ବ୍ରହ୍ମପୁର

ସାନଖେମୁଣ୍ଡି ବ୍ଲକ: ଚାଷୀ ଅଭାବୀ ଧାନ ବିକ୍ରିର ଶିକାର

ସାନଖେମୁଣ୍ଡି ବ୍ଲକ: ଚାଷୀ ଅଭାବୀ ଧାନ ବିକ୍ରିର ଶିକାର

ପାଟପୁର,୮।୧୨(ଡି.ଏନ.ଏ.)- ସାନଖେମୁଣ୍ଡି ବ୍ଲକ ଅଞ୍ଚଳରେ ଚଳିତ ବର୍ଷ ଧାନମଣ୍ଡି ଖୋଲିବାରେ ବିଳମ୍ବ ଘଟୁଥିବାରୁ ଏହାର ଫାଇଦା ଉଠାଉଛନ୍ତି ମିଲ ମାଲିକ ଓ ଅସାଧୁ ବେପାରୀମାନେ। ଚଳିତ ବର୍ଷ ଚକଡା ପୋକ ଓ ଅଦିନିଆ ବର୍ଷା ଚାଷୀଙ୍କ ଆର୍ଥିକ ସ୍ଥିତି ଦୋହଲାଇ ଦେଇଛି। ଏଥିରୁ ବର୍ତ୍ତିଯାଇଥିବା କିଛି ଚାଷୀଙ୍କ ଧାନକୁ ବେପାରୀମାନେ ଶାଗମାଛ ଦରରେ କ୍ରୟ କରୁଛନ୍ତି। ଅଧିକାଂଶ ଦିନ ପଡ଼ୋଶୀ ଆନ୍ଧ୍ରପ୍ରଦେଶକୁ ଶତାଧିକ ସଂଖ୍ୟକ ଗାଡ଼ିରେ ଧାନ ଚାଲାଣ ହେଉଥିଲେ ମଧ୍ୟ ପ୍ରଶାସନ ପକ୍ଷରୁ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉନାହିଁ। ଫଳରେ ଧାନ ଅନାୟାସରେ ବେପାରୀ ଓ ମିଲ ମାଲିକମାନଙ୍କ ହାତକୁ ଚାଲିଯାଉଛି। ଗତ ଅଦିନିଆ ବର୍ଷାରେ ଧାନ ଫସଲ କ୍ଷତିଗ୍ରସ୍ତ ହେବା ସହ ଚାଷୀଙ୍କ ଆର୍ଥିକ ମେରୁଦଣ୍ଡ ଭାଙ୍ଗି ଯାଇଥିବା ବେଳେ ବର୍ତ୍ତମାନ ପୁଣି ଲଘୁଚାପ ଜନିତ ବର୍ଷାକୁ ଦେଖି ଚାଷୀ ଅବିଳମ୍ବେ ଧାନ ଅମଳ କରି ବେପାରୀ ଓ ମିଲ ମାଲିକଙ୍କୁ ଦେବାକୁ ବାଧ୍ୟ ହୋଇଛନ୍ତି। ଏହି ପରିପ୍ରେକ୍ଷୀରେ ବେପାରୀମାନେ ସରକାରଙ୍କ ଧାର୍ଯ୍ୟ ଦରରୁ ମନଇଚ୍ଛା କମାଇ ଶାଗ ମାଛ ଦରରେ କିଣି ନେଉଛନ୍ତି। ଫଳରେ ଚାଷୀ ଅଭାବୀ ବିକ୍ରିର ଶିକାର ହେଉଛନ୍ତି। ସରକାରୀ ସ୍ତରରେ ଚଳିତ ବର୍ଷ ଧାନ ୭୫ କେଜି ପିଛା ୧୧ ଶହ ୬୨ ଟଙ୍କା ୫୦ ପଇସା ଧାର୍ଯ୍ୟ କରାଯାଇଥିବା ବେଳେ ଗ୍ରେଡ ‘ଏ’ର ସହାୟକ ମୂଲ୍ୟ ୧୫୫୦ ଟଙ୍କା ଧାର୍ଯ୍ୟ ହୋଇଛି। ସରକାରୀ ଧାନ ମଣ୍ଡି ଆସନ୍ତା ୨୧ ତାରିଖରେ ଖୋଲିବା ନେଇ ତାରିଖ ଘୋଷଣା ହୋଇଥିବା ବେଳେ ସେତେବେଳକୁ ସାନଖେମୁଣ୍ଡି ଅଞ୍ଚଳରେ ସବୁତକ ଧାନ ବାହାରକୁ ଚାଲି ଯାଇଥିବ। କାରଣ ଧାର କରଜ କରି ଫସଲ ଉତ୍ପାଦନ କରିଥିବା ଚାଷୀ ଋଣଭାର ସହି ନ ପାରି ଋଣ ପରିଶୋଧ କରିବା ପାଇଁ ଏହି ବାଟ ବାଛି ନେଉଛନ୍ତି। ସରକାରଙ୍କ ପକ୍ଷରୁ ୭୫ କେଜି ଧାର୍ଯ୍ୟ ଦର କରାଯାଇଥିଲେ ମଧ୍ୟ ବେପାରୀମାନେ ଚାଷୀଙ୍କ ଠାରୁ ୯୦୦ ରୁ ୧୦୦୦ ଟଙ୍କାରେ କ୍ରୟ କରୁଛନ୍ତି। ସାନଖେମୁଣ୍ଡି ବ୍ଲକରେ ଥିବା ୧୮ଟି ସେବା ସମବାୟ ସମିତିକୁ ଧାନକ୍ରୟ ସକାଶେ ସରକାର ଦାୟିତ୍ୱ ଦେଇଥିବା ବେଳେ ପ୍ରତିବର୍ଷ କେବଳ କାଗଜ କଲମରେ କ୍ରୟ କରାଯାଉଥିବା ଅଭିଯୋଗ ହୋଇଛି। ଏ ଦିଗରେ ସରକାର ପଦକ୍ଷେପ ନେବାରେ ବିଫଳ ହେବା ସହ ଚାଷୀଙ୍କ ଧାନ ଶୀଘ୍ର ମଣ୍ଡି ମାଧ୍ୟମରେ ନେବାକୁ ଯଥେଷ୍ଟ ବିଳମ୍ବ କରୁଛନ୍ତି ବୋଲି ପୂର୍ବତନ ବ୍ଲକ ଅଧ୍ୟକ୍ଷ ଅନ୍ତର୍ଯ୍ୟାମୀ ସ୍ବାଇଁ ଅଭିଯୋଗ କରିଛନ୍ତି। ତେଣୁ ତୁରନ୍ତ ଧାନମଣ୍ଡି ଖୋଲିବା ସହ ଏକ କମିଟି ଗଠନ କରି ଚାଷୀମାନଙ୍କୁ ମଣ୍ଡିରେ ଧାନ ଦେବାକୁ ସଚେତନତା କରାଇବା ସହ ଅସାଧୁ ବେପାରୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନେବାକୁ ଅଞ୍ଚଳର ଚାଷୀମାନେ ଦାବି କରିଛନ୍ତି। ଏ ସମ୍ପର୍କରେ ସାନଖେମୁଣ୍ଡି ଯୋଗାଣ ନିରୀକ୍ଷକ ବିଶ୍ୱନାଥ ସେଠୀ କହିଛନ୍ତି, ୨୧ ତାରିଖରେ ଧାନମଣ୍ଡି ଖୋଲିବାକୁ ନିର୍ଦ୍ଦେଶ ଆସିଛି। ୧୮ଟି ସମବାୟ ସମିତିକୁ ଦାୟିତ୍ୱ ଦିଆଯାଇଛି। ଅଭାବୀ ବିକ୍ରିରୁ କିଭଳି ଚାଷୀ ବଞ୍ଚତ୍ତ ହେବେ ସେନେଇ ବ୍ୟବସ୍ଥା କରାଯାଉଛି ବୋଲି ସେ କହିଥିଲେ।

