନ୍ୟସ୍ତ ଅଛି। ଏହି ବିଭାଗ ସହ ଯୋଗାଯୋଗ କରାଯାଇ ଦେଖାଦେଇଥିବା ସମସ୍ୟାର ସମାଧାନ ପାଇଁ ଚେଷ୍ଟା ଚାଲିଛି। ଏ ସମ୍ପର୍କରେ ଆଇଏମ୍‌ଡି (ଇଣ୍ଡିଆନ ମେଟେରୋଲୋଜିକାଲ ଡିପାର୍ଟମେଣ୍ଟ) ଭୁବନେଶ୍ୱରସ୍ଥିତ ଆଞ୍ଚଳିକ ଶାଖା ନିର୍ଦ୍ଦେଶକ ଶରତ ସାହୁଙ୍କ ସହ ଯୋଗାଯୋଗ କରିବାରୁ ସେ କହିଥିଲେ, ଜଗତସିଂହପୁରରେ ଥିବା ଏଡବ୍ଲ୍ୟୁଏସ୍‌ଟି ବର୍ଷାଧିକ କାଳ ହେବ ଖରାପ ହୋଇଯାଇଛି। ସାମୁଦ୍ରିକ ପବନ ଯୋଗୁ କଳଙ୍କି ଲାଗିଯିବାରୁ କାମ କରୁନାହିଁ। ତଥାପି ଖୁବଶୀଘ୍ର ଏହାର ମରାମତି କରାଯିବ। ବ୍ଲକଗୁଡିକରେ ଥିବା ଏଆର୍‌ଜି ଷ୍ଟେଶନ୍‌ଗୁଡିକର ସୋଲାର ପ୍ୟାନେଲ ଏବଂ ବ୍ୟାଟେରୀ ଚୋରିଯାଇଥିବାରୁ ଏଗୁଡିକ ଅଚଳ ରହିଛି । ଚୋରି ସମ୍ପର୍କରେ ଥାନାରେ ଅଭିଯୋଗ ହୋଇ ନ ଥିବାରୁ ନୂଆ ଲଗାଇବାରେ ଅସୁବିଧା ଥିଲା। ତେବେ ଏହାର ସମାଧାନ ପ୍ରାୟ ହୋଇଗଲାଣି। ଯଥାଶୀଘ୍ର କାମ ହୋଇଯିବ ବୋଲି କୁହାଯାଉଛି। ଅନ୍ୟପକ୍ଷରେ ଆବଶ୍ୟକ କର୍ମଚାରୀ ଅଭାବରୁ ଯେଉଁଠି ମରାମତି ଦରକାର, କରିବା ବିଳମ୍ବ ହେଉଛି। ସୂଚନାଯୋଗ୍ୟ ଯେ, ଏଡବ୍ଲ୍ୟୁଏସ୍‌ ଏବଂ ଏଆର୍‌ଜି ଷ୍ଟେଶନ୍‌ଗୁଡିକ ସୂର୍ଯ୍ୟାଲୋକରେ ଚାଲେ। ଏହାର ପରିଚାଳନା ପାଇଁ ଲୋକଙ୍କ ଆବଶ୍ୟକତା ପଡେନାହିଁ। ଏହି ଷ୍ଟେଶନ୍‌ଗୁଡିକ ସିଧାସଳଖ ପୁନେସ୍ଥିତ ଆଇଏମ୍‌ଡି ସହ ସାଟେଲାଇଟ୍‌ ଦ୍ୱାରା ସଂଯୋଗ ରହିଛି। ତେଣୁ ଷ୍ଟେସନଗୁଡିକରୁ ତାପମାତ୍ରା ଓ ବର୍ଷା ଜଳ ରିପୋର୍ଟ ସିଧାସଳଖ ପୁନେ ଆଇଏମ୍‌ଡିକୁ ଚାଲିଯାଏ। ପୁନେସ୍ଥିତ ଆଇଏମ୍‌ଡି ତଥ୍ୟକୁ ସଂଗ୍ରହ କରି ସଜାଇ ଭୁବନେଶ୍ୱରସ୍ଥିତ ପାଣିପାଗ କେନ୍ଦ୍ରକୁ ପଠାଇ ଥାଏ। ଭୁବନେଶ୍ୱର ପାଣିପାଗ କେନ୍ଦ୍ର ଏହି ରିପୋର୍ଟକୁ ସର୍ବସାଧାରଣଙ୍କ ଅବଗତି ନିମନ୍ତେ ବ୍ୟବସ୍ଥା କରିଥାଏ ।

