ରାୟଗଡା

ଓଡ଼ିଶା ଗ୍ରାନାଇଟ୍‌ ଉପରେ ଆନ୍ଧ୍ର ନଜର

ଓଡ଼ିଶା ଗ୍ରାନାଇଟ୍‌ ଉପରେ ଆନ୍ଧ୍ର ନଜର
ମାଲକାନଗିରି,୯।୧୨(ଡି.ଏନ୍‌.ଏ.)-ଚିନା ଗୋଦାବରୀ ନଦୀ ଉପରେ ପୋଲାଭରମ ପ୍ରକଳ୍ପ ଗଢ଼ି ଓଡ଼ିଶାର ପାଣି ଶୋଷିବାର କ୍ଷେତ୍ର ପ୍ରସ୍ତୁତ କରୁଥିବା ଆନ୍ଧ୍ରପ୍ରଦେଶର ଦୃଷ୍ଟି ଏବେ ପଡ଼ିଛି ମାଲକାନଗିରି ଜିଲାର ଗ୍ରାନାଇଟ୍‌ ପଥର ଉପରେ। ରାଜ୍ୟର ନୂଆ ରାଜଧାନୀ ଅମରାବତୀ ଗଢ଼ାହେବ ଓଡ଼ିଶାର ଏହି ପଥର ଉପଯୋଗରେ। ଚଞ୍ଚକତା କରି ସୌଖୀନ ପଥର ଆଳରେ କିପରି ଓଡ଼ିଶାର ମୂଲ୍ୟବାନ ଗ୍ରାନାଇଟ୍‌ ନେଇହେବ, ସେଥିପାଇଁ ଆନ୍ଧ୍ର ସହ ଅନ୍ୟ ପଡ଼ୋଶୀ ରାଜ୍ୟର ଠିକାଦାରମାନଙ୍କୁ କାର୍ଯ୍ୟରେ ଲଗାଇ ଦିଆଯାଇଛି। ଏ କ୍ଷେତ୍ରରେ ଓଡ଼ିଶାର ଜଙ୍ଗଲ ବିଭାଗ ଓ ରାଜସ୍ବ ବିଭାଗର କେତେ ଜଣ ଅଧିକାରୀଙ୍କ ଭୂମିକା ମଧ୍ୟ ରହିଛି। ଆନ୍ଧ୍ର ଯେଭଳି ଗ୍ରାନାଇଟ୍‌ ପାଇପାରିବ ସେ ନେଇ ସେମାନେ ମୋଟା ଅଙ୍କର ଅର୍ଥ ଆତ୍ମସାତ୍‌ କରିବା ସକାଶେ ଯୋଜନା ପ୍ରସ୍ତୁତ କରିଛନ୍ତି। ଏ ଦିଗରେ ଗ୍ରାମସଭା ନାମରେ ଚଞ୍ଚକତା, ଜଙ୍ଗଲ ପରିପୂର୍ଣ୍ଣ ପାହାଡ଼କୁ ଟାଙ୍ଗରା ଦର୍ଶାଇ ନକଲି କାଗଜପତ୍ର ପ୍ରସ୍ତୁତ ହୋଇଛି। ଏଥିରୁ ରାଜସ୍ବ ଓ ଜଙ୍ଗଲ ବିଭାଗ ଅଧିକାରୀଙ୍କ ମନ୍ଦ ଉଦ୍ଦେଶ୍ୟ ପ୍ରତିଫଳିତ ହେଉଛି। ଭୌଗୋଳିକ ସ୍ଥିତି ଦୃଷ୍ଟିରୁ ମାଲକାନଗିରି ପାହାଡ଼, ଜଙ୍ଗଲ ବହୁଳ ଅଞ୍ଚଳ। ଜିଲାରେ ବିଭିନ୍ନ କିସମର ୩୫୪୧୫୬.୬୬୭୪ ହେକ୍ଟର ଜଙ୍ଗଲ ଅଞ୍ଚଳ ରହିଛି। ଜଙ୍ଗଲରେ ମୂଲ୍ୟବାନ କାଠ, ଔଷଧୀୟ ବୃକ୍ଷ, ବିଭିନ୍ନ ବନ୍ୟପ୍ରାଣୀ ଓ ୭୦ରୁ ଊର୍ଦ୍ଧ୍ୱ ଲଘୁ ବନଜାତ ଦ୍ରବ୍ୟ ଦେଖିବାକୁ ମିଳେ। ଜିଲାର ପାହାଡ଼ ଓ ଜଙ୍ଗଲ ଅଞ୍ଚଳରେ ବିପୁଳ ପରିମାଣର ଗ୍ରାନାଇଟ ପଥର ଗଚ୍ଛିତ ରହିଛି। ଏବେ ଏହି ସମ୍ପଦକୁ ଚଞ୍ଚକତା କରି ଲୁଟିବା ପାଇଁ ଉଦ୍ୟମ ଚଳାଇଛି ଆନ୍ଧ୍ର। ମାଲକାନଗିରି ଜିଲା ମାଥିଲି ତହସିଲ କମାରପାଲ୍ଲୀ ପଞ୍ଚାୟତ ଗଲିଆଗୁଡ଼ା ଗ୍ରାମ ନିକଟସ୍ଥ ପାହାଡ଼ର ୭୫.