ସମ୍ପାଦକୀୟ |

ପୋଲିସ, ଜନତା ଓ ମାନବାଧିକାର

ପୋଲିସ, ଜନତା ଓ ମାନବାଧିକାର
ପ୍ରଦୀପ୍ତ ନାୟକ କଥାରେ ଅଛି, ଶହେ ଦୋଷୀ ବରଂ ମୁକ୍ତ ହୋଇଯାଆନ୍ତୁ ମାତ୍ର ଜଣେ ନିର୍ଦ୍ଦୋଷ ଦଣ୍ଡ ନ ପାଉ। ପ୍ରତ୍ୟେକ ମଣିଷର ମାନବାଧିକାର ସୁରକ୍ଷିତ ରଖିବା ଓ ସମ୍ମାନ ଦେବା ନିମନ୍ତେ ପୋଲିସ ବିଭାଗର କର୍ତ୍ତବ୍ୟ ରହିଛି। ଗୋଟିଏ ଗଣତାନ୍ତ୍ରିକ ରାଷ୍ଟ୍ରରେ ପୋଲିସର କର୍ତ୍ତବ୍ୟ, କାର୍ଯ୍ୟସୂଚୀ ଏବଂ ଉତ୍ତରଦାୟିତ୍ୱ ସମ୍ପର୍କରେ ଉଭୟ ଜନଗଣ ଓ ପୋଲିସ ବିଭାଗରେ କର୍ତ୍ତବ୍ୟରତ ପ୍ରତ୍ୟେକ କର୍ମଚାରୀ ଜାଣିବା ବାଞ୍ଛନୀୟ। ସାଧାରଣତଃ ନିରୀହ ଲୋକଙ୍କ ଉପରେ ଅଯୌକ୍ତିକ ଭାବରେ ପୋଲିସ ନିଜର କ୍ଷମତା ପ୍ରୟୋଗ ନ କରିବା ଏବଂ ନାଗରିକର ଧନସମ୍ପତ୍ତି ଓ ମାନବିକ ଅଧିକାର ସୁରକ୍ଷା ନିମନ୍ତେ କ’ଣ ଆଇନଗତ ନିର୍ଦ୍ଦେଶନାମା ରହିଛି, ସେ ସମ୍ପର୍କରେ ଅନେକ ପୋଲିସ ଜାଣନ୍ତି ନାହିଁ ଅଥବା ଜାଣି ଜାଣି କ୍ଷମତାର ଅପବ୍ୟବହାର କରନ୍ତି। ଅନେକ କ୍ଷେତ୍ରରେ ପୋଲିସ ଜନସାଧାରଣଙ୍କୁ ନାଲିଆଖି ଦେଖାଇ ଭୟଭୀତ କରେ, ଥାନାରେ ବେଆଇନ ଭାବରେ ଅଟକ ରଖେ ଓ ହାତରେ ଶିକୁଳି ପକାଏ। ବର୍ବରୋଚିତ ଭାବରେ ପ୍ରହାର କରେ, କେତେକ ସ୍ଥଳରେ ମାରିଦିଏ, ମହିଳାଙ୍କ ପ୍ରତି ଅସଦାଚରଣ କରେ, ବୃଦ୍ଧାବୃଦ୍ଧ ଓ ଶିଶୁମାନଙ୍କ ପ୍ରତି ଅବିଚାର କରେ, ଦଳିତ ଆଦିବାସୀଙ୍କୁ ଶୋଷଣ କରେ ଇତ୍ୟାଦି। ବିଚରା ମଣିଷ ମୁଣ୍ଡପାତି ସମସ୍ତ ଅନ୍ୟାୟ ସହିଯାଏ କିମ୍ବା ମୋଟାଅଙ୍କର ହାତଗୁଞ୍ଜା ଦେଇ ପୋଲିସଠାରୁ ମୁକ୍ତ ହେବାକୁ ଚେଷ୍ଟା କରେ। ବ୍ରିଟିଶ୍‌ ସରକାର ଦ୍ୱାରା ପ୍ରସ୍ତୁତ ପୋଲିସ ଆଇନ ଅଦ୍ୟାବଧି ଆମ ଦେଶରେ ପ୍ରଚଳିତ। ଏଥିରେ ବହୁ ତ୍ରୁଟିବିଚ୍ୟୁତି ରହିଛି। ସେହି ଫିରିଙ୍ଗ ଶାସନ ଢାଞ୍ଚା ଆମ ପୋଲିସ ଭାଇମାନେ ଛାଡ଼ିବାକୁ ନାରାଜ। ଉଚ୍ଚତମ ନ୍ୟାୟାଳୟ ଡି.କେ. ବସୁ ମାମଲାରେ ଜଣେ ଅଭିଯୁକ୍ତଙ୍କୁ ଗିରଫ କଲାବେଳେ ପୋଲିସ କିଭଳି ଆଚରଣ କରିବ, ସେ ସମ୍ପର୍କରେ ଟିକିନିଖି ନିର୍ଦ୍ଦେଶ ଦେଇଛନ୍ତି, ଯାହା ଆଇନରେ ପରିଣତ ହୋଇଛି। ୧୯୮୫ ମସିହାରେ କେନ୍ଦ୍ର ସରକାରଙ୍କ ଘରୋଇ ବିଭାଗ ଜନସାଧାରଣଙ୍କ ଅଧିକାର ସୁରକ୍ଷାପୂର୍ବକ ପୋଲିସର ୧୩ଗୋଟି ପ୍ରମୁଖ କର୍ତ୍ତବ୍ୟ ବିଧିବଦ୍ଧ ପାଳନ ନିମନ୍ତେ ପ୍ରତ୍ୟେକ ରାଜ୍ୟର ମୁଖ୍ୟ ସଚିବମାନଙ୍କୁ ନିର୍ଦ୍ଦେଶନାମା ଦେଇଛନ୍ତି। ଥାନା ହେଲା ନ୍ୟାୟପ୍ରାପ୍ତି ନିମନ୍ତେ ଜନତାର ପ୍ରଥମ ଯୋଗାଯୋଗ କେନ୍ଦ୍ର। ଅତ୍ୟଧିକ କ୍ଷମତା ପ୍ରୟୋଗ ନିମନ୍ତେ ପୋଲିସକୁ କୌଣସି ଆଇନରେ ଅଧିକାର ଦିଆଯାଇନାହିଁ। ନାଗରିକର ଜୀବନ ମୁକ୍ତ ବିଚରଣ ଓ ସ୍ବତନ୍ତ୍ରତାକୁ ଦୃଷ୍ଟିରେ ରଖି ପୋଲିସ ଆବଶ୍ୟକ ପଡ଼ିଲେ ଅପରାଧ ନିୟନ୍ତ୍ରଣ ନିମନ୍ତେ କିମ୍ବା ଆଇନ ଶୃଙ୍ଖଳା ରକ୍ଷା ନିମନ୍ତେ ନିଜର ଦାୟିତ୍ୱ ପାଳନ କରିବା ଏବଂ ଅପରାଧୀମାନଙ୍କୁ ଯଥାବିଧି ଗିରଫ କରି ୨୪ ଘଣ୍ଟା ମଧ୍ୟରେ ବିଚାରାଳୟରେ ହାଜର କରିବା କଥା। ମାତ୍ର ବାସ୍ତବ କ୍ଷେତ୍ରରେ ପୋଲିସର ଆଚରଣ ଓଲଟା ଓ ସମ୍ପୂର୍ଣ୍ଣ ଦାଦାଗିରି। ରାଜସ୍ଥାନରେ ଏକ ସାମାଜିକ ସମୀକ୍ଷାରୁ ଜଣାଯାଇଛି ଯେ, ପୋଲିସ ଥାନାକୁ ୮୯% ଲୋକ ଯା’ନ୍ତି ନାହିଁ, ଘୃଣା ଓ ଭୟ କରନ୍ତି। ମାତ୍ର ୧୧% ଲୋକ ଥାନାକୁ କୌଣସି ଅଭିଯୋଗ ନେଇ ଯାଆନ୍ତି। ଥାନାରେ ପୋଲିସ ଦ୍ୱାରା ଅପମାନ ଓ ଅସଦାଚରଣକୁ ଭୟ କରି ମାତ୍ର ୫% ମହିଳା ଅଭିଯୋଗ ନେଇ ଯାଆନ୍ତି ଏବଂ ୯୫% ମହିଳା ପୋଲିସକୁ ଘୃଣା କରନ୍ତି। ତେବେ ବୁଦ୍ଧିଜୀବୀମାନେ ବିଚାର କରନ୍ତୁ ଏ ଦେଶରେ ପୋଲିସ ବ୍ୟବସ୍ଥା କାହା ପାଇଁ ଏବଂ କ’ଣ ପାଇଁ। କେଉଁଥିପାଇଁ ଦେଶର କରଦାତା ନାଗରିକମାନଙ୍କର ହଜାର ହଜାର କୋଟି ଟଙ୍କା ଏମାନଙ୍କର ଦରମା, ଗାଡ଼ିଘୋଡ଼ା, ଅଫିସ, ବସାଘର ନିମନ୍ତେ ଖର୍ଚ୍ଚ କରାଯିବ। ଦେଶର ସମ୍ବିଧାନର ଧାରା ୧୪, ୧୫, ୧୬, ୧୭ ଏବଂ ୧୮ ମୁତାବକ ପ୍ରତ୍ୟେକ ନାଗରିକ ସମାନ ଏବଂ କେହି ଆଇନର ଊର୍ଦ୍ଧ୍ୱରେ ନୁହନ୍ତି। ଧାରା ୨୧ ପ୍ରତ୍ୟେକଙ୍କୁ ଆତ୍ମମର୍ଯ୍ୟାଦାର ସହିତ ବଞ୍ଚତ୍ବାର ଅଧିକାର ଦେଇଛି। ନାଗରିକର ମୌଳିକ ଅଧିକାର କ୍ଷୁଣ୍ଣ ହେଲେ ଧାରା ୩୨ ମୁତାବକ ଜଣେ ନାଗରିକ ଉଚ୍ଚ ନ୍ୟାୟାଳୟ କିମ୍ବା ସର୍ବୋଚ୍ଚ ନ୍ୟାୟାଳୟରେ ରିଟ୍‌ ଆବେଦନ କରି ନିଜର ଅପହୃତ ଅଧିକାର ପାଇପାରିବ। ଏହା ହେଉଛି ପ୍ରତ୍ୟେକଙ୍କ ମୌଳିକ ଅଧିକାର। ମାତ୍ର ଏଥିରେ ଅନ୍ତରାୟ ସୃଷ୍ଟି କରେ ପୋଲିସ ବିଭାଗରେ ଥିବା ଦୁର୍ନୀତି ତଥା ଅସାଧୁତା। ‘ଟ୍ରାନ୍ସପରେନ୍ସି ଇଣ୍ଟରନ୍ୟାଶନାଲ’ ନାମକ ଏକ ବେସରକାରୀ ସର୍ବେକ୍ଷଣ ସଂସ୍ଥାର ଗବେଷଣାରୁ ଜଣାଯାଇଛି ଯେ, ୮୭ ଭାଗ ଲୋକ କହିଛନ୍ତି ସେମାନେ ଅଭିଯୋଗ ଫର୍ଦ୍ଦ ଦାଖଲ ନିମନ୍ତେ ପୋଲିସକୁ ଲାଞ୍ଚ ଦେଇଛନ୍ତି। ତେଣୁ ପୋଲିସ ଯେ ମାନବାଧିକାରର ଶ୍ରେଷ୍ଠ ଲଂଘନକାରୀ ଏ କଥା କାହିଁକି କୁହା ନ ଯିବ? ୧୮୬୧ ପୋଲିସ କୋଡ୍‌ ମୁତାବକ ପୋଲିସ ଅନୁଷ୍ଠାନ ହେଉଛି ଆଇନକୁ କାର୍ଯ୍ୟକାରୀ କରିବା ବ୍ୟବସ୍ଥା। ନ୍ୟାୟପାଳିକା କିମ୍ବା ସରକାର ଯାହା ନିର୍ଦ୍ଦେଶ ଦେବେ ତାକୁ ତୁରନ୍ତ କାର୍ଯ୍ୟକାରୀ କରିବା ପୋଲିସର ଦାୟିତ୍ୱ, ଦଣ୍ଡ ଦେବା ନୁହେଁ। ୧୯୭୮ ମସିହାରେ ଜାତୀୟ ପୋଲିସ ଆୟୋଗ କହିଲେ ଯେ, ପୋଲିସ ଅନୁଷ୍ଠାନ ହେଉଛି ଜନସାଧାରଣଙ୍କୁ ସେବା ପ୍ରଦାନକାରୀ ଏବଂ ଆଇନକୁ କାର୍ଯ୍ୟକାରୀ କରିବା ସଂସ୍ଥା। ପୁନଶ୍ଚ ଆୟୋଗ ତାଙ୍କ ରିପୋର୍ଟରେ କହିଛନ୍ତି ଜନସାଧାରଣଙ୍କ ସୁଖଦୁଃଖର ଭାଗୀଦାର ହୋଇ ଏପରି ସାମାଜିକ ପରମ୍ପରା ସୃଷ୍ଟି କରିବା ଉଚିତ, ଯେପରି ଲୋକେ ପୋଲିସକୁ ନିଜ ଭାଇବନ୍ଧୁକୁଟୁମ୍ବ ମନେକରିବେ ଏବଂ ତାଙ୍କର ଅଭିଯୋଗ ପ୍ରଦାନ କରିବେ। ଗୋଟିଏ ଗଣତାନ୍ତ୍ରିକ ରାଷ୍ଟ୍ରରେ ପୋଲିସ କେବଳ ଏକ ଆଇନ କାର୍ଯ୍ୟକାରୀ କରିବା ଅନୁଷ୍ଠାନ ନ ହୋଇ ଏକ ମାନବୀୟ ଅନୁଷ୍ଠାନ ହେବା ଉଚିତ। ପୋଲିସ ବ୍ୟବସ୍ଥା ଦେଶର ସମ୍ବିଧାନ ଅନୁଯାୟୀ ଜାତି, ଧର୍ମ, ବର୍ଣ୍ଣ, ଗୋଷ୍ଠୀ, ଆଞ୍ଚଳିକତା, ଭାଷା ନିର୍ବିଶେଷରେ ଏକ ସାମାଜିକ ନ୍ୟାୟ ପ୍ରଚାରର ରୁଦ୍ଧିମନ୍ତ ପ୍ରତୀକ ହେବା ଉଚିତ। କ୍ଷମତା ଯେପରି ଅପବ୍ୟବହାର ନ ହୁଏ ଏବଂ ସମାଜରେ ପୋଲିସର ସ୍ବଚ୍ଛତା ଓ ନିଷ୍ଠାପରତା ଉପରେ ଅଙ୍ଗୁଳି ନିର୍ଦ୍ଦେଶ ନ ହୁଏ ସେଥିପ୍ରତି ତୀକ୍ଷ୍ଣ ଦୃଷ୍ଟି ଦେବା ଉଚିତ। ଏପରିସ୍ଥଳେ ପୋଲିସ ବ୍ୟବସ୍ଥାର ଆମୂଳଚୂଳ ସଂସ୍କାର ଆବଶ୍ୟକ ହୋଇପଡ଼ିଥିବା ବେଳେ ଉଚ୍ଚତମ ନ୍ୟାୟାଳୟ ପୂର୍ବତନ ପୋଲିସ ମହାନିର୍ଦ୍ଦେଶକ ପ୍ରକାଶ ସିଂ ବନାମ ଭାରତ ସରକାର ଯାଚିକାରେ ବିଚାର କରି ଦେଶର ପୋଲିସ ବ୍ୟବସ୍ଥାରେ ୭ ପ୍ରକାର ପରିବର୍ତ୍ତନ ଆଣିବା ପାଇଁ ନିର୍ଦ୍ଦେଶ ଦେଲେ ୨୦୦୬ ମସିହାରେ। ଏହା ଏକ ରାଜ୍ୟ ତାଲିକାଭୁକ୍ତ ବିଷୟ ହୋଇଥିବାରୁ ଜମ୍ମୁ-କଶ୍ମୀର ବ୍ୟତୀତ ଅନ୍ୟ ସବୁ ରାଜ୍ୟ ସରକାର ନିଜ ପୋଲିସ ଆଇନର ପୁନଃ ସମୀକରଣ କରିବା ପାଇଁ ନିର୍ଦ୍ଦେଶ ଦେଲେ। ସେଗୁଡ଼ିକ ହେଲା: (୧) ରାଜ୍ୟ ନିରାପତ୍ତା କମିଶନ ଗଠନ କରି ପୋଲିସ ବ୍ୟବସ୍ଥା ନିୟନ୍ତ୍ରଣ କରିବା, (୨) ରାଜ୍ୟ ଗୃହ ବିଭାଗର ୩ ବରିଷ୍ଠ ଅଧିକାରୀଙ୍କ ମଧ୍ୟରୁ ଜଣଙ୍କୁ ମହାନିର୍ଦ୍ଦେଶକ ଭାବରେ ନିଯୁକ୍ତି ଦେବା, (୩) ବିଭାଗୀୟ ବରିଷ୍ଠ ଅଧିକାରୀମାନେ ସର୍ବନିମ୍ନ ୨ବର୍ଷ ଗୋଟିଏ ପଦବୀରେ କାର୍ଯ୍ୟ କରିବା, (୪) ଅନୁସନ୍ଧାନ ଓ ଆଇନ ଶୃଙ୍ଖଳା ବ୍ୟବସ୍ଥାକୁ ପୃଥକ୍‌ କରିବା, (୫) କାର୍ଯ୍ୟାଳୟ ପ୍ରତିଷ୍ଠାନ ବ୍ୟବସ୍ଥା ଏକ ବୋର୍ଡ ଦ୍ୱାରା ପରିଚାଳନା କରିବା, (୬) ଜିଲାସ୍ତରୀୟ ପୋଲିସ ଅଭିଯୋଗ ଅଥରିଟି ଗଠନ କରିବା ଏବଂ (୭) କେନ୍ଦ୍ର ସରକାର ମଧ୍ୟ ଜାତୀୟସ୍ତରରେ ଏକ ଜାତୀୟ ନିରାପତ୍ତା କମିଶନ ଗଠନ କରିବା। କେରଳ ସରକାର ଏକ ସୁଦୃଢ଼ ଏବଂ ଜନାଭିମୁଖୀ ପୋଲିସ ଆଇନ ଆଣିଥିବା ବେଳେ ଅନ୍ୟ ରାଜ୍ୟଗୁଡ଼ିକ ସେପରି କରିବାରେ ଆନ୍ତରିକତା ଦେଖାଇନାହାନ୍ତି। ଆମ ରାଜ୍ୟ ସରକାର ବିଧାନସଭାରେ ବିନା ବିତର୍କରେ ପୋଲିସ ବିଲ୍‌ ପାସ୍‌ କରାଇ ରାଜ୍ୟପାଳଙ୍କ ନିକଟକୁ ୨୦୧୬ରେ ଆଇନରେ ପରିଣତ ପାଇଁ ପଠାଇଥିଲେ। ଏଥିରେ ଅନେକ ତ୍ରୁଟି ବିଚ୍ୟୁତି ଏବଂ ଜନବିରୋଧୀ ବିଷୟ ଥିଲା। ମାନବାଧିକାର ସଙ୍ଗଠନ ଏବଂ ବୁଦ୍ଧିଜୀବୀମାନଙ୍କ ଅନୁରୋଧ ରକ୍ଷାକରି ରାଜ୍ୟପାଳ ବିଲ୍‌ଟିକୁ ପୁନଃ ଯାଞ୍ଚ ପାଇଁ ବିଧାନସଭାକୁ ଫେରାଇ ଦେଇଛନ୍ତି। ଆଜି ପର୍ଯ୍ୟନ୍ତ ବିଲ୍‌ଟି ବିଧାନସଭା ସିଲେକ୍ଟ କମିଟି ନିକଟରେ ପଡ଼ିରହିଛି। ଏପରିସ୍ଥଳେ ରାଜ୍ୟରେ ବିଭିନ୍ନ ସ୍ଥାନରେ ସିପାହିଙ୍କଠାରୁ ବଡ଼ ବଡ଼ ପଦସ୍ଥ ଅଧିକାରୀମାନେ ବିଭିନ୍ନ ଭାବରେ ନାଗରିକଙ୍କ ଅଧିକାର ଉଲ୍ଲଂଘନ କରୁଛନ୍ତି। ବହୁଳ ଭାବରେ ଘଟଣାକୁ ଚପାଇ ଦିଆଯାଉଥିବା ବେଳେ କିଛି ଖବର ପ୍ରଚାର ସଂସ୍ଥା ମାଧ୍ୟମରେ ପ୍ରକାଶ ପାଉଛି। ଆମେ ସମଗ୍ର ପୃଥିବୀର ୬୯ତମ ବିଶ୍ୱ ମାନବାଧିକାର ଦିବସ ପାଳନ କଲାବେଳେ ସୁଧୀଜନ ମାନବାଧିକାର ସମ୍ପର୍କରେ ବିଚାର କରିବା ବେଳ ଆସିଛି। (୧୦ା୧୨ ବିଶ୍ୱ ମାନବାଧିକାର ଦିବସ ଉପଲକ୍ଷେ) ଟିକରପଡ଼ା, କାକଟପୁର, ପୁରୀ, ମୋ-୯୪୩୭୦୫୩୩୨୯
All Right Reserved By

