ସମ୍ପାଦକୀୟ |

ମହିଳାଙ୍କ ସପକ୍ଷରେ

ମହିଳାଙ୍କ ସପକ୍ଷରେ

ତଥାଗତ ସତପଥୀ :
ଦୁନିଆର ପ୍ରତି କ୍ଷେତ୍ରରେ ମହିଳାଙ୍କୁ ପୁରୁଷଙ୍କ ସହ ସମକକ୍ଷ କରାଯାଉଛି। ଆଜିର ପ୍ରଗତିଶୀଳ ସମାଜରେ ନୂଆ ଚିନ୍ତାଧାରା ଜନ୍ମନେଉଛି। ତେଣୁ ପ୍ରଚଳିତ ଆଇନ ବ୍ୟବସ୍ଥାକୁ ସମୀକ୍ଷା କରିବାର ସମୟ ଆସିଛି ବୋଲି ସୁପ୍ରିମ୍‌କୋର୍ଟ ନିକଟରେ ବ୍ୟଭିଚାର ସଂକ୍ରାନ୍ତ ଏକ ମାମଲା ଉପରେ ମତ ଦେଇଛନ୍ତି। ଜଣେ ପୁରୁଷ ଓ ମହିଳା ନିଜ ଜୀବନସାଥୀଙ୍କ ବ୍ୟତୀତ ପରକୀୟା ପ୍ରୀତି ରଖିଥିବା ପ୍ରମାଣିତ ହେଲେ କେବଳ ପୁରୁଷ ଦଣ୍ଡିତ ହେଉଛନ୍ତିି। ଅନ୍ୟପକ୍ଷରେ ମହିଳାଙ୍କ ସହମତିରେ ଅବୈଧ ସମ୍ପର୍କ ସ୍ଥାପିତ ହୋଇଥିଲେ ମଧ୍ୟ ସେ ଏଥିରୁ ଛାଡ଼ ପାଇଯାଉଛନ୍ତି। ୧୫୭ ବର୍ଷ ଧରି ଏଭଳି ବ୍ୟଭିଚାର ନିରୋଧ ଆଇନ ଦେଶରେ ପ୍ରଚଳିତ ରହିଆସିଛି। ଭାରତୀୟ ଦଣ୍ଡବିଧି ଆଇନର ଦଫା ୪୯୭କୁ ଦେଖିଲେ ଦଣ୍ଡ ବ୍ୟବସ୍ଥା ପୁରୁଣାକାଳିଆ ବୋଲି କେତେକଙ୍କର ଧାରଣା। ଏହି ଆଇନର ସାମ୍ବିଧାନିକ ବୈଧତା ଯାଞ୍ଚ କରାଯିବା ଜରୁରୀ ହୋଇପଡ଼ିଛି ବୋଲି ସୁପ୍ରିମ୍‌କୋର୍ଟଙ୍କ ଖଣ୍ଡପୀଠ ଡିସେମ୍ବର ୮ରେ ହୃଦ୍‌ବୋଧ କରିଛନ୍ତି। ତେଣୁ ୪ ସପ୍ତାହରେ ଏ ସଂକ୍ରାନ୍ତରେ ଜବାବ ଦାଖଲ କରିବା ପାଇଁ ସର୍ବୋଚ୍ଚ ଅଦାଲତ କେନ୍ଦ୍ର ସରକାରଙ୍କୁ ନୋଟିସ ଜାରି କରିଛନ୍ତି। ସୁପ୍ରିମ୍‌କୋର୍ଟ ଏପରି ନିର୍ଦ୍ଦିଷ୍ଟ ମାମଲାରେ ଦେଇଥିବା ମତ ପ୍ରଶଂସନୀୟ। ହେଲେ ପୁରୁଷପ୍ରଧାନ ଭାରତୀୟ ସମାଜରେ ଯେଭଳି ଭାବେ ନାରୀ ଜାତିକୁ ଅନେକ ହଜାର ବର୍ଷ ଧରି ନିର୍ଯାତିତ କରି ରଖାଯାଇଛି, ତାହାର ପରିବର୍ତ୍ତନ ଆଣିବା ସକାଶେ ଏକ କଠୋର ତଥା ଭିନ୍ନ ବ୍ୟବସ୍ଥାର ଆବଶ୍ୟକତା ରହିଛି। ଆଜି ଅସଂଖ୍ୟ ଶିଶୁକନ୍ୟା ହତ୍ୟା, ମହିଳାଙ୍କୁ ବଳାତ୍କାର, ଦ୍ୱିତୀୟ ଶ୍ରେଣୀର ଛାତ୍ରୀଙ୍କୁ ଶିକ୍ଷକ ଏପରି କି ପଞ୍ଚମ ଶ୍ରେଣୀର ପିଲା ବଳାତ୍କାର କରୁଥିବା ଖବର ବାରମ୍ବାର ଶୁଣିବାକୁ ମିଳୁଛି। କେତେକ ପୁରୁଷ ତାଙ୍କ ସ୍ତ୍ରୀଙ୍କୁ ବିବାହର ଅନେକ ବର୍ଷ ପରେ ମଧ୍ୟ କିରୋସିନ ଢାଳି ପୋଡ଼ି ମାରିଦେଉଛନ୍ତି। ଯେଭଳି ଭାବେ ସାମାଜିକ ସ୍ଥିତିରେ ମହିଳାଙ୍କୁ ଦମନ କରି ରଖାଯାଇଛି, ତାହାର ଏକ ବିକଳ୍ପ ବାହାର କରିବାର ଦାୟିତ୍ୱ ଆଇନ ବ୍ୟବସ୍ଥା ଉପରେ ପଡ଼ିଯାଇଛି। ସାମାଜିକ ଭାରସାମ୍ୟ ସୃଷ୍ଟି ପାଇଁ ଭାରତର ଆଇନ ବ୍ୟବସ୍ଥା ମହିଳାଙ୍କ ସପକ୍ଷରେ ଅନ୍ଧଭାବେ ରାୟ ଦେବାର ପ୍ରୟୋଜନ ଆଜି ମଧ୍ୟ ରହିଛି। ଶିକ୍ଷିତ ସମାଜରେ ଆଇନ କୌଣସି ଗୋଟିଏ ପଟକୁ ଢଳିପଡ଼ିବ ତାହା କେହି ଚାହିଁବେ ନାହିଁ। ତଥାପି ଭାରତର ସାମାଜିକ ସ୍ଥିତି ଅନ୍ୟ ଦେଶଠାରୁ ଯଥେଷ୍ଟ ଭିନ୍ନ। ନାରୀ ନିର୍ଯାତନାର ଇତିହାସ ଦ୍ରୌପଦୀଙ୍କ ସମୟଠାରୁ ଭରପୂର ରହିଆସିଛି। ପୁରାଣ ବହିରେ ନା ଯେ କେବଳ ଦ୍ରୌପଦୀଙ୍କୁ ୫ଜଣ ପୁରୁଷଙ୍କୁ ସ୍ବାମୀ ଭାବେ ସ୍ବୀକାର କରିବାକୁ ବାଧ୍ୟ କରାଯାଇଥିଲା, ବରଂ ସେହିସବୁ ଶକ୍ତିଶାଳୀ ସ୍ବାମୀମାନେ ଜୁଆଖେଳ ନିଶାରେ ନିଜ ସ୍ତ୍ରୀଙ୍କୁ ବାଜି ଲଗାଇବାକୁ ପଛାଇ ନ ଥିଲେ। ସେହି ବାଜିରେ ହାରିବା ପରେ ବାସ୍ତବରେ ଦ୍ରୌପଦୀଙ୍କର କିଭଳି ଦୟନୀୟ ପରିସ୍ଥିତି ହୋଇଥିଲା ତାହାର କୌଣସି ଲିପିବଦ୍ଧ ପ୍ରମାଣ ନାହିଁ। କିନ୍ତୁ କାଳ୍ପନିକସ୍ତରରେ ଦ୍ରୌପଦୀଙ୍କ ବସ୍ତ୍ରହରଣ, ଚତୁର କୃଷ୍ଣଙ୍କ ତଥାକଥିତ ହସ୍ତକ୍ଷେପ ଓ ପରବର୍ତ୍ତୀ ସମୟରେ ନାରୀ ସ୍ବାଭିମାନ ପାଇଁ ମହାଭାରତ ଯୁଦ୍ଧ ଅବିଶ୍ୱାସୀମାନଙ୍କ ମନରେ ଭାରତୀୟ ସମାଜ ସମ୍ପର୍କରେ ଅନେକ ପ୍ରଶ୍ନ ସୃଷ୍ଟି କରିଥାଏ। ଅନୁରୂପ ଆକାରରେ ଯାହାଙ୍କୁ କୁହାଯାଉଛି ମର୍ଯ୍ୟାଦା ପୁରୁଷୋତ୍ତମ ରାମ, ସେ ମଧ୍ୟ ଉଡ଼ାଖବର ଶୁଣି ନିଜ ସ୍ତ୍ରୀଙ୍କୁ ତ୍ୟାଗ କରିବା ପାଇଁ ପଛାଇ ନ ଥିଲେ। ବାସ୍ତବରେ କେଉଁ କାରଣରୁ ରାମଙ୍କର ଯୁଦ୍ଧ ରାବଣଙ୍କ ସହିତ ହୋଇଥିଲା ତାହା ଜାଣିବା କଷ୍ଟକର। ଅନ୍ୟସବୁ କାଳ୍ପନିକ ଧର୍ମଗ୍ରନ୍ଥ ଭଳି ଏହି ହିନ୍ଦୁଶାସ୍ତ୍ରରେ ରାମଙ୍କୁ ମର୍ଯ୍ୟାଦାପୁରୁଷ କୁହାଯାଉଥିବାବେଳେ ସୀତାଙ୍କ ସ୍ଥାନକୁ ଅତ୍ୟନ୍ତ ଗୌଣ କରିଦିଆଯାଇଛି। ସେହି ରାମଙ୍କର ମର୍ଯ୍ୟାଦା