୦୭୧ଆର ପରିମିତ ଜାଗାରେ ଡେକୋରେଟିଭ ଷ୍ଟୋନ (ସୌଖୀନ ପଥର) ରହିଛି। ଏଠାରେ ପଥର ଖୋଳିବା ପାଇଁ ଲିଜ୍‌ ସୂତ୍ରରେ ନେବାକୁ ଛତିଶଗଡ଼ ରାୟପୁର ସ୍ଥିତ ଏକ କମ୍ପାନି ଆବେଦନ କରିଥିଲା। ଏଥିପାଇଁ ଆବଶ୍ୟକ ହେଉଥିବା ଏନ୍‌ଓସି (ନୋ ଅବଜେକ୍ସନ ସାର୍ଟିଫିକେଟ୍‌) ଲାଗି ୨୦୧୬ ସେପ୍ଟେମ୍ବର ୧ରେ କମାରପାଲ୍ଲୀ ଓ ଗାଲିଆଗୁଡ଼ା ଗ୍ରାମରେ ଗ୍ରାମସଭା କରାଯାଇ ସରପଞ୍ଚ, ସମିିତି ସଭ୍ୟ ଏବଂ ସ୍ଥାନୀୟ ବାସିନ୍ଦାଙ୍କ ସ୍ବାକ୍ଷର ଓ ଟିପଚିହ୍ନ ସଂଗ୍ରହ କରାଯାଇଥିଲା। ଏହି ସମ୍ବଳିତ ଦରଖାସ୍ତ ରାଜ୍ୟ ଖଣି ନିଗମ ନିର୍ଦ୍ଦେଶକ, କୋରାପୁଟ ସ୍ଥିତ ଖଣି ନିଗମ ଉପ-ନିର୍ଦ୍ଦେଶକ ଓ ସମ୍ପୃକ୍ତ ପଞ୍ଚାୟତ କାର୍ଯ୍ୟାଳୟରେ ଉପସ୍ଥାପନ କରାଯାଇଥିଲା। ତେବେ ବନ ବିଭାଗର ତଦନ୍ତ ସମୟରେ କମାରପାଲ୍ଲୀ ସରପଞ୍ଚ ମୁନି ମାଡ଼କାମୀ ଓ ଗଲିଆଗୁଡ଼ା ଗ୍ରାମବାସୀ ପ୍ରକାଶ କରିଥିଲେ ଯେ, ତାଙ୍କ ଅଞ୍ଚଳରେ ଖଣି ଖୋଳିବା ନେଇ କୌଣସି ଗ୍ରାମସଭା ହୋଇନାହିଁ। ଦରଖାସ୍ତରେ ଦର୍ଶାଯାଇଥିବା ସ୍ବାକ୍ଷର ଓ ଟିପଚିହ୍ନ ମଧ୍ୟ ସେମାନଙ୍କର ନୁହେଁ। ଏନେଇ ମୁନି ମାଡ଼କାମୀ ଓ ମାଥିଲି ବ୍ଳକ ଉପାଧ୍ୟକ୍ଷ ଅଶୋକ ଚାଲିକି ମାଲକାନଗିରି ଡିଏଫ୍‌ଓଙ୍କୁ ସେହି ମାସ ୨୨ ତାରିଖରେ ଲିଖିତ ଜଣାଇଥିଲେ। ଏହାସହ ଖଣି ଲିଜ୍‌ ପାଇଁ ଆବେଦନ କରିଥିବା ସଂସ୍ଥା ନାମରେ ମାଥିଲି ଥାନାରେ କେସ୍‌ ନଂ-୯୨/୧୬ରେ ମାମଲା ରୁଜୁ ହୋଇଛି। ସେହି ଅଞ୍ଚଳରୁ ସଂସ୍ଥା କାଟିଥିବା ଗଛଗୁଡ଼ିକୁ ମଧ୍ୟ ଜବତ କରିଥିବା ବନ ବିଭାଗ ପ୍ରକାଶ କରିଛି। ଜିଲାର ଖଇରପୁଟ ସରପଞ୍ଚ ଦୈମତି ଗୋଲପେଦା ଗତ ୨୬ ମାର୍ଚ୍ଚରେ ନିଜ ଅଞ୍ଚଳରୁ ଏଭଳି ଖଣିଲୁଟ୍‌ ପାଇଁ ହେଉଥିବା ଚକ୍ରାନ୍ତ ନେଇ ଖଣି ନିର୍ଦ୍ଦେଶକ ଓ କୋରାପୁଟ ସ୍ଥିତ ଖଣି ଉପନିର୍ଦ୍ଦେଶକଙ୍କୁ ଦରଖାସ୍ତ କରିଥିଲେ। ସେଥିରେ ଉଲ୍ଲେଖ ଥିଲା ଯେ ଖଇରପୁଟ ତହସିଲ ବଣ୍ଡାଘାଟି ଅନ୍ତର୍ଗତ ମାଝିଗୁଡ଼ା ଗ୍ରାମରେ ଖାତା ନଂ-୬୫, ପ୍ଲଟ ନଂ-୪୦୧/ପି, କିସମ- ପାହାଡ଼, ଏରିଆ-୧୦.