ମେଟ୍ରୋ |

ଏସିପି, ଆଇଆଇସି ସ୍ତରରେ ଅଦଳବଦଳ

ଏସିପି, ଆଇଆଇସି ସ୍ତରରେ ଅଦଳବଦଳ
ଭୁବନେଶ୍ୱର, ୯।୧୨(ବ୍ୟୁରୋ)- କମିଶନରେଟ ପୋଲିସର ଏସିପି ଓ ଆଇଆଇସି ସ୍ତରରେ ଅଦଳବଦଳ ହୋଇଛି। ଏସିପି ଗ୍ରିଭାନ୍ସ ସେଲ୍‌ରେ ଥିବା ସରିଫୁଦ୍ଦିନଙ୍କୁ କଟକ ଜୋନ୍‌-୨ ଏସିପି ଭାବେ ଅବସ୍ଥାପିତ କରାଯାଇଛି। କଟକ ଜୋନ୍‌-୨ ଏସିପି ମନୋରଞ୍ଜନ ବିଶ୍ୱାଳଙ୍କୁ କଟକ ଆଇୟୁସିଏଡବ୍ଲ୍ୟୁ ଏସିପି ଭାବେ ବଦଳି କରାଯାଇଛି। ପଦୋନ୍ନତି ପାଇଥିବା ଇନ୍ସପେକ୍ଟର ସୂର୍ଯ୍ୟମଣି ପ୍ରଧାନଙ୍କୁ କମିଶନ୍‌ରେଟ୍‌ ପୋଲିସର ପିିଆର୍‌ଓ ଭାବେ ନିଯୁକ୍ତି ଦିଆଯାଇଛି। ସେହିଭଳି ଏସିପି ର଼୍ୟାଙ୍କକୁ ପଦୋନ୍ନତି ପାଇଥିବା କ୍ୟାପିଟାଲ ଥାନା ଅଧିକାରୀ ମାନସ ଗଡନାୟକଙ୍କୁ ଅସ୍ଥାୟୀ ଭାବେ ସେହି ଥାନାର ଦାୟିତ୍ୱ ଦିଆଯାଇଛି। ଏସିପି ର଼୍ୟାଙ୍କ୍‌କୁ ପଦୋନ୍ନତି ପାଇଥିବା ଏୟାରଫିଲ୍ଡ ଥାନା ଅଧିକାରୀ ଦେବୀଶଙ୍କର ପ୍ରତାପ, ଖାରବେଳନଗର ଥାନା ଅଧିକାରୀ ଅନୁପ କାନୁନ୍‌ଗୋ, ଶହୀଦନଗର ଥାନା ଅଧିକାରୀ କିଶୋର ମୁଣ୍ଡ୍‌, ଡିଆଇବିରେ ଥିବା ରଜତ କୁମାର ରାୟ ଓ ସ୍ପେଶାଲ ସ୍କ୍ବାଡ୍‌ ଅଧିକାରୀ ସଞ୍ଜୀବ ଶତପଥୀଙ୍କୁ କୌଣସି ନିଯୁକ୍ତି ଦିଆଯାଇ ନାହିଁ। ସେମାନେ ବର୍ତ୍ତମାନ ଥିବା ଥାନାର ଅସ୍ଥାୟୀ ଭାବେ ଦାୟିତ୍ୱ ତୁଲାଇବେ। ପଦୋନ୍ନତି ପାଇଥିବା ବଡ଼ଗଡ଼ ଥାନା ଅଧିକାରୀ ଶୁଭେନ୍ଦୁ ସିଂହାଙ୍କୁ ଭୁବନେଶ୍ୱର ଜୋନ୍‌-୪ ଏସିପି ଭାବେ ନିଯୁକ୍ତି ଦିଆଯାଇଛି। ବିଶ୍ୱନାଥ ମିଶ୍ରଙ୍କୁ ଅତିରିକ୍ତ ଏସ୍‌ପି ଆଇୟୁସିଏଡବ୍ଲ୍ୟୁ ଜଗତ୍‌ସିଂହପୁରକୁ ବଦଳି କରାଯାଇଛି। ଏସିପି ର଼୍ୟାଙ୍କ୍‌କୁ ପଦୋନ୍ନତି ପାଇଥିବା କଟକ ସଦର ଥାନା ଅଧିକାରୀ ଦେବଦତ୍ତ କରଙ୍କୁ ଭୁବନେଶ୍ୱରକୁ ବଦଳି କରାଯାଇଥିଲେ ମଧ୍ୟ ସେ ଅସ୍ଥାୟୀ ଭାବେ ସେହି ଥାନା ଦାୟିତ୍ୱରେ ରହିବେ। ସେହିଭଳି ଆଇଆଇସି ସ୍ତରରେ ମଧ୍ୟ ଅଦଳବଦଳ ହୋଇଛି। ଧଉଳି ଥାନା ଅଧିକାରୀଭାବେ ଜୟଦେବ ବିଶ୍ୱଜିତ୍‌ଙ୍କୁ ଅବସ୍ଥାପିତ କରାଯାଇଥିବା ବେଳେ ପଦୋନ୍ନତି ପାଇଥିବା ଧଉଳି ଥାନା ଅଧିକାରୀ ପ୍ରଭାସଚନ୍ଦ୍ର ପାଲଙ୍କୁ ବାଲେଶ୍ୱର ଏସ୍‌ଡିପିଓ ଭାବେ ବଦଳି କରାଯାଇଛି। ରଶ୍ମିତା ଜେନାଙ୍କୁ ଭୁବନେଶ୍ୱର ଆଇୟୁସିଏଡବ୍ଲ୍ୟୁର ଇନ୍‌ସପେକ୍ଟର ଭାବେ ଅବସ୍ଥାପିତ କରାଯାଇଛି। ଏସ୍‌ଆଇରୁ ଆଇଆଇସିକୁ ପଦୋନ୍ନତି ପାଇଥିବା ଆକାଶ ରଣାଙ୍କୁ ଖଣ୍ଡଗିରି ଥାନାର ଅତିରିକ୍ତ ଥାନା ଅଧିକାରୀଭାବେ ଅବସ୍ଥାପିତ କରାଯାଇଛି। ସେହିଭଳି ଆଇଆଇସିକୁ ପଦୋନ୍ନତି ପାଇଥିବା ମନୋଜ କୁମାର ସ୍ବାଇଁଙ୍କୁ ଖାରବେଳନଗର ଥାନାର ଅତିରିକ୍ତ ଥାନା ଅଧିକାରୀଭାବେ ନିଯୁକ୍ତି ଦିଆଯାଇଛି। ଖଣ୍ଡଗିରି ଥାନାରେ ଥିବା ଅତିରିକ୍ତ ଥାନା ଅଧିକାରୀ ସୀତାଂଶୁ ଶେଖର ମାନ୍ଧାତାଙ୍କୁ ତମାଣ୍ଡୋ ଥାନା ଅଧିକାରୀଭାବେ ବଦଳି କରାଯାଇଛି। ଏସିପି ର଼୍ୟାଙ୍କ୍‌କୁ ପଦୋନ୍ନତି ପାଇଥିବା ତମାଣ୍ଡୋ ଥାନା ଅଧିକାରୀଙ୍କୁ ନବରଙ୍ଗପୁର ଜିଲା ପାପଡାହାଣ୍ଡି ଏସ୍‌ଡିପିଓ ଭାବେ ବଦଳି କରାଯାଇଛି। ବାଦାମବାଡି ଥାନାର ଅତିରିକ୍ତ ଥାନା ଅଧିକାରୀ ମନୋଜ ରୋଶନ ବିଲୁଙ୍ଗଙ୍କୁ କଟକ ଟ୍ରାଫିକ୍‌ ଥାନା ଅଧିକାରୀଭାବେ ନିଯୁକ୍ତି ଦିଆଯାଇଛି। ଟ୍ରାଫିକ ଥାନା ଅଧିକାରୀ ଶରତ ସାହୁଙ୍କୁ ପୁରୀ ଜିଲାକୁ ବଦଳି କରାଯାଇଛି। କ୍ୟାଣ୍ଟନ୍‌ମେଣ୍ଟ ଥାନା ଅଧିକାରୀ ବିଶ୍ୱଜିତ୍‌ ମହାନ୍ତିଙ୍କୁ ଲାଲବାଗ ଥାନା ଅଧିକାରୀଭାବେ ବଦଳି କରାଯାଇଛି। ଦେବଦତ୍ତ ବରାଳଙ୍କୁ କଟକ ହେଡକ୍ୱାର୍ଟର ଡିଏସ୍‌ପି ଭାବେ ବଦଳି କରାଯାଇଛି। କ୍ୟାଣ୍ଟନ୍‌ମେଣ୍ଟ ଥାନାର ଅତିରିକ୍ତ ଥାନା ଅଧିକାରୀ ପରମାନନ୍ଦ ନାୟକଙ୍କୁ ଦରଘାବଜାର ଥାନା ଅଧିକାରୀଭାବେ ଅବସ୍ଥାପିତ କରାଯାଇଛି। ସେହିଭଳି ଦରଘାବଜାର ଥାନା ଅଧିକାରୀ ରମେଶ କୁମାର ମୋହନାଙ୍କୁ କ୍ୟାଣ୍ଟନ୍‌ମେଣ୍ଟ ଥାନା ଅଧିକାରୀଭାବେ ବଦଳି କରାଯାଇଛି। ମହିଳା ଥାନାର ଅତିରିକ୍ତ ଥାନା ଅଧିକାରୀ ତିରୋସକୋଭା ମହାପାତ୍ରଙ୍କୁ ମଧୁପାଟଣା ଥାନା ଅଧିକାରୀ ଭାବେ ନିଯୁକ୍ତି ମିଳିଛି। ଇନ୍ସପେକ୍ଟର ଜିତେନ୍ଦ୍ର କୁମାର ଦଳାଇଙ୍କୁ କଟକ ସଦର ଏସ୍‌ଡିପିଓ ଭାବେ ନିଯୁକ୍ତି ଦିଆଯାଇଛି। ସେହିପରି ଆଇଏଏଚ୍‌ଟିୟୁ ସେଲ୍‌ରେ ଥିବା ଅଧିକାରୀ ରୀନା ଦାଶଙ୍କୁ ବାଦାମବାଡି ଥାନାର ଅତିରିକ୍ତ ଥାନା ଅଧିକାରୀଭାବେ ନିଯୁକ୍ତି ମିଳିଛି। କ୍ୟାପିଟାଲ ଥାନାର ଅତିରିକ୍ତ ଥାନା ଅଧିକାରୀ ସୁନୀଲ କୁମାର ବେହେରାଙ୍କୁ ଚନ୍ଦକା ଥାନା ଅଧିକାରୀ ଭାବେ ଅବସ୍ଥାପିତ କରାଯାଇଛି। ଚନ୍ଦକା ଥାନା ଅଧିକାରୀ ପଦ୍ମନାଭ ପ୍ରଧାନଙ୍କୁ ବଡଗଡ ଥାନା ଅଧିକାରୀ ଭାବେ ନିଯୁକ୍ତି ମିଳିଛି। ସେହିଭଳି ଏସଆଇ ରାମଚନ୍ଦ୍ର ବେହେରାଙ୍କୁ କଟକ ଆଇଏଏଚ୍‌ଟିୟୁକୁ ବଦଳି କରାଯାଇଛି।
All Right Reserved By

