ବ୍ରହ୍ମପୁର

ଟ୍ରକ ଧକ୍କାରେ ଛାତ୍ର ମୃତ, ୨ଘଣ୍ଟା ରାସ୍ତାରୋକୋ

ଟ୍ରକ ଧକ୍କାରେ ଛାତ୍ର ମୃତ, ୨ଘଣ୍ଟା ରାସ୍ତାରୋକୋ
କବିସୂର୍ଯ୍ୟନଗର/ହିଞ୍ଜିଳିକାଟୁ,୮।୧୨(ଡ଼ି.ଏନ.ଏ.)- କବିସୂର୍ଯ୍ୟନଗର ଥାନା ଚମ୍ପେଇତିପୁର ନିକଟରେ ଶୁକ୍ରବାର ଟ୍ରକ ଧକ୍କାରେ ଜଣେ ସ୍କୁଲ ଛାତ୍ରଙ୍କ ମୃତ୍ୟୁ ଘଟିଥିବା ବେଳେ ଅନ୍ୟଜଣେ ଛାତ୍ର ଆହତ ହୋଇଛନ୍ତି। ମୃତ ଛାତ୍ର ହେଲେ ରୁଦ୍ର ପୋଲାଇ। ଗୁରୁତର ଆହତ ରୋହିତ ପୋଲାଇଙ୍କୁ ପ୍ରଥମେ କେଦଳା ଡାକ୍ତରଖାନା ଓ ପରେ ବ୍ରହ୍ମପୁର ବଡ ମେଡିକାଲକୁ ପଠାଯାଇଛି। ଦୁର୍ଘଟଣା ପରେ ଉତ୍ତ୍ୟକ୍ତ ଲୋକେ ବୁଢ଼ାମ୍ବ-ପୁରୁଷୋତ୍ତମପୁର ମୁଖ୍ୟ ରାସ୍ତାକୁ ୨ ଘଣ୍ଟା ଅବରୋଧ କରିଥିଲେ। ପୁରୁଷୋତ୍ତମପୁର ଏସ୍‌ଡିପିଓ ଦିଲୀପ ଦାଶଙ୍କ ସମେତ କବିସୂର୍ଯ୍ୟନଗର, ପୋଲସରା, କୋଦଳା ଓ ପୁରୁଷୋତ୍ତମପୁର ଥାନା ଅଧିକାରୀ ପହଞ୍ଚତ୍ ବୁଝାଶୁଝା କରିବା ପରେ ପରିସ୍ଥିତି ଶାନ୍ତ ପଡିଥିଲା। ପ୍ରକାଶ ଯେ, ରୋହିତ ଓ ରୁଦ୍ର ବୁଢ଼ାମ୍ବ ରାଧାକୃଷ୍ଣ ଉଚ୍ଚ ବିଦ୍ୟାଳୟର ଛାତ୍ର ଥିଲେ। ସେମାନେ ବାହାଲପଲ୍ଲୀରୁ ସାଇକେଲ ଯୋଗେ ବିଦ୍ୟାଳୟକୁ ଯାଉଥିଲେ। ଏହି ସମୟରେ ବିପରୀତ ଦିଗରୁ ଆସୁଥିବା ଏକ ଆଳୁ ବୋଝାଇ ଟ୍ରକ ଚମ୍ପେଇତିପୁର ନିକଟରେ ସାଇକେଲଟିକୁ ଧକ୍କା ଦେବାରୁ ପଛରେ ବସିଥିବା ରୁଦ୍ର ପଡି ଯାଇଥିଳେ। ତାଙ୍କ ଉପରେ ଟ୍ରକ ଚଢିଯିବାରୁ ଘଟଣାସ୍ଥଳରେ ହିଁ ମୃତ୍ୟୁ ଘଟିଥିଲା। ଦୁର୍ଘଟଣା ଘଟାଇ ଟ୍ରକ ଚାଳକ ପଳାଇ ଯାଇଥିଲେ। ସ୍ଥାନୀୟ ଲୋକେ ପିଛା କରି ରତନପୁରଠାରେ ଟ୍ରକକୁ ଅଟକାଇ ଡ୍ରାଇଭରଙ୍କୁ ପୋଲିସ ଜିମା ଦେଇଥିଲେ। ରୁଦ୍ରଙ୍କ ମୃତ୍ୟୁ ଖବର ବିଦ୍ୟାଳୟରେ ପହଞ୍ଚତ୍ବା ପରେ ଏକ ଶୋକସଭା କରାଯାଇ ସ୍କୁଲ ବନ୍ଦ କରାଯାଇଥିଲା। ରୁଦ୍ରଙ୍କ ବାପା ସୁରଟରେ ମଜୁରିଆ ଭାବେ କାମ କରଛନ୍ତି। ତାଙ୍କ ପରିବାରକୁ ସରକାରୀ ସାହାଯ୍ୟ ଓ ଗୁରୁତର ଆହତ ରୋହିତଙ୍କ ଚିକିତ୍ସା ଖର୍ଚ୍ଚ ସରକାର ବହନ କରିବାକୁ ଲୋକେ ଦାବି କରିଛନ୍ତି।
All Right Reserved By

