ଉପକୂଳ ଓଡିଶା

ଅନ୍ଧବିଶ୍ୱାସରୁ ମହିଳାଙ୍କୁ ପିଟି ହତ୍ୟା ଘଟଣା: ୪ ଅଭିଯୁକ୍ତ କୋର୍ଟଚାଲାଣ

ଅନ୍ଧବିଶ୍ୱାସରୁ ମହିଳାଙ୍କୁ ପିଟି ହତ୍ୟା ଘଟଣା: ୪ ଅଭିଯୁକ୍ତ କୋର୍ଟଚାଲାଣ
କୁଜଙ୍ଗ,୯।୧୨(ସ୍ବ.ପ୍ର.): ଅନ୍ଧବିଶ୍ୱାସକୁ ନେଇ କୁଜଙ୍ଗ ଥାନା ଅନ୍ତର୍ଗତ ବାଲିଆ ଛକ ହୁକୁମ୍‌ ଘରେ ହୋଇଥିବା ହତ୍ୟା ଘଟଣାରେ ପୋଲିସ ଶନିବାର ୪ଜଣଙ୍କୁ ଗିରଫ କରି କୋର୍ଟଚାଲାଣ କରିଛି। ପ୍ରକାଶ ଯେ, କେନ୍ଦ୍ରାପଡା ଜିଲା ପାଟୁକୁରା ଥାନା ଶାସନୀପଡା ଗ୍ରାମର ପୀତାମ୍ବର ନାୟକଙ୍କ କନ୍ୟା ରଶ୍ମୀତାଙ୍କ ଶରୀରରେ ପ୍ରେତ ସବାର ହୋଇଥିବା କହି ତାଙ୍କୁ ୪ଦିନ ଧରି ନିର୍ମମ ଭାବେ ପିଟି ହତ୍ୟା କରାଯାଇଥିଲା। ଏହି ଘଟଣାରେ ସମ୍ପୃକ୍ତ ନାବାଳିକାଙ୍କ ସମେତ ମିନତୀ ବେଉରା, ଜୟନ୍ତୀ ପାତ୍ର ଓ କୁଜଙ୍କ ଥାନା ଅନ୍ତର୍ଗତ ସାହାରଡିଆର ନରେଶ ପ୍ରଧାନ ଓରଫ ପପିନଙ୍କୁ ପୋଲିସ ଗିରଫ କରିଥିଲା। ନାବାଳିକାଙ୍କୁ ଜଗତ୍‌ସିଂହପୁର ଜୁଭେନାଇଲ୍‌ କୋର୍ଟରେ ହାଜର କରାଯାଇଥିଲା। ସେଠାରୁ ତାଙ୍କୁ ବାଳ ସୁଧାର ଗୃହକୁ ପଠାଇ ଦିଆଯାଇଛି। ଅନ୍ୟ ୩ ଅଭିଯୁକ୍ତଙ୍କୁ କୁଜଙ୍ଗ ଜେଏମ୍‌ଏଫ୍‌ସିଙ୍କ କୋର୍ଟରେ ହଜାର କରାଯାଇଥିଲା। ଜାମିନ ନାମଞ୍ଜୁର ହେବାରୁ ସେମାନଙ୍କୁ ସମାଗୋଳ ଜେଲ ହାଜତକୁ ପଠାଯାଇଛି ବୋଲି ସରକାରୀ ଓକିଲ ନଳୀନ ରଞ୍ଜନଙ୍କ ଦାସ କହିଛନ୍ତି। ସୂଚନାଯୋଗ୍ୟ, କୁଜଙ୍ଗ ଥାନା ଅନ୍ତର୍ଗତ ବାଲିଆ ଗ୍ରାମର ଜଣେ ଦଶମ ଶ୍ରେଣୀ ଛାତ୍ରୀଙ୍କ ଦେହରେ ମା’ ମଙ୍ଗଳା ବିଜେ କରୁଥିବା ପ୍ରଚାର ହୋଇଥିଲା। ସେ ବିଭିନ୍ନ ରୋଗର ଚିକିତ୍ସା କରୁଥିବା ମଧ୍ୟ କୁହାଯାଇଥିଲା। କେନ୍ଦ୍ରାପଡ଼ା ଜିଲା ପାଟକୁରା ଥାନା ଅନ୍ତର୍ଗତ ଶାସନପଡ଼ା ଗ୍ରାମର ସରୋଜକାନ୍ତ ନାୟକଙ୍କ ଭଉଣୀ ରଶ୍ମିତା ମାନସିକ ବିକାରଗ୍ରସ୍ତ ଥିଲେ। ତେଣୁ ଭଉଣୀଙ୍କୁ ଭଲ କରିବା ପାଇଁ ସରୋଜ ବାଲିଆର ଉକ୍ତ ନାବାଳିକାଙ୍କ ପାଖକୁ ଆଣିଥିଲେ। ହୁକୁମ ସ୍ଥାନରେ ପହଞ୍ଚତ୍ବା ପରେ ମଙ୍ଗଳା ମା’ ସାଜିଥିବା ନାବାଳିକା ଓ ତାଙ୍କ ମା’ ସରୋଜଙ୍କ ଗଁାକୁ ଯାଇ ବିଭିନ୍ନ ପୂଜା କରିଥିଲେ। ରଶ୍ମିତାଙ୍କୁ ପ୍ରେତ ଗ୍ରାସିଛି ବୋଲି କହି ହୁକୁମ୍‌ ଘରକୁ ଆଣିବାକୁ ପରାମର୍ଶ ଦେଇଥିଲେ। ଯୋଜନା ଅନୁସାରେ ରଶ୍ମିତାଙ୍କୁ ସୋମବାର ରାତିରେ ହୁକୁମୁ ଘରକୁ ଅଣାଯିବାପରେ ଅଭାବନୀୟ ପରିସ୍ଥିତି ସୃଷ୍ଟି ହୋଇଥିଲା। ନାବାଳିକା ଓ ତାଙ୍କ ମା’ ହୁକୁମ ଘର ମଧ୍ୟରେ ଗତ ସୋମବାରଠାରୁ ଗୁରୁବାର ପର୍ଯ୍ୟନ୍ତ ରଶ୍ମିତାଙ୍କୁ ବନ୍ଦୀ କରି ରଖିଥିଲେ। ଦିନକୁ ୩ ଥର ଘଣ୍ଟାଘଣ୍ଟା ଧରି ଗୋଟିଏ ଠେଙ୍ଗା ଓ ୩ଟି ବେତରେ ତାଙ୍କୁ ଅମାନୁଷିକ ଭାବେ ମାଡ଼ ମାରିଥିଲେ। ଫଳରେ ଗୁରୁବାର ରାତିରେ ରଶ୍ମିତାଙ୍କ ମୃତ୍ୟୁ ହୋଇଥିଲା। ମା’ ମଙ୍ଗଳା ସାଜିଥିବା ନାବାଳିକା ଓ ତାଙ୍କ ମା’, ମାଉସୀ ଏବଂ ଅନୁଗତଙ୍କୁ ପୋଲିସ ଅଟକ ରଖିଥିଲା। ଏନେଇ କେସ୍‌ (ନଂ. ୧୮୯/୧୭) ରୁଜୁ ହୋଇଥିଲା।
All Right Reserved By