All Right Reserved By

Model This Week

Model This Week

ବ୍ରହ୍ମପୁର

ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ଚଢ଼ାଉ

ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ଚଢ଼ାଉ

ହିଞ୍ଜିଳିକାଟୁ,୨୫।୪(ଡି.ଏନ୍‌.ଏ.): ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ହିଞ୍ଜିଳିକାଟୁ ବ୍ଲକ କଲୋନୀସ୍ଥିତ ଯୁଧିଷ୍ଠିର ଦଳାଇଙ୍କ ବାସଭବନରେ ବ୍ରହ୍ମପୁର ଭିଜିଲାନ୍ସ ବିଭାଗ ପକ୍ଷରୁ ବୁଧବାର ଭୋର ୫ଟାରେ ଚଢ଼ାଉ କରାଯାଇଛି। ସେ ଧରାକୋଟ ବିଇଓ(ଗୋଷ୍ଠୀ ଶିକ୍ଷାଧିକାରୀ) ଭାବେ କାର୍ଯ୍ୟରତ ଅଛନ୍ତି।

ଅଜଣା ଗାଡି ଧକ୍କାରେ ବୃଦ୍ଧ ଗୁରୁତର

ଅଜଣା ଗାଡି ଧକ୍କାରେ ବୃଦ୍ଧ ଗୁରୁତର

ଦିଗପହଣ୍ଡି,୨୫।୪(ଡି.ଏନ୍‌.ଏ.): ଦିଗପହଣ୍ଡି-ଚିକିଟି ମୁଖ୍ୟରାସ୍ତାର ଦେଓଖାଳି ଛକ ନିକଟରେ ବୁଧବାର ସକାଳେ ଅଜଣା ଗାଡି ଧକ୍କାରେ ଜଣେ ବୃଦ୍ଧ ଗୁରୁତର ଆହତ ହୋଇଛନ୍ତି। ସେ ହେଲେ କରପଡା ଗ୍ରାମ କୁମ୍ଭାର ସାହିର ଖଲି ବେହେରା।

ଗାଈ ଚରାଇ ଫେରିବା ବେଳେ ୩ ଭାଲୁଙ୍କ ଆକ୍ରମଣ, ମା’ ପୁଅ ଗୁରୁତର

ଗାଈ ଚରାଇ ଫେରିବା ବେଳେ ୩ ଭାଲୁଙ୍କ ଆକ୍ରମଣ, ମା’ ପୁଅ ଗୁରୁତର

ଦିଗପହଣ୍ଡି,୨୫।୪(ଡି.ଏନ୍‌.ଏ.): ଗଜପତି ଜିଲା ମହେନ୍ଦ୍ରଗଡ଼ ନିକଟ ଭିତର ତମ୍ପା ଗ୍ରାମର ଦୁଇଜଣ ଭାଲୁ କାମୁଡାରେ ଗୁରୁତର ହୋଇଛନ୍ତି। ସେମାନେ ହେଲେ ଗ୍ରାମର ଲକ୍ଷ୍ମୀ ଶବର ଏବଂ ତାଙ୍କ ପୁଅ ସୀମାଞ୍ଚଳ ଶବର। ବୁଧବାର ଉଭୟଙ୍କୁ ବ୍ରହ୍ମପୁର ବଡ ମେଡିକାଲକୁ ସ୍ଥାନାନ୍ତର କରାଯାଇଛି।

ବଜ୍ରପାତରେ ୩ ଦିନ ଧରି ଗଛ ଜଳୁଛି

ବଜ୍ରପାତରେ ୩ ଦିନ ଧରି ଗଛ ଜଳୁଛି

ଭଞ୍ଜନଗର,୨୫।୪(ଡି.ଏନ୍‌.ଏ.): ଭଞ୍ଜନଗର ବିଜୁ ପଟ୍ଟନାୟକ ଶିଶୁ ଉଦ୍ୟାନ ରାସ୍ତାରେ ଜଳସମ୍ପଦ ବିଭାଗ କ୍ୱାର୍ଟର ପରିସରରେ ଥିବା ଏକ ବିରାଟ ଶାଳ ଗଛ ବିଗତ ୩ ଦିନ ଧରି ଜଳୁଛି। ସୋମବାର ରାତିରେ ବଜ୍ରପାତ ଘଟି ଉକ୍ତ ଗଛଟିରେ ନିଆଁ ଲାଗିଯାଇଥିଲା।

