ସମ୍ପାଦକୀୟ |

ସାଧନାର ପ୍ରୟୋଗଶାଳା

ସାଧନାର ପ୍ରୟୋଗଶାଳା
ବିମଳ ପ୍ରସନ୍ନ ଦାସ ଡିସେମ୍ବର ୯ ତାରିଖ ମହାଯୋଗୀ ଶ୍ରୀଅରବିନ୍ଦଙ୍କ ପବିତ୍ର ମହାସମାଧି ଦିବସ। ଏହି ଉପଲକ୍ଷେ ମାତୃବିହାର ଖଣ୍ଡଗିରିରେ ୨୪ବର୍ଷ ଧରି ରାଜ୍ୟସ୍ତରୀୟ ଶ୍ରୀଅରବିନ୍ଦ ପାଠଚକ୍ର ସମ୍ମିଳନୀ ଅନୁଷ୍ଠିତ ହୋଇଆସୁଛି। ସାରା ରାଜ୍ୟରେ ସକ୍ରିୟ ଥିବା ୧୫,୯୫୦ ପାଠଚକ୍ରରୁ ଶ୍ରଦ୍ଧାଳୁ ଅପାଭାଇମାନେ ଏଠି ସମବେତ ହୁଅନ୍ତି। ବର୍ତ୍ତମାନ ଦେଖାଯାଉ ଏହି ପାଠଚକ୍ରଟି କ’ଣ ଓ କାହିଁକି? ପାଠଚକ୍ର କହିଲେ ଶ୍ରୀଅରବିନ୍ଦ ପାଠଚକ୍ରକୁ ହିଁ ବୁଝାଏ। ୧୯୬୦ ମସିହାରୁ ଦିବ୍ୟଦ୍ରଷ୍ଟା ବାବାଜୀ ଶ୍ରୀରାମକୃଷ୍ଣ ଦାସଙ୍କ ପ୍ରେରଣା ଓ ଅଧ୍ୟାପକ କାଙ୍ଗାଳି ଚରଣ ପତି (ପ୍ରପତ୍ତି)ଙ୍କ ଶ୍ରମ ଏବଂ ସାଧନା ହେତୁ ୧୯୬୦ଠାରୁ ଏହି ଆନ୍ଦୋଳନ ଅଗ୍ରସର ହୋଇଚାଲିଛି। ଆଜି ସେ ମହାଦ୍ରୁମର କେତେ ଶାଖପ୍ରଶାଖା, ଯଥା ୧୯୬୪ ସ୍ବତନ୍ତ୍ର ମହିଳା ପାଠଚକ୍ର, ୯୧୭ ଶ୍ରୀଅରବିନ୍ଦ ଛାତ୍ରସମାଜ, ୬୨୬ ପୂର୍ଣ୍ଣାଙ୍ଗ ବିଦ୍ୟାଳୟ ଏବଂ ୭୩ଟି ସ୍ଥାନରେ ଶ୍ରୀଅରବିନ୍ଦଙ୍କ ଶ୍ରୀତନୁ ସ୍ମାରକୀ ସ୍ଥାପିତ ହୋଇ ପାଠଚକ୍ର ଆନ୍ଦୋଳନକୁ ଏକ ବୈପ୍ଳବିକ ରୂପ ଦେଇଛି। ଅଭୀପ୍‌ସୁମାନଙ୍କ ନିମନ୍ତେ ପାଠଚକ୍ର ଏକ ବ୍ରତ, ବୃତ୍ତି ନୁହେଁ; ଧର୍ମ, ଧନ୍ଦା ନୁହେଁ; ନିଶା, ପେସା ନୁହେଁ। ଏହା ହିଁ ସାଧନାର ପ୍ରୟୋଗଶାଳା ଓ ଶ୍ରଦ୍ଧାର ଶରଧାବାଲି। ଶ୍ରୀମାଙ୍କ ଭାଷାରେ "All this leads to harmony make me happy". ଉପାସନା ନୁହେଁ, ଆରାଧନା ହିଁ ଏଠି କରାଯାଏ। ପାଠଚକ୍ର ଅଧ୍ୟୟନ, ଆଲୋଚନା ଓ ଅନୁଶୀଳନ ଚକ୍ର। ଏକ ଆତ୍ମିକ ପରିସର। ନିର୍ଦ୍ଦିଷ୍ଟ ବିଧିବିଧାନ ଓ ଉପାସନା ପୀଠ ନୁହେଁ। ଜଟିଳ ଦାର୍ଶନିକ ତତ୍ତ୍ୱ ଓ ତଥ୍ୟକୁ ସହଜ ଓ ସରଳ ଭାଷାରେ ଏଠି ବିନିମୟ କରାଯାଏ। ଜୀବନ ଓ ଯୋଗ ଏକ ଓ ଅଭିନ୍ନ ବୋଲି ପାଠଚକ୍ର ବିଚାର କରେ। ସାରା ଜୀବନ ଶିଖିବା ପାଇଁ, ଜାଣିବା ପାଇଁ। ସେଥିପାଇଁ ଶ୍ରୀଅରବିନ୍ଦ ଓ ଶ୍ରୀମା ଜୀବନକୁ ଯୋଗ ଓ ଶିକ୍ଷା ଭାବରେ ଗ୍ରହଣ କରିଛନ୍ତି। ନୂତନ ଓ ପ୍ରବୀଣ, ନବୀନ ଓ ପୁରାତନ- ସମସ୍ତେ ଏଠି ଗୃହୀତ, ସ୍ବୀକୃତ ଓ ସମ୍ମାନିତ। ଏହା ଏକ ନିରବଚ୍ଛିନ୍ନ ଧାରା। କାହାର ବାଟ ଏଠି ସରିଯାଏନା। ବିଶ୍ରାମ ନାହିଁ। ସାମାନ୍ୟ କେତୋଟି ବର୍ଷର ସାଧନାରେ ଯଦି ସାଧକ ସନ୍ତୁଷ୍ଟ ହୁଏ ତାହା ଆତ୍ମପ୍ରବଞ୍ଚନା ମାତ୍ର। ମା’ ଓ ଶ୍ରୀଅରବିନ୍ଦଙ୍କ ବିପୁଳ ରଚନା ପ୍ରତ୍ୟେକ ସାଧକ ଅଧ୍ୟୟନ କରିବା ଅପରିହାର୍ଯ୍ୟ। କର୍ମ, ଭକ୍ତି, ଜ୍ଞାନ ତଥା ପ୍ରତ୍ୟାଖ୍ୟାନ ସାଧନା ପାଇଁ ଅପରିହାର୍ଯ୍ୟ। ଉପଚାର ଓ ଔପଚାରିକତା ନୁହେଁ, କର୍ମତତ୍ପରତା ଓ ଗତିଶୀଳତା ଆବଶ୍ୟକ। ଭକ୍ତି କର୍ମରେ ରୂପାନ୍ତରିତ ନ ହେଲେ ସେ ଭକ୍ତି ମୂଲ୍ୟହୀନ ଓ ପ୍ରଭାବଶୂନ୍ୟ ହୋଇପଡ଼େ। ଅପରନ୍ତୁ ଭକ୍ତିବିହୀନ କର୍ମ ଦ୍ୱାରା ଜଣେ ଶ୍ରମିକଟିଏ ହୋଇପାରେ, କିନ୍ତୁ ସାଧକ ନୁହେଁ। ପାଠଚକ୍ର କର୍ମ, ଭକ୍ତି ଓ ଜ୍ଞାନର ତ୍ରିବେଣୀ ସଙ୍ଗମ। ଆମ ସାମୂହିକ ଯୋଗର କଷଟିପଥର। ଶରୀର, ପ୍ରାଣ ଓ ମନକୁ ଆତ୍ମା ସହିତ ସଂଯୋଗ କରିବା ପାଠଚକ୍ରର ଅନ୍ୟତମ ଲକ୍ଷ୍ୟ। କାରଣ ପାଠଚକ୍ର ରୂପାନ୍ତର ଯୋଗ ବା ଅତିମାନସ ସାଧନାର ଅନ୍ତୁଡ଼ିଶାଳ। ଏହାର ପରିସର ସମଗ୍ର ଜୀବନ ଓ ଜଗତ। କେବଳ ଋଷିକେଶ ବା ପଣ୍ଡିଚେରୀ ନୁହେଁ। ସଂସାର ଓ ଈଶ୍ୱର, ବିଶ୍ୱାସ ଏବଂ ବାସ୍ତବତା ଭିତରେ ରହିଆସିଥିବା ଦ୍ୱନ୍ଦ୍ୱ, ସଂଶୟ ଓ ସଂଘାତର ଶ୍ରୀଅରବିନ୍ଦ ହିଁ ସଫଳ ଓ ସାର୍ଥକ ସଂଯୋଜକ। ସେ ବିଶ୍ୱାତୀତ, ପୁଣି ବିଶ୍ୱଗତ, ପରଂବ୍ରହ୍ମ, ପରମାତ୍ମା ବା ଭଗବାନ କହିଲେ ଆମେ ଯାହା ବୁଝୁ ସେ ଠିକ୍‌ ତାହା ନୁହନ୍ତି। ସେ ଏକ ବିସ୍ମୟକର କ୍ରାନ୍ତିର ଦିଗନ୍ତ-ବିରଳ ବ୍ୟତିକ୍ରମ। ସତ୍ୟର ଆବାହନ ପାଇଁ ପାଠଚକ୍ର ଏକ ଜ୍ୱଳନ୍ତ, ବିଶୁଦ୍ଧ ଅଗ୍ନିକୁଣ୍ଡ। ସଂହତି, ସହଯୋଗ, ସହୃଦୟତା, ସହାନୁଭୂତି ଏବଂ ସମତାର ଶରଧାବାଲି-ଏକ ଅନବଦ୍ୟ ଅନୁଷ୍ଠାନ। ସଂଘବଦ୍ଧ ଭାବେ ସତ୍ୟକୁ ଠାବ କରିବା ଏହାର ଲକ୍ଷ୍ୟ। ପ୍ରତ୍ୟେକ ବ୍ୟକ୍ତି ଏଠି ବିବର୍ତ୍ତନର ଚାବିକାଠି। ”Every individual is an essential link in the evolutionary movement“.ଏଠି ଅହରହ ଝଙ୍କୃତ ହେଉଛି ଶ୍ରୀଅରବିନ୍ଦଙ୍କ ଆହ୍ବାନ-"The problem of harmony is the problem of Existence". ଏହା ହିଁ ଆଜିର ମଣିଷକୁ ସଂହତିର ପଥ ନିର୍ଦ୍ଦେଶ କରୁ-ଏତିକି ଏ ପବିତ୍ର ଅବସରରେ ପ୍ରାର୍ଥନା। (ଶ୍ରୀଅରବିନ୍ଦଙ୍କ ମହାସମାଧି ଦିବସ ଉପଲକ୍ଷେ) ମୋ-୯୪୩୮୧୮୬୨୨୬
All Right Reserved By

ସମ୍ପାଦକୀୟ |

ଓମେଗା-୩ ଓ ମିଥ୍ୟା ପ୍ରଚାର

ଓମେଗା-୩ ଓ ମିଥ୍ୟା ପ୍ରଚାର

ପରିବେଶ ପରିଚିନ୍ତା/ ମାନେକା ଗାନ୍ଧୀ

ପ୍ରତି କିଛି ବର୍ଷ ବ୍ୟବଧାନରେ ଗୋଟିଏ କମ୍ପାନୀ ତା’ର ମାର୍କେଟିଂ ରଣକୌଶଳ ହିସାବରେ ପ୍ରଚାର କରେ ଯେ ଏକ ନୂତନ ସୁପରଫୁଡ୍‌ ଜନ୍ମଲାଭ କରିଛି। ବର୍ତ୍ତମାନ ବହୁ ବିଜ୍ଞାପିତ ସେପରି ଏକ ସୁପରଫୁଡ୍‌ ହେଉଛି Matcha tea ବା ମାଚା ଚା, ଯାହା ମେଦବହୁଳତା, ଡାଇବେଟିସ୍‌, ଆଣ୍ଠୁଗଣ୍ଠି ବାତ ପ୍ରଭୃତି ସବୁ ସମସ୍ୟାର ସମାଧାନ କରିପାରୁଛି ବୋଲି କୁହାଯାଉଛି। ଏହା କିନୁଆ, ଚିଆ ମଞ୍ଜି, ଲେହ କୋଳି, ବ୍ରାଜିଲ ନଟ୍‌, ବ୍ଲୁବେରୀ, ହଳଦୀ, ସ୍ପିରୁଲିନା, ଗୋଜି ବେରୀ, କଳା ଚକୋଲେଟ୍‌, ରେଡ୍‌ ଓ୍ବା...

