ଉପକୂଳ ଓଡିଶା

ସମ୍ପୂର୍ଣ୍ଣ କାର୍ଯ୍ୟକ୍ଷମ ହେଲାନି ବିଦ୍ୟୁତ୍‌ ଉପକେନ୍ଦ୍ର

ସମ୍ପୂର୍ଣ୍ଣ କାର୍ଯ୍ୟକ୍ଷମ ହେଲାନି ବିଦ୍ୟୁତ୍‌ ଉପକେନ୍ଦ୍ର

ସୁକିନ୍ଦା,୮।୧୨(ଡି.ଏନ.ଏ.)

ସୁକିନ୍ଦା ବ୍ଲକ ଅନ୍ତର୍ଗତ ଆମ୍ବସାରଠାରେ ନିର୍ମିତ ହରିପୁର ୩୩କେଭି ବିଦ୍ୟୁତ୍‌ ଉପକେନ୍ଦ୍ର ଉଦ୍‌ଘାଟନ ହେବାର ବର୍ଷେ ପରେ ମଧ୍ୟ ସମ୍ପୂର୍ଣ୍ଣ କାର୍ଯ୍ୟକ୍ଷମ ହୋଇନାହିଁ। ଉଦ୍‌ଘାଟନ ଦିବସରେ ଏହି ଉପକେନ୍ଦ୍ର ଲୋକଙ୍କ ସେବାରେ ଲାଗିବ ବୋଲି ଦାବି କରିଥିଲା ସମ୍ପୃକ୍ତ ବିଭାଗ। ମାତ୍ର ଏବେ ଏହା ଲୋକଙ୍କ କାର୍ଯ୍ୟରେ ସମ୍ପୂର୍ଣ୍ଣ ଲାଗି ନ ଥିବା ଦେଖିବାକୁ ମିଳିଛି। ପ୍ରକାଶ ଯେ, ଉକ୍ତ ପ୍ରକଳ୍ପକୁ ୨୦୧୬ ମସିହା ଡିସେମ୍ବର ୨୬ରେ ତତ୍କାଳୀନ ଶକ୍ତିମନ୍ତ୍ରୀ ପ୍ରଣବ ପ୍ରକାଶ ଦାସ ଉଦ୍‌ଘାଟନ କରଥିଲେ। ତେବେ ଏହି ବିଦ୍ୟୁତ୍‌ ଉପକେନ୍ଦ୍ରଟି ଉଦ୍‌ଘାଟନ ହେବା ଦିନଠାରୁ ହିଁ ବନ୍ଦ ରହିଥିଲା। ସୁକିନ୍ଦା ବ୍ଲକ ଅନ୍ତର୍ଗତ ନଦୀକୂଳ ଅଞ୍ଚଳର ୭ଟି ପଞ୍ଚାୟତରେ ଅବ୍ୟବସ୍ଥିତ ବିଦ୍ୟୁତ୍‌ ସେବାର ସମାଧାନ ନିମନ୍ତେ ଏହି ବିଦ୍ୟୁତ୍‌ ଉପକେନ୍ଦ୍ରର ପ୍ରତିଷ୍ଠା ପାଇଁ ତତ୍କାଳୀନ ବିଧାୟକ ତଥା ପୂର୍ବତନ ଅର୍ଥମନ୍ତ୍ରୀ ପ୍ରଫୁଲ୍ଲ ଚନ୍ଦ୍ର ଘଡ଼େଇ ଉଦ୍ୟମ କରିଥିଲେ। ମାତ୍ର ଏହାର କାର୍ଯ୍ୟ ଆରମ୍ଭ ହେବାକୁ ଦୀର୍ଘ ବର୍ଷ ଲାଗିଯାଇଥିଲା। ଏହାର ଉଦ୍‌ଘାଟନୀ ଉତ୍ସବରେ ମୁଖ୍ୟଅତିଥି ଭାବେ ଯୋଗଦେଇ ଶକ୍ତିମନ୍ତ୍ରୀ ଏହି ସବ୍‌ଷ୍ଟେଶନ ଅଞ୍ଚଳବାସୀଙ୍କ ସମସ୍ୟା ଦୂର କରିବା ସହିତ ବିଦ୍ୟୁତ୍‌ କଷ୍ଟରୁ ମୁକ୍ତି ଦେବ ବୋଲି କହିଥିଲେ। ଉକ୍ତ କାର୍ଯ୍ୟକ୍ରମରେ ଯାଜପୁର ଜିଲା ଏମ୍‌ପି ରୀତା ତରେଇ, ସୁକିନ୍ଦା ନିର୍ବାଚନ ମଣ୍ଡଳୀର ବିଧାୟକ ପ୍ରୀତିରଞ୍ଜନ ଘଡେଇ, ନେସ୍କୋ ସିଇଓ ଭରତ ଚନ୍ଦ୍ର ଉପାଧ୍ୟାୟ, ନିର୍ବାହୀ ଯନ୍ତ୍ରୀ ନିର୍ମଳ କୁମାର ଦାସ ପ୍ରମୁଖ ଉପସ୍ଥିତ ଥିଲେ। ସେହିଦିନଠାରୁ ବିଦ୍ୟୁତ୍‌ ସରାବରାହ ସେବା ପାଇବାକୁ ସ୍ବପ୍ନ ଦେଖିଥିବା ନଦୀକୂଳ ଅଞ୍ଚଳର ୭ଟି ପଞ୍ଚାୟତର ହଜାର ହଜାର ଜନସାଧାରଣ ଭକୁଆ ବନି ଯାଇଥିଲେ। ଉକ୍ତ ବିଦ୍ୟୁତ କେନ୍ଦ୍ରରେ ୭ଟି ପଞ୍ଚାୟତକୁ ବିଦ୍ୟୁତ୍‌ ସରବରାହ ଯୋଗାଇ ଦେବା ନିିମନ୍ତେ ୪ଟି ଫିଡର ବ୍ୟବସ୍ଥା ରହିଛି। ଉଦ୍‌ଘାଟନ ପରେ ସମସ୍ତ ଫିଡର ଅଚଳ ରହିଥିଲା। ଅନେକ ଅଭିଯୋଗ ପରେ ମାତ୍ର କିଛି ମାସ ତଳେ ୨ଟି ଫିଡରକୁ ଚାଲୁ କରାଯାଇ ହାତିବାରୀ ଏବଂ ହରିପୁର ଗ୍ରାମ ପଞ୍ଚାୟତକୁ ବିଦ୍ୟୁତ୍‌ ସରବରାହ ଯୋଗାଇ ଦିଆଯାଇଛି। କିନ୍ତୁ ଅନ୍ୟ ୨ଟି ଫିଡର ଅଦ୍ୟାବଧି ଅଚଳ ଅବସ୍ଥାରେ ରହିଛି। ଏହି କାରଣରୁ ଅନ୍ୟ ୫ଟି ପଞ୍ଚାୟତର ହଜାର ହଜାର ଜନସାଧାରଣ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଥିବା ଦେଖିବାକୁ ମିଳୁଛି। ଅନ୍ୟପକ୍ଷରେ ଚାଲୁ ହୋଇଥିବା ୨ଟି ଫିଡରରୁ ସମୟ ସମୟରେ କିଛି ଗାଁକୁ ବିଦ୍ୟୁତ ସରବରାହ କରାଯାଉଥିବା ବେଳେ କୌଣସି ମୁହୁର୍ତ୍ତରେ ଅତ୍ୟଧିକ ଚାପ ଯୋଗୁ ତାହା ମଧ୍ୟ ଅଚଳ ହୋଇଯିବାର ସମ୍ଭାବନା ରହିଛି। ଏ ନେଇ ଦାୟିତ୍ୱରେ ଥିବା ବିଭାଗୀୟ କନିଷ୍ଠ ଯନ୍ତ୍ରୀ ସେଖ୍‌ ଆଜମଙ୍କୁ ପଚାରିବାରେ, ଠିକାଦାର ଏଯାଏ ସମ୍ପୂର୍ଣ୍ଣ କାର୍ଯ୍ୟ ସାରି ନାହାନ୍ତି। ବିଭାଗ ତରଫରୁ ଅନେକ ଥର ଚିଠି କରାଯିବା ପରେ ମଧ୍ୟ ସେ କିଛି ଶୁଣୁ ନାହାନ୍ତି ବୋଲି କହିଥିଲେ। ତେବେ ଏତେ ଗୁରୁତ୍ୱପୂର୍ଣ୍ଣ କାଯର୍‌ୟକୁ ଏଭଳି ଖାମଖିଆଲି ଭାବେ ଦୋଷ ଲଦି ଚୁପ ବସିଯିବାକୁ ସାଧାରଣ ଲୋକେ ହଜମ କରିପାରୁ ନ ଥିବା ବେଳେ ଯଥାଶୀଘ୍ର ଏହାକୁ ଚାଲୁ କରିବାକୁ ଅଞ୍ଚଳବାସୀ ଦାବି କରିଛନ୍ତି।

