ସମ୍ବଲପୁର

ସରକାରୀ କଳର ଉଦାସୀନତା: ନିଜ ଉଦ୍ୟମରେ ରାସ୍ତା ତିଆରି କଲେ ଗ୍ରାମବାସୀ

ସରକାରୀ କଳର ଉଦାସୀନତା: ନିଜ ଉଦ୍ୟମରେ ରାସ୍ତା ତିଆରି କଲେ ଗ୍ରାମବାସୀ
ନୂଆପଡା ଅଫିସ,୧୦।୧୨- ସରକାର ଗ୍ରାମ୍ୟସ୍ତରରେ ଗମନାଗମନ ବ୍ୟବସ୍ଥାରେ ସୁଧାର ଆଣିବାକୁ ବିଭିନ୍ନ ଯୋଜନା ପାଇଁ ବାର୍ଷିକ କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି। ହେଲେ ପ୍ରକୃତ ପକ୍ଷେ ସେସବୁର ସଫଳ ରୂପାୟନ ଯେ କେତେଦୂର ହୋଇପାରୁଛି, ନୂଆପଡ଼ା ଜିଲାର ଗ୍ରାମାଞ୍ଚଳକୁ ଗଲେ ବହୁ ଉଦାହରଣ ଦେଖିବାକୁ ମିଳିଥାଏ। ଏମିତିକି ଏକ ନମୁନା ଦେଖିବାକୁ ମିଳିଛି ଜିଲାର କୋମନା ବ୍ଲକର ବୁଦ୍ଧିକୋମନା ଗ୍ରାମପଞ୍ଚାୟତ ଗଡଭଟା ଗାଁରେ। ଏହି ଗାଁକୁ ସବୁଦିନିଆ ରାସ୍ତା ନ ଥିବାବେଳେ ଶେଷରେ ଗାଁବାସୀ ନିଜ ଉଦ୍ୟମରେ ରାସ୍ତା ତିଆରି କରିଦେଇ ସରକାରୀ କଳର ଆଖି ଖୋଲିଦେଇଛନ୍ତି। ଏଥିରେ ଗାଁର ସମସ୍ତ ମହିଳା ପୁରୁଷ ସମେତ ସ୍କୁଲ ପିଲାମାନେ ମଧ୍ୟ ସାମିଲ ହୋଇଥିଲେ। ସମସ୍ତେ ବିନା ମୂଲ୍ୟରେ ଶ୍ରମଦାନ କରି କାମ କରିଥିବା ଦେଖାଯାଇଛି। ଏହାକୁ ସବୁ ମହଲରେ ପ୍ରଶଂସା କରାଯାଇଥିବାବେଳେ ସରକାରୀ କଳର ଉଦାସୀନତାକୁ ନିନ୍ଦା କରାଯାଇଛି। ବୁଦ୍ଧିକୋମନା ପଞ୍ଚାୟତର ପଣ୍ଡରା ପଥର ଗାଁର ଏକ ପାଲି ଗାଁ ଗଡଭଟାପଡା। ଏଠାରେ ୪୦ପରିବାର ଲୋକ ବସବାସ କରୁଛନ୍ତି। ସମସ୍ତେ ଶ୍ରମିକ ପରିବାର। ଏହି ଗାଁକୁ ସବୁଦିନିଆ ରାସ୍ତା ନ ଥିବାରୁ ବର୍ଷାଦିନେ ଗ୍ରାମବାସୀ ଏକପ୍ରକାର ବାହ୍ୟ ଜଗତରୁ ବିଚ୍ଛିନ୍ନ ହୋଇରହିଥାନ୍ତି। ଯେଉଁ ରାସ୍ତା ଅଛି, ସେଥିରେ ଆଜିଯାଏଁ ସରକାରୀ ଖର୍ଚ୍ଚରୁ ମୁଠାଏ ବି ମାଟି ପଡି ନ ଥିବା ଗ୍ରାମବାସୀଙ୍କ ମଧ୍ୟରୁ ଜେମାଦେଈ ଅଦା କହିଛନ୍ତି। ଏହାକୁ ନେଇ ଗ୍ରାମବାସୀ ବାରମ୍ବାର ପଞ୍ଚାୟତରୁ ବ୍ଲକ କାର୍ଯ୍ୟାଳୟକୁ ଯାଇ ନିବେଦନ କରିଥିଲେ ମଧ୍ୟ କେହି ଶୁଣିନାହାଁନ୍ତି। ପ୍ରତିଥର ନିର୍ବାଚନ ସମୟରେ ନେତାମାନେ ମଧ୍ୟ ଆସି ମିଥ୍ୟା ପ୍ରତିଶ୍ରୁତି ଦେଇ ଭୋଟ ନେଇଯାଆନ୍ତି। ହେଲେ ନିର୍ବାଚନ ସରିଲେ ୫ ବର୍ଷ କାହାରି ଦେଖାମିଳି ନ ଥାଏ ବୋଲି ଗାଁର ଶିକ୍ଷିତା ମହିଳା ନେତ୍ରୀ ଜେମା ଦେଈ ମାଝି କହିଛନ୍ତି। ତେଣୁ କରି ଶେଷରେ ଗ୍ରାମବାସୀ ଏକଜୁଟ ହୋଇ କିଛି ଦିନ ତଳେ ଗ୍ରାମସଭା କରିଥିଲେ। ସେମାନେ ନିଜେ ଶ୍ରମଦାନ କରି କାମ କରିବେ ବୋଲି ସିଦ୍ଧାନ୍ତ ନେଇଥିଲେ। ସେହି ଅନୁଯାୟୀ ରବିବାର ସନ୍ଧ୍ୟାରେ ସମସ୍ତେ ହାତରେ କୋଦାଳ, ଟାଙ୍ଗିଆ ଧରି କାମକୁ ବାହାରି ଯାଇଥିଲେ। ଏକା ସାଙ୍ଗରେ ସମସ୍ତେ କାମ କରିଚାଲିଥିଲେ। ଏହି କାମ କରି ସେମାନେ ନିଜର ଏକତାର ଶକ୍ତି ଦେଖାଇଥିବାବେଳେ ସରକାରୀ କଳକୁ ଗ୍ରାମବାସୀ ମଧ୍ୟ କିଛି କରିପାରନ୍ତି ବୋଲି ଏକ ଉଦାହରଣ ଦେଖାଇଦେଇଛନ୍ତି ବୋଲି ଗ୍ରାମର ଶ୍ରମିକ ନେତା ସମ୍ବାରୁ ମାଝି, ପିଲାବାଈ ମାଝି ଏବଂ ଜୟଧର ମାଝି କହିଛନ୍ତି। ତେବେ ଏହା ଉପରେ ବ୍ଲକ ତଥା ଜିଲା ପ୍ରଶାସନ ଦୃଷ୍ଟି ଦେଇ ଗ୍ରାମବାସୀଙ୍କୁ ଶ୍ରମଦାନକୁ ସମ୍ମାନ ଦେଇ ଆହୁରି ଉନ୍ନୟନ କାମ ପ୍ରତି ଦୃଷ୍ଟି ଦେବାକୁ ଦାବି ହେଉଛି।
All Right Reserved By