ଉଚ୍ଚଶିକ୍ଷା ଓ କାମଚଳା ଅଧ୍ୟକ୍ଷ

ଉଚ୍ଚଶିକ୍ଷା ଓ କାମଚଳା ଅଧ୍ୟକ୍ଷ

ଡ. ସୁବାସ ଚନ୍ଦ୍ର ପାତ୍ର

ପ୍ରଖ୍ୟାତ ଇଂରେଜୀ କବି ଜନ୍‌ ଡନ୍‌ଙ୍କର ଏକ କବିତା ଅଛି- ‘କାହା ପାଇଁ ବାଜେ ଏ ଘଣ୍ଟା’। କୌଣସି ମଣିଷର ମୃତ୍ୟୁର ସୂଚନା ହିସାବରେ ବାଜୁଥିବା ଗୀର୍ଜାର ଘଣ୍ଟା ପ୍ରସଙ୍ଗରେ କୁହାଯାଇଛି ଯେ, ଏ ଘଣ୍ଟା ଯାହା ପାଇଁ ବି ବାଜୁନା କାହିଁକି ମନେରଖ ଏ ଘଣ୍ଟା ତୁମ ପାଇଁ ହିଁ ବାଜୁଛି, କାରଣ ତାଙ୍କ ମୃତ୍ୟୁଠୁ ତୁମ ମୃତ୍ୟୁ ବେଶି ଦୂର ନୁହେଁ। ଗୀର୍ଜାର ଘଣ୍ଟା ପରି ଆମ କଲେଜଗୁଡ଼ିକରେ...

ଧର୍ମ ଜୀବନର ରକ୍ଷାକବଚ

ଧର୍ମ ଜୀବନର ରକ୍ଷାକବଚ

ଶିବରାମ ଶତପଥୀ

ଗୀତାରେ ଅଛି, ‘ସ୍ବଳ୍ପମପ୍ୟସ୍ୟ ଧର୍ମସ୍ୟ ତ୍ରାୟତେ ମହତୋ ଭୟାତ୍‌।’ ଅର୍ଥାତ୍‌ କରିଥିବା ସାମାନ୍ୟତମ ଧର୍ମ ମଧ୍ୟ ସମୟ ପଡ଼ିଲେ ପ୍ରାଣୀକୁ ବଡ଼ ଭୟ (ମୃତ୍ୟୁଭୟ)ରୁ ରକ୍ଷାକରେ। ତେବେ ଏହି ଧର୍ମ କ’ଣ? ମହାଭାରତ ବନପର୍ବରେ ଯକ୍ଷ (ଛଦ୍ମବେଶୀ ଧର୍ମ)ଙ୍କ ପ୍ରଶ୍ନ (କଃ ପନ୍ଥାଃ)ର ଉତ୍ତରରେ ଯୁଧିଷ୍ଠିର କହିଥିଲେ- ନାନା ମୁନିଙ୍କର ନାନା ମତ। ସେହିପରି ବେଦ ମଧ୍ୟ ଗୋଟିଏ ନୁହେଁ। ବିଭିନ୍ନ ସ୍ଥାନରେ ଭିନ୍ନ ଭିନ୍ନ ଭାବେ...

