ମେଟ୍ରୋ |

ଏସ୍‌ସିବିରେ ଦୁର୍ଦ୍ଦଶା ଭୋଗୁଛନ୍ତି ରକ୍ତକର୍କଟ ରୋଗୀ

ଏସ୍‌ସିବିରେ ଦୁର୍ଦ୍ଦଶା ଭୋଗୁଛନ୍ତି ରକ୍ତକର୍କଟ ରୋଗୀ
କଟକ ଅଫିସ, ୧୦।୧୨- ଆୟ ବହିର୍ଭୂତ ସମ୍ପତ୍ତି ଠୁଳ କରିବା ଅଭିଯୋଗରେ ଭିଜିଲାନ୍ସ ପକ୍ଷରୁ ଏସ୍‌ସିବି ମେଡିକାଲ ରକ୍ତରୋଗ ବିଭାଗ (ହେମାଟୋଲୋଜି)ର ମୁଖ୍ୟ ପ୍ରଫେସର ଡା. ରବୀନ୍ଦ୍ର ଜେନାଙ୍କ ଘରେ ଭିଜିଲାନ୍ସ ଯାଞ୍ଚ ହୋଇଥିଲା। ନଭେମ୍ବର ୨୩ ତାରିଖରେ ଭିଜିଲାନ୍ସ ସେଲ୍‌ ପକ୍ଷରୁ ଡାକ୍ତର ଜେନାଙ୍କ ଘର, ଅଫିସ ସମେତ ୧୨ଟି ସ୍ଥାନରେ ଯାଞ୍ଚ କରାଯାଇଥିଲା। ମୁଖ୍ୟତଃ ଓଡ଼ିଶା ରାଜ୍ୟ ଚିକିତ୍ସା ପାଣ୍ଠି (ଓଏସ୍‌ଟିଏଫ୍‌)ରୁ ଡାକ୍ତର ଜେନା କେତେ ଟଙ୍କା ରୋଗୀଙ୍କ ନିମନ୍ତେ ମଞ୍ଜୁର କରିଛନ୍ତି ଓ ଉକ୍ତ ଟଙ୍କାରେ କ’ଣ ସବୁ ଚିକିତ୍ସା ରୋଗୀଙ୍କୁ ଦିଆଯାଇଛି ସେନେଇ ଭିଜିଲାନ୍ସ ତଦନ୍ତ ଜାରି ରଖିଛି। ଏ ସବୁ ଭିତରେ ନଭେମ୍ବର ୨୭ରୁ ଡାକ୍ତର ଜେନା ଛୁଟିରେ ଅଛନ୍ତି। ହେଲେ ଭିଜିଲାନ୍ସ ଚଢାଉ ପରେ ହେମାଟୋଲୋଜି ବିଭାଗରେ ଚିକିତ୍ସିତ ହେଉଥିବା ରୋଗୀଙ୍କ ବେଳା ଯେପରି ଖରାପ ପଡ଼ିଯାଇଛି। ଉକ୍ତ ବିଭାଗରେ ଭର୍ତ୍ତି ହେଉଥିବା ରୋଗୀଙ୍କ ମଧ୍ୟରୁ ଅଧିକାଂଶ ରକ୍ତ କର୍କଟ ରୋଗରେ ପୀଡ଼ିତ। ଉକ୍ତ ରୋଗର ଚିକିତ୍ସା ଅତ୍ୟନ୍ତ ବ୍ୟୟବହୁଳ। ତେଣୁ ଏହି ରୋଗୀଙ୍କ ଚିକିତ୍ସାକୁ ସହଜ କରିବା ନିମନ୍ତେ ସରକାର ଓଏସ୍‌ଟିଏଫ୍‌ରୁ ସହାୟତା ଦେଇଥାନ୍ତି। ବିଭାଗୀୟ ମୁଖ୍ୟ ପ୍ରଫେସରଙ୍କ ଜରିଆରେ ଓଏସ୍‌ଟିଏଫ୍‌ ଅର୍ଥ ମଞ୍ଜୁର ହୋଇଥାଏ। ହେଲେ ଭିଜିଲାନ୍ସ ଚଢାଉ ପରେ ଡାକ୍ତର ଜେନା ଛୁଟିରେ ଯିବା ଓ ଓଏସ୍‌ଟିଏଫ୍‌ ମଞ୍ଜୁର ପାଇଁ ଉକ୍ତ ବିଭାଗରେ ଆଉ କୌଣସି ଡାକ୍ତରଙ୍କୁ କ୍ଷମତା ନ ମିଳିବା ରୋଗୀଙ୍କୁ ହୀନସ୍ତାରେ ପକାଇଛି। ଅଦ୍ୟାବଧି ୬ ଜଣ ରୋଗୀ ଓଏସ୍‌ଟିଏଫ୍‌ ପାଇବା ପାଇଁ ଅପେକ୍ଷା କରିଥିବାବେଳେ ସେମାନଙ୍କ ଅର୍ଥ କିଭଳି ମଞ୍ଜୁର କରାଯିବ ସେନେଇ କେହି ତତ୍ପର ହେଉନାହାନ୍ତି। କେତେଜଣ ରୋଗୀ ଜମିବାଡି ବିକ୍ରି କରି ଏଠାରେ ଚିକିତ୍ସିତ ହେବା ଭଳି ଘଟଣା ଘଟିଲାଣି। ବ୍ରହ୍ମପୁର ଅଞ୍ଚଳରୁ ଆସିଥିବା ଜଣେ ରୋଗୀ ସମ୍ପର୍କୀୟ କୁହନ୍ତି, ଗଁାରୁ ହାତଉଧାରି କରି ଏଠାକୁ ଚିକିତ୍ସା