Dharitri News
ରାୟଗଡା

ଜାଲ୍‌ ଟିଡିଆର୍‌ ଜରିଆରେ ୨୭ଲକ୍ଷ ଟଙ୍କା ଠକେଇ

ଜାଲ୍‌ ଟିଡିଆର୍‌ ଜରିଆରେ ୨୭ଲକ୍ଷ ଟଙ୍କା ଠକେଇ ରାୟଗଡା ଅଫିସ, ୯। ୧୨-ଟର୍ମ ଡିପୋଜିଟ ରିସିପ୍ଟ(ଟିଡିଆର୍‌)ରେ ଜାଲିଆତି କରି ରାୟଗଡା କ୍ଷୁଦ୍ର ଜଳସେଚନ ବିଭାଗରେ ଜଣେ ଠିକାଦାର ୨୭ଲକ୍ଷ ଟଙ୍କା ଠକିନେଇଛନ୍ତି। ଠିକାଦାର ସଚିନ ସିଂଘଲ ଏହି ଠକାମି କରିଥିବା ଅଭିଯୋଗ ହୋଇଛି। ଏନେଇ ବିଭାଗୀୟ ନିର୍ବାହୀ ଯନ୍ତ୍ରୀ ଜଗତଜ୍ୟୋତି ଶତପଥି ଗତ ଅକ୍ଟୋବର ୧୯ରେ କୋରାପୁଟ ଜିଲାର ଜୟପୁର ଥାନାରେ ଏତଲା ଦେଇଥିବା ଶନିବାର ଗଣମାଧ୍ୟମକୁ ସୂଚନା ଦେଇଛନ୍ତି। ଫଳରେ ଘଟଣାଟି ଲୋକଲୋଚନକୁ ଆସିଛି। ଅପରପକ୍ଷେ, ଅଭିଯୋଗର ଦେଢମାସ ପରେ ବି ସଚିନଙ୍କ ବିରୋଧରେ ପୋଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନାହିଁ। ପ୍ରକାଶ ଯେ, ରାୟଗଡା ଜିଲା କ୍ଷୁଦ୍ର ଓ ଜଳସେଚନ ବିଭାଗ ପକ୍ଷରୁ ଘୋଡାନାଳ ଓ କୋଲନରା ନାଳରେ ୧କୋଟି ୬୯ଲକ୍ଷ ଟଙ୍କା ବ୍ୟୟରେ ୨ଟି ଚେକଡ୍ୟାମ୍‌ ନିର୍ମାଣ ପାଇଁ ୨୦୧୬-୧୭ ବର୍ଷରେ ଏକ ଟେଣ୍ଡର ଆହ୍ବାନ କରାଯାଇଥିଲା ା ଠିକାଦର ସଚିନ ଉକ୍ତ ଟେଣ୍ଡରରେ ଭାଗନେଇ ସର୍ବନିମ୍ନ ଦରରେ ଉକ୍ତ ୨ଟି ଚେକ୍‌ଡ୍ୟାମ୍‌ ନିର୍ମାଣ ନିମନ୍ତେ ଠିକା କାମ ପାଇଥିଲେ ା ଟେଣ୍ଡର ସମୟରେ ଯେଉଁ ଟିଡିଆର୍‌ ୧ଲକ୍ଷ ୬୯ହଜାର ଟଙ୍କାର ଦିଆଯାଇଥିଲା ତାହା ଜାଲ୍‌ ଥିଲା ା ସେହିଭଳି ନିର୍ମାଣ କାର୍ଯ୍ୟପାଇଁ ବିଭାଗୀୟ ନିର୍ବାହୀଯନ୍ତ୍ରୀଙ୍କ ସହ ଚୁକ୍ତିନାମା ବେଳେ ଯେଉଁ ୧୫ପ୍ରତିଶତ ଟିଡିଆର ଦାଖଲ ହୋଇଥିଲା ତାହା