ଖେଳ |

ଟେଲରଙ୍କ ରେକର୍ଡ ଶତକ

ଟେଲରଙ୍କ ରେକର୍ଡ ଶତକ

ହାମିଲ୍‌ଟନ, ୧୧।୧୨ (ପି.ଟି.)- ନ୍ୟୁଜିଲାଣ୍ଡ ଦଳର ବରିଷ୍ଠ ବ୍ୟାଟ୍ସମ୍ୟାନ ରସ୍‌ ଟେଲର ଏଠାରେ ଓ୍ବେଷ୍ଟଇଣ୍ଡିଜ୍‌ ବିପକ୍ଷରେ ଚାଲିଥିବା ଟେଷ୍ଟ ମ୍ୟାଚ୍‌ର ୨ୟ ଇନିଂସ୍‌ରେ ରେକର୍ଡ ଶତକୀୟ ପାଳି ଖେଳିଛନ୍ତି। ଏହା ତାଙ୍କ କ୍ୟାରିୟରର ୧୭ତମ ଶତକ। ଏଥିସହ ନ୍ୟୁଜିଲାଣ୍ଡ ଖେଳାଳି ଭାବେ ସର୍ବାଧିକ ଶତକ କରିିଥିବା ଖେଳାଳି ମାର୍ଟିନ କ୍ରିଓ ଓ ଅଧିନାୟକ କେନ ଓ୍ବିଲିୟମସନ୍‌ଙ୍କ ସହ ସମକକ୍ଷ ହୋଇଛନ୍ତି। ସେ ନିଜ କ୍ୟାରିୟରର ୮୩ତମ ମ୍ୟାଚ୍‌ରେ ଏହି ମାଇଲଖୁଣ୍ଟ ସ୍ପର୍ଶ କରିଛନ୍ତି। ଏହି ମ୍ୟାଚ୍‌ ପୂର୍ବରୁ ନିଜ ଘରୋଇ ଗ୍ରାଉଣ୍ଡରେ ଦେଶର ସର୍ବାଧିକ ଶତକ ହାସଲକାରୀଙ୍କ ସହ ସମକକ୍ଷ ହେବା ନେଇ ଲକ୍ଷ୍ୟ ରଖିଥିବା କହିଥିଲେ। ତାଙ୍କର ୧୦୭ ରନ୍‌ର ଅପରାଜିତ ପାଳି ଯୋଗୁ ନ୍ୟୁଜିଲାଣ୍ଡ ଦଳ ୨ୟ ଇନିଂସ୍‌ରେ ୮ ଉଇକେଟ ବିନିମୟରେ ୨୯୧ ରନ୍‌ କରି ପାଳି ସମାପ୍ତି ଘୋଷଣା କରିଛି। ପୂର୍ବରୁ ପ୍ରଥମ ଇନିଂସ୍‌ରେ ଘରୋଇ ଦଳ ୩୭୩ ରନ୍‌ କରିଥିବା ବେଳେ ଭ୍ରମଣକାରୀ ଓ୍ବେଷ୍ଟଇଣ୍ଡିଜ୍‌ ତା’ର ଅସମାପ୍ତ ବ୍ୟାଟିଂ ଆରମ୍ଭ କରି ୨୨୧ ରନ୍‌ରେ ସୀମିତ ରହିଥିଲା। ଫଳରେ ନ୍ୟୁଜିଲାଣ୍ଡ ୧୫୨ ରନ୍‌ର ଅଗ୍ରଣୀ ହାସଲ କରିଥିଲା। ଏହାପରେ ୪୪୪ ରନ୍‌ ବିଜୟଲକ୍ଷ୍ୟ ନେଇ ଓହ୍ଲାଇଥିବା ଓ୍ବେଷ୍ଟଇଣ୍ଡିଜ୍‌ ୩ୟ ଦିବସ ଶେଷ ପର୍ଯ୍ୟନ୍ତ ବ୍ୟାଟିଂ କରି ୨ ଉଇକେଟ ହରାଇ ୩୦ ରନ୍‌ କରିଛି। ଓ୍ବେଷ୍ଟଇଣ୍ଡିଜ୍‌କୁ ବଳକା ୮ ଉଇକେଟରେ ୪୧୪ ରନ୍‌ର ଆବଶ୍ୟକତା ରହିଛି। ମ୍ୟାଚ୍‌ରେ ଆହୁରି ୨ ଦିନ ବାକି ଥିବାରୁ ଫଳାଫଳ ବାହାରିବା ନିଶ୍ଚିତ। ଷ୍ଟମ୍ପ୍ସ ଅପସାରଣ ବେଳକୁ କେଗ୍ର ବ୍ରାଥଓ୍ବେଟ ୧୩ ଓ ଶିମରୋନ ହେଟମେର ୧୫ ରନ୍‌ କରି ଅପରାଜିତ ରହିଛନ୍ତି।

