ଉପକୂଳ ଓଡିଶା

ପ୍ରଶାସନ ଜ୍ଞାତରେ ଚାଲିଛି ବେଆଇନ କାର୍ଯ୍ୟ

ପ୍ରଶାସନ ଜ୍ଞାତରେ ଚାଲିଛି ବେଆଇନ କାର୍ଯ୍ୟ

ରସୁଲପୁର,୧୦।୧୨(ଡିଏନ୍‌ଏ)

ରସୁଲପୁର ତହସିଲ ବାଲି ମାଫିଆ ଓ ବେଆଇନ ଇଟାଭାଟି ମାଲିକଙ୍କ ଭୂ-ସ୍ବର୍ଗରେ ପରିଣତ ହୋଇଛି । ତହସିଲ ପ୍ରଶାସନ ପକ୍ଷରୁ ବେଆଇନ କାରବାରରେ ସମ୍ପୃକ୍ତ ବ୍ୟକ୍ତିଙ୍କୁ ପ୍ରୋତ୍ସାହିତ କରାଯାଉଥିବା ଅଭିଯୋଗ ହେଉଛି।
ରସୁଲପୁର ତହସିଲ ଅଧୀନରେ ପହଁଗା, ଆଦମପୁର, କସ୍ପା, ନରସିଂହପୁର, ସାମନ୍ତରାପୁର ଭଳି ୫ଟି ସର୍କଲ ରହିଛି । ଏହି ସର୍କଲ ଅଧୀନରେ ବର୍ଷସାରା ଶହ ଶହ ବେଆଇନ ଇଟାଭାଟି ଜଳୁଛି । ପହଁଗା ସର୍କଲର ପହଁଗାର ଖରସ୍ରୋତା ନଦୀପଠା, ଯୋକଡିଆ, କସ୍ପା ଅଧୀନ ସିଂହାପୁର, ମାଣତୀର, ବାରବାଟୀ, ଆଦାମପୁର ସର୍କଲର ନଠୁଆବର, ଆଦମପୁର, ଟାକୁଆଠେଙ୍ଗ, ନରସିଂହପୁର ସର୍କଲର ଭୋଟକା, ମୁଗୁପାଳ, ନରସିଂହପୁର, ସାମନ୍ତରାପୁର ସର୍କଲର ରାଜେନ୍ଦ୍ରପୁର, ସାମନ୍ତରାପୁର ଭଳି ବହୁ ସ୍ଥାନରେ ବେଆଇନ ଇଟାଭାଟି ଗୁଡିକ ରହିଛି । ଇଟା ବ୍ୟବସାୟୀମାନେ କେବଳ ବର୍ଷା କିଛିମାସକୁ ଛାଡିଦେଲେ ବାକି ଦିନ ଗୁଡ଼ିକରେ ଆଇନକୁ ଆଖିଠାର ମାରି ଇଟା ବ୍ୟବସାୟ କରୁଛନ୍ତି । ଜନବସତି ମଝିରେ ଇଟାଭାଟି ହୋଇଥିବାରୁ ଏଥିରୁ ନିର୍ଗତ ଧୂଆଁ ପରିବେଶକୁ ଦୂଷିତ କରିବା ସହ ସାଧାରଣ ଲୋକ ବିଭିନ୍ନ ରୋଗର ଶିକାର ହେଉଛନ୍ତି। ଅନେକ ସ୍ଥାନରେ ଇଟା ବ୍ୟବସାୟୀମାନେ ସରକାରୀ ଜମିକୁ କବ୍‌ଜା କରି ସେମାନଙ୍କ ବ୍ୟବସାୟ ଚଳାଇଛନ୍ତି। ସେହିଭଳି ତହସିଲ ଅଧୀନରେ ଥିବା ବ୍ରାହ୍ମଣୀ ନଦୀର ଜାବରା ପଞ୍ଚାୟତର ଜାବରା, କଣ୍ଠିଆକଣ, ସିଂହାପୁର ପଞ୍ଚାୟତ ବ୍ରାହ୍ମଣବାଡ, ବାରବାଟୀ ପଞ୍ଚାୟତର ପଦ୍ମପୁର, କଲଣ ପଞ୍ଚାୟତର କଲଣ, ରାଜେନ୍ଦ୍ରପୁର ପଞ୍ଚାୟତର ହାଟସାହି, ଅତଲାପୁର ପଞ୍ଚାୟତର ଅତଲାପୁର, ସାମନ୍ତରାପୁର ପଞ୍ଚାୟତର