ସମ୍ପାଦକୀୟ |

ନିଜ ଗୋଡ଼ରେ କୁରାଢ଼ି

ନିଜ ଗୋଡ଼ରେ କୁରାଢ଼ି

ଆକାର ପଟେଲ
କିଏ ଭାବିଥିଲା, ମଣିଶଙ୍କର ଆୟାର ଯାହା କହିଲେ ତାହା ଏକ ଇସ୍ୟୁ ହୋଇଯିବ ବୋଲି, ପୁଣି ଗୁଜରାଟ ନିର୍ବାଚନ ସମୟରେ? ମୁଁ ଯେତେବେଳେ ଉକ୍ତ ବିବାଦୀୟ ମନ୍ତବ୍ୟ ଶୁଣିଲି, ସେତେବେଳେ ଗୁଜରାଟୀ ଅଭିଧାନ ଦେଖିଲି। ସେଥିରେ ଲେଖା ଅଛି ‘ନୀଚ’ ମାନେ ‘ଦୁଷ୍ଟ’। ଇଂଲିଶରେ ଏହାର ଅନୁବାଦ ହେଉଛି: wicked (ଦୁଷ୍ଟ), vile (ନୀତିହୀନ) ଓ mean (ସଂକୀର୍ଣ୍ଣ)। ଆୟାର କ’ଣ ଏପରି ଅପଶବ୍ଦ ବ୍ୟବହାର କରିବା ଉଚିତ ଥିଲା? ନା, ରାଜନୈତିକ ବା ଯେକୌଣସି ପ୍ରକାର ବିତର୍କରେ ମାର୍ଜିତ ଓ ଶାଳୀନ ଶବ୍ଦ ବ୍ୟବହାର କରିବା ଉଚିତ। କିନ୍ତୁ ଏହି ଶବ୍ଦରେ ଜାତି କଥା ନାହିଁ। ଦ୍ୱିତୀୟ କଥା ହେଲା ମୋଦିଙ୍କ ଜାତି ପ୍ରସଙ୍ଗ। ପ୍ରଧାନମନ୍ତ୍ରୀ ହେଉଛନ୍ତି ଘାଞ୍ଚି ନାମକ ଏକ ସଫଳ ବ୍ୟବସାୟୀ ସମ୍ପ୍ରଦାୟର ଲୋକ। ଏହି ସମ୍ପ୍ରଦାୟର ଲୋକମାନଙ୍କର ତେଜରାତି ଦୋକାନ, ତେଲ ଘଣା ଏବଂ ଚାଉଳ, ଗହମ (ଓ ଚା) ଦୋକାନ ଅଛି। ମୋଦି କହିଲେ ତେଲିକୁ ବା ଡାଲି, ଚାଉଳ ବିକ୍ରି କରୁଥିବା ଦୋକାନୀକୁ ବୁଝାଏ। ଗାନ୍ଧୀ ସଂଜ୍ଞାର ଅର୍ଥ ବି ସେହିପରି- ବଣିଆ। ଗୁଜରାଟୀମାନେ ଘାଞ୍ଚି ସମ୍ପ୍ରଦାୟକୁ ପଛୁଆ ଜାତି ବୋଲି ଭାବନ୍ତି ନାହିଁ। କିନ୍ତୁ ୧୯୯୯ ମସିହାରେ ଅଟଳ ବିହାରୀ ବାଜପେୟୀଙ୍କ ସମୟରେ ଏହି ଜାତି ଅନ୍ୟାନ୍ୟ ପଛୁଆ ବର୍ଗ ବା ଓବିସି ତାଲିକାରେ ସାମିଲ ହେଲା। ତେଣୁ ମୋଦିଙ୍କ ପ୍ରତି ‘ନୀଚ’ ଶବ୍ଦ ବ୍ୟବହାର କଲେ, ତାହା ତାଙ୍କ ଜାତିକୁ ଆକ୍ଷେପ କରାଯାଇଛି ବୋଲି ଅଧିକାଂଶ ଗୁଜରାଟୀ ଭାବିବେ ନାହିଁ। ମୁଁ ଭାବୁଛି ଏହା ଏକ ନିର୍ବାଚନୀ ପ୍ରସଙ୍ଗ ଭାବରେ ଫଳପ୍ରଦ ହେବ ନାହିଁ। ତେବେ ସମୟ କହିବ ନିର୍ଦ୍ଦିଷ୍ଟ ଭାବରେ କେଉଁ ପ୍ରସଙ୍ଗ ଭାଜପାକୁ ଜିତାଇବାରେ ସାହାଯ୍ୟ କରିବ (ମୁଁ ଆଶା କରୁଛି ଭାଜପା ହିଁ ଜିତିବ, ଯାହା ମୁଁ ପୂର୍ବ ଥର ଉଲ୍ଲେଖ କରିଥିଲି) ଏବଂ ଗଣମାଧ୍ୟମ ଦ୍ୱାରା ସୃଷ୍ଟ କେଉଁ ପ୍ରସଙ୍ଗ ପବନରେ ଉଡ଼ିଯିବ। ମାତ୍ର ସୋମନାଥ ରେଜିଷ୍ଟର ପ୍ରସଙ୍ଗର କିଛି ପ୍ରଭାବ ପଡ଼ିବ ବୋଲି ମୁଁ ଭାବୁଛି। ଗାନ୍ଧୀ ଜଣେ ଅଣହିନ୍ଦୁ ଭାବେ ମନ୍ଦିର ରେଜିଷ୍ଟରରେ ନିଜ ନାମ ପଞ୍ଜୀକରଣ କରିବା କଥାକୁ ଗୁଜରାଟୀମାନେ ଭଲରେ ଗ୍ରହଣ କରିବେ ନାହିଁ। ପ୍ରକୃତରେ ଅଣହିନ୍ଦୁ ଭାବେ ନାମ ପଞ୍ଜୀକରଣ କରିବାକୁ ସେ କହି ନ ଥିବେ। କିନ୍ତୁ ଥରେ ପଞ୍ଜୀକୃତ ହୋଇଗଲା ପରେ ଏହା ଇତିହାସ ହୋଇଗଲା, ଯାହା ଉପରେ ଗଣମାଧ୍ୟମର ଆଗ୍ରହ ବଢ଼ିଯାଇଛି। ତା’ପରେ ରାହୁଲ ଗାନ୍ଧୀଙ୍କ କଂଗ୍ରେସ ଅଧ୍ୟକ୍ଷ ପଦ ପାଇଁ ନାମାଙ୍କନ ପତ୍ର ଦାଖଲ କରିବା କଥାଟାକୁ ଆୟାର ଶାହଜାହାନ ଓ ଔରଙ୍ଗଜେବଙ୍କ ଶାସନ ଗାଦି ଅକ୍ତିଆର କରିବା ସହ ତୁଳନା କରିବା ଏକ ପ୍ରସଙ୍ଗ। ତେବେ ଯେଉଁମାନେ ଆୟାରଙ୍କୁ ଏଥିପାଇଁ ସମାଲୋଚନା କରୁଛନ୍ତି ସେମାନେ ତାଙ୍କ କଥାକୁ ପୂରାପୂରି ଉଦ୍ଧାର କରୁନାହାନ୍ତି। କିନ୍ତୁ ଗାନ୍ଧୀ ଓ ଔରଙ୍ଗଜେବ ପ୍ରସଙ୍ଗକୁ ଯିଏ ଆଗକୁ ଆଣିଛନ୍ତି, ସେ ହେଉଛନ୍ତି ମୋଦି। ଏ ପ୍ରସଙ୍ଗ କେତେଦୂର ଫଳପ୍ରଦ ହେବ? ମୁଁ ଭାବୁଛି, ଏପରି ପ୍ରସଙ୍ଗକୁ ନେଇ ଲୋକେ କୌଣସି ନିର୍ଦ୍ଦିଷ୍ଟ ଦଳକୁ ଭୋଟ୍‌ ଦେବା ପାଇଁ ନିଷ୍ପତ୍ତି ନେବେ ନାହିଁ। କିନ୍ତୁ ଏହାଦ୍ୱାରା ଗୋଟିଏ ରାଜ୍ୟରେ ଦୁଇ ଦଶନ୍ଧିରୁ ଅଧିକ କାଳ ଶାସନ କରି ରାଜ୍ୟର ବିଶେଷ କିଛି ବିକାଶ କରିପାରି ନ ଥିବା ଭାଜପାକୁ ନିଜର ବିଫଳତାକୁ ଲୁଚେଇ କଂଗ୍ରେସ ବିରୋଧରେ କହିବା ପାଇଁ ସୁଯୋଗ ମିଳିଗଲା। ଏହା ପୂର୍ବରୁ ଭାଜପା ଏକ ହସ୍ପିଟାଲ ସମ୍ପର୍କରେ ରିପୋର୍ଟକୁ ଲିକ୍‌ କରିଦେଲା, ଯେଉଁ ହସ୍ପିଟାଲରେ ଅହମଦ ପଟେଲ ଜଣେ ଟ୍ରଷ୍ଟି ଥିଲେ ଏବଂ ଯେଉଁ ହସ୍ପିଟାଲର ଜଣେ କର୍ମଚାରୀ ବା ପୂର୍ବତନ କର୍ମଚାରୀ ଆତଙ୍କବାଦୀ କାର୍ଯ୍ୟକଳାପରେ ଲିପ୍ତ ଥିବାର ଅଭିଯୋଗ ରହିଛି। କିନ୍ତୁ ପଟେଲ ଓ ଉକ୍ତ ଅଭିଯୁକ୍ତଙ୍କ ମଧ୍ୟରେ କୌଣସି ଯୋଗସୂତ୍ର ନ ଥିବା ବେଳେ ଏ ପ୍ରସଙ୍ଗର ମାନେ କିଛି ନାହିଁ। ଭାଜପା ଏପରି ପ୍ରସଙ୍ଗକୁ ବଡ଼ କରିବାର କାରଣ ହେଉଛି କଂଗ୍ରେସ ଆତଙ୍କବାଦୀଙ୍କ ପ୍ରତି ନରମ ମନୋଭାବ ପୋଷଣ କରୁଥିବା ନେଇ ଅଭିଯୋଗ କରି ଏହା ସେଥିରୁ ସବୁବେଳେ ଫାଇଦା ଉଠାଇବାକୁ ଚାହୁଁଛି। ଅଳ୍ପଦିନ ତଳେ କପିଲ ଶିବଲଙ୍କୁ ନେଇ ଆଉ ଏକ ପ୍ରସଙ୍ଗ ଉଠିଛି। କଂଗ୍ରେସ ନେତା ତଥା ଓକିଲ କପିଲ ଶିବଲ ୨୦୧୯ ନିର୍ବାଚନ ପୂର୍ବରୁ ବାବ୍ରି ମସ୍‌ଜିଦ ସମ୍ପର୍କିତ ରାୟ ପ୍ରକାଶ ନ କରିବାକୁ ସୁପ୍ରିମ୍‌କୋର୍ଟଙ୍କୁ ଅନୁରୋଧ କରିଛନ୍ତି। ଏହାଦ୍ୱାରା ଗଣମାଧ୍ୟମରେ ଚର୍ଚ୍ଚାର ଖୋରାକ ବଢ଼ାଇବା ପାଇଁ ମୋଦିଙ୍କୁ ଆଉ ଏକ ସୁଯୋଗ ମିଳିଗଲା। ଯେଉଁ ଅଯୋଧ୍ୟା ପ୍ରସଙ୍ଗକୁ ନେଇ ଭାଜପା ଏକ ଜାତୀୟ ଦଳରେ ପରିଣତ ହୋଇଛି ସେହି ପ୍ରସଙ୍ଗ ଏବେ ରାଜନୈତିକ ଭାବେ ମୃତ ହୋଇଥିଲେ ମଧ୍ୟ ତାହାକୁ ପୁଣି ଜାଣିଶୁଣି ଜୀବନ୍ତ କରିଦିଆଗଲା। ଶେଷ ପ୍ରସଙ୍ଗଟି ହେଉଛି ପାଟି ଚୁପ୍‌ କରିପାରୁ ନ ଥିବା ଆୟାରଙ୍କ ବିରୋଧରେ ମୋଦିଙ୍କ ସାଂଘାତିକ ଅଭିଯୋଗ। ମୋଦିଙ୍କୁ ରାସ୍ତାରୁ ହଟାଇବା ପାଇଁ ଆୟାର ପାକିସ୍ତାନୀଙ୍କୁ ସୁପାରି ଦେଇଥିବା ମୋଦି ଅଭିଯୋଗ କରିଛନ୍ତି। ଏହା ଅବଶ୍ୟ ସତ ନୁହେଁ। ହୁଏତ ଏହା ଏପରି ଏକ ଘଟଣା ଯାହାକୁ ପ୍ରଧାନମନ୍ତ୍ରୀ ବିଶ୍ୱାସ କରୁଛନ୍ତି, କିମ୍ବା ସେ ଜାଣିଶୁଣି ନିର୍ବାଚନୀ ଫାଇଦା ହାସଲ ପାଇଁ ଏପରି ଅଭିଯୋଗ କରୁଛନ୍ତି। ଯଦି ତାହା ହୋଇଥାଏ ତେବେ ଏହା ଅତ୍ୟନ୍ତ ଚିନ୍ତାଜନକ। ଯାହା ଜଣାପଡ଼ୁଛି, ଗଣମାଧ୍ୟମର ସହାୟତା ନେଇ କଂଗ୍ରେସ ବିରୋଧରେ ଭାଜପା ଉପରୋକ୍ତ ପ୍ରସଙ୍ଗ ସବୁ ଉଠାଇଛି ବା ତାକୁ ବଡ଼ କରିତୋଳିଛି। ଏହା ଭୟ ଓ ଆଶଙ୍କାରୁ ଜନ୍ମିଥିବା ଏକ ନକାରାତ୍ମକ ପ୍ରଚାର। ‘ସୁଶାସନ’ ଓ ‘ଅଚ୍ଛେ ଦିନ’ ଭଳି କଥା କହି ଭାଜପା ୨୦୧୪ରେ ଯେଉଁଭଳି ସକାରାତ୍ମକ ପ୍ରଚାର କରିଥିଲା, ଏବେ ଆଉ ସେପରି କରିବାକୁ ଚାହୁଁନାହିଁ। ଏହା ଦୁର୍ଭାଗ୍ୟଜନକ ହେଲେ ମଧ୍ୟ ଭାରତରେ ରାଜନୀତି କ୍ଷେତ୍ରରେ ଏପରି କରାଯିବା ନୂଆ କଥା ନୁହେଁ। କଂଗ୍ରେସ ମଧ୍ୟ ଭାବିବା ଦରକାର କେଉଁ ଭଳି ପ୍ରସଙ୍ଗକୁ ଆପଣେଇଲେ ତାହା ଗଣମାଧ୍ୟମ ପାଇଁ ରୋଚକ ହେବ। ଏଥର ଗୁଜରାଟ ନିର୍ବାଚନ ସମୟରେ କଂଗ୍ରେସ ଯେଉଁସବୁ ଭୁଲ୍‌ କରିଛି, ଆଗକୁ ସେପରି କରିବା ବା ନ କରିବା ତା’ ନିଜ ଉପରେ ନିର୍ଭର କରେ। ସେପରି କଲେ ନିଜ ଗୋଡ଼ରେ ନିଜେ କୁରାଢ଼ି ମାରିବା ପରି ହେବ।
Email: aakar.patel@gmail.com

