ଅନଗୁଳ-ଢେଙ୍କାନାଳ

ଅନୁଗୋଳ ଇତିହାସରେ ପ୍ରଥମ: ମଡୁଲାର ଓଟିରେ ପ୍ରଥମ ଖଞ୍ଜା ଅସ୍ତ୍ରୋପଚାର

ଅନୁଗୋଳ ଇତିହାସରେ ପ୍ରଥମ: ମଡୁଲାର ଓଟିରେ ପ୍ରଥମ ଖଞ୍ଜା ଅସ୍ତ୍ରୋପଚାର
ଅନୁଗୋଳ ଅଫିସ,୯।୧୨- ଅନୁଗୋଳ ସହର ମିଶ୍ରପଡାଠାରେ ଥିବା ସୁରେନ୍ଦ୍ର ହସ୍ପିଟାଲରେ କାର୍ଯ୍ୟକ୍ଷମ ମଡ଼ୁଲାର ଅପରେଶନ ଥିଏଟର(ଓଟି)ରେ ସଫଳତାର ସହ ପ୍ରଥମ ଅଣ୍ଟା ଓ ଜଙ୍ଘ ଖଞ୍ଜା ଅସ୍ତ୍ରୋପଚାର (ମିନିମାଲି ଇନ୍‌ଭାଜିଭ୍‌ ହିପ୍‌ ରିପ୍ଲେସମେଣ୍ଟ)କରାଯାଇଛି। ଦୁର୍ଘଟଣାର ଶିକାର ହୋଇଥିବା ସ୍ଥାନୀୟ ଶିମିିଳିପଡ଼ାର ନନ୍ଦିନୀ ପ୍ରଧାନ(୬୯)ଙ୍କ ଗୁରୁବାର ଅସ୍ତ୍ରୋପଚାର ପରେ ଅନୁଗୋଳ ସ୍ବାସ୍ଥ୍ୟସେବା ଇତିହାସରେ ଯୋଡି ହୋଇଛି ନୂତନ ଅଧ୍ୟାୟ। ଅତ୍ୟାଧୁନିକ ବ୍ୟବସ୍ଥା ଯୁକ୍ତ ଏହି ଓଟି ଏବେ ଶିଳ୍ପ ସମୃଦ୍ଧ ଅନୁଗୋଳ ସମେତ ପଡ଼ୋଶୀ ଜିଲାବାସୀଙ୍କ ମଧ୍ୟରେ ଆଶା ସଞ୍ଚାର କରିଛି। ଓଟିରେ ରହିଛି ଉନ୍ନତ ଓ ଅତ୍ୟାଧୁନିକ ଯନ୍ତ୍ରାଂଶ। ସଂକ୍ରମଣ ଓ ପ୍ରଦୂଷଣ ରୋକିବା ପାଇଁ ଏଥିରେ କରାଯାଇଛି ସମସ୍ତ ବ୍ୟବସ୍ଥା। ସ୍ବତନ୍ତ୍ର ଭାବେ ଥିବା ଏୟାର ହ୍ୟାଣ୍ଡଲିଙ୍ଗ୍‌ ୟୁନିଟ୍‌ ଦୂଷିତ ବାୟୁ ପ୍ରତିରୋଧ କରିବ। ଏଥିସହ ସ୍ବତନ୍ତ୍ର ଭାବେ ହେପା ଫିଲ୍ଟର ଓ ଭାଇରସ୍‌ ସୁରକ୍ଷା ପାଇଁ ଅଲଟ୍ରା ଭାଓଲେଟ ରଶ୍ମି ଖଞ୍ଜା ଯାଇଛି। ଅତ୍ୟାଧୁନିକ ଓଟି ଲାଇଟ୍‌ ସହ ଅପରେଶନର ସମସ୍ତ କାର୍ଯ୍ୟ କମ୍ପ୍ୟୁଟରରେ ତଦାରଖ ପାଇଁ କମ୍ପ୍ୟୁଟେଡ୍‌ ରେଡିଓଗ୍ରାଫି (ସିଆର୍‌)ର ବ୍ୟବସ୍ଥା କରାଯାଇଛି। ଅତ୍ୟାଧୁନିକ ୱାର୍କ ନିସ୍ତେଜକ ମେସିନ୍‌ ମଧ୍ୟ ରହିଛି। ବିଭିନ୍ନ ଅଙ୍ଗର ଲାପ୍ରୋସ୍କୋପି, ଏଣ୍ଡୋସ୍କୋପି ଓ ଜଏଣ୍ଟ ସର୍ଜରୀ ଆଦି ପାଇଁ ଉପଯୁକ୍ତ ବ୍ୟବସ୍ଥା କରାଯାଇଛି। ଏଣ୍ଡୋସ୍କୋପି ମାଧ୍ୟମରେ ଶରୀରର କୌଣସି ସ୍ଥାନକୁ କଟାକଟି କରା ନ ଯାଇ କେବଳ ଛିଦ୍ର ମାଧ୍ୟମରେ ଅସ୍ତ୍ରୋପଚାର କରାଯିବ। ବିଶେଷକରି ଇଏନ୍‌ଟି, ଜଏଣ୍ଟ ସର୍ଜରୀ ଓ ଶିରାପ୍ରଶିରାରେ ସହଜରେ ଅସ୍ତ୍ରୋପଚାର ପାଇଁ ଏହି ବ୍ୟବସ୍ଥା ହୋଇଛି। ୩ ମାସ ପୂର୍ବରୁ ପ୍ରାୟ କୋଟିଏରୁ ଉର୍ଦ୍ଧ୍ୱ ଟଙ୍କା ବ୍ୟୟରେ ଏହି ଓଟି ଖୋଲାଯାଇଛି। ଖଞ୍ଜା ଅସ୍ତ୍ରୋପଚାରର ୩ ଦିନ ପରେ ରୋଗୀ ସମ୍ପୂର୍ଣ୍ଣ ଭାବେ ଚାଲିପାରିବେ। ସଦ୍ୟ ସମାପ୍ତ ଅସ୍ତ୍ରୋପଚାର ମାତ୍ର ୪୫ ମିନିଟ୍‌ରେ କରାଯାଇଥିବା ହସ୍ପିଟାଲର ଦୁର୍ଘଟଣା ଓ ଜରୁରିକାଳୀନ ଭେଷଜ ବିଶେଷଜ୍ଞ ଡା. ଦେବାଶିଷ ପ୍ରଧାନ ପ୍ରକାଶ କରିଛନ୍ତି। ଉକ୍ତ ଅସ୍ତ୍ରୋପଚାରରେ ଜଣେ ଅସ୍ଥିଶଲ୍ୟ ବିଶେଷଜ୍ଞ, ଜଣେ ଅସ୍ଥିଶଲ୍ୟ ଖଞ୍ଜା ବିଶେଷଜ୍ଞ, ଜଣେ ଦୁର୍ଘଟଣାଜନିତ ବିଶେଷଜ୍ଞ, ନିସ୍ତେଜକ ବିଶେଷଜ୍ଞ, ୩ ଜଣ ଓଟି ଟେକ୍ନିସିଆନ, ୨ଜଣ ନର୍ସ ନିୟୋଜିତ ହୋଇଥିଲେ। ଯେଉଁ ସ୍ଥାନରେ ଅପରେଶନ ହୋଇଥାଏ ସେଠାରୁ ୪ ଇଞ୍ଚ କଟାଯାଇ ଉକ୍ତ ଖଞ୍ଜା ହାଡ଼କୁ ବାହାର କରିଦିଆଯାଏ। ସେହି ସ୍ଥାନରେ ଷ୍ଟିଲ୍‌ ରଡ଼ ବା ଅକ୍ସିନିୟ ତଥା କୃତିମ ଖଞ୍ଜା ଲଗାଯାଏ ବୋଲି ଡ. ପ୍ରଧାନ କହିଛନ୍ତି। ରୋଗୀଙ୍କ ପାଇଁ କମ୍‌ ଖର୍ଚ୍ଚରେ ଏବଂ ଭବିଷ୍ୟତରେ ସଂକ୍ରମଣର ଶିକାର ନ ହେବାକୁ ଏହି ହସ୍ପିଟାଲରେ ବିଶେଷ ଧ୍ୟାନ ଦିଆଯାଇଛି। ଇଏସ୍‌ଆଇ କାର୍ଡ଼ଧାରୀଙ୍କ ଅସ୍ତ୍ରୋପଚାର ନିମନ୍ତେ ପ୍ରାୟ ୭୨ହଜାର ଟଙ୍କା ଖର୍ଚ୍ଚ ହେବ। ମେଡ଼ିକାଲ ସହ ସହବନ୍ଧିତ ସ୍ବାସ୍ଥ୍ୟ ବୀମାଧାରୀ ସମ୍ପୂର୍ଣ୍ଣ ମାଗଣାରେ ସେଠାରେ ଅସ୍ତ୍ରୋପଚାର କରିପାରିବେ। କିମ୍ସ, ଆପୋଲୋ, କଳିଙ୍ଗ ହସ୍ପିଟାଲ ମଧ୍ୟରେ ସହବନ୍ଧିତ ଥିବାରୁ ଏହି ଡାକ୍ତରଖାନାରେ କାର୍ଯ୍ୟରତ ବରିଷ୍ଠ ବିଶେଷଜ୍ଞ ଆସି ଏଠାରେ ଅସ୍ତ୍ରୋପଚାର କରିଥାନ୍ତି। ଡ. ପ୍ରଧାନଙ୍କ ତତ୍ତ୍ବାବଧାନରେ ଏହି ଅସ୍ତ୍ରୋପଚାର କରାଯାଉଛି। ଡ. ପ୍ରଧାନ ଦୀର୍ଘ ୧୫ବର୍ଷ ହେଲା ଦୁର୍ଘଟଣା ଓ ଜରୁରିକାଳୀନ ଭେଷଜ ବିଶେଷଜ୍ଞ ଭାବେ କାର୍ଯ୍ୟ କରୁଛନ୍ତି। ପ୍ରଥମେ ରୁଷିଆର ୟୁକ୍ରେନ୍‌ ପରେ ଦିଲ୍ଲୀ ସବ୍‌ଦର୍ଜନ୍‌ ହସ୍ପିଟାଲରେ ବର୍ଣ୍ଣ ପ୍ଲାଷ୍ଟିକ ସର୍ଜରୀ ଓ ଦିଲ୍ଲୀର ଆପୋଲୋ ହସ୍ପିଟାଲରେ କାମ କରିବା ପରେ ସେ ଏବେ ଅନୁଗୋଳସ୍ଥିତ ସୁରେନ୍ଦ୍ର ହସ୍ପିଟାଲରେ ୭ ବର୍ଷ ହେଲା କାମ କରୁଛନ୍ତି ।
All Right Reserved By