ଉପକୂଳ ଓଡିଶା

ବାର୍‌ହା ପଲଙ୍କ ଉପଦ୍ରବରେ ଧାନଫସଲ ନଷ୍ଟ

ବାର୍‌ହା ପଲଙ୍କ ଉପଦ୍ରବରେ ଧାନଫସଲ ନଷ୍ଟ

ଗଣିଆ,୧୮ା୧୦(ଡି.ଏନ.ଏ.)-ମହାନଦୀ ବନ୍ୟପ୍ରାଣୀ ବନଖଣ୍ଡ ନୟାଗଡ ଜିଲା ଛାମୁଣ୍ଡିଆ ବନାଞ୍ଚଳ ଅନ୍ତର୍ଗତ ଛାମୁଣ୍ଡିଆ ଓ ବଡ଼ଶିଲିଙ୍ଗା ପଞ୍ଚାୟତରେ ବନ୍ୟପ୍ରାଣୀଙ୍କ ଦ୍ୱାରା ବ୍ୟାପକ ଭାବରେ ଧାନ ଫସଲ ନଷ୍ଟ ହୋଇଥିବା ଅଭିଯୋଗ ହେଉଛି। 

ଆଧ୍ୟାମତ୍ିକ ପରିବେଶରେ ଉସତ୍ବମୁଖର ପୂଜାମଣ୍ଡପ

ଆଧ୍ୟାମତ୍ିକ ପରିବେଶରେ ଉସତ୍ବମୁଖର ପୂଜାମଣ୍ଡପ

ଖଣ୍ଡପଡ଼ା,୧୮ା୧୦(ସ୍ବ.ପ୍ର.)-ଦୁର୍ଗାପୂଜା ପାଇଁ ଖଣ୍ଡପଡ଼ା, କଣ୍ଟିଲୋ, ଖଳିସାହି ଓ ଏହାର ଆଖପାଖ ଅଞ୍ଚଳ ଏବେ ଚଳଚଞ୍ଚଳ ଏବଂ ଉତ୍ସତ୍ବ ମୁଖର ହୋଇଉଠିଛି। 

ଜିରୋ ପଏଣ୍ଟରେ ପ୍ରୋଟେକ୍ସନକୁ ନେଇ ବିବାଦ

ଜିରୋ ପଏଣ୍ଟରେ ପ୍ରୋଟେକ୍ସନକୁ ନେଇ ବିବାଦ

ପାରାଦୀପ,୧୭ା୧୦(ସ୍ବ.ପ୍ର.): ପାରାଦୀପ ଉପକଣ୍ଠ ଜିରୋପଏଣ୍ଟଠାରେ ବୁଧବାର ପ୍ରୋଟେକ୍ସନକୁ ନେଇ ବିବାଦ ମୁଣ୍ଡ ଟେକିଛି। ଏଥିରେ ଗୋଟିଏ ପକ୍ଷ ଜମିହରା ଏକତା ମଞ୍ଚ ପ୍ରତିପକ୍ଷ ବିରୋଧରେ ଏକ ଠିକା କମ୍ପାନୀ ଫାଟକ ଆଗରେ ଧାରଣା ଦେଇଛି। 

ମହାଷ୍ଟମୀ ପାଇଁ ଶ୍ରଦ୍ଧାଳୁଙ୍କ ଭିଡ଼

ମହାଷ୍ଟମୀ ପାଇଁ ଶ୍ରଦ୍ଧାଳୁଙ୍କ ଭିଡ଼

ଯାଜପୁର ରୋଡ, ୧୬।୧୦(ଡି.ଏନ୍‌.ଏ.): ବୁଧବାର ମା’ ଦୁର୍ଗାଙ୍କର ମହାଷ୍ଟମୀ ପୂଜା। ଯାଜପୁର ରୋଡ଼ର ସମସ୍ତ ପୂଜା ମଣ୍ଡପ ନିକଟରେ ଶ୍ରଦ୍ଧାଳୁଙ୍କ ଭିଡ଼ ଜମିଛି। ମହାଷ୍ଟମୀ ଉପବାସ କରୁଥିବା ମହିଳାମାନେ ଭୋଗ କରି ବ୍ରତ ପିନ୍ଧୁଛନ୍ତ। ମା’ଙ୍କ ଦର୍ଶନ ପାଇଁ ଶ୍ରଦ୍ଧାଳୁଙ୍କ ଭିଡ଼ ଜମୁଛି। ଚଣ୍ଡୀ ପାଠ ସହ ବିଭିନ୍ନ ବାଦ୍ୟରେ ସହର କମ୍ପୁଛି । 