All Right Reserved By

Model This Week

ନିକିତା

ଖେଳ |

ପାକିସ୍ତାନ ହକି କିମ୍ବଦନ୍ତୀ ମନ୍‌ସୁର୍‌ ଭାରତରେ ହାର୍ଟ ସର୍ଜରୀ ପାଇଁ ଆଗ୍ରହୀ

ପାକିସ୍ତାନ ହକି କିମ୍ବଦନ୍ତୀ ମନ୍‌ସୁର୍‌ ଭାରତରେ ହାର୍ଟ ସର୍ଜରୀ ପାଇଁ ଆଗ୍ରହୀ

କରାଚି, ୨୪।୪(ଏଏଫ୍‌ପି)- ବିଶ୍ୱକପ୍‌ ବିଜୟୀ ପାକିସ୍ତାନ ହକି ତାରକା ଖେଳାଳି ମନସୁର୍‌ ଅହମ୍ମଦ ଭାରତରେ ହାର୍ଟ ଟ୍ରାନ୍ସପ୍ଲାଣ୍ଟ କରିବା ପାଇଁ ଆଗ୍ରହ ପ୍ରକାଶ କରିଛନ୍ତି। ଭାରତ ଓ ପାକିସ୍ତାନ ମଧ୍ୟରେ ରାଜନୈତିକ ସମ୍ପର୍କ ଦିନକୁ ଦିନ ଖରାପ ହେବାରେ ଲାଗିଥିଲେ ମଧ୍ୟ ସର୍ଜରୀ ପାଇଁ ୪୯ ବର୍ଷୀୟ ମନ୍‌ସୁର ଭାରତ ସରକାରଙ୍କ ସହାୟତା ଲୋଡ଼ିଛନ୍ତି।

ବିଶ୍ୱକପ୍‌ ଖେଳିବା ନେଇ ସନ୍ଦେହରେ ଲୁକାସ

ବିଶ୍ୱକପ୍‌ ଖେଳିବା ନେଇ ସନ୍ଦେହରେ ଲୁକାସ

ମିଲନ, ୨୪।୪(ଏଏଫ୍‌ପି)- ଫୁଟ୍‌ବଲର ମହାକୁମ୍ଭ ଫିଫା ବିଶ୍ୱକପ୍‌ ଆରମ୍ଭ ହେବାକୁ ଆଉ ୨ ମାସରୁ କମ୍‌ ସମୟ ରହିଥିବାବେଳେ ଆର୍ଜେଣ୍ଟିନାର ଅଭିଜ୍ଞ ମିଡ୍‌ଫିଲ୍ଡର ଲୁକାସ ରୋଡ୍ରିଗୋ ବିଗଲିଆଙ୍କ ଖେଳିବା ନେଇ ସନ୍ଦେହ ପ୍ରକାଶ ପାଇଛି।

ଏସିଆନ ସେଲିଂ ଚାମ୍ପିୟନଶିପ୍‌: ଆର୍ମି ସେଲର୍ସଙ୍କୁ ୭ଟି ସ୍ଥାନ

ଏସିଆନ ସେଲିଂ ଚାମ୍ପିୟନଶିପ୍‌: ଆର୍ମି ସେଲର୍ସଙ୍କୁ ୭ଟି ସ୍ଥାନ

ନୂଆଦିଲ୍ଲୀ, ୨୪।୪(ପି.ଟି.)- ଇଣ୍ଡୋନେସିଆରେ ଆସନ୍ତା ଜୁନ ୨୪ରୁ ୩୦ ତାରିଖ ପର୍ଯ୍ୟନ୍ତ ଏସିଆନ ସେଲିଂ ଚାମ୍ପିୟନଶିପ୍‌ ଅନୁଷ୍ଠିତ ହେବ। ଏଥିଲାଗି ଆର୍ମି ୟାଚିଂ ନୋଡ୍‌ (ଏଓ୍ବାଇଏନ୍‌) ସେଲର୍ସ ମୋଟ୍‌ ୮ଟିରୁ ୭ଟି ସ୍ଥାନ ହାସଲ କରିଛନ୍ତି।

