ରାଜ୍ୟ |

୧୬ ମାସରେ ଗଣିଲେଣି ୧୬ କୋଟି

୧୬ ମାସରେ ଗଣିଲେଣି ୧୬ କୋଟି

କଟକ ଅଫିସ, ୧୧।୧୨- ରକ୍ତଦାନ, ରକ୍ତ ପରୀକ୍ଷା ଓ ରୋଗୀଙ୍କୁ ରକ୍ତ ଦେବା ନେଇ ଏକ ବଡ଼ଧରଣର ବିଭ୍ରାଟ ସାମ୍ନାକୁ ଆସିଛି। ବିଧାନସଭାରେ ଆଠଗଡ଼ ବିଧାୟକ ରଣେନ୍ଦ୍ର ପ୍ରତାପ ସ୍ବାଇଁଙ୍କ ଏକ ପ୍ରଶ୍ନର ଉତ୍ତରରେ ରାଜ୍ୟ ସ୍ବାସ୍ଥ୍ୟମନ୍ତ୍ରୀ ଯେଉଁ ତଥ୍ୟ ଦେଇଛନ୍ତି ତାହାକୁ ଦେଖିଲେ ସରକାରଙ୍କ ଘରୋଇ କମ୍ପାନୀ ପ୍ରୀତି ଜଳଜଳ ହୋଇ ଦେଖାଯାଉଛି। ଏସ୍‌ସିବିରେ ଏମ୍‌ଆର୍‌ଆଇକୁ ନେଇ ଚାଲିଥିବା ଅନିୟମିତତା ସମ୍ପର୍କରେ ଧରିତ୍ରୀ ଏକ ତଥ୍ୟଭିତ୍ତିକ ଖବର ଲୋକଙ୍କ ସାମ୍ନାକୁ ଆଣିଥିଲା। କଲିକତାର ଏକ ଘରୋଇ ସଂସ୍ଥା ସହିତ ସରକାର ପିପିପି ମୋଡ୍‌ରେ ଏମ୍‌ଆର୍‌ଆଇ ପରୀକ୍ଷା କରାଇ କିଭଳି ସାଂଘାତିକ ଭାବେ କ୍ଷତିର ସମ୍ମୁଖୀନ ହେଉଛନ୍ତି ସେ ସମ୍ପର୍କରେ ଉକ୍ତ ଖବର ପ୍ରକାଶିତ ହୋଇଥିଲା। କାରଣ ଏମ୍‌ଆର୍‌ଆଇ ବାବଦରେ ସରକାର ମାତ୍ର ୧୨ ପ୍ରତିଶତ ଅର୍ଥ ସମ୍ପୃକ୍ତ ସଂସ୍ଥାଠାରୁ ପାଉଥିବା ବେଳେ ୮୮ ପ୍ରତିଶତ ଅର୍ଥ ସମ୍ପୃକ୍ତ ସଂସ୍ଥା ନେଇଚାଲିଛି। ସମାନ ଢଙ୍ଗରେ ରକ୍ତ ପରୀକ୍ଷାକୁ ନେଇ କଲିକତାର ଆଉ ଏକ ସଂସ୍ଥା ସହିତ ସରକାର କରିଥିବା ଚୁକ୍ତି ଓ ଏ ବାବଦରେ ଖର୍ଚ୍ଚ କରିଥିବା ଅର୍ଥକୁ ନେଇ ବିବାଦୀୟନ ପରିସ୍ଥିତି ଉପୁଜିଛି। କଲିକତାର ସଂସ୍ଥାକୁ ଅନୁକମ୍ପା ପ୍ରଦର୍ଶନ କରାଯାଇଥିବା ଏବଂ ରକ୍ତ ପରୀକ୍ଷା ବାବଦରେ ଅତ୍ୟଧିକ ଅର୍ଥ ଦେବାକୁ ଚୁକ୍ତି ହୋଇଥିବା ଅଭିଯୋଗ କରି ଅନ୍ୟ ଏକ ସଂସ୍ଥା ପକ୍ଷରୁ ଭିଜିଲାନ୍ସରେ ଅଭିଯୋଗ ହୋଇଥିଲା। କଲିକତା ସଂସ୍ଥା କଟକ ଏସ୍‌ସିବି ମେଡିକାଲରେ ରକ୍ତ ପରୀକ୍ଷା ପାଇଁ ମେଶିନ ଲଗାଇ ସେବା ଯୋଗାଇବା ପରେ ଭିଜିଲାନ୍ସ ଅଭିଯୋଗ ସଂକ୍ରାନ୍ତରେ ଖୋଳତାଡ଼ କରିଥିଲା। ଜଣେ ଅତିରିକ୍ତ ଏସ୍‌ପି ପାହ୍ୟାର ଅଧିକାରୀ ଏହାର ତଦନ୍ତ କରିଥିଲେ। ହେଲେ ଭିଜିଲାନ୍ସ ତଦନ୍ତ କିଭଳି ଢଙ୍ଗରେ କରାଗଲା ତାହାର ନିର୍ଯାସ ଅଦ୍ୟାବଧି ବାହାରକୁ ଆସିପାରିଲା ନାହିଁ।