ଶାରଦୀୟ ଦୁର୍ଗା ପୂଜା ପାଇଁ ଡେରାବିଶ ଉତ୍ସବମୁଖର

ଶାରଦୀୟ ଦୁର୍ଗା ପୂଜା ପାଇଁ ଡେରାବିଶ ଉତ୍ସବମୁଖର

ଡେରାବିଶ,୧୭।୧୦(ସ୍ବ.ପ୍ର.): ଦୁର୍ଗାପୂଜା ପାଇଁ  କେନ୍ଦ୍ରାପଡ଼ା ଜିଲା ଡେରାବିଶ ବ୍ଲକ ଗତ ସୋମବାର ଠାରୁ ଉତ୍ସବ ମୁଖର ହୋଇଉଠିଛି। ଦୀର୍ଘ ଏକ ବର୍ଷ ଧରି ଉତ୍କଣ୍ଠାର ସହ ଅପେକ୍ଷା କରିଥିବା ଶ୍ରଦ୍ଧାଳୁ ଓ ଭକ୍ତଙ୍କ ପାଇଁ ଭକ୍ତି ପରାକାଷ୍ଠାର  ସ୍ବରୂପିଣୀ ମହିଷମର୍ଦ୍ଦିନୀ ମା’ ଦୁର୍ଗା ଧରାପୃଷ୍ଠରେ ଅବତରଣ କରିଛନ୍ତି।

ମାର୍ଶାଘାଇରେ ମା’ଙ୍କ ଅଷ୍ଟମୀ ପୂଜା

ମାର୍ଶାଘାଇରେ ମା’ଙ୍କ ଅଷ୍ଟମୀ ପୂଜା

ମାର୍ଶାଘାଇ,୧୦।୧୦(ଡି.ଏନ୍‌.ଏ.): କେନ୍ଦ୍ରାପଡ଼ା ଜିଲା ମାର୍ଶାଘାଇ ଅଞ୍ଚଳରେ ଦୁର୍ଗା ମଣ୍ଡପ ଗୁଡ଼ିକରେ ବୁଧବାର ମା’ଙ୍କ ଅଷ୍ଟମୀ ପୂଜା ଅନୁଷ୍ଠିତ ହୋଇଯାଇଛି।

ମା’ ବୁଢୀ ଜାଗୁଳେଇଙ୍କ ପୀଠରେ ୬୧ ବୋଦା ବଳି

ପଟ୍ଟାମୁଣ୍ଡାଇ,୧୭।୧୦(ସ୍ବ.ପ୍ର.)-ପ୍ରଶାସନ ଓ ପୋଲିସର କଟକଣା ସତ୍ତ୍ୱେ ଚଳିତବର୍ଷ ଦୁର୍ଗାଷ୍ଟମୀରେ କେନ୍ଦ୍ରାପଡା ଜିଲା ପଟ୍ଟାମୁଣ୍ଡାଇ ବ୍ଲକ ଓସଙ୍ଗରା ଗ୍ରାମର ଆରାଧ୍ୟା ଦେବୀ ମା’ ବୁଢୀ ଜାଗୁଳେଇଙ୍କ ପୀଠରେ ୬୧ ବୋଦା ବଳି ପଡିଛି। 

ତିତ୍‌ଲି ପ୍ରଭାବରେ  ଭାଙ୍ଗିଲା ଶ୍ରେଣୀଗୃହ କାନ୍ଥ, କୋମଳମତି ଶିଶୁମାନଙ୍କ ପାଇଁ  ବିପଦଶଙ୍କୁଳ ପରିସ୍ଥିତି

