ଅନଗୁଳ-ଢେଙ୍କାନାଳ

ମନ୍ତ୍ରୀଙ୍କ ସହ ଆଲୋଚନା ବିଫଳ: ଅନିର୍ଦ୍ଦିଷ୍ଟକାଳ ପାଇଁ ହେବ ଟ୍ରକ୍‌ ଧର୍ମଘଟ

 ମନ୍ତ୍ରୀଙ୍କ ସହ ଆଲୋଚନା ବିଫଳ: ଅନିର୍ଦ୍ଦିଷ୍ଟକାଳ ପାଇଁ ହେବ ଟ୍ରକ୍‌ ଧର୍ମଘଟ
ଅନୁଗୋଳ ଅଫିସ,୮।୧୨-ଆସନ୍ତା ୧୫ ତାରିଖ ମଧ୍ୟରାତିରୁ ରାଜ୍ୟରେ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଟ୍ରକ୍‌ ଧର୍ମଘଟ କରାଯିବ। ରାଜ୍ୟ ପରିବହନ ମନ୍ତ୍ରୀ ଡ. ନୃସିଂହ ଚରଣ ସାହୁଙ୍କ ସହ ଭୁବନେଶ୍ୱରରେ ଅନୁଷ୍ଠିତ ବୈଠକରେ ଦାବି ପୂରଣ ହୋଇପାରି ନ ଥିବାରୁ ମହାସଂଘ ପକ୍ଷରୁ ପୂର୍ବ ନିଷ୍ପତ୍ତିରେ କୌଣସି ପରିବର୍ତ୍ତନ ହେବ ନାହିଁ ବୋଲି ଶୁକ୍ରବାର ଘୋଷଣା କରାଯାଇଛି। ମହାସଂଘ ପକ୍ଷରୁ କୁହାଯାଇଛି ଯେ, ଗତ ବୁଧବାର ଅନୁଗୋଳ ଟ୍ରକ୍‌ ମାଲିକ ସଂଘ କାର୍ଯ୍ୟାଳୟରେ ଏକ ସାଧାରଣ ବୈଠକ ଅନୁଷ୍ଠିତ ହୋଇଥିଲା। ଏଥିରେ ଟ୍ରକ୍‌ ମାଲିକମାନଙ୍କ ବିଭିନ୍ନ ସମସ୍ୟା ଓ ୧୧ ଦଫା ଦାବି ଉପରେ ଆଲୋଚନା କରାଯାଇଥିଲା। ରାଜ୍ୟ ସରକାର ତୁରନ୍ତ ଦାବି ପୂରଣ ନେଇ ପଦକ୍ଷେପ ନ ନେଲେ ୧୫ ତାରିଖ ମଧ୍ୟରାତିରୁ ରାଜ୍ୟବ୍ୟାପୀ ଟ୍ରକ୍‌ ଧର୍ମଘଟ କରାଯିବ ବୋଲି ନିଷ୍ପତ୍ତି ନିଆଯାଇ ଥିଲା। ମହାସଂଘର ନିଷ୍ପତ୍ତି ସମ୍ପର୍କରେ ରାଜ୍ୟ ସରକାର ଅବଗତ ହେବା ପରେ ଏ ନେଇ ଆଲୋଚନା କରିବାକୁ ପରିବହନ ମନ୍ତ୍ରୀଙ୍କ ଦପ୍ତରରୁ ଡକରା ଆସିଥିଲା। ଭୁବନେଶ୍ୱରସ୍ଥିତ ମନ୍ତ୍ରୀଙ୍କ କାର୍ଯ୍ୟାଳୟରେ ଦାବି ସମ୍ପର୍କରେ ଆଲୋଚନା ହୋଇଥିଲା। ସରକାରଙ୍କ ଗ୍ରିନ୍‌ ଟ୍ୟାକ୍ସ ପ୍ରଚଳନ, ଟ୍ୟାକ୍ସ ବୃଦ୍ଧି ଓ ଚେକିଂ ନାମରେ ଟ୍ରକ୍‌ ମାଲିକଙ୍କଠାରୁ ଯେଉଁ ବେଆଇନ ଭାବେ ପାଉଣା ଆଦାୟ କରାଯାଉଛି ସେ ନେଇ ସଂଘ କର୍ମକର୍ତ୍ତାମାନେ ମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିଥିଲେ। ମାତ୍ର ମନ୍ତ୍ରୀ ଡ. ସାହୁ ସମସ୍ୟା ସମାଧାନ ନିମନ୍ତେ ସେପରି ଗୁରୁତ୍ୱ ଦେଇ ନ ଥିଲେ ବୋଲି ସଂଘ ପକ୍ଷରୁ ଅଭିଯୋଗ କରାଯାଇଛି। ତେଣୁ ମହାସଂଘର ଦାବି ପୂରଣ ହୋଇପାରି ନ ଥିବାରୁ ପୂର୍ବ ନିଷ୍ପତ୍ତି ଅନୁଯାୟୀ ଅନିର୍ଦ୍ଦିଷ୍ଟ କାଳ ଯାଏ ଧର୍ମଘଟ ଚାଲୁ ରହିବ ବୋଲି ମହାସଂଘର ସାଧାରଣ ସମ୍ପାଦକ ରବିନାରାୟଣ ଶତପଥୀ ସୂଚନା ଦେଇଛନ୍ତି। ଏହି ଆଲୋଚନା ସଭାରେ ମହାସଂଘ ରାଜ୍ୟ ସଭାପତି ବିଭୂତି ପ୍ରସାଦ ଦାସ, ଉପସଭାପତି ଦିଲୀପ କୁମାର ପାଣି, ସମ୍ପାଦକ ରାଜୀବ ଜେନା, ଅନ୍ୟ ଉପସଭାପତି ରମାକାନ୍ତ ନାୟକ, ଯୁଗ୍ମ ସମ୍ପାଦକ ନରେନ୍ଦ୍ର ବିହାରୀ ଦାସଙ୍କ ସମେତ ବହୁ କର୍ମକର୍ତ୍ତା ଉପସ୍ଥିତ ଥିଲେ।
All Right Reserved By