ନାବାଳିକା ବିବାହ ବନ୍ଦ କଲା ଚାଇଲ୍ଡ ଲାଇନ

ଫୁଲବାଣୀ ଅପିସ,୨୫।୪- ଗୋଚ୍ଛାପଡା ଥାନା ଅଞ୍ଚଳରେ ଚାଲିଥିବା ୨ ନାବାଳିକାଙ୍କ ବିବାହକୁ ଚାଇଲ୍ଡ ଲାଇନ ବନ୍ଦ କରିଛି। ଉଭୟ ନାବାଳିକାଙ୍କୁ ଉଦ୍ଧାର କରାଯାଇ ଶିଶୁ ମଙ୍ଗଳ କମିଟିରେ ହାଜର କରାଯାଇଛି। ଜଣେ ନାବାଳିକା ୯ମ ଶ୍ରେଣୀ ପାସ୍‌ କରି ୧୦ ମ ଶ୍ରେଣୀରେ ପଢ଼ିଥାନ୍ତେ। ହେଲେ ତାଙ୍କ ଘର ଲୋକେ ତାଙ୍କ ବିବାହ କରୁଥିଲେ। ସେହିପରି ଅନ୍ୟ ଜଣେ ନାବାଳିକାଙ୍କ ବୟସ ୧୭ବର୍ଷ। ଟୋଲ ଫି ନଂରୁ ଫୋନ କଲ ପାଇ ଚାଇଲ୍ଡ ଲାଇନ କର୍ମକର୍ତ୍ତା ପୋଲିସ ସହାୟତାରେ ଉଭୟ ନାବାଳିକାଙ୍କ ଘରକୁ ଯାଇ ବିବାହ ବନ୍ଦ କରିବା ସହ ସେମାନଙ୍କ ପରିବାର ଲୋକଙ୍କୁ ବାଲ୍ୟ ବିବାହ ଆଇନ ଉପରେ ବୁଝାଇଥିଲେ।

ସରପଞ୍ଚ ପଦ ଅସିଦ୍ଧ ଘୋଷଣା କଲେ ଅଦାଲତ

ବୁଗୁଡ଼ା,୨୫। ୪(ଡି.ଏନ.ଏ.):ବୁଗୁଡ଼ା ବ୍ଲକ ବି.କରଡ଼ାବାଡ଼ି ପଞ୍ଚାୟତ ସରପଞ୍ଚ ପଦବୀକୁ ସୋମବାର ବୁଗୁଡ଼ା ପ୍ରଥମଶ୍ରେଣୀ ଅଦାଲତ ବିଚାରପତି ଦେବାଶିଷ ବିଷୋୟୀ ଅସିଦ୍ଧ ଘୋଷଣା କରିଛନ୍ତି। ଫଳରେ ଏହି ପଞ୍ଚାୟତ ସରପଞ୍ଚ ସୀମାଞ୍ଚଳ ପ୍ରଧାନ ନିଜ ପଦବୀ ହରାଇଛନ୍ତି। ଅନ୍ୟପକ୍ଷରେ ଅଧିକ ଭୋଟ ପାଇ ଦ୍ୱିତୀୟ ସ୍ଥାନରେ ଥିବା ବିଷ୍ଣୁପ୍ରିୟା ନାୟକଙ୍କୁ ସରପଞ୍ଚ ପଦବୀ ଦେବା ପାଇଁ ୧୫ ଦିନ ମଧ୍ୟରେ କାର୍ଯ୍ୟପନ୍ଥା ଅବଲମ୍ବନ କରିବାକୁ ଅଦାଲତ ସ୍ଥାନୀୟ ବିଡିଓ ତଥା ନିର୍ବାଚନ ଅଧିକାରୀଙ୍କୁ ଆଦେଶ ଦେଇଛନ୍ତି। ପ୍ରକାଶ ଯେ, ଫେବୃୟାରୀ, ୨୦୧୭ରେ ବି.କରଡ଼ାବାଡ଼ି ପଞ୍ଚାୟତରେ ସରପଞ୍ଚ ପଦବୀ ପାଇଁ ନିର୍ବାଚନ ହୋଇଥିଲା।

