ଉପକୂଳ ଓଡିଶା

ଅନ୍ଧାରରେ ଭାଗଚାଷୀଙ୍କ ଭାଗ୍ୟ

ଅନ୍ଧାରରେ ଭାଗଚାଷୀଙ୍କ ଭାଗ୍ୟ
ରସୁଲପୁର,୯। ୧୨(ଡି.ଏନ୍‌.ଏ.) ରସୁଲପୁର ବ୍ଲକରେ ଅଦିନିଆ ବର୍ଷାରେ ହୋଇଥିବା କ୍ଷୟକ୍ଷତି ପାଇଁ ସରକାର ୩୨ଲକ୍ଷ ୭୮ହଜାର ୫ଶହ ଟଙ୍କା ସହାୟତା ରାଶି ପ୍ରଦାନ କରିଛନ୍ତି । ଉକ୍ତ ସହାୟତା ରାଶି ଚାଷୀଙ୍କୁ କିଭଳି ବଣ୍ଟାଯିବ ତାହା ଏଯାବତ୍‌ ସ୍ଥିରୀକୃତ ହୋଇପାରିନାହିଁ। ଫଳରେ ଚଳିତ ବର୍ଷ ଚାଷୀମାନେ ସହାୟତା ରାଶିରୁ ବଞ୍ଚତ୍ତ ହେବେ ବୋଲି ଆଶା କରାଯାଉଛି। ଅନ୍ୟପଟେ ବ୍ଲକରେ ଭାଗଚାଷୀ ନ ଥିବା ନେଇ ପ୍ରଶାସନକୁ ରିପୋର୍ଟ ଦିଆଯାଇଥିବାରୁ ସେମାନଙ୍କ ପାଇଁ କୌଣସି ସହାୟତା ରାଶି ଆସିନାହିଁ। ଫଳରେ ସେମାନଙ୍କ ଭାଗ୍ୟ ଅନ୍ଧାରରେ ଥିବା ଲକ୍ଷ୍ୟ କରାଯାଉଛି। ଜିଲାପାଳଙ୍କ ଚିଠି ନଂ-୨୪୫୦,ତା-୪। ୧୨। ୨୦୧୭ ଜରିଆରେ ରସୁଲପୁର ତହସିଲଦାରଙ୍କୁ ବ୍ଲକର ଚାଷୀଙ୍କ ଉଦ୍ଦେଶ୍ୟରେ ଆସିଥିବା କ୍ଷୟକ୍ଷତି ସହାୟତା ରାଶି ସମ୍ପର୍କରେ ଅବଗତ କରାଯାଇଛି। ଗତ ନଭେମ୍ବରରେ ହୋଇଥିବା ଅଦିନିଆ ବର୍ଷାରେ ବ୍ଲକର ୨୮ଟିରୁ ୨୩ଟି ପଞ୍ଚାୟତର ଚାଷୀଙ୍କ ଫସଲ ନଷ୍ଟ ହୋଇଥିବା ଆନୁମାନିକ ଆକଳନ କରାଯାଇଥିଲା। ୨୩ ପଞ୍ଚାୟତର ୬୮ଟି ଗ୍ରାମରେ ୪୧୩ ହେକ୍ଟର ଫସଲ ନଷ୍ଟ ହୋଇଥିଲା । ସେଥିମଧ୍ୟରୁ ୨୦୦ ହେକ୍ଟର ଧାନଚାଷ ଏବଂ ୨୧୩ହେକ୍ଟର ରବି ଓ ପନିପରିବା ଫସଲ କ୍ଷତି ହୋଇଥିବା ନେଇ ରିପୋର୍ଟରେ ଦର୍ଶାଯାଇଥିଲା । ଏହାକୁ ଆଧାର କରି ସରକାରଙ୍କ ପକ୍ଷରୁ ସହାୟତା ରାଶି ପ୍ରଦାନ କରାଯାଇଛି ା ଏହି ରାଶି କେଉଁ ଆଧାରରେ ଚାଷୀଙ୍କୁ ବଣ୍ଟାଯିବ ତାହା ନେଇ କୌଣସି ଗାଇଡ୍‌ ଲାଇନ୍‌ ପ୍ରସ୍ତୁତ କରାଯାଇନାହିଁ। ଏହାଛଡା କେଉଁ ଫସଲରେ କେତେଜଣ ଚାଷୀଙ୍କ କେତେ ହେକ୍ଟର କ୍ଷତି ହୋଇଛି