ସମ୍ପାଦକୀୟ |

ସଂସ୍କାର ପାଇଁ ତରତର ନାହିଁ

ସଂସ୍କାର ପାଇଁ ତରତର ନାହିଁ

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌

ନୀତି ଆୟୋଗର ଷ୍ଟ୍ରାଟେଜି ଡକୁମେଣ୍ଟ ‘Strategy for New India@75’ରେ ଭାରତୀୟ ଅମଲାତନ୍ତ୍ରରେ ସଂସ୍କାର ଆଣିବା ପାଇଁ ବହୁବିଧ ପଦକ୍ଷେପ ନେବା ଲାଗି ସୁପାରିସ କରାଯାଇଛି। ସେଗୁଡ଼ିକ ମଧ୍ୟରେ ରହିଛି ଅପାରଗ ବାବୁମାନଙ୍କୁ ବାଧ୍ୟତାମୂଳକ ଅବସର ଦେବା, ବର୍ତ୍ତମାନ ପ୍ରଚଳିତ ପ୍ରଶାସନିକ ସେବା ସଂଖ୍ୟା କମାଇଦେବା, ପ୍ରଶାସନିକ ସେବା ପରୀକ୍ଷା ଦେବା ଲାଗି ସାଧାରଣ ପ୍ରାର୍ଥୀମାନଙ୍କ ସର୍ବୋଚ୍ଚ ବୟସ ସୀମା ୩୨ରୁ ୨୭ ବର୍ଷକୁ ହ୍ରାସ କରିବା ଇତ୍ୟାଦି। ଉଭୟ ରାଜ୍ୟ ଓ କେନ୍ଦ୍ରୀୟ ପ୍ରଶାସନିକ ସେବା ପାଇଁ ଗୋଟିଏ ସର୍ବଭାରତୀୟ ପରୀକ୍ଷା କରିବା ଲାଗି ମଧ୍ୟ ବିଶେଷଜ୍ଞମଣ୍ଡଳୀ ପ୍ରସ୍ତାବ ଦେଇଛନ୍ତି। ଆମ ରୁଗ୍ଣ ପ୍ରଶାସନିକ ସେବା ବ୍ୟବସ୍ଥାକୁ ସୁଧାରିବା ଲାଗି ଡାକ୍ତରଙ୍କ ବ୍ୟବସ୍ଥାପତ୍ର ଭଳି ବିଶେଷଜ୍ଞମାନେ ସିନା ସଂସ୍କାର-ପ୍ରସ୍ତାବମାନ ଦେଇଦେଲେ, ହେଲେ ମିଳିଥି..

ଆଧ୍ୟାତ୍ମିକତାର ମର୍ମ

ଆଧ୍ୟାତ୍ମିକତାର ମର୍ମ

ଡ. ଛାୟାକାନ୍ତ ଷଡ଼ଙ୍ଗୀ

ସମ୍ପ୍ରତି ଧର୍ମ ଓ ଆଧ୍ୟାତ୍ମିକତା ସମାର୍ଥବାଚକ ଶବ୍ଦ ଭାବରେ ବ୍ୟବହୃତ ହେଉଛି। ମାତ୍ର ସାମାଜିକ ଧର୍ମାନୁଷ୍ଠାନ ସହ ଆଧ୍ୟାତ୍ମିକତାର ବିଶେଷ ସମ୍ପର୍କ ନାହିଁ। ଆଜିକାଲି ଭଗବାନଙ୍କ ଉପରେ ଉପରଠାଉରିଆ ବିଶ୍ୱାସ। ମନ୍ଦିର, ମସ୍‌ଜିଦ ବା ଗୀର୍ଜାରେ ପହଞ୍ଚି ଉପାସନା କରିବାକୁ ଧର୍ମନିଷ୍ଠା କୁହାଯାଉଛି। ଏହା ସହ ଆଧ୍ୟାତ୍ମିକତାର ସିଧାସଳଖ କୌଣସି ସମ୍ପର୍କ ନାହିଁ। ବିଶେଷଣ ପଦ ରୂପେ ଅଧ୍ୟାତ୍ମ ଶବ୍ଦର ଅର୍ଥ ହେଲା ‘ଆତ୍ମ ବିଷୟକ’। ବିଶେଷ୍ୟ ପଦ ଭାବରେ ଏହାର ଅର୍ଥ ହେଲା ପରମାତ୍ମା ବା ବ୍ରହ୍ମ। ଆଧ୍ୟାତ୍ମିକ ମାନେ ‘ବ୍ରହ୍ମ ବା ପରମାତ୍ମା ବିଷୟକ’। ଏହି ବ୍ରହ୍ମ ବିଷୟକ ଭାବ ହେଉଛି ଆଧ୍ୟାତ୍ମିକତା। ଏଣୁ ଆଧ୍ୟାତ୍ମିକତାର ମର୍ମ..