ବଡଚପୋଇ, ମଙ୍ଗରାପୁର ପଞ୍ଚାୟତର ଲଙ୍କାବାଲି ସାହି, ମହେଶ୍ୱରପୁର ପଞ୍ଚାୟତର ଚାନ୍ଦପୁର, ବ୍ରହ୍ମବରଦା ହାଟ ପ୍ରଭୃତି ସ୍ଥାନରେ ବେଆଇନ ବାଲିଘାଟ ରହିଛି। ସେହିଭଳି ଖରସ୍ରୋତା ନଦୀର ଶ୍ରୀବନ୍ତପୁର, ଯୋକଡିଆ, ଟିକରପଡା, ଗନ୍ଧଣ, ଖଣ୍ଡିତର, ବାହାଦଲାପୁର, ପରିଡାବାଦ ପ୍ରଭୃତି ସ୍ଥାନରୁ ବେଆଇନ ବାଲି ଉଠାଣ ହେଉଛି । ଛିଣ୍ଡା ଖରସ୍ରୋତା ନଦୀଗର୍ଭରୁ ରସୁଲପୁର, ଭୋଟକା, ଗନ୍ଧଣ, ବଡକଇଁଚି, ଟିକରପଡା ପ୍ରଭୃତି ପଞ୍ଚାୟତର ଲୋକେ ବାଲି ଉଠାଇ ବ୍ୟବସାୟ କରୁଛନ୍ତି । ଏସବୁ ଘାଟରୁ ବାଲି ଉଠାଇ ମାଫିଆମାନେ ରାଜ୍ୟର ବିଭିନ୍ନ ସ୍ଥାନକୁ ଚାଲାଣ କରି ମାଲାମାଲ ହେଉଛନ୍ତି । ବେଆଇନ ବାଲି ଘାଟକୁ ନେଇ ନାନା ସମୟରେ ସ୍ଥାନୀୟ ଲୋକ ଓ ମାଫିଆ ମୁହାଁମୁହିଁ ହୋଇଛନ୍ତି । ଏ ନେଇ ଥାନାରେ ମାମଲା ରୁଜୁ ହୋଇଛି । ଏହା ପଛରେ ବଡ଼ ବଡ଼ ଲୋକଙ୍କ ହାତ ଥିବାରୁ ଅଭିଯୋଗ ଗୁଡ଼ିକ ନାଲିଫିତା ତଳେ ସୀମିତ ରହୁଛି। ରାଜସ୍ବ ଅଧିକାରୀଗଣ ବେଆଇନ ସ୍ଥାନରେ ଚଢ଼ାଉ କରୁଥିଲେ ମଧ୍ୟ କେବଳ ଜରିମାନା ନେଇ ଘଟଣାକୁ ଚପାଇ ଦେଉଥିବା ଅଭିଯୋଗ ହେଉଛି। ଦୁଇମାସ ତଳେ ନୂତନ ଭାବେ ଯୋଗଦେଇଥିବା ତହସିଲଦାର ପ୍ରତାପ ଚନ୍ଦ୍ର ରାଉତ ଏ ଦିଗରେ ତଥ୍ୟ ଦେବା ପାଇଁ ନିର୍ଦ୍ଦେଶ ଦେଇଥିବା ଜଣାପଡ଼ିଛି। ଏ ସମ୍ପର୍କରେ ତହସିଲଦାର ରାଉତଙ୍କୁ ପଚାରିବାରେ ନୂଆ କରି ଯୋଗ ଦେଇଛନ୍ତି। ଅଭିଯୋଗ ଆସିଲେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କହିଛନ୍ତି। ନରସିଂହପୁର ସର୍କଲର ରାଜସ୍ବ ନିରୀକ୍ଷକ ଦୁର୍ଯୋଧନ ଷଡଙ୍ଗୀ କୁହନ୍ତି, ୬ରୁ ୭ବର୍ଷ ହେବ ବେଆଇନ ଇଟାଭାଟି ଚାଲିଛି। ଏ ନେଇ ଅଭିଯୋଗ ମିଳିବା ପରେ ବିଭିନ୍ନ ସ୍ଥାନରେ ଜରିମାନା ଆଦାୟ କରାଯାଇଛି। ଅନ୍ୟ ସର୍କଲରେ ଚାଲିଥିବା ବେଆଇନ କାର୍ଯ୍ୟ ବନ୍ଦ ହେଲେ ନରସିଂହପୁର ସର୍କଲରୁ ବନ୍ଦ ହେବ।

