ଫୁରସତ |

ପୋଡ଼ା ମାଟିର ବାସ୍ନା

ପୋଡ଼ା ମାଟିର ବାସ୍ନା

ଆଗରୁ କୁମ୍ଭାର ସମ୍ପ୍ରଦାୟର ଲୋକେ ମାଟିହାଣ୍ଡି, ମାଟିରେ ବିଭିନ୍ନ ପ୍ରକାର ପାତ୍ର ତିଆରି କରି ଗୁଜୁରାଣ ମେଣ୍ଟାଉ ଥିଲେ।  କିନ୍ତୁ ଆଜିକାଲି ଏହାର ଚାହିଦା କମିବା ପରେ ଏବେ ସେମାନେ ଟେରାକୋଟାର ବିଭିନ୍ନ ପ୍ରକାର ଘରସଜ୍ଜା ଜିନିଷ ତିଆରି କରି ପରିବାର ଚଳାଉଛନ୍ତି। ତେବେ ଓଡ଼ିଶାର ଅନ୍ୟ କେତେକ ସ୍ଥାନ ଅପେକ୍ଷା କେନ୍ଦୁଝର ଜିଲାର ହଳଧରପୁର ଓ ବାଟହରିଚନ୍ଦନପୁର ଗାଁର ଟେରାକୋଟା କାମ ବେଶ ନିଆରା।
ଟେରାକୋଟା ଶିଳ୍ପୀଙ୍କ ଗାଁ ବାଟହରିଚନ୍ଦନପୁର:
ଘଟଗାଁର ମା’ତାରିଣୀଙ୍କ ପୀଠଠାରୁ ୨୦ନଂ ଜାତୀୟ ରାଜପଥରେ ବଡ଼ଘାଘରା ଓ ସାନଘାଘରା ଯିବା ରାସ୍ତାରେ ପ୍ରାୟ ୫କିମି ଦୂରରେ ପଡ଼ିବ ଘଟଗାଁ ବ୍ଲକର ଗଦାଧରପୁର ଗ୍ରାମପଞ୍ଚାୟତର ବାଟହରିଚନ୍ଦନପୁର। ଏହି ଗାଁରେ ପ୍ରବେଶ ମାତ୍ରେ ଏକ ଅଣଓସାରିଆ ରାସ୍ତା ନିକଟରେ ନଜର ପଡ଼ିବ ଏକ ଶିବ ମନ୍ଦିର, ଯାହା କି ବାଣେଶ୍ୱର ଶିବ ମନ୍ଦିରଙ୍କ ପୀଠ। ଏହି ଗାଁର କୁମ୍ଭାର ସାହିର ୫୦ ପରିବାରଙ୍କ ମଧ୍ୟରେ ପ୍ରାୟ ୩୦ପରିବାର ଟେରାକୋଟା ହସ୍ତଶିଳ୍ପର କାରିଗର ଭାବେ ପରିଚିତ।
ହଳଧରପୁରର ଟେରାକୋଟା ଶିଳ୍ପ:
ଖୁଣ୍ଟାସାହି ପାରହେବା ପରେ ଶାଳଜଙ୍ଗଲକୁ ଲାଗିରହିଛି କୁକୁର ପଟା ନଦୀ। ସେଠାରୁ ଏକ ଶଗଡ଼ିଆ ନାଳ ପାର ହେଲା ପରେ ପଡ଼ିବ ପଇତାପାଟଣା ଗ୍ରାମପଞ୍ଚାୟତର ହଳଧରପୁର ଗାଁ। ଏହି ଗଁ।