ମେଟ୍ରୋ |

ଶ୍ରୀକ୍ଷେତ୍ରରେ ରୁଷିଆର ଶୈବ ଭକ୍ତ: ଭାରତ ଭଲ ଦେଶ, ପୁରୀରେ ରହିବାକୁ ଇଚ୍ଛା

ଶ୍ରୀକ୍ଷେତ୍ରରେ ରୁଷିଆର ଶୈବ ଭକ୍ତ: ଭାରତ ଭଲ ଦେଶ, ପୁରୀରେ ରହିବାକୁ ଇଚ୍ଛା

ପୁରୀ ଅଫିସ, ୯।୧୨: ଶାନ୍ତିପ୍ରିୟ ଦେଶ ଭାରତ। ପବିତ୍ରତା ହେଉଛି ଏହାର ମୂଳମନ୍ତ୍ର। ଏଠି ବିଭିନ୍ନତା ମଧ୍ୟର ଏକତା ରହିଛି । ସବୁ ଧର୍ମକୁ ଏଠି ସମ୍ମାନ ମିଳୁଛି। ଶାନ୍ତିରେ ହିଁ ଭାରତରେ ଜୀବନ ଜିଇହେବ। ଏମିତି ଆଶା ଓ ବିଶ୍ୱାସ ନେଇ ଭାରତକୁ ଧାଇଁ ଆସିଛନ୍ତି ରୁଷିଆର ଆନ୍ଦେରୀ ଗ୍ଲାଗୋଲ୍‌ଭ, ଯିଏକି ଜଣେ ଶୈବ ଭକ୍ତ। ନିଜ ଦେଶରେ ଶୈବ ଉପାସନାରେ ବାଧା ଉପୁଜିବାରୁ ସେ ଭାରତ ପଳାଇ ଆସିଛନ୍ତି। ଅଳ୍ପଦିନରେ ଭାରତୀୟ ସଂସ୍କୃତି ଓ ପରମ୍ପରାକୁ ଚିହ୍ନ ପାରିଛନ୍ତି। ଶନିବାର ସିଂହଦ୍ୱାର ବାରିକେଡ ନିକଟରେ ଏହି ବିଦେଶୀ ନାଗରିକଙ୍କୁ ଦେଖିବାକୁ ଲୋକଙ୍କ ଭିଡ଼ ଜମିଥିଲା। ହାତରେ ଗିନି ଧରି ସେ ଏକମନରେ ଭଗବାନଙ୍କ ନାମ ଜପ କରି ଚାଲିଥିଲେ। ମଧ୍ୟାହ୍ନ ସମୟ। ସିଂହଦ୍ୱାର ସମ୍ମୁଖ ବାରିକେଡ ପାର୍ଶ୍ୱରେ ଏକାକୀ ବସିଥାନ୍ତି ଏହି ବିଦେଶୀ ନାଗରିକ। ସମ୍ମୁଖରେ ଥାଏ ଏକ ବ୍ୟାଗ୍‌। ଏହା ଉପରେ ଏକ ଛୋଟ କାଠ ବାକ୍ସ ଭିତରେ ଥିଲା ଆଣ୍ଠୁଆ ଗୋପାଳଙ୍କ ପିତ୍ତଳ ମୂର୍ତ୍ତି ଏବଂ ମହାପ୍ରଭୁଙ୍କ ଚିତ୍ର। ଏଥିସହ ଦାନ ସଂଗ୍ରହ ପାଇଁ ଏକ ପ୍ଲାଷ୍ଟିକ ବାକ୍ସ ବି ରଖିଥିଲେ ବ୍ୟାଗ୍‌ ଉପରେ। କିନ୍ତୁ କାହାକୁ କିଛି ନ କହି ଗିନି ବଜାଇ ଠାକୁରଙ୍କ ନାମ ଜପରେ ମଜ୍ଜି ଯାଇଥିଲେ। କାହିଁକି ଏପରି କରୁଛନ୍ତି ବୋଲି ପ୍ରଶ୍ନରେ ଆନ୍ଦେରୀ ତାଙ୍କ ମନର କଥା ଖୋଲିଥିଲେ। ସେ ହେଉଛନ୍ତି ଜଣେ ଶୈବ ଭକ୍ତ। କିନ୍ତୁ ତାଙ୍କ ଦେଶରେ ଶୈବ ଉପାସନାରେ ବାଧା ଉପୁଜିବାରୁ ସେ ଭାରତ ପଳାଇ ଆସିଛନ୍ତି। ଏଠାରେ ଶରଣାର୍ଥୀ ଭାବେ ରହିବାକୁ ତାଙ୍କର ଇଚ୍ଛା। ଏ ନେଇ ସେ ନୂଆଦିଲ୍ଲୀସ୍ଥିତ ୟୁନାଇଟେଡ ନେସନ୍ସ ହାଇକମିଶନର ଫର୍‌ ରିଫ୍ୟୁଜି ଜରିଆରେ ଆବେଦନ କରିଛନ୍ତି। ଆସନ୍ତା ବର୍ଷ ଜାନୁୟାରୀ ୮ ତାରିଖରେ ତାଙ୍କୁ ହାଇକମିଶନରଙ୍କ ନିକଟରେ ହାଜର ହେବାକୁ ପତ୍ର ମାଧ୍ୟମରେ କୁହାଯାଇଛି। ଯଦି ଅନୁମତି ମିଳେ ତେବେ ସେ ଭାରତରେ ଶରଣାର୍ଥୀ ଭାବେ ରହିପାରିବେ। ଏବେ ସେ ପୁରୀରେ ରହୁଛନ୍ତି। ଆନ୍ଦେରୀ କହିଛନ୍ତି, ମହାପ୍ରଭୁଙ୍କୁ ନାମ ଜପ କରି ସେ ପେଟ ପାଇଁ ଦାନ ଅର୍ଥ ସଂଗ୍ରହ କରୁଛନ୍ତି। ଅର୍ଥ ସମସ୍ତଙ୍କ ପାଇଁ ଦରକାର। ତେଣୁ ଜଗନ୍ନାଥଙ୍କ ଆଗରେ ନାମ ଜପ କରି ଅନ୍ୟଙ୍କଠାରୁ ଦାନ ପାଇବା କୌଣସି ଖରାପ ନୁହେଁ ବୋଲି ସେ କହିଛନ୍ତି। ଏହା ପୂର୍ବରୁ ସେ ଉତ୍ତରପ୍ରଦେଶର ବୃନ୍ଦାବନରେ ଥିଲେ। ସେଠାରୁ ପୁରୀକୁ ଆସିଛନ୍ତି। ପୁରୀ ଷ୍ଟେଶନରେ ରାତି କାଟୁଥିବାବେଳେ ଦାନ ଅର୍ଥରେ ଚଳୁଛନ୍ତି।
ଭାରତ ସମ୍ପର୍କରେ ଆନ୍ଦେରୀ କହିଥିଲେ, ମୁଁ ଭାରତରେ ରହିବାକୁ ଚାହେଁ। ଭାରତ ହେଉଛି ଗୋଟିଏ ଭଲ ଦେଶ। ଏଠାକାର ଲୋକେ ଦୟାଳୁ। ବୃନ୍ଦାବନ କିମ୍ବା ପୁରୀରେ ରହିବାକୁ ମୋର ଇଚ୍ଛା।