ଲୋକଙ୍କଠାରୁ ବିଭିନ୍ନ ସମୟରେ ସଂଗ୍ରହ କରାଯାଉଥିବା ରକ୍ତକୁ ନାଟ୍‌ (ନ୍ୟୁକ୍ଲିକ୍‌ ଏସିଡ୍‌ ଟେଷ୍ଟିଂ) ପଦ୍ଧତିରେ ପରୀକ୍ଷା କରିବାକୁ ନେଇ ଏବେ ବିବାଦ ଉପୁଜିଛି। ରାଜ୍ୟର ୪ଟି ରକ୍ତଭଣ୍ଡାର ଯଥା ଏସ୍‌ସିବି ମେଡିକାଲ, ଏମ୍‌କେସିଜି ମେଡିକାଲ, ବୁର୍ଲା ମେଡିକାଲ ଓ କ୍ୟାପିଟାଲ ହସ୍ପିଟାଲରେ ଏହି ପଦ୍ଧତିରେ ପରୀକ୍ଷା କରାଯାଉଛି। ମୁଖ୍ୟତଃ ରକ୍ତର ପିସିଆର୍‌ (ପଲିମୋରାଇଜ୍‌ ଚେନ ରିଆକ୍ସନ) ନିମନ୍ତେ ଏହି ସର୍ବୋତ୍କୃଷ୍ଟ ଟେକ୍ନୋଲୋଜିକୁ ରାଜ୍ୟ ସରକାର ୨୦୧୬ ଜୁନରୁ ଉକ୍ତ ୪ ସ୍ବାସ୍ଥ୍ୟାନୁଷ୍ଠାନରେ ଆରମ୍ଭ କରିଥିଲେ। ଏହା ଦ୍ୱାରା ରକ୍ତରେ ଥିବା ଏଚ୍‌ଆଇଭି, ହେପାଟାଇଟିସ ବି ଓ ହେପାଟାଇଟିସ ସି ପ୍ରଭୃତିର ସହଜ ଚିହ୍ନଟ କରାଯାଇପାରୁଛି। ପୂର୍ବରୁ ଏଲିସା ରିଡର ମେଶିନ ମାଧ୍ୟମରେ ପରୀକ୍ଷା କରାଯାଉଥିଲା, ଯଦ୍ଦ୍ବାରା ରକ୍ତରେ ଉପରୋକ୍ତ ଭାଇରସ୍‌ଗୁଡ଼ିକ ଚିହ୍ନଟ କରିବା ଅସୁବିଧା ଉପୁଜିବା ସହ ସମୟସାପେକ୍ଷ ଥିଲା। ମାତ୍ର ନାଟ୍‌ ପିସିଆର୍‌ ପଦ୍ଧତିରେ ଜଣେ ରକ୍ତଦାତା ଏହି ସବୁ ରୋଗରେ ଆକ୍ରାନ୍ତ ହେବାର ୬ରୁ ୮ ଘଣ୍ଟା ମଧ୍ୟରେ ଚିହ୍ନଟ କରାଯାଇ ପାରୁଛି। ହେଲେ ନାଟ୍‌ ପିସିଆର୍‌ ବ୍ୟବସ୍ଥାକୁ ନେଇ ସରକାର ଯେଉଁ ପଦ୍ଧତି ଆପଣାଇଛନ୍ତି ତାହାକୁ ନେଇ ସାଧାରଣରେ ପ୍ରଶ୍ନ ଉଠିଛି। ଏହି ମେଶିନ ନିମନ୍ତେ ସରକାର କଲିକତାର ଏକ ଘରୋଇ ସଂସ୍ଥା ସହିତ ଏମ୍‌ଓୟୁ ସ୍ବାକ୍ଷର କରିଛନ୍ତି। ପ୍ରତି ୟୁନିଟ୍‌ ରକ୍ତ ପରୀକ୍ଷା ପାଇଁ ସରକାର ଉକ୍ତ ସଂସ୍ଥାକୁ ୭୫୦ (ମୂଲ୍ୟଯୁକ୍ତ କର ବ୍ୟତୀତ) ଟଙ୍କା ଦେଉଛନ୍ତି। ଏହି ହାରରେ ୨୦୧୬ ଜୁନ୍‌ରୁ ୨୦୧୭ ଅକ୍ଟୋବର