ବାଂଲାଦେଶ ନିର୍ବାଚନ

ବାଂଲାଦେଶ ନିର୍ବାଚନ

ଶରତ ଚନ୍ଦ୍ର ମିଶ୍ର

ଡିସେମ୍ବର ୩୦, ୨୦୧୮ରେ ବାଂଲାଦେଶରେ ଏକାଦଶ ଜାତୀୟ ନିର୍ବାଚନ ଅନୁଷ୍ଠିତ ହୋଇଯାଇଛି। ଏହି ସଦ୍ୟ ସମାପ୍ତ ନିର୍ବାଚନରେ ପ୍ରଧାନମନ୍ତ୍ରୀ ଶେଖ୍‌ ହାସିନାଙ୍କ ଆଓ୍ବାମୀ ଲିଗ୍‌ ୩୦୦ରୁ ୨୬୭ଟି ସ୍ଥାନ ଅଧିକାର କରି ଅଭୂତପୂର୍ବ ସଫଳତା ହାସଲ କରିଛି। ତାଙ୍କର ସହଯୋଗୀ ଦଳ ଜାତୀୟ ପାର୍ଟି ୨୦ଟି ସ୍ଥାନ ପ୍ରାପ୍ତ ହୋଇଛି। ଜାତୀୟ ପାର୍ଟିର ନେତା ହେଉଛନ୍ତି ପୂର୍ବତନ ମିଲିଟାରୀ ଶାସକ ଜେନେରାଲ ଏରସାଦ। ଦେଶର ମୁଖ୍ୟ ବିରୋଧୀ ଦଳ ବାଂଲାଦେଶ ଜାତୀୟ ଦଳ ଅନ୍ୟାନ୍ୟ ଛୋଟ ଛୋଟ ୧୦ଟି ଦଳ ସହିତ ମିଶି ଜାତୀୟ ମିଳିତ ସାମ୍ମୁଖ୍ୟ ଗଠନ କରି ପ୍ରମୁଖ ବିରୋଧୀ ଭାବରେ ନିର୍ବାଚନରେ ଅବତୀର୍ଣ୍ଣ ହୋଇ..

ଏଇ ଭାରତରେ

ଏଇ ଭାରତରେ

ବିବାହ ଏକ ପବିତ୍ର ବନ୍ଧନ। ଏହା ପୁରୁଷ ଓ ସ୍ତ୍ରୀ ମଧ୍ୟରେ ଦୃଢ଼ ସମ୍ପର୍କ ସ୍ଥାପନ କରେ। କାହିଁ କେଉଁ ଅନାଦି କାଳରୁ ଏହି ପରମ୍ପରା ଚଳିଆସୁଛି। ବିବାହ ପରେ ପୁରୁଷ-ସ୍ତ୍ରୀ ମଧ୍ୟରେ ଦୈହିକ ସମ୍ପର୍କ ପବିତ୍ର। କିନ୍ତୁ ରାଞ୍ଚତ୍ର ଜନଜାତି ସମ୍ପ୍ରଦାୟ ବିବାହ ନ କରି ଦୀର୍ଘବର୍ଷ ଧରି ଏକତ୍ର ରହି ଆସୁଛନ୍ତି। ଏହା ପଛର ଅସଲ କାରଣ ହେଉଛି ବିବାହ ଉତ୍ସବରେ ଖର୍ଚ୍ଚକରିବା ଲାଗି ସେମାନଙ୍କ ପାଖରେ ଟଙ୍କା ନାହଁ। ସେମାନଙ୍କ ଅସୁବିଧା ସମ୍ପର୍କରେ ଅବଗତ ହେବା ପରେ ଏଠାରେ ସାମାଜିକ ସେବା ଜାରି ରଖୁଥିବା ଏକ ସଂଗଠନ ଅଭାବୀ ଲୋକମାନଙ୍କର ବିବାହ କରାଉଛି। କେତେକ ଲୋକ ଏଠାରେ ୪୦ବର୍ଷରୁ ଅଧିକ ହେଲା ଏକାଠି ରହି ଆସୁଛନ୍ତି। ପିଲା..

ଆଜିର ଅର୍ଥନୀତି/ଲେଖାନୁଦାନରେ ସୀମିତ ରୁହ

ଆଜିର ଅର୍ଥନୀତି/ଲେଖାନୁଦାନରେ ସୀମିତ ରୁହ

ସାଧାରଣ ନିର୍ବାଚନ ଆଉ ଅଳ୍ପ କେଇମାସ ବାକି ରହିଲା। ନିର୍ବାଚନ ଆୟୋଗ ପକ୍ଷରୁ ଏ ନେଇ ଯଥାସମୟରେ ବିଜ୍ଞପ୍ତି ଜାରି ହେବ। ତେବେ ଏହି ନିର୍ବାଚନ ପୂର୍ବରୁ ସରକାର ଲେଖାନୁଦାନ ନା ପୂର୍ଣ୍ଣାଙ୍ଗ ବଜେଟ୍‌ ଉପସ୍ଥାପନ କରିବେ, ତାହା ଜଣାପଡ଼ି ନାହିଁ। ବଜେଟ୍‌ ପାଇଁ ଆଉ ମାତ୍ର ପ୍ରାୟ ଦୁଇ ସପ୍ତାହ ବାକି ଥିବାବେଳେ ହଠାତ୍‌ କେନ୍ଦ୍ର ଅର୍ଥମନ୍ତ୍ରୀ ଅରୁଣ ଜେଟ୍‌ଲୀ ଅସୁସ୍ଥ ହୋଇପଡ଼ିବାରୁ ଏ ନେଇ ଅନିଶ୍ଚିତତା ଦେଖାଦେଇଛି। ଆମେ ଆଶା କରୁଛୁ ଓ ପ୍ରାର୍ଥନା କରୁଛୁ ଯେ, ଜେଟ୍‌ଲୀ ଖୁବ୍‌ଶୀଘ୍ର ସୁସ୍ଥ ହୋଇଉଠନ୍ତୁ ଓ ଫେବୃୟାରୀ..