ଅନଗୁଳ-ଢେଙ୍କାନାଳ

ଯୁବକଙ୍କୁ ଟାଙ୍ଗିଆରେ ହାଣି ନିର୍ମମ ହତ୍ୟା

ଯୁବକଙ୍କୁ ଟାଙ୍ଗିଆରେ ହାଣି ନିର୍ମମ ହତ୍ୟା

ପରଜଙ୍ଗ,୨୦।୧୦: ଢେଙ୍କାନାଳ ଜିଲା ପରଜଙ୍ଗ ଥାନା ନୂଆ କୁଆଳୋ ଗ୍ରାମରେ ଶୁକ୍ରବାର ସାରେ ଜଣେ ଯୁବକଙ୍କୁ ଟାଙ୍ଗିଆରେ ହାଣି ନିର୍ମମ ଭାବେ ହତ୍ୟା କରାଯାଇଥିବା ଅଭିଯୋଗ ହୋଇଛି । ମୃତକ ହେଲେ ଚନ୍ଦନ ବେହେରା।

ଘରୋଇ କମ୍ପାନୀ ସର୍ଭେ କାର୍ଯ୍ୟକୁ ବିରୋଧ

ଘରୋଇ କମ୍ପାନୀ ସର୍ଭେ କାର୍ଯ୍ୟକୁ ବିରୋଧ


ଛେଣ୍ଡିପଦା,୧୯।୧୦(ଡି.ଏନ.ଏ.)- ଛେଣ୍ଡିପଦା ବ୍ଲକ ଅନ୍ତର୍ଗତ ଶିମିଳିପାଳ ପଞ୍ଚାୟତରେ ଶୁକ୍ରବାର ଏକ ଘରୋଇ କମ୍ପାନୀ ଦ୍ୱାରା ବିଭିନ୍ନ ସର୍ଭେ କାର୍ଯ୍ୟ ଚାଲିଥିବାବେଳେ ସ୍ଥାନୀୟ ଅଞ୍ଚଳବାସୀ ଏହାକୁ ତୀବ୍ର ବିରୋଧ କରିଛନ୍ତି। ଏପରିକି ଲୋକମାନେ ଉତ୍ତେଜିତ ହୋଇ ସମ୍ପୃକ୍ତ କମ୍ପାନୀ କର୍ମଚାରୀଙ୍କୁ ସର୍ଭେ ବିଷୟରେ ପଚାରିଥିଲେ। 