ନିମନ୍ତେ ଆସିଥିଲି। ଓଏସ୍‌ଟିଏଫ୍‌ ସହାୟତାରେ ଚିକିତ୍ସା ମିଳିବ ବୋଲି ଜାଣିଥିଲି। ମାତ୍ର ୧୫ ଦିନ ହେବ ମୋ ଆବେଦନ ପଡ଼ିରହିଛି। ଏଠାରେ ଡାକ୍ତରଙ୍କୁ ପଚାରିଲାବେଳକୁ ଆମର ସେ କ୍ଷମତା ନାହିଁ କୁହାଯାଉଥିବାବେଳେ ଓଏସ୍‌ଟିଏଫ୍‌ ସେକ୍ସନର କର୍ମଚାରୀମାନେ ଅପେକ୍ଷା କରିବାକୁ କହୁଛନ୍ତି। ବାଧ୍ୟହୋଇ ଗଁାରେ ଥିବା ଚାଷଜମି ବିକ୍ରି କରିବାକୁ ଯୋଜନା କରିଛି ବୋଲି କହିଛନ୍ତି। ନିଆଳି ଅଞ୍ଚଳରୁ ଆସିଥିବା କୁନି ସ୍ବାଇଁ ନାମକ ଜଣେ ମହିଳା ପ୍ରଥମେ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ୮୦ହଜାର ଟଙ୍କା ଖର୍ଚ୍ଚ କରି ଏସ୍‌ସିବିକୁ ଆସିଥିଲେ। ୧୫ଦିନ ମଧ୍ୟରେ ଏଠାରେ ୨୨ହଜାର ଟଙ୍କା ଖର୍ଚ୍ଚ ହେଲାଣି। ତଥାପି ଓଏସ୍‌ଟିଏଫ୍‌ ମଞ୍ଜୁର ହୋଇ ନ ଥିବା କୁନିଙ୍କ ପୁଅ କହିଛନ୍ତି। ଏଭଳି ପରିସ୍ଥିତିରେ ସାମାଜିକ କର୍ମୀମାନେ ତୀବ୍ର ପ୍ରତିକ୍ରିୟା ପ୍ରକାଶ କରିଛନ୍ତି। ୧୫ ଦିନ ହେବ ସରକାରଙ୍କ ରୋଗୀ କଲ୍ୟାଣ ନିମନ୍ତେ ଉଦ୍ଦିଷ୍ଟ ପାଣ୍ଠି ହେମାଟୋଲୋଜି ଭଳି ଗୁରୁତ୍ୱପୂର୍ଣ୍ଣ ବିଭାଗର ରୋଗୀଙ୍କ ପାଇଁ ମଞ୍ଜୁର ହୋଇପାରୁ ନ ଥିବାବେଳେ ମେଡିକାଲ ପ୍ରଶାସନ ହାତବାନ୍ଧି ବସିବା ଅତ୍ୟନ୍ତ ଦୁର୍ଭାଗ୍ୟଜନକ ବୋଲି ସେମାନେ କହିଛନ୍ତି। ଓଏସ୍‌ଟିଏଫ୍‌ ସେକ୍ସନର ଜଣେ କର୍ମଚାରୀଙ୍କ କହିବା ଅନୁଯାୟୀ, ମେଡିକାଲ ପକ୍ଷରୁ ଏ ନେଇ ଆର୍‌ଡିସିଙ୍କ ମତାମତ ଲୋଡାଯାଇଛି। ସେଠାରୁ କ୍ଲିୟରାନ୍ସ ମିଳିବା ପରେ ଏ କ୍ଷେତ୍ରରେ ଯାହା କିଛି କରାଯିବ। ମେଡିକାଲ ପ୍ରଶାସନିକ ଅଧିକାରୀ ପ୍ରତାପ ମିଶ୍ରଙ୍କୁ ପଚାରିବାରୁ ଉକ୍ତ ପ୍ରସଙ୍ଗ ତାଙ୍କ ନଜରକୁ ଆସି ନ ଥିବା କହିଥିଲେ। କେବଳ ଓଏସ୍‌ଟିଏଫ୍‌ ନୁହେଁ ଦୀର୍ଘଦିନ ହେବ ହେମାଟୋଲୋଜି ବିଭାଗର ଗୁରୁତ୍ୱପୂର୍ଣ୍ଣ କୁଆଗୁଲୋମିଟର ମେଶିନ ସମ୍ପୂର୍ଣ୍ଣ ଅଚଳ ହୋଇପଡ଼ିଛି। ଫଳରେ ହେମୋଫିଲିଆ ରୋଗୀମାନେ ରକ୍ତ ପରୀକ୍ଷା ନିମନ୍ତେ ସମସ୍ୟା ଭୋଗୁଛନ୍ତି। ଏହି ପରୀକ୍ଷା ପାଇଁ ଘରୋଇ କେନ୍ଦ୍ରଗୁଡ଼ିକ ୫ରୁ ୧୦ହଜାର ଟଙ୍କା ନେଉଥିବା ବେଳେ ମେଶିନ ସଜଡ଼ା ନ ଯିବା ପଛରେ ଷଡ଼ଯନ୍ତ୍ର ଥିବା ସାମାଜିକ କର୍ମୀମାନେ କହୁଛନ୍ତି।
All Right Reserved By