All Right Reserved By

ସମ୍ପାଦକୀୟ |

ପଞ୍ଚଗବ୍ୟ: ଏକ ଟନିକ୍‌ ଓ ଔଷଧ

ପଞ୍ଚଗବ୍ୟ: ଏକ ଟନିକ୍‌ ଓ ଔଷଧ

ପରିବେଶ ପରିଚିନ୍ତା/ ମାନେକା ଗାନ୍ଧୀ ପୂର୍ବରୁ ଏହି ସ୍ତମ୍ଭରେ ଶସ୍ୟକ୍ଷେତ୍ରରେ ପଞ୍ଚଗବ୍ୟର ବ୍ୟବହାର ଉପରେ ଏକ ନିବନ୍ଧ ଲେଖିଥିଲି। ବହୁବର୍ଷର ଗବେଷଣା ପରେ ଉକ୍ତ ପୁସ୍ତକ ଲେଖିଥିବା ଡ. କେ. ନଟରାଜନ୍‌ ଏଥିରେ ପ୍ରାଣୀମାନଙ୍କ ଉପରେ ପଞ୍ଚଗବ୍ୟର ପ୍ରଭାବ ସମ୍ବନ୍ଧରେ ମଧ୍ୟ ଏକ ଅଧ୍ୟାୟ ଲେଖିଛନ୍ତି। ଗଛଲତା ଉପରେ ଅଧ୍ୟୟନ ପରେ ତାଙ୍କ ଗବେଷକ ଦଳ ପ୍ରାଣୀ ଓ ମନୁଷ୍ୟ ଉପରେ ଅଧ୍ୟୟନ ଆରମ୍ଭ କରିଦେଇଥିଲେ। ପୂର୍ବ ନିବନ୍ଧଟି ଯେଉଁମାନେ ପଢ଼ି ନ ଥିବେ ସେମାନଙ୍କ ପାଇଁ ଏହାର ପ୍ରସ୍ତୁତି ପ୍ରଣାଳୀ ନିମ୍ନରେ ଆଉ ଥରେ ଲେଖୁଛି।...

ଅଭାବର ଚିତ୍ରପଟ

ଅଭାବର ଚିତ୍ରପଟ

ଡ. ସୁବାସ ଚନ୍ଦ୍ର ପାତ୍ର ଦାରିଦ୍ର୍ୟର ମାତ୍ରା ତଥା କିସମ ଅଛି। ବିଭିନ୍ନ ପ୍ରକାର ଦାରିଦ୍ର୍ୟରେ ମଣିଷ ହନ୍ତସନ୍ତ କିନ୍ତୁ ଅର୍ଥନୈତିକ ଦାରିଦ୍ର୍ୟ ମଣିଷକୁ ବେଶି ନିପୀଡ଼ିତ କରେ କାରଣ ତା’ର ପ୍ରଭାବ ଦୃଶ୍ୟମାନ। ସବୁ ଦରିଦ୍ରତା ପଛରେ ଥାଏ ଏକ ଅଭାବବୋଧ ଏବଂ ଏହି ଅଭାବ ଯେତେବେଳେ ସର୍ବବ୍ୟାପୀ ଓ ସର୍ବଗ୍ରାସୀ ହୋଇଯାଏ ସେଇଠି ଦାରିଦ୍ର୍ୟ ହୋଇପଡ଼େ ଦୁର୍ବିଷହ।...

ପତିତପାବନ ଯାତ୍ରା

ପତିତପାବନ ଯାତ୍ରା

ପଣ୍ଡିତ ଡ. ଅନ୍ତର୍ଯ୍ୟାମୀ ମିଶ୍ର ପୁରୁଷୋତ୍ତମ ଜଗନ୍ନାଥ ଦିବ୍ୟ ନୀଳାଚଳରେ ଅନାଦିକାଳରୁ ଦାରବୀ ଲୀଳା ସଂରଚନା କରିଛନ୍ତି। ତାଙ୍କ ଦିବ୍ୟ ଲୀଳାକୁ ଦୁଇଭାଗରେ ବିଭକ୍ତ କରାଯାଇଛି- ଶ୍ରୀମନ୍ଦିର ରତ୍ନସିଂହାସନରେ ଚତୁର୍ଦ୍ଧାମୂର୍ତ୍ତି ସ୍ବରୂପରେ ଐଶ୍ୱର୍ଯ୍ୟଲୀଳା ଏବଂ ରଥଯାତ୍ରାରେ ଅଗଣିତ ଭକ୍ତଙ୍କ ସହିତ ମାଧୁର୍ଯ୍ୟଲୀଳା। ତାଙ୍କର ଏହି ମାଧୁର୍ଯ୍ୟଲୀଳା ଶତାବ୍ଦୀ ଶତାବ୍ଦୀ ଧରି ବିଶ୍ୱମାନସକୁ ଉଦ୍‌ବୁଦ୍ଧ କରିଆସିଛି। ବିଶ୍ୱର କୋଣ ଅନୁକୋଣରୁ ଲକ୍ଷ ଲକ୍ଷ ଭକ୍ତ ଶ୍ରୀଜଗନ୍ନାଥଙ୍କ ରଥଯାତ୍ରା ଦର୍ଶନ କରିବାକୁ ଶ୍ରୀକ୍ଷେତ୍ର ଆଗମନ କରିଥାନ୍ତି। ଏହି ଯାତ୍ରାରେ ପ୍ରଭୁ ...