ପୋତାଗଡ଼ ବିକାଶ ନେଇ ୨.୫କୋଟିର ପ୍ରସ୍ତାବ

ପୋତାଗଡ଼ ବିକାଶ ନେଇ ୨.୫କୋଟିର ପ୍ରସ୍ତାବ

ଛତ୍ରପୁର,୨୫।୪(ଡି.ଏନ୍‌.ଏ.):ଗଞ୍ଜାମ ଏନ୍‌ଏସି ଉପକଣ୍ଠରେ ଥିବା ପୋତାଗଡର ବିକାଶ ପାଇଁ ଉଦ୍ୟମ ଆରମ୍ଭ ହୋଇଛି। ଏ ସମ୍ବନ୍ଧୀୟ ଏକ ବୈଠକ ମଙ୍ଗଳବାର ଛତ୍ରପୁରସ୍ଥିତ ଜିଲାପାଳଙ୍କ ସମ୍ମିଳନୀ ଗୃହରେ ଅନୁଷ୍ଠିତ ହୋଇଥିଲା। ରାଜ୍ୟ ଯୋଜନା ବୋର୍ଡ ସଦସ୍ୟ ରାମଚନ୍ଦ୍ର ପଣ୍ଡାଙ୍କ ଉପସ୍ଥିତିରେ ଏହା ଉପରେ ଆଲୋଚନା ହୋଇଥିଲା। ଏବେ ପୋତାଗଡ଼ର ସଂରକ୍ଷଣ ଓ ରାସାୟନିକ ପ୍ରଲେପ କାମ ଚାଲିଛି। ଏହି କାର୍ଯ୍ୟ ପାଇଁ ୮୫ କୋଟି ୬୦ ହଜାର ୯୦୦ ଟଙ୍କା ଆସିଥିଲା। ବର୍ତ୍ତମାନ ସୁଦ୍ଧା ୧୭ ଲକ୍ଷ ୨୫ ହଜାର ୮୮୮ ଟଙ୍କା ଖର୍ଚ୍ଚ ହୋଇଛି। ଏହି କାର୍ଯ୍ୟରେ ୪୬ ଜଣ ଶ୍ରମିକ ଲାଗିଛନ୍ତି। ନିର୍ଦ୍ଧାରିତ ସମୟ ମଧ୍ୟରେ ଏହି କାମ ସାରିବାକୁ ଜିଲାପାଳ ପ୍ରେମଚନ୍ଦ୍ର ଚୌଧୁରୀ ନିର୍ଦ୍ଦେଶ ଦେଇଛନ୍ତି। ଇନ୍‌ଟାକ୍‌ ସଂସ୍ଥା ଏହି କାମ କରୁଛି। ଏହାପରେ ପୋତାଗଡର ସୌନ୍ଦର୍ଯ୍ୟକରଣ ଓ ପର୍ଯ୍ୟଟକଙ୍କ ପାଇଁ ବିଭିନ୍ନ ସୁବିଧାସୁଯୋଗ କାର୍ଯ୍ୟ କରାଯିବ। ଏଣୁ ଏଷ୍ଟିମେଟ ପ୍ରସ୍ତୁତ ଚାଲିଛି।

ରାସ୍ତା ନ ଥିବାରୁ ହେଲାନି ପ୍ରଧାନମନ୍ତ୍ରୀ ଆବାସ

ରାସ୍ତା ନ ଥିବାରୁ ହେଲାନି ପ୍ରଧାନମନ୍ତ୍ରୀ ଆବାସ

ରାଇକିଆ,୨୫।୪(ଡ଼ି.ଏନ.ଏ.):ପକ୍କାଘର ନ ଥିବା ସମସ୍ତ ଗରିବ ହିତାଧିକାରୀଙ୍କୁ ବାସଗୃହ ଯୋଗାଇ ଦେବା ପାଇଁ ପ୍ରଧାନମନ୍ତ୍ରୀ ଆବାସ ଯୋଜନା, ବିଜୁ ପକ୍କାଘର ଯୋଜନା କାର୍ଯ୍ୟକାରୀ ହେଉଛି। ଏଥିପାଇଁ ଯୋଗ୍ୟ ହିତାଧିକାରୀଙ୍କୁ ଚିହ୍ନଟ କରାଯାଇ ବାସଗୃହ ଯୋଗାଇ ଦିଆଯାଉଛି। ଏ ସବୁ ସତ୍ତ୍ୱେ କନ୍ଧମାଳ ଜିଲା ରାଇକିଆ ବ୍ଲକ ମାଣିକେଶ୍ୱର ପଞ୍ଚାୟତ ଡ଼ାଙ୍ଗାସି ଓ ବାନ୍ଦାଙ୍ଗିଗାଁ ହିତାଧିକାରୀ ପ୍ରଧାନମନ୍ତ୍ରୀ ଆବାସ ଯୋଜନାରେ ଗୃହ ନିର୍ମାଣ କରିପାରୁନାହାନ୍ତି। ଗୃହ ପାଇବା ପାଇଁ ପ୍ରାଥମିକତା ଭିତ୍ତିରେ ମନୋନୀତ ହୋଇଥିଲେ ମଧ୍ୟ ଏମାନଙ୍କ ପାଇଁ ରାସ୍ତା ପ୍ରତିବନ୍ଧକ ସାଜିଛି। ରାଇକିଆରୁ ସିକବାଡ଼ି ଓ କୁମ୍ଭାରଖାଡ଼ି ପର୍ଯ୍ୟନ୍ତ ୧୫ କିମି ରାସ୍ତା। ଏହି ଦୁଇ ଗ୍ରାମ ପର୍ଯ୍ୟନ୍ତ ଅଟୋ ଚଳାଚଳ ହୁଏ। ସେଠାରୁ ଆଗକୁ ଗଲାପରେ ଡ଼ାଙ୍ଗାସିଛକ।