ମେଟ୍ରୋ |

ବୋହୂଙ୍କୁ ଅଶ୍ଳୀଳ ବ୍ୟବହାର କରି ଶ୍ୱଶୁର ଗିରଫ

ବୋହୂଙ୍କୁ ଅଶ୍ଳୀଳ ବ୍ୟବହାର କରି ଶ୍ୱଶୁର ଗିରଫ

ଗୋପ, ୧୮।୧୨(ଡି.ଏନ୍‌.ଏ.)-ଗୋପ ଥାନା ଅଧୀନ ଏକ ଗ୍ରାମରେ ଜନୈକ ବିଧବା ମହିଳାଙ୍କୁ ତାଙ୍କ ଶ୍ୱଶୁର ଅଶ୍ଳୀଳ ବ୍ୟବହାର କରିଥିବା ନେଇ ଗୋପ ଥାନାରେ ସଂପୃକ୍ତ ମହିଳା ଅଭିଯୋଗ କରିଥିଲେ। ପରେ ସଂପୃକ୍ତ ମହିଳାଙ୍କ ଅଭିଯୋଗକୁ ଭିତ୍ତିକରି ଗୋପ ପୋଲିସ ୧୯୧/୧୮ରେ ଏକ ମାମଲା ରୁଜୁ କରି ଶ୍ୱଶୁରଙ୍କୁ ଗିରଫ କରି କୋର୍ଟ ଚାଲାଣ କରିଥିଲେ।