ଶୁଟିଂ ବିଶ୍ୱକପ୍‌: ରିଜଭି ଜିତିଲେ ରୌପ୍ୟ

ଶୁଟିଂ ବିଶ୍ୱକପ୍‌: ରିଜଭି ଜିତିଲେ ରୌପ୍ୟ

ଚାଙ୍ଗ୍‌ଓ୍ବନ(ଦକ୍ଷିଣ କୋରିଆ), ୨୪।୪(ପି.ଟି.)- ଏଠାରେ ଚାଲିଥିବା ଆଇଏସ୍‌ଏସ୍‌ଏଫ୍‌ ବିଶ୍ୱକପ୍‌ରେ ଶାହରାଜ ରିଜଭି ଭାରତ ପାଇଁ ପଦକ ଅଭିଯାନ ଆରମ୍ଭ କରିଛନ୍ତି। ମଙ୍ଗଳବାର ରିଜଭି ୧୦ ମିଟର ଏୟାର ପିସ୍ତଲ ଇଭେଣ୍ଟରେ ୨ୟ ସ୍ଥାନରେ ରହି ରୌପ୍ୟ ପଦକ ହାସଲ କରିବା ସହ ଦେଶ ପାଇଁ ପ୍ରଥମ ପଦକ ସଫଳତା ଆଣିଛନ୍ତି।

ଦ.ଆଫ୍ରିକା-ପାକିସ୍ତାନ ସିରିଜ: ସେଞ୍ଚୁରିୟନରେ ବକ୍ସିଂ ଡେ ଟେଷ୍ଟ

ଦ.ଆଫ୍ରିକା-ପାକିସ୍ତାନ ସିରିଜ: ସେଞ୍ଚୁରିୟନରେ ବକ୍ସିଂ ଡେ ଟେଷ୍ଟ

ଜୋହାନ୍ସବର୍ଗ, ୨୪।୪(ଏଏଫ୍‌ପି)- ଆସନ୍ତା ୨୦୧୮-୧୯ ସିଜନ ଲାଗି ଦକ୍ଷିଣ ଆଫ୍ରିକାର ଘରୋଇ କାର୍ଯ୍ୟସୂଚୀ ଘୋଷଣା କରାଯାଇଛି। ଏଥିରେ ଘରୋଇ ଦକ୍ଷିଣ ଆଫ୍ରିକା ୩ଟି ଟେଷ୍ଟ ପାକିସ୍ତାନ ବିପକ୍ଷରେ ଏବଂ ୨ଟି ଟେଷ୍ଟ ମ୍ୟାଚ୍‌ ଶ୍ରୀଲଙ୍କା ବିପକ୍ଷରେ ଖେଳିବ ବୋଲି ଜଣାପଡ଼ିଛି।

ସ୍ବର୍ଣ୍ଣ ବିଜୟିନୀ ଅଂଶିକାଙ୍କୁ ସ୍ବାଗତ

ସ୍ବର୍ଣ୍ଣ ବିଜୟିନୀ ଅଂଶିକାଙ୍କୁ ସ୍ବାଗତ

ଭୁବନେଶ୍ୱର, ୨୪।୪(ସ୍ପୋଟର୍‌ସ ବ୍ୟୁରୋ)- ଦିଲ୍ଲୀର ତାଲକୋଟ୍ରା ଷ୍ଟାଡିୟମରେ ଅନୁଷ୍ଠିତ ଜାତୀୟ ସବ୍‌ଜୁନିୟର କରାଟେ ଚାମ୍ପିୟନଶିପ୍‌ରେ ସ୍ବର୍ଣ୍ଣ ପଦକ ଜିତିଥିବା ଓଡ଼ିଶାର ଅଂଶିକା ମହାପାତ୍ର ସୋମବାର ଭୁବନେଶ୍ୱର ଫେରିଛନ୍ତି।

କ୍ରୀଡ଼ା ଭାଷ୍ୟକାର ଅବିନାଶ ସମ୍ବର୍ଦ୍ଧିତ

କ୍ରୀଡ଼ା ଭାଷ୍ୟକାର ଅବିନାଶ ସମ୍ବର୍ଦ୍ଧିତ

ଭୁବନେଶ୍ୱର, ୨୪।୪(ସ୍ପୋଟର୍‌ସ ବ୍ୟୁରୋ)- କ୍ରୀଡ଼ା ଭାଷ୍ୟକାର ଅବିନାଶ ସାମଲଙ୍କୁ ସୋମବାର କଳିଙ୍ଗ ଗ୍ରୁପ ଅଫ୍‌ ଇନଷ୍ଟିଚ୍ୟୁଶନ୍‌ (କେଜିଆଇ)ପକ୍ଷରୁ ସମ୍ବର୍ଦ୍ଧିତ କରାଯାଇଛି। ଅବିନାଶ ଦୀର୍ଘ ୧୦ ବର୍ଷରୁ ଊର୍ଦ୍ଧ୍ୱ ଓଡ଼ିଶାରେ ଅନୁଷ୍ଠିତ ରାଜ୍ୟସ୍ତରୀୟ କ୍ରିକେଟ ଟୁର୍ନାମେଣ୍ଟ ଗୁଡ଼ିକରେ ଭାଷ୍ୟକାରଭାବେ ଦାୟିତ୍ୱ ତୁଲାଇ ଆସୁଛନ୍ତି।

