ସମ୍ପାଦକୀୟ |

ସୌଦି ବସନ୍ତ

ସୌଦି ବସନ୍ତ

ପ୍ରକାଶ ତ୍ରିପାଠୀ
”ମୋତେ ଡରଲାଗୁଛି ଯେ ମୁଁ ଦିନେ ମରିଯିବି ଓ ତା’ ପୂର୍ବରୁ ମୁଁ ଯୋଜନା କରିଥିବା କାମଗୁଡିକ ସମ୍ପୂର୍ଣ୍ଣ କରିପାରିବିନି। ମୋ ଜୀବଦ୍ଦଶାରେ ଏହିସବୁ କାମ ଶେଷକରି ଏହାର ସୁଫଳ ନିଜ ଆଖିରେ ଦେଖିବାକୁ ଚାହେଁ।“ ସୌଦି ଆରବର ରାଜକୁମାର ତଥା ଭାବୀ ସମ୍ରାଟ୍‌ ୩୨ ବର୍ଷୀୟ ମହମ୍ମଦ ବିନ୍‌ ସଲମାନ୍‌ (ଏମ୍‌.ବି.ଏସ୍‌.)ଙ୍କର ଏହି ଉକ୍ତି ପ୍ରମାଣ ଦିଏ ଯେ ସୌଦି ଆରବର ଉଜ୍ଜ୍ୱଳ ଭବିଷ୍ୟତ ପାଇଁ ସେ କେତେ ଚିନ୍ତିତ। ଦେଶର ଅର୍ଥନୀତିଠାରୁ ଆରମ୍ଭକରି ସାମାଜିକ ବ୍ୟବସ୍ଥା, ପ୍ରଶାସନଠାରୁ ଧର୍ମୀୟ ଆଚରଣ, ସବୁ କ୍ଷେତ୍ରରେ ସେ ଆରମ୍ଭ କରିଛନ୍ତି ସଂସ୍କାର। ଆଗାମୀ ଦିନରେ ନିଜ ଦେଶକୁ ଏକ ପରିବର୍ତ୍ତିତ ରୂପରେ ଉପସ୍ଥାପିତ କରିବାକୁ ଚାହାନ୍ତି ଏମ୍‌.ବି.ଏସ୍‌. ଯେଉଁଥିରେ କି ରକ୍ଷଣଶୀଳତା, ଧର୍ମୀୟ ଅସହିଷ୍ଣୁତା, ଉଗ୍ର ଲିଙ୍ଗଭେଦ ତଥା ଦୁର୍ନୀତିର ଲେଶମାତ୍ର ସ୍ପର୍ଶ ନ ଥିବ। ଚଳିତ ଦଶକର ପ୍ରଥମ ଭାଗରେ ପଶ୍ଚିମ ଏସିଆର ଅନେକ ଦେଶରେ ସେଠାକାର ଶାସନ ବ୍ୟବସ୍ଥା ବିରୋଧରେ ଗଣବିପ୍ଳବ ସୃଷ୍ଟି ହୋଇଥିଲା। ଟ୍ୟୁନିସିଆର ଏକ ଛୋଟ ସହରର ଏକ ଘଟଣାରୁ ପ୍ରଥମେ ଲୋକଙ୍କ ପୁଞ୍ଜୀଭୂତ କ୍ରୋଧ ସେଠାକାର ସରକାରଙ୍କ ବିରୋଧରେ ସୃଷ୍ଟିହୋଇ ସୋସିଆଲ ମିଡିଆ ମାଧ୍ୟମରେ ସାରା ଦେଶକୁ ବ୍ୟାପିଥିଲା। ଫଳରେ ସେଠାକାର ସରକାର ଗାଦିଚ୍ୟୁତ ହେଲେ। ଟ୍ୟୁନିସିଆରୁ ଏହି ଗଣବିପ୍ଳବ ଚିନ୍ତାଧାରା ପରେ ଲିବ୍ୟା, ଇଜିପ୍ଟ, ୟେମେନ୍‌, ସିରିଆ, ବାହାରିନ୍‌, ଆଲଜେରିଆ, ଲେବାନନ୍‌ ଆଦି ଆରବୀୟ ରାଷ୍ଟ୍ରକୁ ସଂକ୍ରମିତ ହୋଇଥିଲା। ଅନ୍ତର୍ଜାତୀୟ ସମୁଦାୟରେ ସେତେବେଳେ ଏହାକୁ ‘ଆରବ ବସନ୍ତ’ ଭାବେ ବର୍ଣ୍ଣନା କରାଗଲା। କେବଳ ଟ୍ୟୁନିସିଆ ଓ ଇଜିପ୍ଟକୁ ବାଦ୍‌ଦେଲେ ଏହି ଗଣବିପ୍ଳବ ସେଠାକାର ସ୍ବେଚ୍ଛାଚାରୀ ସରକାର ଉପରେ କୌଣସି ପ୍ରଭାବ ପକାଇ ପାରି ନ ଥିଲା। ସମ୍ପ୍ରତି ଯୁବରାଜଙ୍କ ଦ୍ୱାରା ସୌଦିିରେ ଆରମ୍ଭ ହୋଇଥିବା ସଂସ୍କାର ଅଭିଯାନକୁ ବିଦେଶୀ ଗଣମାଧ୍ୟମଗୁଡିକ ‘ସୌଦି ବସନ୍ତ’ ଆଖ୍ୟା ଦେଲେଣି। ଏ ପ୍ରସଙ୍ଗରେ ଯୁବରାଜ ଏମ୍‌.ବି.ଏସ୍‌.ଙ୍କର କେତୋଟି ଉଲ୍ଲେଖନୀୟ ପଦକ୍ଷେପ ଏଠାରେ ଆଲୋଚନା କରୁଛୁ। ରାଜଧାନୀ ରିୟାଦଠାରେ ଗତ ଅକ୍ଟୋବର ୨୪ରୁ ୨୬ ପର୍ଯ୍ୟନ୍ତ ଆୟୋଜିତ ହୋଇଥିଲା ଫ୍ୟୁଚର ଇନ୍‌ଭେଷ୍ଟମେଣ୍ଟ ଇନିସିଏଟିଭ ସମ୍ମିଳନୀ, ଯେଉଁଥିରେ କି ୮୮ଟି ରାଷ୍ଟ୍ରର ୩୦୦୦ରୁ ଊର୍ଦ୍ଧ୍ୱ ପ୍ରତିନିଧି ଯୋଗ ଦେଇଥିଲେ। ମୁକ୍ତ ତଥା ଉଦାରବାଦୀ ଅର୍ଥନୀତି ଗ୍ରହଣ କରିବାରେ ସୌଦିି ଆରବ ପାଇଁ ଏହା ଏକ ବଳିଷ୍ଠ ମୂଳଦୁଆ। ବିଦେଶୀ ରାଷ୍ଟ୍ରଗୁଡିକୁ ପୁଞ୍ଜିନିବେଶ କରିବାକୁ ଆମନ୍ତ୍ରଣ କରିବା ପାଇଁ ଏମ୍‌.