ବ୍ରହ୍ମପୁର

ମାଛ ବୋଝେଇ ଟ୍ରକ୍‌ରୁ ସାଢ଼େ ୨୧ଲକ୍ଷ ଟଙ୍କା ଲୁଟ୍‌ ଘଟଣା, ନିଜ ଜାଲରେ ଫସିଲେ ଡ୍ରାଇଭର

ମାଛ ବୋଝେଇ ଟ୍ରକ୍‌ରୁ ସାଢ଼େ ୨୧ଲକ୍ଷ ଟଙ୍କା ଲୁଟ୍‌ ଘଟଣା, ନିଜ ଜାଲରେ ଫସିଲେ ଡ୍ରାଇଭର
ବ୍ରହ୍ମପୁର ଅଫିସ,୯।୧୨- ବ୍ରହ୍ମପୁର ପୋଲିସ ଜିଲା ଗୋଳନ୍ଥରା ଥାନା ଅନ୍ତର୍ଗତ ଆର୍‌.ସୁମାଣ୍ଡି ଛକ ନିକଟରେ ଗତ ୨ତାରିଖରେ ଏକ ମାଛ ବୋଝେଇ ଟ୍ରକ୍‌ରୁ ସାଢ଼େ ୨୧ଲକ୍ଷ ଟଙ୍କା ଲୁଟ୍‌ ଘଟଣାର ପଦାର୍ଫାଶ କରିଛି ପୋଲିସ। ଲୁଟ୍‌ର ମାଷ୍ଟର୍‌ ମାଇଣ୍ଡ ତଥା ଗାଡ଼ି ଡ୍ରାଇଭର୍‌ ଖୋର୍ଦ୍ଧା ଜିଲା ଚନ୍ଦକା ଥାନା ହରିପୁର କୁକୁଡ଼ା ମଣ୍ଡିର ଜମାଲ୍‌ ଖାନ୍‌(୪୧) ଏବଂ ମୁଖ୍ୟ ଅଭିଯୁକ୍ତ ଗଜପତି ଜିଲା ଅଡ଼ବା ଥାନା ଅନ୍ତରବା ଗ୍ରାମର ମନୋଜ କୁମାର ବିଷୋୟୀ(୩୪)ଙ୍କୁ ପୋଲିସ ଗିରଫ କରିଛି। ଏହି ଘଟଣାରେ ସମ୍ପୃକ୍ତ ଆହୁରି ୩ଜଣ ଏବେ ବି ଫେରାର୍‌ ଅଛନ୍ତି। ଲୁଟ୍‌ ଟଙ୍କାରୁ ୨୦ଲକ୍ଷ ୮୦ ହଜାର ଟଙ୍କାକୁ ପୋଲିସ ଜବତ କରିଛି। ବ୍ରହ୍ମପୁର ସଦର ଏସ୍‌ଡିପିଓଙ୍କ କାର୍ଯ୍ୟାଳୟ ପରିସରରେ ଆୟୋଜିତ ଖବରଦାତା ସମ୍ମିଳନୀରେ ଅତିରିକ୍ତ ଏସ୍‌ପି ଶାନ୍ତନୁ ଦାସ ଏବଂ ସଦର ଏସ୍‌ଡ଼ିପିଓ ଅଶୋକ ମହାନ୍ତି ଘଟଣା ସମ୍ପର୍କରେ ସୂଚନା ଦେଇଥିଲେ। ମାଛ କିଣିବାକୁ ଯାଉଥିଲା ଟଙ୍କା ଅନୁଗୋଳ ଜିଲା ତାଳଚେର ଅଞ୍ଚଳର ମାଛ ବ୍ୟବସାୟୀ ତୟବ ଖାନ୍‌। ସେ କଟକରେ ରହି ମାଛ ବ୍ୟବସାୟ କରନ୍ତି। ଆନ୍ଧ୍ରପ୍ରଦେଶର ଶ୍ରୀକାକୁଲମ୍‌ ଅଞ୍ଚଳରୁ ନିୟମିତ ମାଛ କଟକକୁ ଆମଦାନୀ ହୋଇଥାଏ। କେତେବେଳେ ମାଛ ପହଞ୍ଚତ୍ବା ପରେ ତ ଆଉ କେତେବେଳେ ଆଗୁଆ ଟଙ୍କା