Dharitri News
ମେଟ୍ରୋ |

ପୁରୀ ସରକାରୀ ମେଡିକାଲ କଲେଜ ୨୦୧୯-୨୦ରେ ପାଠପଢ଼ା ହେବା ନେଇ ଆଶଙ୍କା

ପୁରୀ ସରକାରୀ ମେଡିକାଲ କଲେଜ ୨୦୧୯-୨୦ରେ ପାଠପଢ଼ା ହେବା ନେଇ ଆଶଙ୍କା ପୁରୀ ଅଫିସ, ୧୧।୧୨ (ପ୍ରଦୀପ କିଶୋର ସାହୁ): ଆଗାମୀ ଦୁଇ ଶିକ୍ଷାବର୍ଷରେ ପୁରୀ ସରକାରୀ ମେଡିକାଲ କଲେଜରେ ପାଠପଢା ଆରମ୍ଭ ହେବା ନେଇ ଅନିଶ୍ଚିତତା ଦେଖାଦେଇଛି। ମେଡିକାଲ କଲେଜ କୋଠାର ନିର୍ମାଣ କାର୍ଯ୍ୟ ପ୍ରାୟ ୬୦ପ୍ରତିଶତ ସରିଥିଲେ ହେଁ  ହସ୍ପିଟାଲ ବ୍ୟବସ୍ଥା ଏ ପର୍ଯ୍ୟନ୍ତ ହୋଇନାହିଁ। ୨୦୧୮ ଅଗଷ୍ଟ ସୁଦ୍ଧା ମେଡିକାଲ କଲେଜ କୋଠା ନିର୍ମାଣ କାର୍ଯ୍ୟ ସାରିବାକୁ ଠିକାସଂସ୍ଥାକୁ ଟାର୍ଗେଟ ଦିଆଯାଇଛି। ଅଗଷ୍ଟ ମଧ୍ୟରେ ଯଦି ବି କାମ ସରେ ତେବେ ପଦାଧିକାରୀ ଓ ଡାକ୍ତର ନିଯୁକ୍ତି, ମେଡିକାଲ କାଉନ୍‌ସିଲ ଅଫ ଇଣ୍ଡିଆ ଯାଞ୍ଚ ହୋଇ ପାଠପଢା ପାଇଁ ସବୁଜ ସଙ୍କେତ ମିଳିବାକୁ ଆହୁରି ୧ ବର୍ଷ ଲାଗିବ ବୋଲି କୁହାଯାଉଛି। ତେଣୁ ଏହି ସରକାରୀ ମେଡିକାଲ କଲେଜରେ ୨୦୧୯-୨୦ ଶିକ୍ଷାବର୍ଷ ସୁଦ୍ଧା ପାଠପଢା ଆରମ୍ଭ ହେବା ନେଇ ଆଶଙ୍କା ମଧ୍ୟ ଉପୁଜିଛି।ଜିଲାବାସୀଙ୍କ ବହୁ ଦାବି ପରେ ସରକାର ପୁରୀଠାରେ ସରକାରୀ ମେଡିକାଲ କଲେଜ ନିର୍ମାଣ ଲାଗି ନିଷ୍ପତ୍ତି ନେଇଥିଲେ। ସହର ଉପକଣ୍ଠ ସମଙ୍ଗ ମୌଜାର ବାଲିଗୁଆଳିଠାରେ ମେଡିକାଲ କଲେଜ ସ୍ଥାପନ ପାଇଁ ନିଷ୍ପତ୍ତି ନିଆଗଲା। ୧ଶହ ଛାତ୍ରୀଛାତ୍ର ଅଧ୍ୟୟନ ପାଇଁ  ବ୍ୟବସ୍ଥା କରାଯିବାକୁ ସ୍ଥିର ହେଲା। ଏଥିଲାଗି ଶ୍ରୀମନ୍ଦିର ପ୍ରଶାସନର ୨୫ଏକର ପରିମିତ ଜମି ଚିହ୍ନଟ ହେଲା। ଅନୁରୂପ ପରିମାଣର ଜମି ରାଜ୍ୟ ସରକାର ଶ୍ରୀମନ୍ଦିର ପ୍ରଶାସନକୁ ମଧ୍ୟ ଦେଲେ। ଟେଣ୍ଡର ପ୍ରକ୍ରିୟା ସରିବା ପରେ ୨୦୧୫ ଜୁଲାଇ ୪ରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାର ଶିଳାନ୍ୟାସ କରିଥିଲେ। ୨୦୫ କୋଟି ଟଙ୍କାର ବ୍ୟୟରେ ହେବାକୁ ଥିବା ନିର୍ମାଣ କାର୍ଯ୍ୟ ୨୦୧୭ ମାର୍ଚ୍ଚ ସୁଦ୍ଧା ଶେଷ ହୋଇ ୨୦୧୭-୧୮ ଶିକ୍ଷାବର୍ଷ ପାଠପଢା ଆରମ୍ଭ କରିବାକୁ ଲକ୍ଷ୍ୟ ଧାର୍ଯ୍ୟ ହୋଇଥିଲା। ହେଲେ ଠିକାସଂସ୍ଥାକୁ  ଜମି ଦେବାରେ ବିଳମ୍ବ, ସ୍ଥାନୀୟ ଲୋକଙ୍କ ବିରୋଧ ଆଦି କାରଣରୁ  କାମ ଆରମ୍ଭ ବିଳମ୍ବ ହେଲା। ୨୦୧୬ ମାର୍ଚ୍ଚରେ କାମ ଆରମ୍ଭ ହୋଇଥିଲେ ହେଁ ପ୍ରକଳ୍ପ ଜମିରେ ୧୧କେଭି ବିଦ୍ୟୁତ୍‌ ଲାଇନ ବାଧକ ସାଜିଥିଲା। ୧୧କେଭି ବିଦ୍ୟୁତ୍‌ ଲାଇନର କେତେକ ଅଂଶ ହଟିବା ପରେ ସେହିବର୍ଷ ଡିସେମ୍ବରରୁ କାର୍ଯ୍ୟ ଆଗକୁ ବଢ଼ିଥିଲା। ହେଲେ ଏହାପରେ ଟ୍ରକ ଧର୍ମଘଟ, ଶ୍ମଶାନ ଓ ପୁଷ୍କରିଣୀ ବିବାଦ ଆଦି କାରଣରୁ ନିର୍ମାଣ କାର୍ଯ୍ୟ ମଧ୍ୟ କିଛି ମାତ୍ରାରେ ପ୍ରଭାବିତ ହୋଇଛି।  