ଏଇ ଭାରତରେ

ଏଇ ଭାରତରେ

ଦୃଢ଼ ଇଚ୍ଛାଶକ୍ତି ଦିନେ ନା ଦିନେ ସଫଳତା ଆଣି ଦେଇଥାଏ। ଯାହାକି ପୂର୍ବ ବାଙ୍ଗାଲୋରର ଲିଙ୍ଗରାଜପୁରମ୍‌ ଅଞ୍ଚଳରେ ବାସ କରୁଥିବା ଜଣେ ମହିଳାଙ୍କ କ୍ଷେତ୍ରରେ ଦେଖିବାକୁ ମିଳିଛି। ସ୍ବାମୀଙ୍କ କ୍ଷଣିକ ରାଗର ଶିକାର ହୋଇ ନିଜର ମୁଖମଣ୍ଡଳର ସୌନ୍ଦର୍ଯ୍ୟକୁ ହରାଇଥିବା ଅନୀଥା ପାର୍କର ମେରୀ ନାମ୍ନୀ ଜଣେ ମହିଳା ଦୀର୍ଘ ୧୮ବର୍ଷ ଧରି ସଂଘର୍ଷ କରିବା ପରେ ଏବେ ସ୍ବାବଲମ୍ବୀ ହୋଇପାରିଛନ୍ତି। ସ୍ବାମୀଙ୍କ ମୃତ୍ୟୁ ପରେ ଏକ ସ୍ବେଚ୍ଛାସେବୀ ସଂଗଠନର କର୍ମକର୍ତ୍ତାଙ୍କ ସହଯୋଗରେ ଅନୀଥା ଏକ ଦୋକାନ କରି ନିଜର ଆର୍ଥିକ ସ୍ଥିତିକୁ ସୁଦୃଢ଼ କରିପାରିଛନ୍ତି। ସାମାନ୍ୟ କଥାକୁ କେନ୍ଦ୍ର କରି ୧୮ବର୍ଷ ତଳେ ଅନୀଥାଙ୍କ ସ୍ବାମୀ ଏକ ଜଳନ୍ତା ଲଣ୍ଠନକୁ ତାଙ୍କ ଉପରକୁ ଫିଙ୍ଗି ଦେଇଥିଲେ। ଏଥିରେ ଅନୀଥାଙ୍କ ମୁହଁ ଓ ଶରୀରର ବିଭିନ୍ନ ଅଂଶ ପୋଡ଼ି ଯାଇଥିଲା। ଦୀର୍ଘଦିନ ଧରି ଚିକିତ୍ସିତ...

ସାମରିକ ପ୍ରଶିକ୍ଷିତ ଯୁବକ

ସାମରିକ ପ୍ରଶିକ୍ଷିତ ଯୁବକ

ସମ୍ପାଦକୀୟ/ତଥାଗତ ସତପଥୀ ଭାରତର ବିରାଟ ଯୁବଶକ୍ତିକୁ କାର୍ଯ୍ୟରେ ଲଗାଇବା ସକାଶେ କେନ୍ଦ୍ର ସରକାର ଜାତୀୟ ଯୁବ ସଶକ୍ତୀକରଣ ଯୋଜନା (ଏନ୍‌-ଓ୍ବାଇଇଏସ୍‌) ସୃଷ୍ଟି ଲାଗି ଚିନ୍ତା କରିଛନ୍ତି। ଏଥିରେ ପ୍ରତିବର୍ଷ ୧୦ ଲକ୍ଷ ଯୁବତୀଯୁବକ ବିଶେଷକରି ଦଶମ ଓ ଦ୍ୱାଦଶ ଶ୍ରେଣୀରେ ପଢ଼ୁଥିବା ଛାତ୍ରୀଛାତ୍ରଙ୍କୁ ସାମରିକ ପ୍ରଶିକ୍ଷଣ କାର୍ଯ୍ୟକ୍ରମରେ ଯୋଗଦେବାର ବ୍ୟବସ୍ଥା କରାଯାଇପାରେ। ଏମାନଙ୍କୁ ୧୨ ମାସ ପାଇଁ ଷ୍ଟାଇପେଣ୍ଡ୍‌ ଦିଆଯାଇ ସାମରିକ ତାଲିମ ଦିଆଗଲେ ସେମାନେ ପ୍ରତିରକ୍ଷା, ଅର୍ଦ୍ଧସାମରିକ ବଳ ଏବଂ ପୋଲିସ ବାହିନୀରେ ନିଯୁ....