ମେଟ୍ରୋ |

ଆଇଆଇଓ୍ବାଇଡି ପକ୍ଷରୁ ପ୍ଳାଷ୍ଟିକ ମୁକ୍ତ ଅଭିଯାନ

ଆଇଆଇଓ୍ବାଇଡି ପକ୍ଷରୁ ପ୍ଳାଷ୍ଟିକ ମୁକ୍ତ ଅଭିଯାନ

କୋଣାର୍କ, ୧୫।୧୦(ଡି.ଏନ୍‌.ଏ.)-  କୋଣାର୍କ ଏନଏସି ଅଧିନସ୍ଥ ଚନ୍ଦ୍ରଭାଗା ନୋଳିଆ ବସ୍ତିଠାରେ ସୋମବାର ଆଇଆଇୱାଇଡି ସାମାଜିକ ସଂଗଠନ ପକ୍ଷରୁ ପ୍ଳାଷ୍ଟିକ ମୁକ୍ତ ସର୍ଭେ ଅଭିଯାନ ଆରମ୍ଭ କରାଯାଇଛି। 

ଗର୍ଭବତୀ, ନବଜାତ ଶିଶୁଙ୍କ ସ୍ବାସ୍ଥ୍ୟ ସମ୍ପର୍କରେ ସଚେତନ କରିବେ କିନ୍ନର

ଗର୍ଭବତୀ, ନବଜାତ ଶିଶୁଙ୍କ ସ୍ବାସ୍ଥ୍ୟ ସମ୍ପର୍କରେ ସଚେତନ କରିବେ କିନ୍ନର

ଭୁବନେଶ୍ୱର, ୧୫।୧୦(ବ୍ୟୁରୋ)- କିନ୍ନରଙ୍କୁ ସମାଜରେ ଅଧିକ ଗ୍ରହଣୀୟ କରାଇବା ଏବଂ ସମାଜସେବାରେ ସେମାନଙ୍କୁ ସାମିଲ କରାଇବା ପାଇଁ କିସ୍‌, ଅଜିମ୍‌ ପ୍ରେମଜୀ ଫିଲାନ୍‌ଥ୍ରୋପିକ ଇନିସିଏଟିଭ୍‌ ଓ ସଖା ମଳିତ ଭାବେ ପ୍ରୟାସ ଆରମ୍ଭ କରିଛି। 

