ରାଜ୍ୟ |

କଟକ: ଭାବମୂର୍ତ୍ତି ରକ୍ଷା ପାଇଁ ଏନ୍‌କାଉଣ୍ଟର

କଟକ: ଭାବମୂର୍ତ୍ତି ରକ୍ଷା ପାଇଁ ଏନ୍‌କାଉଣ୍ଟର

କଟକ ଅଫିସ, ୯।୧୨-କଟକ ଡିସିପି ଭାବେ ଅଖିଳେଶ୍ୱର ସିଂ ଦାୟିତ୍ୱ ନେବା ପରେ ସହରରେ ଗତ ୫ମାସରେ ଘଟିଲାଣି ୫ଟି ଏନ୍‌କାଉଣ୍ଟର। ୫ମ ଏନ୍‌କାଉଣ୍ଟରଟି ହୋଇଥିଲା ଗତ ୮ ତାରିଖ ବିଳମ୍ବିତ ରାତିରେ। ଯୋବ୍ରା ନଦୀକୂଳ ସାହିର ତପନ ନାୟକ ଓ ମାଲଗୋଦାମ ଥାନା ପୋଲିସ ମଧ୍ୟରେ ଗୁଳି ବିନିମୟ ହୋଇଥିଲା। ବଳାତ୍କାର, ଡକାୟତି, ରାହାଜାନି, ବୋମାମାଡ଼ ଭଳି ୧୨ଟି ମାମଲାର ଅଭିଯୁକ୍ତ ତପନଙ୍କ ଗୋଡ଼ରେ ବାଜିଥିଲା ପୋଲିସ ଗୁଳି। ପୋଲିସ ଏହି ଏନକାଉଣ୍ଟର ପାଇଁ ଗଣମାଧ୍ୟମ ଜରିଆରେ ବାହା ବାହା ନେବାକୁ ଚେଷ୍ଟା ଚଳାଇଛି। କିନ୍ତୁ କଟକ ବାସିନ୍ଦା ଏହି ଏନ୍‌କାଉଣ୍ଟରକୁ ଭିନ୍ନ ଦୃଷ୍ଟିରେ ଦେଖୁଛନ୍ତି। ଅପରାଧୀମାନଙ୍କ ସହିତ ସମ୍ପର୍କ ରଖିଥିବା ପୋଲିସ ଭାବମୂର୍ତ୍ତି ରକ୍ଷା କରିବା ପାଇଁ ଯୋଜନାବଦ୍ଧ ଭାବେ ଗୁଳିବନ୍ଧୁକର ଖେଳ ଖେଳୁଛି ବୋଲି ଲୋକେ ସମାଲୋଚନା କରୁଛନ୍ତି। ଏପରି କି ଯେଉଁଠି ଲାଭର ଆଶା ମଉଳିଯାଉଛି ସେଇଠି ପୋଲିସ ଏଭଳି କଡ଼ା ଆଭିମୁଖ୍ୟ ଗ୍ରହଣ କରୁଛି ବୋଲି ମଧ୍ୟ କଟକରେ ଚର୍ଚ୍ଚା ହେଉଛି।
ପୋଲିସ ବିରୋଧରେ ଲୋକେ ଏଭଳି ଚର୍ଚ୍ଚା କରିବାବେଳେ କେତେକ ଘଟଣାକୁ ସାମ୍ନାକୁ ଆଣୁଛନ୍ତି। ଗତ ଅକ୍ଟୋବରରେ ଡିସିପିଙ୍କ ଅଫିସ ଆଗରେ ଗୁଳିମାଡ ଓ ଯୁବତୀଙ୍କୁ ଅପହରଣ ଉଦ୍ୟମ ହେଲା। ହେଲେ ମୁଖ୍ୟ ଅଭିଯୁକ୍ତ ୱାସିମ ଖାନ୍‌ ଏଯାଏ ଧରାପଡିନାହାନ୍ତି। ସେହିପରି ମଧୁପାଟଣା ଥାନା ଅଞ୍ଚଳର ନୂଆପାଟଣା ମଙ୍ଗଳାସାହିରେ ଧପୂ ହତ୍ୟାକାଣ୍ଡକୁ ଇତିମଧ୍ୟରେ ୨ମାସ ବିତିଥିଲେ ମଧ୍ୟ ପୋଲିସ ଅଭିଯୁକ୍ତଙ୍କୁ ଧରିବାରେ ସଫଳ ହୋଇନାହିଁ। ଜଗତପୁର ଅଞ୍ଚଳର ଜଣେ ମହିଳାଙ୍କୁ ଯୌନ ନିର୍ଯାତନା ଘଟଣାକୁ ଦେଖିଲେ କଟକ କମିଶନରେଟ ପୋଲିସର ବିଫଳତା ଜଳଜଳ ହୋଇ ଦେଖାଯାଉଛି। କାରଣ ମହିଳାଙ୍କୁ ଯୌନ ନିର୍ଯାତନା ଦିଆଯିବା ଘଟଣାକୁ ୧ମାସ ବିତିଥିଲେ ମଧ୍ୟ ପୋଲିସ ଅଭିଯୁକ୍ତଙ୍କୁ ଗିରଫ କରିପାରିନାହିଁ। ଫଳରେ ଅଭିଯୁକ୍ତମାନେ ପୀଡ଼ିତାଙ୍କ ଘରକୁ ଯାଇ ଥାନାରୁ ମାମଲା ଉଠାଇବା ପାଇଁ ବାଧ୍ୟ କରୁଛନ୍ତି। ନଚେତ୍‌ ପୀଡ଼ିତାଙ୍କୁ ରାସ୍ତା ଉପରେ ବଳାତ୍କାର କରିବା ସହିତ ତାଙ୍କ ମୁହଁରେ ଏସିଡ୍‌ ଫିଙ୍ଗିବା ପାଇଁ ମଧ୍ୟ ଧମକ ଦେଇଛନ୍ତି। ଭୟ ଓ ମାନସିକ ଯନ୍ତ୍ରଣାରେ ପୀଡ଼ିତା ଶେଷରେ ପୁଣି ଥାନାକୁ ଯିବାରୁ ଅଭିଯୁକ୍ତମାନଙ୍କୁ ଗିରଫ ପାଇଁ ଉଦ୍ୟମ ଜାରି ରହିଛି କହି ଫେରାଇ ଦିଆଗଲା। ଏହାପରେ ପୀଡ଼ିତା ଡିସିପିଙ୍କୁ ଜଣାଇଥିଲେ ମଧ୍ୟ କୌଣସି ସୁଫଳ ମିଳିଲା ନାହିଁ। ଶେଷରେ ସେ ଡିଜିପିଙ୍କ ଦ୍ୱାରସ୍ଥ ହୋଇଥିଲେ। ସେହିପରି ନେପାଳର ଜଣେ ଯୁବତୀଙ୍କୁ ମନ୍ଦିରରେ ବିବାହ କରି ଜଣେ ଯୁବକ ତାଙ୍କ ସହିତ ୨ବର୍ଷ କାଟିବା ପରେ ତାଙ୍କୁ ଧୋକା ଦେଇ ବୁଲୁଛନ୍ତି। ବିଦେଶିନୀ ଜଣକ ନ୍ୟାୟ ଆଶାରେ ସିଡିଏରେ ଘରଭଡା ନେଇ ପଡିଥିବା ବେଳେ ପୋଲିସ ତାଙ୍କୁ ବାସସ୍ଥାନ ପ୍ରମାଣପତ୍ର ମାଗି ଅଭିଯୁକ୍ତ ଯୁବକଙ୍କ ସୁରକ୍ଷା କବଚ ପାଲଟିଛି। ଏହିଭଳି ଭାବେ ଦେଖିଲେ ଅନେକ ଘଟଣାରେ ପୋଲିସ ଲୋକଙ୍କୁ ନ୍ୟାୟ ଦେବା ପରିବର୍ତ୍ତେ ଅଭିଯୁକ୍ତଙ୍କୁ ସୁରକ୍ଷା ଦେଇ ଚାଲିଛି। ଅନ୍ୟପକ୍ଷରେ ପୋଲିସକୁ ଅପରାଧୀମାନେ ସାମାନ୍ୟତମ ଖାତିର କରୁ ନ ଥିବା ଗତ ଜୁଲାଇ ୧୮ରୁ ଅକ୍ଟୋବର ଶେଷ ମଧ୍ୟରେ ସହରରେ ହୋଇଥିବା ୭ଥର ବୋମାମାଡ଼ ଘଟଣାରୁ ସ୍ପଷ୍ଟ ହେଉଛି। ଯେଉଁଥିରେ ଡେପୁଟି ମେୟର ଅଜୟ ବାରିକଙ୍କ ଘର, ଦଶହରା ମେଲୋଡି ପେଣ୍ଡାଲ ଉପରକୁ ବୋମାମାଡ଼, ବାଦାମବାଡ଼ି ଥାନାଠାରୁ ୫୦ମିଟର ଦୂରରେ ଗୋଟିଏ ସପ୍ତାହରେ ୨ଥର ବୋମାମାଡ଼ ଆଦି ଘଟଣା ଅନ୍ତର୍ଭୁକ୍ତ। ଗଣମାଧ୍ୟମରେ ବାରମ୍ବାର ପୋଲିସର ଅସଲ ମୁଖା ଖୋଲିଯାଉଥିବାରୁ ଏଭଳି ଯୋଜନାବଦ୍ଧ ଏନ୍‌କାଉଣ୍ଟରର ସାହାରା ନିଆଯାଉଛି ବୋଲି ଲୋକେ ଚର୍ଚ୍ଚା କରୁଛନ୍ତି।
ଏ ସମ୍ପର୍କରେ ଡିସିପି ଅଖିଳେଶ୍ୱର ସିଂ କୁହନ୍ତି, ପୋଲିସ ଉପରକୁ ଅପରାଧୀମାନେ ଗୁଳି ଚାଳନା କରୁଛନ୍ତି। ତାହାର ପାଲଟା ଜବାବରେ ପୋଲିସ ଏନ୍‌କାଉଣ୍ଟର କରୁଛି। କଟକରେ ଅପରାଧ ଦମନ ପାଇଁ ପୋଲିସ ସବୁ ପ୍ରକାର ଉଦ୍ୟମ ଜାରି ରଖିଛି ବୋଲି ସେ କହିଛନ୍ତି।