All Right Reserved By

Model This Week

Model This Week

ଉପକୂଳ ଓଡିଶା

ଶ୍ରମିକ ନେତା ଶ୍ୟାମପଦ ହତ୍ୟାକାଣ୍ଡ ଘଟଣା: ୨୩ ବର୍ଷ ପରେ ଫେରାର ଅଭିଯୁକ୍ତ ଗିରଫ

ଶ୍ରମିକ ନେତା ଶ୍ୟାମପଦ ହତ୍ୟାକାଣ୍ଡ ଘଟଣା: ୨୩ ବର୍ଷ ପରେ ଫେରାର ଅଭିଯୁକ୍ତ ଗିରଫ

କଳିଙ୍ଗନଗର/ଡୁବୁରୀ,୨୭ା୪(ଡି.ଏନ.ଏ.): ଯାଜପୁର ଜିଲା ସୁକିନ୍ଦା ଖଣି ଅଞ୍ଚଳରେ ୨୫ ବର୍ଷ ତଳେ ଘଟିଥିବା ବହୁଚର୍ଚ୍ଚିତ ଶ୍ରମିକ ନେତା ଶ୍ୟାମପଦ ରାଉତ ହତ୍ୟାକାଣ୍ଡର ଫେରାର ଅଭିଯୁକ୍ତ ଗଜେନ୍ଦ୍ର ମହାନ୍ତଙ୍କୁ ସିବିଆଇ ଗୁରୁବାର ଗିରଫ କରିଛି। ଗଜେନ୍ଦ୍ର ହରିୟାଣାରୁ ନିଜ ଗ୍ରାମକୁ ଫେରୁଥିବା ସମ୍ପର୍କରେ ସିବିଆଇ ଖବରପାଇ ବାଲେଶ୍ୱର ଷ୍ଟେଶନରେ ଚଢ଼ାଉ କରି ତାଙ୍କୁ ଗିରଫ କରିଥିଲା। ଦୀର୍ଘ ୨୩ ବର୍ଷ ଧରି ଫେରାର ଥିବା ଗଜେନ୍ଦ୍ର ଗିରଫ ହେବା ପରେ ମାମଲା ଭିନ୍ନ ମୋଡ଼ ନେଇପାରେ ବୋଲି ଆଲୋଚନା ହେଉଛି।

