ମେଟ୍ରୋ |

ଚିନ୍ମୟ ହନୁମତ ମହୋତ୍ସବର ସପ୍ତମ ସନ୍ଧ୍ୟା: ‘ସଫଳତା ପାଇଁ ଅବିରତ ଉଦ୍ୟମ ଲୋଡ଼ା’

ଚିନ୍ମୟ ହନୁମତ ମହୋତ୍ସବର ସପ୍ତମ ସନ୍ଧ୍ୟା: ‘ସଫଳତା ପାଇଁ ଅବିରତ ଉଦ୍ୟମ ଲୋଡ଼ା’
କଟକ ଅଫିସ, ୯।୧୨- ସମସ୍ତେ ଚାହାନ୍ତି ବଡ଼ ଲକ୍ଷ୍ୟ ହାସଲ ଓ ଜୀବନରେ ସଫଳତା ପ୍ରାପ୍ତି। ସେଥିପାଇଁ ନିଜ ଜୀବନର ଦାୟିତ୍ୱ ବହନ କରିବା ଦରକାର। ସଫଳତା ପାଇଁ ଅବିରତ ଉଦ୍ୟମ ଲୋଡ଼ା। ଦାୟିତ୍ୱ ଶେଷ ନ ହେବା ଯାଏ ହଲିବା ଉଚିତ ନୁହେଁ। ନିଜେ ନିଜକୁ ଉଠାଇବା ଦରକାର। ନିଜକୁ କେବେ ପଡ଼ିଯିବାକୁ ଦେବା ନାହିଁ। ଯେକୌଣସି ପରିସ୍ଥିତି ଆସୁ ତାହା ତିକ୍ତ ନୁହେଁ ମଧୁର ହେଉ। ନିଜକୁ ନିଜେ ମାପିବା ବେଳେ କେବେ ନ୍ୟୁନତା ନରହୁ। ମୁଁ ନିଶ୍ଚୟ ପାରିବି ଏପରି ଭାବ ମନ ଭିତରେ ରହୁ। ବାଲିଯାତ୍ରା ପଡ଼ିଆରେ ଚାଲିଥିବା ଚିନ୍ମୟ ହନୁମତ ମହୋତ୍ସବର ସପ୍ତମ ଦିବସ ଶନିବାର ଅପରାହ୍ନରେ ବକ୍ତାଭାବେ ଯୋଗଦେଇ ସ୍ବାମୀ ସ୍ବରୂପାନନ୍ଦ ସରସ୍ବତୀ ବିଦ୍ୟାର୍ଥିମାନଙ୍କୁ ଏହା କହିଥିଲେ। ବିଦ୍ୟାର୍ଥୀମାନେ ନିଜର ଏକ ସ୍ବତନ୍ତ୍ରତା ରଖନ୍ତୁ। କେବେ ବି ନିଜକୁ ଅନ୍ୟ ସହ ତୁଳନା କରନ୍ତୁ ନାହିଁ। ନିଜେ ନିଜ ମନର ଶ୍ରେଷ୍ଠ ବନ୍ଧୁ ବୋଲି ବିବେଚନା କରନ୍ତୁ। ଜଣେ ନିଜ ଭିତରେ ଶୃଙ୍ଖଳା ରଖିଲେ ଉନ୍ନତି ପଥରେ ଆଗେଇବେ। ମନକୁ କେବେ ଚଞ୍ଚଳ ଓ ଚପଳ କରିବେ ନାହିଁ। ତା’ହେଲେ ପ୍ରେରଣା ଅନ୍ତର ଭିତରୁ ଆସିବ। ପ୍ରତ୍ୟେକଙ୍କର ନିର୍ଦ୍ଦିଷ୍ଟ ଲକ୍ଷ୍ୟ ରହିବା ଉଚିତ୍‌। ଚାପମୁକ୍ତ ରହିବା ସଫଳତାର ଗୁପ୍ତ ରହସ୍ୟ ବୋଲି ଗୀତାରେ ଅର୍ଜୁନଙ୍କୁ ଶ୍ରୀକୃଷ୍ଣ କହିଥିଲେ। ଏସବୁ ଗୁଣ ହନୁମାନଜୀଙ୍କ ଠାରେ ରହିଥିଲା। ଏଥିପାଇଁ ପ୍ରତି ବିଦ୍ୟାର୍ଥୀ ନିଜେ ନିଜକୁ ପରୀକ୍ଷା କରନ୍ତୁ। ନିଜର ଲକ୍ଷ୍ୟ ନିଜେ ସ୍ଥିର କରନ୍ତୁ। ଦୀର୍ଘସ୍ଥାୟୀ ଆନନ୍ଦ ପାଇବା ଏବଂ ନିଜର ଉପକାର ସହ ଅନ୍ୟମାନେ ଯେମିତି ଉପକୃତ ହେବେ ସେଥିପ୍ରତି ଦୃଷ୍ଟି ଦେବା ନିଜର ନୀତି ହେବା ଉଚିତ ବୋଲି ସ୍ବାମୀଜୀ କହିଥିଲେ। ଅନ୍ୟତମ ବକ୍ତା ଡ. ଅଚ୍ୟୁତ ସାମନ୍ତ ବିଦ୍ୟାର୍ଥିମାନଙ୍କୁ ଆଧ୍ୟାତ୍ମିକ ଭାବ ନେଇ ଲକ୍ଷ୍ୟପ୍ରାପ୍ତି ଦିଗରେ ଆଗେଇବାକୁ କହିଥିଲେ। ସାଧୁତା, ସଚ୍ଚୋଟତା ସାଙ୍ଗକୁ ଧୌର୍ଯ୍ୟଶକ୍ତି ରହିଲେ ଛାତ୍ରୀଛାତ୍ରମାନେ ଆଗକୁ ବଢ଼ିପାରିବେ। ସେମାନେ ନିଜର ଲକ୍ଷ୍ୟ ସ୍ଥିର ରଖିବେ। ନିଷ୍ଠା ଦ୍ୱାରା ସବୁକିଛି ସମ୍ଭବ। ଭଗବାନଙ୍କ ଆଶୀର୍ବାଦ ପାଇବା ପାଇଁ ନିଷ୍ଠା ରଖିବା ଦରକାର ବୋଲି ଡ. ସାମନ୍ତ କହିଥିଲେ। ସାନ୍ଧ୍ୟ ଅଧିବେଶନରେ ସ୍ବାମୀ ତେଜୋମୟାନନ୍ଦ ସରସ୍ବତୀ କହିଲେ, ବିଭିନ୍ନ ଧର୍ମରେ ଈଶ୍ୱରଙ୍କ ସ୍ବରୂପକୁ ଭିନ୍ନଭିନ୍ନ ଭାବରେ ଉପସ୍ଥାପନ କରାଯାଉଛି। ହେଲେ ଈଶ୍ୱର ଏକ। ଏହି ଅବସରରେ ମହୋତ୍ସବର ଅଭ୍ୟର୍ଥନା କମିଟି ଅଧ୍ୟକ୍ଷ ତଥା ପୁରୀ ଗଜପତି ମହାରାଜା ଦିବ୍ୟସିଂହ ଦେବ, ମହାରାଣୀ ମା’, କମିଟି ଉପାଧ୍ୟକ୍ଷ ଡ. କିଶନଲାଲ ଅଗ୍ରୱାଲଙ୍କୁ ସମ୍ବର୍ଦ୍ଧିତ କରାଯାଇଥିଲା। ଅଭ୍ୟର୍ଥନା କମିଟି ସମ୍ପାଦକ ଲକ୍ଷ୍ମଣ ସାମନ୍ତରାୟ, ଚିନ୍ମୟ ମିଶନ ଓଡ଼ିଶା ମୁଖ୍ୟ ସ୍ବାମୀ ସଦାନନ୍ଦ ସରସ୍ବତୀ, ଚିନ୍ମୟ ମିଶନ ଜାତୀୟ ପ୍ରଶାସନିକ ମୁଖ୍ୟ ସ୍ବାମୀ ସ୍ବରୂପାନନ୍ଦଙ୍କ ସମେତ ବହୁ ସାଧୁ ଉପସ୍ଥିତ ଥିଲେ। କମିଟି ସହସମ୍ପାଦକ ସଂଗ୍ରାମ କେଶରୀ କରଣ, ରଣଜିତ୍‌ ରାଉତ, ରାଜକିଶୋର ସ୍ବାଇଁ, ମହେଶ୍ୱର ସାହୁ, ପୂର୍ଣ୍ଣଚନ୍ଦ୍ର ଦ୍ୱିବେଦୀ ଓ ନୀହାର ରଞ୍ଜନ ରାୟ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।
All Right Reserved By