ଜଳବାୟୁ ପରିବର୍ତ୍ତନ ଚୁକ୍ତି: ପ୍ୟାରିସରୁ ପୋଲାଣ୍ଡ

ଜଳବାୟୁ ପରିବର୍ତ୍ତନ ଚୁକ୍ତି: ପ୍ୟାରିସରୁ ପୋଲାଣ୍ଡ

ଡ. ରମେଶ ଚନ୍ଦ୍ର ପରିଡ଼ା

ବିଶ୍ୱ ସମ୍ମୁଖରେ ଏବେ ସବୁଠାରୁ ଜଟିଳ ସମସ୍ୟା ରୂପେ ମୁଣ୍ଡ ଟେକିଥିବା ଜାଗତିକ ଉଷ୍ମତା ବୃଦ୍ଧି ଏବଂ ସେଥିସହିତ ସମ୍ପୃକ୍ତ ଜଳବାୟୁ ପରିବର୍ତ୍ତନକୁ ପ୍ରତିହତ କରା ନ ଗଲେ ତାହା ଯେ ଅଚିରେ ଏକ ପ୍ରଚଣ୍ଡ ଧ୍ୱଂସକାରୀ ଶକ୍ତିରୂପେ ଉଭା ହେବ ଏ କଥା ସ୍ବୀକୃତ ହୋଇସାରିଲାଣି। ତେଣୁ ଏହାର ପଥ ନିର୍ଦ୍ଧାରଣ ଲାଗି ଜାତୀୟ ତଥା ଆନ୍ତର୍ଜାତିକ ସ୍ତରରେ ଚାଲିଛି ବ୍ୟାପକ ଆଲୋଚନା ପର୍ଯ୍ୟାଲୋଚନା ଏବଂ ସମ୍ପାଦିତ ହେବାରେ ଲାଗିଛି ନାନାଦି ଚୁକ୍ତି। ଏଗୁଡିକ ମଧ୍ୟରୁ ସବୁଠାରୁ ଗୁରୁତ୍ୱପୂର୍ଣ୍ଣ ହେଲା ‘ୟୁଏନ୍‌ ଫ୍ରେ..

ଆଧୁନିକ ବେଣ୍ଟ

ଆଧୁନିକ ବେଣ୍ଟ

ଦ୍ୱିତୀ ଚନ୍ଦ୍ର ସାହୁ

ଘର ସାମ୍ନା ଗେଟ୍‌ ଦେଇ ବଜାରକୁ ବାହାରିଲା ବେଳେ ନିକଟରେ ଥିବା କଲେଜକୁ ଯାଉଥିଲେ ପଞ୍ଝାଏ କଲେଜ ପଢୁଆ ପିଲା। ସମସ୍ତଙ୍କ ହାତରେ ମୋବାଇଲ। ମୋବାଇଲକୁ ଖେଳାଇ ଖେଳାଇ ଜଣେ କହିଲା ଆଜି ବେଣ୍ଟ (ଶିକାର) କରିବା। ପଛରୁ ଶୁଣି ଟିକେ ଚକିତ ହେଲି। ତା’ ପରେ ସେମାନଙ୍କ ବାର୍ତ୍ତାଳାପରୁ ଯାହା ଜାଣିଲି ସେମାନେ କଲେଜର ଏକ ନିର୍ଦ୍ଦିଷ୍ଟ ସ୍ଥାନରେ ଦଳଗତ ଭାବେ ଠିଆ ହେବେ। କଲେଜ ଭିତରକୁ ପ୍ରବେଶ କରୁଥିବା ଝିଅମାନଙ୍କୁ ଚାହିଁବେ। ସେମାନଙ୍କୁ ପରଖିବେ। ସେଥିରୁ ସୁନ୍ଦରୀ ଲଳନାଙ୍କୁ ବାଛିବେ..

ଏଇ ଭାରତରେ

ଏଇ ଭାରତରେ

ଯୌତୁକ ନିରୋଧୀ ଆଇନ ୧୯୬୧ର ଧାରା ୩ ଅନୁସାରେ ଯୌତୁକ ନେବା କିମ୍ବା ଦେବା ଉଭୟ ଅପରାଧ। ସମ୍ପ୍ରତି ସମାଜରେ ଯୌତୁକ ଦାବିରେ ବହୁ ଅପରାଧ ଘଟୁଛି।  ଏନେଇ ବହୁ ମାମଲା ମଧ୍ୟ ଅଦାଲତରେ ବିଚାରାଧୀନ ରହିଛି। ବିଶେଷକରି ଯୌତୁକ ଦାବି ବିରୋଧରେ ମହିଳାମାନେ ସ୍ବାମୀ ଓ ଶାଶୁଘର ଲୋକଙ୍କ ବିରୋଧରେ ମାମଲା ରୁଜୁ କରୁଥିବା ଦେଖିବାକୁ ମିଳେ। ଏବେ କିନ୍ତୁ ..

ପ୍ରାଣୀଙ୍କ ଲାଟରାଲିଟି

ପ୍ରାଣୀଙ୍କ ଲାଟରାଲିଟି

ପରିବେଶ ପରିଚିନ୍ତା/ ମାନେକା ଗାନ୍ଧୀ

ଏ ପୃଥିବୀର ଅନ୍ୟ ସମସ୍ତ ପ୍ରାଣୀଙ୍କଠାରୁ ମଣିଷ ନିଜକୁ ଅଲଗା ଭାବେ। କିନ୍ତୁ ସମୟକ୍ରମେ ବୈଜ୍ଞାନିକମାନେ ପ୍ରମାଣ କଲେଣି ଯେ, ଯେଉଁସବୁ ବିଶେଷ ଗୁଣ ଓ ବୁଦ୍ଧିମତ୍ତାକୁ ନେଇ ମଣିଷ ନିଜକୁ ଶ୍ରେଷ୍ଠ ଭାବୁଛି, ସେସବୁ ଗୁଣ ପ୍ରାଣୀମାନଙ୍କଠାରେ ମଧ୍ୟ ଅଛି। ଉଦାହରଣସ୍ବରୂପ କୀଟପତଙ୍ଗ, ମାଛ, କୁଆ ଓ ବଣମଣିଷ ମଧ୍ୟ ବିଭିନ୍ନ ଉପକରଣର ଉପଯୋଗ କରନ୍ତି। ଏଥିମଧ୍ୟରୁ ଗୋଟି..