All Right Reserved By

Model This Week

Model This Week

ରାଜ୍ୟ |

ଆଶାରାମଙ୍କୁ ଆଜୀବନ ଜେଲ

ଆଶାରାମଙ୍କୁ ଆଜୀବନ ଜେଲ

ଯୋଧପୁର,୨୫ା୪(ପି.ଟି.): ଶାହଜାହାନପୁରର ବଳାତ୍କାର ପୀଡ଼ିତାଙ୍କୁ ୫ ବର୍ଷ ପରେ ନ୍ୟାୟ ମିଳିଛି। ବଳାତ୍କାର ଅଭିଯୁକ୍ତ ଆଧ୍ୟାତ୍ମିକଗୁରୁ ଆଶାରାମ ବାପୁଙ୍କୁ ବୁଧବାର ରାଜସ୍ଥାନର ଯୋଧପୁରସ୍ଥିତ ସ୍ବତନ୍ତ୍ର ଏସ୍‌ସି/ଏସ୍‌ଟି କୋର୍ଟ ଦୋଷୀ ସାବ୍ୟସ୍ତ କରି ଆଜୀବନ ଜେଲ ଦଣ୍ଡାଦେଶ ଦେଇଛନ୍ତି। ଏହି ମାମଲାରେ ଆଶାରାମଙ୍କ ଦୁଇ ସହଯୋଗୀଙ୍କୁ ୨୦ ବର୍ଷ ଲେଖାଏ ଜେଲ ଦଣ୍ଡାଦେଶ ମିଳିଥିବାବେଳେ ଅନ୍ୟ ଦୁଇ ଅଭିଯୁକ୍ତ ନିର୍ଦ୍ଦୋଷରେ ଖଲାସ ହୋଇଛନ୍ତି।

ପୁଞ୍ଜିଲାଲ ‘ଏ ଟୁ ଜେଡ୍‌’

ପୁଞ୍ଜିଲାଲ ‘ଏ ଟୁ ଜେଡ୍‌’