୬୮୦ ହେକ୍ଟର ପରିମିତ ଅଂଶରେ ଡେକୋରେଟିଭ ଷ୍ଟୋନ୍‌ ରହିଛି। ଭୁବନେଶ୍ୱରରେ କାର୍ଯ୍ୟାଳୟ ଖୋଲିଥିବା ଆନ୍ଧ୍ରର ଏକ ଗ୍ରାନାଇଟ୍‌ ସଂସ୍ଥା ଏହି ଖଣିକୁ ପାଇବା ପାଇଁ ସ୍ଥାନୀୟ ସରପଞ୍ଚଙ୍କ ଦସ୍ତଖତରେ ଆବେଦନ କରିଥିଲା। ତଦନୁଯାୟୀ ବନ ବିଭାଗ ପକ୍ଷରୁ ତତ୍କାଳୀନ ମାଥିଲି ରେଞ୍ଜ ଅଫିସର ବିଜୟ ନାୟକ ତଦନ୍ତ କରି ୩ ଏପ୍ରିଲ ୨୦୧୬ରେ ମାଲକାନଗିରି ଡିଏଫ୍‌ଓଙ୍କୁ ରିପୋର୍ଟ ଦେଇଥିଲେ। ତାଙ୍କ ରିପୋର୍ଟ ଆଧାରରେ ତତ୍କାଳୀନ ଡିଏଫ୍‌ଓ ଟି. ଅଶୋକ କୁମାର ସମ୍ପୃକ୍ତ ସଂସ୍ଥାକୁ ଗ୍ରାନାଇଟ୍‌ ଖନନ ପାଇଁ ଅନୁମତି ଦେଇଥିଲେ। ତେବେ ଖନନ ହେବାକୁ ଥିବା ଅଞ୍ଚଳରେ କୌଣସି ଜଙ୍ଗଲ ନାହିଁ, କେବଳ କେତେଗୁଡ଼ିଏ ଝାଟି ଗଛ ଅଛି ବୋଲି ରେଞ୍ଜ ଅଫିସର ନିଜ ରିପୋର୍ଟରେ ଦର୍ଶାଇଥିଲେ। ବର୍ତ୍ତମାନ ସମ୍ପୃକ୍ତ ରେଞ୍ଜ ଅଫିସର କୌଣସି ଅପରାଧରେ ରାଜ୍ୟ ସରକାରଙ୍କ ଦ୍ୱାରା ଚାକିରିରୁ ବହିଷ୍କୃତ ହୋଇଥିବା ଜଣାପଡ଼ିଛି। ଏଭଳି ଚକ୍ରାନ୍ତ ପଦାକୁ ଆସିବା ପରେ ଖଇରପୁଟ ପଞ୍ଚାୟତର ଝଡ଼ିଆଗୁଡ଼ା, ଖଇରପୁଟ, କେନ୍ଦୁଗୁଡ଼ା, ଗମ୍ଭାରିଭଟ୍ଟା, ମାଝିଗୁଡ଼ା, କୁମ୍ଭାରପୁଟ ଗ୍ରାମବାସୀ ବନ ବିଭାଗରେ ଏତଲା ଦେଇଥିଲେ। ବର୍ତ୍ତମାନର ଡିଏଫ୍‌ଓଙ୍କ ନିର୍ଦ୍ଦେଶରେ ମାଥିଲି ରେଞ୍ଜ ଅଫିସର ପର୍ଶୁରାମ ଭୂମିଆଙ୍କୁ ମାଝିଗୁଡ଼ା ପାହାଡ଼ ସ୍ଥିତି ସମୀକ୍ଷା କରି ରିପୋର୍ଟ ଦେବା ପାଇଁ ଚିଠି ହୋଇଥିଲା। ଅଫିସର ଭୂମିଆ ୪ ସେପ୍ଟେମ୍ବର ୨୦୧୭ରେ ହୋଇଥିବା ଏଫ୍‌ଆଇଆର ନଂ-୫୨୮ କ୍ରମରେ ସେହି ପାହାଡ଼ରୁ ଆବେଦନକାରୀ ସଂସ୍ଥା କାଟିଥିବା ୨୮୦ଟି ବୃହତ୍‌କାୟ ଗଛ, ୧୦୦୦ରୁ ଊର୍ଦ୍ଧ୍ୱ ବଲ୍ଲା ଜବତ କରିଥିଲେ। ବିନା ଅନୁମତିରେ ଗଛକଟା ହୋଇଥିବାରୁ ଲିଜ୍‌ଧାରୀଙ୍କ ନାଁରେ ମାମଲା ରୁଜୁ ହୋଇଛି। ବର୍ତ୍ତମାନ ସେଠାରେ କାର୍ଯ୍ୟ ବନ୍ଦ ରହିଛି। ସେହିପରି ଖଇରପୁଟ ତହସିଲ ଗୋବିନ୍ଦପାଲ୍ଲୀ-ବାଲିମେଳା ମୁଖ୍ୟରାସ୍ତା ମୁଣ୍ଡିଗୁଡ଼ା ନିକଟସ୍ଥ ପାହାଡ଼କୁ ମଧ୍ୟ ଜଙ୍ଗଲ ନଥିବା ଦର୍ଶାଇ ଖଣିଜ ସମ୍ପଦ ଲୁଟ୍‌ ପାଇଁ ଉଦ୍ୟମ ହେଉଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି। ବର୍ତ୍ତମାନ ସୁଦ୍ଧା ରାଜ୍ୟ ଓ ବାହାରର ୫୨ଟି ସଂସ୍ଥା ଜିଲାରୁ ସବୁଜ ବନାନୀ ଘେରା ପାହାଡ଼ରୁ ଗ୍ରାନାଇଟ ଓ ଡେକୋରେଟିଭ ଷ୍ଟୋନ ନେବା ପାଇଁ ଆବେଦନ କରିଛନ୍ତି। ଏମାନଙ୍କ ମଧ୍ୟରୁ ୯୦ ପ୍ରତିଶତ ଆବେଦନକାରୀ ଆନ୍ଧ୍ରର ବୋଲି ମାଲକାନଗିିରି ଡିଏଫ୍‌ଓ କାର୍ଯ୍ୟାଳୟରୁ ସୂଚନା ଅଧିକାର ଆଇନ ବଳରେ ମିଳିଥିବା ତଥ୍ୟରୁ ଜଣାପଡ଼ିଛି। ହେଲେ ଆବେଦନକାରୀମାନେ ବନ ବିଭାଗ ଓ ଅନ୍ୟ ସରକାରୀ କଳର ମୁଷ୍ଟିମେୟ ଅସାଧୁ କର୍ମଚାରୀ ଓ ଲୋକ ପ୍ରତିନିଧିଙ୍କୁ ହାତବାରିଶ କରି ନକଲି କାଗଜପତ୍ର ଦାଖଲ କରି ନିଜ ସ୍ବାର୍ଥ ପୂରଣ କରିବା ଲାଗି ଚେଷ୍ଟା ଚଳାଇଛନ୍ତି। ଏ ସମ୍ବନ୍ଧରେ ଡିଏଫ୍‌ଓ ସମ୍ରାଟ ଗୌଡ଼ାଙ୍କୁ ପଚାରିବାରୁ ସେ କହିଥିଲେ ଯେ, ମାଝିଗୁଡ଼ା ଅଞ୍ଚଳରେ ବଣ୍ଡା ଜନଜାତି ରହୁଛନ୍ତି। ଜଙ୍ଗଲ ସମ୍ପଦ ସହ ସେଠାରେ ବନ୍ୟପ୍ରାଣୀ ମଧ୍ୟ ଅଛନ୍ତି। ସେହି ଅଞ୍ଚଳରେ ଖଣିଖୋଳା ପାଇଁ କାର୍ଯ୍ୟାଦେଶ ନଦେବାକୁ ସ୍ଥାନୀୟ ବାସିନ୍ଦା ଦାବି କରିଛନ୍ତି। ଲିଜ୍‌ଧାରୀଙ୍କ ଅନେକ ଆବେଦନପତ୍ର ନକଲି ଓ ଅସମ୍ପୂର୍ଣ୍ଣ। ତେଣୁ କେନ୍ଦ୍ର ସରକାଙ୍କ ଅନୁମତି ନ ମିଳିବା ପର୍ଯ୍ୟନ୍ତ ସେଠାରେ ଖଣି ଖନନ ପାଇଁ ଅନୁମତି ଦିଆଯାଇ ପାରିବ ନାହିଁ। ଅନ୍ୟପକ୍ଷରେ ଖଣି ମାଲିକମାନେ ସ୍ଥାନୀୟ ଲୋକଙ୍କୁ କ୍ଷତିପୂରଣ ଏବଂ ସେତିକି ଏରିଆର ରାଜସ୍ବ ବନ ବିଭାଗକୁ ବୃକ୍ଷରୋପଣ ପାଇଁ ଦେବା ନିହାତି ଜରୁରୀ। ବର୍ତ୍ତମାନ ୫୨ ଜଣ ଖଣି ପାଇଁ ଆବେଦନ କରିଛନ୍ତି। ଏହାର ବିଧିବଦ୍ଧ ତଦନ୍ତ ସହ କେନ୍ଦ୍ର ସରକାରଙ୍କ ମଞ୍ଜୁରୀ ଆବଶ୍ୟକତା ରହିଛି।
All Right Reserved By