ରକ୍ଷା କରିବା ପାଇଁ ରାବଣଙ୍କ ଚରିତ୍ରକୁ ବଦଳାଇ ଦିଆଯାଇଥାଇପାରେ। ସେଥିପାଇଁ ହୁଏତ କୁହାଯାଉଛି, ସୀତାଙ୍କୁ ଅପହରଣ କଲା ପରେ ତାଙ୍କୁ ଅତି ସମ୍ମାନର ସହିତ ରାବଣ ପୋଷିଥିଲେ। ସତ୍ୟ ଜାଣିବା ଆଜିର ମଣିଷ ପାଇଁ କୌଣସି ଭାବେ ସମ୍ଭବପର ନୁହେଁ। ସେହିଭଳି ରାଜା ହେବାକୁ ଥିବା ଭାଇର ସେବା କରିବାକୁ ଯାଇ ନିଜ ସ୍ତ୍ରୀ ଊର୍ମିଳାଙ୍କୁ ଦୀର୍ଘ ୧୪ ବର୍ଷ ଏକୁଟିଆ ଛାଡ଼ି ଚାଲିଯାଇଥିଲେ ଲକ୍ଷ୍ମଣ। ଆଜି ମଧ୍ୟ କ୍ଷମତା ଲୋଭରେ ଅନେକ ଲୋକ ଯଥେଷ୍ଟ ତ୍ରୁଟିପୂର୍ଣ୍ଣ କାର୍ଯ୍ୟ କରିବସୁଛନ୍ତି। ତଥାପି ରାମଙ୍କ ଚରିତ୍ରକୁ ଦେଖିଲେ ପ୍ରଶ୍ନ ଉଠିପାରେ ଯେ, ସୀତାଙ୍କୁ ଅଗ୍ନିପରୀକ୍ଷା ଦେବା ପାଇଁ ରାମଙ୍କର ନିର୍ଦ୍ଦେଶ ଆସିଲା କାହିଁକି। ବିରୋଧୀ କହିପାରନ୍ତି, ରାମ ଜଣେ ଅଯୋଗ୍ୟ ସ୍ବାମୀଭାବେ ନିଜ ସ୍ତ୍ରୀଙ୍କ ସୁରକ୍ଷା କରିବାରେ ବିଫଳ ହୋଇଥିଲେ। ତେଣୁ ବିଫଳ ମଣିଷ ଅନ୍ୟ କାହାରିକୁ ଜୀବନମରଣ ପରୀକ୍ଷାର ସମ୍ମୁଖୀନ ହେବାକୁ କହିବା କେତେଦୂର ଯୁକ୍ତିଯୁକ୍ତ ତାହା ଆଧୁନିକ ମଣିଷ ପାଇଁ ପ୍ରଶ୍ନବାଚୀ ହୋଇ ରହିଯିବ। ହୁଏତ ଏକ ମହିଳାପ୍ରାଧାନ୍ୟ ଥିବା ସମାଜରେ କାହାଣୀ ବଦଳି ଯାଇଥାନ୍ତା। ସେଠାରେ ସୀତାଙ୍କ ତରଫରୁ ରାମଙ୍କୁ ନିର୍ଦ୍ଦେଶ ଦିଆଯାଇଥାନ୍ତା ନିଜର ଅପାରଗତା ପାଇଁ ପ୍ରାୟଶ୍ଚିତ୍ତ କରିବାକୁ। ଏଭଳି ସାମାଜିକ ଓ ରାଜନୈତିକ ପ୍ରଚ୍ଛଦପଟରେ ପୁରୁଷପ୍ରଧାନ ସମାଜରେ ଆଧୁନିକ ଆଇନ ବ୍ୟବସ୍ଥାରେ ମହିଳାମାନଙ୍କ ସପକ୍ଷରେ ଆଇନ ଢଳି ପଡ଼ିବାର ଆବଶ୍ୟକତା ରହିଛି। ସୁପ୍ରିମ୍‌କୋର୍ଟଙ୍କ ଡିସେମ୍ବର ୮ ତାରିଖର ମତ, ଯେଉଁଥିରେ ବ୍ୟଭିଚାର ପାଇଁ କେବଳ ପୁରୁଷଙ୍କୁ କାହିଁକି ଦାୟୀ କରାଯିବ ପ୍ରଶ୍ନର ଯେତେ ଯଥାର୍ଥତା ଭାରତୀୟ ସମାଜରେ ଥିଲେ ବି, ଏବେ ପର୍ଯ୍ୟନ୍ତ ମହିଳା ଅତ୍ୟାଚାରିତା। ସେଥିପାଇଁ ଏକ ନିର୍ଦ୍ଦିଷ୍ଟ ମାମଲାରେ ସର୍ବୋଚ୍ଚ ନ୍ୟାୟାଳୟଙ୍କ ଚିନ୍ତା ସ୍ବାଗତଯୋଗ୍ୟ ହୋଇଥିଲେ ମଧ୍ୟ ସମୟ ଉପଯୋଗୀ ହେଉ ନ ଥିଲା ଭଳି ମନେହେଉଛି।

