ରାଜ୍ୟ |

କାର୍ଯ୍ୟାଳୟରେ ପଶି ତହସିଲଦାରଙ୍କୁ ମାଡ଼

କାର୍ଯ୍ୟାଳୟରେ ପଶି ତହସିଲଦାରଙ୍କୁ ମାଡ଼
ପୁରୀ ଅଫିସ/କଣାସ(ଡି.ଏନ୍‌.ଏ.) ୯।୧୨: ପୁରୀ ଜିଲା କଣାସ ତହସିଲ କାର୍ଯ୍ୟାଳୟରେ ଘଟିଛି ଅଭାବନୀୟ ଘଟଣା। ୨ ଯୁବକ ତହସିଲ କାର୍ଯ୍ୟାଳୟରେ ପଶି ତହସିଲଦାର ଏବଂ ଅତିରିକ୍ତ ତହସିଲଦାରଙ୍କୁ ଧସ୍ତାଧସ୍ତି କରିବା ସହିତ ମାଡ଼ ମାରିଛନ୍ତି। ପୂର୍ବ ରାଗକୁ କେନ୍ଦ୍ର କରି ଏହି ଘଟଣା ଘଟିଥିବା କୁହାଯାଉଛି। ଉକ୍ତ ଯୁବକଙ୍କ ମାଡ଼ରେ ତହସିଲର ୨ ଅଧିକାରୀ ଏବଂ ୩ କର୍ମଚାରୀ ଗୁରୁତର ହୋଇଛନ୍ତି। ତହସିଲ କର୍ମଚାରୀମାନେ ୨ଯୁବକଙ୍କୁ କାବୁ କରି କଣାସ ଥାନା ପୋଲିସକୁ ହସ୍ତାନ୍ତର କରିଛନ୍ତି। ପୋଲିସ ସେମାନଙ୍କୁ ଗିରଫ କରିଛି। ସେମାନେ ହେଲେ କଣାସ ପଞ୍ଚାୟତ ଅନ୍ତର୍ଗତ ଚାନ୍ଦପଡା ଗ୍ରାମର ନୀଳକଣ୍ଠ ବଡ଼ଜେନା ଏବଂ ବାବୁଲି ଓରଫ ପ୍ରମୋଦ ପାତ୍ର। ଅନ୍ୟପକ୍ଷରେ ଏହି ଘଟଣାକୁ ଓଡିଶା ପ୍ରଶାସନିକ ସେବା ସଂଘ (ଓଏଏସ୍‌) ପୁରୀ ଶାଖା ତୀବ୍ର ନିନ୍ଦା କରିଛି। ଦ୍ୱିତୀୟ ଶନିବାର ସତ୍ତ୍ବେ କଣାସ ତହସିଲ କାର୍ଯ୍ୟାଳୟ ଖୋଲା ରହିଥିଲା। ଲଗାଣ ବର୍ଷା ଜନିତ କ୍ଷୟକ୍ଷତି ଅନୁଧ୍ୟାନ କାର୍ଯ୍ୟ ପାଇଁ ତହସିଲଦାର ଓ କର୍ମଚାରୀମାନେ ଉପସ୍ଥିତ ରହି କାର୍ଯ୍ୟ କରୁଥିଲେ। ମଧ୍ୟାହ୍ନ ପ୍ରାୟ ୧୨ଟା ବେଳେ କଣାସ ପଞ୍ଚାୟତ ଅନ୍ତର୍ଗତ ଚାନ୍ଦପଡା ଗ୍ରାମର ନୀଳକଣ୍ଠ ଏବଂ ବାବୁଲି ତହସିଲ କାର୍ଯ୍ୟାଳୟକୁ ଯାଇଥିଲେ। ଅତିରିକ୍ତ ତହସିଲଦାର ସହଦେବ ସାହୁ କାର୍ଯ୍ୟାଳୟରୁ ଏଟିଏମ୍‌କୁ ଯିବାକୁ ବାହାରୁଥିଲେ। ଏହି ସମୟରେ ତାଙ୍କ ସହିତ ଉକ୍ତ ଯୁବକ ଦ୍ୱୟ ଯୁକ୍ତିତର୍କ କରିବା ସହ ଧସ୍ତାଧସ୍ତି କରି ମାଡ ମାରିଥିଲେ। ତହସିଲଦାର ସଞ୍ଜୟ କୁମାର ପ୍ରତିହାରୀ ତାଙ୍କ କ୍ବାର୍ଟରରେ ଥିଲେ। ଖବର ପାଇ ସଙ୍ଗେ ସଙ୍ଗେ ଅଫିସକୁ ଆସିଥିଲେ। ଯୁବକ ଦ୍ୱୟ ତହସିଲଦାରଙ୍କୁ ମଧ୍ୟ ଧସ୍ତାଧସ୍ତି କରିବା ସହିତ ମାଡ ମାରିଥିଲେ। ତହସିଲର ରେଭିନ୍ୟୁ ସୁପରଭାଇଜର ରବୀନ୍ଦ୍ର ଜେନା, କିରାଣି ଜିତେନ୍ଦ୍ର ଛାଟୋଇ ଏବଂ ଶ୍ରୀଧର ବେହେରାଙ୍କୁ ମଧ୍ୟ ନିସ୍ତୁକ ମାଡ଼ ମାରିଥିଲେ। ଅନ୍ୟପକ୍ଷରେ କଣାସ ତହସିଲ କାର୍ଯ୍ୟାଳୟରେ ଲାଗିଥିବା ସିସିଟିଭି ଫୁଟେଜର କିଛି ଅଂଶ ଗଣମାଧ୍ୟମର ହସ୍ତଗତ ହୋଇଛି। ସେଥିରେ ତହସିଲ କର୍ମଚାରୀ ବି ଉକ୍ତ ଯୁବକଙ୍କୁ ମାଡ ମାରୁଥିବାର ଦୃଶ୍ୟ ରହିଛି। ଅତିରିକ୍ତ ତହସିଲଦାର ସାହୁଙ୍କ ଅଭିଯୋଗକୁ ଭିତ୍ତି କରି କଣାସ ଥାନାରେ ଏକ ମାମଲା ରୁଜୁ ହୋଇଛି। ୪୫୨, ୩୪୧, ୩୩୨, ୩୫୩, ୨୯୪, ୫୦୬, ୩୪ ଦଫା ଏବଂ ୭ ସିଆରଏଲ ଆକ୍ଟ ବଳରେ କେସ (ନଂ. ୧୪୨/୨୦୧୭) ରୁଜୁ ହୋଇଛି। ଏ ସମ୍ପର୍କରେ କଣାସ ଥାନା ଅଧିକାରୀ ରଞ୍ଜନ ପ୍ରଧାନ କୁହନ୍ତି, ଡେଲାଙ୍ଗ-କଣାସ ରାସ୍ତାର ଚାନ୍ଦପଡା ଛକ ନିକଟରେ ନୀଳକଣ୍ଠ ଜେନାଙ୍କ ଏକ ଘର ନିର୍ମାଣାଧୀନ ଅବସ୍ଥାରେ ରହିଛି। ଜମିର କିସମ ପରିବର୍ତ୍ତନ ନ କରି ଘର ନିର୍ମାଣ ଓ ବେଆଇନ ଭାବେ ପଥର ଆଣୁଥିବାରୁ ତହସିଲଦାର ତାଙ୍କୁ ତାଗିଦ୍‌ କରିଥିଲେ। ଏଥିଲାଗି ସେମାନେ ତହସିଲ କାର୍ଯ୍ୟାଳୟକୁ ଯାଇ ଏଭଳି ଗଣ୍ଡଗୋଳ କରିଥିବା ପ୍ରାଥମିକ ଅନୁସନ୍ଧାନରୁ ଅନୁମାନ କରାଯାଉଛି। ଅନ୍ୟପକ୍ଷରେ ନୀଳକଣ୍ଠଙ୍କ ମା’ କୁନି ବଡଜେନା ଅଭିଯୋଗ କରିଛନ୍ତି