ଉପକୂଳ ଓଡିଶା

ଅସୁବିଧା କରିପାରେ ଜଙ୍ଗଲ ଜମିରେ ଆୟୋଜନ

ଅସୁବିଧା କରିପାରେ ଜଙ୍ଗଲ ଜମିରେ ଆୟୋଜନ

ଯାଜପୁର ଅଫିସ/କଳିଙ୍ଗନଗର
(ଡି.ଏନ.ଏ.) ୮।୧୨

ଐତିହ୍ୟ ଓ ଇତିହାସକୁ ନେଇ ଗର୍ବ କରେ ମାନବ ସଭ୍ୟତା। ଏହି କ୍ରମରେ ଯାଜପୁର ଜିଲାର ଅବିସ୍ମରଣୀୟ ସଂସ୍କୃତି, ଐତିହ୍ୟମଣ୍ଡିତ କୀର୍ତ୍ତି ଓ ପର୍ଯ୍ୟଟନସ୍ଥଳୀଗୁଡିକ ସର୍ବଜନବିଦିତ। ଇସ୍ପାତ ଶିଳ୍ପର ରାଜଧାନୀ ଭାବେ ପୃଥିବୀ ମାନଚିତ୍ରରେ କଳିଙ୍ଗନଗରର ରହିଛି ଏକ ସ୍ବତନ୍ତ୍ର ପରିଚୟ। ମେଳା ଓ ମହୋସତ୍ବର ଜିଲାଭାବେ ପରିଚିତ ଯାଜପୁର ଜିଲାରେ ନୂଆକରି କଳିଙ୍ଗନଗର ମହୋସତ୍ବର ପରିକଳ୍ପନା କରାଯାଇଛି। ଏହି ମହୋସତ୍ବକୁ ଦାନଗଦୀ ତହସିଲ ଅଧିନସ୍ଥ ତେଲିବାହାଲି ନିକଟସ୍ଥ ଶାଳ ଜଙ୍ଗଲ ଜମିରେ ଆୟୋଜନ କରିବାକୁ ନିଷ୍ପତ୍ତି ହୋଇଛି। ଯାହାକି ଭବିଷ୍ୟତରେ ଆୟୋଜକଙ୍କୁ ଅଡ଼ୁଆରେ ପକାଇପାରେ ବୋଲି ତଥ୍ୟାଭିଜ୍ଞ ମହଲରେ ମତପ୍ରକାଶ ପାଇଛି ।
ଲୁକ୍କାୟିତ ଓ ଲୁପ୍ତପ୍ରାୟ ଲୋକକଳାକୁ ପୁନର୍ଜିବୀତ କରିବା ତଥା ସଂସ୍କୃତି ଓ ସାମାଜିକ ଚଳଣୀକୁ ରୁଦ୍ଧିମନ୍ତ କରିବା ମହୋସତ୍ବର ଲକ୍ଷ୍ୟ । କଳିଙ୍ଗନଗର ବିସ୍ଥାପିତ ପରିବାର ଓ ଜିଲାବାସୀଙ୍କ ପାଇର୍ଁ ଏହା ମନୋରଞ୍ଜନର ଖୁରାକ ଯୋଗାଇବ ନିଶ୍ଚିତ । ଏହାବାଦ ଅତୀତର କଳା ଓ ସଂସ୍କୃତି ବର୍ତ୍ତମାନ ରଙ୍ଗୀନ ଦୁନିଆରେ ପୋଡି ପାଉଁଶ ହୋଇଯାଇଛି। କେବଳ ରହିଯାଇଛି ସେହି ପାଉଁଶ ଟିକକ। ତେବେ ଆୟୋଜକ ମଣ୍ଡଳି ଏହି ସବୁକୁ ବଞ୍ଚାଇବାର ଯେଉଁ ପ୍ରୟାସ ଜାରି ରଖିଛନ୍ତି ତାକୁ ଅଧିକାଂଶ କଳିଙ୍ଗନଗରବାସୀ ସ୍ବାଗତ କରିଛନ୍ତି। ରାଜ୍ୟର ବିଭିନ୍ନ ସାଂସ୍କୃତିକ ଅନୁଷ୍ଠାନର