ତାହାର ହିସାବ ତିନୋଟି ବିଭାଗ ପାଖରେ ନାହିଁ। ତେବେ କେଉଁ ଫସଲ ପାଇଁ ଏକର ପିଛା କେତେ ସହାୟତା ରାଶି ଦିଆଯିବ ସେ ସମ୍ପର୍କରେ ବିଭାଗୀୟ ଅଧିକାରୀମାନେ ଅବଗତ ନାହାଁନ୍ତି । ଏ ସମ୍ପର୍କରେ ତହସିଲଦାର ପ୍ରତାପ ଚନ୍ଦ୍ର ରାଉତଙ୍କୁ ପଚାରିବାରେ ଚିଠି ଆସିବା ପରେ ସହାୟତା ରାଶି କେଉଁଭଳି ଭାବେ ଦିଆଯିବ ତାହା ସ୍ଥିରୀକୃତ କରାଯିବ ବୋଲି କହିଛନ୍ତି। ଶୁକ୍ରବାର ତହସିଲଦାର ପ୍ରତାପ ଚନ୍ଦ୍ର ରାଉତ ରାଉତ ୫ଟି ସର୍କଲର ରାଜସ୍ବ ନିରୀକ୍ଷକ, ରସୁଲପୁର କୃଷି ଅଧିକାରୀ, ଉଦ୍ୟାନ କୃଷି ବିଭାଗକୁ ନେଇ ଏକ ବୈଠକ ଆଲୋଚନା କରିଛନ୍ତି । ସେମାନଙ୍କୁ ଚାଷୀ ଚିହ୍ନଟ କରିବା ସହ କ୍ଷତିଗ୍ରସ୍ତ ଚାଷୀର କେଉଁ ପ୍ରକାର ଫସଲରୁ କେତେ ପରିମାଣର ଚାଷ ଜମି କ୍ଷତିଗ୍ରସ୍ତ ହୋଇଛି ସେ ଦିଗରେ ତୁରନ୍ତ ରିପୋର୍ଟ ପ୍ରଦାନ କରିବାକୁ ନିର୍ଦ୍ଦେଶ ଦେଇଛନ୍ତି। ଏପଟେ ବ୍ଲକ ଅଞ୍ଚଳରେ ଅର୍ଦ୍ଧାଧିକ ଭାଗଚାଷୀ ହୋଇଥିଲେ ବି ପୁଣି ସେମାନଙ୍କୁ ସହାୟତା ରାଶିରୁ ବଞ୍ଚତ୍ତ ହେବାକୁ ପଡ଼ିବ । କାରଣ ବ୍ଲକ ଅଞ୍ଚଳରେ ଭାଗଚାଷୀ ନ ଥିବା ନେଇ ତହସିଲ ପକ୍ଷରୁ ଜଣାପଡ଼ିଛି । ଏ ନେଇ ତହସିଲ ପ୍ରଶାସନ ସରକାରଙ୍କୁ ରିପୋର୍ଟ ପ୍ରଦାନ କରିଛନ୍ତି । ଜମି ମାଲିକମାନେ ତାଙ୍କର ଜମିକୁ ଭାଗଚାଷ କରିବାକୁ କାହାରିକୁ ଦେଇ ନାହାଁନ୍ତି । ମାଲିକମାନେ ଏଭଳି ତଥ୍ୟ ତଦନ୍ତ ଅଧିକାରୀଙ୍କ ସମ୍ମୁଖରେ ପ୍ରକାଶ କରିଛନ୍ତି । ଯାହାକୁ ଆଧାର କରି ଚଳିତ ବର୍ଷ ଏଭଳି ରିପୋର୍ଟ ପ୍ରଦାନ କରାଯାଇଛି । ଏଥିରୁ ସ୍ପଷ୍ଟ ଯେ ଚାଷ ଜନିତ କ୍ଷୟକ୍ଷତି ପାଇଁ ଆସିଥିବା ସହାୟତା ରାଶିରୁ ଭାଗଚାଷୀ ବଞ୍ଚତ୍ତ ହେବେ । ଚାଷ ନକରି ବି ଜମି ମାଲିକ ସହାୟତା ରାଶିର ଲାଭ ଉଠାଇବେ।
All Right Reserved By