ରାୟଗଡା

କଂଗ୍ରେସର ମିଶ୍ରଣ ପର୍ବ: ଶତାଧିକ କର୍ମୀ ସାମିଲ

କଂଗ୍ରେସର ମିଶ୍ରଣ ପର୍ବ: ଶତାଧିକ କର୍ମୀ ସାମିଲ

ଝରିଗାଁ,୨୨।୧୦(ସ୍ବ.ପ୍ର.): ନବରଙ୍ଗପୁର ଜିଲା ଝରିଗାଁ ବ୍ଲକ କଂଗ୍ରେସ ପକ୍ଷରୁ କରମରୀ ଗ୍ରାମରେ ସୋମବାର ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି। 

ଗଣ୍ଡ ସମାଜର ନୂଆଖାଇ ଭେଟ୍‌ଘାଟ

ଗଣ୍ଡ ସମାଜର ନୂଆଖାଇ ଭେଟ୍‌ଘାଟ

ଝରିଗାଁ,୨୨।୧୦(ସ୍ବ.ପ୍ର.): ନବରଙ୍ଗପୁର ଜିଲା ଝରିଗାଁ ବ୍ଲକ କୁଟ୍ରିଛାପର ପଞ୍ଚାୟତ ସୋରିପଡ଼ା ଗ୍ରାମରେ ଝରିଗାଁ ବ୍ଲକ ଗଣ୍ଡ ସାଂସ୍କୃତିକ ସମାଜ ତରଫରୁ ନୂଆଖାଇ ଭେଟଘାଟ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।