 ଉଚ୍ଚଶିକ୍ଷାରେ ପ୍ରତାରଣା

ଉଚ୍ଚଶିକ୍ଷାରେ ପ୍ରତାରଣା

ଡ. ସୁବାସ ଚନ୍ଦ୍ର ପାତ୍ର

ଜାତୀୟ ପରିପ୍ରେକ୍ଷୀରେ ଯାହାହେଉ ଆପାତତଃ ଓଡ଼ିଶାରେ ଉଚ୍ଚଶିକ୍ଷାର ସ୍ଥିତି ଦେଖିଲେ ଜଣାଯାଏ, ଏଠାରେ ଶୈକ୍ଷିକ ବ୍ୟବସ୍ଥାର ପରିବର୍ତ୍ତନ ଚିନ୍ତା କେବଳ ଉଚ୍ଚାକାଂକ୍ଷାକୈନ୍ଦ୍ରିକ। ଉଚ୍ଚଶିକ୍ଷାକୁ କିପରି ଜାତୀୟ ଅବା ଅନ୍ତର୍ଜାତୀୟ ସ୍ତରକୁ ନିଆଯାଇଛି ଏବଂ ସେହି କ୍ରମରେ ପ୍ରାରମ୍ଭିକ ପଦକ୍ଷେପ ହିସାବରେ ପାଠ୍ୟକ୍ରମର କିପରି ବୈପ୍ଳବିକ ପରିବର୍ତ୍ତନ କରାଯାଇଛି, ଜନସାଧାରଣଙ୍କ ମନରେ ବିଶ୍ୱାସ ଜନ୍ମେଇବା ପାଇଁ ସେ କଥାର ବହୁଳ ପ୍ରଚାର କରାଯାଏ। କିନ୍ତୁ ତା’ ପଛରେ ଲୁକ୍କାୟିତ ବିଫଳତାର କରୁଣ କାହାଣୀ ..

ଆଧୁନିକ ଶିକ୍ଷା ଓ ସମାଜ

ଆଧୁନିକ ଶିକ୍ଷା ଓ ସମାଜ

ଲଲାଟ କେଶରୀ ନାୟକ

ସ୍ବାମୀ ବିବେକାନନ୍ଦ ତାଙ୍କର ଶିକାଗୋ ଅଭିଭାଷଣରେ କହିଥିଲେ, କୋଟି କୋଟି ଅଦୃଶ୍ୟ ଶିଶିରବିନ୍ଦୁ ଯେମିତି ରାଶି ରାଶି ଗୋଲାପ କଢ଼ିକୁ ପ୍ରସ୍ଫୁଟିତ କରେ, ଠିକ୍‌ ସେହିଭଳି ଜଣେ ବ୍ୟକ୍ତିର ମାନସିକତା ଏକ ସୁସ୍ଥ ଏବଂ ବିକାଶଶୀଳ ରାଷ୍ଟ୍ର ଗଠନର ମୂଳମନ୍ତ୍ର ହୋଇଥାଏ। ଆଇନଶୃଙ୍ଖଳାରେ ଯେତେ ବି ପରିବର୍ତ୍ତନ ହେଉ ନା କାହିଁକି ବା ଶାସନ ଖସଡା ଯେତେ କଠୋର ହେଉ ନା କାହିଁକି, ଯଦି ବ୍ୟକ୍ତିର ମାନସିକତାରେ ପରିବର୍ତ୍ତନ ନ ହୋଇଛି ତେବେ ବିକାଶଶୀଳ ରାଷ୍ଟ୍ର ଗଠନ ଅସମ୍ଭବ। ..

ଏଇ ଭାରତରେ

ଏଇ ଭାରତରେ

ଭାଇ ଭଉଣୀ ମଧ୍ୟରେ ସାଧାରଣତଃ ସ୍ନେହ ମମତା ଅତୁଟ ଥାଏ। ଗୋଟିଏ ମା’ର ସନ୍ତାନ ହୋଇଥିବାରୁ ଦୁହିଁଙ୍କ ମନୋଭାବ ମଧ୍ୟ ପ୍ରାୟତଃ ଏକାପ୍ରକାର ହୋଇଥାଏ। କିନ୍ତୁ ଏକ ଘଟକ୍ରମରେ ଭାଇ ଭଉଣୀ ଗୋଟିଏ ଘରେ ଏକତ୍ର ମୃତ୍ୟୁବରଣ କରିବା ଘଟଣା ସ୍ଥାନୀୟ ଅଞ୍ଚଳ ଲୋକଙ୍କୁ ଚକିତ କରିଛି। ଏପରି ଏକ ଘଟଣା ଘଟିଛି ନାଗପୁରର ତାନ୍ତ୍ୟା ଟୋପେ ନଗର ଅଞ୍ଚଳରେ। ମୋହନ ଓଟଓ୍ବାନି ଏବଂ ..