ରେ ପ୍ରବେଶ ମାତ୍ରେ ଆରମ୍ଭରେ ଏକ ବଡ଼ ବରଗଛ ଦେଖିବାକୁ ପାଇବେ। ଏହି ଗାଁର ପୁରୁଣାସାହି, ନୂଆସାହି ଓ ବେଗୁନାପଶି ଆଦି ସାହିର ପ୍ରାୟ ୨ଶହ ପରିବାରର ସଦସ୍ୟମାନେ ଟେରାକୋଟା ହସ୍ତଶିଳ୍ପ କାମକରି ନିଜ ନିଜର ପରିବାର ପ୍ରତିପୋଷଣ କରିଥାନ୍ତି। ମାତ୍ର ସମୟ କ୍ରମେ ଏମାନେ ଟେରାକୋଟା କଳାକୃତିରେ ବିଭିନ୍ନ ମାଟିର ଫୁଲଦାନି, ଗଛ, ଘୋଡ଼ା, ହାତୀ, ଦୀପ, ଜୀବଜନ୍ତୁ ତିଆରି କରି ଏକ ସ୍ବତନ୍ତ୍ର ପରିଚୟ ସୃଷ୍ଟି କରିଛନ୍ତି। ଏଥିପାଇଁ ଏମାନେ ରାଜ୍ୟ ଓ ରାଜ୍ୟ ବାହାରର ଆୟୋଜିତ ବିଭିନ୍ନ ମେଳାରେ ଏହି ଟେରାକୋଟାର ବିଭିନ୍ନ କଳାକୃତି ପସରାକୁ ପକାଇ ବିକ୍ରି କରିଥାନ୍ତି।
ଟେରାକୋଟା କଳାକୃତି ତିଆରି:
ମାଟିର ମହକ ନିଆରା । ବିଶେଷକରି ମାଟିରେ ବିଭିନ୍ନ ପାତ୍ର ଆମ ଦୈନନ୍ଦିନ ଜୀବନରେ ଲାଗିଥାଏ। ମାଟିପାତ୍ର ଗଢିବା ପାଇଁ କୁମ୍ଭାର କାରିଗରଙ୍କ ଏକ ନିର୍ଦ୍ଦିଷ୍ଟ ପଦ୍ଧତି ରହିଛି। ନିତି କଞ୍ଚାମାଟିକୁ ଦଳିଚକଟି ସ୍ବତନ୍ତ୍ର ସ୍ଥାନରେ ସାଇତି ରଖନ୍ତି। ସେହି ମାଟିରେ ଆବଶ୍ୟକ ପରିମାଣର ବାଲି ମିଶାଇ ଚକଟା ହୋଇଥାଏ । ପୁଣି ଚକଟା ମାଟିକୁ ମାଟି ପିଣ୍ଢି ବା ଗୋଳା କରାଯାଇ ଗୋଡ଼ି ବଛାଯାଏ। ମାଟି ପାତ୍ର ତଥା ବିଭିନ୍ନ ସାମଗ୍ରୀ ଗଢିବା ପୂର୍ବରୁ ମାଟିକୁ କୁମ୍ଭାର ଚକରେ ରଖି ସେହି ଚକକୁ ଘୂରାଇ ଥାଏ। କୁମ୍ଭାର କାରିଗରର ହାତର ସ୍ପର୍ଶରେ ବିଭିନ୍ନ ପ୍ରକାରର ମାଟିର ଟେରାକୋଟା ସାମଗ୍ରୀ ତିଆରି ହୁଏ। ଏପରି କି କେହି କେହି ଏହି ଟେରାକୋଟା କଳାକୃତିକୁ ପ୍ରସ୍ତୁତି ପାଇଁ କିଛି କଳାକୃତିର ଛାଞ୍ଚକୁ ବ୍ୟବହାର କରିଥାନ୍ତି। କଞ୍ଚା ମାଟିରେ ପ୍ରସ୍ତୁତ ହୋଇଥିବା ଟେରାକୋଟା କଳାକୃତିକୁ ଅଳ୍ପଖରାରେ ସୁଖା ଯିବା ପରେ ସେହି ସାମଗ୍ରୀକୁ ଶାମୁକା ବା ପିଟଣରେ ମସୃଣ କରାଯାଇଥାଏ । ଏହା ପରେ ସେହି ଓଦା ସାମଗ୍ରୀଗୁଡ଼ିକୁ ଭାଟିରେ ପୋଡ଼ା ଯାଇଥାଏ। ପରେ ବିଭିନ୍ନ ରଙ୍ଗ ଦିଆଯାଇଥାଏ।