ସମ୍ବଲପୁର

ରାଜ୍ୟସ୍ତରୀୟ ଟାଏକୋଣ୍ଡୋ: ସୁବର୍ଣ୍ଣପୁର ଜିଲାକୁ ୫ ପଦକ

ରାଜ୍ୟସ୍ତରୀୟ ଟାଏକୋଣ୍ଡୋ: ସୁବର୍ଣ୍ଣପୁର ଜିଲାକୁ ୫ ପଦକ

ବୀରମହାରାଜପୁର,୧୯।୧୦(ଡି.ଏନ୍‌.ଏ.)- ଭଦ୍ରକଠାରେ ଶେଷ ହୋଇଥିବା ୩୩ତମ ରାଜ୍ୟସ୍ତରୀୟ ସବ୍‌ ଜୁନିୟର ଏବଂ ୫ମ କେଡଟ୍‌ ଟାଏକୋଣ୍ଡୋ ପ୍ରତିଯୋଗିତାରେ ସୁବର୍ଣ୍ଣପୂର ଜିଲାକୁ ୫ଟି ପଦକ ମିଳିଛି। ପ୍ରତିଯୋଗିତାରେ ଜିଲାରୁ ମୋଟ ୨୨ଜଣ ପ୍ରତିଯୋଗୀ ଭାଗ ନେଇଥିଲେ। ତେବେ ବିଭିନ୍ନ ବର୍ଗରେ ହୋଇଥିବା ପ୍ରତିଯୋଗିତାରେ ଅନୁଷ୍କା ଦାଶ ଏବଂ ଦୁର୍ଲଭ କୁମାର ନାୟକଙ୍କୁ ରୋପ୍ୟ ପଦକ ମିଳିଥିବାବେଳେ ସୁରଜ ପଟ୍ଟନାୟକ, କ୍ରୀସ କୁଦେଇ ଏବଂ ମୋର୍ଯ୍ୟ ବଲ୍ଲଭ ଥନାପତିଙ୍କୁ ବ୍ରୋଞ୍ଜ ପଦକ ମିଳିଛି।

ଧନଲକ୍ଷ୍ମୀ ପୂଜା ପ୍ରସ୍ତୁତି: ସାଜସଜ୍ଜା, କଳସ ଯାତ୍ରା ଉପରେ ଗୁରୁତ୍ୱ

ଧନଲକ୍ଷ୍ମୀ ପୂଜା ପ୍ରସ୍ତୁତି: ସାଜସଜ୍ଜା, କଳସ ଯାତ୍ରା ଉପରେ ଗୁରୁତ୍ୱ

ବରଗଡ଼ ଅଫିସ୍‌,୧୯।୧୦- ବରଗଡ଼ ପୌର ପରିଷଦ ଅନ୍ତର୍ଗତ ଗୋବିନ୍ଦପାଲିସ୍ଥିତ ସ୍ବାମୀ ବିବେକାନନ୍ଦ ସ୍ମାରକ କ୍ଲବ ପ୍ରାଙ୍ଗଣରେ କ୍ଲବର ସଭାପତି ରାକେଶ ପଟ୍ଟନାୟକଙ୍କ ଅଧ୍ୟକ୍ଷତାରେ ଏକ ସାଧାରଣ ସଭା ଅନୁଷ୍ଠିତ ହୋଇଯାଇଛି । ଏଥିରେ ସାଜସଜ୍ଜା ସହ ପୂଜା କାର୍ଯ୍ୟକୁ ଗୁରୁତ୍ୱ ଦିଆଯିବ ବୋଲି ମତ ପ୍ରକାଶ ପାଇଥିଲା। 

ଜୁନାଗଡ଼ ଏନ୍‌ଏସିରେ ଜିଲାପାଳଙ୍କ ଜନଶୁଣାଣି ଶିବିର

ଜୁନାଗଡ଼ ଏନ୍‌ଏସିରେ ଜିଲାପାଳଙ୍କ ଜନଶୁଣାଣି ଶିବିର

ଜୁନାଗଡ,୧୯।୧୦(ଡି.ଏନ୍‌.ଏ.)- କଳାହାଣ୍ଡି ଜିଲା ଜୁନାଗଡ଼ ବିଜ୍ଞାପିତ ଅଞ୍ଚଳ ପରିଷଦ(ଏନ୍‌ଏସି)ରେ ଶୁକ୍ରବାର କଳାହାଣ୍ଡି ଜିଲାପାଳଙ୍କ ଏନ୍‌ଏସିସ୍ତରୀୟ ଜନଶୁଣାଣି ଶିବିର ଅନୁଷ୍ଠିତ ହୋଇଯାଇଛି। ଜୁନାଗଡ଼ ଏନ୍‌ଏସି ଅଧ୍ୟକ୍ଷା ବିଜୟା ଲକ୍ଷ୍ମୀ କନ୍ଦପାନଙ୍କ ଅଧ୍ୟକ୍ଷତାରେ ଅନୁଷ୍ଠିତ ଶିବିରରେ ଜିଲାପାଳ ଗାଭାଲି ପରାଗ ହର୍ଷଦ ଯୋଗଦେଇ ୨୮ଟି ଆବେଦନର ଶୁଣାଣି କରି ସମ୍ପୃକ୍ତ ବିଭାଗର ଅଧିକାରୀମାନଙ୍କୁ ପଦକ୍ଷେପ ନେବାକୁ  ନିର୍ଦ୍ଦେଶ ଦେଇଥିଲେ। ସେହିପରି ଜୁନାଗଡ଼ ଏନ୍‌ଏସିର କାଉନସିଲରମାନେ ୱାର୍ଡ ଅନୁଯାୟୀ ପିଡିଏସ୍‌ ସାମଗ୍ରୀ ବଣ୍ଟନ କରିବା ପାଇଁ ଜିଲାପାଳଙ୍କୁ ଦାବି ଜଣାଇଥିଲେ। 