All Right Reserved By

ସମ୍ପାଦକୀୟ |

ଭୋଟ ବିଭାଜନ ହିଁ ନିର୍ଣ୍ଣାୟକ

ଭୋଟ ବିଭାଜନ ହିଁ ନିର୍ଣ୍ଣାୟକ

ସହଦେବ ସାହୁ: ୨୦୧୯ ନିର୍ବାଚନ ବହୁତ ଡେରି ଅଛି, କିନ୍ତୁ ରାଜନୈତିକ ଦଳମାନେ ସଜବାଜ ହେଲେଣି। ଲୋକଙ୍କ ସମସ୍ୟାର ସମାଧାନ ପାଇଁ ଯେତେ ନୁହେଁ, ଦଳର କୁହାଳିଆ ବା ନିର୍ବାଚନ ମଣ୍ଡଳୀରେ ପତିଆରା ଥିବା ଲୋକଙ୍କୁ ଥଇଥାନ କରିବା ଲକ୍ଷ୍ୟ। ନ ହେଲେ ସେହିମାନେ ସୁପ୍ରିମୋ (ଦଳର ମୁଖିଆ) ବାଛିଥିବା ପ୍ରାର୍ଥୀଙ୍କୁ ହରାଇବାର ଚେଷ୍ଟା କରିବେ। ଏହି କାରଣ ନ ଥିଲେ ୨୦୧୫ ଆରମ୍ଭରେ ରାଜ୍ୟର ସଂସଦୀୟ ବ୍ୟାପାର ମନ୍ତ୍ରୀ ବିକ୍ରମ କେଶରୀ ଆରୁଖ ଆଣିଥିବା ୪୯ ସଦସ୍ୟବିଶିଷ୍ଟ ବିଧାନ ପରିଷଦ (ଲେଜିସ୍ଲେଟିଭ୍‌ କାଉନ୍ସିଲ୍‌) ପ୍ରତିଷ୍ଠା ପ୍ରସ୍ତାବ ୩ ବର୍ଷ ଶୀତଳଭଣ୍ଡାରରେ ପଡ଼ିଲା ପରେ ୨୦୧୮ ଜୁଲାଇରେ କାହିଁକି ସରଗରମ ହୋଇ ଉଠନ୍ତା! ୫ ଜଣିଆ କମିଟିରୁ କଂଗ୍ରେସ ଓ ଭାଜପା ଓହରିଯାଇଛନ୍ତି।...

ପୁରୁଣାରେ ଖୁସି

ପୁରୁଣାରେ ଖୁସି

ନିକଟରେ ବିଶ୍ୱ ବ୍ୟାଙ୍କ ରିପୋର୍ଟ ୨୦୧୭ରେ ପ୍ରକାଶ ପାଇଥିଲା ଯେ ମୋଟ ଘରୋଇ ଉତ୍ପାଦ(ଜିଡିପି) ଦୃଷ୍ଟିକୋଣରୁ ଫ୍ରାନ୍ସକୁ ଅତିକ୍ରମ କରି ଭାରତ ବିଶ୍ୱର ଷଷ୍ଠ ବୃହତ୍‌ ଅର୍ଥନୀତିର ମାନ୍ୟତା ଲାଭ କରିଛି। ଏହା ଶୁଣିବା ପରେ ଅନେକ ଅପରିପକ୍ୱ ଭାରତୀୟ ଆନନ୍ଦିତ ହୋଇଥିବେ। କିନ୍ତୁ ବାସ୍ତବତା ଯେ କେତେ ଭିନ୍ନ, ତାହା ଅର୍ଥନୈତିକ ବ୍ୟବସ୍ଥାରେ ଦେଖାଦେଉଥିବା ଅବ୍ୟବସ୍ଥାରୁ ବୁଝାପଡ଼ୁଛି। ୧୬ ଜୁଲାଇ ୨୦୧୮ରେ ଏହି ସ୍ତମ୍ଭରେ ‘ହିସାବରେ ଅତିକ୍ରମ’ ଶୀର୍ଷକ ଲେଖାରେ ଏ ସଂକ୍ରାନ୍ତରେ ଉଲ୍ଲେଖ କରିଥିଲୁ। ବର୍ତ୍ତମାନର କେନ୍ଦ୍ର ନେତୃତ୍ୱ କହିଚାଲିଛନ୍ତି ଯେ, ଭାରତ ଦ୍ରୁତତମ ଅର୍ଥନୀତି ଭାବେ ଆଗେଇ ଚାଲିଛି।...