ଅନଗୁଳ-ଢେଙ୍କାନାଳ

ପ୍ରସ୍ତାବିତ ବିୟର ବଟ୍‌ଲିଂ ପ୍ଲାଣ୍ଟ ବାତିଲ ଘଟଣା: ଆର୍‌ଡିସିଙ୍କ ସରଜମିନ ତଦନ୍ତ

ପ୍ରସ୍ତାବିତ ବିୟର ବଟ୍‌ଲିଂ ପ୍ଲାଣ୍ଟ ବାତିଲ ଘଟଣା: ଆର୍‌ଡିସିଙ୍କ ସରଜମିନ ତଦନ୍ତ

ଓଡ଼ାପଡ଼ା, ୨୧|୧୧(ଡି.ଏନ.ଏ.)- ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶପରେ ବାତିଲ ହୋଇଛି ଢେଙ୍କାନାଳ ଜିଲା ଓଡ଼ାପଡ଼ା ବ୍ଲକ ବଳରାମପୁରରେ ହେବାକୁ ଥିବା ବିୟର ବଟ୍‌ଲିଂ ପ୍ଲାଣ୍ଟ। ଉତ୍ତରାଞ୍ଚଳ ରାଜସ୍ବ କମିଶନର(ଆର୍‌ଡିସି) ଡି. ଭି. ସ୍ବାମୀ ମଙ୍ଗଳବାର  ଗଛ କଟାଯାଇଥିବା ଅଞ୍ଚଳରେ ସରଜମିନ ତଦନ୍ତ କରିଛନ୍ତି। 

ବଳରାମପୁରରେ ଭାଜପା ପ୍ରତିନିଧି ଦଳ

ବଳରାମପୁରରେ ଭାଜପା ପ୍ରତିନିଧି ଦଳ

ଓଡ଼ାପଡ଼ା, ୨୧|୧୧(ଡି.ଏନ.ଏ.): ପ୍ରସ୍ତାବିତ ବିୟର ବଟଲିଂ ପ୍ଲାଣ୍ଟ ବାତିଲ ପରେ ମଙ୍ଗଳବାର ରାଜ୍ୟ ଭାଜପାର ପ୍ରତିନିଧି ଦଳ ଘଟଣାସ୍ଥଳ ପରିଦର୍ଶନ କରିଛନ୍ତି। 

୨୨ରୁ ଟ୍ରକ୍‌ ମାଲିକ ସଂଘର ଆନ୍ଦୋଳନ

୨୨ରୁ ଟ୍ରକ୍‌ ମାଲିକ ସଂଘର ଆନ୍ଦୋଳନ

ତାଳଚେର, ୨୧|୧୧(ନି.ପ୍ର.): ଆସନ୍ତା ୨୨ ତାରିଖରେ ତାଳଚେର ଟ୍ରକ୍‌ ମାଲିକ ସଂଘ ପକ୍ଷରୁ ଅର୍ଥନୈତିକ ଅବରୋଧ କରାଯିବା ନେଇ ମଙ୍ଗଳବାର ଡେରା ଶିବ ମନ୍ଦିରଠାରେ ଏକ ବୈଠକରେ ନିଷ୍ପତ୍ତି ହୋଇଛି।

ସପ୍ତାହେ ହେବ ହାତୀ ଉପଦ୍ରବ: ୫୦ ଏକରରୁ ଊର୍ଦ୍ଧ୍ୱ ଧାନଫସଲ ନଷ୍ଟ

ସପ୍ତାହେ ହେବ ହାତୀ ଉପଦ୍ରବ: ୫୦ ଏକରରୁ ଊର୍ଦ୍ଧ୍ୱ ଧାନଫସଲ ନଷ୍ଟ

ଛେଣ୍ଡିପଦା,୨୦।୧୧(ସ୍ବ.ପ୍ର.)- ଛେଣ୍ଡିପଦା ବନାଞ୍ଚଳ ଦୁର୍ଗାପୁର ସଂରକ୍ଷିତ ଜଙ୍ଗଲର ପାଶର୍‌ବବର୍ତ୍ତୀ ଗ୍ରାମରେ ସପ୍ତାହେ ହେବ ହାତୀ ଉପଦ୍ରବ ଲାଗିରହିଛି। ଏଥିଯୋଗୁ ଚାଷୀଙ୍କ ପ୍ରାୟ ୫୦ ଏକରରୁ ଊର୍ଦ୍ଧ୍ୱ ଧାନ ଫସଲ ନଷ୍ଟ ହୋଇଥିବା ଅଭିଯୋଗ ହୋଇଛି। 

ବିଜୁ ଯୁବ ବାହିନୀ ପକ୍ଷରୁ ଟୁର୍ନାମେଣ୍ଟ: ଝାରବଇଣ୍ଡା ବିଜୟୀ

ବିଜୁ ଯୁବ ବାହିନୀ ପକ୍ଷରୁ ଟୁର୍ନାମେଣ୍ଟ: ଝାରବଇଣ୍ଡା ବିଜୟୀ

ବଇଣ୍ଡା,୨୦।୧୧(ଡି.ଏନ.ଏ.)-ଆଠମଲ୍ଲିକ ବ୍ଲକ ପେଡ଼ିପଥର ହାଇସ୍କୁଲ ଖେଳ ପଡ଼ିଆଠାରେ ମଙ୍ଗଳବାର ବିଜୁ ଯୁବ ବାହିନୀ ପକ୍ଷରୁ ଏକ ଟୁର୍ନାମେଣ୍ଟ ଅନୁଷ୍ଠିତ ହୋଇଯାଇଛି। ଏଥିରେ ୪ଟି ଦଳ ଅଶଂଗ୍ରହଣ କରିଥିଲେ। ପେଡ଼ିପଥର ସହିତ ଝାରବଇଣ୍ଡା ମଧ୍ୟରେ ମ୍ୟାଚ୍‌ ଅନୁଷ୍ଠିତ ହୋଇଥିଲା। ପ୍ରଥମେ ଝାରବଇଣ୍ଡା ବ୍ୟାଟିଂ କରି ୧୦୯ ରନ ସଂଗ୍ରହ କରିଥିଲା।