ବଲାଙ୍ଗୀର ଅଫିସ, ୨୫ା୪: ୨ମାସ ୨ଦିନ ପରେ ବହୁଚର୍ଚ୍ଚିତ ପାଟଣାଗଡ ପାର୍ସଲ ବୋମା ବିସ୍ଫୋରଣ ଘଟଣାର ପର୍ଦ୍ଦାଫାଶ ହୋଇଛି। ଭଇଁଷା ଜ୍ୟୋତି ବିକାଶ କଲେଜର ଇଂଲିଶ ଅଧ୍ୟାପକ ତଥା ପୂର୍ବତନ ଅଧ୍ୟକ୍ଷ ପୁଞ୍ଜିଲାଲ ମେହେର ଏହି ହତ୍ୟାକାଣ୍ଡର ଏକମାତ୍ର ଓ ମୁଖ୍ୟ ଅଭିଯୁକ୍ତ ବୋଲି କ୍ରାଇମ୍‌ବ୍ରାଞ୍ଚ ସ୍ପଷ୍ଟ କରିଛି। କଲେଜର ଅଧ୍ୟକ୍ଷ ଚୌକିକୁ ନେଇ ଲାଗି ରହିଥିବା ବିବାଦ ହିଁ ଏହି ଘଟଣାର ମୁଖ୍ୟ କାରଣ। ଅଧ୍ୟକ୍ଷ ଚୌକିରୁ ଅପସାରଣ ପରେ ଅପମାନିତ ପୁଞ୍ଜିଲାଲ ପ୍ରତିଶୋଧ ପରାୟଣ ହୋଇପଡିଥିଲେ।

ଦୁର୍ଘଟଣା: ମା’ବାପା ମୃତ, ପୁଅ ଗୁରୁତର

ଦୁର୍ଘଟଣା: ମା’ବାପା ମୃତ, ପୁଅ ଗୁରୁତର

ଠାକୁରମୁଣ୍ଡା/ଆନନ୍ଦପୁର, ୨୫ା୪(ଡି.ଏନ.ଏ.): ମୟୂରଭଞ୍ଜ ଜିଲା ଠାକୁରମୁଣ୍ଡା-ଆନନ୍ଦପୁର ରାସ୍ତାର ସାତକୋଶିଆ ନିକଟରେ ବୁଧବାର ଏକ କାର ଦୁର୍ଘଟଣାରେ ଏକ ଦମ୍ପତିଙ୍କ ମୃତ୍ୟୁ ହୋଇଛି। ଏହି ଦୁର୍ଘଟଣାରେ ସେମାନଙ୍କ ପୁଅ ଗୁରୁତର ହୋଇଛନ୍ତି। ମୃତକ ହେଲେ ଢେଙ୍କାନାଳ ଜିଲା ମାର୍ଥାପୁର ଅଞ୍ଚଳର ଦେବଦତ୍ତ ମିଶ୍ର (୬୦) ଓ ତାଙ୍କ ସ୍ତ୍ରୀ ପୂର୍ଣ୍ଣଶଶୀ ମିଶ୍ର(୫୫) । ଗୁରୁତର ଜଣକ ହେଲେ ସେମାନଙ୍କ ପୁଅ ପାରେଶ୍ୱର ମିଶ୍ର (୩୫)।

‘ଆଜିର ଖୁସି ସୌମ୍ୟଙ୍କୁ ଉତ୍ସର୍ଗ କରିଛି’

‘ଆଜିର ଖୁସି ସୌମ୍ୟଙ୍କୁ ଉତ୍ସର୍ଗ କରିଛି’

ଘଣ୍ଟାପଡା, ୨୫ା୪ (ଡି.ଏନ.ଏ.): ପାଟଣାଗଡ ପାର୍ସଲ ବୋମା ବିସ୍ଫୋରଣ ଘଟଣାର ପର୍ଦ୍ଦାଫାଶ ହୋଇଛି। ଏହି ଘଟଣାର ମୁଖ୍ୟ ଅଭିଯୁକ୍ତ ଭଇଁଷା ମହାବିଦ୍ୟାଳୟ ଅଧ୍ୟାପକ ପୁଞ୍ଜିଲାଲ ମେହେରଙ୍କୁ କ୍ରାଇମ୍‌ବ୍ରାଞ୍ଚ ଗିରଫ କରିଛି। ଏହି ଖବର ଜଣାପଡିବା ପରେ ରୀମାରାଣୀ ସାହୁଙ୍କ ପୈତୃକ ଘର ବଲାଙ୍ଗୀର ଜିଲା ଘଣ୍ଟାପଡ଼ାରେ ଖୁସିର ଲହରି ଖେଳିଯାଇଛି। ଏପରି ଜଘନ୍ୟକାଣ୍ଡ ଭିଆଇ ଥିବା ପୁଞ୍ଜିଲାଲଙ୍କୁ ଫାଶୀଦଣ୍ଡ ମିଳୁ ବୋଲି ଗ୍ରାମବାସୀ ଦାବି କରିଛନ୍ତି।