ପଠାଇବାକୁ ପଡ଼ିଥାଏ। କିଛି ଦିନ ହେଲା କୌଣସି କାରଣରୁ ତୟବ ଟଙ୍କା ପଠାଇପାରି ନ ଥିଲେ। ଏଣୁ ଏଥର ଟଙ୍କା ଯେମିତି ହେଲେ ପଠାଇବାକୁ ଶ୍ରୀକାକୁଲମ୍‌ର ବ୍ୟବସାୟୀ କହିଥିଲେ। ଗତ ୨ତାରିଖରେ ମାଛ ଆଣିବା ପାଇଁ ଟ୍ରକ୍‌ (ନଂ.ଓଆର୍‌୧୯କେ୦୨୭୫) କଟକରୁ ୧୬ ନଂ. ଜାତୀୟ ରାଜପଥରେ ଶ୍ରୀକାକୁଲମ୍‌ ଆଡ଼କୁ ବାହାରିଥିଲା। ଟ୍ରକ୍‌ରେ ୨୧ଲକ୍ଷ ୫୦ହଜାର ଟଙ୍କା ପଠାଇଥିଲେ। ଗୋଟିଏ ଖାଲି ମାଛ ଟ୍ରେରେ ଟଙ୍କା ରଖାଯାଇଥିଲା। ଟ୍ରକ୍‌କୁ ଚାଳକ ଜମାଲ୍‌ ଖାନ୍‌ ଏବଂ ଜଣେ ହେଲପର୍‌ ଧରି ବାହାରିଥିଲେ। ଗଠନ ହେଲା ସ୍ବତନ୍ତ୍ର ଟିମ୍‌ ଏତେ ବଡ଼ଧରଣର ଲୁଟ୍‌ପାଟ୍‌ ହୋଇଥିଲେ ମଧ୍ୟ ଯଥା ସମ୍ଭବ ଘଟଣାକୁ ଗୋପନ ରଖାଯାଇଥିଲା। ବ୍ରହ୍ମପୁର ଏସ୍‌ପି ଆଶିଷ ସିଂ ଘଟଣାର ପର୍ଦାଫାଶ କରିବା ପାଇଁ ଏକ ସ୍ବତନ୍ତ୍ର ଟିମ୍‌ ଗଠନ କରିଥିଲେ। ଏହି ଟିମ୍‌ରେ ରହିଥିଲେ ଗୋଳନ୍ଥରା ଥାନା ଆଇଆଇସି ଆଲୋକ ଜେନା, ଗୋପାଳପୁର ଥାନା ଆଇଆଇସି ପ୍ରଜ୍ଞା ପାରମିତା ଜେନା ଏବଂ ସାମୁଦ୍ରିକ ଥାନା ଆଇଆଇସି ବସନ୍ତ ସେଠୀ। ସଦର ଏସ୍‌ଡ଼ିପିଓ ଅଶୋକ ମହାନ୍ତିଙ୍କ ନେତୃତ୍ୱରେ ଏହି ଟିମ୍‌ ତଦନ୍ତ ଆରମ୍ଭ କରିଥିଲା। ଧରା ପକାଇଲା ଟଙ୍କା ଟ୍ରେ ଏହି ଟିମ୍‌ ପ୍ରଥମେ ମାଛ ଟ୍ରକ୍‌ରେ ଛାନ୍‌ଭିନ୍‌ କରିଥିଲେ। ଟ୍ରକ୍‌ ଭିତରେ ଶତାଧିକ ପ୍ଲାଷ୍ଟିକ୍‌ ଟ୍ରେ ଥିଲା। କିନ୍ତୁ ଯେଉଁ ଟ୍ରେରେ ଟଙ୍କା ରଖାଯାଇଥିଲା, ଦୁର୍ବୃତ୍ତମାନେ ସିଧା ସେହି ଟ୍ରେକୁ ଉଠାଇ ନେଇଥିଲେ। ତଦନ୍ତକାରୀ ଅଧିକାରୀଙ୍କ କୌଣସି ନିଜ ଲୋକ ଏହା ପଛରେ ଥିବା ସନ୍ଦେହ କରିଥିଲେ। ଡ୍ରାଇଭର୍‌ ମାଷ୍ଟର୍‌ ମାଇଣ୍ଡ ପାଖ ଲୋକଙ୍କୁ ନେଇ ତଦନ୍ତ ଆରମ୍ଭ କରିବା ବେଳେ ପ୍ରଥମ ସନ୍ଦେହ ଟ୍ରକ୍‌ ଡ୍ରାଇଭର୍‌ ଜମାଲ୍‌ଙ୍କ ଉପରକୁ ଯାଇଥିଲା। ଜମାଲ୍‌ ଦୀର୍ଘ ବର୍ଷ ହେଲା ମାଛ ବ୍ୟବସାୟୀ ତୟବଙ୍କ ପାଖରେ କାମ କରୁଥିଲେ। ଏଣୁ ଗାଡ଼ିରେ କେମିତି, କେତେ ଟଙ୍କା ଯାଏ, ତାହା ତାଙ୍କୁ ଜଣାଥିଲା। ଅନ୍ୟପଟେ ଲୁଟ୍‌ ବେଳେ ଦୁର୍ବୃତ୍ତମାନେ ତାଙ୍କ ମୋବାଇଲ୍‌ ଫୋନ୍‌ ଛଡ଼ାଇ ନେଇଥିବା ସେ କହିଥିଲେ। ଜମାଲ୍‌ଙ୍କ ଆଖପାଖରେ ତଦନ୍ତ ବୁଲିଥିଲା। ତାଙ୍କ ମୋବାଇଲ୍‌ର କଲ୍‌ ବିବରଣୀ ବାହାର କରାଯାଇଥିଲା। ଲୁଟ୍‌ ପୂର୍ବରୁ ସେ କାହା କାହା ସହ କେତେ ସମୟ କଥା ହୋଇଛନ୍ତି, ତାହାର ସୂଚନା ସଂଗ୍ରହ କରାଯାଇଥିଲା। ସେଥିରୁ ସୁରାକ୍‌ ପାଇଥିଲା ପୋଲିସ। ଜମାଲ୍‌ଙ୍କୁ ଅଟକ ରଖି ଅଧିକ ପଚରା ଉଚରା କରିବା ବେଳେ ସେ ନିଜ ଦୋଷ ସ୍ବୀକାର କରିଥିଲେ। ସହଯୋଗୀ ହେଲେ ପୁରୁଣା ସାଥୀ ମନୋଜ ବିଷୋୟୀ ଆଗରୁ ଗଞ୍ଜେଇ ମାମଲାରେ ଜେଲ୍‌ ଯାଇଥିଲେ। ମନୋଜଙ୍କ୍‌ ଜଣେ ସମ୍ପର୍କୀୟ କେତେ ବର୍ଷ ପୂର୍ବରୁ ମାଛ ବେପାରୀ ତୟବଙ୍କ ପାଖରେ କାମ କରୁଥିଲେ। ସେଠାରୁ ମନୋଜ ଏବଂ ଜମାଲ୍‌ଙ୍କ ମଧ୍ୟରେ ବନ୍ଧୁତା ହୋଇଥିଲା। ଏଣୁ ଟଙ୍କା ଲୁଟ୍‌ ପାଇଁ ଜମାଲ୍‌ ଯେତେବେଳେ ଯୋଜନା କଲେ, ସେ ମନୋଜଙ୍କୁ ସାଥୀ ଭାବେ ବାଛିଥିଲେ। ଜମାଲ୍‌ ମାଷ୍ଟର୍‌ ମାଇଣ୍ଡ ହୋଇଥିବା ବେଳେ ମନୋଜ ଏବଂ ଅନ୍ୟ ୩ଜଣ ଏଥିରେ ସହଯୋଗ କରିଥିଲେ। ଜମାଲ୍‌ଙ୍କଠାରୁ ସୂଚନା ପାଇ ପୋଲିସ ମନୋଜଙ୍କୁ ଗିରଫ କରିଥିବା ବେଳେ ଅନ୍ୟ ୩ଜଣ ଫେରାର୍‌ ଅଛନ୍ତି।
All Right Reserved By