All Right Reserved By

ଉପକୂଳ ଓଡିଶା

କଜଳପାତିଆ ଅଙ୍ଗନଓ୍ବାଡି କେନ୍ଦ୍ରରେ ଅଘଟଣ:  ରନ୍ଧା ଖାଦ୍ୟରୁ ବାହାରିଲା ମଲା ଅସରପା, ୩ ଶିଶୁ ଅସୁସ୍ଥ

କଜଳପାତିଆ ଅଙ୍ଗନଓ୍ବାଡି କେନ୍ଦ୍ରରେ ଅଘଟଣ: ରନ୍ଧା ଖାଦ୍ୟରୁ ବାହାରିଲା ମଲା ଅସରପା, ୩ ଶିଶୁ ଅସୁସ୍ଥ

ମହାକାଳପଡ଼ା, ୧୮।୭ (ଡି.ଏନ୍‌.ଏ.)- କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ବତୀଘର ପଞ୍ଚାୟତରସ୍ଥିତ କଜଳପାତିଆ ଅଙ୍ଗନଓ୍ବାଡି କେନ୍ଦ୍ରରେ ଏକ ଅଘଟଣ ଘଟିଛି। ବୁଧବାର କେନ୍ଦ୍ରରେ ରୋଷେଇ ହୋଇଥିବା ଭାତ ଓ ଅଣ୍ଡା ତରକାରୀରେ ମଲା ଅସରପା ବାହାରି ଥିବା ଦେଖାଯାଇଛି। ତେବେ ଏହି ବିଷାକ୍ତ ଖାଦ୍ୟ ଖାଇ ଉକ୍ତ କେନ୍ଦ୍ରର ୩ ଶିଶୁ ଆହତ ହୋଇଛନ୍ତି।

ଚିନାବାଦାମ ବିକ୍ରିକୁ ନେଇ ଚାଷୀ ଅସନ୍ତୋଷ: ରାସ୍ତାରୋକୋ

କୃଷ୍ଣପ୍ରସାଦ, ୧୮।୭(ଡି.ଏନ୍‌.ଏ.): ଚିନାବାଦାମ ବିକ୍ରିକୁ ନେଇ ପୁରୀ ଜିଲା କୃଷ୍ଣପ୍ରସାଦ ବ୍ଲକର ଚାଷୀମାନେ ଚଢେୟା ଛକରେ ଚିନାବାଦାମ ରଖି ବୁଧବାର ରାସ୍ତାରୋକୋ କରିଛନ୍ତି। ଫଳରେ ପୁରୀ-କୃଷ୍ଣପ୍ରସାଦ ରାସ୍ତାରେ ଯାତାୟାତ ବାଧାପ୍ରାପ୍ତ ହୋଇଛି।

ସୁକିନ୍ଦା ମାଇନ୍ସ ଶ୍ରମିକଙ୍କ ଛଟେଇ ଆଦେଶ ଖାରଜ

ସୁକିନ୍ଦା ମାଇନ୍ସ ଶ୍ରମିକଙ୍କ ଛଟେଇ ଆଦେଶ ଖାରଜ

ଯାଜପୁର ରୋଡ୍‌, ୧୮।୭- ସୁକିନ୍ଦା ଅଞ୍ଚଳର ସାରୁଆବିଲ କ୍ରୋମାଇଟ୍‌ ଖଣିରେ କାମ କରୁଥିବା ଶ୍ରମିକମାନଙ୍କୁ କମ୍ପାନୀ କର୍ତ୍ତୃପକ୍ଷ ଅନ୍ୟାୟ ଭାବେ ଛଟେଇ କରିବା ପ୍ରତିବାଦରେ ଶ୍ରମିକମାନେ କରିଥିବା କେସ୍‌ର ରାୟ ଜୁଲାଇ ୧୭ ତାରିଖରେ ପ୍ରକାଶ ପାଇଛି। କେନ୍ଦ୍ରୀୟ ଶିଳ୍ପ ଟ୍ରିବ୍ୟୁନାଲ ଏହାର ବିଚାର କରି ରାୟ ଶୁଣାଇଛନ୍ତି। ଏଥିରେ ଦର୍ଶାଯାଇଛି ଯେ, ଶ୍ରମିକମାନଙ୍କୁ କମ୍ପାନୀ ଛଟେଇ କରିବା ସମ୍ପୂର୍ଣ୍ଣ ଭାବେ ବେଆଇନ। ଏଥିସହ ଛଟେଇ ସମୟରେ କମ୍ପାନୀ କର୍ତ୍ତୃପକ୍ଷ ଶ୍ରମିକମାନଙ୍କୁ ୧୯ ମାସ ୧୫ ଦିନର ଦରମା, ପିଏଫ୍‌, ଗ୍ରାଚ୍ୟୁଇଟି, ପେନ୍‌ସନ୍‌ ଆଦି ସୁବିଧା ଯୋଗାଇ ଦେବାକୁ କୋର୍ଟ ଆଦେଶ ଦେଇଛନ୍ତି।