All Right Reserved By

Model This Week

Model This Week

ଉପକୂଳ ଓଡିଶା

୨୯ତମ ଜାତୀୟ ସଡ଼କ ସୁରକ୍ଷା ସପ୍ତାହ ପାଳିତ

୨୯ତମ ଜାତୀୟ ସଡ଼କ ସୁରକ୍ଷା ସପ୍ତାହ ପାଳିତ

ଯାଜପୁର ରୋଡ,୨୫।୪(ନି.ପ୍ର.): ଯାଜପୁର ରୋଡ ପୋଲିସ ଓ ଯାଜପୁର ରୋଡ ଟ୍ରକ୍‌ ଆସୋସିଏଶନର ମିଳିତ ଆନୁକୂଲ୍ୟରେ ପୁରୁଣା ଥାନା ପରିସରରେ ବୁଧବାର ୨୯ତମ ଜାତୀୟ ସଡକ ସୁରକ୍ଷା ସପ୍ତାହ ପାଳିତ ହୋଇଯାଇଛି।

ରାଜନଗରରେ ବ୍ଲକ ସ୍ତରୀୟ ଜନଶୁଣାଣି ଶିବିର

ରାଜନଗରରେ ବ୍ଲକ ସ୍ତରୀୟ ଜନଶୁଣାଣି ଶିବିର

ରାଜନଗର,୨୫।୪(ଡି.ଏନ୍‌.ଏ.): କେନ୍ଦ୍ରାପଡା ଜିଲା ରାଜନଗର ବ୍ଲକ ସମ୍ମିଳନୀ କକ୍ଷରେ ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିନ୍ତ କର୍ମ ନିଯୁକ୍ତି ଯୋଜନାର ବ୍ଲକ ସ୍ତରୀୟ ଜନଶୁଣାଣି ଶିବିର ବୁଧବାର ଅନୁଷ୍ଠିତ ହୋଇଛି।

ବଢ଼ିବାରେ ଲାଗିଛି ଶିଶୁ ଶ୍ରମିକଙ୍କ ସଂଖ୍ୟା

ଯାଜପୁରରୋଡ,୨୫।୪(ନି.ପ୍ର.) :ସରକାରଙ୍କ ସର୍ବଶିକ୍ଷା ଅଭିଯାନ ‘ସମସ୍ତେ ପଢ଼ନ୍ତୁ, ସମସ୍ତେ ଗଢ଼ନ୍ତୁ’ ଜରିଆରେ ପିଲାମାନଙ୍କୁ ଉଚ୍ଚଶିକ୍ଷା ଦେବା ପାଇଁ ଏହି ନିୟମ ପ୍ରଣୟନ କରାଯାଇଛି। ଏହା ବ୍ୟତୀତ ପିଲାମଙ୍କ ମଧ୍ୟାହ୍ନ ଭୋଜନ ଓ ପୋଷାକ ବଣ୍ଟନ ପ୍ରକ୍ରିୟା କରାଯାଉଛି। ଯାହା ପିଲାମାନଙ୍କୁ ପାଠ ପଢ଼ିବା ପାଇଁ ମୌଳିକ ସୁବିଧା ପାଇପାରିବେ। ଫଳରେ ସେମାନେ ଉଚ୍ଚଶିକ୍ଷାର ଲାଭ ଉଠାଇପାରିବେ। ମାତ୍ର ବହୁ ସ୍ଥାନରେ ସରକାରଙ୍କ ଏହି ଯୋଜନା ଦିଗହରା ହେଉଥିବା ଦେଖିବାକୁ ମିଳୁଛି। ଯାହାଫଳରେ ସରକାରଙ୍କ ଯୋଜନା କେବଳ କାଗଜକଲମରେ ସୀମିତ ଥିବା ପରିଲକ୍ଷିତ ହେଉଛି। ଏଭଳି ଦୃଷ୍ଟାନ୍ତ ଯାଜପୁର ଜିଲାରେ ଦେଖିବାକୁ ମିଳୁଛି।