ଯେ, ପଥର ଗାଡିକୁ ଅଟକାଇ ତହସିଲଦାର ୩୦ହଜାର ଟଙ୍କା ମାଗିଥିବାରୁ ମୋ ପୁଅ ପଚାରିବାକୁ ଯାଇଥିଲା। ତାଙ୍କୁ ମିଥ୍ୟା କେସରେ ଫସାଇ ଦିଆଯାଇଥିବା ସେ ଅଭିଯୋଗ କରିଛନ୍ତି। ତହସିଲଦାର ସଞ୍ଜୟ ପ୍ରତିହାରୀ କହିଛନ୍ତି, କିସମ ପରିବର୍ତ୍ତନ ଏବଂ ପଥର ଗାଡିଠାରୁ ଟଙ୍କା ଆଦାୟ ଅଭିଯୋଗ ସମ୍ପୂର୍ଣ୍ଣ ମିଥ୍ୟା। ୨୦୧୬ ଜୁନ ମାସରେ ତହସିଲ କାର୍ଯ୍ୟାଳୟ ନିକଟରେ ଏକ ଜମିରେ ମହିଳା ସମିତି ଘର ନିର୍ମାଣ କରିବା ପାଇଁ ମାଟିପୋତା ଚାଲିଥିଲା। ଏହାକୁ ନେଇ ସେଠାରେ ଗଣ୍ଡଗୋଳ ହୋଇଥିଲା। ତାଙ୍କୁ ଦୁର୍ବ୍ୟବହାର କରିଥିବା ନେଇ କଣାସ ଥାନାରେ ଜୁନ ୨୮ରେ ଏକ କେସ (ନଂ. ୭୯/୨୦୧୬) ରୁଜୁ ହୋଇଥିଲା। ଏଥିରେ କଣାସ ବ୍ଲକର ଆତ୍ମା ଅଧ୍ୟକ୍ଷ ଭଗବାନ ସୁବୁଦ୍ଧି ଓ ପ୍ରମୋଦ ପାତ୍ର ଗିରଫ ହୋଇଥିଲେ। ପୂର୍ବ ରାଗକୁ କେନ୍ଦ୍ର କରି ଏହି ଘଟଣା ଘଟିଛି। କଣାସ ଅଞ୍ଚଳରେ ତହସିଲ କର୍ମଚାରୀଙ୍କ ପ୍ରତି ଆକ୍ରମଣ ବୃଦ୍ଧି ପାଇବାରେ ଲାଗିଛି। କଣାସ ଥାନା ଅନ୍ତର୍ଗତ ହଳଦିଆପଡା ଗ୍ରାମକୁ ନଭେମ୍ବର ୧୯ରେ ଫସଲ କ୍ଷୟକ୍ଷତିର ଆକଳନ କରିବାକୁ ଗଡ଼ ସାନପୁଟ ଆରଆଇ ବିଷ୍ଣୁଚରଣ ମହାପାତ୍ର ଯାଇଥିଲେ। ଏହି ସମୟରେ ହଳଦିଆପଡା ଗ୍ରାମର ଶ୍ରୀକାନ୍ତ ପରିଡା ତାଙ୍କୁ ଗାଳିଗୁଲଜ କରିବା ସହିତ ମାଡ ମାରିଥିବା ଅଭିଯୋଗ ହୋଇଥିଲା। ପୋଲିସ ଅଭିଯୁକ୍ତ ଶ୍ରୀକାନ୍ତଙ୍କୁ ଗିରଫ କରିଥିଲା। ସେହିପରି ଏହାର କିଛି ଦିନ ପୂର୍ବରୁ ଏହି ତହସିଲର ଜଣେ ମହିଳା ରାଜସ୍ବ ନିରୀକ୍ଷକଙ୍କୁ କେତେଜଣ ଯୁବକ ମାଡ଼ ମାରିଥିବା ଅଭିଯୋଗ ହୋଇଥିଲା।
All Right Reserved By