ଏଟିଏମ୍‌ ଲୁଟ୍‌ ଘଟଣା, ଆଉ ୨ ଗିରଫ

ଏଟିଏମ୍‌ ଲୁଟ୍‌ ଘଟଣା, ଆଉ ୨ ଗିରଫ

ନିଶ୍ଚିନ୍ତକୋଇଲି, ୧୮।୭ (ସ୍ବ.ପ୍ର.)-ନିଶ୍ଚିନ୍ତକୋଇଲି ଥାନା ଅଧୀନ କଟିକଟା ବଜାରଠାରେ ଥିବା ଏକ ଏଟିଏମ୍‌ରୁ ଲୁଟ୍‌ ଉଦ୍ୟମ କରିଥିବା ଆଉ୨ଜଣଙ୍କୁ ମଙ୍ଗଳବାର ବିଳମ୍ବିତ ରାତିରେ ପୋଲିସ ଗିରଫ କରିଛି। ଏଥିସହ ପୋଲିସ ସେମାନଙ୍କର ୨ ବାଇକ୍‌ (ନଂ.- ଓଡି-୨୯-ଇ-୫୭୧୪ ଓ ଓଡି-୦୫-ଏଏଫ୍‌-୯୬୯୯)କୁ ମଧ୍ୟ ଜବତ କରିଛି। ଏଥିସହ ଲୁଟ ବେଳେ ବ୍ୟବହୃତ ଗ୍ୟାସ କଟର, ଶାବଳ, ଓ କିଛି ଯନ୍ତ୍ରାଂଶ ପୋଲିସ ହାତରେ ଲାଗିଛି।

ଏଲ୍‌ଇଡି ଆଲୋକୀକରଣ ଶୁଭାରମ୍ଭ

ଏଲ୍‌ଇଡି ଆଲୋକୀକରଣ ଶୁଭାରମ୍ଭ

ଜଗତସିଂହପୁର ଅଫିସ, ୧୮।୭-ଜଗତ୍‌ସିଂହପୁର ପୌର ପରିଷଦରେ ଏଲ୍‌ଇଡି ଆଲୋକୀକରଣ ବୁଧବାର ଶୁଭାରମ୍ଭ ହୋଇଛି। ପୌରାଧ୍ୟକ୍ଷ ବିପ୍ଳବ ଚୌଧୁରୀ ଏହାର ଉଦ୍‌ଘାଟନ କରିଛନ୍ତି।

ଖଡିଅଣ୍ଟା ହାଇସ୍କୁଲରେ ବନ ମହୋତ୍ସବ

ଖଡିଅଣ୍ଟା ହାଇସ୍କୁଲରେ ବନ ମହୋତ୍ସବ

ରାଜନଗର, ୧୮।୭(ଡି.ଏନ୍‌.ଏ.): କେନ୍ଦ୍ରାପଡ଼ା ଜିଲା ରାଜନଗର ବନ୍ୟପ୍ରାଣୀ ଡିଭିଜନ ପକ୍ଷରୁ ୬୯ତମ ବନ ମହୋତ୍ସବ ବୁଧବାର ରାଜନଗର ନିର୍ବାଚନ ମଣ୍ଡଳୀ ଅନ୍ତର୍ଗତ ପଟ୍ଟାମୁଣ୍ଡାଇ ବ୍ଲକର ଖଡିଅଣ୍ଟା ଜି.ପି. ହାଇସ୍କୁଲ ପରିସରରେ ପାଳିତ ହୋଇଯାଇଛି।