ବି.ଏସ୍‌.ଙ୍କର ଏହା ଥିଲା ଏକ ସଫଳ ପ୍ର୍ରୟାସ। ସମ୍ମିଳନୀ ସରିବାର ମାତ୍ର ଦିନକ ପରେ ଉକ୍ତ ହୋଟେଲକୁ ଏକ ଐତିହାସିକ ଜେଲର ରୂପରେଖ ଦେଇଥିଲେ ଯୁବରାଜ ଏମ୍‌.ବି.ଏସ୍‌. ଓ ଏହି ଜେଲରେ ପ୍ରାୟ ଦୁଇଶହ ଦୁର୍ନୀତିଗ୍ରସ୍ତ ଉଚ୍ଚ ପଦାଧିକାରୀ ଓ ବ୍ୟବସାୟିକ ଗୋଷ୍ଠୀର ମୁଖ୍ୟମାନଙ୍କୁ ଗିରଫ କରାଯାଇ ରଖାଯାଇଥିଲା। ଏହି ଦୁର୍ନୀତିଗ୍ରସ୍ତ କ୍ଷମତାଧାରୀଙ୍କ ମଧ୍ୟରେ ତାଙ୍କ ନିଜ ରାଜପରିବାରର ଅନେକ କ୍ଷମତାଶାଳୀ ସଦସ୍ୟ ଥିଲେ। ସୌଦିଆରବର ଭାବୀ ସମ୍ରାଟ୍‌ କ୍ଷମତାକୁ ସମ୍ପୂର୍ଣ୍ଣଭାବେ ଆସିବା ପୂର୍ବରୁ ଯେଉଁ ୪ଟି ପ୍ରସଙ୍ଗକୁ ଗୁରୁତ୍ୱ ଦେଉଛନ୍ତି, ତାହା ହେଉଛି ଉଦାର ଅର୍ଥନୀତି, ଦୁର୍ନୀତି ଓ ଭ୍ରଷ୍ଟାଚାରର ମୂଳୋତ୍ପାଟନ, ମହିଳାଙ୍କୁ ସ୍ବତନ୍ତ୍ରତା ଓ ସବୁ ଧର୍ମକୁ ସମ୍ମାନ। ମାତ୍ର ଦୁଇବର୍ଷ ମଧ୍ୟରେ ଦୁର୍ନୀତି ନିରୋଧୀ ଟିମ୍‌ ପକ୍ଷରୁ ୨୦୦ରୁ ଅଧିକ ଉଚ୍ଚ ପଦାଧିକାରୀ ତଥା ବ୍ୟବସାୟିକ ସଂସ୍ଥାର ମାଲିକଙ୍କ ତାଲିକା ପ୍ରସ୍ତୁତ ହୋଇଛି ଓ ସେମାନଙ୍କୁ ତୁରନ୍ତ ଗିରଫ କରାଯାଇଛି। ସେମାନଙ୍କ ମଧ୍ୟରୁ ମାତ୍ର ୧ ଭାଗ ଲୋକ ନିଜକୁ ନିର୍ଦ୍ଦୋଷ ପ୍ରମାଣିତ କରିବା ପରେ ସେମାନଙ୍କୁ ଛାଡି ଦିଆଯାଇଛିା। ଅଳ୍ପ କିଛିଦିନ ମଧ୍ୟରେ ଫାଷ୍ଟଟ୍ରାକ୍‌ କୋର୍ଟ ଦ୍ୱାରା ଏହି ଦୁର୍ନୀତିର ବିଚାର କରାଯାଇ ଅବଶିଷ୍ଟ ୯୫ ଭାଗ ଅଭିଯୁକ୍ତଙ୍କଠାରୁ ପ୍ରାୟ ୧୦୦ ବିଲିଅନ ଡଲାର ଅର୍ଥ ରାଜକୋଷକୁ ଫେରାଇ ଅଣାଯାଇପାରିଲା। ଏହି ୯୫ ଭାଗ ଅଭିଯୁକ୍ତଙ୍କ ମଧ୍ୟରେ ଅଧିକାଂଶ ହେଉଛନ୍ତି ଏମ୍‌.ବି.ଏସ୍‌.ଙ୍କ ନିଜ ରାଜପରିବାରର ସଦସ୍ୟ। ପ୍ରକାଶଯୋଗ୍ୟ ଯେ, ସୌଦି ଆରବର ଦୁର୍ନୀତି ନିବାରଣ ସଂସ୍ଥାର ମୁଖ୍ୟ ହେଉଛନ୍ତି ସେ ଦେଶର ପବ୍ଲିକ ପ୍ରସିକ୍ୟୁଟର, ଯିଏ କି ସମ୍ରାଟଙ୍କ ଦ୍ୱାରା ନିଯୁକ୍ତ ହୋଇଥିଲେ ହେଁ ସ୍ବାଧୀନ ଭାବେ କାର୍ଯ୍ୟ କରିଥାନ୍ତି। କୌଣସି ପରିସ୍ଥିତିରେ ତାଙ୍କ କାର୍ଯ୍ୟରେ କେହି ବି ହସ୍ତକ୍ଷେପ କରନ୍ତି ନାହିଁ। ସୌଦି ଆରବ ଏଭଳି ଏକ ରାଷ୍ଟ୍ର ଯେଉଁଠାରେ ମହିଳାମାନଙ୍କୁ ଦ୍ୱିତୀୟ ଶ୍ରେଣୀର ନାଗରିକ ଭାବେ ବିବେଚନା କରାଯାଏ। ସେମାନଙ୍କୁ ଗାଡି ଚଳାଇବାକୁ ଅନୁମତି ମିଳି ନ ଥାଏ। ସର୍ବସାଧାରଣ ସ୍ଥାନରେ ଏକୁଟିଆ ଆତଯାତ ପାଇଁ ବାରଣ କରାଯାଇଥାଏ। ସବୁବେଳେ ବୁର୍ଖା ପିନ୍ଧିବାକୁ ବାଧ୍ୟ କରାଯିବା ଭଳି ଅନେକ ସାମାଜିକ କଟକଣା ସେମାନଙ୍କ ପାଇଁ ରହିଛି। ଏକ ରକ୍ଷଣଶୀଳ ତଥା ମଧ୍ୟଯୁଗୀୟ ପରମ୍ପରାରେ ବିଶ୍ୱାସ ରଖୁଥିବା ଦେଶରେ ମହିଳାଙ୍କୁ ସ୍ବାଧୀନତା ତଥା ସ୍ବତନ୍ତ୍ରତା ପ୍ରଦାନ ପାଇଁ ଅଣ୍ଟା ଭିଡିଛନ୍ତି ଯୁବରାଜ ଏମ୍‌.ବି.ଏସ୍‌.। ମହିଳାଙ୍କୁ ସ୍ବାଧୀନତା ଦିଆଯିବା ସମ୍ପର୍କରେ ଏମ୍‌.ବି.ଏସ୍‌.ଙ୍କ ଘୋଷଣା ଦେଶରେ ବିତର୍କର ସୂତ୍ରପାତ କରିଛି। ତେବେ ଯୁବରାଜ ସ୍ପଷ୍ଟ ଭାବେ କହିଛନ୍ତି ଯେ, ସେ ଇସ୍‌ଲାମର ନୂଆ ବ୍ୟାଖ୍ୟା କରୁନାହାନ୍ତି। ୧୯୭୯ ପୂର୍ବର ତଥା ପୈଗମ୍ବର ମହମ୍ମଦଙ୍କ ସମୟର ଇସ୍‌ଲାମ ତତ୍ତ୍ୱ ତଥା ରୀତିନୀତିକୁ ସେ କେବଳ ପୁନଃସ୍ଥାପନ କରୁଛନ୍ତି। ସେ ସମୟରେ ମହିଳାମାନଙ୍କର ସ୍ବାଧୀନତା ଥିଲା ତଥା ଅନ୍ୟ ଧର୍ମ ପ୍ରତି ଉଚିତ ସମ୍ମାନ ପ୍ରଦର୍ଶନ କରାଯାଉଥିଲା। ଆଗାମୀ ଦିନରେ ସବୁ ଧର୍ମର ଲୋକଙ୍କୁ ଉଚିତ ସମ୍ମାନ ପ୍ରଦର୍ଶନ ସହ ମହିଳାମାନଙ୍କୁ ସବୁ ସୁବିଧା ସୌଦିି ଆରବ ପ୍ରଦାନ କରିବ। ଯୁବରାଜ ଏମ୍‌.ବି.ଏସ୍‌.ଙ୍କର ଏକ ସ୍ବପ୍ନ ହେଉଛି ୫୦୦ ବିଲିୟନ ଡଲାର ବ୍ୟୟରେ ଏକ ଅତ୍ୟାଧୁନିକ ସହର ନିଓମର ପ୍ରତିଷ୍ଠା। ୧୦,୨୩୦ ବର୍ଗମାଇଲ ପରିମିତ ଅଞ୍ଚଳରେ ପ୍ରତିଷ୍ଠିତ ହେବାକୁ ଥିବା ଏହି ସହର ସମ୍ପୂର୍ଣ୍ଣ ରୂପେ ରୋବଟ୍‌ ଦ୍ୱାରା ପରିଚାଳିତ ହେବ ଓ ଏହାର ଅୟମାରମ୍ଭ ହୋଇଛି ସୋଫିଆ ନାମ୍ନୀ ରୋବଟ୍‌ଠାରୁ। ଧର୍ମୀୟ ଅସହିଷ୍ଣୁତାର ବିଲୋପ, ଆତଙ୍କବାଦର ମୂଳୋତ୍ପାଟନ, ୫୦୦୦ ରାଜପରିବାର ସଦସ୍ୟଙ୍କ ସ୍ବେଚ୍ଛାଚାରିତା ଉପରେ ଲଗାମ, ପୁରୁଷଙ୍କ ଭଳି ମହିଳାମାନଙ୍କୁ ସମାନ ଅଧିକାର ଓ ଦେଶର ଫସିଲ ଫୁଏଲ ଇଣ୍ଡଷ୍ଟ୍ରିଗୁଡିକର ଆର୍ଥିକ କ୍ଷମତା ହ୍ରାସ ହେଉଛି ଯୁବରାଜଙ୍କ ନୂତନ ସୌଦିି ଆରବର ମୁଖ୍ୟ ରୂପରେଖ। ଯୁବରାଜଙ୍କ ଏଭଳି ଆଭିମୁଖ୍ୟକୁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସମେତ ବିଶ୍ୱର ପ୍ରାୟ ସମସ୍ତ ବିକାଶଶୀଳ ରାଷ୍ଟ୍ର ପ୍ରଶଂସା କରିବା ସହ ସହଯୋଗର ପ୍ରତିଶ୍ରୁତି ଦେଇସାରିଲେଣି। ଅନେକେ ଭାବିପାରନ୍ତି ଯେ, ସୌଦି ଆରବ ଭଳି ଏକ ଇସ୍‌ଲାମିକ ରକ୍ଷଣଶୀଳ ରାଷ୍ଟ୍ରରେ ଏପରି ପରିବର୍ତ୍ତନ ଅସମ୍ଭବ। କାରଣ ଅତୀତରେ ଅନେକ ଆରବୀୟ ରାଷ୍ଟ୍ରରେ ବସନ୍ତ ପବନ ବହିବା ପୂର୍ବରୁ ଉଭାନ ହୋଇଯାଇଥିଲା। କିନ୍ତୁ ସେତେବେଳେ ସେହି ରଷ୍ଟ୍ରଗୁଡିକରେ ପରିବର୍ତ୍ତନର ଦାବି ତଳସ୍ତରରୁ ଉଠିଥିଲା। ହେଲେ ଏଥର ସୌଦି ଆରବରେ ପରିବର୍ତ୍ତନର ପ୍ରଚେଷ୍ଟା ଉପରସ୍ତରରୁ ଅର୍ଥାତ୍‌ ନିଜେ ଭାବୀ ସମ୍ରାଟ୍‌ ଆରମ୍ଭ କରିଛନ୍ତି। ଭାବୀ ସମ୍ରାଟ୍‌ ଏମ୍‌.ବି.ଏସ୍‌.ଙ୍କ ପ୍ରଚେଷ୍ଟା ସୌଦି ଆରବ ପାଇଁ ସତ ବସନ୍ତ ଆଣିବ ବୋଲି ଆମର ଆଶା।
ମୋ-୯୪୩୭୨୩୨୪୬୩, prakas.tripathy09@gmail.com