ପିଲାମାନେ ନୃତ୍ୟଗୀତ କରି ଦର୍ଶକଙ୍କୁ ବିମୋହିତ କରିବେ। ଏପରିକି ସେହି ପ୍ରାଚୀନ ସଂସ୍କୃତି ଓ ଲୋକଗୀତ ନୃତ୍ୟରେ କଳିଙ୍ଗନଗରବାସୀ ବିଭୋର ହେବେ। ଲୋକମୁଖରୁ ନିଃସୃତ ଗୀତ ଏବଂ ଲୋକଙ୍କ ହୃଦୟ ଓ ମନରୁ ପ୍ରଚଳିତ କଳାକୁ ଲୋକକଳା ବୋଲି ବୁଝାଯାଏ। ଶରୀର ପାଇଁ ଖାଦ୍ୟ ଯେମିତି ଅପରିହାର୍ଯ୍ୟ ସେହିପରି ମନର ସ୍ପୁର୍ତ୍ତି ପାଇଁ ସଂଗୀତର ଆବଶ୍ୟକତା ରହିଛି। କଳିଙ୍ଗନଗର ଶିଳ୍ପାଞ୍ଚଳରେ ଶ୍ରମିକ ଓ କର୍ମଚାରୀଙ୍କ କର୍ମକ୍ଲାନ୍ତ ଜୀବନରେ ମାନସିକ ଶାନ୍ତି ଓ ବେଦନାକୁ ପରାହତ କରି ହୃଦୟରେ ଟିକିଏ ଆନନ୍ଦର ଅମୃତ ଦେବ ଏହି ମହୋସତ୍ବ । କଳିଙ୍ଗନଗରର ଶ୍ରୋତା ନିଜ ଭିତରେ ଉପଲବ୍ଧି କରିବେ ଗୀତ ଓ ସଂଗୀତର ଭାବ। କେତେକ ଐତିହାସିକ କାର୍ଯ୍ୟକ୍ରମ ତଥା ଫଟୋ ପ୍ରଦର୍ଶନୀ ମଧ୍ୟ କଳିଙ୍ଗନଗର ମହୋସତ୍ବରେ ସ୍ଥାନିତ କରାଯାଇଛି। ଏଥିରେ ନଗଡ଼ାର ବିଭିନ୍ନ ଚିତ୍ର ମଧ୍ୟ ଉପଲବ୍ଧ ହୋଇ ପାରିବ। ଏହାସହିତ ମହୋସତ୍ବରେ ଢୋଲ, ନିସାନ, ତାସା, ମହୁରୀ, ଟିମକି, ମାଦଲ ପ୍ରଭୃତି ଲୋକବାଦ୍ୟ ଦଳକୁ ଆମନ୍ତ୍ରିତ କରିବାକୁ ଯୋଜନା ହୋଇଛି। ଜିଲାରେ ଜିଲା ମହୋତ୍ସବ, ବ୍ୟାସ ମହୋସତ୍ବ, ଉଦୟଗିରି ବୁଦ୍ଧ ମହୋସତ୍ବ, ବରୁଣେଶ୍ୱର ମହୋସତ୍ବ, ସୁକିନ୍ଦାରେ ସୌରିକ ମହୋସତ୍ବ, ଧର୍ମଶାଳା ମହୋସତ୍ବ ଆଦି ଆୟୋଜନ କରାଯାଉଛି । ମାତ୍ର ୨୦ବର୍ଷ ହେଲା କଳିଙ୍ଗନଗର ଶିଳ୍ପାଞ୍ଚଳ ପ୍ରତିଷ୍ଠା ହୋଇଥିଲେ ହେଁ କଳିଙ୍ଗନଗର ମହୋସତ୍ବ ସ୍ବପ୍ନ ହେଉଥିଲା। ତେଣୁ ଆସନ୍ତା ଡିସେମ୍ବର ୨୨ରୁ ୨୪ତାରିଖ ପର୍ଯ୍ୟନ୍ତ କଳିଙ୍ଗନଗର ମହୋସତ୍ବର ପରିକଳ୍ପନା କରାଯାଇଛି। ଗତ ପ୍ରସ୍ତୁତି