ଜାତୀୟ ବେତାର ପ୍ରସାରଣ ଦିବସ ଉପଲକ୍ଷେ: ଜନସେବାରେ ରେଡିଓ

ଜାତୀୟ ବେତାର ପ୍ରସାରଣ ଦିବସ ଉପଲକ୍ଷେ: ଜନସେବାରେ ରେଡିଓ

ଡ. କିଶୋର ମହାନ୍ତି: ଭାରତରେ ରେଡିଓ ପ୍ରସାରଣ ସେବା ସ୍ବାଧୀନତାପ୍ରାପ୍ତିର ବହୁ ପୂର୍ବରୁ ଆରମ୍ଭ ହୋଇଛି। କିନ୍ତୁ ବିଧିବଦ୍ଧ ଭାବେ ୧୯୩୪ ମସିହାରୁ ଏହାର ପ୍ରସାରଣ ସମ୍ଭବ ହୋଇଛି। ୧୯୩୨ ମସିହାରେ ବିବିସି ତରଫରୁ ଭାରତରେ ରହିଥିବା ଇଂରେଜମାନଙ୍କ ପାଇଁ ଏକ ନୂତନ କାର୍ଯ୍ୟକ୍ରମ ଆରମ୍ଭ କରାଗଲା। ୧୯୩୬ ମସିହାରେ ଦିଲ୍ଲୀଠାରେ ଜାନୁୟାରୀ ପହିଲାରେ ପ୍ରତିଷ୍ଠା ହେଲା ବେତାର କେନ୍ଦ୍ର। ୧୯୪୦ ମସିହା ମଧ୍ୟରେ ବ୍ରିଟିଶ ଶାସନାଧୀନ ଭାରତରେ ବେତାର ପ୍ରସାରଣ ପାଇଁ ଅଲ୍‌ ଇଣ୍ଡିଆ ରେଡିଓର ନାମକରଣ ସହିତ ତା’ର ପ୍ରାଶାସନିକ ସ୍ବରୂପ ଠିକଣା ହେଲା। ଓଡିଶାରେ ମଧ୍ୟ ପ୍ରସାରଣ ପାଇଁ ତଦନୁରୂପ ବ୍ୟବସ୍ଥା କରାଗଲା। ଭାରତରେ ବେତାର ପ୍ରସାରଣ ପାଇଁ ଫିଲ୍‌ଡେନଙ୍କ ଭୂମିକା ଖୁବ୍‌ ଗୁରୁତ୍ୱପୂର୍ଣ୍ଣ।...

ଏଇ ଭାରତରେ

ଏଇ ଭାରତରେ

ଇଚ୍ଛା ଥିଲେ ଉପାୟ ଆପେ ଆପେ ଆସେ। ୫୯ବର୍ଷ ବୟସରେ ଜଣେ ଭାଜପା ବିଧାୟକ ବିଏ ପରୀକ୍ଷା ଦେଉଛନ୍ତି। ଫୁଲ୍‌ ସିଂ ମିନା ୨୦୧୭ରେ ଗ୍ରାଜୁଏଶନ୍‌ (ସ୍ନାତକ) କୋର୍ସରେ ନାମ ଲେଖାଇଛନ୍ତି। କାରଣ ତାଙ୍କ ବାପା ମରିଯିବା ପରେ ସେ ଅଧାରୁ ପାଠପଢ଼ା ଛାଡି ଦେଇଥିଲେ। ରାଜସ୍ଥାନର ଉଦୟପୁର ରୁରାଲ୍‌ ବିଧାୟକ ୪ଟି କନ୍ୟାସନ୍ତାନର ପିତା। ସେମାନେ ତାଙ୍କୁ ଏ ବୟସରେ ପାଠ ପଢ଼ିବା ପାଇଁ ଉତ୍ସାହିତ କରିଛନ୍ତି।...