 ବୋଲକରା ବୋଲ୍‌ ବମ୍‌

ବୋଲକରା ବୋଲ୍‌ ବମ୍‌

ବୈଷ୍ଣବ ଚରଣ ମହାନ୍ତି ‘ବୋଲ୍‌ ବମ୍‌...ହର ହର ବମ୍‌...ଭୋଲା ବାବା ପାର୍‌ କରେଗା...ଜଟିଆ ବାବା ପାର୍‌ କରେଗା...’- ଏ ଡାକ ହେଉଛି କାଉଡ଼ିଆମାନଙ୍କର। ଦିନ ଥିଲା କାଉଡ଼ିଆ ଶବ୍ଦଟାର ଅର୍ଥ କାଢ଼ିବାକୁ ଅଭିଧାନ ଖେଳେଇବାକୁ ପଡ଼ୁଥିଲା। କିନ୍ତୁ ବର୍ତ୍ତମାନ ଏ ଶବ୍ଦଟା ଖୁବ୍‌ ସାଧାରଣ ହୋଇଯାଇଛି ଏବଂ ଓଡ଼ିଶାର ଗଁାଗହଳିଠାରୁ ସହର ବଜାର ପର୍ଯ୍ୟନ୍ତ ସବୁଆଡ଼େ ସବୁରି ତୁଣ୍ଡରେ ଆସ୍ଥାନ ଜମେଇ ବସିଛି। ଏଇମାତ୍ର କୋଡ଼ିଏ ପଚିଶ ବର୍ଷ ତଳେ କାଉଡ଼ିଆ କ’ଣ କେହି ଜାଣି ନ ଥିଲେ। ପ୍ରଥମେ ଜଣେ ଦି’ଜଣ ପାଣିଭାର ଧରି ରାସ୍ତାରେ ଯାଉଥିବାର ଦେଖି ଲୋକେ କୌତୂହଳୀ ହେଇ ଚାହଁୁଥିଲେ, ଏବେ ତ ପିମ୍ପୁଡ଼ି ଧାର ପରି ରାସ୍ତାସାରା କାଉଡ଼ିଆଙ୍କ ...

ଅମର୍ତ୍ତ୍ୟର ପାରିଜାତ: ନୀଳାଦ୍ରିନାଥ

ଅମର୍ତ୍ତ୍ୟର ପାରିଜାତ: ନୀଳାଦ୍ରିନାଥ

ଡ. ଶରତ ଚନ୍ଦ୍ର ରଥ ହେ ନୀଳାଦ୍ରିନାଥ! ତୁମକୁ ସହସ୍ର ପ୍ରଣାମ। ତୁମେ ଅନନ୍ତ, ତୁମ ମହିମା ଅନନ୍ତ। ତୁମ ମହିମାର ଲଳିତ ସଙ୍ଗୀତ ଝରିପଡେ ବିହଙ୍ଗ ଗାନରେ, ଝରଣାର ଝର୍ଝର ତାନରେ। ତୁମ ଅଙ୍ଗର ସୁବାସ ଫୁଟିପଡେ ଫୁଲର ସୁରଭିରେ, ତୁମ ସ୍ମିତହାସ୍ୟର ମଧୁରିମା ଫିଟିପଡେ ଜୋଛନାର ଲାବଣ୍ୟରେ। ତୁମେ ସର୍ବମୟ କର୍ତ୍ତା, ବିଶ୍ୱବିଧାତା, ତୁମକୁ କଳିବାକୁ ମୁଁ ଶକ୍ତିହୀନ, ତୁମେ ବିଶାଳ ନୀଳସିନ୍ଧୁ, ମୁଁ କ୍ଷୀଣ ଏକ ଜଳାଧାର।...

ଏଇ ଭାରତରେ

ଏଇ ଭାରତରେ

ବର୍ତ୍ତମାନ ପରିବେଶକୁ ବହୁ ଭାବରେ ପ୍ରଦୂଷଣ କରୁଛି ପ୍ଲାଷ୍ଟିକ୍‌। ଏହାଦ୍ୱାରା ଜଳ, ସ୍ଥଳ, ମୃତ୍ତିକା ପ୍ରଦୂଷଣ ହେଉଛି। ପ୍ଲାଷ୍ଟିକ୍‌ ଜରିରେ ବାସିଖାଦ୍ୟ ରଖି ବାହାରେ ଫିଙ୍ଗାଯାଉଥିବାରୁ ଏହାକୁ ଖାଇ ବହୁ ଗୋରୁ, ଛେଳି, କୁକୁର ଅସୁସ୍ଥ ହେଉଛନ୍ତି। ଅନେକ ପ୍ରାଣୀ ମୃତ୍ୟୁବରଣ କରୁଛନ୍ତି। ସମୁଦ୍ରରେ ପ୍ଲାଷ୍ଟିକ୍‌ ବୋତଲ, ପଲିଥିନ୍‌, ଜରି ପ୍ରଭୃତିର ଭାସମାନ ପାହାଡ଼ ସୃଷ୍ଟି ହେଉଛି। ଏହା ଜଳଜନ୍ତୁଙ୍କ ପାଇଁ ବଇରୀ ସାଜିଛି। ଏଣୁ ସମ୍ପ୍ରତି ପ୍ଲାଷ୍ଟିକ୍‌ ଓ ପଲିଥିନ୍‌ର ବ୍ୟବହାରକୁ ହ୍ରାସ କରିବା ପାଇଁ ସବୁ ରାଜ୍ୟ ସରକାର ଉଦ୍ୟମ କରୁଛନ୍ତି...