ବୈଠକରେ ତେଲିବାହାଲି ପେଟ୍ରୋଲ ପମ୍ପ ସମ୍ମୁଖ ପଡିଆରେ ଏହାର ଆୟୋଜନ କରିବାକୁ ଚୂଡାନ୍ତ ହୋଇ ସାରିଛି। ଯାହାର କି ଲୋଗୋ ମଧ୍ୟ ଉନ୍ମୋଚିତ ହୋଇଛି । ତେବେ ଯେଉଁ ପଡିଆରେ ମହୋସତ୍ବର ପରିକଳ୍ପନା କରାଯାଇଛି ତାହା ସମ୍ପୂର୍ଣ୍ଣ ଶାଳ ଜଙ୍ଗଲ ଜମି । ଦାନଗଦୀ ତହସିଲ ଅନ୍ତର୍ଗତ ଖାତା ନମ୍ବର ୯୭, ପ୍ଲଟ ନମ୍ବର ୩୩୬ରେ ୬୮.୪୦ ଏକର ଶାଳ ଜଙ୍ଗଲ ଜମି ରହିଛି। କୌଣସି ଜଙ୍ଗଲ ଜମିରେ ମେଳା ମହୋସତ୍ବର ଆୟୋଜନ ପରିବେଶଗତ ଆଇନକୁ ଉଲ୍ଲଂଘନ କରୁଛି। ତେଣୁ ଏହି ଜମିରେ ମେଳାର ଆୟୋଜନ କଲେ କେତେକ ପରିବେଶପ୍ରେମୀ ଗ୍ରୀନ ଟ୍ରିବ୍ୟୁନାଲର ଦ୍ୱାରସ୍ଥ ହେବେ ବୋଲି ଚେତାବନୀ ଦେଇଛନ୍ତି । ଅଗାମୀ ଦିନରେ ଏହା ଆୟୋଜକଙ୍କ ୁ ଏହା ଅସୁବିଧାରେ ପକାଇପାରେ ବୋଲି ଆଲୋଚନା ହେଉଛି। ତେଣୁ ପରିକଳ୍ପିତ ଏହି ମହାନ ମହୋସତ୍ବକୁ ସବୁଦିନ ପାଇଁ ବଞ୍ଚାଇ ରଖିବାକୁ ଆୟୋଜକଙ୍କୁ ଏହି ମତ ଉପରେ ବିଚାରବିମର୍ଶ କରି ନିଷ୍ପତ୍ତିରେ ପରିବର୍ତ୍ତନ ଆଣିଲେ କଳିଙ୍ଗନଗରବାସୀ ଉପକୃତ ହୋଇ ପାରିବେ ବୋଲି ସାଧାରଣରେ ମତପ୍ରକାଶ ପାଇଛି । ଏ ସଂକ୍ରାନ୍ତରେ ଦାନଗଦୀ ତହସିଲଦାର ବୁଲବୁଲ ବେହେରାଙ୍କୁ ପଚାରିବାରୁ ସେ କହିଛନ୍ତି ଆୟୋଜକଙ୍କ ପକ୍ଷରୁ କୌଣସି ଅନୁମତି ଏଯାଏ ମିଳିନାହିଁ । ତେବେ ଜଙ୍ଗଲ ଜମିରେ ତାଙ୍କର କୌଣସି କର୍ତ୍ତୃତ୍ୱ ରହୁନଥିବାରୁ ସେ କିଛି କହି ପାରିବେ ନାହିଁ। ଯାଜପୁରରୋଡ ବନଖଣ୍ଡ ଅଧିକାରୀ ଦେବେନ୍ଦ୍ର ପଟ୍ଟନାୟକଙ୍କୁ ପଚାରିବାରେ ତେଲିବାହାଲି ଜଙ୍ଗଲ ଜମି ରାଜସ୍ବ ବିଭାଗ ଅଧିନରେ ରହିଛି। ତେଣୁ ତହସିଲଦାର କିମ୍ବା ଜିଲାପାଳ ସେ ନେଇ ଅନୁମତି ଦେଇ ପାରିବେ।