ବ୍ରହ୍ମପୁର

 ଦିବ୍ୟାଙ୍ଗ ରିକ୍ସା ଚାଳକଙ୍କୁ ଧକ୍କା ଦେଲା ଅଟୋ : ୭ ଆହତ ୧ ଗୁରୁତର

ଦିବ୍ୟାଙ୍ଗ ରିକ୍ସା ଚାଳକଙ୍କୁ ଧକ୍କା ଦେଲା ଅଟୋ : ୭ ଆହତ ୧ ଗୁରୁତର

ବ୍ରହ୍ମପୁର ଅଫିସ,୨୩ା୧: ଗଞ୍ଜାମ ଜିଲା  ଖଲିକୋଟ କଲେଜ ଛକଠାରେ ବୁଧବାର ମଧ୍ୟାହ୍ନରେ କଥା କହି ପାରୁ ନ ଥିବା  ଜଣେ ଦିବ୍ୟାଙ୍ଗ ରିକ୍ସା ଚାଳକଙ୍କୁ ଏକ ପାସେଞ୍ଜର ଅଟୋ ଧକ୍କା ଦେଇଛି। ଏଥିରେ ୭ ଜଣ ଆହତ ହୋଇଥିବା ବେଳେ ଜଣେ ଗୁରୁତର ହୋଇଛନ୍ତି । ଆହତଙ୍କ ମଧ୍ୟରେ ୬ଜଣ ବୃଦ୍ଧା ରହିଥିବା ଜଣାପଡିଛି । 

ଦୀପରୁ ନିଆଁ ଲାଗି ବୃଦ୍ଧାଙ୍କ ମୃତ୍ୟୁ

ଦୀପରୁ ନିଆଁ ଲାଗି ବୃଦ୍ଧାଙ୍କ ମୃତ୍ୟୁ

ବ୍ରହ୍ମପୁର ଅଫିସ,୨୩ା୧: ଗଞ୍ଜାମ ଜିଲା କୋଦଳା ଥାନା ଅଧୀନ  ତଳରାମପାଲି ଗ୍ରାମରେ ଦୀପରୁ ନିଆଁ ଲାଗି ମଙ୍ଗଳବାର ଜଣେ ବୃଦ୍ଧାଙ୍କ ମୃତ୍ୟୁ  ଘଟିଛି । ସେ ହେଲେ ମୁକ୍ତା ଲେଙ୍କା (୯୦) । 

ନାବାଳିକାଙ୍କ ସହ ପ୍ରେମସମ୍ପର୍କ ରଖିବା ଯୋଗୁ ଜୀବନ ଗଲା, ଧରାକୋଟରେ ବ୍ୟାଙ୍କ କ୍ୟାଶିୟରଙ୍କୁ ହତ୍ୟା

ନାବାଳିକାଙ୍କ ସହ ପ୍ରେମସମ୍ପର୍କ ରଖିବା ଯୋଗୁ ଜୀବନ ଗଲା, ଧରାକୋଟରେ ବ୍ୟାଙ୍କ କ୍ୟାଶିୟରଙ୍କୁ ହତ୍ୟା

ଧରାକୋଟ,୨୩।୧(ଡି.ଏନ୍‌.ଏ.): ଗଞ୍ଜାମ ଜିଲା ଧରାକୋଟ ଥାନା ଅଧୀନ ମୁଣ୍ଡମରାଇ ଗ୍ରାମରେ ଥିବା ଆନ୍ଧ୍ରା ବ୍ୟାଙ୍କରେ କାର୍ଯ୍ୟରତ କ୍ୟାଶିୟର ବିନୟ କୁମାର ବେହେରାଙ୍କ ରକ୍ତ ଜୁଡ଼ୁବୁଡ଼ୁ ମୃତଦେହକୁ ବୁଧବାର ଉଦ୍ଧାର କରାଯାଇଛି। ବିନୟଙ୍କୁ ହତ୍ୟା କରାଯାଇଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି। 