୧୦ ବର୍ଷ ହେଲା କାର୍ଯ୍ୟକ୍ଷମ ହେଉନି କାଶୀପୁର ସବ୍‌ଜେଲ୍‌

୧୦ ବର୍ଷ ହେଲା କାର୍ଯ୍ୟକ୍ଷମ ହେଉନି କାଶୀପୁର ସବ୍‌ଜେଲ୍‌

ରାୟଗଡା ଅଫିସ୍‌, ୨୨।୧୦- ରାୟଗଡା ଜିଲାରେ ଦିନକୁ ଦିନ କଏଦୀଙ୍କ ସଂଖ୍ୟା ବୃଦ୍ଧି ପାଉଛି  ଏହାକୁ ଦୃଷ୍ଟିରେ ରଖି ୨୦୦୮ରେ ରାୟଗଡା ଜିଲାର କାଶୀପୁରଠାରେ ଏକ ସବ୍‌ଜେଲ୍‌ ନିର୍ମାଣ କରାଯାଇଥିଲା  ଇତିମଧ୍ୟରେ ୧୦ ବର୍ଷ ବିତିଲାଣି ହେଲେ ବର୍ତ୍ତମାନ ପର୍ଯ୍ୟନ୍ତ ଉକ୍ତ ଜେଲ୍‌ କାର୍ଯ୍ୟକ୍ଷମ ହୋଇପାରୁନାହିଁ  ପୋଲିସ ହାଉସିଂ ବୋର୍ଡ ନିଗମଃ ପ୍ରାୟ ୩ କୋଟି ୫୦ଲକ୍ଷ ଟଙ୍କା ବ୍ୟୟରେ ଏହା ନିର୍ମାଣ କରାଯାଇଥିଲା   ୨୦୧୩ ରେ ଜେଲ୍‌ ବିଭାଗକୁ ଏହା ହସ୍ତାନ୍ତର କରାଯାଇଛିି । ହେଲେ ଉକ୍ତ ସବ୍‌ଜେଲ୍‌ଟି ହସ୍ତାନ୍ତର ହେବାର ଦୀର୍ଘ ୫ବର୍ଷ ବିତିଯାଇଥିଲେ ବି ଏହା   ଉଦ୍‌ଘାଟନ ହୋଇପାରିନାହିଁ  

ଉଜୁଡ଼ା ଘର ସଜାଡ଼ିବାରେ ବ୍ୟସ୍ତ ନାଉଡ଼ାବାସୀ

ଉଜୁଡ଼ା ଘର ସଜାଡ଼ିବାରେ ବ୍ୟସ୍ତ ନାଉଡ଼ାବାସୀ

ଗୁଣପୁର,୨୨।୧୦(ଡି.ଏନ.ଏ)-ସାମୁଦ୍ରିକ ଝଡ଼ ତିତ୍‌ଲି ଆଣି ଦେଇଥିଲା ଲୋକଙ୍କୁ ଅନେକ ଦୁଃଖ ଏବଂ ଦୁର୍ଦ୍ଦଶା  ବର୍ତ୍ତମାନ ସୁଦ୍ଧା ଅନେକ ଗ୍ରାମକୁ  ପାନୀୟ ଏବଂ ବିଦ୍ୟୁତ୍‌ ସେବା ସ୍ବାଭାବିକ ହୋଇପାରିନାହିଁ । ଯୁଦ୍ଧକାଳୀନ ଭିତ୍ତିରେ ଅନେକ ଗ୍ରାମରେ କାର୍ଯ୍ୟ ଚାଲୁ ରହିଥିଲେ ମଧ୍ୟ ଲୋକମାନେ ନାନା ସମସ୍ୟାର ସମ୍ମୁଖୀନ ହେଉଛନ୍ତି  ଏବେ କିଏ ନିଜ ଉଜଡା ଘର ତ ଆଉ କିଏ ନିଜ ଭଙ୍ଗା ଘର ସଜାଡିବାରେ ବ୍ୟସ୍ତ  ଇତିମଧ୍ୟରେ ୧୦ ଦିନ ବିତିଯାଇଥିଲେ ମଧ୍ୟ ସମସ୍ୟା ସୁଧୁରୁନି  ଏପରି କିଛି ଦୃଶ୍ୟ ଦେଖିବାକୁ ମିଳିଛି ଗୁଣପୁର ବ୍ଲକର ନାଉଡା ଗ୍ରାମରେ  