ରାସ୍ତାକଡ଼ରେ ବି ବେପାର ହୁଏ:
ଟେରାକୋଟା ହସ୍ତଶିଳ୍ପ କାମକରି ନିଜନିଜର ପରିବାର ପ୍ରତି ପୋଷଣ କରୁଥିବା ଶିଳ୍ପୀମାନେ ନିଜଅଞ୍ଚଳର ଛକ ସ୍ଥାନ ତଥା ଏଠାରେ ଯାଇଥିବା ଜାତୀୟ ରାଜପଥ କଡ଼ରେ ବିଭିନ୍ନ ଟେରାକୋଟା ସାମଗ୍ରୀକୁ ବିକ୍ରି ପାଇଁ ସଜାଇ ରଖିଥାନ୍ତି। ଏହି ରାସ୍ତା ଦେଇ ଯାତାୟାତ କରୁଥିବା ପର୍ଯ୍ୟଟକ ଏବଂ ଯାତ୍ରୀମାନେ ଏପରି ଟେରାକୋଟାର ବିଭିନ୍ନ ସୁନ୍ଦର ସୁନ୍ଦର ସାମଗ୍ରୀକୁ ଦେଖି ବେଶ ଆକର୍ଷିତ ହୋଇଥାନ୍ତି। କେଦାର ନାଥ ସାହୁ କୁହନ୍ତି, ଏହି ଶିଳ୍ପୀମାନେ ଟେରାକୋଟାର ପ୍ରାୟ ୫ଟଙ୍କିଆ ଦୀପଠାରୁ ୫ହଜାର ଟଙ୍କା ମୂଲ୍ୟର ଟେରାକୋଟା ହସ୍ତଶିଳ୍ପର ହାତୀ ଘୋଡ଼ା ମୂର୍ତ୍ତିକୁ ବିକ୍ରି କରିଥାନ୍ତି। ରାଜ୍ୟର ବିଭିନ୍ନ ସ୍ଥାନରେ ଆୟୋଜିତ ହସ୍ତଶିଳ୍ପ ମହୋତ୍ସବରେ ଏମାନେ ଟେରାକୋଟାର ପସରାକୁ ପକାଇଥାନ୍ତି। ପୁରୀ ରଥଯାତ୍ରା, କୋଣାର୍କ ମହୋତ୍ସବ, କଟକ ବାଲିଯାତ୍ରା, ରାଉରକେଲା, ସମ୍ବଲପୁର, ବ୍ରହ୍ମପୁର, ଭୁବନେଶ୍ୱର, ସମେତ ଅନେକ ସହରରେ ଅନୁଷ୍ଠିତ ଉତ୍ସବ ସ୍ଥଳରେ ଏହି ଟେରାକୋଟା ହସ୍ତଶିଳ୍ପକୁ ବିକ୍ରି କରିଥାନ୍ତି। ଏହି ଶିଳ୍ପୀମାନଙ୍କ ମଧ୍ୟରୁ ରାଜ୍ୟ ଓ ଜିଲାସ୍ତରରେ ପୁରସ୍କାର ପାଇଛନ୍ତି। ଏମାନଙ୍କ ମଧ୍ୟରୁ ପ୍ରାୟ ଏହି ଟେରାକୋଟାର ବିଭିନ୍ନ ସାମଗ୍ରୀ ବିକ୍ରିକରି ମାସକୁ ପ୍ରାୟ ୧୫ରୁ ୩୦ହଜାର ଟଙ୍କା ପର୍ଯ୍ୟନ୍ତ ରୋଜଗାର କରିଥାନ୍ତି। ଏହି ଶିଳ୍ପୀମାନଙ୍କୁ ବିଭିନ୍ନ କ୍ଷେତ୍ରରେ ଅଧିକ ପ୍ରୋତ୍ସାହନ ମିଳିଲେ ଏହି କଳାକାରିଗରି ପ୍ରତି ନୂତନପିଢିଙ୍କ ମଧ୍ୟରେ ଅଧିକ ଆଗ୍ରହ ସୃଷ୍ଟି ହୋଇପାରିବ ବୋଲି ଶିଳ୍ପୀମାନେ କୁହନ୍ତି।
-ବନବିହାରୀ ବେହେରା, ରାଜେନ୍ଦ୍ର ପଟ୍ଟନାୟକ

All Right Reserved By

ଫୁରସତ |

ଜଳବାୟୁ ପରିବର୍ତ୍ତନ ଦ୍ୱାରା ପ୍ରଭାବିତ ହେବ ଇଣ୍ଟରନେଟ୍‌

ଜଳବାୟୁ ପରିବର୍ତ୍ତନ ଦ୍ୱାରା ପ୍ରଭାବିତ ହେବ ଇଣ୍ଟରନେଟ୍‌

ଓ୍ବାଶିଂଟନ: ଜଳବାୟୁ ପରିବର୍ତ୍ତନ ଦ୍ୱାରା ସମୁଦ୍ରର ଜଳପତ୍ତନ ବୃଦ୍ଧିପାଇବ। ଏହାଦ୍ୱାରା ବିଶ୍ୱ ସ୍ତରୀୟ ଇଣ୍ଟରନେଟ୍‌ ଭିତ୍ତିଭୂମି ଗୁରୁତର ଭାବେ ପ୍ରଭାବିତ ହେବ ବୋଲି ବୈଜ୍ଞାନିକମାନେ ସତର୍କବାଣୀ ଶୁଣାଇଛନ୍ତି। ସେମାନଙ୍କ କହିବାନୁଯାୟୀ, ହଜାର ହଜାର ମାଇଲ୍‌ ଦୀର୍ଘ ଫାଇବର ଅପ୍‌ଟିକ୍‌ କେବୁଲ ଉପକୂଳ ଅଞ୍ଚଳରେ ପୋତିହୋଇ ରହିଛି। ସମୁଦ୍ରର ଜଳପତ୍ତନ ବୃଦ୍ଧିପାଇବା ଫଳରେ ଏହି ଅଞ୍ଚଳ ବନ୍ୟାପ୍ଳାବିତ ହୋଇପାରେ।

ମନୋଭାବ ପ୍ରକାଶ କରିପାରିବ ରୋବୋ

ମନୋଭାବ ପ୍ରକାଶ କରିପାରିବ ରୋବୋ

ଓ୍ବାଶିଂଟନ୍‌: ବୈଜ୍ଞାନିକମାନେ ଏକ ରୋବୋ ବିକଶିତ କରିଛନ୍ତି। ଏହାର ଶରୀରକୁ ଛୁଇଁଲେ କି ଆଘାତ କଲେ ଏହା ପ୍ରତିକ୍ରିୟା ସ୍ବରୂପ ନିଜର ମନୋଭାବ ପ୍ରକାଶ କରିପାରିବ। ରୋବୋ ଶରୀରର ବାହ୍ୟ ଆବରଣ ଏକ ପ୍ରକାର ଟିସୁରେ ତିଆରି ହୋଇଛି। ଏହାକୁ ଛୁଇଁବା ମାତ୍ରେ ରୋବୋ ଭାବନାତ୍ମକ ଯନ୍ତ୍ରାଂଶରେ ଉଦ୍ଦୀପନା ସୃଷ୍ଟିହେବ। ଫଳରେ ଏହା ପ୍ରତିକ୍ରିୟା ସୃଷ୍ଟି କରିବ।