ମେଟ୍ରୋ |

ଶ୍ରୀକାନ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ପିସିସିର ତତ୍ପରତା: ବସିଲା ଶୃଙ୍ଖଳା କମିଟି ବୈଠକ

ଶ୍ରୀକାନ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ପିସିସିର ତତ୍ପରତା: ବସିଲା ଶୃଙ୍ଖଳା କମିଟି ବୈଠକ

ଭୁବନେଶ୍ୱର,୧୨।୧୨(ବ୍ୟୁରୋ)- ସଦ୍ୟ ଘୋଷିତ ୫ଟି ରାଜ୍ୟ ବିଧାନସଭା ନିର୍ବାଚନ ଫଳାଫଳ କଂଗ୍ରେସ ପାଇଁ ଖୁସି ଖବର ଆଣିଛି। ୩ ପ୍ରମୁଖ ରାଜ୍ୟରେ ସବୁ ବର୍ଗର ନେତାଙ୍କ ସମନ୍ବୟ ଦଳ ପାଇଁ ବିଜୟ ଆଣିଛି। 

ଏଏପି ନେତା,କର୍ମୀ ବିଜେଡିରେ ସାମିଲ

ଏଏପି ନେତା,କର୍ମୀ ବିଜେଡିରେ ସାମିଲ

ଭୁବନେଶ୍ୱର,୧୨।୧୨(ବ୍ୟୁରୋ)- ଆମ୍‌ ଆଦମୀ ପାର୍ଟି(ଏଏପି) ରାଜ୍ୟ ସାଧାରଣ ସମ୍ପାଦକ ନନ୍ଦଲାଲ ସିଂହ, ମୁଖପାତ୍ର ଭରଦ୍ୱାଜ ମିଶ୍ର, ଯୁବ ସଭାପତି ସୁବ୍ରତ ଛାଟୋଇ, ଛାତ୍ର ସଭାପତି ଜ୍ୟୋତି ରଞ୍ଜନ ମହାନ୍ତି ଏବଂ ବଲାଙ୍ଗୀର ଜିଲ୍ଲା ସଂଯୋଜକ ଅଜୟ ଦାସ ବୁଧବାର ବିଜେଡିରେ ସାମିଲ ହୋଇଛନ୍ତି।  ବିଜେଡି ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉପସ୍ଥିତିରେ ଦଳୀୟ କାର୍ଯ୍ୟାଳୟରେ ଉପରୋକ୍ତ ବ୍ୟକ୍ତି ବିଶେଷମାନେ ବିଜେଡିରେ ସାମିଲ ହୋଇଛନ୍ତି। 

ପୁଣି କମିଲା ବସ ଭଡ଼ା

ପୁଣି କମିଲା ବସ ଭଡ଼ା

ଭୁବନେଶ୍ୱର, ୧୨।୧୨: ପୁଣି କମିଲା ବସ ଭଡ଼ା। ଡିଜେଲ ଦର କମିବାରୁ ରାଜ୍ୟରେ ବସ ଭଡ଼ା କମିଛି। ସାଧାରଣ ବସ ଭଡ଼ା କିଲୋମିଟର୍‌ ପିଛା ମାତ୍ର ୨ ପଇସା କମିଛି। 