ଉପକୂଳ ଓଡିଶା

ଦୁର୍ଗାପୂଜା ଲାଗି ଉତ୍ସବମୁଖର ମାର୍ଶାଘାଇ

ଦୁର୍ଗାପୂଜା ଲାଗି ଉତ୍ସବମୁଖର ମାର୍ଶାଘାଇ

ମାର୍ଶାଘାଇ,୧୬।୧୦(ଡି.ଏନ୍‌.ଏ.): କେନ୍ଦ୍ରାପଡ଼ା ଜିଲା ମାର୍ଶାଘାଇ ବ୍ଲକ ଶାରଦୀୟ ଦୁର୍ଗାପୂଜା ପାଇଁ ଉତ୍ସବ ମୁଖର ହୋଇ ଉଠିଛି। ମାର୍ଶାଘାଇ  ବଜାର ମଣ୍ଡପରେ ସୋମବାର ସନ୍ଧ୍ୟାରେ ବିଲ୍ବ ବରଣ ପରେ ମଙ୍ଗଳବାର କଳସ ସ୍ଥାପନ କରାଯାଇ ଷୋଢଶ ଉପଚାର ପୂଜା ଆରମ୍ଭ ହୋଇଛି।

ବ୍ରାହ୍ମଣୀ ନଦୀରେ ବୁଡ଼ି ବୃଦ୍ଧ ନିଖୋଜ

ବ୍ରାହ୍ମଣୀ ନଦୀରେ ବୁଡ଼ି ବୃଦ୍ଧ ନିଖୋଜ

ଯାଜପୁର ଅଫିସ, ୧୬।୧୦: ଯାଜପୁର ଜିଲା ବରୀ ବ୍ଲକ ଅନ୍ତର୍ଗତ ରାମଚନ୍ଦ୍ରପୁର ଦୁର୍ଗା ପଡ଼ିଆ ନିକଟ ବ୍ରାହ୍ମଣୀ ନଦୀରେ ମଙ୍ଗଳବାର ପୂର୍ବାହ୍ନରେ ଗାଧୋଇବାକୁ ଯାଇ ଜଣେ ବୃଦ୍ଧ ନିଖୋଜ ହୋଇଯାଇଛନ୍ତି। ସେ ହେଲେ ଦଶରଥ ଜେନା(୬୫)। ଯାଜପୁର ଓଡ୍ରାଫ ଟିମ୍‌ ଓ ବରୀ ଅଗ୍ନିଶମ ବିଭାଗ ପକ୍ଷରୁ ଖୋଜାଖୋଜି ଚାଲିଛି। 

ଜାକେଡା ପଞ୍ଚାୟତବାସୀଙ୍କ ବିଡିଓଙ୍କୁ ଦାବିପତ୍ର ପ୍ରଦାନ

ଜାକେଡା ପଞ୍ଚାୟତବାସୀଙ୍କ ବିଡିଓଙ୍କୁ ଦାବିପତ୍ର ପ୍ରଦାନ

ନୂଆଗାଁ,୧୬।୧୦(ଡି.ଏନ.ଏ.)-ନୟାଗଡ ଜିଲା ନୂଆଗାଁ ବ୍ଲକ ଜାକେଡା ପଞ୍ଚାୟତର ବିଭିନ୍ନ ସମସ୍ୟା ନେଇ ସୋମବାର ପଞ୍ଚାୟତର ଦୁଇଶହର ଊର୍ଦ୍ଧ୍ୱ ମହିଳାପୁରୁଷ ନୂଆଗାଁ ବିଡିଓଙ୍କୁ ଆଠ ଦଫା ସମ୍ବଳିତ ଏକ ଦାବିପତ୍ର ପ୍ରଦାନ କରିଛନ୍ତି । 

ପାଣୁସାହୁ ପାଟଣାର ବିଶ୍ୱଶାନ୍ତି ବୈଦିକ ମହାଯଜ୍ଞ: ବିଶ୍ୱାସ ଓ ଅନୁଭୂତିକୁ ନେଇ ସୃଷ୍ଟି ହୁଏ ପରମ୍ପରା

ପାଣୁସାହୁ ପାଟଣାର ବିଶ୍ୱଶାନ୍ତି ବୈଦିକ ମହାଯଜ୍ଞ: ବିଶ୍ୱାସ ଓ ଅନୁଭୂତିକୁ ନେଇ ସୃଷ୍ଟି ହୁଏ ପରମ୍ପରା

ଖଣ୍ଡପଡା,୧୬।୧୦(ସ୍ବ.ପ୍ର.)-ଶାରଦୀୟ ପୂଜା ଆରମ୍ଭ ହୋଇଛି। ଏହି ଉପଲକ୍ଷେ ସମସ୍ତ ଶକ୍ତି ପୀଠରେ ମା’ଙ୍କ ସ୍ବତନ୍ତ୍ର ପୂଜାର୍ଚ୍ଚନା, ବେଶ ଚାଲିଥିବାବେଳେ ପୂଜା ମଣ୍ଡପରେ ମା’ ଦୁର୍ଗାଙ୍କ ମୃ୍‌ଣ୍ମୟୀ ମୂର୍ତ୍ତି ସ୍ଥାପନ ହୋଇ ପୂଜା ଅପେକ୍ଷାରେ ଅଛନ୍ତି। 