All Right Reserved By

ସମ୍ପାଦକୀୟ |

ନିଷ୍ଫଳ ଅନାସ୍ଥା

ନିଷ୍ଫଳ ଅନାସ୍ଥା

ଆକାର ପଟେଲ ମୋଦିଙ୍କ ବିରୋଧରେ ବିରୋଧୀଙ୍କ ଦ୍ୱାରା ଆଗତ ଅନାସ୍ଥା ପ୍ରସ୍ତାବ ସପକ୍ଷରେ ୧୨୬ ଓ ବିପକ୍ଷରେ ୩୨୫ଟି ଭୋଟ ପଡ଼ିବା ବାସ୍ତବରେ ବିରୋଧୀ ଦଳଗୁଡ଼ିକ ପ୍ରତି ଅନାସ୍ଥା ପ୍ରକଟ କରୁଛି। ଏହି ସଂଖ୍ୟାକୁ ଦେଖିଲେ ଏ ଅନାସ୍ଥା ପ୍ରସ୍ତାବରୁ ବିରୋଧୀଙ୍କୁ କି ଲାଭ ମିଳିଲା ଓ ପ୍ରସଙ୍ଗ କୁଆଡ଼କୁ ଗଲା କିଛି ସ୍ପଷ୍ଟ ହେଉ ନାହିଁ। ଭୋଟ୍‌ର ଫଳାଫଳକୁ ଦେଖି ବାସ୍ତବରେ କେହି ବିସ୍ମିତ ନୁହନ୍ତି। କେବଳ ଶିବସେନାର କାର୍ଯ୍ୟ ବ୍ୟତୀତ (ଏହାର ଉଦ୍ଦେଶ୍ୟ କ’ଣ ପରେ ଆମେ ଆଲୋଚନା କରିବା) ଗୃହରେ ଏପରି କିଛି ଘଟଣା ଘଟିଲା ...

ପର୍ବତ ଗୁମ୍ଫାରେ ସତର ଦିନ

ପର୍ବତ ଗୁମ୍ଫାରେ ସତର ଦିନ

ପ୍ରକାଶ ତ୍ରିପାଠୀ ସମ୍ପ୍ରତି ଥାଇଲାଣ୍ଡର ପ୍ରଖ୍ୟାତ କାର୍ଟୁନିଷ୍ଟ ସିସିଡିଆଙ୍କର ଗୋଟିଏ କାର୍ଟୁନ ସୋସିଆଲ ମିଡିଆରେ ଭାଇରାଲ ହୋଇଛି। ଏଥିରେ ଦେଖାଯାଇଛି, ୧୨ଟି ବଣୁଆ ବାର୍‌ହା ଛୁଆ, ଗୋଟିଏ ବଡ଼ ବାର୍‌ହା ଓ କିଛି ଅନ୍ୟ ଜୀବଜନ୍ତୁ ଏକ ଜଳଭର୍ତ୍ତି ଅଣଓସାରିଆ ସୁଡ଼ଙ୍ଗ ବାଟ ଦେଇ ପହଁରି ପହଁରି ଯାଉଛନ୍ତି। ସୂଚନାଯୋଗ୍ୟ ଯେ, କାର୍ଟୁନିଷ୍ଟ ସିସିଡିଆ ଏହି କାର୍ଟୁନ ମାଧ୍ୟମରେ ଥାଇଲାଣ୍ଡର ଥାମ୍‌ ଲୁଆଙ୍ଗ ପର୍ବତ ଗୁମ୍ଫାରେ ୧୭ଦିନ ଧରି ଫସି ରହିଥିବା ଥାଇଲାଣ୍ଡର ଏକ ଜୁନିୟର ଫୁଟବଲ ଟିମ୍‌ (ଓ୍ବାଇଲ୍‌ଡ ବୋର୍ସ)ର ୧୨ଜଣ ସ୍କୁଲ ...

ସେଲିବ୍ରିଟି ଉଦ୍ୟୋଗୀ

ସେଲିବ୍ରିଟି ଉଦ୍ୟୋଗୀ

ବ୍ୟକ୍ତିତ୍ୱ/ଜିତେନ୍ଦ୍ର ସମୟ ବଦଳିବା ସହ ଯୁବପିଢ଼ିର ରୁଚିରେ ପରିବର୍ତ୍ତନ ଲକ୍ଷ୍ୟ କରାଯାଉଛି। ପ୍ରଗତିଶୀଳ ଚିନ୍ତାଧାରା ପୋଷଣ କରୁଥିବା କେତେକ ଯୁବତୀଯୁବକ ଚାକିରି ଅପେକ୍ଷା ଉଦ୍ୟୋଗୀ ହେବାକୁ ପସନ୍ଦ କରୁଛନ୍ତି ଓ ସ୍ଥଳବିଶେଷରେ ସଫଳ ହେଉଛନ୍ତି। ପୂର୍ବରୁ ନିର୍ଦ୍ଦିଷ୍ଟ କେତୋଟି କ୍ଷେତ୍ର ଉପରେ ଆଧାରିତ ବ୍ୟବସାୟିକ ଚିନ୍ତାଧାରା ନେଇ ଜଣେ ଉଦ୍ୟୋଗୀ ହେଉଥିଲେ। ଏବେ ଏହାର ପରିସର ...

ଏଇ ଭାରତରେ

ଏଇ ଭାରତରେ

ସ୍କୁଲ୍‌ଛାତ୍ରଙ୍କୁ ସର୍ବସମ୍ମୁଖରେ ଅପମାନଜନକ ଦଣ୍ଡଦେବା ଭଳି ଘଟଣା ଜଣେ ଶିକ୍ଷକଙ୍କ ପାଇଁ ମହଙ୍ଗା ପଡ଼ିଛି। ଫଳ ସ୍ବରୂପ ତାଙ୍କୁ ଚାକିରିରୁ ନିଲମ୍ବିତ କରାଯାଇଛି। ପୁଣେସ୍ଥିତ ବିଶ୍ରାନ୍ତଓ୍ବାଡି ପୁଣେ ଇଣ୍ଟରନ୍ୟାଶନାଲ୍‌ ସ୍କୁଲ୍‌ରେ ଜୁଲାଇ ୧୭ରେ ଏପରି ଏକ ଘଟଣା ଘଟିଛି। ଆର୍ଯ୍ୟନ୍‌ ଅମିତ୍‌ ଓ୍ବଘ୍‌ମେୟାର ନାମକ ୧୦ବର୍ଷର ବାଳକ ଷଷ୍ଠ ଶ୍ରେଣୀରେ ପଢ଼ନ୍ତି। ଶିକ୍ଷକ ଶ୍ୱେତ ଗୁପ୍ତା ଛାତ୍ରମାନଙ୍କ ସମ୍ମୁଖରେ ତାଙ୍କୁ ଦଣ୍ଡଦେଇଥିଲେ। ଛାତ୍ରର ମା’ ଅଦିତିଙ୍କ କହିବାନୁଯାୟୀ, ଶିକ୍ଷକ ଜଣକ ଗୋଟିଏ କଇଁଚି ଧରି ଆର୍ଯ୍ୟନ୍‌ଙ୍କ ମୁଣ୍ଡବାଳ ସମ୍ମୁଖ ଭାଗରୁ କା...