ବ୍ରହ୍ମପୁର

ପୋଡ଼ିହୋଇ ଗୁରୁତର ମହିଳାଙ୍କ ମୃତ୍ୟୁ

ପୋଡ଼ିହୋଇ ଗୁରୁତର ମହିଳାଙ୍କ ମୃତ୍ୟୁ

ବ୍ରହ୍ମପୁର ଅଫିସ୍‌,୧୨।୧୨- ରୋଷେଇ କରିବା ବେଳେ ପୋଡ଼ି ହୋଇ ଗୁରୁତର ହୋଇଥିବା ମହିଳାଙ୍କ ଚିକିତ୍ସାଧୀନ ଅବସ୍ଥାରେ ବୁଧବାର ମୃତ୍ୟୁ ଘଟିଛି। ସେ ହେଲେ ପୁରୁଷୋତ୍ତମପୁର ଥାନା ବି.କରଞ୍ଜିଆ ଗ୍ରାମର ଟିକିରି ବେହେରାଙ୍କ ସ୍ତ୍ରୀ ବିନୁ (୪୫)। ବିନୁ ମଙ୍ଗଳବାର ଅପରାହ୍ନରେ ଘରେ ରୋଷେଇ କରୁଥିଲେ। ଅସାବଧାନତାବଶତଃ ନିଆଁ ସଂସ୍ପର୍ଶରେ ଆସିଯିବାରୁ ସେ ପୋଡି ହୋଇଯାଇଥିଲେ ା ପରିବାର ଲୋକେ ତାଙ୍କୁ  ପ୍ରଥମେ କୋଦଳା ଡାକ୍ତରଖାନା ଓ ସେଠାରୁ ଅଧିକା ଚିକିତ୍ସା ଲାଗି ବ୍ରହ୍ମପୁର ବଡମେଡିକାଲକୁ ନେଇଥିଲେ ା ବିନୁଙ୍କ ଶରୀରର ୯୯ ପ୍ରତିଶତ ଅଂଶ ଜଳିଯାଇଥିବାରୁ ବୁଧବାର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଛି। ଏ ନେଇ ବୈଦ୍ୟନାଥପୁର ଥାନାରେ ନଂ.୬୧୬/୧୮ରେ ଏକ ଅପମୃତ୍ୟୁ ମାମଲା ରୁଜୁ କରାଯାଇଛି। ମୃତଦେହ ବ୍ୟବଚ୍ଛଦେ ପରେ ପରିବାରବର୍ଗଙ୍କୁ ହସ୍ତାନ୍ତର କରାଯାଇଥିବା ଆଇଆଇସି ଜୟକୃଷ୍ଣ ପଟ୍ଟନାୟକ ସୂଚନା ଦେଇଛନ୍ତି ।