ସୁଖ, ଶାନ୍ତି, ସମୃଦ୍ଧି ପାଇଁ ସକାଳେ କରନ୍ତୁ ଏହି ଉପାୟ

ସୁଖ, ଶାନ୍ତି, ସମୃଦ୍ଧି ପାଇଁ ସକାଳେ କରନ୍ତୁ ଏହି ଉପାୟ

ଘରେ ସୁଖ ସମୃଦ୍ଧି ବଜାୟ ରଖିବା ପାଇଁ ଜ୍ୟୋତିଷ ଶାସ୍ତ୍ରରେ କେତେକ ନୀତି ନିୟମ ସମ୍ପର୍କରେ ଉଲ୍ଲେଖ ଅଛି। ପ୍ରତିଦିନ ଅଭ୍ୟାସ କରି ଏହାର ପାଳନ କଲେ ଜୀବନ ସୁଖ ଓ ଶାନ୍ତିରେ ଭରିଯାଏ ବୋଲି ବିଶ୍ୱାସ ରହିଛି ।

ଆତ୍ମହତ୍ୟା ପ୍ରବୃତ୍ତି  କମାଇବାରେ ସହାୟକ ହୁଏ ଆନାଥେସିଆ

ଆତ୍ମହତ୍ୟା ପ୍ରବୃତ୍ତି କମାଇବାରେ ସହାୟକ ହୁଏ ଆନାଥେସିଆ

ମାନସିକ ଚାପଗ୍ରସ୍ତ ହେଲେ କେତେକ ଲୋକଙ୍କଠାରେ ଆତ୍ମହତ୍ୟା ପ୍ରବୃତ୍ତି ଦେଖାଯାଇଥାଏ। ତେବେ ଆନାଥେସିଆ ବା ଚେତାଶୂନ୍ୟ କରାଇବା ଲାଗି ବ୍ୟବହୃତ ଔଷଧ ଏଭଳି ବ୍ୟକ୍ତିଙ୍କ ପ୍ରବୃତ୍ତି କମାଇବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ।

ଯେଉଁଠି ଛୋଟ ବେଳୁ ଦିଆଯାଏ ଏପରି ଶିକ୍ଷା

ଯେଉଁଠି ଛୋଟ ବେଳୁ ଦିଆଯାଏ ଏପରି ଶିକ୍ଷା

ସାଧାରଣ ସମାଜରେ ୬ରୁ ୭ବର୍ଷରୁ ପିଲାମାନେ ଖେଳନା ଧରି ଖେଳନ୍ତି, ଅବା ନିଜ ଜୀବନରେ ଆଗକୁ ବଢିବା ଓ ଭବିଷ୍ୟତକୁ ସୁଦୃଢ କରିବା ପାଇଁ ବିଦ୍ୟାଳୟକୁ ଯିବା ଲାଗି ପ୍ରସ୍ତୁତି ଚଳାଇଥାନ୍ତି। ମାତ୍ର ଏଭଳି ଏକ ସମାଜ ରହିଛି, ଯେଉଁଠାରେ ଏହି ବୟସରେ ପିଲାମାନଙ୍କୁ ପାଠ ପଢାଇବା ପରିବର୍ତ୍ତେ ଦିଆଯାଇଥାଏ ଜୀବନ ଧାରଣର ଶିକ୍ଷା।

ଝିଅ ବିଦା ବେଳେ କାହିଁକି ଫୋପଡ଼ା ଯାଏ ଚାଉଳ

ଝିଅ ବିଦା ବେଳେ କାହିଁକି ଫୋପଡ଼ା ଯାଏ ଚାଉଳ

ବିବାହ ସମୟରେ ଭାରତରେ ଅନେକ ପରମ୍ପରା ପାଳିତ ହୋଇଥାଏ। ବିବାହରେ ଝିଅ ବିଦା ସମୟରେ ଚାଉଳରେ ହଳଦି ମିଶାଇ ଫୋପାଡ଼ିବା ପରମ୍ପରା ସମ୍ପନ୍ନ ହୋଇଥାଏ। ଏହା ଦ୍ୱାରା ନବଦମ୍ପତିଙ୍କ ଜୀବନରେ ଖୁସି ଆସିଥାଏ ବୋଲି ବିଶ୍ୱାସ ରହିଛି। ଏପରି କଲେ ନବଦମ୍ପତିଙ୍କର ସନ୍ତାନ ପ୍ରାପ୍ତି ହେବା ସହ ସୌଭାଗ୍ୟ ମିଳିଥାଏ।