ଏଇ ଭାରତରେ

ଏଇ ଭାରତରେ

ଅପରାଧୀଙ୍କୁ କାବୁ କରିବାକୁ ପୋଲିସ କର୍ମଚାରୀଙ୍କୁ ନୂଆ ନୂଆ କୌଶଳ ପ୍ରଶିକ୍ଷଣ ଦିଆଯାଉଛି। ବିଶେଷକରି ମହିଳା କର୍ମଚାରୀଙ୍କୁ ଏନେଇ ସ୍ବତନ୍ତ୍ର ତାଲିମ୍‌ ପ୍ରଦାନ କରାଯାଉଛି। କିପରି କମ୍‌ ପୋଲିସ କର୍ମଚାରୀଙ୍କ ସହଯୋଗରେ ଅଭିଯୁକ୍ତଙ୍କୁ କୋର୍ଟକୁ ଏସ୍‌କର୍ଟ କରି ...

ସମ୍ପାଦକୀୟ/ମୁକ୍ତ କରନାହିଁ

ସମ୍ପାଦକୀୟ/ମୁକ୍ତ କରନାହିଁ

ଭାରତର ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀଙ୍କ ହତ୍ୟା ମାମଲାରେ ବନ୍ଦୀ ଥିବା ସମସ୍ତ ୭ ଦୋଷୀଙ୍କୁ ମୁକ୍ତ କରିବା ଲାଗି ନିକଟରେ ତାମିଲନାଡୁ ସରକାର ରାଜ୍ୟପାଳ ବନଓ୍ବାରିଲାଲ ପୁରୋହିତଙ୍କୁ ସୁପାରିସ କରିଥିଲେ। ମୁଖ୍ୟମନ୍ତ୍ରୀ ଏଡାପାଡି କେ ପାଲାନିସାମୀଙ୍କ ଅଧ୍ୟକ୍ଷତାରେ ବସିଥିବା କ୍ୟାବିନେଟ୍‌ ସମ୍ବିଧାନର ଧାରା ୧୬୧ ଅନୁଯାୟୀ ଏ ସଂକ୍ରାନ୍ତ ଏକ ସଂକଳ୍ପକୁ ଗୃହୀତ କରିଥିଲା। ଏଥିରେ ...

ଅତୁଲ୍ୟ ଭାରତର ଅନନ୍ୟ ନିର୍ମାତା

ଅତୁଲ୍ୟ ଭାରତର ଅନନ୍ୟ ନିର୍ମାତା

ସମ୍ପନ୍ନା ପାତ୍ର

ବର୍ଷତମାମ ଆମ୍ଭେମାନେ ଜାତୀୟ ହେଉ ବା ଆଞ୍ଚଳିକ ସ୍ତରରେ କିଛି ନା କିଛି ଉତ୍ସବ ପାଳନ କରିଥାଉ ଆମ ମହାନ୍‌ ପୂର୍ବସୂରୀମାନଙ୍କ ସମ୍ମାନାର୍ଥେ। ସେମାନଙ୍କ ବଳିଦାନକୁ ମନେପକାଇଥାଉ, ସେମାନଙ୍କ ନିଃସ୍ବାର୍ଥ ତ୍ୟାଗକୁ ବାସ୍ତବ ଜୀବନରେ ଆପଣେଇବାକୁ ସଙ୍କଳ୍ପ କରିଥାଉ। ସେମାନେ ଆମର ଚିର ବନ୍ଦନୀୟ, ଚିର ନମସ୍ୟ। ପ୍ରତ୍ୟେକ ଭାରତୀୟ ସର୍ବଦା ସେମାନଙ୍କଠାରେ ନତମସ୍ତକ। ସ୍ବାଧୀନତା ...