ଦଶହରା ପୂଜା: ମଠଖାଇ ମନ୍ଦିରରେ ଉତ୍ତେଜନା

ଦଶହରା ପୂଜା: ମଠଖାଇ ମନ୍ଦିରରେ ଉତ୍ତେଜନା

ବଲାଙ୍ଗୀର ଅଫିସ,୧୯।୧୦-ବଲାଙ୍ଗୀର-ଟିଟିଲାଗଡ଼ ରୋଡ ମଠଖାଇ ମନ୍ଦିରରେ ଶୁକ୍ରବାର ଦଶହରା ପୂଜା ଅବସରରେ ଆଦିବାସୀ ଏବଂ ଅଣଆଦିବାସୀଙ୍କ ମଧ୍ୟରେ ଉତ୍ତେଜନା ଦେଖାଦେଇଥିଲା। ଗତ ୩ବର୍ଷ ହେଲା ମନ୍ଦିରରେ ଏଭଳି ଉତ୍ତେଜନା ଲାଗି ରହୁଥିବା ବେଳେ ଏହାର ସ୍ଥାୟୀ ସମାଧାନ କରାଯାଉ ନ ଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି।

ଖପ୍ରାଖୋଲରେ ୪୫ତମ ସାର୍ବଜନୀନ ଦୁର୍ଗାପୂଜା: ରାବଣ ପୋଡି, ଲାଖବିନ୍ଧା ମୁଖ୍ୟ ଆକର୍ଷଣ

ଖପ୍ରାଖୋଲରେ ୪୫ତମ ସାର୍ବଜନୀନ ଦୁର୍ଗାପୂଜା: ରାବଣ ପୋଡି, ଲାଖବିନ୍ଧା ମୁଖ୍ୟ ଆକର୍ଷଣ

ଖପ୍ରାଖୋଲ,୧୯।୧୦(ଡି.ଏନ୍‌.ଏ.)- ଖପ୍ରାଖୋଲ ପୂଜା ମଣ୍ଡପଠାରେ ମା’ଦୁର୍ଗାଙ୍କ ୪୫ତମ ସାର୍ବଜନୀନ ଦୁର୍ଗାପୂଜା ଅନୁଷ୍ଠିତ ହୋଇଯାଇଛି। ଏହି ଅବସରରେ ବେଲ୍ବବରଣ, କଳସ ଶୋଭାଯାତ୍ରା, ନବପତ୍ରିକା ପୂଜା ଆଦି ଷଷ୍ଠୀ ଦିନରୁ ଆରମ୍ଭ ହୋଇଥିବା ବେଳେ ମହାସପ୍ତମୀରେ ମା’ଙ୍କ ମୃଣ୍ମୟୀ ମୂର୍ତ୍ତି ଜୀବନ୍ୟାସ, ଚଣ୍ଡୀପାଠ ଆଦି ଅନୁଷ୍ଠିତ ହୋଇଥିଲା। 