ସମ୍ପ୍ରତି  ୫ମହଲା ବିଶିଷ୍ଟ ପ୍ରଶାସନିକ ଭବନ କୋଠା, ୬୫୦ସିଟ୍‌ ବିଶିଷ୍ଟ ଅଡିଟୋରିୟମ୍‌, ଛାତ୍ରୀଛାତ୍ରଙ୍କ ହଷ୍ଟେଲ, ରେସିଡେଣ୍ଟ ଡାକ୍ତରଙ୍କ ପାଇଁ ୫ମହଲା କୋଠା, ଶବ ସଂରକ୍ଷଣ ଗୃହ, ଆନିମଲ ହାଉସ ନିର୍ମାଣ କାର୍ଯ୍ୟ ଜାରି ରହିଛି।  ଅଗଷ୍ଟ ୨୦୧୮ ସୁଦ୍ଧା  କାର୍ଯ୍ୟ ସରିବାକୁ ଟାର୍ଗେଟ ରହିଥିବା ବେଳେ ଠିକା ସଂସ୍ଥା ଏଲ ଆଣ୍ଡ ଟି  ମାର୍ଚ୍ଚ ଭିତରେ ସାରିବାକୁ ଲକ୍ଷ୍ୟ ରଖିଛି। କିନ୍ତୁ ଯେତିକି କାମ ବାକି ରହିଛି ଆଗୁଆ ସରିବା ନେଇ ସନ୍ଦେହ ଉପୁଜିଛି। ଅନ୍ୟପକ୍ଷରେ ଏତେବଡ ପ୍ରକଳ୍ପର କାର୍ଯ୍ୟ ଚାଲିଥିଲେ ହେଁ ଜିଲା ପ୍ରଶାସନ ପକ୍ଷରୁ ପ୍ରକଳ୍ପ ଅଗ୍ରଗତି ନେଇ ନିୟମିତ ତଦାରଖ ଓ ସମୀକ୍ଷା କରାଯାଉ ନ ଥିବା ଅଭିଯୋଗ ହେଉଛି। ଅନ୍ୟପକ୍ଷରେ ରାଜ୍ୟର ୩ ପୁରୁଣା ମେଡିକାଲ କଲେଜରେ ଛାତ୍ରୀଛାତ୍ରଙ୍କ ପାଇଁ କଲେଜ ଓ ହସ୍‌ପିଟାଲ ବ୍ୟବସ୍ଥା ରହିଛି। ଏପରି କି ବେସରକାରୀ ମେଡିକାଲ କଲେଜ ଗୁଡିକରେ ବି ଅନୁରୂପ ବ୍ୟବସ୍ଥା ଅଛି। କିନ୍ତୁ ପୁରୀ ସରକାରୀ ମେଡିକାଲ କଲେଜର ହସ୍‌ପିଟାଲ ବ୍ୟବସ୍ଥା ନାହିଁ। ପ୍ରାଥମିକ ପର୍ଯ୍ୟାୟରେ ପୁରୀ ଜିଲା ମୁଖ୍ୟ ଚିକିତ୍ସାଳୟକୁ ଅପଗ୍ରେଡ କରିବା ଲାଗି ରାଜ୍ୟ ସରକାର ଯୋଜନା କରିଥିଲେ। ଏଠାରେ ମେଡିକାଲ କଲେଜ ଛାତ୍ରୀଛାତ୍ର ପଠାପଢା ସୁବିଧା ରହିଲା ଭଳି ଭିତ୍ତିଭୂମି କରିବାକୁ ଯୋଜନା ରହିଥିଲା। କିନ୍ତୁ ଜିଲା ମୁଖ୍ୟ ଚିକିତ୍ସାଳୟର ଆବଶ୍ୟକ ଭିତ୍ତିଭୂମି ନ ଥିବାରୁ ରାଜ୍ୟ ସରକାର ଏହି ପ୍ରସ୍ତାବରୁ ଓହରିଥିବା କୁହାଯାଉଛି। ଅନ୍ୟପକ୍ଷରେ ମେଡିକାଲ କଲେଜ ପାଇଁ ହସ୍‌ପିଟାଲ କେଉଁଠାରେ କରାଯିବ ତାହା ଏ ପର୍ଯ୍ୟନ୍ତ ସ୍ଥିର ହୋଇନାହିଁ। ମେଡିକାଲ କଲେଜ ପାଇଁ ଆବଶ୍ୟକ ହସ୍‌ପିଟାଲ ନ ହେବା ପର୍ଯ୍ୟନ୍ତ ପାଠପଢା ଆରମ୍ଭ ହୋଇପାରିବ ନାହିଁ ବୋଲି କୁହାଯାଉଛି।  ଏ ସମ୍ପର୍କରେ ସ୍ବାସ୍ଥ୍ୟମନ୍ତ୍ରୀ ପ୍ରତାପ ଜେନା କୁହନ୍ତି, ପ୍ରଥମ ୨/୩ ବର୍ଷ ପୁରୀ ଜିଲା ମୁଖ୍ୟ ଚିକିତ୍ସାଳୟରେ ହସ୍ପିଟାଲ କାମ ଚାଲିବ। ତିନିବର୍ଷ ପରେ ହସ୍‌ପିଟାଲ ସମ୍ପର୍କରେ ନିଷ୍ପତ୍ତି ନିଆଯିବ।