୫ ବର୍ଷୀୟା ଶିଶୁକନ୍ୟାକୁ ଗଣବଳାତ୍କାର

୫ ବର୍ଷୀୟା ଶିଶୁକନ୍ୟାକୁ ଗଣବଳାତ୍କାର

ଜଗତ୍‌ସିଂହପୁର ଅଫିସ,୨୭ା୪: ଜଗତ୍‌ସିଂହପୁର ଥାନା ଅନ୍ତର୍ଗତ କଣ୍ଟାବଲ୍ଲଭପୁରରେ ବୁଧବାର ଜଣେ ୫ ବର୍ଷର ଶିଶୁକନ୍ୟାକୁ ୨ ଜଣ ନାବାଳକ(୧୦ ଓ ୧୪ ବର୍ଷ) ଗଣବଳାତ୍କାର କରିଥିବା ଅଭିଯୋଗ ହୋଇଛି। ପୀଡିତାଙ୍କ ମା’ ଏନେଇ ଅଭିଯୋଗ କରିବା ପରେ ଜଗତ୍‌ସିଂହପୁର ଥାନାରେ ଦଫା ୩୭୬ (୨)(ଆଇ)/୩୭୬ (ଡି) ଆଇପିସି/୬ ପୋକ୍ସୋ ଆକ୍ଟରେ ମାମଲା (ନଂ.୮୯/୧୮) ରୁଜୁ ହୋଇଛି।

୨୫ ହଜାର ଟଙ୍କା ନେଉଥିଲେ ଲାଞ୍ଚ: ଭିଜିଲାନ୍ସ ହାତରେ ଧରାପଡିଲେ ଭିଏଲଡବ୍ଲ୍ୟୁ

୨୫ ହଜାର ଟଙ୍କା ନେଉଥିଲେ ଲାଞ୍ଚ: ଭିଜିଲାନ୍ସ ହାତରେ ଧରାପଡିଲେ ଭିଏଲଡବ୍ଲ୍ୟୁ

ଡୁବୁରୀ,୨୬ା୪(ଡିଏନଏ)- ୫ଲକ୍ଷ ଟଙ୍କାର ଏକ କଂକ୍ରିଟ ରାସ୍ତା କାମର ବିଲ କରାଇ ଦେବାକୁ ଜଣେ ମହିଳାଙ୍କଠାରୁ ୨୫ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରା ପଡ଼ିଛନ୍ତି ଦାନଗଦୀ ବ୍ଲକ ଚାନ୍ଦିଆ ପଞ୍ଚାୟତର କାର୍ଯ୍ୟ ନିର୍ବାହୀ ଅଧିକାରୀ (ଭିଏଲ୍‌ଡବ୍ଲ୍ୟୁ) ବିଭୁପ୍ରସାଦ ଧିର। ଡୁବୁରୀସ୍ଥିତ ଆଇଡିବିଆଇ ବ୍ୟାଙ୍କ ସମ୍ମୁଖରେ ଧୀର ଲାଞ୍ଚ ଟଙ୍କା ଗ୍ରହଣ କରୁଥିବା ବେଳେ କଟକ ଭିଜିଲାନ୍ସ ସେଲ ଅଧିକାରୀମାନେ ଟଙ୍କା ଜବତ କରିବା ସହ ବିଭୁପ୍ରସାଦଙ୍କୁ ଗିରଫ କରିଥିଲେ।

ଭାଜପାର ସାଂଗଠନିକ ବୈଠକ

ଭାଜପାର ସାଂଗଠନିକ ବୈଠକ

କେନ୍ଦ୍ରାପଡା ଅଫିସ, ୨୬ା୪-କେନ୍ଦ୍ରାପଡା ବ୍ଲକ ଚକ୍ରୋଡା ପଞ୍ଚାୟତ କନ୍ତିଆ ମଠ ପରିସରରେ ୬ ନଂ ଜିଲା ପରିଷଦ ଜୋନର ସାଂଗଠନିକ ବୈଠକ ଭାଜପା ପକ୍ଷରୁ ବୁଧବାର ଅନୁଷ୍ଠିତ ହୋଇଥିଲା। ଜିଲା ପରିଷଦ ସଭ୍ୟ ଦେବାଶିଷ ଦାସଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ସାଂଗଠନିକ ସ୍ଥିତିକୁ ସୁଦୃଢ଼ କରିବା, ପ୍ରଧାନମନ୍ତ୍ରୀ ନରେନ୍ଦ୍ର ଦାମୋଦର ଦାସ ମୋଦିଙ୍କ ବାର୍ତ୍ତା ପ୍ରଚାର, ତୃଣମୂଳସ୍ତରର ସମସ୍ୟା ପତି ନଜର ଦେବା ସମ୍ପର୍କରେ ଆଲୋଚନା ହୋଇଥିଲା।