ଯାଜପୁୁର ଏକତା ମଞ୍ଚର ସତ୍ୟାଗ୍ରହ: ରାଜ୍ୟପାଳଙ୍କୁ ସ୍ମାରକପତ୍ର ପ୍ରଦାନ

ଯାଜପୁୁର ଏକତା ମଞ୍ଚର ସତ୍ୟାଗ୍ରହ: ରାଜ୍ୟପାଳଙ୍କୁ ସ୍ମାରକପତ୍ର ପ୍ରଦାନ

ଭୁବନେଶ୍ୱର, ୧୫।୧୦(ବ୍ୟୁରୋ)- ପାଣିକୋଇଲିଠାରେ ମେଡ଼ିକାଲ କଲେଜ ଓ ସୁପର ସ୍ପେଶାଲିଷ୍ଟ ହସ୍ପିଟାଲ ନିର୍ମାଣ, ପୁଷ୍ପଗିରିଠାରେ ଅନ୍ତର୍ଜାତୀୟ ବିଶ୍ୱ ବିଦ୍ୟାଳୟ ସ୍ଥାପନ, କଳିଙ୍ଗନଗର କଳକାରଖାନାରେ ସ୍ଥାନୀୟ ବେକାର ଯୁବତୀଯୁବକଙ୍କୁ ନିଯୁକ୍ତି, ଜିଲାର ସମସ୍ତ ଭୂମିହୀନଙ୍କୁ ଜମି ଓ ବାସହୀନଙ୍କୁ ଗୃହ ପ୍ରଦାନ, ଚଣ୍ଡିଖୋଲଠାରେ କେନ୍ଦ୍ର ସରକାରଙ୍କ ଦ୍ୱାରା ଅନୁମୋଦିତ ଅଶୋଧିତ ତୈଳ ବିଶୋଧନାଗାରକୁ ତୁରନ୍ତ କାର୍ଯ୍ୟକ୍ଷମ କରିବା ଆଦି ୫ ଦଫା ଦାବି ନେଇ ସୋମବାର ରାଜଭବନ ସମ୍ମୁଖରେ ଯାଜପୁର ଏକତା ମଞ୍ଚ ପକ୍ଷରୁ ଏକ ସତ୍ୟାଗ୍ରହ ଅନୁଷ୍ଠିତ ହୋଇଯାଇଛି।

ବନ୍ୟା କ୍ଷତିଗ୍ରସ୍ତଙ୍କୁ ରିଲିଫ ବାଣ୍ଟିଲେ ପ୍ରସାଦ ହରିଚନ୍ଦନ

ବନ୍ୟା କ୍ଷତିଗ୍ରସ୍ତଙ୍କୁ ରିଲିଫ ବାଣ୍ଟିଲେ ପ୍ରସାଦ ହରିଚନ୍ଦନ

କଣାସ, ୧୫।୧୦(ସ୍ବ.ପ୍ର.)-କଣାସ ବ୍ଲକରେ ପ୍ରବାହିତ ହେଉଥିବା ମଲାଗୁଣିନଦୀର ମାଙ୍କଡଖିଆଠାରେ ଘାଇହୋଇ ଦିବ୍ୟସିଂହପୁର ଗ୍ରାମପଞ୍ଚାୟତର ବ୍ୟାପକ କ୍ଷୟକ୍ଷତି ହୋଇଛି।

କାର୍ଯ୍ୟବନ୍ଦ ଆନ୍ଦୋଳନରେ ମ୍ୟୁନିସିପାଲିଟି କର୍ମଚାରୀ

କାର୍ଯ୍ୟବନ୍ଦ ଆନ୍ଦୋଳନରେ ମ୍ୟୁନିସିପାଲିଟି କର୍ମଚାରୀ

ଖୋର୍ଦ୍ଧା ଅଫିସ,୧୫।୧୦:ସୋମବାର ଖୋର୍ଦ୍ଧା ମ୍ୟୁନିସିପାଲଟି କର୍ମଚାରୀମାନେ କାର୍ଯ୍ୟବନ୍ଦ ଆନ୍ଦୋଳନ କରିଛନ୍ତ। ସେପ୍ଟେମ୍ବରର ଦରମା, ପୂଜା ଅଗ୍ରିମ ୨୦ ହଜାର ଟଙ୍କା ଓ ପେନ୍‌ସନଧାରୀଙ୍କୁ ପ୍ରତିମାସରେ ପେନ୍‌ସନ ଯୋଗାଇବା ଦାବିରେ ସୋମବାରଠାରୁ ଏହି ଆନ୍ଦୋଳନ ଚାଲୁ ରହିଛି । ଖୋର୍ଦ୍ଧା ମ୍ୟୁନିସିପାଲିଟିର ୧୦୨ ସ୍ଥାୟୀ କର୍ମଚାରୀ, ଡିଏଲ୍‌ଆର ୩୪ ଓ ମ୍ୟାଣ୍ଡେଜ ୩୦ ଜଣ ଏଥିରେ ସାମିଲ ହୋଇଛନ୍ତି। 