ରାଜ୍ୟ |

ଶିଳ୍ପ ସଚିବଙ୍କ ଘରୁ ଚୋରି ଘଟଣା: ମୁଖ୍ୟ ଅଭିଯୁକ୍ତ ଗିରଫ

ଶିଳ୍ପ ସଚିବଙ୍କ ଘରୁ ଚୋରି ଘଟଣା: ମୁଖ୍ୟ ଅଭିଯୁକ୍ତ ଗିରଫ

ଭୁବନେଶ୍ୱର,୧୦ା୧୨ (ବ୍ୟୁରୋ)- ନୟାପଲ୍ଲୀ ଥାନା ଅନ୍ତର୍ଗତ ୟୁନିଟ୍‌-୮ ଗୋପବନ୍ଧୁ ଛକ ତାରିଣୀ ମନ୍ଦିର ନିକଟରେ ରହୁଥିବା ରାଜ୍ୟ ଶିଳ୍ପ ବିଭାଗର ସଚିବ ପ୍ରଣବଜ୍ୟୋତି ନାଥଙ୍କ ଘରୁ ଚୋରି ଘଟଣାରେ ୩ଜଣ ଧରାପଡିଛନ୍ତି। ନୟାପଲ୍ଲୀ ଥାନା ପୋଲିସ ଓ ସ୍ପେଶାଲ ସ୍କ୍ବାଡ୍‌ ଟିମ୍‌ ସ୍ଥାନୀୟ ଅଞ୍ଚଳରେ ଚଢ଼ାଉ କରି ମୁଖ୍ୟ ଅଭିଯୁକ୍ତ ଆଦିତ୍ୟ ପ୍ରସାଦ ସାହୁଙ୍କୁ ଗିରଫ କରିବା ସହ ଦୁଇଜଣ ନାବାଳକଙ୍କୁ ଧରିଛି। 

ଟ୍ବିନ୍‌ ସିଟିରେ ଆରମ୍ଭ ହେଲା ଇ-ଚାଲାଣ, ବାଟ ମାରଣାକୁ ରୋକି ହେବ:ଡିଜିପି

ଟ୍ବିନ୍‌ ସିଟିରେ ଆରମ୍ଭ ହେଲା ଇ-ଚାଲାଣ, ବାଟ ମାରଣାକୁ ରୋକି ହେବ:ଡିଜିପି

ଭୁବନେଶ୍ୱର,୧୦ା୧୨ (ବ୍ୟୁରୋ): ବହୁ ପ୍ରତୀକ୍ଷା ପରେ କମିଶନରେଟ ପୋଲିସରେ ଇ-ଚାଲାଣ ବ୍ୟବସ୍ଥା ସୋମବାରଠାରୁ ଆରମ୍ଭ ହୋଇଛି। ପୋଲିସ ଡିଜି ଡା.ରାଜେନ୍ଦ୍ର ପ୍ରସାଦ ଶର୍ମା କମିଶନରେଟ ମୁଖ୍ୟାଳୟରେ ଏହି କାର୍ଯ୍ୟକ୍ରମକୁ ଶୁଭାରମ୍ଭ କରିଛନ୍ତି।