ଏଏସ୍‌ଆଇ ଡିଜିଙ୍କ ସତ୍ୟପାଠ ଦାଖଲ: ସୂର୍ଯ୍ୟମନ୍ଦିର ପ୍ରତି ସାମାନ୍ୟତମ ବିପଦ ନାହିଁ

ଏଏସ୍‌ଆଇ ଡିଜିଙ୍କ ସତ୍ୟପାଠ ଦାଖଲ: ସୂର୍ଯ୍ୟମନ୍ଦିର ପ୍ରତି ସାମାନ୍ୟତମ ବିପଦ ନାହିଁ

କଟକ ଅଫିସ, ୧୮।୧୨- ସୂର୍ଯ୍ୟମନ୍ଦିର ମରାମତି ଓ ରକ୍ଷଣାବେକ୍ଷଣକୁ ନେଇ ହାଇକୋର୍ଟରେ ରୁଜୁ ହୋଇଥିବା ଜନସ୍ବାର୍ଥ ମାମଲାର ଶୁଣାଣି ମଙ୍ଗଳବାର  ହାଇକୋର୍ଟରେ ହୋଇଥିଲା। ଏଥିରେ ଭାରତୀୟ ପ୍ରତ୍ନତତ୍ତ୍ବ ସର୍ବେକ୍ଷଣ ସଂସ୍ଥାର ମହାନିର୍ଦ୍ଦେଶକ ଉଷା ଶର୍ମା ସତ୍ୟପାଠ ଦାଖଲ କରିଛନ୍ତି। କୋଣାର୍କ ମନ୍ଦିରର ରକ୍ଷଣାବେକ୍ଷଣ ଓ ସଂରକ୍ଷଣ ଦାୟିତ୍ୱ ୧୯୩୮ରୁ ଏଏସ୍‌ଆଇ ହାତରେ ନ୍ୟସ୍ତ ରହିଛି। 

ମହାନଦୀ ଜଳ ବିବାଦ ସମାଧାନ: ଛତିଶଗଡ଼ ମୁଖ୍ୟମନ୍ତ୍ରୀଙ୍କୁ ଭେଟିବ ମହାନଦୀ ବଞ୍ଚାଅ ଆନ୍ଦୋଳନ

ମହାନଦୀ ଜଳ ବିବାଦ ସମାଧାନ: ଛତିଶଗଡ଼ ମୁଖ୍ୟମନ୍ତ୍ରୀଙ୍କୁ ଭେଟିବ ମହାନଦୀ ବଞ୍ଚାଅ ଆନ୍ଦୋଳନ

ଭୁବନେଶ୍ୱର, ୧୮।୧୨(ବ୍ୟୁରୋ)- ଛତିଶଗଡ଼ ଶାସନରେ ପରିବର୍ତ୍ତନ ହୋଇ ଛି। ଭାଜପା କ୍ଷମତାଚ୍ୟୁତ ହୋଇଛି ଏବଂ କଂଗ୍ରେସ ଶାସନକୁ ଫେରିଛି। ରାଜ୍ୟର ନୂତନ ମୁଖ୍ୟମନ୍ତ୍ରୀ ଭାବେ ଭୂପେଶ ବଘେଲ ଦାୟିତ୍ୱ ଗ୍ରହଣ କରିଛନ୍ତି। ଏହି ଅବସରରେ ନୂତନ ମୁଖ୍ୟମନ୍ତ୍ରୀ ବଘେଲଙ୍କୁ ମହାନଦୀ ବଞ୍ଚାଅ ଆନ୍ଦୋଳନ ସ୍ବାଗତ କରିବା ସହିତ ଶୁଭେଚ୍ଛା ଜଣାଇଛି।