ମଧ୍ୟରେ ଉକ୍ତ ଘରୋଇ ସଂସ୍ଥାକୁ ସରକାର ୧୬ କୋଟି ୩୨ ଲକ୍ଷ ୯୦ହଜାର ୭୨୭ ଟଙ୍କା ଦେଇସାରିଲେଣି। ଏହି ସମୟ ମଧ୍ୟରେ ଉକ୍ତ ମେଶିନ ୧,୮୯,୮୧୬ ୟୁନିଟ୍‌ ରକ୍ତ ପରୀକ୍ଷା କରିଛି। ସେଥିରୁ ୫୧୫ ୟୁନିଟ୍‌ ରକ୍ତରେ ଏଚ୍‌ଆଇଭି, ହେପାଟାଇଟିସ୍‌ ବି ଓ ହେପାଟାଇଟିସ୍‌ ସି ଠାବ କରାଯାଇଛି। ବାକି ୧,୮୯,୩୦୧ ୟୁନିଟ୍‌ ରକ୍ତକୁ ବିଶୁଦ୍ଧୀକରଣ କରାଯାଇଥିବା ମନ୍ତ୍ରୀ ବିଧାନସଭାରେ ଉତ୍ତର ଦେଇଛନ୍ତି।
ମନ୍ତ୍ରୀଙ୍କ ଉତ୍ତରକୁ ଦେଖିଲେ ସାଧାରଣରେ ଦୁଇଟି ବଡ଼ ପ୍ରଶ୍ନ ଛିଡ଼ାହୋଇଛି। ପ୍ରଥମତଃ ନାଟ୍‌ ପିସିଆର୍‌ ମେଶିନର ମୂଲ୍ୟ କେତେ ତାହା ସରକାରଙ୍କୁ ଜଣା ନ ଥିବା ମନ୍ତ୍ରୀ ନିଜ ଉତ୍ତରରେ କହିଛନ୍ତି। ଭିତିରି ସୂତ୍ରରୁ ବୁଝିବାରୁ ଜଣାପଡ଼ିଛି ଉକ୍ତ ମେଶିନର ମୂଲ୍ୟ ୧ କୋଟିରୁ ୨ କୋଟି ମଧ୍ୟରେ ହେବ। ଅତଏବ ସରକାର ୪ଟି ସ୍ଥାନରେ ଏହି ମେଶିନ ମାଧ୍ୟମରେ ରକ୍ତ ପରୀକ୍ଷା କରୁଛନ୍ତି। କିନ୍ତୁ ୧୬ ମାସ ମଧ୍ୟରେ ପରୀକ୍ଷା ବାବଦରେ ୧୬ କୋଟି ୩୨ ଲକ୍ଷ ୯୦ହଜାର ୭୨୭ ଟଙ୍କା ଗଣିସାରିଲେଣି। ସରକାରୀ କୋଠା ଓ ବିଦ୍ୟୁତ୍‌ ବିଲ୍‌ ବ୍ୟବହାର କରି ଏକ ଘରୋଇ ସଂସ୍ଥା ସରକାରଙ୍କ ଆଖିରେ ଆଙ୍ଗୁଠି ଗୁଞ୍ଜି ଏକପ୍ରକାର ଲୁଟ୍‌ ଚଳାଇଛି।
ନାଟ୍‌ ପିସିଆର୍‌ ମେଶିନ ସମ୍ପର୍କରେ ଏସ୍‌ସିବି ଅଧୀକ୍ଷକ ପ୍ରଫେସର ଶ୍ୟାମା କାନୁନଗୋ ଓ ପ୍ରଶାସନିକ ଅଧିକାରୀ ପ୍ରତାପ ମିଶ୍ରଙ୍କୁ ପଚାରିବାରୁ ସରକାର ଏ ନେଇ ଚୁକ୍ତି କରିଛନ୍ତି। ସବିଶେଷ ତଥ୍ୟ ଆମ ପାଖରେ ନ ଥିବା କହିଥିଲେ। ଭିଜିଲାନ୍ସ କଟକ ଡିଭିଜନ ଏସ୍‌ପି ଶଶିଭୂଷଣ ମିଶ୍ରଙ୍କୁ ଉକ୍ତ ଘଟଣାର ତଦନ୍ତ ସମ୍ପର୍କରେ ପଚାରିବାରୁ ଅନେକ ତଦନ୍ତ ଗୋପନ ଭାବେ କରାଯାଏ। ତେଣୁ ସେ ସମ୍ପର୍କରେ କୌଣସି ମତାମତ ଦେବା ଠିକ୍‌ ହେବନାହିଁ ବୋଲି ସେ କହିଥିଲେ।
-ରିପୋର୍ଟ: ନିର୍ମଳ ପଣ୍ଡା