ଆର୍‌ଡିସିଙ୍କ କୁକୁଡ଼ାଖଣ୍ଡି ବ୍ଲକ ପରିଦର୍ଶନ

ଆର୍‌ଡିସିଙ୍କ କୁକୁଡ଼ାଖଣ୍ଡି ବ୍ଲକ ପରିଦର୍ଶନ

ବାଲିପଡ଼ା,୨୪।୪- ଦକ୍ଷିଣାଞ୍ଚଳ ରାଜସ୍ବ କମିଶନର ଟି. ଆଓ ମଙ୍ଗଳବାର କୁକୁଡ଼ାଖଣ୍ଡି ବ୍ଲକ ପରିଦର୍ଶନରେ ଆସି ବିଭିନ୍ନ ଉନ୍ନୟନମୂଳକ କାର୍ଯ୍ୟ ବୁଲି ଦେଖିଛନ୍ତି। ପ୍ରଥମେ ୩୫ ଲକ୍ଷ ଟଙ୍କା ବ୍ୟୟରେ ନିର୍ମାଣ ଚାଲିଥିବା କଲ୍ୟାଣ ମଣ୍ଡପ ବୁଲି ଦେଖିବା ସହ ବ୍ଲକ ପ୍ରଶାସନ ଉପରେ ବର୍ଷିଥିଲେ ଏବଂ କାର୍ଯ୍ୟ ଶୀଘ୍ର ସାରିବା ପାଇଁ ତାଗିଦ୍‌ କରିଥିଲେ। ଉକ୍ତ ପଞ୍ଚାୟତ ଗୃହ ୩୫ ଲକ୍ଷ ଟଙ୍କା ବ୍ୟୟରେ ନିର୍ମାଣ ଚାଲିଥିବା ବେଳେ ମନରେଗାରେ ନିର୍ମାଣ ଚାଲିଥିବା ଲାଞ୍ଜିଆ ପଞ୍ଚାୟତର ନାଳ ଓ ଗାର୍ଡଓ୍ବାଲ ବୁଲି ଦେଖିଥିଲେ। ଅନ୍ୟପକ୍ଷରେ ବାଲିପଡ଼ା ପଞ୍ଚାୟତର ଟିକରପଡ଼ା ଗ୍ରାମରେ ଏକ କ୍ଲଷ୍ଟର ଘର ବୁଲି ଦେଖିବା ସହ ଲୋକଙ୍କ ସୁବିଧା ଅସୁବିଧା ପଚାରି ବୁଝିଥିଲେ।