ସିଡିଏମ୍‌ଓଙ୍କ ରାଜ୍ୟସ୍ତରୀୟ ସମ୍ମିଳନୀ: ସ୍ବାସ୍ଥ୍ୟସେବାରେ ଅବହେଳାକୁ ପ୍ରଶ୍ରୟ ଦିଆଯିବ ନାହିଁ

ସିଡିଏମ୍‌ଓଙ୍କ ରାଜ୍ୟସ୍ତରୀୟ ସମ୍ମିଳନୀ: ସ୍ବାସ୍ଥ୍ୟସେବାରେ ଅବହେଳାକୁ ପ୍ରଶ୍ରୟ ଦିଆଯିବ ନାହିଁ

ଭୁବନେଶ୍ୱର, ୧୮।୧୨(ବ୍ୟୁରୋ)- ସ୍ବାସ୍ଥ୍ୟସେବା ଏକ ମୌଳିକ ଅତ୍ୟାବଶ୍ୟକ ସେବା। ଏଥିରେ କୌଣସି ପ୍ରକାର ଅବହେଳାକୁ ପ୍ରଶ୍ରୟ ଦିଆଯାଇ ପାରିବ ନାହିଁ। ସ୍ବାସ୍ଥ୍ୟସେବା କ୍ଷେତ୍ରରେ ଭଲକାମ କରି ଆମେ ସର୍ବଭାରତୀୟ ସ୍ତରରେ ପ୍ରଶଂସନୀୟ ହୋଇଛେ। ତଥାପି ଆମକୁ ଆହୁରି ଅଧିକ ଭଲକାର୍ଯ୍ୟ କରିବାକୁ ପଡ଼ିବ। ସେ ନେଇ ଜିଲା ମୁଖ୍ୟ ଚିକିତ୍ସା ଅଧିକାରୀ(ସିଡିଏମ୍‌ଓ)ମାନଙ୍କ ସହିତ ସମସ୍ତ ଡାକ୍ତର ଏବଂ ଅନ୍ୟ ପଦାଧିକାରୀମାନେ ଆନ୍ତରିକତାର ସହ କାର୍ଯ୍ୟ କରିବାକୁ ପଡ଼ିବ ବୋଲି ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ସଚିବ ଡା. ପ୍ରମୋଦ କୁମାର ମେହେର୍ଦ୍ଦା କହିଛନ୍ତିି। 

ଜାଲ କାଗଜପତ୍ର ଦେଇ ବ୍ୟାଙ୍କ୍‌ରୁ ୧କୋଟି ୪୫ଲକ୍ଷ ଋଣ: ଅଭିଯୁକ୍ତ  ଗିରଫ

ଜାଲ କାଗଜପତ୍ର ଦେଇ ବ୍ୟାଙ୍କ୍‌ରୁ ୧କୋଟି ୪୫ଲକ୍ଷ ଋଣ: ଅଭିଯୁକ୍ତ ଗିରଫ

ଭୁବନେଶ୍ୱର,୧୮ା୧୨ (ବ୍ୟୁରୋ)-ବ୍ୟାଙ୍କ୍‌କୁ  ଜାଲ କାଗଜପତ୍ର ଦେଇ ଋଣ ନେବା ଠକେଇ କରିବା ଘଟଣାରେ ଅର୍ଥନୈତିକ ଅପରାଧ ଶାଖା(ଇଓଡବ୍ଲ୍ୟୁ) ଜଣଙ୍କୁ ଗିରଫ କରିଛି। ଗିରଫ ଅଭିଯୁକ୍ତ ଜଣଙ୍କ ହେଲେ ଖୋର୍ଦ୍ଧା ଜିଲା ବେଗୁନିଆ ପାଟନାସାହିର  ନାରାୟଣ ସେନାପତି(୪୩)।ସେ ବିସାଲ ପଲିମରସ୍‌ କମ୍ପାନୀରେ ମ୍ୟାନେଜିଙ୍ଗ ପାଟର୍ନର ଅଛନ୍ତି। 