କେଉଁ ନାଁର ଝିଅମାନେ ଧୋକା ଦିଅନ୍ତିନି

କେଉଁ ନାଁର ଝିଅମାନେ ଧୋକା ଦିଅନ୍ତିନି

ନାଁର ପ୍ରଥମ ଅକ୍ଷର କୁହେ ଝିଅମାନେ କେତେ ରୋମାଣ୍ଟିକ୍‌। ପୁଣି ଏହି ନାମରୁ ହିଁ ଜଣାପଡେ ଝିଅମାନେ କେତେ ବିଶ୍ୱାସି। ତେଣୁ ଦେଖି ଚାହିଁ ପ୍ରେମ କଲେ ଧୋକା ଖାଇବାକୁ ପଡି ନଥାଏ। ବିଶ୍ୱାସି ଝିଅଟିଏ ମିଳିଲେ ଜୀବନରେ ସୁଖଶାନ୍ତି ଭରି ଯାଇଥାଏ।

ପ୍ରତିଷ୍ଠା ହେବ ସନ୍ନି ଲିଓନଙ୍କ ମନ୍ଦିର

ପ୍ରତିଷ୍ଠା ହେବ ସନ୍ନି ଲିଓନଙ୍କ ମନ୍ଦିର

ଅନେକ ସମୟରେ ଦେଖାଯାଇଛି ଭାରତର କିଛି କଳାକାରଙ୍କୁ ତାଙ୍କ ପ୍ରଶଂସକମାନେ ଭଗବାନର ମାନ୍ୟତା ଦେଇଛନ୍ତି। ଏମିତିକି ଏମାନଙ୍କ ଉଦ୍ଦେଶ୍ୟରେ ମନ୍ଦିର ବି ପ୍ରତିଷ୍ଠା କରାଯାଇଛି।

ଫ୍ୟାଶନରେ ‘ଓଲଟା ଜିନ୍ସ’

ଫ୍ୟାଶନରେ ‘ଓଲଟା ଜିନ୍ସ’

ଭାରତୀୟ ମହିଳାମାନେ ପାଶ୍ଚାତ୍ୟ ବେଶଭୂଷା ତଥା ପୋଷାକ ପିନ୍ଧିବାକୁ ଭଲ ପାଆନ୍ତି। ଏସବୁ ମଧ୍ୟରେ ଜିନ୍ସ ସର୍ବୋଚ୍ଚ ସ୍ଥାନରେ ବୋଲି କହିପାରିବା। ଏହା ଭଳିକି ଭଳି ଡିଜାଇନ୍‌ରେ ଉପଲବ୍ଧ ହେଉଥିବାରୁ ଯୁବପୀଢ଼ୀଙ୍କ ମଧ୍ୟରେ ବହୁଳ ବ୍ୟବହାର ହୋଇଥାଏ। ବିଶେଷକରି ମହିଳାମାନଙ୍କ ପାଇଁ ଡିଜାଇନର୍‌ମାନେ ନୁଆ ନୂଆ ଫର୍ମୁଲା ଆପଣାଇଥାନ୍ତି। ନିକଟରେ ଏହି ଟ୍ରେଣ୍ଡରେ ସାମିଲ ହୋଇଛି ଓଲଟା ଜିନ୍ସ।