ମା’କନକ ଦୁର୍ଗା ମନ୍ଦିରରେ ପୂଜା କାର୍ଯ୍ୟ ସମ୍ପନ୍ନ

ମା’କନକ ଦୁର୍ଗା ମନ୍ଦିରରେ ପୂଜା କାର୍ଯ୍ୟ ସମ୍ପନ୍ନ

ଦେବଗଡ,୧୯।୧୦(ସ୍ବ.ପ୍ର.)- ଦେବଗଡ଼ ପୌରାଞ୍ଚଳସ୍ଥିତ ୩ନମ୍ବର ୱାର୍ଡ ମନୋରମା କ୍ଲବ ମଠ ସାହିରେ ନବନିର୍ମିତ ମା’ କନକ ଦୁର୍ଗା ମନ୍ଦିରରେ ଶୁକ୍ରବାର ପୂଜା କାର୍ଯ୍ୟ ଅନୁଷ୍ଠିତ ହୋଇଯାଇଛି। ମା’ କନକ ଦୁର୍ଗା ମନ୍ଦିର ପୂଜା ପାଇଁ ନୟାଗଡ଼ ଜିଲା ରଣପୁର ଗ୍ରାମର ପଣ୍ଡିତ ଦୀନବନ୍ଧୁ ଶତପଥୀ ପୂଜକ ଭାବେ ଯୋଗ ଦେଇ ପୂଜାକାର୍ଯ୍ୟ ସମ୍ପାଦନ କରିଥିବା ବେଳେ କର୍ତ୍ତା ଭାବେ ସରୋଜ ମେହେର, ତାଙ୍କ ସ୍ତ୍ରୀ କିଶୋରୀ ମେହେର ଦାୟିତ୍ୱ ତୁଲାଇଥିଲେ। 

ବୀରମହାରାଜପୁରରେ ପାର୍ବଣର ମହକ: ମନମୋହୁଛି ଲୋକନୃତ୍ୟ

ବୀରମହାରାଜପୁରରେ ପାର୍ବଣର ମହକ: ମନମୋହୁଛି ଲୋକନୃତ୍ୟ

ବୀରମହାରାଜପୁର,୧୯।୧୦(ଡି.ଏନ୍‌.ଏ.)- ସୁବର୍ଣ୍ଣପୁର ଜିଲା ବୀରମହାରାଜପୁରଠାରେ ପୂର୍ବ ବର୍ଷ ଭଳି ଏଥର ମଧ୍ୟ ୩ଟି ପୂଜା କମିଟି ଆନୁକୂଲ୍ୟରେ ସାର୍ବଜନୀନ ଦୁର୍ଗାପୂଜା ଆୟୋଜନ କରାଯାଇଛି। ଉଫୁଲାସ୍ଥିତ ଶୈଲସୂତା କ୍ଲବ ପୂଜା କମିଟି ପକ୍ଷରୁ ପାଳିତ ହୋଇଆସୁଥିବା ଶାରଦୀୟ ପୂଜା ଉତ୍ସବ ସର୍ବପୁରାତନ ହୋଇଥିବା ବେଳେ ମୁଖ୍ୟବସ୍ତିର ତ୍ରିବେଣୀଛକ ଦୁର୍ଗାପୂଜା ୨୧ବର୍ଷରେ ପହଞ୍ଚିଛି।

କେସିଙ୍ଗା ସାର୍ବଜନୀନ ଦୁର୍ଗା ପୂଜା: ରାବଣ ପୋଡି ମୁଖ୍ୟ ଆକର୍ଷଣ

କେସିଙ୍ଗା ସାର୍ବଜନୀନ ଦୁର୍ଗା ପୂଜା: ରାବଣ ପୋଡି ମୁଖ୍ୟ ଆକର୍ଷଣ

କେସିଙ୍ଗା,୧୯।୧୦(ଡି.ଏନ୍‌.ଏ.)- କଳାହାଣ୍ଡି ଜିଲା କେସିଙ୍ଗା ସହର ଦୁର୍ଗାମଣ୍ଡପଠାରେ ୬୧ତମ ସାର୍ବଜନୀନ ଦୁର୍ଗାପୂଜା ଗତ ୮ତରିଖରୁ ଆରମ୍ଭ ହୋଇ ଶୁକ୍ରବାର ସମ୍ପନ୍ନ ହେବା ସହ ରାବଣ ପୋଡି କାର୍ଯ୍ୟକ୍ରମ ଅନୁଷ୍ଠିତ ହେବ। ଏହି ଅବସରରେ ଗତ ୮ତାରିଖରୁ କଳସ ଅଧିବାସ, ପ୍ରାଣ ପ୍ରତିଷ୍ଠା, ବିଲ୍ବାବରଣ, ମହାସପ୍ତମୀ, ସନ୍ଧିପୂଜା, କୁମାରୀ ପୂଜା, ସୋମାନାଥ ବ୍ରତ, ଅପରାଜିତା ପୂଜା, ହୋମ ଚଣ୍ଡୀପାଠ, ସୂର୍ଯ୍ୟ ପୂଜା ଆଦି ଅନୁଷ୍ଠିତ ହୋଇଥିଲା।