ପାକିସ୍ତାନ ହାଇକମିଶନରଙ୍କ ସୂର୍ଯ୍ୟମନ୍ଦିର ପରିଦର୍ଶନ

ପାକିସ୍ତାନ ହାଇକମିଶନରଙ୍କ ସୂର୍ଯ୍ୟମନ୍ଦିର ପରିଦର୍ଶନ

କୋଣାର୍କ, ୧୦.୧୨(ଡି.ଏନ.ଏ)-ପାକିସ୍ତାନ ହାଇକମିଶନର ସୋହେଲ ମେହେମୁଦ୍‌ ସୋମବାର ଅପରାହ୍ନରେ କୋଣାର୍କ ସୂର୍ଯ୍ୟମନ୍ଦିର ପରିଦର୍ଶନ କରିଛନ୍ତି ା ହାଇ କମିଶନର  ମେହେମୁଦ୍‌ ସୂର୍ଯ୍ୟମନ୍ଦିର ମୁଖ୍ୟ ଫାଟକ ସମ୍ମୁଖରେ ପହଞ୍ଚତ୍ବାପରେ ପର୍ଯ୍ୟଟନ ଅଧିକାରୀ  ସରୋଜକାନ୍ତ ପ୍ରଧାନ ଓ କୋଣାର୍କ ଥାନାଧିକାରୀ ସଞ୍ଜୀବ କୁମାର ପ୍ରଧାନ ତାଙ୍କୁ ସ୍ବାଗତ ସମ୍ବର୍ଦ୍ଧନା ପ୍ରଦାନ କରି ମନ୍ଦିର ଭିତରକୁ ପାଛୋଟି ନେଇଥିଲେ।

ପ୍ରଧାନମନ୍ତ୍ରୀ ଫସଲ ବୀମାକୁ ନେଇ ଅସନ୍ତୋଷ: ନ୍ୟାୟାଳୟର ଦ୍ୱାରସ୍ଥ ହେବାକୁ ଏମ୍‌ପିଙ୍କ ଚେତାବନୀ

ପ୍ରଧାନମନ୍ତ୍ରୀ ଫସଲ ବୀମାକୁ ନେଇ ଅସନ୍ତୋଷ: ନ୍ୟାୟାଳୟର ଦ୍ୱାରସ୍ଥ ହେବାକୁ ଏମ୍‌ପିଙ୍କ ଚେତାବନୀ

ଅମରପାଲି, ୧୦।୧୨ (ଡି.ଏନ.ଏ.): ବଲାଙ୍ଗୀର ଏମ୍‌ପି କଲିକେଶ ନାରାୟଣ ସିଂଦେଓ ବୀରମହାରାଜପୁର ନିର୍ବାଚନ ମଣ୍ଡଳୀ ଅନ୍ତର୍ଗତ ଲୁତୁରପଙ୍କ ଗ୍ରାମ ପଞ୍ଚାୟତର ସଦରଠାରେ ପଥପ୍ରାନ୍ତ ସଭା କରିଛନ୍ତି। ସେ ଗ୍ରାମବାସୀଙ୍କ ସହିତ ସାମ୍ପ୍ରତିକ ଖରିଫ ଚାଷ, ଗତବର୍ଷ ପ୍ରଧାନମନ୍ତ୍ରୀ ଫସଲବୀମା ଯୋଜନା ପରିଚାଳନା, ଗ୍ରାମବାସୀଙ୍କ ସୁବିଧା ଅସୁବିଧା ସମ୍ପର୍କରେ ଆଲୋଚନା କରିଥିଲେ। ଚାଷ ଜମିକୁ ଜଳସେଚନ ପାଇଁ ମେଗାଲିଫ୍ଟର କିଭଳି ବ୍ୟବସ୍ଥା ହୋଇପାରିବ ସେ ନେଇ ବିଭାଗୀୟ ଏସଡିଓଙ୍କୁ ଉକ୍ତ ଅଞ୍ଚଳକୁ ଆସି ସର୍ଭେ କରିବା ପାଇଁ ପଥପ୍ରାନ୍ତ ସଭାରୁ ଫୋନ ଯୋଗେ କହିଥିଲେ । 