ଉଜ୍ଜ୍ୱଳ ଓ ଉତ୍‌ଥାନ ପ୍ରଶିକ୍ଷଣ ଶିବିର ଉଦ୍‌ଘାଟିତ

ରାଜକନିକା, ୨୬।୪ (ଡି.ଏନ୍‌.ଏ): ରାଜକନିକା ବ୍ଲକର ପାରିନୂଆପଡା-ହାବୁଳଗଣ୍ଡ ପଞ୍ଚାୟତର ପାରିନୁଆପଡା ଉନ୍ନୀତ ଉଚ୍ଚ ପ୍ରାଥମିକ ବିଦ୍ୟାଳୟରେ ୩ ଦିନିଆ ଉଜ୍ଜ୍ୱଳ ଓ ଉତ୍‌ଥାନ ପ୍ରଶିକ୍ଷଣ ଶିବିର ଗୁରୁବାର ଉଦ୍‌ଘାଟିତ ହୋଇଯାଇଛି। ପାରିନୂଆପଡା ଉନ୍ନୀତ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ କରୁଣାକର ସାମଲଙ୍କ ଅଧ୍ୟକ୍ଷତାରେ ଏହି ଉତ୍ସବ ଅନୁଷ୍ଠିତ ହୋଇଥିଲା।

କେନ୍ଦ୍ରାପଡ଼ା ପଲିଟେକ୍‌ନିକ୍‌ କଲେଜ: ୧୩୦ ଛାତ୍ର ପରୀକ୍ଷା ଦେବାରୁ ବଞ୍ଚତ୍ତ

ଡେରାବିଶ, ୨୬ା୪(ସ୍ବ.ପ୍ର.): ଡେରାବିଶ ବ୍ଲକ ଚାଟରାଚକଡ଼ା ପଞ୍ଚାୟତ ଛତାସ୍ଥିତ କେନ୍ଦ୍ରାପଡ଼ା ପଲିଟେକ୍‌ନିକ୍‌ କଲେଜରେ ଶେଷ ବର୍ଷ ଓ ଦ୍ୱିତୀୟ ବର୍ଷ ପିଲାଙ୍କ ପରୀକ୍ଷା ବୁଧବାରଠାରୁ ଆରମ୍ଭ ହୋଇଥିବା ବେଳେ ୧୩୦ଜଣ ଛାତ୍ର ପରୀକ୍ଷା ଦେବାରୁ ବଞ୍ଚତ୍ତ ହୋଇଛନ୍ତି। ଏଥିରେ ଶେଷ ବର୍ଷର ୮୦ ଛାତ୍ର ଥିବା ୫୦ଜଣ ଛାତ୍ର ୨ୟ ବର୍ଷର।

୮ ବଖରା ପୋଡ଼ିଗଲା, ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ

୮ ବଖରା ପୋଡ଼ିଗଲା, ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ

ନାଉଗଁ।,୨୬ା୪(ସ୍ବ.ପ୍ର.): ନାଉଗଁ। ବ୍ଲକ ଗୋଠଦା-ଇଚ୍ଛାପୁର ଗ୍ରାମରେ ବୁଧବାର ବିଳମ୍ବିତ ରାତିରେ ଅଗ୍ନିକାଣ୍ଡ ଘଟି ୩ ଜଣଙ୍କ ୮ ବଖରା ପୋଡିଯାଇଛି। ଏଥିରେ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଛି। ଗ୍ରାମର ଲଲାଟ ବିଶ୍ୱାଳଙ୍କ ୧ ବଖରା, ବିନୟ ବିଶ୍ୱାଳଙ୍କ ୧ ବଖରା ଓ ଶତୃଘନ ବିଶ୍ୱାଳଙ୍କ ୬ ବଖରା ପୋଡ଼ିଯାଇଛି।