ବିଲ୍ଟ ପେପର ମିଲ୍‌  ଫାଟକ ଖୋଲିବା ଆଶା ଉଜ୍ଜ୍ୱଳ

ବିଲ୍ଟ ପେପର ମିଲ୍‌ ଫାଟକ ଖୋଲିବା ଆଶା ଉଜ୍ଜ୍ୱଳ

ଜୟପୁର, ୨୧।୧୦(ନି.ପ୍ର./ଡି.ଏନ୍‌.ଏ.) 
ଜୟପୁର ବିଲ୍ଟ ପେପର ମିଲ ଦୀର୍ଘ ୪ ମାସ ହେବ ବନ୍ଦ ହୋଇ ପଡିଛି। ମିଲ୍‌ର ୩ଟି ସଂଘ କମ୍ପାନୀର ସମସ୍ତ ନିୟମକୁ ମାନିବାକୁ ପ୍ରସ୍ତୁତ ଥିବା ବେଳେ ବିଏମ୍‌ଏସ୍‌ ନ ମାନିବାରୁ ମିଲ୍‌ ଖୋଲିବା ଆଶଙ୍କା ଦେଖାଯାଇଥିଲା। କିନ୍ତୁ  ମିଲ୍‌କୁ ଅନ୍ୟ ୩ଟି ସଂଘ ସମର୍ଥନ ଦେଉଛି। ମିଲ୍‌ ଓ କର୍ମଚାରିଙ୍କ ସ୍ବାର୍ଥକୁ ଦୃଷ୍ଟିରେ ରଖି ବିଏମ୍‌ଏସ୍‌ ମଧ୍ୟ ମିଲ୍‌ କତ୍ତୃପକ୍ଷକୁ  ସମର୍ଥନ ପତ୍ର ଦେଇଛି ବୋଲି ଆୟୋଜିତ ଏକ ଖବରଦାତା ସମ୍ମିଳନୀରେ  ସଂଘ  ପକ୍ଷରୁ କୁହାଯାଇଛି। ସେହିପରି ଆସନ୍ତା ୨୫ରେ ସ୍ଥାନୀୟ କାଗଜକଳ ସିଜିଏମ୍‌ ମାଣିକେଶ୍ୱର ରାଓ ଜୟପୁର ପହଞ୍ଚତ୍ବା ପରେ ଏହାର  ପୁନଃ କାର୍ଯ୍ୟକ୍ଷମ ନେଇ ଘୋଷଣା କରିବାର ସମ୍ଭାବନା ରହିଛି। ନଭେମ୍ବର ୧ ସୁଦ୍ଧା କାଗଜକଳର ମୁଖ୍ୟ ଫାଟକ ତାଲା ଖୋଲିବା ନେଇ ସମସ୍ତ  ସଂଘ ଆଶାବାଦୀ ରହିଥିବା  ନେଇ ପ୍ରକାଶ କରିଛନ୍ତି।

ରେଳଧାରଣାରୁ ମହିଳାଙ୍କ ମୃତଦେହ ଉଦ୍ଧାର

ରେଳଧାରଣାରୁ ମହିଳାଙ୍କ ମୃତଦେହ ଉଦ୍ଧାର

ଲକ୍ଷ୍ମୀପୁର, ୨୧।୧୦-ଲକ୍ଷ୍ମୀପୁର ବ୍ଲକ ଗୌଡ଼ଗୁଡା ପଞ୍ଚାୟତର ସାନ ନେର୍କା ଛକ ନିକଟସ୍ଥ ରେଳଧାରଣାର ଜଣେ ମହିଳାଙ୍କ ମୃତଦେହ ଉଦ୍ଧାର କରାଯାଇଛି।  ସେ ହେଲେ ସାନ ନେର୍କା ଗ୍ରାମର ଉରକା ଦାମିଙ୍କ ସ୍ତ୍ରୀ ଚିଙ୍ଗି(୨୮)।  କାକିରିଗୁମ୍ମା ପୋଲିସ ମୃତଦେହ  ବ୍ୟବଚ୍ଛେଦ କରି ପରିବାରକୁ ହସ୍ତାନ୍ତର କରିଛି।  ଏଥିସହ  ୮/୧୮ରେ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଚଳାଇଛି। 

ସଚଳ କରାଗଲା ୪୫୦୦ରୁ ଊର୍ଦ୍ଧ୍ୱ ନଳକୂପ

ପାରଳାଖେମୁଣ୍ଡି, ୨୧ା୧୦(ସ୍ବ.ପ୍ର.)-ତିତ୍‌ଲି ବାତ୍ୟା ପରେ ଗଜପତି ଜିଲାରେ ଲୋକେ କିପରି ବିଶୁଦ୍ଧ ପାନୀୟଜଳ ପାଇପାରିବେ ସେଥିପାଇଁ ରାଜ୍ୟ ସରକାର ପଦକ୍ଷେପ ନେଉଛନ୍ତି। ପାନୀୟଜଳ ଯୋଗାଣ ଲାଗି ୨୭ଟି ଭ୍ରାମ୍ୟମାଣ ଜେନେରେଟର ଯୋଗାଇ ଦିଆଯାଇଛି। 