ମଧ୍ୟ ଜାଲ୍‌ ବୋଲି ଜଣାପଡିଛି ା କଳାହାଣ୍ଡି ଜିଲା ଧର୍ମଗଡସ୍ଥିତ ଏସ୍‌ବିଆଇ ଶାଖାର ୨୭ଲକ୍ଷ ଟଙ୍କା ମୂଲ୍ୟର ଏହି ଜାଲ ଟିଡିଆର ସଚିନଙ୍କ ଦ୍ୱାରା ଦାଖଲ ହୋଇଛି ା ପ୍ରଥମେ ୧ ପ୍ରତିଶତ ଓ ପରେ ୧୫ପ୍ରତିଶତ ଏହିଭଳି ୨୭ଲକ୍ଷ ଟଙ୍କାର ଜାଲ୍‌ ଟିଡିଆର ଦାଖଲ କରି ଠିକାକାମ ହାତେଇଛନ୍ତି। ସବୁଠୁ ଗୁରୁତ୍ୱପୂର୍ଣ୍ଣ କଥା ହେଲା ଚେକଡ୍ୟାମ୍‌ ପାଇଁ ଠିକା ନେବାର ମାସାଧିକ କାଳ ପରେ ବି ସିଂଘଲ ନିର୍ମାଣ କାର୍ଯ୍ୟ ଆରମ୍ଭ କରିନାହାନ୍ତି। ଏଥିଯୋଗୁ ତତ୍କାଳୀନ ବିଭାଗୀୟ ନିର୍ବାହୀ ଯନ୍ତ୍ରୀଙ୍କ ଭୂମିକାକୁ ନେଇ ପ୍ରଶ୍ନ ଉଠିଛି ା ଟେଣ୍ଡର ବେଳେ ଦିଆଯାଇଥିବା ଟିଡିଆର ଯାଞ୍ଚ ନ କରି କିଭଳି ସମ୍ପୃକ୍ତ ଠିକାଦାରଙ୍କ ସହ ଚୁକ୍ତି କରାଗଲା ତାହା ତଦନ୍ତସାପେକ୍ଷ। ଘଟଣା ସମ୍ପର୍କରେ ଜୟପୁର ପୋଲିସ ଅନୁସନ୍ଧାନ ଚଳାଇଥିବା ବେଳେ ଠିକାଦାରମାନଙ୍କ ମନରେ ଛନକା ପଶିଛି। ଏ ସଂକ୍ରାନ୍ତରେ ରାୟଗଡାସ୍ଥିତ ବିଭାଗୀୟ ନିର୍ବାହୀ ଯନ୍ତ୍ରୀ ଶତପଥୀଙ୍କୁ ପଚାରିବାରୁ କହିଛନ୍ତି ଯେ, ଏହି ୨ଟି କାମ ପାଇଁ ଟେଣ୍ଡର ପ୍ରକ୍ରିୟା ଜୟପୁରଠାରେ ହୋଇଥିଲା । ଉକ୍ତ ଠିକାଦାରଙ୍କ ଟିଡିଆର୍‌ ଯାଞ୍ଚ ନିମନ୍ତେ ବ୍ୟାଙ୍କକୁ ପଠାଯାଇଥିଲା । ଟିଡିଆର୍‌ ଉପରେ ଉଲ୍ଲେଖ ଥିବା ନମ୍ବରରେ କୌଣସି ଟିଡିଆର୍‌ ଦିଆଯାଇ ନ ଥିବା ବ୍ୟାଙ୍କ କର୍ତ୍ତୃପକ୍ଷ ଜଣାଇଥିଲେ । ଏହାପରେ ଜୟପୁରସ୍ଥିତ କ୍ଷୁଦ୍ର ଜଳସେଚନ ବିଭାଗ ଅଧୀକ୍ଷଣଯନ୍ତ୍ରୀ ଜ୍ୟୋତିର୍ମୟୀ ରଥଙ୍କ ନିର୍ଦ୍ଦେଶ କ୍ରମେ ସେ ଅକ୍ଟୋବର ୧୯ରେ ଜୟପୁର ଥାନାରେ ସେ ଏତଲା ଦେଇଥିଲେ।