ବାହୁବଳିଙ୍କ କବ୍‌ଜାରେ ଗୋଚର, ସର୍ବସାଧାରଣ ଜମି

ବାହୁବଳିଙ୍କ କବ୍‌ଜାରେ ଗୋଚର, ସର୍ବସାଧାରଣ ଜମି

କୁଜଙ୍ଗ,୨୬ା୪(ସ୍ବ.ପ୍ର.): କୁଜଙ୍ଗ ଥାନା ଜିଲାନାସୀ ପଞ୍ଚାୟତର ତେନ୍ତୁଲିଆ ଖମାର ଗ୍ରାମରେ ବହୁ ଗୋଚର ଓ ସର୍ବସାଧାରଣ ଜମି କେତେକ ଲୋକ ଜବରଦଖଲ କରି ରଖିଛନ୍ତି। ଏଥିଯୋଗୁ ସାଧାରଣରେ ଅସନ୍ତୋଷ ପ୍ରକାଶ ପାଇଛି। ଏ ସମ୍ପର୍କରେ ବହୁବାର ବିଭାଗୀୟ ଅଧିକାରୀଙ୍କୁ ଅଭିଯୋଗ କରାଯାଇଥିଲେ ମଧ୍ୟ କୌଣସି ସୁଫଳ ମିଳୁନାହିଁ।

ସାରଙ୍ଗଧରପୁର ଓଡ଼ିଶା ଗ୍ରାମ୍ୟ ବ୍ୟାଙ୍କ ଡକାୟତି ଘଟଣାରେ ଆଉ ଜଣେ ଅଭିଯୁକ୍ତ ଗିରଫ

ସାରଙ୍ଗଧରପୁର ଓଡ଼ିଶା ଗ୍ରାମ୍ୟ ବ୍ୟାଙ୍କ ଡକାୟତି ଘଟଣାରେ ଆଉ ଜଣେ ଅଭିଯୁକ୍ତ ଗିରଫ

ରଣପୁର,୨୬।୪(ସ୍ବ.ପ୍ର.)-ନୟାଗଡ଼ ଜିଲା ରଣପୁର ଥାନା ପୋଲିସ ସାରଙ୍ଗଧରପୁର ଓଡ଼ିଶା ଗ୍ରାମ୍ୟ ବ୍ୟାଙ୍କ (ଓଜିବି) ଡକାୟତି ଘଟଣାରେ ସମ୍ପୃକ୍ତ ଥିବା ଆଉ ଜଣେ ଅଭିଯୁକ୍ତଙ୍କୁ ଜଗତ୍‌ସିଂହପୁର ଜିଲା ବିରିଡି ଥାନା ବାଗଲପୁର ଗ୍ରାମରୁ ଗୁରୁବାର ଗିରଫ କରିଛି। ସେ ହେଲେ ସେହି ଗ୍ରାମର ସନାତନ ପରିଡା(୩୦)।