ସମ୍ପାଦକୀୟ/ଅଯୋଗ୍ୟ ଯୁବପିଢ଼ି

ସମ୍ପାଦକୀୟ/ଅଯୋଗ୍ୟ ଯୁବପିଢ଼ି

ଭାରତରେ ପିଲାମାନଙ୍କୁ ବଡ଼ ହେଲେ କ’ଣ ହେବ ବୋଲି ଏକ ନିର୍ଦ୍ଦିଷ୍ଟ ପ୍ରଶ୍ନ ସର୍ବଦା ପଚରାଯାଇଆସୁଛି। ପ୍ରାୟ ଅଧିକାଂଶଙ୍କଠାରୁ ଉତ୍ତର ମିଳିଆସୁଛି ଡାକ୍ତର ଓ ଇଞ୍ଜିନିୟର ହେବେ। ଯଦିଓ ଛୁଆଟିଏ ଏହି ପାଠ୍ୟକ୍ରମ ସହିତ ଅଭ୍ୟସ୍ତ ନ ଥାଏ, ତଥାପି ମାତାପିତାଙ୍କ ଅଭିଳଷିତ ସ୍ବପ୍ନ ପିଲାଙ୍କ ଉପରେ ଅଜାଡ଼ି ହୋଇଯାଇଥାଏ ବୋଲି କୁହାଯାଏ। ଏବେ ଏହି ଦୁଇ ବୃତ୍ତିରେ ଘରୋଇ କଲେଜରେ ନାମ ଲେଖାଉଥିବା ପିଲାଙ୍କ ବିଷୟରେ ଅନେକ ନକାରାତ୍ମକ ତଥ୍ୟ ସାମ୍ନାକୁ ଆସିବା ଆରମ୍ଭ କଲାଣି। ଏକ ରିପୋର୍ଟରୁ ଜଣାପଡ଼ିଛି ଯେ ୨୦୧୭ରେ ନ୍ୟାଶନାଲ ଏଲିଜିବିଲିଟି କମ୍‌ ଏଣ୍ଟ୍ରାନ୍ସ ଟେଷ୍ଟ (ଏନ୍‌ଇଇଟି) ଅନ୍ତର୍ଗତ ଫିଜିକ୍ସ (ପଦାର୍ଥ ବିଜ୍ଞାନ) ଓ କେମିଷ୍ଟ୍ରି (ରସାୟନ ବିଜ୍ଞାନ) ବିଷୟବସ୍ତୁରେ ୫୧୦ ବିଦ୍ୟାର୍ଥୀ ଶୂନ ...

 ବଳାତ୍କାର ଓ ସାମାଜିକ ବିଫଳତା

ବଳାତ୍କାର ଓ ସାମାଜିକ ବିଫଳତା

ସବ୍ୟସାଚୀ ଅମିତାଭ ବଳାତ୍କାର କେବଳ ଦଣ୍ଡନୀୟ ଅପରାଧ ନୁହେଁ ବରଂ ଦେଶ ଓ ସମାଜ ପାଇଁ ଲଜ୍ଜା। ଇତିମଧ୍ୟରେ କେନ୍ଦ୍ର କ୍ୟାବିନେଟ୍‌ କ୍ରିମିନାଲ ଲ’ ସଂଶୋଧନ ଅଧ୍ୟାଦେଶ ଆଣିିଛନ୍ତି। ଏଥିରେ ୧୨ ବର୍ଷ ପର୍ଯ୍ୟନ୍ତ ନାବାଳିକା ଓ ଶିଶୁଙ୍କ ସହ ବଳାତ୍କାର କରୁଥିବା ଅପରାଧୀଙ୍କୁ ମୃତ୍ୟୁଦଣ୍ଡ ଦେବାର ବ୍ୟବସ୍ଥା ରହିଛି। ଅତୀତରେ ନିର୍ଭୟା କାଣ୍ଡ ସାରା ଦେଶକୁ ବିଚଳିତ କରିଥିଲା। ସେତେବେଳେ ବି ଆଇନରେ ସଂଶୋଧନ ଅଣାଯାଇଥିଲା। ନାବାଳକ ବା କିଶୋରଙ୍କ ଦ୍ୱାରା କରାଯାଉଥିବା ଜଘନ୍ୟ ଅପରାଧରେ ବିଚାର ପାଇଁ ଅଭିଯୁକ୍ତଙ୍କ ବୟସ ୧୮ ବର୍ଷ ବଦଳରେ ୧୬ ବର୍ଷ କରାଯାଇଥିଲା। ପୋକ୍‌ସୋ ଆଇନକୁ କଡା କରାଯାଇସାରିଛି।...