ଅଗ୍ନି ୫ କ୍ଷେପଣାସ୍ତ୍ରର ସଫଳ ପରୀକ୍ଷଣ

ଅଗ୍ନି ୫ କ୍ଷେପଣାସ୍ତ୍ରର ସଫଳ ପରୀକ୍ଷଣ

ନୂଆଦିଲ୍ଲୀ/ବାଲେଶ୍ୱର ଅଫିସ,୧୦।୧୨: ଭୂପୃଷ୍ଠରୁ ଭୂପୃଷ୍ଠକୁ ନିକ୍ଷେପ କରାଯାଉଥିବା ଅଗ୍ନି ୫ ବାଲିଷ୍ଟିକ କ୍ଷେପଣାସ୍ତ୍ରର ସଫଳ ପରୀକ୍ଷଣ ହୋଇଛି। ଓଡ଼ିଶାର ଚାନ୍ଦିପୁରଠାରେ ଥିବା ଡ. ଅବଦୁଲ କଲାମ କ୍ଷେପଣାସ୍ତ୍ର ଘାଟିରୁ ଏହାକୁ ସୋମବାର ଦିନ ପ୍ରାୟ ୧ଟା ୩୦ ମିନିଟରେ ପରୀକ୍ଷଣ କରାଯାଇଛି।

ଗୋବିନ୍ଦପୁର ପଞ୍ଚାୟତରେ ବିଦ୍ୟୁତ୍‌ ସବ୍‌ଷ୍ଟେଶନ ଉଦ୍‌ଘାଟନ  ଘଟଣା:  ଲୋ ଭୋଲ୍‌ଟେଜ ପ୍ରତିବାଦରେ  କଂଗ୍ରେସର ଧାରଣା

ଗୋବିନ୍ଦପୁର ପଞ୍ଚାୟତରେ ବିଦ୍ୟୁତ୍‌ ସବ୍‌ଷ୍ଟେଶନ ଉଦ୍‌ଘାଟନ ଘଟଣା: ଲୋ ଭୋଲ୍‌ଟେଜ ପ୍ରତିବାଦରେ କଂଗ୍ରେସର ଧାରଣା

କଣ୍ଟାପଡା,୧୦।୧୨(ଡି.ଏନ୍‌.ଏ.): କଟକ ଜିଲା କଣ୍ଟାପଡା ବ୍ଲକ ଅନ୍ତର୍ଗତ ଗୋବିନ୍ଦପୁର ପଞ୍ଚାୟତର ଗୋପାଳପୁରଠାରେ ଶକ୍ତିବିଭାଗ ପକ୍ଷରୁ ପ୍ରତିଷ୍ଠା କରାଯାଇଥିବା ୩୩/୧୧ କେଭି ବିଦ୍ୟୁତ୍‌ ସବ୍‌ଷ୍ଟେଶନକୁ ଉଦ୍‌ଘାଟନ କରିବାର ୧ ମାସରୁ ଊର୍ଦ୍ଧ୍ୱ ବିତିଯାଇଛି। ମାତ୍ର ଏହା ଲୋକଙ୍କ ସେବାରେ ଲାଗିପାରି ନାହିଁ। 

ଜିଲାପାଳ ଅଫିସ ଆଗରେ ଗର୍ଜିଲେ ଭୂମିହୀନ

ଜିଲାପାଳ ଅଫିସ ଆଗରେ ଗର୍ଜିଲେ ଭୂମିହୀନ

ବରଗଡ଼ ଅଫିସ୍‌,୧୦।୧୨: ଭୂମି ନାହିଁ ତ ଭୋଟ୍‌ ନାହିଁ, ସ୍ଥାୟୀ ଜମିପଟ୍ଟା ଆମର ଦାବି, ଏଭଳି ନାରାବାଜି କରି ସୋମବାର ସ୍ଥାନୀୟ ଜୟ କୋସଲ ଭୂମିହୀନ ସଂଗ୍ରାମ ସମିତି ପକ୍ଷରୁ ବରଗଡ଼ ଜିଲାପାଳ ଅଫିସ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି। 

ନବ ନିର୍ମାଣ କୃଷକ ସଙ୍ଗଠନର ଧାରଣା

ନବ ନିର୍ମାଣ କୃଷକ ସଙ୍ଗଠନର ଧାରଣା

ପୁରୀ ଅଫିସ,୧୦।୧୨: ନବ ନିର୍ମାଣ କୃଷକ ସଙ୍ଗଠନ ପୁରୀ ଜିଲା ପକ୍ଷରୁ ସୋମବାର ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ଦିଆଯାଇଛି ।