All Right Reserved By

Model This Week

ନିକିତା

ରାଜ୍ୟ |

ଆକାଶରେ ବିଶୋଧନାଗାର ନିଆଁ

ଆକାଶରେ ବିଶୋଧନାଗାର ନିଆଁ

ପାରାଦୀପ,୨୨।୪(ସ୍ବ.ପ୍ର.): ଦେଶର ଅନ୍ୟତମ ବୃହତ୍‌ ପ୍ରକଳ୍ପ ତୈଳ ବିଶୋଧନାଗାର ପାରାଦୀପରେ ୨୦୧୪ରୁ ଉତ୍ପାଦନକ୍ଷମ ହୋଇଛି। ସେହିଦିନଠାରୁ ୩୩୪୪ ଏକର ଜାଗାରେ ପ୍ରତିଷ୍ଠିତ ଏହି ପ୍ରକଳ୍ପ ପରିସରରେ ୧୩୧ ମିଟର ଉଚ୍ଚ ଚିମିନି ଉପରେ ଅନବରତ ନିଆଁ ଜଳୁଛି। ଏଥିଯୋଗୁ ରାତିରେ ପାରାଦୀପରେ ସମଗ୍ର ଆକାଶ ଆଲୋକିତ ହୋଇଯାଉଛି।

ଶ୍ରୀଜଗନ୍ନାଥ ସଂସ୍କୃତ ବିଶ୍ୱବିଦ୍ୟାଳୟ ସିଣ୍ଡିକେଟ ସଦସ୍ୟଙ୍କ ନାମରେ ଅଭିଯୋଗ: କପି ଯାଞ୍ଚ ଆଳରେ ଛାତ୍ରୀଙ୍କୁ ଅସଦାଚରଣ