ଗ୍ରାମୀଣ ଡାକସେବକଙ୍କ ଧର୍ମଘଟ

ଗ୍ରାମୀଣ ଡାକସେବକଙ୍କ ଧର୍ମଘଟ

ସାକ୍ଷୀଗୋପାଳ,୧୮।୧୨(ଡି.ଏନ୍‌.ଏ): ପୁରୀ ଜିଲା ସାକ୍ଷୀଗୋପାଳ ଉପ ଡାକଘରେ ଗ୍ରାମୀଣ ଡାକସେବକମାନେ ମଙ୍ଗଳବାର ଧାରଣା ଦେଇଛନ୍ତି । 

ନଡ଼ିଆ ଦର ସର୍ବନିମ୍ନ ୨୦ ଟଙ୍କା ରଖିବାକୁ ଦାବି

ନଡ଼ିଆ ଦର ସର୍ବନିମ୍ନ ୨୦ ଟଙ୍କା ରଖିବାକୁ ଦାବି

ସାକ୍ଷୀଗୋପାଳ,୧୮।୧୨(ଡି.ଏନ୍‌.ଏ): ଅଖିଳ ଭାରତ ନାରିକେଳ ଉତ୍ପାଦକ ସଂଘ ଓ ଅଖିଳ ଭାରତ କିଷାନ ସଭାର ମିଳିତ ଆନୁକୂଲ୍ୟରେ ସ୍ଥାନୀୟ ଚାଷୀମାନଙ୍କୁ ନେଇ ଏକ ବୈଠକ ସୋମବାର ସତ୍ୟବାଦୀ ବ୍ଲକ ମଧୁବନ ପଞ୍ଚାୟରେ ଅନୁଷ୍ଠିତ ହୋଇଯାଇଛି ।

ସମୁଦ୍ରରେ ବୁଡି ଛାତ୍ର ନିଖୋଜ

ସମୁଦ୍ରରେ ବୁଡି ଛାତ୍ର ନିଖୋଜ

ପୁରୀ ଅଫିସ, ୧୮।୧୨: ପୁରୀ ସମୁଦ୍ରରେ ଗାଧୋଉଥିବା ବେଳେ ଜଣେ ଛାତ୍ର ମଙ୍ଗଳବାର ବୁଡି ନିଖୋଜ ହୋଇଯାଇଛନ୍ତି। ସେ ହେଲେ ବୋକାରସସ୍ଥିତ ଏକ ଘରୋଇ ଇଞ୍ଜିନିୟରିଂ କଲେଜର ଛାତ୍ର ଶ୍ରୀକ୍ରିଷ୍ଣା କୁମାର। 

ପୁରୁଷ ହକି ବିଶ୍ୱକପ୍‌ର ସଫଳ ଆୟୋଜନକୁ ପ୍ରଧାନମନ୍ତ୍ରୀଙ୍କ ପ୍ରଶଂସା

ପୁରୁଷ ହକି ବିଶ୍ୱକପ୍‌ର ସଫଳ ଆୟୋଜନକୁ ପ୍ରଧାନମନ୍ତ୍ରୀଙ୍କ ପ୍ରଶଂସା

ଭୁବନେଶ୍ୱର,୧୮।୧୨(ବ୍ୟୁରୋ):ଓଡ଼ିଶା ସରକାର ସଫଳତାର ସହ ପୁରୁଷ ହକି ବିଶ୍ୱକପ୍‌କୁ ଆୟୋଜନ କରିଛନ୍ତି। ଏହି କାରଣରୁ ବିଭିନ୍ନ ମହଲରୁ ପ୍ରଶଂସାର ସୁଅ ଛୁଟିବାରେ ଲାଗିଛି।

ହୃଦ୍‌ରୋଗ ପୀଡ଼ିତ ଶିଶୁଙ୍କୁ ଭେଟିଲେ ନବୀନ

ହୃଦ୍‌ରୋଗ ପୀଡ଼ିତ ଶିଶୁଙ୍କୁ ଭେଟିଲେ ନବୀନ

ଭୁବନେଶ୍ୱର,୧୮।୧୨(ବ୍ୟୁରୋ): ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅହମ୍ମଦାବାଦସ୍ଥିତ ସତ୍ୟସାଇ ହାର୍ଟ ହସ୍ପିଟାଲରେ ସୋମବାର ହୃଦ୍‌ରୋଗ ପୀଡ଼ିତ ଶିଶୁଙ୍କୁ ଭେଟିଛନ୍ତି।