ରାୟଗଡା

 ଦୁର୍ଘଟଣାରେ ଆହତଙ୍କ ମୃତ୍ୟୁ

ଦୁର୍ଘଟଣାରେ ଆହତଙ୍କ ମୃତ୍ୟୁ

ଡାବୁଗାଁ,୧୯।୧(ଡି.ଏନ୍‌.ଏ.) ଅଟୋ- ଟ୍ରକ ଧକ୍କାରେ ଗୁରୁତର ଆହତ ହୋଇଥିବା ଦନାଇ ଭତ୍ରାଙ୍କର ଜିଲା ମୁଖ୍ୟ ଚିକିତ୍ସାଳୟରେ ଚିକିତ୍ସାଧୀନ ଅବସ୍ଥାରେ ଗୁରୁବାର ବିଳମ୍ବିତ ରାତିରେ ମୃତ୍ୟୁ ଘଟିଛି ।

ରାୟଗଡା ସିଜେଏମ୍‌ କୋର୍ଟରେ ହାଜର ହେଲେ ସବ୍ୟସାଚୀ

ରାୟଗଡା ଅଫିସ୍‌, ୧୯।୧- ରାୟଗଡା ସିଜେଏମ୍‌ଙ୍କ କୋର୍ଟରେ ମାଓବାଦୀ ନେତା ସବ୍ୟସାଚୀ ପଣ୍ଡାଙ୍କୁ ଶୁକ୍ରବାର ହାଜର କରାଯାଇଛି । ତାଙ୍କ ନାମରେ ଚାନ୍ଦିଲି ଥାନାରେ ରହିଥିବା ୩ଟି ମାମଲା ସାକ୍ଷ୍ୟ ଗ୍ରହଣ ପାଇଁ ଅଦାଲତରେ ସିଜେଏମ୍‌ ମହମ୍ମଦ ଇର୍ଶାନୁଦ ନବୀଙ୍କ ସମ୍ମୁଖରେ ହାଜର କରାଯାଇଥିଲା ।

ମେକାରେ ୮୩, ଚାଉଳମେନ୍ଦିରେ ୮୩ ପ୍ରତିଶତ ଭୋଟିଂ

ମାଥିଲି,୧୯।୧(ଡି.ଏନ୍‌.ଏ.)-ମାଥିଲି ବ୍ଲକ ମେକା ପଞ୍ଚାୟତ ସରପଞ୍ଚ ଓ ଚାଉଳମେନ୍ଦି ପଞ୍ଚାୟତ ଅଧୀନ ୪ ନମ୍ବର ଓ୍ବାର୍ଡ଼ମେମ୍ବର ପଦବୀ ପାଇଁ ଶୁକ୍ରବାର ମତଦାନ ହୋଇଛି। ନିର୍ବାଚନ ଅଧିକାରୀ ଅଗସ୍ତି ପ୍ରଧାନଙ୍କ ସୂଚନା ପ୍ରକାରେ, ସକାଳ ୭ରୁ ମଧ୍ୟାହ୍ନ ୧୨ଟା ପର୍ଯ୍ୟନ୍ତ ଭୋଟ ଗ୍ରହଣ କରାଯାଇଥିଲା।