ଶ୍ରୀଜଗନ୍ନାଥ ସଂସ୍କୃତ ବିଶ୍ୱବିଦ୍ୟାଳୟ ସିଣ୍ଡିକେଟ ସଦସ୍ୟଙ୍କ ନାମରେ ଅଭିଯୋଗ: କପି ଯାଞ୍ଚ ଆଳରେ ଛାତ୍ରୀଙ୍କୁ ଅସଦାଚରଣ

ପୁରୀ ଅଫିସ,୨୨।୪ : ଶ୍ରୀଜଗନ୍ନାଥ ସଂସ୍କୃତ ବିଶ୍ୱବିଦ୍ୟାଳୟର ଜଣେ ସିଣ୍ଡିକେଟ ସଦସ୍ୟଙ୍କ ନାମରେ ଆସିଛି ସାଂଘାତିକ ଅଭିଯୋଗ। ସେ ବିଶ୍ୱବିଦ୍ୟାଳୟ ଅଧୀନରେ ଚାଲିଥିବା ଶାସ୍ତ୍ରୀ ଦ୍ୱିତୀୟ ବର୍ଷ ପରୀକ୍ଷାରେ ନିଜକୁ ସ୍କ୍ବାଡ୍‌ ସଦସ୍ୟ ଭାବେ ପରିଚୟ ଦେଇ କପି ଯାଞ୍ଚ ଆଳରେ କେତେଜଣ ଛାତ୍ରୀଙ୍କୁ ଅସଦାଚରଣ କରିଛନ୍ତି। କେନ୍ଦୁଝର ଜିଲା ଟୁକୁଣାସ୍ଥିତ ବି.ଏନ୍‌. ସଂସ୍କୃତ ସରକାରୀ କଲେଜର ଛାତ୍ରୀମାନେ ଅଧ୍ୟକ୍ଷାଙ୍କ ନିକଟରେ ଏପରି ଅଭିଯାଗ କରିଛନ୍ତି।

ମହାନଦୀ ମହାସମ୍ମିଳନୀରେ ମୁଖ୍ୟମନ୍ତ୍ରୀଙ୍କ ସ୍ପଷ୍ଟୋକ୍ତି: ଭାଜପା ରୋକୁଛି ମହାନଦୀ ପାଣି

ମହାନଦୀ ମହାସମ୍ମିଳନୀରେ ମୁଖ୍ୟମନ୍ତ୍ରୀଙ୍କ ସ୍ପଷ୍ଟୋକ୍ତି: ଭାଜପା ରୋକୁଛି ମହାନଦୀ ପାଣି

ଭୁବନେଶ୍ୱର, ୨୨।୪(ବ୍ୟୁରୋ): ଭାରତୀୟ ଜନତାପାର୍ଟି (ଭାଜପା) ନେତୃତ୍ୱାଧୀନ କେନ୍ଦ୍ର ସରକାର ଏବଂ ଛତିଶଗଡ଼ ସରକାର ମହାନଦୀର ଜଳ ପ୍ରବାହକୁ ରୋକୁଛନ୍ତି। ଭାଜପା ହିଁ ଓଡ଼ିଶାକୁ ମହାନଦୀରୁ ତା’ର ଜଳ ପାଇବାରେ ପ୍ରତିବନ୍ଧକ ସାଜିଛି । ଏ ସମ୍ପର୍କରେ ରାଜ୍ୟବାସୀଙ୍କୁ ଜଣାଇବା ସକାଶେ ବିଜୁ ଜନତାଦଳର କର୍ମୀ, ନେତାମାନେ ସେମାନଙ୍କ ନିକଟକୁ ଯାଆନ୍ତୁ ଏବଂ ପରିସ୍ଥିତି ସମ୍ପର୍କରେ ଜଣାନ୍ତୁ।