ସୈନ୍ୟଙ୍କ ସାଥୀ ହେବ ରୋବୋ

ସୈନ୍ୟଙ୍କ ସାଥୀ ହେବ ରୋବୋ

ଓ୍ବାଶିଂଟନ୍‌: ବୈଜ୍ଞାନିକମାନେ ନୂତନ ଜ୍ଞାନକୌଶଳ ପ୍ରୟୋଗକରି ଏକ ରୋବୋ ବିକଶିତ କରିଛନ୍ତି। ଏହା ବିଭିନ୍ନ ପରିସ୍ଥିତିରେ ସ୍ବୟଂକ୍ରିୟ ଭାବରେ କାର୍ଯ୍ୟ କରିବା ସହିତ ଯୁଦ୍ଧକ୍ଷେତ୍ରରେ ମଧ୍ୟ ଜଣେ ସୈନ୍ୟ ଭଳି ଭଙ୍ଗିମା ପ୍ରଦର୍ଶନ କରିପାରିବ। ଆମେରିକୀୟ ଆର୍ମି ରିସର୍ଚ୍ଚ ଲାବୋରେଟରି (ଏଆରଏଲ୍‌) ଏବଂ କାର୍ନିଏଜ୍‌ ମେଲନ୍‌ ୟୁନିଭର୍ସିଟିର ଗବେଷକଙ୍କ ଦ୍ୱାରା ଏଭଳି ପ୍ରଯୁକ୍ତିବିଦ୍ୟା ବିକାଶ କରାଯାଇଛି।

ଗୀତକୁ ନେଇ ଯୁଦ୍ଧ

ଗୀତକୁ ନେଇ ଯୁଦ୍ଧ

ମୁମ୍ବାଇ: ଭିନ୍ନ ଏକ ଅବତାରରେ ପୁଣିଥରେ ପ୍ରଶଂସକଙ୍କୁ ମତୁଆଲା କରିଛନ୍ତି ବଲିଉଡ୍‌ ଅଭିନେତ୍ରୀ ତଥା ଅପୂର୍ବ ସୌନ୍ଦର୍ଯ୍ୟର ରାଣୀ ଐଶ୍ୱର୍ଯ୍ୟା ରାୟ ବଚ୍ଚନ। ନିଜର ଅପ୍‌କମିଂ ଫିଲ୍ମ ‘ଫନି ଖାନ୍‌’ରେ ଐଶ୍ୱର୍ଯ୍ୟାଙ୍କୁ ଏକ ନୂଆ ରୂପରେ ଦେଖିବାକୁ ମିଳିବ। ଅନିଲ କପୁର, ରାଜକୁମାର ରାଓ ଏବଂ ଐଶ୍ୱର୍ଯ୍ୟାଙ୍କ ଅଭିନୀତ ‘ଫନି ଖାନ୍‌’ର ଟ୍ରେଲର୍‌ ଆସିସାରିଛି।

ଶହୀଦ ବାପାଙ୍କ କଫିନ୍‌ ଉପରେ ବସିଲେ ପାଞ୍ଚମାସର ଝିଅ

ଶହୀଦ ବାପାଙ୍କ କଫିନ୍‌ ଉପରେ ବସିଲେ ପାଞ୍ଚମାସର ଝିଅ

ଜୟପୁର: କଶ୍ମୀରରେ ଆତଙ୍କବାଦୀଙ୍କ ଆକ୍ରମଣରେ ଶହୀଦ ହୋଇଥିବା ସେନା ଯବାନ ମୁକୁତ୍‌ ବିହାରୀ ମୀନାଙ୍କ ଗ୍ରାମରେ ଏକ ହୃଦୟବିଦାରକ ଘଟଣା ଘଟିଛି। ଶହୀଦ ମୁକୁତ୍‌ଙ୍କ ମରଶରୀର ଜନ୍ମମାଟି ଲଦାନିଆରେ ପହଞ୍ଚିବା ପରେ ଶେଷକୃତ୍ୟ ପାଇଁ ପ୍ରସ୍ତୁତି ଚାଲିଥାଏ।

Model This Week

ରୂପେଶ