୩୦ ଲିଟର ମଦ ଜବତ

୩୦ ଲିଟର ମଦ ଜବତ

ଛେଣ୍ଡିପଦା,୨୦ା୧୧(ସ୍ବ.ପ୍ର.)- ଅନୁଗୋଳ ଜିଲା ନିଶା ଶିଳ୍ପାଞ୍ଚଳ ଥାନା ଜାମୁଣ୍ଡା ଗ୍ରାମ ରାସ୍ତାରେ ସେହି ଗ୍ରାମର ବିନୟ ବେହେରାଙ୍କଠାରୁ ପୋଲିସ ମଙ୍ଗଳବାର ୩୦ ଲିଟର ଦେଶୀମଦ ଜବତ କରିଛି। ଏଥିସହ ତାଙ୍କୁ ଗିରଫ କରି କୋର୍ଟଚାଲାଣ କରିଛି। ଏ ନେଇ ନଂ. ୨୦୮/୧୮ରେ ଏକ ମାମଲା ରୁଜୁ ହୋଇଛି।


ଶାସକ ଦଳ ଦୁର୍ନୀତିରେ ବୁଡି ରହିଥିବା ଅଭିଯୋଗ: ଛେଣ୍ଡିପଦା ବ୍ଲକ ଭାଜପା ପକ୍ଷରୁ ବ୍ଲକ କାର୍ଯ୍ୟାଳୟ ଘେରାଉ

ଶାସକ ଦଳ ଦୁର୍ନୀତିରେ ବୁଡି ରହିଥିବା ଅଭିଯୋଗ: ଛେଣ୍ଡିପଦା ବ୍ଲକ ଭାଜପା ପକ୍ଷରୁ ବ୍ଲକ କାର୍ଯ୍ୟାଳୟ ଘେରାଉ

ଛେଣ୍ଡିପଦା/ପାଲଲହଡ଼ା,୨୦ା୧୧(ଡି.ଏନ.ଏ.)- ଶାସକ ଦଳ ଦୁର୍ନୀତିରେ ବୁଡି ରହିଥିବା, ବିଭିନ୍ନ କ୍ଷେତ୍ରରେ ଲାଞ୍ଚ କାରବାର ହେଉଥିବା ଆଦି ଅଭିଯୋଗ କରି ଛେଣ୍ଡିପଦା ବ୍ଲକ ଭାଜପା ପକ୍ଷରୁ ମଙ୍ଗଳବାର ବ୍ଲକ ଅଫିସ୍‌ ଘେରାଉ କରାଯାଇଛି। 

ରେଳଧାରଣାରେ ବୃଦ୍ଧଙ୍କ ବେକ କଟିଲା

ରେଳଧାରଣାରେ ବୃଦ୍ଧଙ୍କ ବେକ କଟିଲା

ବଅଁରପାଳ, ୨୦ା୧୧(ଡି.ଏନ.ଏ.)- ବଅଁରପାଳ ବ୍ଲକ ବେଣାଗାଡିଆ ନିକଟସ୍ଥ ରେଳଧାରଣାରେ କଟି ମଙ୍ଗଳବାର ପାଣୁ ସେଠୀ(୬୦) ନାମକ ଜଣେ ବୃଦ୍ଧଙ୍କ ମୃତ୍ୟୁ ଘଟିଛି।