ସାଧାରଣ ନିର୍ବାଚନ ପ୍ରସ୍ତୁତି:  ବଦଳିବେ ୩ ବର୍ଷରୁ ଅଧିକ ଥିବା ଅଧିକାରୀ

ସାଧାରଣ ନିର୍ବାଚନ ପ୍ରସ୍ତୁତି: ବଦଳିବେ ୩ ବର୍ଷରୁ ଅଧିକ ଥିବା ଅଧିକାରୀ

ଛତ୍ରପୁର,୨୩ା୧(ଡି.ଏନ.ଏ.)-ଗଞ୍ଜାମ ଜିଲାରେ ହେବାକୁ ଥିବା ସାଧାରଣ ନିର୍ବାଚନ ପ୍ରସ୍ତୁତି ନେଇ ପ୍ରଶାସନ ପକ୍ଷରୁ ତପତ୍ରତା ପ୍ରକାଶ ପାଇଛି। 

ଚାଷୀ ସମାବେଶରେ ଖୋଲିବ ୨୨ ଷ୍ଟଲ୍‌

ଚାଷୀ ସମାବେଶରେ ଖୋଲିବ ୨୨ ଷ୍ଟଲ୍‌

ବ୍ରହ୍ମପୁର ଅଫିସ,୨୩ା୧-ନବଗଠିତ ଗଞ୍ଜାମ ଜିଲା ବିଜୁ କୃଷକ ଜନତା ଦଳର ପ୍ରଥମ ବୈଠକ ମଙ୍ଗଳବାର ବ୍ରହ୍ମପୁର ବିଜେଡି କାର୍ଯ୍ୟାଳୟରେ ଅନୁଷ୍ଠିତ ହୋଇଯାଇଛି । ଆସନ୍ତା ୨୭ ତାରିଖରେ ଗୋପାଳପୁର ନିର୍ବାଚନ ମଣ୍ଡଳୀ ରଙ୍ଗେଇଲୁଣ୍ଡା ନିକଟରେ ହେବାକୁ ଥିବା କୃଷକ ମହାସମାବେଶକୁ ସମ୍ପୂର୍ଣ୍ଣ ସଫଳ କରିବା ପାଇଁ ନିଷ୍ପତ୍ତି ନିଆଯାଇଛି। 

ନଦୀରେ ବୁଡ଼ି ଯୁବତୀ ମୃତ

ପୁରୁଷୋତ୍ତମପୁର,୨୩୧(ଡି.ଏନ୍‌.ଏ.) -ପୁରୁଷୋତ୍ତମପୁର ଥାନା ରଣଝାଲି ଗ୍ରାମ ଋଷିକୁଲ୍ୟା ନଦୀରେ ବୁଡି ଜଣେ ଯୁବତୀଙ୍କ ମୃତ୍ୟୁ ଘଟିଥିବା ମଙ୍ଗଳବାର ଅଭିଯୋଗ ହୋଇଛି। ସେ ହେଲେ ରିଲି ଦାସ। 

ମହିଳାଙ୍କୁ ବିଏମ୍‌ସିର ରାଜମିସ୍ତ୍ରି ତାଲିମ

ମହିଳାଙ୍କୁ ବିଏମ୍‌ସିର ରାଜମିସ୍ତ୍ରି ତାଲିମ

ବ୍ରହ୍ମପୁର ଅଫିସ,୨୩ା୧-ମହିଳାମାନେ ଅବଳା ଦୁର୍ବଳା ନୁହନ୍ତି ା ସେମାନେ ମଧ୍ୟ ପୁରୁଷ ସହ ସମକକ୍ଷ। ସେମାନେ ହୋଇଛନ୍ତି ସଶକ୍ତ ଓ ଆତ୍ମନିର୍ଭରଶୀଳ। 

ଘରେ ପଶି ଦମ୍ପତିଙ୍କୁ ଆକ୍ରମଣ, ଏସ୍‌ପିଙ୍କୁ ଅଭିଯୋଗ

ବ୍ରହ୍ମପୁର ଅଫିସ୍‌/କନିଷି,୨୩ା୧-ବ୍ରହ୍ମପୁର ଗୋଳନ୍ଥରା ଥାନା  ପଞ୍ଚମା ଗ୍ରାମରେ ସୋମବାର ଜଣେ ଦମ୍ପତିଙ୍କ ଘରେ ପଶି କେତେକ ଦୃର୍ବୃତ୍ତ ଦୁର୍ବବ୍ୟବହାର କରିବା ସହିତ ମାଡ ମାରିଥିବା ଅଭିଯୋଗ ହୋଇଛି| 