ମାନପୁର ଓଭର ବ୍ରିଜ୍‌,ମାର୍ଥାପୁର ହାଇଲେଭଲ ବ୍ରିଜ୍‌ ଉଦ୍‌ଘାଟିତ

ମାନପୁର ଓଭର ବ୍ରିଜ୍‌,ମାର୍ଥାପୁର ହାଇଲେଭଲ ବ୍ରିଜ୍‌ ଉଦ୍‌ଘାଟିତ

କଳିଙ୍ଗନଗର,୨୫।୪(ଡି.ଏନ୍‌.ଏ.):୧୭କୋଟି ୭୪ଲକ୍ଷ ଟଙ୍କା ବ୍ୟୟରେ ନିର୍ମାଣ କରାଯାଇଥିବା ଚୋରଦା-ଡୁବୁରୀ ୨ଲେନ୍‌ ବିଶିଷ୍ଟ ରାସ୍ତାର ମାନପୁର ରେଳ ଓଭରବ୍ରିଜ୍‌କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଦ୍‌ଘାଟନ କରିଛନ୍ତି। ମଙ୍ଗଳବାର ଅପରାହ୍ନରେ ମୁଖ୍ୟମନ୍ତ୍ରୀ ଭିଡିଓ କନ୍‌ଫରେନ୍ସିଂ ମାଧ୍ୟମରେ ଏହି ଓରଭବ୍ରିଜର ଲୋକାର୍ପଣ କରିଛନ୍ତି। ଏଥିସହିତ ସୁକିନ୍ଦା ନିର୍ବାଚନ ମଣ୍ଡଳୀର ମାର୍ଥାପୁର ନିକଟରେ ୨କୋଟି ୪୨ଲକ୍ଷ ଟଙ୍କାରେ ନିର୍ମିତ ହାଇଲେବଲ ବ୍ରିଜ୍‌ର ମଧ୍ୟ ଲୋକାର୍ପଣ ହୋଇଛି। ସେହିପରି ସୁକିନ୍ଦାଠାରୁ ଅଶୋକଝର ପର୍ଯ୍ୟନ୍ତ ଦୁଇ ଲେନ ବିଶିଷ୍ଟ ୧୦.୭ କି.ମି ଲମ୍ବ ରାସ୍ତାର ପ୍ରଶସ୍ତିକରଣ ନିମନ୍ତେ ଶିଳାନ୍ୟାସ, ୧୧୫ କୋଟି ୨ ଲକ୍ଷ ବ୍ୟୟରେ ଏନଏଚ-୫୩ ଡାକବଙ୍ଗଳାଠାରୁ ହାତୀବାରୀ ପର୍ଯ୍ୟନ୍ତ ୧୬ କି.ମି ରାସ୍ତାର ପ୍ରଶସ୍ତିକରଣ ଶିଳାନ୍ୟାସ କରାଯାଇଛି।

ନିଆରା ଢଙ୍ଗରେ ପୁତ୍ର ପାଳିଲେ ପିତାଙ୍କ ଜନ୍ମଦିନ

ଡେରାବିଶ,୨୫।୪(ସ୍ବ.ପ୍ର.): ବର୍ତ୍ତମାନ ସମୟରେ ବିଭିନ୍ନ କାରଣରୁ ସମାଜ ଅବକ୍ଷୟ ଆଡକୁ ଗତି କରୁଥିବା ବେଳେ ଡେରାବିଶ ବ୍ଲକ ଅଞ୍ଚଳରେ ଏକ ପରିବାରର ପୁଅମାନେ ମିଶି ପିତାଙ୍କ ଜନ୍ମଦିନ ନିଆରା ଢଙ୍ଗରେ ପାଳନ କରି ଅନ୍ୟମାନଙ୍କ ପାଇଁ ଉଦାହରଣ ସୃଷ୍ଟି କରିଛନ୍ତି । ଏହି ବ୍ଲକ ଅଧୀନସ୍ଥ ହରିଅଙ୍କ ପଞ୍ଚାୟତ ମୁଣ୍ଡଳ ଗ୍ରାମରେ ଅବସରପ୍ରାପ୍ତ ଶିକ୍ଷକ ରତ୍ନାକର ନାୟକଙ୍କ ଘର । ଶିକ୍ଷକତା ସହ ବିଭିନ୍ନ ଶିକ୍ଷାନୁଷ୍ଠାନ ଗଢିବା ଓ ସମାଜ ସେବାରେ ଅଧିକାଂଶ ସମୟ ନିଜକୁ ନିୟୋଜିତ କରି ଅଞ୍ଚଳରେ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରି ପାରିଛନ୍ତି ।