ଶ୍ରମିକଙ୍କ ମୃତ୍ୟୁ: କ୍ଷତିପୂରଣ ଦାବିରେ ଧାରଣା

ଶ୍ରମିକଙ୍କ ମୃତ୍ୟୁ: କ୍ଷତିପୂରଣ ଦାବିରେ ଧାରଣା

ଯାଜପୁର ଅଫିସ, ୧୮।୭: ଯାଜପୁରରୋଡ ମାଲଗୋଦାମରେ ଟ୍ରକ ଚାପାରେ ମଙ୍ଗଳବାର ଜଣେ ଶ୍ରମିକଙ୍କ ମୃତ୍ୟୁ ଘଟିଥିଲା। ମୃତକଙ୍କ ପରିବାରକୁ କ୍ଷତି ପୂରଣ ତଥା ଅନ୍ୟାନ୍ୟ ଦାବିରେ ଯାଜପୁର-କେନ୍ଦୁଝର ରୋଡ ରେଳ ଷ୍ଟେଶନକୁ ଲାଗିଥିବା ମାଲଗୋଦାମ ସମ୍ମୁଖରେ ଶ୍ରମିକମାନେ ବୁଧବାର ସକାଳେ ଧାରଣା ଦେଇଛନ୍ତି।

ଅଙ୍ଗନୱାଡ଼ି କର୍ମୀଙ୍କ ଜିଲାପାଳଙ୍କୁ ଦାବିପତ୍ର

ଅଙ୍ଗନୱାଡ଼ି କର୍ମୀଙ୍କ ଜିଲାପାଳଙ୍କୁ ଦାବିପତ୍ର

ନୟାଗଡ଼ ଅଫିସ,୧୮ା୭- ଜିଲାର ଅଙ୍ଗନୱାଡ଼ି କର୍ମୀମାନେ ସୋମବାର ଜିଲାପାଳଙ୍କୁ ବିଭିନ୍ନ ସମସ୍ୟା ନେଇ ଦାବିପତ୍ର ପ୍ରଦାନ କରିଛନ୍ତି। ଅଙ୍ଗନୱାଡ଼ିରେ ଏସ୍‌ଏନପି ଓ ଟିଏଚ୍‌ଆର ଖାଦ୍ୟ ବିବରଣୀରେ ପରିବର୍ତ୍ତନ ସାଙ୍ଗକୁ ବଜାର ଦରବୃଦ୍ଧି ହେତୁ ଆବଶ୍ୟକୀୟ ସାମଗ୍ରୀର ମୂଲ୍ୟ ବୃଦ୍ଧି କରାଯିବା , ଅଙ୍ଗନୱାଡ଼ି କାର୍ଯ୍ୟ ବାହାରେ ଥିବା ୬ଟି କାର୍ଯ୍ୟକ୍ରମକୁୂ ବାଦ୍‌ ଦେବା ନିମନ୍ତେ ଦାବିପତ୍ର ପ୍ରଦାନ କରିଥିଲେ।