All Right Reserved By

ଉପକୂଳ ଓଡିଶା

ଦୋକାନ ଭଙ୍ଗାରୁଜାକୁ ବର୍ଷେ ବିତିଲା : ଚାର୍ଜସିଟ୍‌ ଦାଖଲ କରୁନି ପୋଲିସ

ଦୋକାନ ଭଙ୍ଗାରୁଜାକୁ ବର୍ଷେ ବିତିଲା : ଚାର୍ଜସିଟ୍‌ ଦାଖଲ କରୁନି ପୋଲିସ

ନାଉଗଁା,୧୮ା୭(ସ୍ବ.ପ୍ର.): ନାଉଗଁା ବ୍ଲକ ଅବଦଲପୁରସ୍ଥିତ ଥାନା ଛକରେ ୧୭ ଜୁଲାଇ ୧୦୧୭ରେ ହୋଇଥିବା ଦୋକାନ ପୋଡ଼ି ଘଟଣାକୁ ଇତିମଧ୍ୟରେ ୧ବର୍ଷ ବିତିଲାଣି। ଏହି ଘଟଣାକୁ ନେଇ ଥାନାରେ ମାମଲା ରୁଜୁ ହୋଇଥିଲେ ମଧ୍ୟ ପୋଲିସ ଅଦ୍ୟାବଧି ଚାର୍ଜସିଟ୍‌ ଦାଖଲ କରିନାହିଁ। ଫଳରେ ସ୍ଥାନୀୟ ଲୋକଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି।

ଜଳ ନିଷ୍କାସନ ପାଇଁ ନିର୍ବାହୀ ଯନ୍ତ୍ରୀଙ୍କୁ ଦାବିପତ୍ର

ଜଳ ନିଷ୍କାସନ ପାଇଁ ନିର୍ବାହୀ ଯନ୍ତ୍ରୀଙ୍କୁ ଦାବିପତ୍ର

ବାଲିକୁଦା,୧୮ା୭(ସ୍ବ.ପ୍ର.): ଲଗାଣ ବର୍ଷା ଯୋଗୁ ବାଲିକୁଦା ବ୍ଲକର ବିଭିନ୍ନ ସ୍ଥାନରେ ପାଣି ଜମି ରହିଛି। ଡ୍ରେନ୍‌ଗୁଡିକରେ ଜଳ ନିଷ୍କାସନ ଠିକ୍‌ ଭାବେ ହୋଇପାରୁ ନ ଥିବାରୁ ବହୁ ଅସୁବିଧା ହେଉଛି। ତେଣୁ ଜଳ ନିଷ୍କାସନ ସୁବିଧା କରିବା ପାଇଁ ଅଳକା ବୁଡ଼ି ଅଞ୍ଚଳ କୃଷକ ସଂଗ୍ରାମ ସମିତି ପକ୍ଷରୁ ଜଳ ସମ୍ପଦ ବିଭାଗ ଓ ଜଳ ନିଷ୍କାସନ ବିଭାଗ ନିର୍ବାହୀ ଯନ୍ତ୍ରୀଙ୍କୁ ଦାବିପତ୍ର ପ୍ରଦାନ କରାଯାଇଛି।

ବିଦ୍ୟାଳୟ ଛାତରୁ ଖସୁଛି ପ୍ଲାଷ୍ଟର : ପୋସ୍କୋ କୋଠାରେ ପଢ଼ିଲେ ପିଲା

ବିଦ୍ୟାଳୟ ଛାତରୁ ଖସୁଛି ପ୍ଲାଷ୍ଟର : ପୋସ୍କୋ କୋଠାରେ ପଢ଼ିଲେ ପିଲା

ପାରାଦୀପ, ୧୮ା୭(ସ୍ବ.ପ୍ର.): ପାରାଦୀପ ପୌରାଞ୍ଚଳର ୧୭ ନଂ. ଓ୍ବାର୍ଡ ଷଣ୍ଢକୁଦରେ ୧୯୭୬ରୁ ଚାଲିଛି ନୋଳିଆ ସାହି ପ୍ରାଥମିକ ବିଦ୍ୟାଳୟ। ଉକ୍ତ ବିଦ୍ୟାଳୟର ଛାତ ୨୦୧୩ ଫାଇଲିନ୍‌ ବାତ୍ୟାରେ କ୍ଷତିଗ୍ରସ୍ତ ହୋଇଥିଲା। ସେବେଠାରୁ ତାହା ମରାମତି ଚାଲିଛି। ଅନ୍ୟପକ୍ଷରେ ଗତ ସପ୍ତାହେ ହେଲା ଛାତରୁ ପ୍ଲାଷ୍ଟର ଖସୁଛି। ୨ କକ୍ଷ ବିଶିଷ୍ଟ ଉକ୍ତ ଛାତର ପ୍ଲାଷ୍ଟର ଖସିବା ଯୋଗୁ ଛାତ୍ରୀଛାତ୍ର ପାଠ ପଢ଼ିବା ପାଇଁ ହଇରାଣ ହେଉଥିଲେ।

୩ ଶିକ୍ଷୟିତ୍ରୀଙ୍କ ବିରୋଧରେ ହେବ କାର୍ଯ୍ୟାନୁଷ୍ଠାନ : ଟିସି ନେଲା ପରେ ବି ବିଦ୍ୟାଳୟରେ ଉପସ୍ଥାନ ଗଡୁଛି

୩ ଶିକ୍ଷୟିତ୍ରୀଙ୍କ ବିରୋଧରେ ହେବ କାର୍ଯ୍ୟାନୁଷ୍ଠାନ : ଟିସି ନେଲା ପରେ ବି ବିଦ୍ୟାଳୟରେ ଉପସ୍ଥାନ ଗଡୁଛି

ଜଗତ୍‌ସିଂହପୁର ଅଫିସ,୧୮ା୭: ମୋତେ ଯେତେ ମାଠିବୁ ମାଠ, ମୁଁ ସେଇ ଦରପୋଡ଼ା କାଠ। ଜଗତ୍‌ସିଂହପୁର ଜିଲାର ବିଭିନ୍ନ ସରକାରୀ ବିଦ୍ୟାଳୟର ଶିକ୍ଷୟିତ୍ରୀ ଶିକ୍ଷକମାନେ ଏହି ନ୍ୟାୟରେ କାମ କରିଚାଲିଛନ୍ତି। ଅର୍ଥାତ୍‌ ସରକାର ଶିକ୍ଷା ବ୍ୟବସ୍ଥାରେ ସଂସ୍କାର ଆଣିବାକୁ ଯେତେ କାର୍ଯ୍ୟାନୁଷ୍ଠାନ ନେଲେ ମଧ୍ୟ ଏହି ଶିକ୍ଷୟିତ୍ରୀ ଶିକ୍ଷକମାନଙ୍କ ଉପରେ ତାହାର କାଣିଚାଏ ପ୍ରଭାବ ପଡୁନାହିଁ।

 ଉତ୍ତରକୁ ଢଳିଲେ ସିଦ୍ଧେଶ୍ୱର ମହାଦେବ: ଅପୂର୍ବ ଦୃଶ୍ୟ ଦର୍ଶନ କଲେ ଶତାଧିକ ଶ୍ରଦ୍ଧାଳୁ

ଉତ୍ତରକୁ ଢଳିଲେ ସିଦ୍ଧେଶ୍ୱର ମହାଦେବ: ଅପୂର୍ବ ଦୃଶ୍ୟ ଦର୍ଶନ କଲେ ଶତାଧିକ ଶ୍ରଦ୍ଧାଳୁ

ଖଣ୍ଡପଡା,୧୭।୭(ସ୍ବ.ପ୍ର.)-କଣ୍ଟିଲୋ ଶ୍ରୀ ନୀଳମାଧବ ଜୀଉଙ୍କ ପାର୍ଶ୍ୱଠାକୁର ଭାବେ ବିରାଜିତ ସିଦ୍ଧେଶ୍ୱର ମହାଦେବ ମଙ୍ଗଳବାର କର୍କଟ ସଂକ୍ରାନ୍ତିରେ ଉତ୍ତରକୁ ଢ଼ଳିଛନ୍ତି। ଶତାଧିକ ଶ୍ରଦ୍ଧାଳୁ ନୀଳମାଧବ ଜୀଉଙ୍କ ପୀଠରେ ମହାଦେବଙ୍କ ଏହି ଅପୂର୍ବ ଦୃଶ୍ୟ ଦର୍ଶନ କରିଥିଲେ ।