ପୋଷାକ ଓ ପୌରୁଷ

ପୋଷାକ ଓ ପୌରୁଷ


ଡ. ରମେଶ ଚନ୍ଦ୍ର ପରିଡ଼ା

ସୁପ୍ରସିଦ୍ଧ ବିଜ୍ଞାନ ଲେଖକ ରବିନସ୍‌ କୁକ୍‌ଙ୍କ ବିଚାରରେ ‘ପ୍ରତ୍ୟେକ ଜୀବର ସ୍ବତଃସ୍ଫୂର୍ତ୍ତ ପ୍ରବୃତ୍ତି ହେଲା ନିଜ ପ୍ରତିରୂପ ବା ସନ୍ତାନ ସୃଷ୍ଟି। କ୍ଷୁଦ୍ରାତିକ୍ଷୁଦ୍ର ଜୀବାଣୁଠାରୁ ଆରମ୍ଭ କରି ବିଶାଳକାୟ ତିମି ଏବଂ ମେଧାବୀ ମଣିଷ ପର୍ଯ୍ୟନ୍ତ ସମସ୍ତଙ୍କଠାରେ ଏହା ବିଦ୍ୟମାନ। ନିମ୍ନଶ୍ରେଣୀର ଜୀବମାନେ ତାହା ସମାହିତ କରିଥାନ୍ତି ଅଲିଙ୍ଗୀ ଜନନ ମାଧ୍ୟମରେ ଏବଂ ଉନ୍ନତ ତଥା ଜଟିଳ ଗଛଲତା ଓ ପ୍ରାଣୀମାନଙ୍କ କ୍ଷେତ୍ରରେ ...

ଏଇ ଭାରତରେ

ଏଇ ଭାରତରେ

ସମୟର ପ୍ରବହମାନ ଧାରା ସହିତ ସବୁକିଛିର ପରିବର୍ତ୍ତନ ଘଟେ। ଯେଉଁ ଅଞ୍ଚଳରେ ଏକଦା ହିନ୍ଦୁ ଓ ମୁସଲମାନ ସମ୍ପ୍ରଦାୟ ମଧ୍ୟରେ ଘୃଣା ଓ ବିଦ୍ୱେଷ ଭାବ ସୃଷ୍ଟି ହୋଇଥିଲା ସେଠାରେ ଉଭୟ ସମ୍ପ୍ରଦାୟ ଏବେ ଭାଇଚାରା ସୃଷ୍ଟି କରିଛନ୍ତି। ...

ସମ୍ପାଦକୀୟ/ ରୋଗୀ ବନ୍ଧକ

ସମ୍ପାଦକୀୟ/ ରୋଗୀ ବନ୍ଧକ

କୌଣସି ଆର୍ଥିକ ସଂସ୍ଥାରୁ ଋଣ ଆଣିବାକୁ ହେଲେ ବ୍ୟକ୍ତିବିଶେଷଙ୍କୁ ମଟ୍‌ଗେଜ୍‌ ବା ବନ୍ଧକ ରଖିବାକୁ ପଡ଼େ। ଋଣ କରିଥିବା ବ୍ୟକ୍ତି ଯଦି ଭବିଷ୍ୟତରେ ତାହାକୁ ଶୁଝିବାକୁ ଅକ୍ଷମ ହୁଅନ୍ତି, ତେବେ ବନ୍ଧକ ଥିବା ଜିନିଷ ନିଲାମ କରାଯାଇ ଅର୍ଥ ଅସୁଲ କରାଯାଏ। ରୋଗୀଙ୍କୁ ବନ୍ଧକ ରଖାଯିବା ବିଷୟ ଶୁଣିବାକୁ ଅଡ଼ୁଆ ଲାଗୁଥିଲେ ମଧ୍ୟ ଏହା ବର୍ତ୍ତମାନ ଡାକ୍ତରଖାନା ବିଶେଷକରି ଘରୋଇ ହସ୍ପିଟାଲଗୁଡ଼ିକରେ ପ୍ରାୟତଃ ଦେଖିବାକୁ ମିଳୁଛି। ହସ୍ପିଟାଲ ଯାଉଥିବା ଦେଶର ଅଧିକାଂଶ ଲୋକ ଏଭଳି ପରିସ୍ଥିତିର ସାମ୍ନା କରୁଥିବେ। ରୋଗୀଙ୍କ ମୃତ୍ୟୁ ଘଟିଲେ...