ଭିଜିଲାନ୍ସ ଜାଲରେ ଦଣ୍ଡିପୁର ସେବା ସମବାୟ ସମିତି ସମ୍ପାଦକ

ଭିଜିଲାନ୍ସ ଜାଲରେ ଦଣ୍ଡିପୁର ସେବା ସମବାୟ ସମିତି ସମ୍ପାଦକ

ନିମାପଡ଼ା,୧୨।୧୨(ଡି.ଏନ୍‌.ଏ.): ପୁରୀ ଜିଲା ନିମାପଡ଼ା ବ୍ଲକ ଅନ୍ତର୍ଗତ ବଳଙ୍ଗା ଦଣ୍ଡିପୁର ସେବା ସମବାୟ ସମିତି ସମ୍ପାଦକ ଲାଞ୍ଚ ନେଉଥିବାବେଳେ ବୁଧବାର ଭିଜିଲାନ୍ସ ହାତରେ ଧରାପଡ଼ିଛନ୍ତି।

ରମାବିଲିରେ ହାତୀ ଉପଦ୍ରବ : ୫ ମାଣ ଫସଲ ନଷ୍ଟ

ରମାବିଲିରେ ହାତୀ ଉପଦ୍ରବ : ୫ ମାଣ ଫସଲ ନଷ୍ଟ

ଖୋର୍ଦ୍ଧା ଅଫିସ,୧୨ା୧୨: ଖୋର୍ଦ୍ଧା ଜିଲା ଟାଙ୍ଗୀ ରେଞ୍ଜ୍‌ ଅଧୀନ ରମାବିଲିଠାରେ ହାତୀ ଉପଦ୍ରବ ଲାଗି ରହିଛି। 

୫ଲକ୍ଷ ନୂଆ ହିତାଧିକାରୀଙ୍କୁ ମିଳିବ ମଧୁବାବୁ ପେନ୍‌ସନ, ୪୦ହଜାର କଳାକାରଙ୍କୁ ଭତ୍ତା: ମୁଖ୍ୟମନ୍ତ୍ରୀ

୫ଲକ୍ଷ ନୂଆ ହିତାଧିକାରୀଙ୍କୁ ମିଳିବ ମଧୁବାବୁ ପେନ୍‌ସନ, ୪୦ହଜାର କଳାକାରଙ୍କୁ ଭତ୍ତା: ମୁଖ୍ୟମନ୍ତ୍ରୀ

ଭୁବନେଶ୍ୱର,୧୨।୧୨(ବ୍ୟୁରୋ): ମଧୁବାବୁ ପେନ୍‌ସନ ଯୋଜନାରୁ କେହି ଯୋଗ୍ୟ ହିତାଧିକାରୀ ବଞ୍ଚିତ ହେବେ ନାହିଁ। ଆସନ୍ତା ୧୫ରୁ ଏହି ଯୋଜନାରେ ରାଜ୍ୟରେ ୫ ଲକ୍ଷ ନୂଆ ହିତାଧିକାରୀଙ୍କୁ ସାମିଲ କରାଯିବ। ସେହିଭଳି ମୁଖ୍ୟମନ୍ତ୍ରୀ କଳାକାର ସହାୟତା ଯୋଜନାରେ ହିତାଧିକାରୀମାନଙ୍କୁ ମାସିକ ୧୨ ଶହ ଟଙ୍କା ସହାୟତା ପ୍ରଦାନ କରାଯିବ। 