 ଦୁର୍ଗାପୂଜା: ଦେଉଣ୍ଡିରେ ନୃତ୍ୟ ପ୍ରତିଯୋଗିତା

ଦୁର୍ଗାପୂଜା: ଦେଉଣ୍ଡିରେ ନୃତ୍ୟ ପ୍ରତିଯୋଗିତା

ଜୁନାଗଡ଼,୧୯।୧୦(ଡି.ଏନ୍‌.ଏ.)- କଳାହାଣ୍ଡି ଜିଲା ଜୁନାଗଡ଼ ବ୍ଲକ କାଲୋପଲା ପଞ୍ଚାୟତ ଦେଉଣ୍ଡି ସ୍କୁଲଛକଠାରେ ଦୁର୍ଗାପୂଜା ଉପଲକ୍ଷେ ଏକ ନୃତ୍ୟ ପ୍ରତିଯୋଗିତା ଅନଷ୍ଠିତ ହୋଇଯାଇଛି। ଏଥିରେ କଳାହାଣ୍ଡି ଜିଲା ସମେତ ପଡୋଶୀ ଜିଲାର ବିଭିନ୍ନ ଅଞ୍ଚଳରୁ  ପ୍ରାୟ ୨୦ଟି ଦଳ ଯୋଗଦେଇ ନୃତ୍ୟ ପରିବେଷଣ କରିଥିଲେ। କୁଟ୍ରୁର ବିକେ ଟାଇଗର ଗ୍ରୁପ ପ୍ରଥମ, ସମ୍ବଲପୁରର ଆରତୀ ରାଉତ ଦ୍ୱିତୀୟ, ଭବାନୀପାଟଣାର ସୌରଭ ସିଂହ ତୃତୀୟ, ବଣ୍ଡାବୁଟୁରାର ମିସ୍‌ ରିତା ଚତୁର୍ଥ, ସମ୍ବଲପୁର ଅତାବିରାର ପ୍ରଶାନ୍ତ ଭୋଇ ପଞ୍ଚମ ଏବଂ ଲଡୁଗଁାର ମିସ୍‌ ସଲମା ଷଷ୍ଠ ସ୍ଥାନ ଅଧିକାର କରିଥିଲେ। 

ଜରାସିଂହାରେ ପ୍ରସିଦ୍ଧ ପାଟଖଣ୍ଡାଯାତ୍ରା ଆରମ୍ଭ

ଜରାସିଂହାରେ ପ୍ରସିଦ୍ଧ ପାଟଖଣ୍ଡାଯାତ୍ରା ଆରମ୍ଭ

ଦେଓଗାଁ,୧୯।୧୦(ଡି.ଏନ.ଏ.)- ବଲାଙ୍ଗୀର ଜିଲା ଦେଓଗାଁ ବ୍ଲକ ଅଧୀନ ଜରାସିଂହାରେ ପାଟଖଣ୍ଡାଯାତ୍ରା ଆରମ୍ଭ ହୋଇଯାଇଛି। ନିର୍ଦ୍ଧାରିତ ଲଗ୍ନ ଅନୁସାରେ ପାଟଖଣ୍ଡା ଦେବତା ସାଲେପାଲି ନିକଟସ୍ଥ ଦେଝାର ଜଙ୍ଗଲରୁ ଆବିର୍ଭାବ ହୋଇଥିଲେ। ଏହି ସମୟରେ ସ୍ବତନ୍ତ୍ର ବାଜା, ଘଣ୍ଟ, ଶଙ୍ଖ ଓ ହୁଳହୁଳିରେ ଉଛୁଳି ପଡିଥିଲା ଜମିଦାରଙ୍କ ଗିଣ୍ଡୁଲବାହାଲ ଖଳା। ଜରାସିଂହା ଜମିଦାର ତଥା ଦେବତାଙ୍କ ମୁଖ୍ୟ ସେବକ ସାମନ୍ତ ଦୁର୍ଗା ପ୍ରସାଦ ସିଂଦେଓଙ୍କ ସହ ଗ୍ରାମର ବିଶିଷ୍ଟ ବ୍ୟକ୍ତିଙ୍କ ଉପସ୍ଥିତିରେ ଦେବତାଙ୍କୁ ବରଣ କରାଯାଇଥିଲା। ପରମ୍ପରା ଅନୁସାରେ ପାଟଖଣ୍ଡା ଦେବତା ବିଭିନ୍ନ ଭଙ୍ଗିରେ ନୃତ୍ୟ କରି ସୋନଗଡ଼ ନଦୀ ମଧ୍ୟ ଦେଇ ଢୋଲରେ ବସି ପୀଠସ୍ଥଳୀକୁ ପ୍ରବେଶ କରିଥିଲେ। ପୀଠରେ ପହଞ୍ଚତ୍ବା ପରେ ପୂଜାର୍ଚ୍ଚନା କରାଯାଇଥିଲା।