ଅସହଯୋଗର ଦୁଃଖ

ଅସହଯୋଗର ଦୁଃଖ

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌ ଦେଶର ସର୍ବୋଚ୍ଚ ଖାଉଟି ସମବାୟ ସଂସ୍ଥା ବୋର୍ଡ ଅଫ୍‌ ନ୍ୟାଶ୍‌ନାଲ କୋଅପରେଟିଭ୍ସ କଞ୍ଜ୍ୟୁମର୍ସ ଫେଡ଼େରେଶନ୍‌ (ଏନ୍‌ସିସିଏଫ୍‌ ବୋର୍ଡ)ର ପରିଚାଳନା ନିର୍ଦ୍ଦେଶକ (ଏମ୍‌ଡି)ଙ୍କୁ ନିଯୁକ୍ତି ଦେବା କାହାର ଅଧିକାରଭୁକ୍ତ ଏ ନେଇ ଉକ୍ତ ସଂସ୍ଥା ଏବଂ ଖାଉଟି ବ୍ୟାପାର, ଖାଦ୍ୟ ଓ ସାଧାରଣ ବଣ୍ଟନ ମନ୍ତ୍ରଣାଳୟ ମଧ୍ୟରେ ମତପାର୍ଥକ୍ୟ ଦେଖାଦେଇଛି। ମନ୍ତ୍ରଣାଳୟ ଜଣେ ଯୁଗ୍ମ ସଚିବ ଅନିଲ ବହୁଗୁଣାଙ୍କୁ ଏମ୍‌ଡି ଭାବେ ନିଯୁକ୍ତି ଦେବାବେଳେ ଏହି ମତଭେଦ ପଦାକୁ ଆସିଛି। ବିଶିଷ୍ଟ ସମବାୟ ନେତା ତଥା ପୂର୍ବତନ ବିଧାୟକ ବିଜେନ୍ଦର ...

ଗୁଜବର ବ୍ୟାପକତା

ଗୁଜବର ବ୍ୟାପକତା

ଶିବରାମ ଶତପଥୀ ପ୍ରାୟ ଷାଠିଏ ବର୍ଷ ପୂର୍ବର କଥା। ଲୋକେ ପଦବ୍ରଜରେ ଯିବା ଆସିବା କରୁଥିଲେ। ଦିନେ ମୁଁ ପଦିଆ ମାମୁଙ୍କୁ ପଚାରିଲି- ତୁମେ ପରା ଆଜି ଅମୁକ ଗାଁକୁ ଯିବାର ଥିଲା, ଯାଉନ। ସେ କହିଲେ ଖଙ୍ଗାର ମାତିଛି ପରା, ଏକୁଟିଆ କେମିତି ଯିବି? ପିଲାଙ୍କୁ ତାଗିଦ କରାଯାଉଥିଲା, ଏକା ଏକା ଦେଖିଲେ ପିଲାଙ୍କୁ ଖଙ୍ଗାର ବସ୍ତାରେ ପୂରାଇ ନେଇଯିବ। ଅମୁକଠାରେ ପୋଲ ତିଆରି ହେଉଛି ତ, ତା ନିଅଁରେ ପକାଇବା ପାଇଁ ପିଲାଙ୍କୁ ଧରି ନିଆଯାଉଛି। ପୋଲର ସ୍ଥାୟିତ୍ୱ ପାଇଁ ନରବଳି ଆବଶ୍ୟକ। ଏହା ଅବଶ୍ୟ ଏକ ଅନ୍ଧବିଶ୍ୱାସ।...