ସର୍ବୋଚ୍ଚ ସ୍ତରରେ ତୈଳ ଦର

ସର୍ବୋଚ୍ଚ ସ୍ତରରେ ତୈଳ ଦର

ଭୁବନେଶ୍ୱର,୨୨।୪(ବ୍ୟୁରୋ): ପେଟ୍ରୋଲ ଏବଂ ଡିଜେଲ ଦର ସାଧାରଣ ଖାଉଟିଙ୍କ ମୁଣ୍ଡବ୍ୟଥାର କାରଣ ପାଲଟିଛି। ପେଟ୍ରୋଲ ୭୪ ଟଙ୍କା ନିକଟତର ହୋଇଥିବାବେଳେ ଡିଜେଲ ଦର ୭୦ ଟଙ୍କା ଅତିକ୍ରମ କଲାଣି। ଭାଜପା ଶାସନ କାଳରେ ପେଟ୍ରୋଲ ସର୍ବୋଚ୍ଚ ସ୍ତର ଛୁଇଁଥିବାବେଳେ ଡିଜେଲ ଦର ସର୍ବକାଳୀନ ରେକର୍ଡ ସ୍ତରରେ ପହଞ୍ଚିଛି।

ଜୁନିୟର ଛାତ୍ରୀଙ୍କ ଭୟଙ୍କର ପ୍ରତିଶୋଧ: କଲ୍‌ଗର୍ଲ ଆଖ୍ୟା ଦେଇ ସିନିୟର ଛାତ୍ରୀଙ୍କ ଫଟୋ ଭାଇରାଲ କଲେ

ଚନ୍ଦ୍ରଶେଖରପୁର, ୨୨।୪(ଡି.ଏନ୍‌.ଏ.)- ବିଶୃଙ୍ଖଳିତ ଆଚରଣ ପାଇଁ ଜୁନିୟର ଛାତ୍ରୀଙ୍କୁ ତାଗିଦ୍‌ କରିବା ଜଣେ ସିନିୟର ଛାତ୍ରୀଙ୍କ ଲାଗି ମହଙ୍ଗା ପଡ଼ିଛି। ତଳ ଶ୍ରେଣୀର ଛାତ୍ରୀ ଜଣକ ସିନିୟର ଛାତ୍ରୀଙ୍କ ଉପରେ ଭୟଙ୍କର ପ୍ରତିଶୋଧ ନେଇଛନ୍ତି। ତାଙ୍କୁ କଲଗର୍ଲ ଆଖ୍ୟା ଦେଇ ସୋସିଆଲ ମିଡିଆରେ ତାଙ୍କ ଫଟୋ ଏବଂ ମୋବାଇଲ୍‌ ନମ୍ବରକୁ ଭାଇରାଲ କରିଦେଇଛନ୍ତି।

ଜୀବନବିନ୍ଦୁ କାର୍ଯ୍ୟକ୍ରମ: ୫୫ ୟୁନିଟ୍‌ ରକ୍ତ ସଂଗ୍ରହ

ଜୀବନବିନ୍ଦୁ କାର୍ଯ୍ୟକ୍ରମ: ୫୫ ୟୁନିଟ୍‌ ରକ୍ତ ସଂଗ୍ରହ

ନୟାଗଡ଼ ଅଫିସ,୨୨।୪- ନୟାଗଡ଼ ଜିଲା ଶରଣକୁଳ ପଞ୍ଚାୟତ କଟରାଝରୀ ଗ୍ରାମରେ ଜନକଲ୍ୟାଣ ସେବା ସଂଘ ତରଫରୁ ରବିବାର ଜୀବନ ବିନ୍ଦୁ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଜୀବନ ବିନ୍ଦୁର ରାଜ୍ୟ ସଂଯୋଜକ ସତ୍ୟନାରାୟଣ ପ୍ରଧାନ ଏହାକୁ ଉଦ୍‌ଘାଟନ କରିବା ସହ ପ୍ରଥମେ ରକ୍ତଦାନ କରିଥିଲେ।