ବଂଶଧାରାରେ ବୁଡି ଯୁବକ ମୃତ

ବଂଶଧାରାରେ ବୁଡି ଯୁବକ ମୃତ

ଗୁଣପୁର,୨୧।୧୦(ଡି.ଏନ.ଏ)- ରାୟଗଡା ଜିଲା ଗୁଣପୁର ବ୍ଲକ ଦେଇ ପ୍ରବାହିତ ହେଉଥିବା ବଂଶଧାରା ନଦୀରେ ରବିବାର ବୁଡିଯାଇ ଜଣଙ୍କ ମୃତ୍ୟୁ ଘଟିଛି। ମୃତକ ଜଣକ ହେଲେ ଗୁଣପୁର କରଣ ସାହିର ଚନ୍ଦନ ପଟ୍ଟନାୟକ (୨୨)। ବଂଶଧାରା ନଦୀକୁ ଯୁବକ ଜଣକ ଗାଧୋଇବାକୁ ଯାଇଥିବା ବେଳେ ପାଣିରେ ବୁଡିଯାଇଥିଲେ।

ବିଦ୍ୟୁତ ସଂଯୋଗ  ଦାବିରେ ରାସ୍ତାରୋକୋ

ବିଦ୍ୟୁତ ସଂଯୋଗ ଦାବିରେ ରାସ୍ତାରୋକୋ

କାଶୀନଗର,୨୧।୧୦(ଡି.ଏନ.ଏ)-ତିତ୍‌ଲି ପ୍ରଭାବରେ  ଗଜପତି ଜିଲା କାଶୀନଗର ବ୍ଲକରେ ବିଦ୍ୟୁତ ଖୁଣ୍ଟ ଉପୁଡିଯାଇ ବିଦ୍ୟୁତ ସେବା ବ୍ୟାହତ ହୋଇଛି। ଗତ୧୨ ଦିନ ହେଲା ଲୋକମାନେ ବିଦ୍ୟୁତ ସେବାରୁ ବଞ୍ଚିତ ହୋଇଥିଲେ ମଧ୍ୟ ଏ ପର୍ଯ୍ୟନ୍ତ ପରିସ୍ଥିତି ସ୍ବାଭାବିକ ହୋଇ ନାହିଁ। ତୁରନ୍ତ ବିଦ୍ୟୁତ ସେବା ଯୋଗାଇବା ଦାବିରେ କଆଳି ଗ୍ରାମବାସୀ ରବିବାର ରାସ୍ତାରୋକୋ କରିଥିଲେ

କୂଅରୁ ଭାଲୁ ଉଦ୍ଧାର

କୂଅରୁ ଭାଲୁ ଉଦ୍ଧାର


ନବରଙ୍ଗପୁର/କୋଷାଗୁମୁଡା,୨୧।୧୦(ବି.ପ୍ର)- ନବରଙ୍ଗପୁର ଜିଲା କୋଷାଗୁମୁଡା ବ୍ଲକ ମୋତିଗାଁ ପଞ୍ଚାୟତ ପାମ୍ପୁଣି ଗାଁ ଜଙ୍ଗଲରେ ଥିବା ଏକ ପରିତ୍ୟକ୍ତ କୂଅ ଭିତରୁ ବନବିଭାଗ ପକ୍ଷରୁ ଏକ ଭାଲୁ ଉଦ୍ଧାର କରାଯାଇଛି। ପାମ୍ପୁଣି ଗ୍ରାମ ନିକଟରେ ଥିବା ରିଜର୍ଭ ଫରେଷ୍ଟ ଜଙ୍ଗଲ ମଧ୍ୟରେ ଥିତ୍ବା ମନ୍ଦିର ପାଖ କୂଅ ନିକଟକୁ ୩ଟି ଭାଲୁ ଆସିଥିବା ବେଳେ ହଠାତ ଗୋଟିଏ ଭାଲୁ କୂଅ ଭିତରକୁ ଖସି ପଡିଥିଲା।

 ବାଇକ ଧକ୍କା:୨ମୃତ, ୩ ଗୁରୁତର

ବାଇକ ଧକ୍କା:୨ମୃତ, ୩ ଗୁରୁତର

ଝରିଗାଁ,୨୧।୧୦(ସ୍ବ.ପ୍ର.): ନବରଙ୍ଗପୁର ଜିଲା ଝରିଗାଁ ଥାନା ଅନ୍ତର୍ଗତ ଚିକିଲି ମେହେର ସାହି ନିକଟରେ ଦୁଇ ବାଇକ ମଧ୍ୟରେ ମୁହାଁମୁହିଁ ଧକ୍କା ହୋଇଛି। ଫଳରେ ଘଟଣାସ୍ଥଳରେ ୨ ବାଇକ ଚାଳକଙ୍କ ମୃତ୍ୟୁ ଘଟିଥିବା ବେଳେ ୩ ଜଣ ଗୁରୁତର  ଆହତ ହୋଇଛନ୍ତି।