ପିଠା କାର୍ଯ୍ୟକ୍ରମ ନେଇ କର୍ମଶାଳା

ପିଠା କାର୍ଯ୍ୟକ୍ରମ ନେଇ କର୍ମଶାଳା

ଶେରଗଡ,୧୨।୧୨(ଡି.ଏନ.ଏ.)- ଶେରଗଡ ବ୍ଲକ ସଭାଗୃହରେ ବୁଧବାର ପିଠା କାର୍ଯ୍ୟକ୍ରମ ନେଇ ଏକ କର୍ମଶାଳା ଅନୁଷ୍ଠିତ ହୋଇଯାଇଛି। ଉକ୍ତ କର୍ମଶାଳାରେ ବିଡିଓ ସୁରଞ୍ଜନ କୁମାର ସାହୁ ଅଧ୍ୟକ୍ଷତା କରିଥିଲେ। ଗ୍ରାମପଞ୍ଚାୟତ ସମ୍ପ୍ରସାରଣ ଅଧିକାରୀ ବିନାୟକ ପଣ୍ଡାଙ୍କ ସଂଯୋଜନାରେ ଅନୁଷ୍ଠିତ କର୍ମଶାଳାରେ ବ୍ଲକର ତିନୋଟି ଜୋନର ଜିଲାପରିଷଦ ସଭ୍ୟ ପ୍ରମୋଦ କୁମାର ପାତ୍ର, ପ୍ରମୋଦ କୁମାର ସାହୁ ଓ ଗୋପାଳ ଚରଣ ପଟ୍ଟନାୟକ ଯୋଗଦେଇ ପିଠା ଯୋଜନା ଉପରେ ଆଲୋକପାତ କରିଥିଲେ।

 ହତ୍ୟାକାରୀଙ୍କୁ ଗିରଫ ଦାବିରେ ପାବୁରିଆ ବନ୍ଦ ଡାକରା

ହତ୍ୟାକାରୀଙ୍କୁ ଗିରଫ ଦାବିରେ ପାବୁରିଆ ବନ୍ଦ ଡାକରା

ରାଇକିଆ,୧୨।୧୨(ଡି.ଏନ୍‌.ଏ.): କନ୍ଧମାଳ ଜିଲା ଟିକାବାଲି ବ୍ଲକର ପାବୁରିଆଠାରେ ହତ୍ୟାକାରୀଙ୍କୁ ଗିରଫ ଦାବିରେ ବୁଧବାର ରାସ୍ତାରୋକୋ ଏବଂ ବନ୍ଦ ଡାକରା ଦିଆଯାଇଛି। 

ପ୍ରମାଣ ଅଭାବରୁ ନିର୍ଦ୍ଦୋଷରେ ଖଲାସ ହେଲେ ଏଏସ୍‌ଆଇ

ବ୍ରହ୍ମପୁର ଅଫିସ୍‌,୧୨ା୧୨: ଉପଯୁକ୍ତ ସାକ୍ଷ୍ୟ ପ୍ରମାଣ ଅଭାବରୁ ବ୍ରହ୍ମପୁର ସ୍ବତନ୍ତ୍ର ଭିଜିଲାନ୍ସ ଜଜ୍‌ ଇଶାନ କୁମାର ଦାସ ଜଣେ ପୋଲିସ ଅଧିକାରୀଙ୍କୁ ନିର୍ଦ୍ଦୋଷରେ ଖଲାସ କରିବା ପାଇଁ ଚୂଡାନ୍ତ ରାୟ ପ୍ରକାଶ କରିଥିବା ଜଣାପଡିଛି। 

ଛାତ୍ର ଝାଡୁ ମାରିବାରୁ ପ୍ରଧାନ ଶିକ୍ଷକଙ୍କୁ ଆକ୍ରମଣ

କବିସୂର୍ଯ୍ୟନଗର,୧୨ା୧୨-କବିସୂର୍ଯ୍ୟନଗର ଗଙ୍ଗାଧର ପ୍ରାଥମିକ ବିଦ୍ୟାଳୟ ପରିଷ୍କାର ପରିଚ୍ଛନ୍ନ ପାଇଁ ଏନଏସିରେ ଶ୍ରେଷ୍ଠ ସ୍କୁଲ ରୂପେ ପୂର୍ବରୁ ପୁରସ୍କୃତ ହୋଇଛି। ମଙ୍ଗଳବାର ପ୍ରଧାନ ଶିକ୍ଷକ ୨ ଛାତ୍ରଙ୍କୁ ସ୍କୁଲ ପରିସର ଝାଡ଼ୁ କରିବାକୁ କହି ହଟହଟା ହୋଇଛନ୍ତି। 