ସଡକ ସୁରକ୍ଷା ସପ୍ତାହ ପାଳିତ

ସଡକ ସୁରକ୍ଷା ସପ୍ତାହ ପାଳିତ

ବାଙ୍କୀ, ୨୬ା୪ (ସ୍ବ.ପ୍ର.) - ୨୯ତମ ଜାତୀୟ ସଡକ ସୁରକ୍ଷା ସପ୍ତାହ ପାଳନ ଅବସରରେ ବାଙ୍କୀ ଥାନାରେ ଗୁରୁବାର ଦୁର୍ଘଟଣାଗ୍ରସ୍ତଙ୍କ ସାହାଯ୍ୟ କରିଥିବା ଲୋକଙ୍କୁ ସମ୍ବର୍ଦ୍ଧନା ଦିଆଯାଇଛି। କଟକ ଜିଲା ଗ୍ରାମାଞ୍ଚଳ ପୋଲିସ ଓ କଟକ ଆଞ୍ଚଳିକ ପରିବହନ ପ୍ରାଧିକରଣ ପକ୍ଷରୁ ବାଙ୍କୀ ଥାନା ପରିସରରେ ଆୟୋଜିତ ଏହି ଉତ୍ସବରେ ବାଙ୍କୀ ଉପଖଣ୍ଡ ପୋଲିସ ଅଧିକାରୀ ପୂର୍ଣ୍ଣଚନ୍ଦ୍ର ପ୍ରଧାନ ଅଧ୍ୟକ୍ଷତା କରିଥିଲେ ।

ସଡ଼କ ସୁରକ୍ଷା ସପ୍ତାହ ସଚେତନତା ରାଲି

ସଡ଼କ ସୁରକ୍ଷା ସପ୍ତାହ ସଚେତନତା ରାଲି

କାଳିଆପାଣି,୨୬ା୪(ଡି.ଏନ୍‌.ଏ)- କାଳିଆପାଣି ଆମ ପୋଲିସ ପକ୍ଷରୁ ଦୁଇଦିନ ଧରି ୨୯ତମ ଜାତୀୟ ସଡ଼କ ସୁରକ୍ଷା ସପ୍ତାହ ପାଳିତ ହୋଇଛି। ଏହି ଅବସରରେ ଗୁରୁବାର ସକାଳ ୯ଟାରେ କାଳିଆପାଣି ପଞ୍ଚାୟତ କାଯର୍‌ୟାଳୟରୁ ବାଇକ ଶୋଭାଯାତ୍ରା କରାଯାଇଥିଲା ସରପଞ୍ଚ କଳ୍ପନା ଜେନା ଓ ଶ୍ରମିକ ସଂଘ ନେତା ନାରାୟଣ ଚନ୍ଦ୍ର ଧୀର ଅତିଥିଭାବେ ଯୋଗଦେଇ ଶୋଭାଯାତ୍ରାର ଉଦ୍‌ଘାଟନ କରିଥିଲେ ।

ରାଜ୍ୟସ୍ତରୀୟ ଦକ୍ଷତା ପ୍ରତିଯୋଗିତା

ରାଜ୍ୟସ୍ତରୀୟ ଦକ୍ଷତା ପ୍ରତିଯୋଗିତା

ବିରଜାକ୍ଷେତ୍ର,୨୬ା୪(ଡି.ଏନ୍‌.ଏ.)- ରାଜ୍ୟ ଦକ୍ଷତା ପ୍ରାଧିକରଣ ଆନୁକୂଲ୍ୟରେ ଜିଲାପାଳଙ୍କ ଗୁରୁବାର ଏକ ଖବରଦାତା ସମ୍ମିଳନୀ ଅନୁଷ୍ଠିତ ହୋଇଯାଇଛି। ଏଥିରେ ଅତିରିକ୍ତ ଜିଲାପାଳ ବ୍ରଜବନ୍ଧୁ ଭୋଳ ଅଧ୍ୟକ୍ଷତା କରିଥିଲେ। ଚଳିତ ମାସ ୨୯ ଓ ୩୦ ଦୁଇ ଦିନ ଧରି ଭୁବନେଶ୍ୱରସ୍ଥିତ ପ୍ରଦର୍ଶନୀ ପଡ଼ିଆରେ ଦକ୍ଷତା ସହିତ ଜଡ଼ିତ ବିଭିନ୍ନ ଅନୁଷ୍ଠାନର ଛାତ୍ରୀଛାତ୍ରଙ୍କ ମଧ୍ୟରେ ରାଜ୍ୟସ୍ତରୀୟ ଦକ୍ଷତା ପ୍ରତିଯୋଗିତା ଅନୁଷ୍ଠିତ ହେବ।