ବାରିପଦାରେ ସାଇକେଲ ଯୋଗାଣ ମାମଲା: ସାନି ଟେଣ୍ଡର ହାଇକୋର୍ଟରେ ରଦ୍ଦ

ବାରିପଦାରେ ସାଇକେଲ ଯୋଗାଣ ମାମଲା: ସାନି ଟେଣ୍ଡର ହାଇକୋର୍ଟରେ ରଦ୍ଦ

କଟକ ଅଫିସ, ୨୫।୪- ବାରିପଦା ଜିଲାରେ ସାଇକେଲ ଯୋଗାଣ ପାଇଁ ହୋଇଥିବା ସାନି ଟେଣ୍ଡରକୁ ହାଇକୋର୍ଟ ଅବୈଧ ଘୋଷଣା କରିବା ସହ ତାହାକୁ ରଦ୍ଦ କରିଦେଇଛନ୍ତି। ଏଥିସହ ଜିଲା ଶ୍ରମ ଅଧିକାରୀ ସ୍ଥାନୀୟ ସାଇକେଲ ଷ୍ଟୋରଗୁଡ଼ିକରୁ ଶ୍ରମିକମାନଙ୍କୁ ସାଇକେଲ ଯୋଗାଇବାକୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି। ମୁଖ୍ୟ ବିଚାରପତି ବିନୀତ ସରନ ଓ ବିଚାରପତି ବିଦ୍ୟୁତ୍‌ ରଞ୍ଜନ ଷଡ଼ଙ୍ଗୀଙ୍କୁ ନେଇ ଗଠିତ ଖଣ୍ଡପୀଠ ଉପରୋକ୍ତ ଆଦେଶ ଦେଇଛନ୍ତି।

ଜ୍ୟୋତି ଏଗ୍ରି ନିର୍ଦ୍ଦେଶକଙ୍କ ଜାମିନ ଖାରଜ

ଜ୍ୟୋତି ଏଗ୍ରି ନିର୍ଦ୍ଦେଶକଙ୍କ ଜାମିନ ଖାରଜ

କଟକ ଅଫିସ, ୨୫।୪- ଚିଟ୍‌ଫଣ୍ଡ୍‌ ଠକେଇ ମାମଲାରେ ଅଭିଯୁକ୍ତ ଜ୍ୟୋତି ଏଗ୍ରି ଇଣ୍ଟରନ୍ୟାଶନାଲର ନିର୍ଦ୍ଦେଶକ ମାଧବାନନ୍ଦ ସାହୁଙ୍କ ପୁନଃ ଜାମିନ ଆବେଦନକୁ ସ୍ବତନ୍ତ୍ର ଚିଟ୍‌ଫଣ୍ଡ କୋର୍ଟ ବୁଧବାର ଖାରଜ କରିଦେଇଛନ୍ତି।

‘ନାବାଳିକା ବଳାତ୍କାର ଅଭିଯୋଗକୁ ରେଡ୍‌ଫ୍ଲାଗ୍‌ ମାମଲାଭୁକ୍ତ କର’

‘ନାବାଳିକା ବଳାତ୍କାର ଅଭିଯୋଗକୁ ରେଡ୍‌ଫ୍ଲାଗ୍‌ ମାମଲାଭୁକ୍ତ କର’