ସାଧାରଣ ନିର୍ବାଚନ: ଆଭିମୁଖ୍ୟ ସ୍ପଷ୍ଟକଲା ସିପିଏମ୍‌

ସାଧାରଣ ନିର୍ବାଚନ: ଆଭିମୁଖ୍ୟ ସ୍ପଷ୍ଟକଲା ସିପିଏମ୍‌

ଭୁବନେଶ୍ୱର, ୧୫।୧୦(ବ୍ୟୁରୋ): ଓଡ଼ିଶାରେ ଆଗାମୀ ସାଧାରଣ ନିର୍ବାଚନରେ କାହା ସହ ମେଣ୍ଟ ହେବ ନାହିଁ। ଯଥା ସମ୍ଭବ ଅଣଭାଜପା ଭୋଟ ବିଭାଜନକୁ ଦଳ ରୋକିବାକୁ ଚେଷ୍ଟା କରିବ।  କଂଗ୍ରେସ କିମ୍ବା ବିଜେଡି କାହା ସହ ମେଣ୍ଟ ହେବ  ନାହିଁ ବୋଲି କହିଛନ୍ତି ସିପିଏମ୍‌ ସାଧାରଣ ସମ୍ପାଦକ ସୀତାରାମ ୟେଚୁରୀ। 

ଆୟୁଷ୍ମାନ ଯୋଜନା: ରାଜ୍ୟପାଳଙ୍କୁ ୧ କୋଟି ଦସ୍ତଖତ ସମ୍ବଳିତ ଦାବିପତ୍ର

ଭୁବନେଶ୍ୱର,୧୫।୧୦(ବ୍ୟୁରୋ): କେନ୍ଦ୍ର ସରକାରଙ୍କ ଆୟୁଷ୍ମାନ ଭାରତ ଯୋଜନାକୁ ରାଜ୍ୟ ସରକାର ଗ୍ରହଣ କରି ନ ଥିଲେ। ରାଜ୍ୟ ସରକାର ନିଜସ୍ବ ବିଜୁ କଲ୍ୟାଣ ଯୋଜନା ଓଡ଼ିଶାରେ ଲାଗୁ କରିଛନ୍ତି।  ମାତ୍ର କେନ୍ଦ୍ର ସରକାରଙ୍କ ଆୟୁଷ୍ମାନ ଯୋଜନାକୁ ଶାସକ ଦଳ ଅଗ୍ରାହ୍ୟ କରିବା ପଛରେ ରାଜନୈତିକ ଉଦ୍ଦେଶ୍ୟ ଥିବା ଭାଜପା ଅଭିଯୋଗ କରିଥିଲା। 

ସରକାରୀ କର୍ମଚାରୀଙ୍କ ମହଙ୍ଗା ଭତ୍ତା ବୃଦ୍ଧି

ସରକାରୀ କର୍ମଚାରୀଙ୍କ ମହଙ୍ଗା ଭତ୍ତା ବୃଦ୍ଧି

ଭୁବନେଶ୍ୱର,୧୫।୧୦(ବ୍ୟୁରୋ): ସରକାରୀ କର୍ମଚାରୀଙ୍କୁ ରାଜ୍ୟ ସରକାର ପୂଜାଭେଟି ଦେଇଛନ୍ତି। କର୍ମଚାରୀଙ୍କ ମହଙ୍ଗା ଭତ୍ତାକୁ ସରକାର ୨ ପ୍ରତିଶତ ବୃଦ୍ଧି କରିଛନ୍ତି। ଏହାପରେ ମହଙ୍ଗା ଭତ୍ତାର ପରିମାଣ ୯ ପ୍ରତିଶତରେ ପହଞ୍ଚିଛି। 