ସ୍ଥଳଭାଗ ଛୁଇଁଲା ପେଥାଇ: ଦକ୍ଷିଣ,ପଶ୍ଚିମ ଓଡ଼ିଶାରେ ପ୍ରବଳ ବର୍ଷା

ସ୍ଥଳଭାଗ ଛୁଇଁଲା ପେଥାଇ: ଦକ୍ଷିଣ,ପଶ୍ଚିମ ଓଡ଼ିଶାରେ ପ୍ରବଳ ବର୍ଷା

ଭୁବନେଶ୍ୱର,୧୮ା୧୨(ବ୍ୟୁରୋ): ଦକ୍ଷିଣ ପୂର୍ବ ବଙ୍ଗୋପସାଗରରେ ସୃଷ୍ଟି ହୋଇଥିବା ସାମୁଦ୍ରିକ ଝଡ଼ ‘ପେଥାଇ’ ସୋମବାର ମଧ୍ୟାହ୍ନରେ ଆନ୍ଧ୍ରପ୍ରଦେଶର କାକିନାଡ଼ା ଦେଇ ସ୍ଥଳଭାଗ ଛୁଇଁଛି। ଆସନ୍ତା ୨୪ ଘଣ୍ଟା ମଧ୍ୟରେ ବାତ୍ୟା ଦୁର୍ବଳ ହୋଇ ଅବପାତରେ ପରିଣତ ହେବାର ସମ୍ଭାବନା ରହିଛି ବୋଲି ଆଞ୍ଚଳିକ ପାଣିପାଗ କାର୍ଯ୍ୟାଳୟ ପକ୍ଷରୁ ପୂର୍ବାନୁମାନ କରାଯାଇଛି।

‘ତିତ୍‌ଲି’ ସହାୟତା ଦେଲା କେନ୍ଦ୍ର:ମିଳିଲା ୧୦୨୩  କୋଟି

‘ତିତ୍‌ଲି’ ସହାୟତା ଦେଲା କେନ୍ଦ୍ର:ମିଳିଲା ୧୦୨୩ କୋଟି

ଭୁବନେଶ୍ୱର,୧୮ା୧୨(ବ୍ୟୁରୋ): ତିତ୍‌ଲି କ୍ଷୟକ୍ଷତି ଭରଣା ପାଇଁ କେନ୍ଦ୍ର ସରକାର ଜାତୀୟ ବିପର୍ଯ୍ୟୟ ପରିଚାଳନା ପାଣ୍ଠି(ଏନ୍‌ଡିଆର୍‌ଏଫ୍‌)ରୁ ଓଡ଼ିଶାକୁ ୧୦୨୩.୫୯ କୋଟି ଟଙ୍କା ମଞ୍ଜୁର କରିଛନ୍ତି। ସୋମବାର ସ୍ବରାଷ୍ଟ୍ର ମନ୍ତ୍ରୀ ରାଜନାଥ ସିଂଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏକ ଉଚ୍ଚସ୍ତରୀୟ ବୈଠକରେ ଏହି ନିଷ୍ପତ୍ତି ନିଆଯାଇଛି। ରାଜ୍ୟ ସରକାର ତିତ୍‌ଲିରେ ହୋଇଥିବା କ୍ଷୟକ୍ଷତି ଆକଳନ କରି ଭରଣା ପାଇଁ ୨୦୨୩.୨୩ କୋଟି ଟଙ୍କାର ସହାୟତା ଯୋଗାଇ ଦେବାକୁ କେନ୍ଦ୍ର ସରକାରଙ୍କୁ ସ୍ମାରକପତ୍ର ପ୍ରଦାନ କରିଥିଲେ। ମାତ୍ର କେନ୍ଦ୍ର ସରକାର ଏହାର ଅଧା ସହାୟତା ଅନୁମୋଦନ କରିଛନ୍ତି।