କଟକ ଅଫିସ, ୨୫।୪- ରାଜ୍ୟରେ ବୃଦ୍ଧି ପାଉଛି ଶିଶୁକନ୍ୟା ଓ ନାବାଳିକା ବଳାତ୍କାର ଘଟଣା। ଏହାକୁ ନେଇ ରାଜ୍ୟରେ ତୁମ୍ବିତୋଫାନ ଚାଲିଥିବାବେଳେ ନିଜ ଭାବମୂର୍ତ୍ତି ରକ୍ଷା କରିବା ପାଇଁ ପୋଲିସ ଉଦ୍ୟମ ଆରମ୍ଭ କରିଛି। ବୁଧବାର ଅପରାହ୍ନରେ ପୋଲିସ ମୁଖ୍ୟାଳୟ ସମ୍ମିଳନୀ କକ୍ଷରେ ଡିଜିପି ରାଜେନ୍ଦ୍ର ପ୍ରସାଦ ଶର୍ମା ଖବରଦାତା ସମ୍ମିଳନୀ ଡକାଇ ନିକଟରେ ଘଟିଥିବା ନାବାଳିକା ବଳାତ୍କାର ଘଟଣା ସମ୍ପର୍କରେ ସୂଚନା ଦେଇଛନ୍ତି। ସେ କହିଲେ, ଶିଶୁକନ୍ୟା ଓ ନାବାଳିକା ବଳାତ୍କାର ଘଟଣାକୁ ଅତି ସମ୍ବେଦନଶୀଳ ମାମଲା ଭାବେ ଗ୍ରହଣ କରାଯାଉଛି।

ଅଂଶୁଘାତରେ  ଜଣେ ଚାଷୀଙ୍କ ମୃତ୍ୟୁ

ଅଂଶୁଘାତରେ ଜଣେ ଚାଷୀଙ୍କ ମୃତ୍ୟୁ

ବାହାନଗା,୨୫ା୪(ଡି.ଏନ.ଏ.)-ବାଲେଶ୍ୱର ଜିଲା ବାହାନଗା ବ୍ଲକ କୋଚିଆକୋଇଲି ଗ୍ରାମର ଜିତେନ୍ଦ୍ର ପୃଷ୍ଟି (୫୯)ଙ୍କର ଅଂଶୁଘାତ ଜନିତ ମୃତ୍ୟୁ ଘଟିଛି। ବୁଧବାର ସକାଳ ୭ ଟାରେ ଘରୁ ବିଲକୁ ଖତଭାର ଧରି ଯାଇଥିଲେ। ମାତ୍ର ସେ ବିଲରେ ପହଞ୍ଚିବା ସମୟରେ ଅଂଶୁଘାତରେ ଆକ୍ରାନ୍ତ ହୋଇଥିଲେ। ଫଳରେ ସେ ତଳେ ପଡି ଯାଇଥିଲେ।

ପୂରଣ ହେବ ୯୨ପୋଲିସ ସବ୍‌ ଇନ୍ସପେକ୍ଟର ପଦବୀ

ପୂରଣ ହେବ ୯୨ପୋଲିସ ସବ୍‌ ଇନ୍ସପେକ୍ଟର ପଦବୀ

ଭୁବନେଶ୍ୱର, ୨୪।୪(ବ୍ୟୁରୋ): ରାଜ୍ୟର ପୋଲିସ ବିଭାଗରେ ଖାଲି ଥିବା ୯୨ଟି ପୋଲିସ ସବ୍‌ଇନ୍ସପେକ୍ଟର ପଦବୀ ପୂରଣ ପାଇଁ ରାଜ୍ୟ ସରକାର ନିଷ୍ପତ୍ତି ନେଇଛନ୍ତି। ରାଜ୍ୟ ଷ୍ଟାଫ ସିଲେକ୍ସନ କମିଶନ ଦ୍ୱାରା ଏହି ପଦବୀଗୁଡିକୁ ପୂରଣ ନିମନ୍ତେ ତୁରନ୍ତ ପ୍ରକ୍ରିୟା ଆରମ୍ଭ କରିବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିର୍ଦ୍ଦେଶ ଦେଇଛନ୍ତି।