ଘରୋଇ ହିଂସାର କରାଳ ରୂପ

ଘରୋଇ ହିଂସାର କରାଳ ରୂପ

ବୈକୁଣ୍ଠନାଥ ମିଶ୍ର

ହିଂସା ଏକ ନକାରାତ୍ମକ ଶବ୍ଦ, ଯାହା ପରପୀଡ଼ନ, ପରର କ୍ଷତି ସାଧନ, ଏପରି କି ଧ୍ୱଂସ ଓ ମୃତ୍ୟୁଲୀଳା ସଂଯୋଜନାକୁ ବୁଝାଏ। ଯେତେବେଳେ ଏହା ଆତ୍ମୀୟସ୍ବଜନ ବା ରକ୍ତ ସମ୍ପର୍କୀୟ ପ୍ରତି କରାଯାଏ, ତାହାକୁ ପାରିବାରିକ ବା ଘରୋଇ ହିଂସା କୁହାଯାଏ। ନିଜ ପୁତ୍ର ବା କନ୍ୟା ପରିବାରର ସମ୍ମାନକୁ ଭ୍ରୂକ୍ଷେପ ନ କରି ଏପରି କିଛି କରିବସନ୍ତି, ଯାହା ପରିବାର ସଦସ୍ୟଙ୍କ ମନରେ ସେମାନଙ୍କ ପ୍ରତି ଘୃଣା...

 ଆଦର୍ଶ, ଦେଶ ଓ ଦେଶାତ୍ମବୋଧ

ଆଦର୍ଶ, ଦେଶ ଓ ଦେଶାତ୍ମବୋଧ


ନୃସିଂହ ପ୍ରସାଦ ତ୍ରିପାଠୀ

ଗୋଟିଏ ଦେଶର ସର୍ବାଙ୍ଗୀଣ ଉନ୍ନତି ପାଇଁ ତା’ର ନାଗରିକଙ୍କର ଦେଶ ପ୍ରତି ପ୍ରତିବଦ୍ଧତା ଜରୁରୀ। ଏହାର ଲୋକପ୍ରିୟ ନାମ ହେଉଛି ଦେଶାତ୍ମବୋଧ। ଗଣତନ୍ତ୍ର ଶାସନ ପଦ୍ଧତିରେ ଯେଉଁ ରାଜନୈତିକ ଦଳ କ୍ଷମତାକୁ ଆସନ୍ତି, ସେମାନେ ସବୁବେଳେ ଜାହିର କରିବାକୁ ଚାହାନ୍ତି ଯେ, ସେମାନଙ୍କର ଦେଶଭକ୍ତି ଅତି ଉଚ୍ଚ ଧରଣର ଏବଂ ସେମାନେ ହିଁ ଦେଶକୁ ପ୍ରଗତି ପଥରେ ଚଳାଇନେବେ। ସ୍ବାଧୀନତା ପ୍ରାପ୍ତିର ସତୁରି ବର୍ଷରୁ ବେଶି ହେଲାଣି। କୋଠାବାଡ଼ି, ରାସ୍ତାଘାଟ, ଶିଳ୍ପ ଓ କୃଷିରେ କିଛି ପ୍ରଗତି ହୋଇଛି ନିଶ୍ଚୟ, କିନ୍ତୁ...

ଏଇ ଭାରତରେ

ଏଇ ଭାରତରେ

ପେଟ୍ରୋଲକୁ ତରଳ ସୁନା କହିବାର ଯଥାର୍ଥତା ବର୍ତ୍ତମାନ ଉପଲବ୍‌ଧି କରିହେଉଛି। କାରଣ ଏହାର ଲିଟର ପ୍ରତି ଦର ୧୦୦ଟଙ୍କା ଛୁଇଁବାକୁ ଆଉ ବେଶି ଦିନ ବାକି ନାହିଁ। ଭାରତର କେତେକ ରାଜ୍ୟରେ ପେଟ୍ରୋଲ ଲିଟର ପିଛା ୮୫ ଟଙ୍କା ଛୁଇଁଛି। ଏହା ବାସ୍ତବରେ ମୋଟରଗାଡି ଚାଳକଙ୍କୁ ଖୁବ୍‌ ବାଧୁଛି। ଏହାର ମହାର୍ଘ ମୂଲ୍ୟ ଦୃଷ୍ଟିରୁ କେତେକେ ଏହାକୁ ନବଦମ୍ପତିଙ୍କୁ ଉପହାର ଦେବାକୁ ଉଚିତ ମଣୁଛନ୍ତି। ତାମିଲନାଡୁ...