ଦୁର୍ଘଟଣାରେ ଶଳା, ଭିଣୋଇ  ମୃତ

ଦୁର୍ଘଟଣାରେ ଶଳା, ଭିଣୋଇ ମୃତ

ବାହାନଗା,୨୨।୪(ଡି.ଏନ.ଏ.)-ରବିବାର ରାତି ୯ଟାରେ ବାହାନଗାସ୍ଥିତ ୧୬ ନମ୍ବର ଜାତୀୟ ରାଜପଥର ପୁରୁଣା ବଜାର ନିକଟରେ ଏକ ଡମ୍ପର ଧକ୍କାରେ ୨ ମଟରସାଇକେଲ ଆରେହୀଙ୍କ ମୃତ୍ୟୁ ଘଟିଛି। ଦୁର୍ଘଟଣା ଘଟାଇଥିବା ଡମ୍ପରକୁ ଖନ୍ତାପଡା ଥାନା ପୋଲିସ ଶେରଗଡ ଟୋଲଗେଟ ନିକଟରୁ ଜବତ କରିଛି। ମୃତ ଯୁବକ ହେଲେ ସର୍ବୋଜ ଅଲ୍ଲୀ ଖଁ।, ଦାୟର ଅଲ୍ଲୀ ଖଁ। । ଘର ଚାନ୍ଦିପୁର ଥାନା ବଳାରାମଗଡ଼ିର ମିର୍ଜାପୁର ଅଞ୍ଚଳରେ। ଏମାନେ ସମ୍ପର୍କରେ ଶଳା ଓ ଭିଣୋଇ।

ଯୌତୁକ ପାଇଁ ସ୍ତ୍ରୀକୁ ପିଟି ପିଟି ହତ୍ୟା

ଯୌତୁକ ପାଇଁ ସ୍ତ୍ରୀକୁ ପିଟି ପିଟି ହତ୍ୟା

କପ୍ତିପଦା,୨୨।୪,(ଡି.ଏନ.ଏ)-ଅଧିକ ଯୌତୁକ ଦାବି କରି ଶନିବାର ବିଳମ୍ବିତ ରାତିରେ କପ୍ତିପଦା ଥାନା ମହୁଲଡିହା ଗ୍ରାମର ଜଣେ ବ୍ୟକ୍ତି ନିଜ ସ୍ତ୍ରୀଙ୍କୁ ଲୁହା ରଡ ସାହାଯ୍ୟରେ ପିଟି ପିଟି ହତ୍ୟା କରିଥିବା ଅଭିଯୋଗ ହୋଇଛି।

ରାଜ୍ୟସ୍ତରୀୟ ବକ୍ତୃତା ପ୍ରତିଯୋଗିତାରେ ୨ଭଉଣୀଙ୍କ ସଫଳତା

ରାଜ୍ୟସ୍ତରୀୟ ବକ୍ତୃତା ପ୍ରତିଯୋଗିତାରେ ୨ଭଉଣୀଙ୍କ ସଫଳତା

ଖଣ୍ଡପଡ଼ା/ଭାପୁର,୨୨।୪(ସ୍ବ.ପ୍ର./ଡ଼ି.ଏନ.ଏ.)- ବିଶିଷ୍ଟ ସ୍ବାଧୀନତା ସଂଗ୍ରାମୀ ତଥା ଓଡିଶାର ପୂର୍ବତନ ମୁଖ୍ୟମନ୍ତ୍ରୀ ସ୍ବର୍ଗତ ସଦାଶିବ ତ୍ରିପାଠୀଙ୍କ ଜୟନ୍ତୀ ଉତ୍ସବ ଭୁବନେଶ୍ୱର ଜୟଦେବ ଭବନଠାରେ ପାଳିତ ହୋଇଯାଇଛି। ଏହି ଉପଲକ୍ଷେ ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ତରଫରୁ ସ୍ଥାନୀୟ ଗୀତ ଗୋବିନ୍ଦ ସଦନଠାରେ ଛାତ୍ରୀଛାତ୍ରଙ୍କ ମଧ୍ୟରେ ପ୍ରବନ୍ଧ ଓ ବକ୍ତୃତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।