ଏଫଡିଆଇକୁ ବିରୋଧ କରି ବିକ୍ଷୋଭ

ଏଫଡିଆଇକୁ ବିରୋଧ କରି ବିକ୍ଷୋଭ

ପାରଳାଖେମୁଣ୍ଡି,୧୯।୧(ସ୍ବ.ପ୍ର.)-କେନ୍ଦ୍ର ସରକାରଙ୍କ ଏଫଡିଆଇ ନିବେଶକୁ ବିରୋଧ କରି ପାରଳାଖେମୁଣ୍ଡିସ୍ଥିତ ହାଇସ୍କୁଲ ଛକଠାରେ ଜିଲା ଆପ୍‌ ପକ୍ଷରୁ ଶୁକ୍ରବାର ବିକ୍ଷୋଭ ପ୍ରଦର୍ଶନ କରାଯାଇଛି ।

ଧାନ ଟ୍ରକ ଜବତ

କାଲିମେଳା,୧୯।୧(ଡି.ଏନ୍‌.ଏ.): ପଡିଆ ବ୍ଲକ ଉଣ୍ଡୃକୋଣ୍ଡା ଛକରେ ଶୁକ୍ରବାର ସକାଳୁ ଛତିଶଗଡ଼କୁ ଚାଲାଣ ପାଇଁ ଯାଉଥିବା ଏକ ଧାନ ଟ୍ରକ ଜବତ ହୋଇଛି। ଜିଲା ଯୋଗାଣ ବିଭାଗ କାଲିମେଲା ପୋଲିସ ସହାୟତାରେ ଟ୍ରକର ପିଛା କରି ଧାନ ବୋଝେଇ ଟ୍ରକ୍‌କୁ ଧରିଥିଲା।

ଅବକାରୀ ଚଢ଼ାଉ: ଜଣେ ଗିରଫ

ଅବକାରୀ ଚଢ଼ାଉ: ଜଣେ ଗିରଫ

ମାଥିଲି,୧୯।୧(ଡି.ଏନ୍‌.ଏ.): ମାଥିଲି ବ୍ଲକ ଦୁର୍ଲାଗୁଡା ନିକଟରେ ଶୁକ୍ରବାର ଅବକାରୀ ବିଭାଗ ଚଢାଉ କରି ମଦ ଜବତ ସହ ଜଣଙ୍କୁ ଗିରଫ କରିଛି। ସେ ହେଲେ ଖଇରପୁଟ ବ୍ଲକ ମୁଦୁଲିପଡ଼ା ଥାନା ସର୍ଗିଗୁଡ଼ା ଗ୍ରାମର ହରି ହନ୍ତାଳ (୩୪)।

ଦୁର୍ଘଟଣାରେ ଜଣେ ମୃତ, ଜଣେ ଗୁରୁତର

ଦୁର୍ଘଟଣାରେ ଜଣେ ମୃତ, ଜଣେ ଗୁରୁତର

ପାରଳାଖେମୁଣ୍ଡି, ୧୯।୧(ସ୍ବ.ପ୍ର.)-ଗଜପତି ଜିଲା ପାରଳାଖେମୁଣ୍ଡି ସହର ଉପକଣ୍ଠସ୍ଥ ବି.ସୀତାପୁର ଗ୍ରାମ ନିକଟରେ ଏକ ସଡକ ଦୁର୍ଘଟଣାରେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଥିବା ବେଳେ ଜଣେ ଗୁରୁତର ଆହତ ହୋଇଛନ୍ତି।

‘କୁଇନ ସପୁରି, ଲେମନ ଗ୍ରାସ ଚାଷକୁ ପ୍ରୋତ୍ସାହିତ କରାଯିବ’

‘କୁଇନ ସପୁରି, ଲେମନ ଗ୍ରାସ ଚାଷକୁ ପ୍ରୋତ୍ସାହିତ କରାଯିବ’

ପାରଳାଖେମୁଣ୍ଡି, ୧୯। ୧(ସ୍ବ.ପ୍ର.)-ଗଜପତି ଜିଲା ପ୍ରଶାସନ ଯେପରି ଅଧିକ ସକ୍ରିୟ ହେବା ସହ ଜନସାଧାରଣଙ୍କ ନିକଟତର ହୋଇପାରିବ ସେଥିପ୍ରତି ଧ୍ୟାନ ଦିଆଯିବ। ସେହିପରି ଜିଲାର ସର୍ବାଙ୍ଗୀନ ଉନ୍ନତି ନିମନ୍ତେ ପଦକ୍ଷେପ ନିଆଯିବ।