ବିଜେଡି ନେତାଙ୍କୁ ହତ୍ୟା ଧମକ, ୨ ଅଟକ

ଦିଗପହଣ୍ଡି,୧୨ା୧୨(ଡି.ଏନ.ଏ.): ଦିଗପହଣ୍ଡି ବ୍ଲକ ବମକେଇ ପଞ୍ଚାୟତର ପୂର୍ବତନ ସରପଞ୍ଚ ତଥା ବିଜେଡି ନେତା ଭଗବାନ ବାଡ଼ତ୍ୟାଙ୍କୁ ଅପହରଣ ଓ ହତ୍ୟା ଉଦ୍ୟମ କରାଯାଇଥିବା ଅଭିଯୋଗ ହୋଇଛି। ଭଗବାନଙ୍କ ଏତଲାକ୍ରମେ ଆଇଆଇସି ଦେବାଶିଷ ମହାନ୍ତି ନଂ.୨୨୦/୧୮ରେ ମାମଲା ରୁଜୁ କରି ତଦନ୍ତ ଚଳାଇଛନ୍ତି । 

୪୨୪ ଚାଳକଙ୍କ ଲାଇସେନ୍ସ ରଦ୍ଦ

୪୨୪ ଚାଳକଙ୍କ ଲାଇସେନ୍ସ ରଦ୍ଦ

ଦାରିଙ୍ଗବାଡ଼ି,୧୨ା୧୨(ଡି.ଏନ.ଏ.)-କନ୍ଧମାଳ ଜିଲାରେ ଦୁର୍ଘଟଣା ରୋକିବାକୁ ଜିଲା ପ୍ରଶାସନ ପଦକ୍ଷେପ ନେଇଛି। ଦାରିଙ୍ଗବାଡ଼ି ସମେତ ବିଭିନ୍ନ ଅଞ୍ଚଳରେ ଆଞ୍ଚଳିକ ପରିବହନ କାର୍ଯ୍ୟାଳୟ ପକ୍ଷରୁ ଗାଡ଼ିମୋଟର ଯାଞ୍ଚ,  ବ୍ରେଥ୍‌ ଆନାଲାଇଜର ମାଧ୍ୟମରେ ପରୀକ୍ଷା କରି ନିଶାସକ୍ତ ଚାଳକଙ୍କଠାରୁ ଜରିମାନା ଆଦାୟ କରାଯିବା ସହ ୪୨୪ ଜଣଙ୍କ ଡ୍ରାଇଭିଂ ଲାଇସେନ୍ସ ରଦ୍ଦ କରାଯାଇଛି।  

ନାବାଳକଙ୍କ ଗଳିତ ମୃତଦେହ ଉଦ୍ଧାର: ହତ୍ୟା ଅଭିଯୋଗ ଆଣିଲେ ପରିବାରବର୍ଗ

ନାବାଳକଙ୍କ ଗଳିତ ମୃତଦେହ ଉଦ୍ଧାର: ହତ୍ୟା ଅଭିଯୋଗ ଆଣିଲେ ପରିବାରବର୍ଗ

ଛତ୍ରପୁର,୧୨ା୧୨(ଡି.ଏନ.ଏ.) -ଛତ୍ରପୁର ଥାନା ଭିକାରୀପଲ୍ଲୀ ପଞ୍ଚାୟତ ବ୍ରାହ୍ମଣିଆପଲ୍ଲୀ ଓ ନରସିଂହପୁର ଗାଁ ମଧ୍ୟବର୍ତ୍ତୀ ସ୍ଥାନରେ ଥିବା କିଆବୁଦା ମୂଳରୁ ଜଣେ ନାବାଳକଙ୍କ ଗଳିତ ମୃତଦେହ ଉଦ୍ଧାର କରାଯାଇଛି। 