ଗୋପୀଚାନ୍ଦ ଏକାଡେମୀରେ ପ୍ରଶିକ୍ଷଣ ନେବେ ଓଡ଼ିଶାର ତୁଶିତ

ଗୋପୀଚାନ୍ଦ ଏକାଡେମୀରେ ପ୍ରଶିକ୍ଷଣ ନେବେ ଓଡ଼ିଶାର ତୁଶିତ

ଭୁବନେଶ୍ୱର,୨୪।୪(ସ୍ପୋଟର୍‌ସ ବ୍ୟୁରୋ)- ଓଡ଼ିଶାର ତୁଶିତ କୁମାର କେଜ୍ରିଓ୍ବାଲ ହାଇଦ୍ରାବାଦସ୍ଥିତ ପୁଲେଲା ଗୋପୀଚାନ୍ଦ ବ୍ୟାଡ୍‌ମିଣ୍ଟନ ଏକାଡେମୀରେ ପ୍ରଶିକ୍ଷଣ ପାଇଁ ମନୋନୀତ ହୋଇଛନ୍ତି। ଆଇଡିବିଆଇ ଫେଡେରାଲ ଲାଇଫ୍‌ ଇନ୍ସୁରାନ୍ସର ଚାମ୍ପ୍‌ ପ୍ରୋଗ୍ରାମ ପାଇଁ ଚୟନ ହୋଇଥିବା ୧୪ ଯୁବ ଖେଳାଳିଙ୍କ ମଧ୍ୟରୁ ତୁଶିତ ଅନ୍ୟତମ।

ସାର୍ନୋବତ ଚତୁର୍ଥ

ସାର୍ନୋବତ ଚତୁର୍ଥ

ଚାଙ୍ଗଓନ୍‌ (ଦକ୍ଷିଣ କୋରିଆ), ୨୪ା୪ (ପି.ଟି.)-ଇଣ୍ଟରନ୍ୟାଶନାଲ ଶୁଟିଂ ସ୍ପୋଟର୍‌ସ ଫେଡେରେଶନ (ଆଇଏସ୍‌ଏସ୍‌ଏଫ୍‌) ଓ୍ବାଲର୍‌ଡ କପ୍‌ ଷ୍ଟେଜ୍‌-୨ରେ ଭାରତର ରାହି ସାର୍ନୋବତ୍‌ ଅଳ୍ପକେ ପଦକ ହାସଲରୁ ବଞ୍ଚତ୍ତ ହୋଇଛନ୍ତି। ମହିଳା ୨୫ମିଟର ପିସ୍ତଲ ଇଭେଣ୍ଟରେ ସେ ଚତୁର୍ଥ ସ୍ଥାନ ଅଧିକାର କରିଛନ୍ତି। ପ୍ରତିଯୋଗିତାର ଦ୍ୱିତୀୟ ଦିବସରେ ଭାରତୀୟଙ୍କ ମଧ୍ୟରେ ସାର୍ନୋବତ୍‌ ଶ୍ରେଷ୍ଠ ପ୍ରଦର୍ଶନ କରିଥିଲେ।

ଭାରତର ଭିଜା ନିୟମକୁ ପିସିବି ମୁଖ୍ୟଙ୍କ ନାପସନ୍ଦ

ଭାରତର ଭିଜା ନିୟମକୁ ପିସିବି ମୁଖ୍ୟଙ୍କ ନାପସନ୍ଦ

କଲିକତା, ୨୪ା୪ (ପି.ଟି.)-ଭାରତର କଡ଼ା ଭିଜା ନିୟମ ଯୋଗୁ ମୋତେ ଲାହୋରରୁ କଲିକତା ଆସିବା ଲାଗି ଦୀର୍ଘ ୧୯ ଘଣ୍ଟା ସମୟ ଲାଗିଛି ବୋଲି ପାକିସ୍ତାନ କ୍ରିକେଟ ବୋର୍ଡ (ପିସିବି) ଚେୟାରମ୍ୟାନ ନଜାମ ସେଠୀ କହିଛନ୍ତି। ଏଥିପାଇଁ ସେ ଭାରତର ବହିର୍ବ୍ୟାପାର ମନ୍ତ୍ରଣାଳୟ ବିରୋଧରେ ଅଭିଯୋଗ ଆଣିିଛନ୍ତି।