ନିଷ୍ଫଳ ଅନାସ୍ଥା

ନିଷ୍ଫଳ ଅନାସ୍ଥା

ଆକାର ପଟେଲ ମୋଦିଙ୍କ ବିରୋଧରେ ବିରୋଧୀଙ୍କ ଦ୍ୱାରା ଆଗତ ଅନାସ୍ଥା ପ୍ରସ୍ତାବ ସପକ୍ଷରେ ୧୨୬ ଓ ବିପକ୍ଷରେ ୩୨୫ଟି ଭୋଟ ପଡ଼ିବା ବାସ୍ତବରେ ବିରୋଧୀ ଦଳଗୁଡ଼ିକ ପ୍ରତି ଅନାସ୍ଥା ପ୍ରକଟ କରୁଛି। ଏହି ସଂଖ୍ୟାକୁ ଦେଖିଲେ ଏ ଅନାସ୍ଥା ପ୍ରସ୍ତାବରୁ ବିରୋଧୀଙ୍କୁ କି ଲାଭ ମିଳିଲା ଓ ପ୍ରସଙ୍ଗ କୁଆଡ଼କୁ ଗଲା କିଛି ସ୍ପଷ୍ଟ ହେଉ ନାହିଁ। ଭୋଟ୍‌ର ଫଳାଫଳକୁ ଦେଖି ବାସ୍ତବରେ କେହି ବିସ୍ମିତ ନୁହନ୍ତି। କେବଳ ଶିବସେନାର କାର୍ଯ୍ୟ ବ୍ୟତୀତ (ଏହାର ଉଦ୍ଦେଶ୍ୟ କ’ଣ ପରେ ଆମେ ଆଲୋଚନା କରିବା) ଗୃହରେ ଏପରି କିଛି ଘଟଣା ଘଟିଲା ...

ପର୍ବତ ଗୁମ୍ଫାରେ ସତର ଦିନ

ପର୍ବତ ଗୁମ୍ଫାରେ ସତର ଦିନ

ପ୍ରକାଶ ତ୍ରିପାଠୀ ସମ୍ପ୍ରତି ଥାଇଲାଣ୍ଡର ପ୍ରଖ୍ୟାତ କାର୍ଟୁନିଷ୍ଟ ସିସିଡିଆଙ୍କର ଗୋଟିଏ କାର୍ଟୁନ ସୋସିଆଲ ମିଡିଆରେ ଭାଇରାଲ ହୋଇଛି। ଏଥିରେ ଦେଖାଯାଇଛି, ୧୨ଟି ବଣୁଆ ବାର୍‌ହା ଛୁଆ, ଗୋଟିଏ ବଡ଼ ବାର୍‌ହା ଓ କିଛି ଅନ୍ୟ ଜୀବଜନ୍ତୁ ଏକ ଜଳଭର୍ତ୍ତି ଅଣଓସାରିଆ ସୁଡ଼ଙ୍ଗ ବାଟ ଦେଇ ପହଁରି ପହଁରି ଯାଉଛନ୍ତି। ସୂଚନାଯୋଗ୍ୟ ଯେ, କାର୍ଟୁନିଷ୍ଟ ସିସିଡିଆ ଏହି କାର୍ଟୁନ ମାଧ୍ୟମରେ ଥାଇଲାଣ୍ଡର ଥାମ୍‌ ଲୁଆଙ୍ଗ ପର୍ବତ ଗୁମ୍ଫାରେ ୧୭ଦିନ ଧରି ଫସି ରହିଥିବା ଥାଇଲାଣ୍ଡର ଏକ ଜୁନିୟର ଫୁଟବଲ ଟିମ୍‌ (ଓ୍ବାଇଲ୍‌ଡ ବୋର୍ସ)ର ୧୨ଜଣ ସ୍କୁଲ ...

ସେଲିବ୍ରିଟି ଉଦ୍ୟୋଗୀ

ସେଲିବ୍ରିଟି ଉଦ୍ୟୋଗୀ

ବ୍ୟକ୍ତିତ୍ୱ/ଜିତେନ୍ଦ୍ର ସମୟ ବଦଳିବା ସହ ଯୁବପିଢ଼ିର ରୁଚିରେ ପରିବର୍ତ୍ତନ ଲକ୍ଷ୍ୟ କରାଯାଉଛି। ପ୍ରଗତିଶୀଳ ଚିନ୍ତାଧାରା ପୋଷଣ କରୁଥିବା କେତେକ ଯୁବତୀଯୁବକ ଚାକିରି ଅପେକ୍ଷା ଉଦ୍ୟୋଗୀ ହେବାକୁ ପସନ୍ଦ କରୁଛନ୍ତି ଓ ସ୍ଥଳବିଶେଷରେ ସଫଳ ହେଉଛନ୍ତି। ପୂର୍ବରୁ ନିର୍ଦ୍ଦିଷ୍ଟ କେତୋଟି କ୍ଷେତ୍ର ଉପରେ ଆଧାରିତ ବ୍ୟବସାୟିକ ଚିନ୍ତାଧାରା ନେଇ ଜଣେ ଉଦ୍ୟୋଗୀ ହେଉଥିଲେ। ଏବେ ଏହାର ପରିସର ...