ଗଞ୍ଜାମ ଜିଲା କଂଗ୍ରେସ ପାଳିଲା ବିଜୟ ଉତ୍ସବ

ବ୍ରହ୍ମପୁର ଅଫିସ,୧୨ା୧୨-ଗଞ୍ଜାମ ଜିଲା କଂଗ୍ରେସ ପକ୍ଷରୁ ମଙ୍ଗଳବାର ବିଜୟ ଉତ୍ସବ ବ୍ରହ୍ମପୁରରେ ପାଳନ କରାଯାଇଥିଲା। ଛତିଶଗଡ଼, ରାଜସ୍ଥାନ ଓ ମଧ୍ୟପ୍ରଦେଶ ବିଧାନସଭା ନିର୍ବାଚନରେ କଂଗ୍ରେସକୁ ବହୁମତ ମିଳିଥିବାରୁ ଦଳୀୟ ନେତା ଓ କର୍ମୀ ଉଲ୍ଲସିତ ହୋଇ ବାପୁଜୀ ଆଶ୍ରମ ଛକରେ ବାଣ ଫୁଟାଇବା ସହିତ ମିଠା ବାଣ୍ଟିଥିଲେ। 

୧୨ଶହ ଗଛ ପାଇଲା ନୂଆ ଜୀବନ

୧୨ଶହ ଗଛ ପାଇଲା ନୂଆ ଜୀବନ

ବ୍ରହ୍ମପୁର ଅଫିସ,୧୨ା୧୨-ଲୁହା କଣ୍ଟା ଏବଂ ବିଜ୍ଞାପନ ଫଳକ ଲାଗିବା ଯୋଗୁ କ୍ଷତାକ୍ତ ହୋଇଥିବା ଗଛଗୁଡ଼ିକୁ ନୂଆ ଜୀବନ ଦେବାପାଇଁ ସେପ୍ଟେମ୍ବର ୨୩ ତାରିଖରୁ ଆରମ୍ଭ ହୋଇଛି ‘ମୁଁ ବି ବଞ୍ଚିବାକୁ ଚାହେଁ’ ଅଭିଯାନ।

ବନ କର୍ମଚାରୀଙ୍କ କଳାବ୍ୟାଜ୍‌ ପରିଧାନ

ବନ କର୍ମଚାରୀଙ୍କ କଳାବ୍ୟାଜ୍‌ ପରିଧାନ

ବ୍ରହ୍ମପୁର ଅଫିସ,୧୨ା୧୨-ବିଭିନ୍ନ ଦାବି ନେଇ ଓଡ଼ିଶା ଅଣଗେଜେଟେଡ୍‌ ବନ ସେବା ସଂଘ ତରଫରୁ କଳାବ୍ୟାଜ୍‌ ପରିଧାନ ଆନ୍ଦୋଳନ ଆରମ୍ଭ ହୋଇଛି। ଏହାର ପ୍ରଭାବରେ ବ୍ରହ୍ମପୁର ବନଖଣ୍ଡ ଅଧିକାରୀଙ୍କ କାର୍ଯ୍ୟାଳୟରେ ଅଣଗେଜେଟେଡ୍‌ ବନ କର୍ମଚାରୀମାନେ କଳାବ୍ୟାଜ୍‌ ପରିଧାନ କରିଥିଲେ ।

ଅମଳ ଧାନ ପୋଲିସ ଜିମା ଦେଲେ ତହସିଲଦାର

ଶେରଗଡ,୧୧।୧୨(ଡି.ଏନ.ଏ.)- ଶେରଗଡ ବ୍ଲକ କରଡାକଣା ପଞ୍ଚାୟତ ଆଦିବାସୀ ଅଧ୍ୟୁଷିତ ଅଞ୍ଚଳ ଗର୍ବଗଣ୍ଡା ଗ୍ରାମରେ ଏକ ବିବାଦମାନ ଜାଗାରୁ ଧାନକଟା ନେଇ ଉପୁଜିଥିବା ସମସ୍ୟାର ସମାଧାନ କରିଛନ୍ତି ତହସିଲଦାର ଡ.ଦୟାସିନ୍ଧୁ ପରିଡା।