ପେଟ୍ରୋଲ ଢାଳି ଘର ଜାଳିଦେଲେ ଦୁର୍ବୃତ୍ତ

ପେଟ୍ରୋଲ ଢାଳି ଘର ଜାଳିଦେଲେ ଦୁର୍ବୃତ୍ତ

କୁଜଙ୍ଗ,୨୫।୪(ସ୍ବ.ପ୍ର.): ସୋମବାର ବିଳମ୍ବିତ ରାତିରେ କୁଜଙ୍ଗ ଥାନା ଗୋପିଆକୁଦ (ତାଳଦଣ୍ଡା) ଗ୍ରାମରେ କେତେଜଣ ଦୁର୍ବୃତ୍ତ ଗ୍ରାମର ଯଜ୍ଞେଶ୍ୱର ପଣ୍ଡାଙ୍କ ଘରକୁ ପେଟ୍ରୋଲ୍‌ ଢାଳି ନିଅଁ। ଲଗାଇ ଦେଇଛନ୍ତି। ମାତ୍ର ପରିବାର ଲୋକେ ଅଳ୍ପକେ ବର୍ତ୍ତି ଯାଇଛନ୍ତି। ତେବେ ଘରର ସମସ୍ତ ଆସବାବପତ୍ର ପୋଡ଼ି ପାଉଁଶ ହୋଇଯାଇଛି। ଏ ନେଇ କ୍ଷତିଗ୍ରସ୍ତ ପରିବାର ଥାନାର ଦ୍ୱାରସ୍ଥ ହୋଇଛନ୍ତି। ହେଲେ ପୋଲିସ ଏ ପର୍ଯ୍ୟନ୍ତ କାହାରିକୁ ଗିରଫ କରି ପାରିନାହିଁ। ସୂଚନା ଅନୁସାରେ, ଯଜ୍ଞେଶ୍ୱରଙ୍କ ପରିବାରଲୋକେ ଶୋଇଥିବାବେଳେ ଦୁର୍ବୃତ୍ତ ତାଙ୍କ ଘରେ ନିଅଁ। ଲଗାଇ ଦେଇଥିଲେ। ଏହାଦେଖି ପରିବାରର ସମସ୍ତ ସଦସ୍ୟ ଉଠି ପଡ଼ିଥିଲେ। ଏହି ସମୟରେ ସ୍ଥାନୀୟ ଅଞ୍ଚଳର ଜଣେ ବ୍ୟକ୍ତି ଓ ତାଙ୍କ ସହଯୋଗୀ ନିଅଁ। ଲଗାଉଥିବା ଯଜ୍ଞେଶ୍ୱରଙ୍କ ଝିଅ ଦେଖିଥିଲେ। ପରେ ସେମାନଙ୍କୁ ଯଜ୍ଞେଶ୍ୱରଙ୍କ ପରିବାର ଲୋକେ କାବୁ କରିବାକୁ ଚେଷ୍ଟା କରିଥିଲେ। ହେଲେ ତାହା ସମ୍ଭବ ହୋଇ ପାରି ନ ଥିଲା। ଦୁର୍ବୃତ୍ତ ଏମାନଙ୍କୁ ଆକ୍ରମଣ କରି ଘଟଣାସ୍ଥଳରୁ ଫେରାର ହୋଇ ଯାଇଥିଲେ। ଏ ସମ୍ପର୍କରେ କୁଜଙ୍ଗ ଥାନା ଅଧିକାରୀ ଦିଲୀପ କୁମାର ସାହୁ କହିଛନ୍ତି, ଆମ ନିକଟରେ ଅଭିଯୋଗ ହୋଇଛି। ଘଟଣାର ତଦନ୍ତ ଚାଲିଛି। ତୁରନ୍ତ ଦୋଷୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।

କାମରେ ଲାଗୁନି ମାର୍କେଟ କମ୍ପ୍ଲେକ୍ସ

କାମରେ ଲାଗୁନି ମାର୍କେଟ କମ୍ପ୍ଲେକ୍ସ

ନାଉଗଁ।,୨୫।୪(ସ୍ବ.ପ୍ର.): ବେକାର ଯୁବତୀ ଯୁବକଙ୍କୁ ରୋଜଗାରକ୍ଷମ କରିବା ପାଇଁ ସରକାର ବିଭିନ୍ନ ଯୋଜନା କରୁଥିବାବେଳେ ତାହା ପ୍ରକୃତରେ କାର୍ଯ୍ୟକାରୀ ହେଉଛି କି ନାହିଁ, ତାହାର ତଦାରଖ କରାଯାଉନାହିଁ। ଫଳରେ ଅନେକ ଯୋଜନାରେ ଖର୍ଚ୍ଚ ହେଉଥିବା ଲକ୍ଷାଧିକ ଟଙ୍କା ପାଣିରେ ପଡୁଛି, ଯାହାର ସ୍ପଷ୍ଟ ଉଦାହରଣ ହେଉଛି ନାଉଗାଁ ବ୍ଲକ ଜାମୁଗଁ। ପଞ୍ଚାୟତର କଣ୍ଟୁଣିଆ ବଜାରଠାରେ ନିର୍ମିତ ମାର୍କେଟ କମ୍ପ୍ଲେକ୍ସ। ଏହି ମାର୍କେଟ କମ୍ପ୍ଲେକ୍ସ ୨.୫ ଲକ୍ଷ ଟଙ୍କା ବ୍ୟୟରେ ନିର୍ମିତ ହୋଇଥିଲା। ଜାମୁଗାଁ ପଞ୍ଚାୟତ ଓ ନାଉଗାଁ ବ୍ଲକର ମିଳିତ ପାଣ୍ଠିରେ ୨୦୦୬ ମସିହାରେ କଣ୍ଟୁଣିଆ ବଜାରର ପୂର୍ବ ଦିଗକୁ ଏହି ମାର୍କେଟ କମ୍ପ୍ଲେକ୍ସ ଗୃହ ନିର୍ମାଣ କରାଯାଇଥିଲ। ଗୃହ ନିର୍ମାଣ ପରେ ଏହାର ଆବଣ୍ଟନ କରାଯିବା ପୂର୍ବରୁ ପଞ୍ଚାୟତ ସମିତି ଭାଙ୍ଗି ନୂତନ ପଞ୍ଚାୟତ ସମିତି ପାଇଁ ନିର୍ବାଚନ ହୋଇଥିଲା। ୨୦୦୭ ନିର୍ବାଚନ ପରେ ଉକ୍ତ ପଞ୍ଚାୟତର ନୂତନ ସରପଞ୍ଚ ଏଥିପ୍ରତି ଦୃଷ୍ଟି ଦେଲେନାହିଁ କିମ୍ବା ବ୍ଲକ କାର୍ଯ୍ୟାଳୟ ତରଫରୁ କୌଣସି ବ୍ୟବସ୍ଥା କରାଗଲା ନାହିଁ।