ତିତ୍‌ଲି ପ୍ରଭାବରେ ଭାଙ୍ଗିଲା ଶ୍ରେଣୀଗୃହ କାନ୍ଥ, କୋମଳମତି ଶିଶୁମାନଙ୍କ ପାଇଁ ବିପଦଶଙ୍କୁଳ ପରିସ୍ଥିତି

ଗଣିଆ,୧୭ା୧୦(ଡି.ଏନ.ଏ.)-ଗତ ସାମୁଦ୍ରିକ ଝଡ଼ ତିତ୍‌ଲି ପ୍ରଭାବରେ ଗଣିଆ ବ୍ଲକ ଛାମୁଣ୍ଡିଆସ୍ଥିତ କୁଞ୍ଜବିହାରୀ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ଶ୍ରେଣୀଗୃହର କାନ୍ଥ ଭୁଶୁଡ଼ି ପଡ଼ିଛି। ଅର୍ଦ୍ଧଭଗ୍ନ ଅବସ୍ଥାରେ ଥିବା ଏହି ଶ୍ରେଣୀଗୃହ ବିଦ୍ୟାଳୟ ପରିସରରେ ବିପଦଶଙ୍କୁଳ ପରିସ୍ଥିତି ସୃଷ୍ଟି କରିଛି। ଏକ ଶହ ବର୍ଷରୁ ଊର୍ଦ୍ଧ୍ୱ ୧୯୧୭ ମସିହାରେ ସ୍ଥାପିତ ହୋଇଥିବା ଏହି ବିଦ୍ୟାଳୟର ସମସ୍ତ ଶ୍ରେଣୀଗୃହଗୁଡ଼ିକ ଜରାଜୀର୍ଣ୍ଣ ଅବସ୍ଥାରେ ପଡିରହିଛି। ମାଟି ଓ ଇଟାରେ ନିର୍ମିତ କାନ୍ଥଗୁଡ଼ିକ ଫାଟି ଆଁ କରି ରହିଲାଣି।

ମହିଳାଙ୍କୁ ଗ୍ରାମବାସୀଙ୍କ ଆକ୍ରମଣ: ନ୍ୟାୟ ପାଇଁ ଥାନାର ଦ୍ୱାରସ୍ଥ ହେଲେ ମହିଳାଙ୍କ ପରିବାର

ମହିଳାଙ୍କୁ ଗ୍ରାମବାସୀଙ୍କ ଆକ୍ରମଣ: ନ୍ୟାୟ ପାଇଁ ଥାନାର ଦ୍ୱାରସ୍ଥ ହେଲେ ମହିଳାଙ୍କ ପରିବାର

ନୟାଗଡ଼ ଅଫିସ,୧୭।୧୦-ନୟାଗଡ଼ ଜିଲା ସଦର ଥାନା ଖୁଣ୍ଟୁବନ୍ଧ ପଞ୍ଚାୟତ ଅଶ୍ୱତ୍ଥପଡ଼ା ଗ୍ରାମରେ  ସୋମବାର ରାତିରେ ଏକ ଅଭାବନୀୟ ଘଟଣା ଘଟିଛି। ଜଣେ ମହିଳାଙ୍କୁ ଗ୍ରାମବାସୀ କଟୁରିରେ ଆକ୍ରମଣ କରିବାରୁ ସେ  ଗୁରୁତର ହୋଇଛନ୍ତି। ମହିଳା ଜଣଙ୍କ ହେଲେ ଅଶ୍ୱତ୍ଥପଡ଼ା  ଗ୍ରାମର  ପାଣୁଚରଣ ପ୍ରଧାନଙ୍କ ସ୍ତ୍ରୀ  ଗୌରୀ ପ୍ରଧାନ(୪୮)। 