ମେଟ୍ରୋ |

ଏଣିକି ଭକ୍ତ ଦେଖିବେ ହୁଣ୍ଡି ଗଣତି

ଏଣିକି ଭକ୍ତ ଦେଖିବେ ହୁଣ୍ଡି ଗଣତି

ପୁରୀ ଅଫିସ,୧୮।୧: ଏଣିକି ଶ୍ରୀମନ୍ଦିର ହୁଣ୍ଡି ଗଣତି ଦେଖିପାରିବେ ଶ୍ରଦ୍ଧାଳୁ। ମହାପ୍ରଭୁଙ୍କ ହୁଣ୍ଡିରେ ଭକ୍ତମାନେ କ’ଣ ଦାନ ଦେଇଛନ୍ତି ତାହା ମଧ୍ୟ ଜାଣିପାରିବେ। ଏହି ବ୍ୟବସ୍ଥା କରିଛି ଶ୍ରୀମନ୍ଦିର ପ୍ରଶାସନ। ଭକ୍ତଙ୍କ ଉଦ୍ଦେଶ୍ୟରେ ଗୁରୁବାର ଶ୍ରୀମନ୍ଦିର ବେଢା ଶାଖା କାର୍ଯ୍ୟାଳୟ ନିକଟରେ ଲାଗିଛି ଏଲ୍‌ଇଡି ଟିଭି।