ମା’ ମଣିନାଗ ପୀଠରେ ପଶୁବଳି ପରମ୍ପରା ବନ୍ଦ

ମା’ ମଣିନାଗ ପୀଠରେ ପଶୁବଳି ପରମ୍ପରା ବନ୍ଦ

 ରାଜାରାଜୁଡ଼ା ଅମଳରେ ଏଠାରେ ମା’ଙ୍କ ନିକଟରେ ପଶୁବଳି ପ୍ରଥାକୁ ମୁଖ୍ୟ ପରମ୍ପରା ଭାବେ ଗ୍ରହଣ କରାଯାଉଥିଲା । କିନ୍ତୁ ସମୟର ପରିବର୍ତ୍ତନ ଘଟିଛି ।  

ବିଭିନ୍ନ ଶକ୍ତିପୀଠ ଓ ପୂଜାମଣ୍ଡପରେ ମା’ଦୁର୍ଗାଙ୍କ ଉପାସନା

ବିଭିନ୍ନ ଶକ୍ତିପୀଠ ଓ ପୂଜାମଣ୍ଡପରେ ମା’ଦୁର୍ଗାଙ୍କ ଉପାସନା

ବୋଲଗଡ,୧୬ା୧୦(ଡି.ଏନ.ଏ.)-ମା’ଦୁର୍ଗାଙ୍କର ଶାରଦୀୟ ପର୍ବ ଅବସରରେ  ବୋଲଗଡ଼ ବ୍ଲକର ବିଭିନ୍ନ ଦେବୀପୀଠ ଓ ପୂଜାମଣ୍ଡପଗୁଡ଼ିକ ଶକ୍ତି ଉପାସନାରେ ଉତ୍ସବମୁଖର ହୋଇଉଠିଛି। 

ଦଶହରା ପୂର୍ବରୁ ଢିଲା ଟ୍ରାଫିକ୍‌ ବ୍ୟବସ୍ଥା : ଭିଡ଼ରେ ନାକେଦମ ୨ ଘଣ୍ଟା

ଦଶହରା ପୂର୍ବରୁ ଢିଲା ଟ୍ରାଫିକ୍‌ ବ୍ୟବସ୍ଥା : ଭିଡ଼ରେ ନାକେଦମ ୨ ଘଣ୍ଟା

ଜଗତ୍‌ସିଂହପୁର ଅଫିସ,୧୬ା୧୦: ମୁଣ୍ଡ ଉପରେ ଦଶହରା। କିନ୍ତୁ ଏବେଠୁ ଜଗତ୍‌ସିଂହପୁର ସହରରେ ଟ୍ରାଫିକ ସମସ୍ୟା ଉଦ୍‌ବେଗଜନକ ହେଲାଣି, ଯାହାକୁ ନେଇ ତୀବ୍ର ଜନ ଅସନ୍ତୋଷ ପ୍ରକାଶ ପାଇଛି। 

ଏରସମା ସମାବେଶରେ ଦାମ ହୁଙ୍କାର : କହିଲେ ଷଣ୍ଢ ବନ୍ଧା ହୋଇଥିଲା, ଫିଟିବାରୁ ଶକ୍ତି ବଢିଲା

ଏରସମା ସମାବେଶରେ ଦାମ ହୁଙ୍କାର : କହିଲେ ଷଣ୍ଢ ବନ୍ଧା ହୋଇଥିଲା, ଫିଟିବାରୁ ଶକ୍ତି ବଢିଲା

ଜଗତ୍‌ସିଂହପୁର ଅଫିସ/ଏରସମା(ସ୍ବ.ପ୍ର.),୧୬ା୧୦: ଷଣ୍ଢ ବନ୍ଧାହୋଇ ରହିଥିଲା, ଏବେ ଖୁଣ୍ଟରୁ ଫିଟିଲା ପରେ  ଶହେଗୁଣା ଶକ୍ତି ବଢିଲା। ଆଗରୁ ବିଜେଡିରେ ରହି ମନ୍ତ୍ରୀ ଥିବାବେଳେ ମୋର ଶକ୍ତି ଯେତିକି ଥିଲା, ଏବେ ବିଜେଡିରୁ ବାହାରିବା ପରେ ତା’ଠାରୁ ଯଥେଷ୍ଟ ଅଧିକ ବୃଦ୍ଧି ପାଇଛି। 