ସ୍ବାଧୀନତାର ୭୧ ବର୍ଷ ପରେ ସେତୁ , ଗ୍ରାମ ସଡ଼କ ନିର୍ମାଣ ନିମନ୍ତେ ଭୂମିପୂଜା

ସ୍ବାଧୀନତାର ୭୧ ବର୍ଷ ପରେ ସେତୁ , ଗ୍ରାମ ସଡ଼କ ନିର୍ମାଣ ନିମନ୍ତେ ଭୂମିପୂଜା

ରଣପୁର,୧୭ା୧୦(ସ୍ବ.ପ୍ର.)-ନୟାଗଡ଼ ଜିଲା ରଣପୁର ବ୍ଲକ୍‌ ଅନ୍ତର୍ଗତ ବଜ୍ରରାଜପୁର ପଞ୍ଚାୟତରେ ଅବହେଳିତ ଭାବେ ରହିଥିବା ଇଚ୍ଛାପୁର ଗ୍ରାମକୁ ଏବେ ସରକାରଙ୍କ ଦୃଷ୍ଟି ପଡ଼ିଛି। ସ୍ବାଧୀନତାର ୭୧ ବର୍ଷ ପରେ ଗ୍ରାମବାସୀଙ୍କ ଯାତାୟାତ ନିମନ୍ତେ ମନ୍ଦାକିନୀ ନଦୀ ଉପରେ ସେତୁ ନିର୍ମାଣ ପାଇଁ ୧ କୋଟି ୨୪ଲକ୍ଷ ଟଙ୍କା ମଞ୍ଜୁର ହୋଇଛି। ରଣପୁର ମୁଖ୍ୟ ରାସ୍ତାଠାରୁ ଗ୍ରାମକୁ ସଂଯୋଗ କରୁଛି ଏକ ନୂତନ ରାସ୍ତା। 

ହାତୀ ନଷ୍ଟ କଲା ଧାନ ଫସଲ

ହାତୀ ନଷ୍ଟ କଲା ଧାନ ଫସଲ

ରଣପୁର,୧୭ା୧୦(ସ୍ବ.ପ୍ର.)-ନୟାଗଡ଼ ଜିଲା ରଣପୁର ବ୍ଲକ୍‌ ମୟୂରଝଲିଆ ଏବଂ ରାଜଜଙ୍କିଆ ପଞ୍ଚାୟତରେ ସୋମବାର ରାତିରେ ହାତୀପଲ ଧାନ ଫସଲ ଖାଇଦେବା ସହିତ ଦଳିଚକଟି ନଷ୍ଟ କରିଦେଇଛି ।  ଋଣ କରି ଫସଲ କରିଥିବା ଚାଷୀମାନେ ଏବେ ଏ ନେଇ ମୁଣ୍ଡରେ ହାତଦେଇ ବସିଛନ୍ତି।

ଦୁର୍ଗାପୂଜା ଲାଗି ଉତ୍ସବମୁଖର ମାର୍ଶାଘାଇ

ଦୁର୍ଗାପୂଜା ଲାଗି ଉତ୍ସବମୁଖର ମାର୍ଶାଘାଇ

ମାର୍ଶାଘାଇ,୧୬।୧୦(ଡି.ଏନ୍‌.ଏ.): କେନ୍ଦ୍ରାପଡ଼ା ଜିଲା ମାର୍ଶାଘାଇ ବ୍ଲକ ଶାରଦୀୟ ଦୁର୍ଗାପୂଜା ପାଇଁ ଉତ୍ସବ ମୁଖର ହୋଇ ଉଠିଛି। ମାର୍ଶାଘାଇ  ବଜାର ମଣ୍ଡପରେ ସୋମବାର ସନ୍ଧ୍ୟାରେ ବିଲ୍ବ ବରଣ ପରେ ମଙ୍ଗଳବାର କଳସ ସ୍ଥାପନ କରାଯାଇ ଷୋଢଶ ଉପଚାର ପୂଜା ଆରମ୍ଭ ହୋଇଛି।