ପୁରୀ ରେଳଷ୍ଟେଶନ ନିକଟରେ ବିଜେଡିର ପ୍ରତିବାଦ ସଭା

ପୁରୀ ରେଳଷ୍ଟେଶନ ନିକଟରେ ବିଜେଡିର ପ୍ରତିବାଦ ସଭା

ପୁରୀ ଅଫିସ, ୧୮।୧: ବମ୍ବେର ଛତ୍ରପତି ଶିବାଜୀ ଟର୍ମିନସ (ସିଏସ୍‌ଟି) ଷ୍ଟେଶନରେ ଲଗାଯାଇଥିବା ଶ୍ରୀମନ୍ଦିର ସମ୍ପର୍କିତ ବିବାଦୀୟ ପୋଷ୍ଟରକୁ ନେଇ ଭାଜପାକୁ ଘେରିଛି ବିଜେଡି।

୨ ଅଙ୍ଗନୱାଡ଼ିର ଫଳକ ଭାଙ୍ଗିଲେ ସରପଞ୍ଚଙ୍କ ସମର୍ଥକ

୨ ଅଙ୍ଗନୱାଡ଼ିର ଫଳକ ଭାଙ୍ଗିଲେ ସରପଞ୍ଚଙ୍କ ସମର୍ଥକ

ପୁରୀ ଅଫିସ, ୧୮।୧: ଗୁରୁବାର ରାଜସ୍ବ ମନ୍ତ୍ରୀ ମହେଶ୍ୱର ମହାନ୍ତିଙ୍କ ପୁରୀ ନିର୍ବାଚନ ମଣ୍ଡଳୀର ବିଭିନ୍ନ ସ୍ଥାନରେ ମାରାଥନ ଶିଳାନ୍ୟାସ ଓ ଉଦ୍‌ଘାଟନ କାର୍ଯ୍ୟକ୍ରମ ଥିଲା। କିନ୍ତୁ ବାଲିପଡା ଏବଂ ଝିଙ୍କିରିଆ ଗ୍ରାମର ଅଙ୍ଗନୱାଡି କେନ୍ଦ୍ର ଉଦ୍‌ଘାଟନକୁ ନେଇ ସୃଷ୍ଟି ହୋଇଥିଲା ଉତ୍ତେଜନା।

ଅନ୍ନପୂର୍ଣ୍ଣା ମଞ୍ଚରେ ‘ମୁଁ ଏକ ଅସଫଳ ନାୟକ’

ଅନ୍ନପୂର୍ଣ୍ଣା ମଞ୍ଚରେ ‘ମୁଁ ଏକ ଅସଫଳ ନାୟକ’

ପୁରୀ ଅଫିସ,୧୮।୧: ଆଜିର ସମାଜ ବଡ଼ ବିଚିତ୍ରମୟ। ସମସ୍ତେ ନିଜ ପାଇଁ ବ୍ୟସ୍ତ। ନିଜେ ଭଲରେ ରହିବେ, ଭଲ ପିନ୍ଧିବେ, ଭଲ ଖାଇବେ ଆଉ ସବୁଥିରେ ସଫଳତା ପାଇବେ। ଏମିତି ଚିନ୍ତାରେ ମଣିଷ ସର୍ବଦା ଧାଉଁଛି।

ଫ୍ରାଞ୍ଚାଇଜ୍‌ ସ୍ବାର୍ଥରେ ସେସୁ

ଭୁବନେଶ୍ୱର,୧୮।୧(ବ୍ୟୁରୋ)- ବିଦ୍ୟୁତ୍‌ ବଣ୍ଟନ ଦାୟିତ୍ୱ ନେଇଥିବା ଫ୍ରାଞ୍ଚାଇଜ୍‌ କମ୍ପାନୀମାନେ ଗତ ପ୍ରାୟ ୫ ବର୍ଷ ମଧ୍ୟରେ ଗ୍ରାହକଙ୍କ ଉପରୋକ୍ତ ସମସ୍ୟାକୁ ସମାଧାନ କରିବାରେ ବାରମ୍ବାର ବିଫଳ ହେଉଥିଲେ ମଧ୍ୟ ସେସୁ ମ୍ୟାନେଜମେଣ୍ଟ ଆଖିବୁଜି ବସିଛି। କାହିଁକି ଫ୍ରାଞ୍ଚାଇଜ୍‌ କମ୍ପାନୀଗୁଡ଼ିକ ବିଫଳ ହେଉଛନ୍ତି ତାହାର ସମୀକ୍ଷା କରାଯାଉନାହିଁ। ଏଭଳିସ୍ଥଳେ ବିନା ଟେଣ୍ଡରରେ ଫ୍ରାଞ୍ଚାଇଜ୍‌ କମ୍ପାନୀଗୁଡ଼ିକର କାର୍ଯ୍ୟକାଳ ପୁଣିଥରେ ବୃଦ୍ଧି ପାଇଁ ମସୁଧା ଚାଲିଛି।