ବାଘୁଆ ସେତୁର ଗାର୍ଡଓ୍ବାଲ୍‌ ମରାମତି ଦାବି

ବାଘୁଆ ସେତୁର ଗାର୍ଡଓ୍ବାଲ୍‌ ମରାମତି ଦାବି

ବୁଗୁଡ଼ା,୨୪।୪(ଡି.ଏନ.ଏ.)- ବୁଗୁଡ଼ା ଠାରୁ ପର୍ଯ୍ୟଟନ କେନ୍ଦ୍ର ବୁଦ୍ଧଖୋଲ ଯିବା ରାସ୍ତାରେ ଥିବା ବାଘୁଆ ସେତୁର ଭାଙ୍ଗି ଯାଇଥିବା ନିରାପତ୍ତା କାନ୍ଥ (ଗାର୍ଡୱାଲ)କୁ ମରାମତି କରିବା ପାଇଁ କତକଲା ଗ୍ରାମବାସୀ ସୋମବାର ଗ୍ରାମ୍ୟ ଉନ୍ନୟନ ଡିଭିଜନ ନଂ-୧ ବ୍ରହ୍ମପୁରର ନିର୍ବାହୀ ଯନ୍ତ୍ରୀଙ୍କୁ ଲିଖିତ ଆକାରରେ ଜଣାଇଛନ୍ତି। ବୁଗୁଡ଼ାଠାରୁ ବୁଦ୍ଧଖୋଲ ପର୍ଯ୍ୟଟନ କେନ୍ଦ୍ରସ୍ଥଳିକୁ ଗଲା ବେଳେ ବାଟରେ ପଡେ ବାଘୁଆ ସେତୁ।

ଅଜଣା ଗାଡି ଧକ୍କାରେ ଯୁବକଙ୍କ ମୃତ୍ୟୁ

ଅଜଣା ଗାଡି ଧକ୍କାରେ ଯୁବକଙ୍କ ମୃତ୍ୟୁ

ଚିକିଟି,୨୪।୪(ଡି.ଏନ.ଏ.)- ମଙ୍ଗଳବାର ସକାଳ ପ୍ରାୟ ସାଢେ ୯ଟାରେ ଗୋଳନ୍ଥରା ଥାନା ଅନ୍ତର୍ଗତ ହିଞ୍ଜିଳି ଗଁ। ନିକଟରେ ଏକ ଅଜଣା ଗାଡି ଧକ୍କାରେ ଜଣେ ଯୁବକଙ୍କ ମୃତ୍ୟୁ ଘଟିଛି। ସେ ହେଲେ ଇଚ୍ଛାପୁର ଥାନା ଏଏସ୍‌ପେଟାର ଏସ୍‌. ଦଳେୟା (୩୯) । ଦଳେୟା ବାଇକ (ନଂ.ଏପି୩୦ପି-୬୧୨୪)ରେ ଚିକିଟିରୁ ସୋରଳ ଜଙ୍ଗସନ୍‌ ଦେଇ ନିଜ ଗ୍ରାମକୁ ଫେରୁଥିବା ବେଳେ ହିଞ୍ଜିଳିଗଁ। ନିକଟରେ ଏକ ଅଜଣା ଗାଡି ପଛ ପଟୁ ଧକ୍କା ଦେଇ ଚାଲିଯାଇଥିଲା। ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଯାଇଥିଲା। ଗୋଳନ୍ଥରା ପୋଲିସ ଘଟଣାସ୍ଥଳରେ ପହଞ୍ଚତ୍ ମୃତଦେହ ଜବତ କରି ବ୍ରହ୍ମପୁର ବଡ ମେଡିକାଲକୁ ବ୍ୟବଚ୍ଛେଦ ପାଇଁ ପଠାଇବା ସହ ବାଇକ୍‌ ଜବତ କରିଥିଲା। ଏନେଇ ଗୋଳନ୍ଥରା ଥାନାରେ ନଂ.୭୯/୨୦୧୮ ମାମଲା ରୁଜୁ ହୋଇଛି।

ବଜ୍ରପାତରେ ଶ୍ରମିକ ମୃତ

ବଜ୍ରପାତରେ ଶ୍ରମିକ ମୃତ

ଭଞ୍ଜଜନଗର,୨୪।୪(ଡି.ଏନ୍‌.ଏ.): ଗଞ୍ଜାମ ଜିଲା ଭଞ୍ଜନଗର ଅଞ୍ଜଳରେ ମଙ୍ଗଳବାର ଅପରାହ୍ନରେ ହୋଇଥିବା ଝଡ ତୋଫାନ ଓ ବର୍ଷାରେ ଜଣେ ଶ୍ରମିକଙ୍କ ମୃତ୍ୟୁ ହେବା ସହ ଅନ୍ୟ ୨ ଆହତ ହୋଇଥିବା ଜଣାପଡିଛି।