ଛୋରିଆଗଡ଼ ଦୁର୍ଗାପୂଜା: ଘୁମୁରା ପ୍ରତିଯୋଗିତା

ଛୋରିଆଗଡ଼ ଦୁର୍ଗାପୂଜା: ଘୁମୁରା ପ୍ରତିଯୋଗିତା

ଜୁନାଗଡ଼,୧୯।୧୦(ଡି.ଏନ୍‌.ଏ.)- କଳାହାଣ୍ଡି ଜିଲା ଜୁନାଗଡ଼ ବ୍ଲକ ଛୋରିଆଗଡ଼ଠାରେ ଶାରଦୀୟ ଦୁର୍ଗାପୂଜା ପୂଜା ଉପଲକ୍ଷେ କଳାହାଣ୍ଡିର ବୀରବାଦ୍ୟ ଘୁମୁରା ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ଏଥିରେ କଳାହାଣ୍ଡି ଜିଲାର ବିଭିନ୍ନ ଅଞ୍ଚଳରୁ ୧୦ରୁ ଊର୍ଦ୍ଧ୍ୱ ଘୁମୁରା ଦଳ ଯୋଗଦେଇ ନିଜ କଳା ପରିବେଷଣ କରିଥିଲେ। ସେଥିମଧ୍ୟରୁ ଜୟପାଟଣାର ଜଗଜ୍ଜନନୀ ଘୁମୁରା ଦଳ ପ୍ରଥମ ସ୍ଥାନ ଅଧିକାର କରିଥିବା ବେଳେ ଦ୍ୱିତୀୟ କଲମପୁର ବ୍ଲକ ପୋଟେସ ଗ୍ରାମର ମା’ଠାକୁରାଣୀ ଘୁମୁରା ଦଳ ଏବଂ ତୃତୀୟ ସ୍ଥାନ ଲଡୁଗାଁର ଶିବଶକ୍ତି ଘୁମୁରା ଦଳ ହୋଇଥିଲା।

ଅଟୋ-ବାଇକ୍‌ ଧକ୍କା: ୩ ଆହତ

ଅଟୋ-ବାଇକ୍‌ ଧକ୍କା: ୩ ଆହତ

ସମ୍ବଲପୁର,୧୮।୧୦(ବ୍ୟୁରୋ)-ଗୁରୁବାର ଅପରାହ୍ନ ୨ଟାରେ ସମ୍ବଲପୁର ଅଇଁଠାପାଲି ଥାନା ଅନ୍ତର୍ଗତ ଓଭରବ୍ରିଜ ଉପରେ ଦୁର୍ଘଟଣା ଘଟିଛି। ଅଟୋ-ବାଇକ୍‌ ଧକ୍କା ହେବାରୁ ଅଟୋ ଡ଼୍ରାଇଭରଙ୍କ ସହ ବାଇକ୍‌ରେ ବସିଥିବା ୨ଜଣ ଆହତ ହୋଇଛନ୍ତି। ୩ ଆହତଙ୍କୁ ଡ଼ାକ୍ତରଖାନାରେ ଭର୍ତ୍ତି କରାଯାଇଛି।