ଜୀବିକା ପାଇଁ ବାଜି ଲାଗୁଛି ଜୀବନ

କେନ୍ଦ୍ରାପଡା ଅଫିସ, ୧୭। ୭- କେନ୍ଦ୍ରାପଡ଼ା ଜିଲାର ଉପାନ୍ତ ଅଞ୍ଚଳ ମତ୍ସଜୀବୀଙ୍କ ବାସସ୍ଥାନ। ମାଛ, କଙ୍କଡା ଧରି ବିକ୍ରି କରି ଏମାନେ ପରିବାର ଚଳାନ୍ତି। ସମୁଦ୍ରର ଜୁଆର ଛାଡିଲେ ଜାତୀୟ ଉଦ୍ୟାନ ଭିତରକନିକା ମଧ୍ୟ ଦେଇ ବହି ଯାଇଥିବା ନଦୀ, ନାଳରୁ ଛୋଟ ଛୋଟ ଚିଙ୍ଗୁଡି ସଂଗ୍ରହ କରି ବଜାରରେ ବିକିବା ଏମାନଙ୍କ କାମ। ତେବେ ଛୋଟ ଚିଙ୍ଗୁଡି ସଂଗ୍ରହରେ ପୁରୁଷଙ୍କ ଅପେକ୍ଷା ବେଶି ମହିଳା ଓ କିଶୋରୀଙ୍କୁ ଦେଖିବାକୁ ମିଳୁଛି। ଅପରପକ୍ଷରେ ବନ ବିଭାଗର ରିପୋର୍ଟ ଅନୁଯାୟୀ ଗତ ୧୦ ବର୍ଷ ମଧ୍ୟରେ କୁମ୍ଭୀର ଆକ୍ରମଣରେ ମାତ୍ର ୧୬ ଜଣଙ୍କର ମୃତ୍ୟୁ ହୋଇଥିବା ବେଳେ ବାସ୍ତବରେ ୪୦ରୁ ଊର୍ଦ୍ଧ୍ୱ ଲୋକଙ୍କର ମୃତ୍ୟୁ ହୋଇଥିବା ଆକଳନ କରାଯାଉଛି।

କଳିଙ୍ଗନଗର ୪୦ ବିସ୍ଥାପିତଙ୍କ ଅତିରିକ୍ତ ଜିଲାପାଳଙ୍କୁ ଦାବୀପତ୍ର ପ୍ରଦାନ

କଳିଙ୍ଗନଗର ୪୦ ବିସ୍ଥାପିତଙ୍କ ଅତିରିକ୍ତ ଜିଲାପାଳଙ୍କୁ ଦାବୀପତ୍ର ପ୍ରଦାନ

ଯାଜପୁର ରୋଡ଼,୧୭।୭(ନି.ପ୍ର.): କଳିଙ୍ଗନଗର ଶିଳ୍ପାଞ୍ଚଳର ଖୁରୁଣ୍ଟି, ମଳିକସାହିର ୪୦ ପରିବାର ୧୯୯୨ ମସିହାରେ ନିଳାଚଳ ଇସ୍ପାତ ନିଗମରୁ ବିସ୍ଥାପିତ ହୋଇଥିଲେ। ୨୦୧୧ରେ ସେମାନଙ୍କୁ ବିସ୍ଥାପିତ ପରିଚୟ ପତ୍ର ମିଳିଥିଲା।

ମଦ ନିଶା: ଡ୍ରେନରୁ ଯୁବକ ଉଦ୍ଧାର

ଓଡ଼ଗାଁ, ୧୭।୭(ସ୍ବ.ପ୍ର.): ସ୍ଥାନୀୟ ରେଞ୍ଜ ଅଫିସ ସାମନା ଡ୍ରେନରୁ ମଙ୍ଗଳବାର ସକାଳେ ଜଣେ ଯୁବକଙ୍କୁ ଅଗ୍ନିଶମ ବିଭାଗ ଉଦ୍ଧାର କରିଛନ୍ତି। ସେ ମାତାଲ ଅସ୍ଥାରେ ସକାଳୁ ଡ୍ରେନ୍‌ ଭିତରେ ପଡିଥିବା ଲୋକମାନେ ଦେଖି ଦମକଳ କେନ୍ଦ୍ରକୁ ଜଣାଇଥିଲେ।

ରାଜପଥ ପାଲଟିଛି ମରଣଯନ୍ତା

ମାର୍ଶାଘାଇ,୧୭।୭(ଡି.ଏନ.ଏ.): କେନ୍ଦ୍ରାପଡ଼ା ଜିଲା ମାର୍ଶାଘାଇ ବ୍ଲକ ଅଞ୍ଚଳ ଦେଇ ଯାଇଥିବା ନଂ. ୫(କ) ଜାତୀୟ ରାଜପଥର ମାର୍ଶାଘାଇ କ୍ରସିଂଠାରୁ ଲୁଣା ବ୍ରିଜ୍‌ ପର୍ଯ୍ୟନ୍ତ ପ୍ରାୟ ୪ କି.ମି. ରାଜପଥ ବିପଦସଙ୍କୁଳ ଅବସ୍ଥାରେ ରହିଛି। ବିଭିନ୍ନ ସ୍ଥାନରେ ରାସ୍ତା ନିର୍ମାଣ ଓ ମରାମତି ଜନିତ ତ୍ରୁଟି ଯୋଗୁ ଏପରି ହୋଇଛି।