ଚିଟ୍‌ଫଣ୍ଡ ତଦନ୍ତ କମିଶନ: ଦାଖଲ ହେଲା ଚତୁର୍ଥ ଅନ୍ତରୀଣ ରିପୋର୍ଟ

କଟକ ଅଫିସ, ୧୮।୧- ଚିଟଫଣ୍ଡ ଠକେଇ ଘଟଣାର ତଦନ୍ତ କରୁଥିବା ଜଷ୍ଟିସ ମଦନ ମୋହନ ଦାସ କମିଶନ ଗୁରୁବାର ସରକାରଙ୍କୁ ଚତୁର୍ଥ ଅନ୍ତରୀଣ ରିପୋର୍ଟ ଦେଇଛନ୍ତି। କମିଶନଙ୍କ ସଚିବ ଦେବରାଜ ରାଉତ ସିଲ୍‌ କଭରରେ ୬୮୯୧ ପୃଷ୍ଠାର ଏହି ରିପୋର୍ଟକୁ ଗୃହ ବିଭାଗ ଅତିରିକ୍ତ ମୁଖ୍ୟ ଶାସନ ସଚିବଙ୍କୁ ପ୍ରଦାନ କରିଛନ୍ତି।

ଏକ୍ସପାଏରି ଔଷଧ ଖାଇବେ ରୋଗୀ

ଏକ୍ସପାଏରି ଔଷଧ ଖାଇବେ ରୋଗୀ

କଟକ ଅଫିସ, ୧୮।୧- ନିରାମୟ ଯୋଜନାରେ ସରକାର ଯୋଗାଣ କରିଥିବା ମାଗଣା ଔଷଧକୁ ନେଇ ଏକ ବଡ଼ଧରଣର ଦାୟିତ୍ୱହୀନତା ସାମ୍ନାକୁ ଆସିଛି। ଏସ୍‌ସିବି ମେଡିକାଲରୁ ଏହା ଧରାପଡିଛି। ଜାନୁୟାରୀ ୧୬ ତାରିଖରେ ରୋଗୀଙ୍କୁ ଦିଆଯାଇଥିବା ଔଷଧର ଅବଧି ଫେବୃୟାରୀ ପର୍ଯ୍ୟନ୍ତ ରହିଛି। ଅର୍ଥାତ ମାତ୍ର ୪୪ଦିନ ଔଷଧର ଅବଧି ଥିବା ବେଳେ ରୋଗୀଙ୍କୁ କେଉଁଠି ଦୁଇମାସ, ଅଢେଇମାସ ଓ ସ୍ଥଳବିଶେଷରେ ୩ମାସ ପାଇଁ ଦିଆଯାଇଛି।

ପଲିଥିନ ବ୍ୟାଗ୍‌ କଟକଣା: ବ୍ୟବସାୟୀ ଦେବେ ମାସକୁ ୪ ହଜାର

ପଲିଥିନ ବ୍ୟାଗ୍‌ କଟକଣା: ବ୍ୟବସାୟୀ ଦେବେ ମାସକୁ ୪ ହଜାର

ଭୁବନେଶ୍ୱର,୧୮।୧(ବ୍ୟୁରୋ)-ଏଣିକି ବ୍ୟବସାୟୀମାନେ ଆଉ ମାଗଣାରେ ମନଇଚ୍ଛା ପଲିଥିନ ବ୍ୟାଗ୍‌ ବ୍ୟବହାର କରିପାରିବେ ନାହିଁ। ଏଥିପାଇଁ ସେମାନଙ୍କୁ ଦେବାକୁ ହେବ ପଞ୍ଜୀକରଣ ଫି। ମାସକୁ ୪ ହଜାର ଟଙ୍କା ହିସାବରେ ବର୍ଷକୁ ୪୮ ହଜାର ଟଙ୍କା ଫି ଦାଖଲ କରିବାକୁ ପଡିବ। ଏ ନେଇ ଭୁବନେଶ୍ୱର ମହାନଗର ନିଗମ(ବିଏମ୍‌ସି) ପକ୍ଷରୁ ଗୁରୁବାର ବିଜ୍ଞପ୍ତି ଜାରି କରାଯାଇଛି।