 ଜଳ ନିଷ୍କାସନକୁ କେନ୍ଦ୍ର କରି ଗୁଳିକାଣ୍ଡ: ତିନିଦିନ ହେଲାଣି ବଧିସାହି ଗ୍ରାମ ପୁରୁଷଶୂନ୍ୟ

ଜଳ ନିଷ୍କାସନକୁ କେନ୍ଦ୍ର କରି ଗୁଳିକାଣ୍ଡ: ତିନିଦିନ ହେଲାଣି ବଧିସାହି ଗ୍ରାମ ପୁରୁଷଶୂନ୍ୟ

ନୟାଗଡ଼ ଅଫିସ,୧୮ା୭-ନୟାଗଡ଼ ଜିଲା ଶରଣକୁଳ ଥାନା ଖିଲାରପାଟଣା ମଶାଣିଠାରେ ଶନିବାର ଜଳ ନିଷ୍କାସନକୁ କେନ୍ଦ୍ର କରି ହୋଇଥିବା ଗୁଳିକାଣ୍ଡରେ ମଙ୍ଗଳବାର ପୋଲିସ ୭ ଜଣକୁ ଗିରଫ କରି କୋର୍ଟଚାଲାଣ କରିଛି। ସେମାନେ ହେଲେ ବଧିସାହିର ପ୍ରଭାତ ପ୍ରଧାନ, ଉଲ୍ଲାସ ପାତ୍ର, ଭଦ୍ର ଓରଫ ବଳଭଦ୍ର ସାହୁ, ପ୍ରମୋଦ ସାହୁ, ବୃନ୍ଦାବନ ପ୍ରଧାନ, ଅକ୍ରୂର ସ୍ବାଇଁ, ମଦନ ମହାପାତ୍ର । ସେହିଭଳି ଏଥିରେ ସମ୍ପୃକ୍ତ ଥିବା ଅନ୍ୟମାନଙ୍କୁ ତୁରନ୍ତ ଗିରଫ କରାଯିବ ବୋଲି ଶରଣକୁଳ ଏସ୍‌ଡିପିଓ ନାରାୟଣ ବାରିକ ପ୍ରକାଶ କରିଛନ୍ତି।

ଶରଣକୁଳରୁ ୧୭  ନାଗସାପ ଛୁଆ  ଉଦ୍ଧାର

ଶରଣକୁଳରୁ ୧୭ ନାଗସାପ ଛୁଆ ଉଦ୍ଧାର

ନୟାଗଡ଼ ଅଫିସ,୧୮ା୭- ନୟାଗଡ଼ ଜିଲା ଶରଣକୁଳ ଭଞ୍ଜସାହିରେ ଥିବା ଏକ କୂଅରୁ ମଙ୍ଗଳବାର ୧୭ଟି ନାଗସାପ ଛୁଆ ଉଦ୍ଧାର କରାଯାଇଛି। ତେବେ ମା’ ସାପ ଉଦ୍ଧାର ହୋଇପାରି ନ ଥିବାରୁ ଗ୍ରାମରେ ଭୟର ବାତାବରଣ ସୃଷ୍ଟି ହୋଇଛି।

 ଯୁବ ବୈଜ୍ଞାନିକଙ୍କ ଭିନ୍ନ ପରିକଳ୍ପନା ଗାଁ ହାଟ

ଯୁବ ବୈଜ୍ଞାନିକଙ୍କ ଭିନ୍ନ ପରିକଳ୍ପନା ଗାଁ ହାଟ

ନୟାଗଡ଼ ଅଫିସ,୧୮ା୭(ରଞ୍ଜନ କୁମାର ପ୍ରଧାନ)-ରୋଜଗାର ଲକ୍ଷ୍ୟରେ ପ୍ରତିଦିନ ଗ୍ରାମରୁ ଲୋକମାନେ ସହରାଭିିମୁଖୀ ହେଉଛନ୍ତି। ଏହାଦ୍ୱାରା ସହରରେ ଲୋକଙ୍କ ସଂଖ୍ୟା ଦ୍ରୁତଗତିରେ ବୃଦ୍ଧି ପାଉଛି। ଏହାସହିତ ତାଳଦେଇ ସହରରେ ଦେଖାଦେଉଛି ବିଭିନ୍ନ ସମସ୍ୟା। ସେହିଭଳି ଗ୍ରାମରେ ଲୋକ ଅଭାବରୁ ଜମିଗୁଡ଼ିକ ପଡ଼ିଆ ହୋଇ ପଡ଼ି ରହୁଛି।

ପୋଲିସର ହସ୍ତକ୍ଷେପ ପରେ ଏକାଠି ହେଲେ ପ୍ରେମୀ ଯୁଗଳ

ପୋଲିସର ହସ୍ତକ୍ଷେପ ପରେ ଏକାଠି ହେଲେ ପ୍ରେମୀ ଯୁଗଳ

ରାଜନଗର, ୧୮।୭ (ଡି.ଏନ୍‌.ଏ.):ପ୍ରେମିକଠାରୁ ପ୍ରତାରିତ ହେବା ପରେ ପୋଲିସର ଆଶ୍ରୟ ନେଇଛନ୍ତି ଜଣେ ଯୁବତୀ। ଏହି ଘଟଣା ରାଜନଗର ବ୍ଲକ ତାଳଚୁଆ ସାମୁଦ୍ରିକ ଥାନା ଅଞ୍ଚଳରେ ଗଭୀର ଆଲୋଡ଼ନ ସୃଷ୍ଟି କରିଛି।

Model This Week

ରୂପେଶ