ଇଚ୍ଛାଶକ୍ତି ଆଗରେ ହାର ମାନିଛି ବୟସ: ୮୦ବର୍ଷ ବୟସରେ ନଡିଆ ଗଛରେ ଚଢି ଆଣୁଛନ୍ତି ପାରିଶ୍ରମିକ

ଇଚ୍ଛାଶକ୍ତି ଆଗରେ ହାର ମାନିଛି ବୟସ: ୮୦ବର୍ଷ ବୟସରେ ନଡିଆ ଗଛରେ ଚଢି ଆଣୁଛନ୍ତି ପାରିଶ୍ରମିକ

ନିରାକାରପୁର,୨୫ା୪(ଡି.ଏନ.ଏ.)-ଦୃଢ ଇଚ୍ଛା ଶକ୍ତି ଆଗରେ ହାର ମାନିଛି ଦାରିଦ୍ର୍ୟ ଆଉ ବୟସ। ୮୦ବର୍ଷ ବୟସରେ ଉଚ୍ଚା ଉଚ୍ଚା ନଡିଆ, ତାଳ ଗଛରେ ଚଢି ତାଳ,ନଡିଆ ତୋଳି ଯାହା ପାରିଶ୍ରମିକ ପାଆନ୍ତି ସେଥିରେ ତାଙ୍କର ପାଞ୍ଚ ପ୍ରାଣୀ କୁଟୁମ୍ଭ ଚଳାନ୍ତି। ଏପରି ଦୃଢମନୋବଳ ରଖିଥିବା ବ୍ୟକ୍ତି ହେଲେ ଖୋର୍ଦ୍ଧା ଜିଲା ଟାଙ୍ଗୀ ବ୍ଲକ ଡ଼ିଆ ପଞ୍ଚାୟତ ଡ଼ିଆ ଗ୍ରାମର ବୈରାଗୀ ସାହୁ।

ଟିଟିଇଙ୍କୁ ମାଡ଼ ଘଟଣା: ଜିଆରପି ଥାନାଧିକାରୀଙ୍କୁ ମିଳିଲା ସର୍ତ୍ତମୂଳକ ଜାମିନ

ବ୍ରହ୍ମପୁର ଅଫିସ,୨୫।୪- ଟିଟିଇଙ୍କୁ ମାଡ଼ ମାରିବା ଅଭିଯୋଗରେ ଗିରଫ ହୋଇଥିବା ବ୍ରହ୍ମପୁର ଜିଆରପି ଥାନାଧିକାରୀ ରାଜେନ୍ଦ୍ର କୁମାର ମୁଣ୍ଡାଙ୍କୁ ବୁଧବାର ଏଡିଜେ-୧ କୋର୍ଟରୁ ସର୍ତ୍ତ ମୂଳକ ଜାମିନ ମିଳିଛି। ୨୦ ହଜାର ଟଙ୍କା ଓ ଦୁଇ ଜାମିନଦାରଙ୍କ ସହିତ ମାମଲାରେ ପୋଲିସକୁ ସହାୟତା କରିବା ଓ ଥାନାରେ ହାଜର ହେବାକୁ ଏଡିଜେ-୧ ଜଜ୍‌ ରେଖାପ୍ରସାଦ ରାୟ ପ୍ରକାଶ କରିଛନ୍ତି।

ହିତାଧିକାରୀଙ୍କୁ ପ୍ରଧାନମନ୍ତ୍ରୀ ଆବାସ କାର୍ଯ୍ୟାଦେଶ ବଣ୍ଟନ

ହିତାଧିକାରୀଙ୍କୁ ପ୍ରଧାନମନ୍ତ୍ରୀ ଆବାସ କାର୍ଯ୍ୟାଦେଶ ବଣ୍ଟନ

ଚମ୍ପୁଆ,୨୫।୪(ଡି.ଏନ.ଏ): ଚମ୍ପୁଆ ପଞ୍ଚାୟତ ସମିତି ପକ୍ଷରୁ ୨୦୧୮-୧୯ ଆର୍ଥିକ ବର୍ଷ ପାଇଁ ୨ଟି ପଞ୍ଚାୟତରେ ପ୍ରଧାନମନ୍ତ୍ରୀ ଆବାସ ଯୋଜନାରେ ପ୍ରଥମ ପର୍ଯ୍ୟାୟରେ ୨୦୪ କାର୍ଯ୍ୟାଦେଶ ବଣ୍ଟନ କରାଯାଇଛି। ଚମ୍ପୁଆ ବ୍ଲକ ପକ୍ଷରୁ ଜ୍ୟୋତିପୁର, ଭୁଇଁପୁର ଓ ବଡନଇ ପଞ୍ଚାୟତରେ ଉକ୍ତ କାର୍ଯ୍ୟକ୍ରମ ଅନୁଷ୍ଠିତ ହୋଇଛି।