All Right Reserved By

Model This Week

Model This Week

ମେଟ୍ରୋ |

୧୯ କ୍ରୀଡା ଶିକ୍ଷକ ପଦ ଖାଲି

ଭୁବନେଶ୍ୱର,୨୬।୪(ବ୍ୟୁରୋ):ରାଜ୍ୟର ସରକାରୀ ମହାବିଦ୍ୟାଳୟମାନଙ୍କରେ ମଞ୍ଜୁରୀପ୍ରାପ୍ତ ୩୪ କ୍ରୀଡା ପ୍ରଶିକ୍ଷକ ପଦବୀ ମଧ୍ୟରୁ ୧୫ଜଣ ପ୍ରଶିକ୍ଷକ ବର୍ତ୍ତମାନ କାର୍ଯ୍ୟରତ ଅଛନ୍ତି। ଅବଶିଷ୍ଟ ୧୯ଟି ପଦବୀ ପୂରଣ ନିମନ୍ତେ କ୍ଷମତାପନ୍ନ କମିଟିର ଅନୁମୋଦନ ଲୋଡାଯାଇଅଛି।

ବାଲିଆପାଳ-ଜାମକୁଣ୍ଡା ରାସ୍ତା ମରଣଯନ୍ତା

ବାଲିଆପାଳ-ଜାମକୁଣ୍ଡା ରାସ୍ତା ମରଣଯନ୍ତା

ବାଲିଆପାଳ, ୨୬।୪(ଡି.ଏନ.ଏ.)-ବାଲିଆପାଳ ଜାମକୁଣ୍ଡାଠାରୁ ଜାମକୁଣ୍ଡା ଲକ ପର୍ଯ୍ୟନ୍ତ ଲମ୍ବିଥିବା ମୁଖ୍ୟରାସ୍ତା ଏବେ ମରଣଯନ୍ତା ପାଲଟିଛି । ଦୀର୍ଘ ୧୫ବର୍ଷ ତଳେ ଏହି ରାସ୍ତାକୁ ସେତେବେଳର ଏମ୍‌ପି ଖାରବେଳ ସ୍ବାଇଁ ନାଲି ଗୋଡି ରାସ୍ତାକୁ ପିଚୁ ରାସ୍ତା କରାଇଥିଲେ । ମାତ୍ର ଦୀର୍ଘ ବର୍ଷ ଧରି ଅବହେଳିତ ହୋଇପଡିବା ପରେ ଜାମକୁଣ୍ଡା ଛକଠାରୁ କିଛି ବାଟ ରାସ୍ତାକାମ କରାଯାଇଛି । ତାହା ମଧ୍ୟ ଖୋଳି ନଷ୍ଟ ହୋଇଗଲାଣି।

ଭୁବନେଶ୍ୱରର ଇମ୍‌ତିଆଜ ହକ୍‌ ‘ମ୍ୟାକ୍ସ ଏମର୍ଜିଂ ଷ୍ଟାର’ ବିଜେତା

ଭୁବନେଶ୍ୱରର ଇମ୍‌ତିଆଜ ହକ୍‌ ‘ମ୍ୟାକ୍ସ ଏମର୍ଜିଂ ଷ୍ଟାର’ ବିଜେତା

ଭୁବନେଶ୍ୱର,୨୬।୪(ବ୍ୟୁରୋ): ଦେଶର ଅଗ୍ରଣୀ ଫ୍ୟାସନ ବ୍ରାଣ୍ଡ ମ୍ୟାକ୍ସ ଫ୍ୟାସନ ପକ୍ଷରୁ ‘ମାକ୍ସ ଏମର୍ଜିଂ ଷ୍ଟାର ୨୦୧୮’ର ଫିନାଲେ ମୁମ୍ବାଇର ମଲାର୍ଡର ଇନଫିନିଟି ମଲ୍‌ରେ ଅନୁଷ୍ଠିତ ହୋଇଯାଇଛି। ଏଥିରେ ଚଳିତ ବର୍ଷର ‘ମିଷ୍ଟର ମ୍ୟାକ୍ସ ଏମର୍ଜିଂ ଷ୍ଟାର’ଭାବେ ଭୁବନେଶ୍ୱରର ଇମ୍‌ତିଆଜ ହକ୍‌ ବିଜେତା ହୋଇଛନ୍ତି। ସେହିଭଳି ‘ମିସ୍‌ ମାକ୍ସ ଏମର୍ଜିଙ୍ଗ ଷ୍ଟାର’ ଭାବେ ଚଣ୍ଡିଗଡର ହରନାଜ କୌର ସାନ୍ଧୁ ବାଜି ମାରିଛନ୍ତି। ଏହି ବିଜେତାମାନେ ଟେରେନ୍ସ ଲୁଇସ୍‌ଙ୍କ ପ୍ରଫେସନାଲ ଟ୍ରେନିଂ ଇଷ୍ଟିଚ୍ୟୁଟରେ ନୃତ୍ୟ ପ୍ରଶିକ୍ଷଣ ଏବଂ ଡବୁ ରତନାନୀଙ୍କ ଦ୍ୱାରା ସେମାନଙ୍କ ପୋର୍ଟଫୋଲିଓ ସୁଟ କରିବାର ସୁଯୋଗ ପାଇବେ।