ଭକ୍ତ ଓ ଭଗବାନଙ୍କ ମହାମିଳନ

ଭକ୍ତ ଓ ଭଗବାନଙ୍କ ମହାମିଳନ

ବିମଳ ପ୍ରସନ୍ନ ଦାସ ଭକ୍ତ ଓ ଭଗବାନଙ୍କ ସମ୍ପର୍କ ଯୁଗେ ଯୁଗେ ଅନୁପମ ଓ ଅଲୌକିକ। ସେଥିପାଇଁ ଦାସିଆ ବାଉରିଙ୍କ ଅଧିକାର ଓ ଅଭିମାନ ଯୁଗ ଯୁଗକୁ ଅତୁଟ ରହିଛି ଓ ରହିଥିବ। କାରଣ ଲୀଳାମୟ, କାଳିଆ ସାଆନ୍ତ, ମହାବାହୁ ରାଜାଧିରାଜ ମଣିଷର ଠାକୁର। ଭକ୍ତର ଭାବରେ ବନ୍ଧା। ତା’ର ଜୀବନ ଧନ-ଅନ୍ଧ ଲଉଡି। କେତେ ବିଶ୍ୱାସ ଓ ନିର୍ଭରତା ଭକ୍ତର। ସାମାନ୍ୟ ଭରତିଆ ପକ୍ଷୀଟିର ଉଦାହରଣ ଯଥେଷ୍ଟ। କୁରୁକ୍ଷେତ୍ର ଯୁଦ୍ଧ ପ୍ରାରମ୍ଭରେ ପକ୍ଷୀଟି ବ୍ୟାକୁଳ ପ୍ରାର୍ଥନା କରିଛି ତା’ର ଅଣ୍ଡା ଦୁଇଟିକୁ ରକ୍ଷା କରିବାକୁ। ଭକ୍ତ ବଳରାମଙ୍କ କାଳଜ...

ଏଇ ଭାରତରେ

ଏଇ ଭାରତରେ

ନୀଚକୁଳରେ ଜନ୍ମ ହୋଇଥିବାରୁ ଜଣେ ମହିଳାଙ୍କ ହାତରନ୍ଧା ଖାଇବାକୁ କେତେକେ ନାକ ଟେକିଛନ୍ତି। ପରିଣାମ ସ୍ବରୂପ ଉକ୍ତ ମହିଳାଙ୍କୁ ସ୍କୁଲ୍‌ରୁ ହଟାଇ ଦେବାପାଇଁ ଉଚ୍ଚଜାତିର ଲୋକମାନେ ଦାବି ଉଠାଇଥିଲେ। ତାମିଲନାଡୁର ଏକ ସ୍କୁଲ୍‌ରେ ମଧ୍ୟାହ୍ନଭୋଜନ ରୋଷେଇ କରିବାରୁ ଉକ୍ତ ଦଳିତ ମହିଳାଙ୍କୁ ବଞ୍ଚତ୍ତ କରାଯାଇଛି। ତିରୁପୁର ଜିଲାର ଓକାମ୍‌ପଲାୟମ୍‌ ଗାଅଁାରେ ପି. ପାପଲ୍‌ ନାମ୍ନୀ ଏହି ମହିଳା ଗତ ୨ବର୍ଷ ହେଲା ମଧ୍ୟାହ୍ନଭୋଜନ ପାଚିକା ଭାବରେ ନିଯୁକ୍ତି ପାଇଥିଲେ। ସପ୍ତାହକ ତଳେ ନିଜ ଅନୁରୋଧ କ୍ରମେ ...

ଆଜିର ଅର୍ଥନୀତି/ ସ୍ବପ୍ନମୁଖା ଏଲ୍‌ଆଇସି

ଆଜିର ଅର୍ଥନୀତି/ ସ୍ବପ୍ନମୁଖା ଏଲ୍‌ଆଇସି

ଗତମାସରେ ବୀମା ନିୟାମକ ଓ ଉନ୍ନୟନ କର୍ତ୍ତୃପକ୍ଷ (ଆଇଆର୍‌ଡିଏ)ଠାରୁ ଅନୁମତି ପାଇବା ପରେ ଜୀବନବୀମା ନିଗମ (ଏଲ୍‌ଆଇସି) ବୋର୍ଡ କ୍ଷତିରେ ଚାଲୁଥିବା ଆଇଡିବିଆଇ ବ୍ୟାଙ୍କରେ ନିଜର ଅଂଶଧନ ୫୧ ପ୍ରତିଶତକୁ ବୃଦ୍ଧି କରିବା ଲାଗି ସରକାରଙ୍କୁ ପ୍ରସ୍ତାବ ଦେଇଛି। ଆଉ କେତେଟା ପ୍ରକ୍ରିୟା ଶେଷହେବା ପରେ ଉକ୍ତ ରାଷ୍ଟ୍ରାୟତ୍ତ ବ୍ୟାଙ୍କ ଏଲ୍‌ଆଇସିର ଅଧୀନ ହୋଇଯିବ। ଆଇଡିବିଆଇ ବ୍ୟାଙ୍କରେ ଜୀବନବୀମା ନିଗମର ବର୍ତ୍ତମାନ ୭.୯୮ ପ୍ରତିଶତ ଅଂଶଧନ ରହିଛି, ଯାହା ମାର୍ଚ୍ଚ ୨୦୧୮ ସୁଦ୍ଧା ୧୦.୮୨ ପ୍ରତିଶତ ଥିଲା। ରୁଗ୍ଣ ରାଷ୍ଟ୍ରାୟତ୍ତ ବ୍ୟାଙ୍କଗୁଡ଼ିକୁ ସୁସ୍ଥ କରିତୋଳିବା ଦୀର୍ଘଦିନ ହେଲା ସରକାରଙ୍କର ଏକ ନୀତି ...