ମୌଳିକ ଅଧିକାର ଦାବି କରି ଆଦିବାସୀଙ୍କ ତହସିଲ ଘେରାଉ

ମୌଳିକ ଅଧିକାର ଦାବି କରି ଆଦିବାସୀଙ୍କ ତହସିଲ ଘେରାଉ

ନୂଆଗାଁ,୨୫।୪ (ଡି.ଏନ.ଏ.)-ନୟାଗଡ ଜିଲା ନୂଆଗାଁ ବ୍ଲକର ଆଦିବାସୀମାନେ ମୌଳିକ ସୁବଧା ପାଇବାରୁ ବଞ୍ଚତ୍ତ ହେଉଥିବା ନେଇ ରାଜନେତାଙ୍କଠାରୁ ଆରମ୍ଭ କରି ପ୍ରଶାସନିକ ଅଧିକାରୀଙ୍କ ଯାଏ ବାରମ୍ବାର ଗୁହାରି କରି ଆସୁଥିଲେ ମଧ୍ୟ କେହି ସେମାନଙ୍କ କଥା ଶୁଣୁ ନାହାନ୍ତି। ସେମାନଙ୍କ ଦୁଃଖ ଅସହ୍ୟ ହେବାରୁ ଭାଜପା କର୍ମୀଙ୍କ ସହାୟତାରେ ମଙ୍ଗଳବାର ତିନି ଶହରୁ ଅଧିକ ଆଦିବାସୀ ମହିଳାପୁରୁଷ ଏକତ୍ରିତ ହୋଇ ନୂଆଗାଁ ଡାକ ବଙ୍ଗଳାରୁ ଧନୁତୀର, ଭୁଷା,ବର୍ଛା ଆଦି ଧରି ଶୋଭାଯାତ୍ରାରେ ବାହାରି ନୂଆଗାଁ ତହସିଲ କାର୍ଯ୍ୟାଳୟ ଘେରାଉ କରିଥିଲେ ।

ଖୋଲିପାରୁନି ଜେଏମଏଫସି କୋର୍ଟ

ତିର୍ତ୍ତୋଲ,୨୫।୪(ଡି.ଏନ.ଏ.): ତିର୍ତ୍ତୋଲରେ ଜୁଡିସିଆଲ ମାଜିଷ୍ଟ୍ରେଟ୍‌ ଫାଷ୍ଟ କ୍ଲାସ(ଜେଏମଏଫସି)କୋର୍ଟ ଖୋଲିବା ପାଇଁ ଗତ ବର୍ଷ ଅକ୍ଟୋବର ମାସରେ ଆଇନ ବିଭାଗ ତରଫରୁ ନିର୍ଦ୍ଦେଶନାମା ପ୍ରକାଶ ପାଇଥିଲା। ଇତିମଧ୍ୟରେ ୬ମାସ ବିତିଯାଇଥିଲେ ମଧ୍ୟ ଏ ପର୍ଯ୍ୟନ୍ତ ଏହି କୋର୍ଟ ଏଠାରେ ଖୋଲିପାରିନାହିଁ। ଏହାକୁ ନେଇ ସ୍ଥାନୀୟ ଓକିଲ ସଂଘ ସମେତ ଅନ୍ୟାନ୍ୟ ବର୍ଗର ଲୋକମାନଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଛି। ସରକାରୀ ନିର୍ଦ୍ଦେଶ ପାଳନ କରିବାରେ ଅଧିକାରୀମାନେ ଆନ୍ତରିକତା ଦେଖାଉ ନ ଥିବାରୁ ଏହି ବିଳମ୍ବ ହେଉଥିବା ସାଧାରଣରେ ଅଭିଯୋଗ ହେଉଛି।