ମହିଳା ଶ୍ରମିକଙ୍କ ଅର୍ଦ୍ଧଦଗ୍ଧ ମୃତଦେହ ଜବତ: ପାରିପାର୍ଶ୍ୱିକ ସ୍ଥିତିରୁ ହତ୍ୟା ସନ୍ଦେହ

ମହିଳା ଶ୍ରମିକଙ୍କ ଅର୍ଦ୍ଧଦଗ୍ଧ ମୃତଦେହ ଜବତ: ପାରିପାର୍ଶ୍ୱିକ ସ୍ଥିତିରୁ ହତ୍ୟା ସନ୍ଦେହ

ଭୁବନେଶ୍ୱର, ୨୨।୪(ବ୍ୟୁରୋ)/ବାଲିଅନ୍ତା(ଡି.ଏନ.ଏ.)- ମଞ୍ଚେଶ୍ୱର ଥାନା ଇଞ୍ଜଣା ବସ୍ତିର ଏକ ନିର୍ମାଣାଧୀନ ଅପାର୍ଟମେଣ୍ଟ ନିକଟ ଘରୁ ଜଣେ ମହିଳା ଶ୍ରମିକଙ୍କ ଅର୍ଦ୍ଧଦଗ୍ଧ ମୃତଦେହକୁ ପୋଲିସ ରବିବାର ଜବତ କରିଛି। ମହିଳା ଜଣକ ନିଶାସକ୍ତ ଅବସ୍ଥାରେ ଶୋଇଥିବାବେଳେ ତାଙ୍କ ଦେହରେ ନିଆଁ ଲଗାଇ ପୋଡ଼ି ହତ୍ୟା କରାଯାଇଥିବା ସନ୍ଦେହ କରାଯାଉଛି ବୋଲି ସେଠାରେ ରହୁଥିବା ଅନ୍ୟ ଶ୍ରମିକମାନେ କହିଛନ୍ତି।

ନାବାଳିକାକୁ ବଳାତ୍କାର ଅଭିଯୋଗ, ଯୁବକ ଅଟକ

ନାବାଳିକାକୁ ବଳାତ୍କାର ଅଭିଯୋଗ, ଯୁବକ ଅଟକ

କେନ୍ଦ୍ରାପଡା ଅଫିସ, ୨୨ା୪- କେନ୍ଦ୍ରାପଡା ଟାଉନ ଥାନା ଅନ୍ତର୍ଗତ ଉଦୟନଗର ଅଞ୍ଚଳର ଜଣେ ନାବାଳିକାଙ୍କୁ ବଳାତ୍କାର କରାଯାଇଥିବା ନେଇ ତାଙ୍କ ମା’ ରବିବାର ଥାନାରେ ଅଭିଯୋଗ କରିଛନ୍ତି। ଅଭିଯୋଗକୁ ଭିତ୍ତି କରି ପୋଲିସ କଳାହାଣ୍ଡି ଜିଲା ଥୁଆମୂଳ ରାମପୁର ଥାନା ମହୁଲପାଟଣା ଗ୍ରାମର ଜଣେ ଯୁବକଙ୍କୁ ଅଟକ ରଖି ପଚରାଉଚୁରା କରୁଛି।

ବଳାତ୍କାରର ଶିକାର ହେଲେ ଦୁଇ ନାବାଳିକା: ପୀଡିତାଙ୍କ ମଧ୍ୟରୁ ଜଣେ ଭିନ୍ନକ୍ଷମ

ବଳାତ୍କାରର ଶିକାର ହେଲେ ଦୁଇ ନାବାଳିକା: ପୀଡିତାଙ୍କ ମଧ୍ୟରୁ ଜଣେ ଭିନ୍ନକ୍ଷମ

କଟକ ସଦର,୨୨।୪(ଡି.ଏନ୍‌.ଏ.): କଟକ ଜିଲା କିଶନନଗର ଥାନା ଅଞ୍ଚଳର ପୃଥକ ସ୍ଥାନରେ ୨ଜଣ ନାବାଳିକାଙ୍କୁ ବଳାତ୍କାର କରାଯାଇଥିବା ଶନିବାର ଅଭିଯୋଗ ହୋଇଛି। ପୋଲିସ ଏହି ମାମଲାରେ ୨ଜଣ ଅଭିଯୁକ୍ତଙ୍କୁ ରବିବାର ଥାନାକୁ ଆଣି ପଚରାଉଚରା କରୁଛି।