୭୦ ଗ୍ରାମ ବ୍ରାଉନସୁଗାର ଜବତ: ୨ଗିରଫ

୭୦ ଗ୍ରାମ ବ୍ରାଉନସୁଗାର ଜବତ: ୨ଗିରଫ

କଟକରୋଡ, ୧୦।୧୨(ଡି.ଏନ.ଏ): ରାଜଧାନୀରେ ବ୍ରାଉନସୁଗାର ବ୍ୟବସାୟୀ ମାତିଛନ୍ତି। କମିଶନରେଟ୍‌ ପୋଲିସ୍‌ ଓ ଅବକାରୀ ବିଭାଗ ସହରର ବିଭିନ୍ନ ଅଞ୍ଚଳରେ ଚଢାଉ କରୁଥିଲେ ମଧ୍ୟ ନିଶା ବ୍ୟବସାୟୀଙ୍କ ସଂଖ୍ୟ ଦିନକୁ ଦିନ ବୃଦ୍ଧି ପାଇବାରେ ଲାଗିଛି।

ଦନ୍ତାହାତୀ ଆକ୍ରମଣରେ ମହିଳାଙ୍କ ମୃତ୍ୟୁ: ଭାଲୁମୁଣ୍ଡା ଛକରେ ରାସ୍ତା ରୋକୋ

ଦନ୍ତାହାତୀ ଆକ୍ରମଣରେ ମହିଳାଙ୍କ ମୃତ୍ୟୁ: ଭାଲୁମୁଣ୍ଡା ଛକରେ ରାସ୍ତା ରୋକୋ

ପରଜଙ୍ଗ,୧୦।୧୨(ଡି.ଏନ୍‌.ଏ.): ଢେଙ୍କାନାଳ ବନଖଣ୍ଡ ମହାବିରୋଡ଼ ରେଞ୍ଜ  ଡିହଡୋଳ ଫରେଷ୍ଟ ସେକ୍ସନ ଅଧୀନ  କନ୍ଦରସିଂହା ପଞ୍ଚାୟତ ଖଳିବାହଳ ସାହିର ଜଣେ ମହିଳାଙ୍କ ଦନ୍ତାହାତୀ ଆକ୍ରମଣରେ ମୃତ୍ୟୁ ଘଟିଛି। 

ସ୍ବାମୀଙ୍କ ଟାଙ୍ଗିଆ ଚୋଟରେ ସ୍ତ୍ରୀଙ୍କ ମୃତ୍ୟୁ

ସ୍ବାମୀଙ୍କ ଟାଙ୍ଗିଆ ଚୋଟରେ ସ୍ତ୍ରୀଙ୍କ ମୃତ୍ୟୁ

ଚନ୍ଦ୍ରଗିରି,୧୦।୧୨(ଡି.ଏନ୍‌.ଏ.): ଗଜପତି ଜିଲା ମୋହନା ଥାନା କିଡ଼ାସିଂ  ଗ୍ରାମରେ  ସୋମବାର ସକାଳେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି।

ରାସ୍ତା ତଳକୁ ଓଲଟିଲା ଟୁରିଷ୍ଟ୍‌ ବସ୍‌: ୧୫ରୁ  ଅଧିକ  ଆହତ

ରାସ୍ତା ତଳକୁ ଓଲଟିଲା ଟୁରିଷ୍ଟ୍‌ ବସ୍‌: ୧୫ରୁ ଅଧିକ ଆହତ

ପରଜଙ୍ଗ,୧୦।୧୨(ଡି.ଏନ୍‌.ଏ,): ଢେଙ୍କାନାଳ ଜିଲା ପରଜଙ୍ଗ ଥାନା ୫୩ ନଂ ଜାତୀୟ ରାଜପଥର ଖଇରାମୁଣ୍ଡା ଛକଠାରେ ସୋମବାର ଭୋର ୪ଟାରେ  ଏକ ଦୁର୍ଘଟଣା ଘଟିଛି।