ବାଣ ଫୁଟାଉଥିବା ବେଳେ ବିସ୍ଫୋରଣ: ଜେଜେ ମୃତ, ନାତି ଗୁରୁତର

ବାଣ ଫୁଟାଉଥିବା ବେଳେ ବିସ୍ଫୋରଣ: ଜେଜେ ମୃତ, ନାତି ଗୁରୁତର

ସାଲେପୁର,୧୫ା୧୦(ଡି.ଏନ.ଏ.): କଟକ ଜିଲା ସାଲେପୁର ବ୍ଲକ ଅଧୀନ ରଟିଲୋ ପଞ୍ଚାୟତ ବୋଇଲୋ ଗ୍ରାମରେ ସୋମବାର ଏକ ଦୁଃଖଦ ଘଟଣା ଘଟିଛି। ବାଣ ଫୁଟାଉଥିବା ସମୟରେ ବିସ୍ଫୋରଣ ଘଟି ଜେଜେ ବାପାଙ୍କ ମୃତ୍ୟୁ ଘଟିଥିବାବେଳେ ନାତି ଗୁରୁତର ହୋଇଛନ୍ତି। 

ଜନଶୁଣାଣି ଶିବିରରେ ୩୩୮ ଅଭିଯୋଗ

ଜନଶୁଣାଣି ଶିବିରରେ ୩୩୮ ଅଭିଯୋଗ

ଡେରାବିଶ, ୧୫ା୧୦(ସ୍ବ.ପ୍ର.)- ଜିଲାର ଜନସାଧାରଣଙ୍କ ଅଭିଯୋଗ ଶୁଣିବା ପାଇଁ ଡେରାବିଶ ବ୍ଲକ କାର୍ଯ୍ୟାଳୟ ପରିସରରେ ସୋମବାର ଜନଶୁଣାଣି ଶିବିର ଅନୁଷ୍ଠିତ ହୋଇଥିଲା ଏଥିରେ ମୋଟ ୩୩୮ଟି ଅଭିଯୋଗ ଆସିଥିଲା 

ସଫଳ ବ୍ୟକ୍ତିତ୍ୱ ଡ. କାଲାମଙ୍କୁ ଜୟନ୍ତୀ ଉତ୍ସବରେ ଶ୍ରଦ୍ଧାଞ୍ଜଳି

ସଫଳ ବ୍ୟକ୍ତିତ୍ୱ ଡ. କାଲାମଙ୍କୁ ଜୟନ୍ତୀ ଉତ୍ସବରେ ଶ୍ରଦ୍ଧାଞ୍ଜଳି

କେନ୍ଦ୍ରାପଡା ଅଫିସ, ୧୫ା୧୦- ଆତ୍ମ ବିଶ୍ୱାସ, ପ୍ରେରଣା, ସାହସ ଓ ଶକ୍ତିକୁ ବିନିଯୋଗ କରି ଭାରତର ଏକାଦଶତମ ରାଷ୍ଟ୍ରପତି ଡ. ଏପିଜେ କାଲାମ ନିଜର ସ୍ବପ୍ନକୁ ସାକାର କରିଥିଲେ ଅଧ୍ୟବସାୟକୁ ମୂଳମନ୍ତ୍ର କରିଥିବା ଡ. କାଲାମ ବିଭିନ୍ନ କ୍ଷେତ୍ରରେ ପାରଦର୍ଶିତା ଦେଖାଇଛନ୍ତି 

ନବପତ୍ରିକା ପୂଜାରେ ମାଆଙ୍କୁ ଆବାହନ

ନବପତ୍ରିକା ପୂଜାରେ ମାଆଙ୍କୁ ଆବାହନ

ଡେରାବିଶ, ୧୪ା୧୦(ସ୍ବ.ପ୍ର.)- ମାଆ ଦୁର୍ଗାଦେବୀଙ୍କ ନବରାତ୍ର ପର୍ବ ଅବସରରେ ସୋମବାର ବିଭିନ୍ନ ମଣ୍ଡପରେ ଷଷ୍ଠୀ ପୂଜା ଆରମ୍ଭ ହୋଇଛି ା ଡେରାବିଶ ବ୍ଲକ ଅଞ୍ଚଳ ଏହି ପୂଜାତ୍ସୋବ ପାଇଁ ଚଳଚଞ୍ଚଳ ହୋଇପଡିଛି ା