ବାଇକ୍‌ ଦୁର୍ଘଟଣାରେ ୫ ଗୁରୁତର

ବାଇକ୍‌ ଦୁର୍ଘଟଣାରେ ୫ ଗୁରୁତର

ପୁରୀ ଅଫିସ,୨୬।୪: ପୁରୀ-ବ୍ରହ୍ମଗିରି ଜାତୀୟ ରାଜପଥରେ ବୁଧବାର ଅପରାହ୍ନରେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ଦୁଇ ବାଇକ୍‌ ମୁହାଁମୁହିଁ ଧକ୍କା ହେବା ଫଳରେ ୫ ଜଣ ଗୁରୁତର ଆହତ ହୋଇଛନ୍ତି। ଆହତମାନେ ହେଲେ କଙ୍କଣଦେଇପୁରର ରମେଶ ସାହୁ, ବସନ୍ତ ସାହୁ, କାବୁଲା ଘଟୁଆରୀ, ଗଙ୍ଗାଧର ଘଟୁଆରୀ ଓ ଗୋବିନ୍ଦ ଘଟୁଆରୀ। ସେମାନଙ୍କୁ ଜିଲା ସଦର ଚିକିତ୍ସାଳୟରେ ଭର୍ତ୍ତି କରାଯାଇଛି।

ଲାଞ୍ଚ ନେବାବେଳେ ଧରାପଡିଲେ କନିଷ୍ଠ ଯନ୍ତ୍ରୀ

ଲାଞ୍ଚ ନେବାବେଳେ ଧରାପଡିଲେ କନିଷ୍ଠ ଯନ୍ତ୍ରୀ

ପୁରୀ ଅଫିସ/ସାକ୍ଷୀଗୋପାଳ(ଡି.ଏନ୍‌.ଏ.),୨୬।୪: ପାଇଖାନା ନିର୍ମାଣ ବିଲ୍‌ ପାସ୍‌ ଲାଗି ଲାଞ୍ଚ ନେବା ବେଳେ ସତ୍ୟବାଦୀ ବ୍ଲକ ଗ୍ରାମ୍ୟ ଜଳଯୋଗାଣ ଓ ପରିମଳ କନିଷ୍ଠ ଯନ୍ତ୍ରୀ ସଞ୍ଜୟ ସାହୁ ପୁରୀ ଭିଜିଲାନ୍ସ ହାତରେ ଧରାପଡିଛନ୍ତି। ତାଙ୍କଠାରୁ ୬,୧୦୦ ଲାଞ୍ଚ ଟଙ୍କା ଏବଂ ବହୁ ଗୁରୁତ୍ୱପୂର୍ଣ୍ଣ କାଗଜପତ୍ର ଜବତ କରାଯାଇଛି। ତାଙ୍କୁ ଭୁବନେଶ୍ୱର ଭିଜିଲାନ୍ସ କାର୍ଯ୍ୟାଳୟକୁ ଅଣାଯାଇଛି।

ଚୋରା ମଦ ଜବତ, ୩ ବେପାରୀ ଗିରଫ

ଚୋରା ମଦ ଜବତ, ୩ ବେପାରୀ ଗିରଫ

ନିମାପଡା,୨୬।୪(ଡି.ଏନ୍‌.ଏ.): ନିମାପଡା ଅବକାରୀ ବିଭାଗ ଓ ପୁରୀ ଅବକାରୀ ମୋବାଇଲ ସ୍କ୍ବାର୍ଡ ପକ୍ଷରୁ ଗୁରୁବାର ନିମାପଡା ଓ କାକଟପୁର ଥାନା ଅଞ୍ଚଳର ବିଭିନ୍ନ ସ୍ଥାନରେ ଅତର୍କିତ ଚଢ଼ାଉ କରାଯାଇଥିଲା। ଏଥିରେ ୮୦ ବୋତଲ ଚୋରା ମଦ ଓ ବିଅର ଜବତ କରାଯାଇଛି।