ସର୍ବଭାରତୀୟ ସ୍ତ୍ରୀ ଓ ପ୍ରସୂତି ରୋଗ ବିଶେଷଜ୍ଞ ସମ୍ମିଳନୀ

ସର୍ବଭାରତୀୟ ସ୍ତ୍ରୀ ଓ ପ୍ରସୂତି ରୋଗ ବିଶେଷଜ୍ଞ ସମ୍ମିଳନୀ

ଭୁବନେଶ୍ୱର, ୧୭।୧(ବ୍ୟୁରୋ)- ରାଜ୍ୟରେ ୪୦୦୦ ଡାକ୍ତର ପଦବୀ ଖାଲି ପଡିଛି। ସେଗୁଡ଼ିକ ପୂରଣ ପାଇଁ ସରକାର କୋରାପୁଟ ଏବଂ ବାରିପଦାରେ ୨ଟି ନୂଆ ମେଡିକାଲ କଲେଜ ଖୋଲିଛନ୍ତି।

ଅଭିଯୋଗ କରିବାକୁ ଆସିଥିବା ପୋଲିସ କର୍ମଚାରୀଙ୍କୁ ଗାଳି

ଅଭିଯୋଗ କରିବାକୁ ଆସିଥିବା ପୋଲିସ କର୍ମଚାରୀଙ୍କୁ ଗାଳି

ଭୁବନେଶ୍ୱର, ୧୮।୧(ବ୍ୟୁରୋ)- ପୋଲିସ ଲୋକଙ୍କ ନିକଟତର ହୋଇ କାମ କରିବାକୁ ଡିଜିପିଙ୍କଠାରୁ ଆରମ୍ଭ କରି କମିଶନର, ଡିସିପି ନିର୍ଦ୍ଦେଶ ଦେଉଛନ୍ତି। କିନ୍ତୁ ଥାନାରେ ଏହାର ଓଲଟା ହେଉଛି। ଅଧିକାଂଶ କ୍ଷେତ୍ରରେ ଅଭିଯୋଗକାରୀମାନଙ୍କୁ କଦର୍ଯ୍ୟ ବ୍ୟବହାର କରାଯାଉଛି।

ପୋଲିସ ସହ ଅଭିଯୁକ୍ତଙ୍କ ସେଲ୍‌ଫି

ପୋଲିସ ସହ ଅଭିଯୁକ୍ତଙ୍କ ସେଲ୍‌ଫି

ଭୁବନେଶ୍ୱର, ୧୭।୧(ବ୍ୟୁରୋ)- କମିଶନରେଟ ପୋଲିସର ଅଭିଯୁକ୍ତଙ୍କ ପ୍ରତି ପ୍ରୀତି ବଢ଼ିବାରେ ଲାଗିଛି। ଆଗରୁ ଅନେକ ଘଟଣାରେ ଅଭିଯୁକ୍ତଙ୍କ ପ୍ରତି ପୋଲିସର କୋହଳ ମନୋଭାବ ଦେଖିବାକୁ ମିଳିଛି। ପୁଣି ଏକ ସମାନ ଘଟଣା ସାମ୍ନାକୁ ଆସିଛି।

ଉତ୍କଳ ବିଶ୍ୱବିଦ୍ୟାଳୟରେପ୍ରତିଷ୍ଠା ହେବ ଉତ୍ତର-ପୂର୍ବାଞ୍ଚଳ ଅଧ୍ୟୟନ କେନ୍ଦ୍ର

ଉତ୍କଳ ବିଶ୍ୱବିଦ୍ୟାଳୟରେପ୍ରତିଷ୍ଠା ହେବ ଉତ୍ତର-ପୂର୍ବାଞ୍ଚଳ ଅଧ୍ୟୟନ କେନ୍ଦ୍ର

ଭୁବନେଶ୍ୱର, ୧୭।୧(ବ୍ୟୁରୋ)- ଉତ୍ତର-ପୂର୍ବ ଭାରତର ପ୍ରାକୃତିକ ସମ୍ପଦ ଓ ସଂସ୍କୃତି ବିଷୟରେ ଶିକ୍ଷାଲାଭ ଏବଂ ଗବେଷଣା ପାଇଁ ଏକ ପ୍ଲାଟଫର୍ମ ଯୋଗାଇ ଦିଆଯିବ।