୩୦ ଏକର ଆଖୁ ଫସଲ ଜଳିଗଲା

୩୦ ଏକର ଆଖୁ ଫସଲ ଜଳିଗଲା

ନବରଙ୍ଗପୁର, ୧୯।୧ (ବି.ପ୍ର.)- ନବରଙ୍ଗପୁର ତହସିଲ ଅଧିନ ସାନମାଳିଗୁଡା ଗାଁରେ ଶୁକ୍ରବାର ନିଆଁ ଲାଗି ପ୍ରାୟ ୩୦ ଏକର ଆଖୁ ଫସଲ ପାଉଁଶ ହୋଇଯାଇଛି ।ଏଥିରେ ପ୍ରାୟ ୨୦ ଜଣ ଚାଷୀଙ୍କର ଫସଲ ସଂପୂର୍ଣ୍ଣ ଭାବେ ନଷ୍ଟ ହୋଇଯାଇଛି ।

ମୋବାଇଲ ଆଲୁଅରେ ଏଟିଏମ୍‌ରୁ ଉଠୁଛି ଟଙ୍କା

ମୋବାଇଲ ଆଲୁଅରେ ଏଟିଏମ୍‌ରୁ ଉଠୁଛି ଟଙ୍କା

ରାମନାଗୁଡା, ୧୯।୧(ଡି.ଏନ୍‌.ଏ)- ଏଟିଏମ୍‌ରେ ଜଳୁନି ଆଲୁଅ। ମୋବାଇଲ ଲାଇଟରେ ଉଠୁଛି ଟଙ୍କା। କଥାଟା ଆଶ୍ଚର୍ଯ୍ୟ ଲାଗୁଥିଲେ ବି ସତ। ଏପରି ଘଟଣା ଦେଖିବା ପାଇଁ ମିଳୁଛି ରାୟଗଡ଼ା ଜିଲା ରାମନାଗୁଡା ବ୍ଲକ୍‌ ମୁଖ୍ୟରାସ୍ତାରେ ଥିବା ଆଇଓବି ଏଟିଏମ୍‌ ।

ଉଦ୍ଧାର ପେଚା ବନ ବିଭାଗକୁ ହସ୍ତାନ୍ତର

ମାଥିଲି,୧୯।୧(ଡି.ଏନ.ଏ)- ମାଥିଲି ବ୍ଲକ ଅନ୍ତର୍ଗତ ବଳଦିଆଗୁଡା ଗ୍ରାମରେ ଥିବା ଶିକ୍ଷକ ଦମ୍ପତି ଗତ ବୁଧବାର ରାତିରେ ଅସୁରକ୍ଷିତ ଅବସ୍ଥାରେ ଉଦ୍ଧାର କରିଥିବା ପେଚାକୁ ଶୁକ୍ରବାର ବନ ବିଭାଗକୁ ହସ୍ତାନ୍ତର କରିଛନ୍ତି ।

କୋଟିଆକୁ ଗଡ଼ିଲା ବସ୍‌

ପଟାଙ୍ଗୀ,୧୯।୧(ଡି.ଏନ.ଏ.)- ଓଡ଼ିଶା ଭିତରେ ପଡ଼ୋଶୀ ରାଜ୍ୟ ଆନ୍ଧ୍ରର ପ୍ରବେଶ ପରେ ପ୍ରଶାସନର ନିଦ ଭାଙ୍ଗିଛି। ଏହି କ୍ରମରେ ଶୁକ୍ରବାର ବିବାଦୀୟ କୋଟିଆ ପଞ୍ଚାୟତକୁ ଗଡ଼ିଛି ବସ୍‌।