କଳାସଂସ୍କୃତି ପାଇଁ ଓଡ଼ିଶା ଗର୍ବିତ

କଳାସଂସ୍କୃତି ପାଇଁ ଓଡ଼ିଶା ଗର୍ବିତ


ବଇଣ୍ଡା,୧୯।୧୦(ଡି.ଏନ.ଏ.)- କିଶୋରନଗର ବ୍ଲକ ବଇଣ୍ଡା ହାଇସ୍କୁଲଠାରେ ଚାଲିଥିବା ଦୁର୍ଗାପୂଜା ଅବସରରେ ଗୁରୁବାର ଅନୁଷ୍ଠିତ ସାଂସ୍କୃତିକ କାର୍ଯ୍ୟକ୍ରମରେ କଳାକାରଙ୍କୁ ପୁରସ୍କୃତ କରାଯାଇଛି। 

ବ୍ୟାଟେରୀ ଚୋରି ଅଭିଯୋଗ: ଜଣେ ଅଟକ

ବ୍ୟାଟେରୀ ଚୋରି ଅଭିଯୋଗ: ଜଣେ ଅଟକ

ବଇଣ୍ଡା,୧୯।୧୦(ଡି.ଏନ.ଏ.)-ଅନୁଗୋଳ ଜିଲା ହଣ୍ଡପା ଥାନା ବଡ଼ହୁଲା ଗ୍ରାମରେ ଛିଡ଼ା ହୋଇଥିବା  ଏକ ମିନି ଟ୍ରକ(ନଂ.ଓଡି୦୨ଏଲ୯୧୫୩)ରୁ ଗୁରୁବାର ରାତିରେ କେତେକ ଦୁର୍ବୃତ୍ତ ବ୍ୟାଟେରୀଟି ଚୋରି କରି ନେଇଯାଇଛନ୍ତି। ଏ ନେଇ ଟ୍ରକ ଚାଳକ ବଡ଼ହୁଲାର ଗ୍ରାମର  ଚାଳକ ଚନ୍ଦ୍ରାହାସ୍ୟ ଦେହୁରୀ ଶୁକ୍ରବାର ହଣ୍ଡପା ଥାନାରେ ଅଭିଯୋଗ କରିଛନ୍ତି। 

ବୀରତ୍ୱ ପ୍ରଦର୍ଶନ କଲେ  ପାଇକ ପୁଅ

ବୀରତ୍ୱ ପ୍ରଦର୍ଶନ କଲେ ପାଇକ ପୁଅ


ଛେଣ୍ଡିପଦା,୧୯।୧୦(ସ୍ବ.ପ୍ର)- ଅନୁଗୋଳ ଜିଲା ଛେଣ୍ଡିପଦା ବ୍ଲକ ବରସାହି ପଞ୍ଚାୟତ ଖମାର ଗ୍ରାମରେ ଶୁକ୍ରବାର ମହା ଆଡମ୍ବରରେ ଦଶହରା ପର୍ବ ପାଳିତ ହୋଇଛି। 

ଅନୁଗୋଳ ଟ୍ରକ ମାଲିକ ସଂଘ ଉପସଭାପତିଙ୍କ ବିୟୋଗ

ଅନୁଗୋଳ ଟ୍ରକ ମାଲିକ ସଂଘ ଉପସଭାପତିଙ୍କ ବିୟୋଗ

ବଅଁରପାଳ,୧୯।୧୦(ଡି.ଏନ.ଏ.)-ଅନୁଗୋଳ ଜିଲା ଟ୍ରକ ମାଲିକ ସଂଘର ଉପସଭାପତି ନରେନ୍ଦ୍ର ପ୍ରଧାନଙ୍କ ଶୁକ୍ରବାର ପରଲୋକ ହୋଇଯାଇଛି। 

କଂଗ୍ରେସର ମିଶ୍ରଣ ପର୍ବ

କଂଗ୍ରେସର ମିଶ୍ରଣ ପର୍ବ


ଅନୁଗୋଳ ଅଫିସ,୧୯।୧୦- ଅନୁଗୋଳ ଜିଲା ଛେଣ୍ଡିପଦା ନିର୍ବାଚନ ମଣ୍ଡଳୀର ବଡହିଂସର ମା’ ଖମ୍ବେଶ୍ବରୀ ମନ୍ଦିର ନିକଟରେ ଶୁକ୍ରବାର କଂଗ୍ରେସର ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି।