 ସଙ୍କଟରେ ଭବିଷ୍ୟତ

ସଙ୍କଟରେ ଭବିଷ୍ୟତ

ଉପେନ୍ଦ୍ର ବିଶ୍ୱାଳ ପାଗଳପ୍ରାୟ ଘୂରି ବୁଲୁଥାନ୍ତି ମହାମାନ୍ୟ ମଦନମୋହନ ମାଲବ୍ୟ। ନିଶା ଘାରିଥାଏ ବନାରସରେ ବିଶ୍ୱସ୍ତରୀୟ ହିନ୍ଦୁ ବିଶ୍ୱବିଦ୍ୟାଳୟଟିଏ ପ୍ରତିଷ୍ଠା କରିବାକୁ। ହାତ ପତଉଥାନ୍ତି ସମସ୍ତଙ୍କୁ। ଏପରିକି ମୃତଦେହ ଶୋଭାଯାତ୍ରାରେ ଫିଙ୍ଗାଯାଉଥିବା ପଇସା କଉଡ଼ିକୁ ମଧ୍ୟ ସାଉଁଟି ରଖୁଥାନ୍ତି। ବଡ଼ ଆଶା ନେଇ ପହଞ୍ଚତ୍ଲେ ଦିନେ ଘନଶ୍ୟାମ ଦାସ ବିର୍ଲାଙ୍କ ବାସଭବନରେ। ବୈଠକଖାନାରେ ଟିକିଏ ବସିବାକୁ କହି ଠାକୁର ପୂଜା ପାଇଁ ଗଲେ ସେ। ଦୀପଟି ଜଳାଇଲାବେଳେ ପ୍ରଥମ ପରେ ଦ୍ୱିତୀୟ ଦିଆସିଲିକାଠିଟି ଲିଭିଗଲା। ତୃତୀୟ କାଠିଟି ବି ଲିଭିଗଲା ସାମାନ୍ୟ ଅସାବଧାନତାବଶତଃ। ଗର୍ଜିଉଠି ବର୍ଷିଗଲେ ପୂଜକ ଉପରେ। ଆଚମ୍ବିତ ହେଲେ ...

ପ୍ରାଣବନ୍ତ, ପ୍ରଣବସ୍ବରୂପ

ପ୍ରାଣବନ୍ତ, ପ୍ରଣବସ୍ବରୂପ

ଡା. ଅଂଶୁମାନ୍‌ କର ଗତ ସ୍ନାନପୂର୍ଣ୍ଣିମା ଦିନ ଗଜପତି ମହାରାଜ ପ୍ରଭୁ ଜଗନ୍ନାଥଙ୍କ ଆଳତି କରିବା ସମୟରେ ପ୍ରଭୁଙ୍କ ଶିରରୁ ଫୁଲମାଳ ଖସିବାକୁ ନେଇ ଅନେକ ଚର୍ଚ୍ଚା ଚାଲିଛି। ଆଜିର ସୋସିଆଲ ମିଡିଆ ଯୁଗରେ ଏହି ଘଟଣାର ଭୂରି ଭୂରି ପ୍ରଚାର ଓ ପ୍ରସାର ଚାଲିଛି। ଜଗନ୍ନାଥ ଓ ପୁରୀ ଶ୍ରୀମନ୍ଦିରର ପ୍ରାଣବନ୍ତ ଅସ୍ତିତ୍ୱର ଏହା ଏକ ଦିବ୍ୟ ପ୍ରମାଣ ବୋଲି ଅନେକେ ମତ ବ୍ୟକ୍ତ କରୁଛନ୍ତି। କେତେଜଣ କହୁଛନ୍ତି, ଏହାଦ୍ୱାରା ପ୍ରଭୁ ନିଜ ପ୍ରତ୍ୟକ୍ଷ ଉପସ୍ଥିତିର ପ୍ରମାଣ ଦେଉଛନ୍ତି।...

ଏଇ ଭାରତରେ

ଏଇ ଭାରତରେ

ଜଣେ ନବଜାତ ଶିଶୁ କ୍ଷୀର ପାନ କରିବା ପରେ କୋମା ଅବସ୍ଥାରେ ଥିବା ତା’ ମା’ଙ୍କର ଚେତା ଫେରିଆସିଛି। ଏପରି ଏକ ଘଟଣା କେରଳରେ ଘଟିଛି। ବେଟିନା ନାମ୍ନୀ ଜଣେ ମହିଳା ଶିଶୁପୁତ୍ରର କାନ୍ଦ ଶୁଣି ଧୀରେ ଧୀରେ ପ୍ରତିକ୍ରିୟା ପ୍ରକାଶ କରିଥିଲେ। ଜୁନ୍‌ ୧୪ରେ ଶିଶୁଟି ଜନ୍ମଗ୍ରହଣ କରିଥିଲା। ଶିଶୁଟି ସ୍ତନ୍ୟପାନ କରିବା ପରେ ମହିଳାଙ୍କର ସ୍ନାୟୁଗତ ସମସ୍ୟା ଧୀରେ ଧୀରେ ସୁଧୁରିବାରେ ଲାଗିଥିଲା ବୋଲି ହସ୍ପିଟାଲ୍‌ର ଇଣ୍ଟେନ୍‌ସିଭ୍‌ କେୟାର ୟୁନିଟ୍‌ର ମୁଖ୍ୟ ଡକ୍ଟର ଆର. ବିବେକ ପ୍ରକାଶ କରିଛନ୍ତି। ...

Watch Live Broadcast of Rath Yatra Puri, Odisha Here

Model This Week

ରୂପେଶ