ଟାଟା ବିସ୍ଥାପିତଙ୍କ ପ୍ରତିଶ୍ରୁତି ପୂରଣ ଦାବି:  ଶିବସେନାର ବିକ୍ଷୋଭ, ଆରଡିସିଙ୍କୁ ଦାବିପତ୍ର

ଟାଟା ବିସ୍ଥାପିତଙ୍କ ପ୍ରତିଶ୍ରୁତି ପୂରଣ ଦାବି: ଶିବସେନାର ବିକ୍ଷୋଭ, ଆରଡିସିଙ୍କୁ ଦାବିପତ୍ର

ବ୍ରହ୍ମପୁର ଅଫିସ,୨୩ା୧-ଟାଟା କମ୍ପାନୀ ଦ୍ୱାରା ବିସ୍ଥାପିତ ଲୋକଙ୍କ ନ୍ୟାର୍ଯ୍ୟ ଦାବି ପୂରଣ ପ୍ରତିବାଦରେ  ଶିବସେନାର ଯୁବସେନା  ପକ୍ଷରୁୂ ମଙ୍ଗଳବାର ଏକ ବିକ୍ଷୋଭ ଶୋଭାଯାତ୍ରା ଆୟୋଜିତ ହୋଇଥିଲା| 

ଅଭିଯୋଗ ପରେ ମଣ୍ଡିରୁ ଧାନ ଉଠାଇବାକୁ ନିର୍ଦ୍ଦେଶ

ଅଭିଯୋଗ ପରେ ମଣ୍ଡିରୁ ଧାନ ଉଠାଇବାକୁ ନିର୍ଦ୍ଦେଶ

ବୁଗୁଡ଼ା,୨୩।୧(ଡି.ଏନ.ଏ.)-ବୁଗୁଡ଼ା ବ୍ଲକ ଖୋଳଖାଳି ଓ ମୋଟାବାଡ଼ି ମଣ୍ଡିରେ ଧାନ ବସ୍ତା ପଡି ରହିଥିବାରୁ ଚାଷୀ ମହଲରେ ଅସନ୍ତୋଷ ଦେଖାଦେଇଥିଲା। ତେବେ ମଣ୍ଡିରେ ଅବ୍ୟବସ୍ଥା ଓ ଧାନର ପ୍ରକୃତ ମୂଲ୍ୟ ନ ଦେବା ପ୍ରତିବାଦରେ ସୋମବାର ବଳଦେବ କୃଷକ ସଂଘର ସଭାପତି ବିପିନ ବିହାରୀ ସ୍ବାଇଁ, ସମ୍ପାଦକ ସନ୍ତୋଷ କୁମାର ସାହୁ ଏନେଇ ଭଞ୍ଜନଗର ଜିଲାପାଳଙ୍କ ଅଭିଯୋଗ ଶୁଣାଣି କକ୍ଷରେ ଅଭିଯୋଗ କରିଥିଲେ। ଅଭିଯୋଗ ପରେ ଖୋଳଖାଳି ମଣ୍ଡିରେ ଭଞ୍ଜନଗର ନିୟନ୍ତ୍ରଣ ବଜାର କମିଟି ପହଞ୍ଚତ୍ ସେଠାରେ ଥିବା ୫୦ ବସ୍ତା ଧାନର ଉପଯୁକ୍ତ ନିର୍ଣ୍ଣାୟକ ମାନ ପରୀକ୍ଷା କରି ଏହା ସରକାରୀ ମୂଲ୍ୟ ପାଇଁ ପ୍ରଯୁଜ୍ୟ ବୋଲି କହିଥିଲେ। ତେବେ ସନ୍ଧ୍ୟା ପର୍ଯ୍ୟନ୍ତ ଧାନ ଉଠି ନ ଥିବା ଜଣାପଡିଛି।