କଂଗ୍ରେସ କ୍ଷମତାକୁ ଆସିଲେ ଓଡ଼ିଶାର ଚାଷୀଙ୍କୁ ୫ ବର୍ଷ ଧରି ମିଳିବ ଆର୍ଥିକ ସହାୟତା: ନିରଞ୍ଜନ

କଂଗ୍ରେସ କ୍ଷମତାକୁ ଆସିଲେ ଓଡ଼ିଶାର ଚାଷୀଙ୍କୁ ୫ ବର୍ଷ ଧରି ମିଳିବ ଆର୍ଥିକ ସହାୟତା: ନିରଞ୍ଜନ

ଭୁବନେଶ୍ୱର,୧୨।୧୨(ବ୍ୟୁରୋ): କେନ୍ଦ୍ର ସରକାରଙ୍କ ଚାଷୀ ମାରଣ ନୀତି ଯୋଗୁ ଦେଶବାସୀ ଭାଜପାକୁ ପ୍ରତ୍ୟାଖ୍ୟାନ କରିଛନ୍ତି। ମଙ୍ଗଳବାର ୫ଟି ରାଜ୍ୟର ବିଧାନସଭା ଫଳାଫଳ ଏହାକୁ ପ୍ରମାଣିତ କରୁଛି। ତେବେ ଓଡ଼ିଶାରେ ମଧ୍ୟ ଚାଷୀଙ୍କ ସମସ୍ୟା କମ୍‌ ନୁହେଁ। ରାଜ୍ୟର ଚାଷୀମାନେ ଗୁରୁତର ଆର୍ଥିକ ସମସ୍ୟା ଦେଇ ଗତି କରୁଥିବା ବେଳେ ବାରମ୍ବାର ଚାଷୀ ଆତ୍ମହତ୍ୟା ଭଳି ଘଟଣା ଘଟୁଛି।

ଗଣିଆ ଗଲା ୩ ରଥ ଚକ

ଗଣିଆ ଗଲା ୩ ରଥ ଚକ

ପୁରୀ ଅଫିସ, ୧୨ା୧୨: ବଡ଼ଠାକୁର ବଳଭଦ୍ର, ଦେବୀ ସୁଭଦ୍ରା ଏବଂ ମହାପ୍ରଭୁ ଶ୍ରୀଜଗନ୍ନାଥଙ୍କ ବିରାଜିତ ତିନି ରଥର ୩ଟି ଚକ ବୁଧବାର ନୟାଗଡ଼ ଜିଲା ଗଣିଆକୁ ଯାଇଛି। ଏକ ବର୍ଣ୍ଣାଢ୍ୟ ସଂକୀର୍ତ୍ତନ ଶୋଭାଯାତ୍ରାରେ ଗଣିଆବାସୀ ରଥ ଚକକୁ ସାଥୀରେ ନେଇ ଯାଇଛନ୍ତି। ଗଣିଆସ୍ଥିତ ଶ୍ରୀରଘୁନାଥଜୀଉ ମନ୍ଦିର ପ୍ରାଙ୍ଗଣରେ ଏହି ରଥଚକ ସ୍ଥାପନ କରାଯିବ ବୋଲି ମନୋରଞ୍ଜନ ଦାଶ ସୂଚନା ଦେଇଛନ୍ତି । 

ବାଲୁକା କଳାରେ କପିଲ-ଗିନ୍ନିଙ୍କୁ ସୁଦର୍ଶନଙ୍କ ଶୁଭେଚ୍ଛା

ବାଲୁକା କଳାରେ କପିଲ-ଗିନ୍ନିଙ୍କୁ ସୁଦର୍ଶନଙ୍କ ଶୁଭେଚ୍ଛା

ପୁରୀ ଅଫିସ,୧୨।୧୨: ବିବାହ କରିବାକୁ ଯାଉଛନ୍ତି କମେଡି କିଙ୍ଗ କପିଲ ଶର୍ମା। ଆଜି ପଞ୍ଜାବର ଜଳନ୍ଧରଠାରେ ହିନ୍ଦୁ ଧର୍ମାନୁଯାୟୀ ଏହି ବିବାହ ଅନୁଷ୍ଠିତ ହେବ। ଏହାକୁ ନେଇ କପିଲଙ୍କୁ ଦେଶବିଦେଶର ପ୍ରଶଂସକଙ୍କଠାରୁ ଅଭିନନ୍ଦନ ମିଳୁଥିବା ଦେଖାଯାଉଛି। ଏହି କ୍ରମରେ ବାଲୁକା ଶିଳ୍ପୀ ସୁଦର୍ଶନ ପଟ୍ଟନାୟକ ନିଜର ବାଲୁକାକଳା ମାଧ୍ୟମରେ କପିଲ-ଗିନ୍ନିଙ୍କୁ ବିବାହର ଶୁଭେଚ୍ଛା ଜଣାଇଛନ୍ତି। 