ଦିନକର କାହାଣୀ:ମତ୍ସ୍ୟଜୀବୀ ଜି. ରାମବାବୁ

ଦିନକର କାହାଣୀ:ମତ୍ସ୍ୟଜୀବୀ ଜି. ରାମବାବୁ

ପାରାଦୀପ,୨୫।୪(ସ୍ବ.ପ୍ର.): ଜି. ରାମବାବୁ। ବୟସ ୬୦ ପାର ହୋଇଗଲାଣି। ପୈତୃକ ଘର ଆନ୍ଧ୍ର ପ୍ରଦେଶରେ। ୩୦ ବର୍ଷ ହେଲା ପାରାଦୀପ ନୂଆବଜାର ନୋଳିଆପଡ଼ାରେ ପରିବାର ସହ ରହି ପାରମ୍ପରିକ ମତ୍ସ୍ୟଜୀବୀ ଭାବେ ଜୀବିକା ନିର୍ବାହ କରୁଛନ୍ତି। ଖଣ୍ଡି ଓଡ଼ିଆରେ ସେ କଥା ହେଉଛନ୍ତି। ଏବେ ୨ ମାସ ସମୁଦ୍ରରେ ମାଛଧରା ବନ୍ଦ ଥିବାରୁ ଜାଲ ବୁଣିବାରେ ସେ ବ୍ୟସ୍ତ ଅଛନ୍ତି। ମଙ୍ଗଳବାର ଦି’ପହରେ ଏକ ବଡ଼ ଗଛ ମୂଳେ ବସି ସେ ଜାଲ ବୁଣୁଥିଲେ। ତାଙ୍କ ସହ ଆଉ ୭ଜଣ ମତ୍ସ୍ୟଜୀବୀ ଥିଲେ ମଧ୍ୟ ରାମବାବୁ ସମସ୍ତଙ୍କଠାରୁ ଅଧିକ ଚଳଚଞ୍ଚଳ ଲାଗୁଥିଲେ। ନିଜର ଦୈନିକ ଜୀବନଶୈଳୀ ସମ୍ପର୍କରେ ସେ କୁହନ୍ତି ଯେ, ସମୁଦ୍ର ହେଉଛି ତାଙ୍କ ଭାତ ହାଣ୍ଡି। ନିଜ ଯୌବନ ସେ ସମୁଦ୍ର ଭିତରେ କଟାଇ ଦେଇଛନ୍ତି। ଜାଲ, ଡଙ୍ଗା, ମାଛ ଓ ସମୁଦ୍ର ସହ ତାଙ୍କର ନିବିଡ଼ ସମ୍ପର୍କ। ସମୁଦ୍ରରୁ ମାଛଧରି ଆଣିଲେ ପରିବାର ପ୍ରତିପୋଷଣ ହୁଏ।