ରାତିରେ ଦୁର୍ଗମ ଅଞ୍ଚଳକୁ ଯିବନି ମହାପ୍ରୟାଣ ଗାଡି

ରାତିରେ ଦୁର୍ଗମ ଅଞ୍ଚଳକୁ ଯିବନି ମହାପ୍ରୟାଣ ଗାଡି

ଭଞ୍ଜନଗର, ୨୩।୧(ଡି.ଏନ.ଏ.)- ଭଞ୍ଜନଗର ମେଡିକାଲ ରୋଗୀ କଲ୍ୟାଣ ସମିତି କାର୍ଯ୍ୟକାରୀ କମିଟି ବୈଠକ ମଙ୍ଗଳବାର ସନ୍ଧ୍ୟାରେ ଅନୁଷ୍ଠିତ ହୋଇଯାଇଛି। ଏଥିରେ ମେଡିକାଲ ଅଧୀକ୍ଷକ ଡ. ପୀତାମ୍ବର ଦାସ ଅଧ୍ୟକ୍ଷତା କରିଥିଲେ। ବୈଠକରେ ମେଡିକାଲର ଉନ୍ନୟନ, ଗତମାସର ଖର୍ଚ୍ଚ, ମଶାରି ବ୍ୟବସ୍ଥା, ସମନ୍ବିତ ପରାମର୍ଶ କେନ୍ଦ୍ର, ସଫେଇ, ସୁରକ୍ଷା ବ୍ୟବସ୍ଥା ଉପରେ ଆଲୋଚନା ହୋଇଥିଲା। ଫେବୃୟାରୀ ୮,୯ ଓ ୧୦ତାରିଖ ୩ଦିନ ବାତ ରୋଗ ନିରାକରଣ ଅଭିଯାନ କାର୍ଯ୍ୟକ୍ରମ ହେବ। ଅଙ୍ଗନୱାଡି କର୍ମୀମାନେ ଘରକୁ ଘର ବୁଲି ଔଷଧ ବଣ୍ଟନ କରିବ।

ଭିଜିଲାନ୍ସ ଜାଲରେ ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ

ଭିଜିଲାନ୍ସ ଜାଲରେ ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ

ପୋଲସରା,୨୨।୧(ଡି.ଏନ.ଏ.)-ପୋଲସରା ବ୍ଲକ ସୋଡ଼କ ଗ୍ରାମପଞ୍ଚାୟତର ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ କାଳୀ ଚରଣ ନାୟକଙ୍କୁ ଜଣେ ବ୍ୟକ୍ତିଙ୍କଠାରୁ ଲାଞ୍ଚ ନେଉଥିବା ବେଳେ ମଙ୍ଗଳବାର ଭିଜିଲାନ୍ସ ହାତରେ ଧରାପଡ଼ିଛନ୍ତି। ପ୍ରକାଶ ଯେ, ଉକ୍ତ ଗ୍ରାମର ଜଣେ ବ୍ୟକ୍ତି କଳାକାର ଭତ୍ତା ଲାଗି କାଳୀଚରଣଙ୍କୁ ୬ ଶହ ଟଙ୍କା ଦେଉଥିଲେ।  ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ସମ୍ପୃକ୍ତ ବ୍ୟକ୍ତିଙ୍କଠାରୁ ଉକ୍ତ ଟଙ୍କା ଗ୍ରହଣ କରିବା ସମୟରେ ଷ୍ଟେଟ୍‌ବ୍ୟାଙ୍କ ଛକ ନିକଟରେ ପୂର୍ବରୁ ଲୁଚି ରହିଥିବା ଦୁର୍ନୀତି ନିବାରଣ ବିଭାଗ ଅଧିକାରୀମାନେ ଧରିଥିଲେ। ଦୁର୍ନୀତି ନିବାରଣ ବିଭାଗର ଅଧିକାରୀମାନେ ନାୟକଙ୍କୁ ବ୍ରହ୍ମପୁର ନେଇ ଚାଲି ଯାଇଥିଲେ। ଉକ୍ତ ଘଟଣାକୁ ନେଇ ବିଡିଓ ଶମ୍ଭୁନାଥ ନନ୍ଦି କଳାକାର ଭତ୍ତା ଲାଗି ୬ ଶହ ଟଙ୍କା ଲାଞ୍ଚ ଗ୍ରହଣ କରିବା ସମୟରେ ଭିଜିଲାନ୍ସ ସୋଡ଼କ କାର୍ଯ୍ୟନିର୍ବାହୀ ଅଧିକାରୀଙ୍କୁ ଧରି ନେଇଥିଲେ ବୋଲି କହିଥିଲେ।