ଏଇ ଭାରତରେ

ଏଇ ଭାରତରେ

ସ୍କୁଲ୍‌ଛାତ୍ରଙ୍କୁ ସର୍ବସମ୍ମୁଖରେ ଅପମାନଜନକ ଦଣ୍ଡଦେବା ଭଳି ଘଟଣା ଜଣେ ଶିକ୍ଷକଙ୍କ ପାଇଁ ମହଙ୍ଗା ପଡ଼ିଛି। ଫଳ ସ୍ବରୂପ ତାଙ୍କୁ ଚାକିରିରୁ ନିଲମ୍ବିତ କରାଯାଇଛି। ପୁଣେସ୍ଥିତ ବିଶ୍ରାନ୍ତଓ୍ବାଡି ପୁଣେ ଇଣ୍ଟରନ୍ୟାଶନାଲ୍‌ ସ୍କୁଲ୍‌ରେ ଜୁଲାଇ ୧୭ରେ ଏପରି ଏକ ଘଟଣା ଘଟିଛି। ଆର୍ଯ୍ୟନ୍‌ ଅମିତ୍‌ ଓ୍ବଘ୍‌ମେୟାର ନାମକ ୧୦ବର୍ଷର ବାଳକ ଷଷ୍ଠ ଶ୍ରେଣୀରେ ପଢ଼ନ୍ତି। ଶିକ୍ଷକ ଶ୍ୱେତ ଗୁପ୍ତା ଛାତ୍ରମାନଙ୍କ ସମ୍ମୁଖରେ ତାଙ୍କୁ ଦଣ୍ଡଦେଇଥିଲେ। ଛାତ୍ରର ମା’ ଅଦିତିଙ୍କ କହିବାନୁଯାୟୀ, ଶିକ୍ଷକ ଜଣକ ଗୋଟିଏ କଇଁଚି ଧରି ଆର୍ଯ୍ୟନ୍‌ଙ୍କ ମୁଣ୍ଡବାଳ ସମ୍ମୁଖ ଭାଗରୁ କା...

ଅସହଯୋଗର ଦୁଃଖ

ଅସହଯୋଗର ଦୁଃଖ

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌ ଦେଶର ସର୍ବୋଚ୍ଚ ଖାଉଟି ସମବାୟ ସଂସ୍ଥା ବୋର୍ଡ ଅଫ୍‌ ନ୍ୟାଶ୍‌ନାଲ କୋଅପରେଟିଭ୍ସ କଞ୍ଜ୍ୟୁମର୍ସ ଫେଡ଼େରେଶନ୍‌ (ଏନ୍‌ସିସିଏଫ୍‌ ବୋର୍ଡ)ର ପରିଚାଳନା ନିର୍ଦ୍ଦେଶକ (ଏମ୍‌ଡି)ଙ୍କୁ ନିଯୁକ୍ତି ଦେବା କାହାର ଅଧିକାରଭୁକ୍ତ ଏ ନେଇ ଉକ୍ତ ସଂସ୍ଥା ଏବଂ ଖାଉଟି ବ୍ୟାପାର, ଖାଦ୍ୟ ଓ ସାଧାରଣ ବଣ୍ଟନ ମନ୍ତ୍ରଣାଳୟ ମଧ୍ୟରେ ମତପାର୍ଥକ୍ୟ ଦେଖାଦେଇଛି। ମନ୍ତ୍ରଣାଳୟ ଜଣେ ଯୁଗ୍ମ ସଚିବ ଅନିଲ ବହୁଗୁଣାଙ୍କୁ ଏମ୍‌ଡି ଭାବେ ନିଯୁକ୍ତି ଦେବାବେଳେ ଏହି ମତଭେଦ ପଦାକୁ ଆସିଛି। ବିଶିଷ୍ଟ ସମବାୟ ନେତା ତଥା ପୂର୍ବତନ ବିଧାୟକ ବିଜେନ୍ଦର ...