ଗୋଷ୍ଠୀ କେନ୍ଦ୍ରର ଭୂମିପୂଜନ କଲେ ଏମ୍‌ପିଙ୍କ ପ୍ରତିନିଧି

ଗୋଷ୍ଠୀ କେନ୍ଦ୍ରର ଭୂମିପୂଜନ କଲେ ଏମ୍‌ପିଙ୍କ ପ୍ରତିନିଧି

ଅନୁଗୋଳ ଅଫିସ,୧୯।୧୦- ଆମ ଗାଁ ଆମ ବିକାଶ ଯୋଜନାରେ ଢେଙ୍କାନାଳ-ଅନୁଗୋଳ ଏମ୍‌ପି ତଥାଗତ ସତପଥୀଙ୍କ ଜିଲା ପ୍ରତିନିଧି ଭକ୍ତି ପ୍ରସାଦ ଦାସ ଗୁରୁବାର ଅନୁଗୋଳ ବ୍ଲକ ନୂଆମୌଜା ପଞ୍ଚାୟତ ଶରଧାପୁର ପିତାବଳୀ ସାହି ଗୋଷ୍ଠୀ କେନ୍ଦ୍ରର ଭୂମିପୂଜନ କରିଛନ୍ତି।

ଗଜଲକ୍ଷ୍ମୀଙ୍କ ପୂଜା ପାଇଁ ପ୍ରସ୍ତୁତି ବୈଠକ


ତାଳଚେର,୧୯।୧୦(ନି.ପ୍ର)- ତାଳଚେର ବ୍ଲକ ଅନ୍ତର୍ଗତ କମଳଛୁଇଁ ଗ୍ରାମରେ ଗଜଲକ୍ଷ୍ମୀଙ୍କ ପୂଜା ପାଇଁ  କେନ୍ଦ୍ରୀୟ ଲକ୍ଷ୍ମୀ ପୂଜା କମିଟି ପକ୍ଷରୁ  ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଛି। କମିଟିର ସଭାପତି ଗଗନ ବିହାରୀ ସାହୁ ଏଥିରେ  ଅଧ୍ୟକ୍ଷତା କରିଥିଲେ। 

ଲୁଟ୍‌ ଘଟଣାରେ ଅଭିଯୁକ୍ତ ଗିରଫ

ଲୁଟ୍‌ ଘଟଣାରେ ଅଭିଯୁକ୍ତ ଗିରଫ

କଣିହାଁ,୧୯।୧୦(ଡି.ଏନ.ଏ.)- କଣିହାଁ ବ୍ଲକ ରେଙ୍ଗାଳି ଥାନା ପୋଲିସ ପୂର୍ବରୁ ଲୁଟ୍‌ ଘଟଣାକୁ ନେଇ ଜଣକୁ ଗିରଫ କରି କୋର୍ଟଚାଲାଣ କରିଛି।

ଚୋର ଅଟକ

ଚୋର ଅଟକ

ବଅଁରପାଳ,୧୯।୧୦(ଡି.ଏନ.ଏ.)-ବଅଁରପାଳ ବଜାରର ଏକ ପାନ ଦୋକାନରୁ ଚୋରି କରୁଥିବା ସମୟରେ ଜଣେ ଯୁବକଙ୍କୁ କାବୁ କରିଛନ୍ତି ଦୋକାନୀ।

ବିଜେଡି  ପକ୍ଷରୁ ଜନସମ୍ପର୍କ ପଦଯାତ୍ରା

ବିଜେଡି ପକ୍ଷରୁ ଜନସମ୍ପର୍କ ପଦଯାତ୍ରା


ଛେଣ୍ଡିପଦା,୧୯।୧୦(ଡି.ଏନ.ଏ.)- ଛେଣ୍ଡିପଦା ବ୍ଲକ ବିଜେଡି ପକ୍ଷରୁ ଜନସମ୍ପର୍କ ପଦଯାତ୍ରା ଅନୁଷ୍ଠିତ ହୋଇଯାଇଛି। ସ୍ଥାନୀୟ ବିଧାୟକ ସୁଶାନ୍ତ କୁମାର ବେହେରାଙ୍କ ନେତୃତ୍ୱରେ ଆୟୋଜିତ ଏହି ପଦଯାତ୍ରା ଜରପଡା, ତୁକୁଡା, ପରା, ଓଗୀ ପଞ୍ଚାୟତର ସମସ୍ତ ଗ୍ରାମ ପରିକ୍ରମା କରିଥିଲା। ପରେ  ଓଗୀ ଗ୍ରାମଠାରେ ଏକ ସାଧାରଣ ସଭା ଅନୁଷ୍ଠିତ ହୋଇଥିଲା।