ମିଳୁନି ବର୍ଦ୍ଧିତ ଭତ୍ତା, ନିରାଶ ହେଲେଣି ବୃଦ୍ଧା

ମିଳୁନି ବର୍ଦ୍ଧିତ ଭତ୍ତା, ନିରାଶ ହେଲେଣି ବୃଦ୍ଧା

ଏରସମା,୨୫।୪(ସ୍ବ.ପ୍ର.): ପ୍ରଚଣ୍ଡ ଖରା। ପୂର୍ବାହ୍ନ ୧୧ଟା ପରେ ଘରୁ ବାହାରିବା କଷ୍ଟକର ହୋଇପଡୁଛି। ଏଭଳି ଡହ ଡହ ଖରାରେ ମୁଣ୍ଡ କ’ଣ ହୋଇଯିବାରୁ ଜଣେ ୮୫ ବର୍ଷ ବୟସ୍କ ବୃଦ୍ଧା ଏରସମା ବ୍ଲକ କାର୍ଯ୍ୟାଳୟ ପରିସର ବାରଣ୍ଡାରେ ଶୋଇପଡିଥିବା ଦେଖିବାକୁ ମିଳିଥିଲା। ଭତ୍ତା ଟଙ୍କା ବୃଦ୍ଧି ପାଇଁ ବାରମ୍ବାର ଦୌଡ଼ି ନିରାଶ ହେବା ପରେ ସୋମବାର ସେ ପୁଣି ଥରେ ଦାୟିତ୍ୱରେ ଥିବା ଅଧିକାରୀଙ୍କୁ ଦେଖା କରିବାକୁ ଆସିଥିଲେ। କିନ୍ତୁ ଖରା ଅଧିକ ହେବାରୁ ତାଙ୍କ ମୁଣ୍ଡ ବୁଲାଇଥିଲା ଓ ସେ କ୍ଲାନ୍ତ ହୋଇ ବାରଣ୍ଡାରେ ଶୋଇପଡିଥିବା କହିଛନ୍ତି। ବୃଦ୍ଧା ଜଣଙ୍କ ହେଲେ ଏହି ବ୍ଲକ ଅନ୍ତର୍ଗତ ବାମଦେଇପୁର ପଞ୍ଚାୟତ କଣ୍ଟେଇନାଳି ଗ୍ରାମର ସ୍ବର୍ଗତ ବାବାଜି ଦାଶଙ୍କ ସ୍ତ୍ରୀ ତାରା ଦାଶ। ସେ କହିଛନ୍ତି ଯେ ଆର୍ଥିକ ଅନଟନ ମଧ୍ୟରେ ତାଙ୍କ ପରିବାର ଚଳୁଛି। ସରକାର ୮୦ ବର୍ଷରୁ ଊର୍ଦ୍ଧ୍ୱ ବୟସର ବୃଦ୍ଧାବୃଦ୍ଧଙ୍କ ପାଇଁ ବର୍ଦ୍ଧିତ ଭତ୍ତା ବ୍ୟବସ୍ଥା କରିଛନ୍ତି। ଅର୍ଥାତ୍‌ ୬୦ ବର୍ଷରୁ ଊର୍ଦ୍ଧ୍ୱ ବୟସ୍କଙ୍କୁ ୩୦୦ ଟଙ୍କା ଭତ୍ତା ମିଳୁଥିବା ବେଳେ ୮୦ ବର୍ଷରୁ ଊର୍ଦ୍ଧ୍ୱ ବୃଦ୍ଧାବୃଦ୍ଧଙ୍କୁ ମାସିକ ୫୦୦ ଟଙ୍କା ପ୍ରଦାନ କରାଯାଉଛି। କିନ୍ତୁ ୮୫ ବର୍ଷ ବୟସ ହୋଇଥିଲେ ମଧ୍ୟ ତାଙ୍କୁ ବର୍ଦ୍ଧିତ ଭତ୍ତା ଅର୍ଥ ମିଳୁନାହିଁ।

ଦିନକର କାହାଣୀ:ଖବରକାଗଜ ବିକ୍ରେତା ଗଗନ ରାଉତ

ଦିନକର କାହାଣୀ:ଖବରକାଗଜ ବିକ୍ରେତା ଗଗନ ରାଉତ

ଗଗନ ରାଉତ । ବୟସ ୪୯ । ସାଇକେଲ ଧରିଲେ ସେ ଛୁଟିଚାଲନ୍ତି ଚାରିଆଡକୁ। ଗତ ୨୦ ବର୍ଷ ହେଲା ସେ ଖବରକାଗଜ ବିକ୍ରିକୁ ନିଜର ପେସା ଭାବେ ଧରି ନେଇଛନ୍ତି । ଆଳି ଅଞ୍ଚଳରେ ଖବର କାଗଜ ପ୍ୟାକେଟ ଆସିବା ପୂର୍ବରୁ ସେ ଖବର କାଗଜ ପହଞ୍ଚତ୍ବା ସ୍ଥାନରେ ପହଞ୍ଚତ୍ୟାନ୍ତି । ଖବରକାଗଜ ଗାଡି ପହଞ୍ଚତ୍ଲେ ଗାଡିର ଡ୍ରାଇଭର ପ୍ରଥମେ ଗଗନକୁ ଖୋଜନ୍ତି । ଅନେକ ବିକ୍ରେତା ଥିଲେ ମଧ୍ୟ ଗଗନ ଉପରେ ସମସ୍ତଙ୍କ ଭରସା ରହିଛି । ବସ୍‌ ଡ୍ରାଇଭରଠାରୁ ଆରମ୍ଭ କରି ପାନ ଦୋକାନୀ ପର୍ଯ୍ୟନ୍ତ ସମସ୍ତେ ତାଙ୍କ ଖବରକାଗଜକୁ ଅପେକ୍ଷା କରିଥାନ୍ତି। ସମସ୍ତଙ୍କ ନିକଟରେ ସେ ଗିରି ଭାବେ ପରିଚିତ।