ଓଲଟିଲା ସାର ବୋଝେଇ ଟ୍ରକ: ଡ୍ରାଇଭର ମୃତ

ଓଲଟିଲା ସାର ବୋଝେଇ ଟ୍ରକ: ଡ୍ରାଇଭର ମୃତ

ସାଲେପୁର,୧୭।୭(ଡି.ଏନ୍‌.ଏ.): କଟକ-ଚାନ୍ଦବାଲି ରାସ୍ତାର ନାନ୍ଦୋଳଗଡ଼ା ଭାତପଡ଼ା ଛକ ନିକଟରେ ସୋମବାର ବିଳମ୍ବିତ ରାତିରେ ଏକ ସାର ବୋଝେଇ ଟ୍ରକ୍‌ ଭାରସାମ୍ୟ ହରାଇ ରାସ୍ତାକଡ଼କୁ ଓଲଟି ପଡ଼ିଛି। ଫଳରେ ଘଟଣାସ୍ଥଳରେ ଡ୍ରାଇଭର ପ୍ରଶାନ୍ତ କୁମାର ରାଉତଙ୍କ ମୃତ୍ୟୁ ହୋଇଛି।

ଗାଁ କଲ୍ୟାଣ ସମିତି ଅର୍ଥରେ ହେଉନି ଗାଁର ଉନ୍ନତି

ଖଣ୍ଡପଡ଼ା,୧୭।୭(ସ୍ବ.ପ୍ର.)- ଗ୍ରାମାଞ୍ଚଳରେ ସ୍ବାସ୍ଥ୍ୟ ପରିମଳ ସେବା ଯୋଗାଇ ଦେବାର ଲକ୍ଷ୍ୟ ରଖି ଜାତୀୟ ଗ୍ରାମୀଣ ସ୍ବାସ୍ଥ୍ୟ ମିଶନ ଜରିଆରେ ପ୍ରତ୍ୟେକ ରାଜସ୍ବ ଗାଁରେ ଗାଁ କଲ୍ୟାଣ ସମିତି ଗଠନ କରାଯାଇଛି। ଏହି ସମିତିରେ ଗାଁର ୱାର୍ଡ ସଭ୍ୟାସଭ୍ୟ, ଅଙ୍ଗନୱାଡି କର୍ମୀ, ରାଜସ୍ବ ଗ୍ରାମର ଆଶାକର୍ମୀ, ଗ୍ରାମ୍ୟ ଜଳଯୋଗାଣ ସଂସ୍ଥାର ସ୍ବାବଲମ୍ବୀ କାରିଗର, ସର୍ବାଧିକ ସଞ୍ଚୟ ଥିବା ୩ଟି ମହିଳା ସ୍ବୟଂ ସହାୟକ ଦଳର ପ୍ରତିନିଧିଙ୍କୁ ସାମିଲ କରାଯାଇଛି।

ଅଭିନବ ରଥଯାତ୍ରା, ନୌକାରେ ବିଜେ ଜଗନ୍ନାଥ

ଅଭିନବ ରଥଯାତ୍ରା, ନୌକାରେ ବିଜେ ଜଗନ୍ନାଥ

ଟାଙ୍ଗୀ (ଖୋର୍ଦ୍ଧା), ୧୭।୭ (ଡି.ଏନ.ଏ.)- ଖୋର୍ଦ୍ଧା ଜିଲା ଚିଲିକା ବ୍ଲକ୍‌ ନଇରୀର ଅନତି ଦୂରରେ ଥିବା ପ୍ରଭୁ ଜଗନ୍ନାଥଙ୍କ ଗୋପନସ୍ଥଳୀ କାଙ୍କଣଶିଖରୀରେ ଚଳିତବର୍ଷ ଅଭିନବ ଉପାୟରେ ରଥଯାତ୍ରା ପାଳିତ ହୋଇଯାଇଛି। ନନ୍ଦିଘୋଷ ନୌକାରେ ପ୍ରଭୁଙ୍କୁ ବିଜେ କରାଇ କାଙ୍କଣଶିଖରୀର ଚତୁଃପାର୍ଶ୍ୱରେ ନୌବିହାର କରାଯାଇଥିଲା।

Model This Week

ରୂପେଶ