ଭାରତର ୫ମହିଳା ବକ୍ସର ସେମିରେ

ଭାରତର ୫ମହିଳା ବକ୍ସର ସେମିରେ

ବ୍ୟାଙ୍କକ୍‌, ୨୪ା୪ (ପି.ଟି.)-ଏସିଆନ ୟୁଥ ଚାମ୍ପିୟନଶିପ୍‌ରେ ଭାରତର ୫ ମହିଳା ବକ୍ସର ସେମିଫାଇନାଲରେ ପ୍ରବେଶ କରି ପଦକ ନିଶ୍ଚିତ କରିଛନ୍ତି। ସେମାନଙ୍କ ମଧ୍ୟରୁ ୨ ଜଣ ଅନାମିକା (୫୧କେଜି) ଓ ଆସ୍ଥା (୭୫କେଜି) ଚଳିତବର୍ଷ ଆର୍ଜେଣ୍ଟିନାରେ ହେବାକୁଥିବା ୟୁଥ୍‌ ଅଲିମ୍ପିକ ଗେମ୍ସ ଲାଗି ଯୋଗ୍ୟତା ନିକଟତର ହୋଇଛନ୍ତି। ଆର୍ଜେଣ୍ଟିନା ରାଜଧାନୀ ବୁଏନସ ଏରିଜ୍‌ରେ ହେବାକୁଥିବା ଏହି ଗେମ୍ସ ଲାଗି ଚଳିତ ଇଭେଣ୍ଟରୁ ୪ଜଣ ଶ୍ରେଷ୍ଠ ବକ୍ସର ଯୋଗ୍ୟତା ଅର୍ଜନ କରିବେ। ଅନାମିକା ମଙ୍ଗୋଲିଆର ମୁନ୍‌ଗୁନ୍‌ସରନ ବାଲ୍‌ସାନ୍‌ଙ୍କୁ ପରାସ୍ତ କରିଥିବାବେଳେ ଆସ୍ଥା ପାହ୍ବା ଚାଇନାର ଜିୟୁଇ ଓ୍ବାଙ୍ଗ୍‌ଙ୍କୁ ହରାଇ ଦେଇଛନ୍ତି।

‘ଟେଷ୍ଟ ପୂର୍ବରୁ ଦିନିକିଆ ସିରିଜ ସହାୟକ ହେବ’

‘ଟେଷ୍ଟ ପୂର୍ବରୁ ଦିନିକିଆ ସିରିଜ ସହାୟକ ହେବ’

ବମ୍ବେ, ୨୪।୪(ପି.ଟି.)- ଭାରତୀୟ କ୍ରିକେଟ ଦଳ ପାଇଁ ଆଗାମୀ ସିଜନ ବେଶ୍‌ ବ୍ୟସ୍ତବହୁଳ ରହିଛି। ଭାରତୀୟ ଦଳ ଜୁନ୍‌ ଅନ୍ତିମ ଭାଗରେ ଇଂଲଣ୍ଡ ଗସ୍ତ କରି ସେଠାରେ ଘରୋଇ ଦଳ ବିପକ୍ଷରେ ପାଞ୍ଚ ମ୍ୟାଚ୍‌ବିଶିଷ୍ଟ ଟେଷ୍ଟ ସହ ଏକପୂର୍ଣ୍ଣ ସିରିଜ ଖେଳିବାର କାର୍ଯ୍ୟକ୍ରମ ରହିଛି। ତେବେ ଟେଷ୍ଟ ପୂର୍ବରୁ ପ୍ରଥମେ ଦିନିକିଆ ସିରିଜ ଖେଳିଲେ ଏହା ଭାରତୀୟ ଖେଳାଳିଙ୍କୁ ବେଶ୍‌ ସହାୟକ ହେବ। ବିଶେଷ କରି ଟେଷ୍ଟ ସିରିଜ ପୂର୍ବରୁ ସ୍ଥାନୀୟ ପରିବେଶ ସହ ଖାପ ଖୁଆଇବା ଲାଗି ଭାରତୀୟ ଖେଳାଳିଙ୍କୁ ଯଥେଷ୍ଟ ସମୟ ମିଳିବ ବୋଲି ମୁଖ୍ୟ କୋଚ୍‌ ରବି ଶାସ୍ତ୍ରୀ କହିଛନ୍ତି।