୩ବର୍ଷର ଝିଅକୁ ଚୁଲିରେ ପୋଡି ହତ୍ୟା ଉଦ୍ୟମ: ମା’ ଅଟକ

୩ବର୍ଷର ଝିଅକୁ ଚୁଲିରେ ପୋଡି ହତ୍ୟା ଉଦ୍ୟମ: ମା’ ଅଟକ

ଭୁବନେଶ୍ୱର,୨୬।୪(ବ୍ୟୁରୋ): ନୟାପଲ୍ଲୀ ଥାନା ଅନ୍ତର୍ଗତ ମୁକ୍ତିବିହାରରେ ଗୁରୁବାର ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ୩ ବର୍ଷର ଶିଶୁକନ୍ୟା କାନ୍ଦୁଥିବା ଯୋଗୁ ମା’ ତାକୁ ଚୁଲିରେ ପୁରାଇ ପୋଡି ମାରିଦେବାକୁ ଉଦ୍ୟମ କରିଥିବା ଜଣାପଡିଛି। ଏଥିରେ ଶିଶୁଟି ଶରୀରର ୯୫% ଭାଗ ପୋଡି ଯାଇଛି।

ବାରୁଦ ବିସ୍ଫୋରଣରେ ୨ ଭାଇ ଗୁରୁତର

ବାରୁଦ ବିସ୍ଫୋରଣରେ ୨ ଭାଇ ଗୁରୁତର

ପୁରୀ ଅଫିସ, ୨୬।୪: ପୁରୀ ଜିଲା କୃଷ୍ଣପ୍ରସାଦ ବ୍ଲକ ଅନ୍ତର୍ଗତ ମହିଷା ବ୍ରହ୍ମପୁରରେ ପୁଣି ବାରୁଦ ବିସ୍ଫୋରଣ ଘଟିଛି। ସକାଳେ ଘଟିଥିବା ଏହି ବିସ୍ଫୋରଣରେ ଦୁଇ ଭାଇ ଗୁରୁତର ଆହତ ହୋଇ ସଦର ଚିକିତ୍ସାଳୟରେ ଭର୍ତ୍ତି ହୋଇଥିବା ଜଣାପଡିଛି। ସେମାନେ ହେଲେ ସୁମନ ଭୋଇ ଓ ସମୀର ଭୋଇ। ଉଭୟଙ୍କ ବୟସ ୬ ରୁ ୮ ବର୍ଷ ହେବ ବୋଲି କୁହାଯାଉଛି। ବିସ୍ଫୋରଣରେ ଉଭୟଙ୍କ ଶରୀରର ବିଭିନ୍ନ ଅଂଶ ପୋଡିଯାଇଛି।

ନୃତ୍ୟ ଦିବସରେ ସମ୍ବର୍ଦ୍ଧିତ ହେବେ ୬ ନୃତ୍ୟଗୁରୁ

ନୃତ୍ୟ ଦିବସରେ ସମ୍ବର୍ଦ୍ଧିତ ହେବେ ୬ ନୃତ୍ୟଗୁରୁ

ପୁରୀ ଅଫିସ, ୨୬।୪: ଚଳିତ ମାସ ୨୯ ତାରିଖରେ ବିଶ୍ୱ ନୃତ୍ୟ ଦିବସ। ଏହି ଉପଲକ୍ଷେ ଶ୍ରୀକ୍ଷେତ୍ର ନୃତ୍ୟଶିଳ୍ପୀ ସଂଘ ପକ୍ଷରୁ ଦୁଇ ଦିନ ଧରି କାର୍ଯ୍ୟକ୍ରମ ଅନୁଷ୍ଠିତ ହେବ।