ମଦ କାରଖାନାକୁ ବିରୋଧ ପ୍ରସଙ୍ଗ: ବଳରାମପୁରରେ ଆର୍‌ଡିସିଙ୍କ ସରଜମିନ ତଦନ୍ତ

ମଦ କାରଖାନାକୁ ବିରୋଧ ପ୍ରସଙ୍ଗ: ବଳରାମପୁରରେ ଆର୍‌ଡିସିଙ୍କ ସରଜମିନ ତଦନ୍ତ

ଓଡ଼ାପଡ଼ା,୨୦।୧୧(ଡି.ଏନ୍‌.ଏ.): ଢେଙ୍କାନାଳ ଜିଲା ଓଡ଼ାପଡ଼ା ବ୍ଲକ ବଳରାମପୁର ଗ୍ରାମରେ ପ୍ରସ୍ତାବିତ ମଦ କାରଖାନାକୁ ଅଞ୍ଚଳବାସୀ ବିରୋଧ କରିଥିଲେ। ଘଟଣାକୁ ନେଇ ପୋଲିସ ଓ ଗ୍ରାମବାସୀ ମୁହାଁମୁହିଁ ପରିସ୍ଥିତି ସୃଷ୍ଟି ହୋଇଥିଲା। ପରେ ଏହା ଉପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରୋକ ଲଗାଇଥିଲେ। ତେବେ ମଙ୍ଗଳବାର ଉତ୍ତରାଞ୍ଚଳ ରାଜସ୍ବ କମିଶନର ଡିଭି ସ୍ବାମୀ ସେଠାରେ ପହଞ୍ଚି ସରଜମିନ ତଦନ୍ତ କରିଛନ୍ତି।

ମହିଳା କବି ସମ୍ବର୍ଦ୍ଧିତ

ମହିଳା କବି ସମ୍ବର୍ଦ୍ଧିତ

ବଇଣ୍ଡା,୧୯।୧୧(ଡି.ଏନ.ଏ.)- କିଶୋରନଗର ବ୍ଲକ ବଇଣ୍ଡା ତ୍ରିଧାରା ସାହିତ୍ୟ ସଂସଦର ମହିଳା କବି ପ୍ରତିଭା ସାହୁଙ୍କୁ  ରବିବାର କଟକ ଜିଲା ଟାଉନ୍‌ ରୋଡ଼ ଶ୍ରୀରାମଚନ୍ଦ୍ର ଭବନଠାରେ ସମ୍ବର୍ଦ୍ଧିତ କରାଯାଇଛି।

କାର୍ତ୍ତିକେଶ୍ୱର ପୂଜା ପାଇଁ ବଇଣ୍ଡା ଚଳଚଞ୍ଚଳ

କାର୍ତ୍ତିକେଶ୍ୱର ପୂଜା ପାଇଁ ବଇଣ୍ଡା ଚଳଚଞ୍ଚଳ

ବଇଣ୍ଡା,୧୯।୧୧(ଡି.ଏନ.ଏ.)- କିଶୋରନଗର ବ୍ଲକ ନୁନୁକାପଶି ପଞ୍ଚାୟତ ବଇଣ୍ଡା ଶିବ ମନ୍ଦିର ପରିସରରେ ସୋମବାରଠାରୁ କାର୍ତ୍ତିକେଶ୍ୱର ପୂଜା ଆରମ୍ଭ ହୋଇଛି। ଏଥିପାଇଁ ବଇଣ୍ଡା ଗ୍ରାମ ଚଳଚଞ୍ଚଳ ହୋଇପଡ଼ିଛି। 

ନାକିଚିରେ ଆମ ଗାଁ ଆମ ବିକାଶ କାର୍ଯ୍ୟକ୍ରମ: ୧୮୬ ପ୍ରକଳ୍ପ ପାଇଁ ୫ କୋଟି ମଞ୍ଜୁର

ନାକିଚିରେ ଆମ ଗାଁ ଆମ ବିକାଶ କାର୍ଯ୍ୟକ୍ରମ: ୧୮୬ ପ୍ରକଳ୍ପ ପାଇଁ ୫ କୋଟି ମଞ୍ଜୁର

ବଇଣ୍ଡା,୧୯।୧୧(ଡି.ଏନ.ଏ.)- କିଶୋରନଗର ବ୍ଲକ ନାକିଚି ପଞ୍ଚାୟତ ବଡ଼ ଡଙ୍ଗିଆଣି ଗ୍ରାମ ଖେଳ ପଡ଼ିଆଠାରେ ବ୍ଲକ ଓ ଜିଲା ପ୍ରଶାସନ ପକ୍ଷରୁ  ସୋମବାର ‘ଆମ ଗାଁ ଆମ ବିକାଶ’ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।