ଗୁଜବର ବ୍ୟାପକତା

ଗୁଜବର ବ୍ୟାପକତା

ଶିବରାମ ଶତପଥୀ ପ୍ରାୟ ଷାଠିଏ ବର୍ଷ ପୂର୍ବର କଥା। ଲୋକେ ପଦବ୍ରଜରେ ଯିବା ଆସିବା କରୁଥିଲେ। ଦିନେ ମୁଁ ପଦିଆ ମାମୁଙ୍କୁ ପଚାରିଲି- ତୁମେ ପରା ଆଜି ଅମୁକ ଗାଁକୁ ଯିବାର ଥିଲା, ଯାଉନ। ସେ କହିଲେ ଖଙ୍ଗାର ମାତିଛି ପରା, ଏକୁଟିଆ କେମିତି ଯିବି? ପିଲାଙ୍କୁ ତାଗିଦ କରାଯାଉଥିଲା, ଏକା ଏକା ଦେଖିଲେ ପିଲାଙ୍କୁ ଖଙ୍ଗାର ବସ୍ତାରେ ପୂରାଇ ନେଇଯିବ। ଅମୁକଠାରେ ପୋଲ ତିଆରି ହେଉଛି ତ, ତା ନିଅଁରେ ପକାଇବା ପାଇଁ ପିଲାଙ୍କୁ ଧରି ନିଆଯାଉଛି। ପୋଲର ସ୍ଥାୟିତ୍ୱ ପାଇଁ ନରବଳି ଆବଶ୍ୟକ। ଏହା ଅବଶ୍ୟ ଏକ ଅନ୍ଧବିଶ୍ୱାସ।...

ଭକ୍ତ ଓ ଭଗବାନଙ୍କ ମହାମିଳନ

ଭକ୍ତ ଓ ଭଗବାନଙ୍କ ମହାମିଳନ

ବିମଳ ପ୍ରସନ୍ନ ଦାସ ଭକ୍ତ ଓ ଭଗବାନଙ୍କ ସମ୍ପର୍କ ଯୁଗେ ଯୁଗେ ଅନୁପମ ଓ ଅଲୌକିକ। ସେଥିପାଇଁ ଦାସିଆ ବାଉରିଙ୍କ ଅଧିକାର ଓ ଅଭିମାନ ଯୁଗ ଯୁଗକୁ ଅତୁଟ ରହିଛି ଓ ରହିଥିବ। କାରଣ ଲୀଳାମୟ, କାଳିଆ ସାଆନ୍ତ, ମହାବାହୁ ରାଜାଧିରାଜ ମଣିଷର ଠାକୁର। ଭକ୍ତର ଭାବରେ ବନ୍ଧା। ତା’ର ଜୀବନ ଧନ-ଅନ୍ଧ ଲଉଡି। କେତେ ବିଶ୍ୱାସ ଓ ନିର୍ଭରତା ଭକ୍ତର। ସାମାନ୍ୟ ଭରତିଆ ପକ୍ଷୀଟିର ଉଦାହରଣ ଯଥେଷ୍ଟ। କୁରୁକ୍ଷେତ୍ର ଯୁଦ୍ଧ ପ୍ରାରମ୍ଭରେ ପକ୍ଷୀଟି ବ୍ୟାକୁଳ ପ୍ରାର୍ଥନା କରିଛି ତା’ର ଅଣ୍ଡା ଦୁଇଟିକୁ ରକ୍ଷା କରିବାକୁ। ଭକ୍ତ ବଳରାମଙ୍କ କାଳଜ...

ଏଇ ଭାରତରେ

ଏଇ ଭାରତରେ

ନୀଚକୁଳରେ ଜନ୍ମ ହୋଇଥିବାରୁ ଜଣେ ମହିଳାଙ୍କ ହାତରନ୍ଧା ଖାଇବାକୁ କେତେକେ ନାକ ଟେକିଛନ୍ତି। ପରିଣାମ ସ୍ବରୂପ ଉକ୍ତ ମହିଳାଙ୍କୁ ସ୍କୁଲ୍‌ରୁ ହଟାଇ ଦେବାପାଇଁ ଉଚ୍ଚଜାତିର ଲୋକମାନେ ଦାବି ଉଠାଇଥିଲେ। ତାମିଲନାଡୁର ଏକ ସ୍କୁଲ୍‌ରେ ମଧ୍ୟାହ୍ନଭୋଜନ ରୋଷେଇ କରିବାରୁ ଉକ୍ତ ଦଳିତ ମହିଳାଙ୍କୁ ବଞ୍ଚତ୍ତ କରାଯାଇଛି। ତିରୁପୁର ଜିଲାର ଓକାମ୍‌ପଲାୟମ୍‌ ଗାଅଁାରେ ପି. ପାପଲ୍‌ ନାମ୍ନୀ ଏହି ମହିଳା ଗତ ୨ବର୍ଷ ହେଲା ମଧ୍ୟାହ୍ନଭୋଜନ ପାଚିକା ଭାବରେ ନିଯୁକ୍ତି ପାଇଥିଲେ। ସପ୍ତାହକ ତଳେ ନିଜ ଅନୁରୋଧ କ୍ରମେ ...

Watch Live Broadcast of Rath Yatra Puri, Odisha Here

Model This Week

ଚିଣ୍ଟୁ