ଅପରିଣାମଦର୍ଶୀ ମଣିଷ

ଅପରିଣାମଦର୍ଶୀ ମଣିଷ

ବୈକୁଣ୍ଠନାଥ ମିଶ୍ର ଏକଦା ଜଣେ ଆଧୁନିକ ଶିକ୍ଷିତ ଯୁବକ ବନ୍ଧୁମାନଙ୍କ ସହ ଶିକାର ଓ ବଣଭୋଜି ପାଇଁ ଘୋର ଜଙ୍ଗଲ ମଧ୍ୟକୁ ଯାଇ ବାଟବଣା ହୋଇଗଲେ। ଏଣେତେଣେ ବୁଲୁ ବୁଲୁ ଯୁବକ ଦେଖିଲେ ତାଙ୍କୁ ବଣର ସବୁ ପ୍ରାଣୀ ଘେରି ଯାଇଛନ୍ତି। ଯୁବକଙ୍କୁ ଭୟଭୀତ ହେବାର ଦେଖି ପଶୁରାଜ ସିଂହ କହିଲା, ଭୟ କରନାହିଁ ଯୁବକ। ଆଜି ତୁମ ସହ ଆମର ଏକ ଆଲୋଚନା ସଭା ଅନୁଷ୍ଠିତ ହେବ। ଆଲୋଚନାର ପ୍ରସଙ୍ଗ ପଶୁ-ମଣିଷ ସମ୍ପର୍କ। ଏଥିରେ ତୁମେ ତୁମର ଓ ଆମେ ଆମର ବକ୍ତବ୍ୟ ରଖିବୁ। ଆମେ ପରାସ୍ତ ହେଲେ ପୂର୍ବବତ୍‌ ତୁମର ବଶ୍ୟତା ସ୍ବୀକାର କରିବୁ ଏବଂ ତୁମେ ପରାସ୍ତ ହେଲେ ଆମ୍ଭମାନଙ୍କୁ ଶିକାର କରିବ ନାହିଁ କିମ୍ବା ଆମ ବାସସ୍ଥାନ ଉପରେ କର୍ତ୍ତୃତ୍ୱ ଜାହିର କରି ଏହାକୁ ଧ୍ୱଂସ କରିବ ନାହିଁ। ଆମ ଆଲୋଚନାର ସାକ୍ଷୀ ରହିବେ ଏ ବନଭୂମି ଓ ବୃକ୍ଷଲତା।...

ଏଇ ଭାରତରେ

ଏଇ ଭାରତରେ

ସମାଜରେ ଅନେକ ବ୍ୟକ୍ତି ଅଛନ୍ତି ଯେଉଁମାନେ ଅର୍ଥ ଏବଂ ଯୋଗାଡ଼ଯନ୍ତ୍ର ଅଭାବରୁ ବିବାହ କରିପାରି ନ ଥାନ୍ତି। ସେହି ଆର୍ଥତ୍କ ଦୁର୍ବଳ ଶ୍ରେଣୀର ଯୁବତୀଯୁବକଙ୍କୁ ବିବାହ ବନ୍ଧନରେ ଆବଦ୍ଧ କରିବା ପାଇଁ ଜାଫ୍ରି କାଉନସିଲ୍‌ ଆଗେଇ ଆସିଛି। ଦୀର୍ଘ ୪ବର୍ଷ ଧରି ଏହି ଅନୁଷ୍ଠାନ ବର୍ଷକୁ ଥରେ ଗଣବିବାହ ଆୟୋଜନ କରିଆସୁଛି। ଚଳିତ ବର୍ଷ ଶ୍ରୀନଗରରେ ଆୟୋଜିତ ଗଣବିବାହ କାର୍ଯ୍ୟକ୍ରମରେ ୧୦୫ ଦମ୍ପତି ବିବାହ ବନ୍ଧନରେ ବାନ୍ଧି ହୋଇଛନ୍ତି। ଉକ୍ତ ରାଜ୍ୟର ବିଭିନ୍ନ ଜିଲାରୁ ଆର୍ଥତ୍କ ଦୁର୍ବଳ ଶ୍ରେଣୀର କନ୍ୟାବର ସାମିଲ ହୋଇଥିଲେ। ଏହା ଏକ ସରଳ ତଥା ନିରାଡମ୍ବର ବିବାହ ଉତ୍ସବ ଥିଲା। ରବିବାର ଅମରସିଂ କ୍ଲବ୍‌ଠାରେ ଧର୍ମୀୟ ତଥା ସାମାଜିକ ସଂଗଠନ ଜାଫ୍ରି କାଉନସିଲ୍‌ ଦ୍ୱାରା ଏହା ଆୟୋଜିତ ହୋଇଥିଲା। ଉକ୍ତ କାଉନସିଲ୍‌ ପୂର୍ବରୁ ଗଣବିବାହ ଆୟୋଜନ କରାଇଥିଲେ ମଧ୍ୟ ଏଥର ସଂଖ୍ୟା ଥିଲା ସବୁଠୁ ଅଧିକ। ବିବାହ କରିବାକୁ ଥିବା କନ୍ୟାବର ଏହି ସଂଗଠନରେ ପ୍ରଥମେ ନାମ ...

Model This Week

ରୂପେଶ