କ୍ଷୟକ୍ଷତି ରିପୋର୍ଟ ଆସିଲେ କେନ୍ଦ୍ରକୁ ଅବଗତ କରାଯିବ

କ୍ଷୟକ୍ଷତି ରିପୋର୍ଟ ଆସିଲେ କେନ୍ଦ୍ରକୁ ଅବଗତ କରାଯିବ

ଭୁବନେଶ୍ୱର, ୧୫।୧୦(ବ୍ୟୁରୋ): ତିତ୍‌ଲି ପ୍ରଭାବରେ ରାଜ୍ୟରେ ହୋଇଥିବା କ୍ଷୟକ୍ଷତି ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି ଯେ, ବାତ୍ୟା ଓ ବନ୍ୟା ଜନିତ କ୍ଷୟକ୍ଷତିର ଆକଳନ ଚାଲିଛି। ଏ ସମ୍ପର୍କରେ ରିପୋର୍ଟ ଆସିବା ପରେ କେନ୍ଦ୍ର ସରକାରଙ୍କୁ ଅବଗତ କରାଯିବ।

ଆଜି ମା’ମଙ୍ଗଳାଙ୍କ ସିଂହବାହିନୀ ବେଶ

ଆଜି ମା’ମଙ୍ଗଳାଙ୍କ ସିଂହବାହିନୀ ବେଶ

କାକଟପୁର, ୧୫।୧୦(ଡି.ଏନ୍‌.ଏ.): କାକଟପୁରର ଅଧିଷ୍ଠାତ୍ରୀ ଦେବୀ  ମା’ମଙ୍ଗଳାଙ୍କ ମନ୍ଦିରରେ ଚାଲୁ ରହିଛି ଶାରଦୀୟ ପାର୍ବଣ ପୂଜା। ସୋମବାର ପବିତ୍ର ସପ୍ତମୀ ତିଥି। ପାରମ୍ପରିକ ପ୍ରଥାନୁସାରେ ରାତିରେ ମା’ମଙ୍ଗଳାଙ୍କ ପ୍ରସିଦ୍ଧ ସିଂହବାହିନୀ ବେଶ ଅନୁଷ୍ଠିତ  ହେବ। ମନ୍ଦିର ଉତ୍ତର ଦ୍ୱାରରେ ଭଜନ ସମାରୋହ ଅନୁଷ୍ଠିତ ହେବ ବୋଲି ସେବକ ପ୍ରଦୀପ ପଣ୍ଡା ପ୍ରକାଶ କରିଛନ୍ତି। 

ନଭେମ୍ବର ୧ ରୁ ଡିଜିଟାଲ ପେମେଣ୍ଟ

ନଭେମ୍ବର ୧ ରୁ ଡିଜିଟାଲ ପେମେଣ୍ଟ

କଟକ ଅଫିସ, ୧୫।୧୦: ପରିବହନ ବିଭାଗ ପକ୍ଷରୁ ନଭେମ୍ବର ୧ରୁ ଆରମ୍ଭ ହେବାକୁ ଯାଉଛି ଡିଜିଟାଲ ପେମେଣ୍ଟ ବ୍ୟବସ୍ଥା। ଏ ନେଇ ସୋମବାର ରାଜ୍ୟ ସରକାର ଓ ଏଚ୍‌ଡିଏଫ୍‌ସି ବ୍ୟାଙ୍କ ମଧରେ ବୁଝାମଣାପତ୍ର ସ୍ବାକ୍ଷରିତ ହୋଇଛି।

ରାଜ୍ୟ ସରକାରୀ କର୍ମଚାରୀଙ୍କୁୁ ପୂଜା ଭେଟି: ବଢିଲା ଦୁଇ ପ୍ରତିଶତ ମହଙ୍ଗା ଭତ୍ତା

ରାଜ୍ୟ ସରକାରୀ କର୍ମଚାରୀଙ୍କୁୁ ପୂଜା ଭେଟି: ବଢିଲା ଦୁଇ ପ୍ରତିଶତ ମହଙ୍ଗା ଭତ୍ତା

ଭୁବନେଶ୍ୱର, ୧୫।୧୦(ବ୍ୟୁରୋ): ରାଜ୍ୟ ସରକାରୀ କର୍ମଚାରୀ ଓ ପେନସନ୍‌ଭୋଗୀ ଙ୍କ ପାଇଁ ରାଜ୍ୟ ସରକାର ଦୁଇ ପ୍ରତିଶତ ମହଙ୍ଗା ଭତ୍ତା ବୃଦ୍ଧି କରିଛନ୍ତି।