ରାଜ୍ୟସ୍ତରୀୟ ଦକ୍ଷତା ପ୍ରତିଯୋଗିତା: ୨୮ରେ ଉଦ୍‌ଘାଟନ

ରାଜ୍ୟସ୍ତରୀୟ ଦକ୍ଷତା ପ୍ରତିଯୋଗିତା: ୨୮ରେ ଉଦ୍‌ଘାଟନ

ଖୋର୍ଦ୍ଧା ଅଫିସ,୨୬।୪: ଓଡ଼ିଶା ଦକ୍ଷତା ବିକାଶ କର୍ତ୍ତୃପକ୍ଷ(ଓଏସ୍‌ଡିଏ)ଙ୍କ ମାଧ୍ୟମରେ ରାଜ୍ୟସ୍ତରୀୟ ଦକ୍ଷତା ପ୍ରତିଯୋଗିତା ୨୦୧୮ ଆୟୋଜିତ ହେବାକୁ ଯାଉଛିି। ଏହି ଅବସରରେ ରାଜ୍ୟସ୍ତରୀୟ ପ୍ରତିଯୋଗିତା ଏପ୍ରିଲ ୨୯ ଓ ୩୦ ତାରିଖ ଦୁଇ ଦିନ ଧରି ଭୁବନେଶ୍ୱର ୟୁନିଟ ୩ସ୍ଥିତ ଇଡ୍‌କୋ ପ୍ରଦର୍ଶନୀ ପଡିଆରେ ଅନୁଷ୍ଠିତ ହେବ। ଆସନ୍ତା ୨୮ତାରିଖ ସନ୍ଧ୍ୟାରେ କଟକସ୍ଥିତ ଇନ୍‌ଡୋର ଷ୍ଟାଡିୟମରେ ଏହାର ଉଦ୍‌ଘାଟନ ସମାରୋହ ଅନୁଷ୍ଠିତ ହେବ। ଏହାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଦ୍‌ଘାଟନ କରିବେ ବୋଲି ଖୋର୍ଦ୍ଧା ଜିଲାପାଳ ନିର୍ମଳ ଚନ୍ଦ୍ର ମିଶ୍ର ଗୁରୁବାର ଏକ ଖବରଦାତା ସମ୍ମିଳନୀରେ ସୂଚନା ଦେଇଛନ୍ତି।

ରେଡକ୍ରସ ପକ୍ଷରୁ ପ୍ରଶିକ୍ଷଣ ଶିବିର

ରେଡକ୍ରସ ପକ୍ଷରୁ ପ୍ରଶିକ୍ଷଣ ଶିବିର

ପୁରୀ ଅଫିସ,୨୬।୪: ରେଡକ୍ରସର ପୁରୀ ଜିଲା ଶାଖା ପକ୍ଷରୁ ଗୁରୁବାର ଜିଲାପାଳଙ୍କ ସମ୍ମିଳନୀ କକ୍ଷରେ ପ୍ରାଥମିକ ଚିକିତ୍ସା(ଫାଷ୍ଟଏଡ୍‌) ସମ୍ପର୍କିତ ଏକ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି। ଏହି ପ୍ରଶିକ୍ଷଣ ଶିବିରରେ ଅଂଶୁଘାତର ମୁକାବିଲା, ଗୋଡ ହାତ ପୋଡିଗଲେ ଓ ଖେଳୁଥିବା ବେଳେ ଆଘାତ ଲାଗିଲେ କେଉଁଭଳି ପ୍ରାଥମିକ ଚିକିତ୍ସା କରାଯାଇପାରିବ ସେନେଇ ଛାତ୍ରୀଛାତ୍ରମାନଙ୍କୁ ପ୍ରଶିକ୍ଷଣ ଦିଆଯାଇଛି।

ଶଙ୍ଖ ଧରିଲେ ଭାଜପା ନେତା ନୀଳମଣି

ଶଙ୍ଖ ଧରିଲେ ଭାଜପା ନେତା ନୀଳମଣି

ଭୁବନେଶ୍ୱର,୨୬।୪(ବ୍ୟୁରୋ): ଭାଜପା ନେତା ନୀଳମଣି ସାମଲ ଗୁରୁବାର ବିଜେଡିରେ ଯୋଗଦେଇଛନ୍ତି। ୨୦୧୪ରେ ସେ ବରୀ ନିର୍ବାଚନ ମଣ୍ଡଳିରୁ ନିର୍ବାଚନ ଲଢ଼ିଥିଲେ। ଗୁରୁବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉପସ୍ଥିତିରେ ନବୀନ ନିବାସଠାରେ ସେ ବିଧିବଦ୍ଧ ଭାବେ ବିଜେଡିରେ ଯୋଗ ଦେଇଛନ୍ତି।