ରାଜ୍ୟ ଚାଷୀଙ୍କ ସମସ୍ୟା ବିଜେଡି ପାଇଁ ମହଙ୍ଗା ପଡିବ: ଭାଜପା

ରାଜ୍ୟ ଚାଷୀଙ୍କ ସମସ୍ୟା ବିଜେଡି ପାଇଁ ମହଙ୍ଗା ପଡିବ: ଭାଜପା

ଭୁବନେଶ୍ୱର, ୧୨।୧୨(ବ୍ୟୁରୋ): କଂଗ୍ରେସକୁ ଅଭିନନ୍ଦନ ଜଣାଇବା ଆଳରେ ଭାଜପାକୁ ଗାଳିଦେବା ପାଇଁ ଯେଉଁ କୃଷକ ପ୍ରସଙ୍ଗ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଠାଇଛନ୍ତି ଏହା ଆଗାମୀ ଦିନରେ ତାଙ୍କୁ ମହଙ୍ଗା ପଡିବ। 

୫ରାଜ୍ୟର ଫଳାଫଳ,  ଓଡ଼ିଶାକୁ ନେଇ ଚର୍ଚ୍ଚା

୫ରାଜ୍ୟର ଫଳାଫଳ, ଓଡ଼ିଶାକୁ ନେଇ ଚର୍ଚ୍ଚା

ଭୁବନେଶ୍ୱର, ୧୨।୧୨(ବ୍ୟୁରୋ): ରାଜସ୍ଥାନ, ମଧ୍ୟପ୍ରଦେଶ ଓ ଛତିଶଗଡରେ କଂଗ୍ରେସ ସରକାର ଗଠନ କରିବାକୁ ଯାଉଛି। ତେଲେଙ୍ଗାନାରେ ତେଲେଙ୍ଗାନା ରାଷ୍ଟ୍ର ସମିତି(ଟିଆର୍‌ଏସ୍‌) କ୍ଷମତା ବଜାୟ ରଖିଛି। ସେହିପରି ମିଜୋରମରେ ମିଜୋ ନ୍ୟାସ୍‌ନାଲ ଫ୍ରଣ୍ଟ(ଏମ୍‌ଏନ୍‌ଏଫ) କଂଗ୍ରେସକୁ ପରାଜିତ କରି ସରକାର ଗଠନ କରିବାକୁ ଯାଉଛି। 

ଓଡ଼ିଶାରୁ ପଟ୍ଟନାୟକ ପରିବାର ହାତରୁ କ୍ଷମତା ଯିବ, ୯୪ ପ୍ରତିଶତଙ୍କୁ କ୍ଷମତା ମିଳିବ : ଶ୍ରୀକାନ୍ତ

ଓଡ଼ିଶାରୁ ପଟ୍ଟନାୟକ ପରିବାର ହାତରୁ କ୍ଷମତା ଯିବ, ୯୪ ପ୍ରତିଶତଙ୍କୁ କ୍ଷମତା ମିଳିବ : ଶ୍ରୀକାନ୍ତ

ଭୁବନେଶ୍ୱର,୧୨।୧୨(ବ୍ୟୁରୋ)-ଓଡ଼ିଶାରୁ ପଟ୍ଟନାୟକ ପରିବାର ହାତରୁ ଶାସନରୁ କ୍ଷମତା ଯିବ। ରାଜ୍ୟର ୯୪ ପ୍ରତିଶତ (ଏସ୍‌ସି,ଏସ୍‌ଟି,ଓବିସି,ସଂଖ୍ୟାଘୁ)ଙ୍କ ପାଖକୁ  କ୍ଷମତା ଆସିବ । ଛତିଶଗଡ଼ରେ ଯେପରି ଓବିସି,ଏସ୍‌ସି,ଏସ୍‌ଟି ଭୋଟ କଂଗ୍ରେସକୁ କ୍ଷମତାସୀନ କରିଲା, ଓଡ଼ିଶାରେ ତା’ର ପୁନରାବୃତ୍ତି ହେବ।