ସମ୍ପାଦକୀୟ |

ରସାତଳଗାମୀ ରେଳସେବା

ରସାତଳଗାମୀ ରେଳସେବା

ଡ. ନାରାୟଣ ମହାନ୍ତି
ଆମେ ସମସ୍ତେ ଜାଣୁ ଯେ, ଆମର ରେଳମନ୍ତ୍ରୀ ପ୍ରାୟତଃ ରେଳଗାଡିରେ ଯିବାଆସିବା କରନ୍ତି ନାହିଁ। ସେ ଉଡାଜାହାଜରେ ଯାତ୍ରା କରନ୍ତି ଏବଂ ତହିଁରୁ ଓହ୍ଲାଇ ମୋଟରଗାଡିରେ ଗନ୍ତବ୍ୟସ୍ଥଳକୁ ଯାଆନ୍ତି। ସୁତରାଂ ରେଳଯାତ୍ରୀଙ୍କର ଦୁର୍ଦ୍ଦଶା ପ୍ରତ୍ୟକ୍ଷ କରିବାର ଦୁର୍ଭାଗ୍ୟ ତାଙ୍କର ଜୁଟେନାହିଁ। ଗତ ୪ ଦଶନ୍ଧି ଧରି ରେଳଗାଡିରେ ଏଇ ଲେଖକ ଯାତ୍ରା କରିଆସୁଛି। କିନ୍ତୁ ଆଗ ସମୟକୁ ଆଜିର ସମୟ ସହ ତୁଳନା କଲେ ଜଣାଯାଏ ଯେ, ଆଜିର ଦୁର୍ଦ୍ଦଶା ଆଗର ଦୁର୍ଦ୍ଦଶାକୁ ବଳିଗଲାଣି। ରେଳଗାଡି ବିଳମ୍ବରେ ଚାଲିବା କିଛି ନୂଆକଥା ନୁହେଁ। କିନ୍ତୁ ଆଜି ତାହା ସୀମା ଟପିବାକୁ ବସିଲାଣି। ଆଗେ ବିଳମ୍ବକୁ ‘ଘଣ୍ଟା’ରେ ପ୍ରକାଶ କରାଯାଉଥିଲା, ଏବେ କିନ୍ତୁ ତାହା ‘ଓଳି’ରେ ବ୍ୟକ୍ତ ହେଉଛି। ସେଦିନ ମୋର ଜଣେ ସହଯାତ୍ରୀଙ୍କୁ ତାଙ୍କ ପୁଅ ଫୋନ୍‌ରେ ପଚାରିଥିଲେ, ”ବାପା! ଗାଡି କେତେ ବିଳମ୍ବରେ ଚାଲିଛି?“ ସେ ଉତ୍ତର ଦେଇଥିଲେ, ”ଓଳିଏ ଲେଟ୍‌ ହେଲାଣି!“ ଆଜି ବି ଆମ ରାଜଧାନୀରୁ ଦେଶର ଅନେକ ସ୍ଥାନକୁ ସିଧାସଳଖ ରେଳଯାତ୍ରାର ସୁଯୋଗ ନାହିଁ। ରେଳ ସଂଯୋଗ ନ ଥିବା ସେସବୁ ସ୍ଥାନକୁ ଯିବାକୁ ହେଲେ ହାଓଡା, ମାଡ୍ରାସ ବା ଅନ୍ୟ କୌଣସି ଷ୍ଟେଶନରେ ଓହ୍ଲାଇ ସେଠାରୁ ଦୋସରା ଟ୍ରେନ୍‌ ଧରିବାକୁ ପଡିଥାଏ। ଏହି ପରବର୍ତ୍ତୀ ଯାତ୍ରା ପାଇଁ ଆଗେ ମଝି ଷ୍ଟେଶନରେ ଓହ୍ଲାଇବା ପରେ ୩/୪ ଘଣ୍ଟା ସମୟ ହାତରେ ରଖିବାକୁ ପଡୁଥିଲା। ମାତ୍ର ଏବେ ଗାଡି ଚଳାଚଳରେ ଅସ୍ବାଭାବିକ ବିଳମ୍ବ ଯୋଗୁ ଓଳିଏ ସମୟ ହାତରେ ରଖିଲେ ବି ଯଥେଷ୍ଟ ହେଉନାହିଁ। ମଝି ଷ୍ଟେଶନରେ ପହଞ୍ଚିଲାବେଳକୁ ନିର୍ଦ୍ଧାରିତ ଟ୍ରେନ୍‌ ଛାଡି ଦେଇଥିବା ଦେଖାଯାଉଛି। ସେ କ୍ଷେତ୍ରରେ ଯାତ୍ରୀଙ୍କ ଅବସ୍ଥା ଯାହା ହୁଏ, ତାହା ନ ଦେଖିବା ଲୋକ ବିଶ୍ୱାସ କରିବେ ନାହିଁ। ଟ୍ରେନ୍‌ ବିଳମ୍ବରେ ଚାଲୁଥିବାର ପ୍ରକୃତ କାରଣ ମଧ୍ୟ ସବୁବେଳେ ଜାଣି ହୁଏନାହିଁ। ଷ୍ଟେଶନ ନ ଥାଇ ମଧ୍ୟ ଗାଡି ଅଟକେ ଓ କିଛି ବୁଲାବିକାଳି ତହିଁରୁ ଓହ୍ଲାଇଯାଉଥିବା ଦେଖାଯାଏ। ପୁଣି କୌଣସି ଷ୍ଟେଶନରେ ଗାଡି ଦୀର୍ଘ ସମୟ ରହୁଥିବା ଏବଂ ଖିଆପିଆ ଧୁମ୍‌ଧାମ୍‌ରେ ଚାଲିଥିବା ଦୃଷ୍ଟିରେ ପଡେ। ପାର୍ଶଲ ଭ୍ୟାନ୍‌ରୁ ଜିନିଷପତ୍ର କାଢିବାକୁ କେଉଁ ଷ୍ଟେଶନରେ କେତେ ସମୟ ଲାଗେ, ତା’ର କିଛି ଠିକ୍‌ଠିକଣା ନ ଥାଏ। ତାହା ପାର୍ଶଲ କ୍ଲର୍କ ଓ କୁଲିମାନଙ୍କ ମର୍ଜି ଉପରେ ନିର୍ଭର କରୁଥିବା ପରି ମନେହୁଏ। ଆମେ ଜଳକା ପରି ଚାହିଁ ରହିଥାଉ। ଟ୍ରେନ୍‌ ଠିକ୍‌ ସମୟରେ ଚଳାଚଳ କରିବାର ଦାୟିତ୍ୱ ବିଭାଗର କୌଣସି କର୍ମଚାରୀଙ୍କର ଥିବା ପରି ଜଣାପଡେନାହିଁ। ରେଳଗାଡିରେ ଯାତ୍ରୀମାନଙ୍କୁ ଦିଆଯାଉଥିବା ଖାଦ୍ୟର ମାନ କଥା କହିଲେ ନ ସରେ। ଖୋଦ୍‌ କମ୍ପ୍‌ଟ୍ରୋଲର ଆଣ୍ଡ୍‌ ଅଡିଟର୍‌ ଜେନେରାଲ୍‌ (ସିଏଜି) ତାଙ୍କ ରିପୋର୍ଟରେ ଉଲ୍ଲେଖ କରିଛନ୍ତି ଯେ, ଏହି ଖାଦ୍ୟ ମଣିଷ ଖାଇବାଯୋଗ୍ୟ ନୁହେଁ। ପାନୀୟ ବିଷୟରେ ରିପୋର୍ଟରେ ଦର୍ଶାଯାଇଛି ଯେ, ଟ୍ୟାପ୍‌ରୁ ଅଶୋଧିତ ପାଣିକୁ ସିଧାସଳଖ ବୋତଲରେ ଭର୍ତ୍ତି କରାଯାଇ ଯାତ୍ରୀମାନଙ୍କୁ ପିଇବାକୁ ଦିଆଯାଉଛି। ଖାଦ୍ୟର ମୂଲ୍ୟ ପୁଣି ଆକାଶଛୁଆଁ। କର୍ତ୍ତୃପକ୍ଷ ଧାର୍ଯ୍ୟ କରିଥିବା ନିରାମିଷ ମିଲ୍‌ର ଦାମ୍‌ ପଚାଶ ଟଙ୍କା। ମାତ୍ର ଯାତ୍ରୀମାନଙ୍କୁ ଏହା ଜଣପିଛା ଶହେ ଟଙ୍କା ଦେଇ କିଣିବାକୁ ପଡିଥାଏ। କଦବା କେହି ମିଲର ଦରକୁ ନେଇ ପ୍ରଶ୍ନ ଉଠାଇଲେ ତାହା ନିରର୍ଥକ ହୋଇଥାଏ। ଦିନ ଦ୍ୱିପହରରେ ସମସ୍ତଙ୍କ ଆଖି ସାମ୍ନାରେ ଏହି ହରିଲୁଟ୍‌ ଚାଲିଥାଏ। ଖାଦ୍ୟର ମାନ ଓ ମୂଲ୍ୟ ବ୍ୟତୀତ ଏହାର ପରିମାଣ ମଧ୍ୟ ବିବେକସମ୍ମତ ନୁହେଁ। ଏକ ନିରାମିଷ ମିଲ୍‌ରେ ୧୫୦ ଗ୍ରାମ୍‌ର ରାଇସ୍‌ ପଲାଉ ବା ଜିରା ରାଇସ୍‌ ବା ଉତ୍କୃଷ୍ଟ ମାନର ପ୍ଲେନ୍‌ ରାଇସ୍‌ ରହିବ ବୋଲି କର୍ତ୍ତୃପକ୍ଷଙ୍କ ନିର୍ଦ୍ଦେଶ ରହିଛି। ତା’ ସହ ୧୦୦ ଗ୍ରାମ୍‌ର ୨ଟି ପରଟା ବା ୪ଟି ଚପାତି ବା ୫ଟି ପୁରି ରହିବ ବୋଲି ନିୟମ ଅଛି। ସେହିପରି ଡାଲି ବା ସମ୍ବର, ତରକାରି, ଦହି ବା ମିଠା, ଆଚାର ଓ ପିଇବାପାଣିର ପରିମାଣ ବି ନିର୍ଦ୍ଧାରିତ ହୋଇଛି। ମାତ୍ର ଖାଇଲାବେଳେ ଖାଦ୍ୟର ନିର୍ଦ୍ଧାରିତ ପରିମାଣ କଥା ଭାବିଲେ ମନ ତାତିଉଠେ। ଯାତ୍ରୀମାନେ ସମୟ ବିତାଇବା ପାଇଁ ଆବଶ୍ୟକ ଥାଉ ବା ନ ଥାଉ ଚା ପାନ କରିଥାନ୍ତି। କର୍ତ୍ତୃପକ୍ଷ ୧୫୦ ଏମ୍‌ଏଲ୍‌ ସାଧାରଣ ମାନ ବିଶିଷ୍ଟ ଚା’ର ମୂଲ୍ୟ ପାଞ୍ଚ ଟଙ୍କା ଓ ସେହି ପରିମାଣର ଚା ଥଳି ସହ ଚା’ର ଦର ସାତଟଙ୍କା ଧାର୍ଯ୍ୟ କରିଛନ୍ତି। ଆଗେ ‘ଟି ବ୍ୟାଗ୍‌’ ସହ ଚା ଓ ତା’ ସଙ୍ଗେ ଏକ ପ୍ୟାକେଟ୍‌ ବିସ୍କୁଟ୍‌ ଦେଇ ଚା ବିକାଳି ଆମଠାରୁ ଦଶଟଙ୍କା ନେଉଥିଲା। ଏବେ ଆଉ ବିସ୍କୁଟ୍‌ ଦିଆଯାଉ ନାହିଁ; ମାତ୍ର ମୂଲ୍ୟ ସେହି ଦଶ ଟଙ୍କା ରହିଛି। ଆପତ୍ତି ଉଠାଇଲେ ତାହା ଫଳପ୍ରସୂ ହେଉନାହିଁ। ଏଇ ଲେଖକ ଥରେ ନୂଆଦିଲ୍ଲୀରୁ ଭୁବନେଶ୍ୱର ଯାତ୍ରା କରୁଥାଏ। ମଧ୍ୟାହ୍ନଭୋଜନ କରିସାରି ମୂଲ୍ୟ ପଇଠ କଲା ପରେ ଓ୍ବେଟରକୁ ବିଲ୍‌ ମାଗିବାରୁ ସେ ଦେବ ବୋଲି କହି ଚାଲିଗଲା। ପୁଣି ରାତ୍ରିଭୋଜନର ମୂଲ୍ୟ ପ୍ରଦାନ କଲାବେଳେ ବିଲ୍‌ ଦେବାକୁ କହିବାରୁ ଏଥର ସେ ରାଗିଯାଇ କହିଲା, ”ଭୁବନେଶ୍ୱର ପର୍ଯ୍ୟନ୍ତ ତ ଯିବେ, ବିଲ୍‌ ପାଇଁ ଏତେ ବ୍ୟସ୍ତ କାହିଁକି?“ ତା’ ପର ଦିନ ମଧ୍ୟାହ୍ନଭୋଜନ ପରେ ବିଲ୍‌ ମାଗିବା ପୂର୍ବରୁ ଓ୍ବେଟର୍‌ କହିଲା- ”ଆପଣ ଓହ୍ଲାଇବା ଆଗରୁ ବିଲ୍‌ ଦେଇଦେବି।“ ତା’ କଥାରେ ତାଚ୍ଛଲ୍ୟ ଭରିରହିଥିଲା। ବିଲ୍‌ ନ ଦେଲେ ରେଳମନ୍ତ୍ରୀଙ୍କୁ ଲେଖିକରି ଜଣାଇଦେବି ବୋଲି କହିବାରୁ କିଛି ନ କହି ସେ ଚାଲିଗଲା। ମୁଁ ଭୁବନେଶ୍ୱର ଷ୍ଟେଶନରେ ଓହ୍ଲାଇବା କ୍ଷଣି ଓ୍ବେଟର ମୋ ଆଡକୁ ଆସୁଥିବାର ଦେଖିଲି। ଭାବିଲି, ସେ ବିଲ୍‌ ଦେବାକୁ ଆସୁଛି। ମାତ୍ର ସେ ବିଲ୍‌ ତ ଦେଲାନାହିଁ, ବରଂ ଛିଗୁଲାଇ କରି କହିଲା, ”ଆଜ୍ଞା ! ମୁଁ ବିଲ୍‌ ଦେଲିନାହିଁ ବୋଲି ଲେଖିକରି ରେଳମନ୍ତ୍ରୀଙ୍କୁ ଜଣାଇଦେବାକୁ ଭୁଲିବେ ନାହିଁ।“ ଆଖି ପିଛୁଳାକେ ସେ ଅନ୍ତର୍ଦ୍ଧାନ ହୋଇଗଲା। ତା’ର ବିଦ୍ରୂପ ମୋତେ ଯେତେ ବାଧି ନ ଥିଲା ରେଳମନ୍ତ୍ରୀଙ୍କ ଉପରେ ତା’ର ରହିଥିବା ଭରସା ମୋତେ ତତୋଽଧିକ ଆଶ୍ଚର୍ଯ୍ୟ କରିଥିଲା। ସେ ଜାଣିଥଲା ଯେ, ମନ୍ତ୍ରୀଙ୍କ ପାଖକୁ ଲେଖିଲେ ବି ତା’ର ସାମାନ୍ୟ କ୍ଷତି ହେବନାହିଁ। ରେଳଗାଡିରେ ଶାନ୍ତି ଓ ସୁରକ୍ଷା ଦୃଷ୍ଟିରୁ ଲୋକେ ସ୍ଲିପର କ୍ଲାସ୍‌ (ସଂରକ୍ଷିତ)ରେ ଯାତାୟାତ କରିଥାନ୍ତି। ଏବେ କିନ୍ତୁ ସେହି ଯାତ୍ରା ମଧ୍ୟ ନରକଯନ୍ତ୍ରଣା ତୁଲ୍ୟ ହୋଇଛି। ଓ୍ବେଟିଂ ଲିଷ୍ଟରେ ଥିବା ଯାତ୍ରୀମାନେ ଅବାଧରେ ଏହି ସଂରକ୍ଷିତ ବଗିରେ ପ୍ରବେଶ କରୁଛନ୍ତି। ମାସିକ ମିଆଦୀ ଟିକେଟ୍‌ଧାରୀଙ୍କ ପାଇଁ ତ ରେଳବଗି ସାହାଣମେଲା ହୋଇଛି। ଏମାନେ ସମସ୍ତେ ବେଆଇନ ଭାବେ ସଂରକ୍ଷିତ ବଗିରେ ପ୍ରବେଶ କରି ଜୋରଜବରଦସ୍ତ ସଂରକ୍ଷିତ ସ୍ଥାନରେ ବସିପଡୁଛନ୍ତି। ଏଣେ କିନ୍ନରମାନଙ୍କ ଜୁଲମ ତ କହିଲେ ନ ସରେ। କାର୍ଯ୍ୟାନୁଷ୍ଠାନ ଗ୍ରହଣ କରିବା ଦାୟିତ୍ୱରେ ଥିବା କର୍ମଚାରୀମାନେ ଏସବୁ ଦେଖି ନ ଦେଖିବା ପରି। ଯାତ୍ରୀମାନେ ଟ୍ରେନ୍‌ରେ ଚଢିବା ବେଳଠୁ ନିର୍ଦ୍ଧାରିତ ଷ୍ଟେଶନରେ ଓହ୍ଲାଇବା ପର୍ଯ୍ୟନ୍ତ ତାଙ୍କ ପରିବାରବର୍ଗ ଗଭୀର ମାନସିକ ଦୁଶ୍ଚିନ୍ତା ମଧ୍ୟରେ ଗତି କରନ୍ତି। କେବେ ଓ କେଉଁଠି ରେଳ ଦୁର୍ଘଟଣା ହେଉଛି, ତାହା ଜାଣିବା ପାଇଁ ସେମାନେ ଟିଭି ଖବର ଉଣ୍ଡୁଥାନ୍ତି। କେନ୍ଦ୍ରରେ ସରକାରର ନବକଳେବର ହେବା ପରେ ରେଳଯାତ୍ରା ସୁଗମ ହେବ ବୋଲି ଯାତ୍ରୀମାନଙ୍କର ଆଶା ଥିଲା। ମାତ୍ର ଏବେ ମହରଗରୁ କାନ୍ତାରରେ ପଡିବା ସାର ହୋଇଛି। ରେଳମନ୍ତ୍ରୀ ଯଦି ସୁରୁଖୁରୁ ଓ ସ୍ବଚ୍ଛନ୍ଦ ରେଳଯାତ୍ରା ପାଇଁ ଧ୍ୟାନ ଦିଅନ୍ତେ ତେବେ ତାହା ସ୍ବାଗତଯୋଗ୍ୟ ହୁଅନ୍ତା।
ଇମେଲ୍‌: drnarayanmohanty@gmail.com

All Right Reserved By

Model This Week

ନିକିତା

ସମ୍ପାଦକୀୟ |

ସମ୍ପାଦକୀୟ/ରକ୍ତ ଶୋଷଣ, ପରେ ଦାନ

ସମ୍ପାଦକୀୟ/ରକ୍ତ ଶୋଷଣ, ପରେ ଦାନ

ଦେଶର ପ୍ରଗତିରେ ପରିବହନ ବ୍ୟବସ୍ଥା ସୁଗମ ହେବା ନିତାନ୍ତ ଦରକାର। ଏଥିପାଇଁ ପ୍ରମୁଖ ଉପାଦାନ ହେଉଛି ଇନ୍ଧନ। ଆଜିର ସମୟରେ ପେଟ୍ରୋଲ ଓ ଡିଜେଲ ଦର ଅର୍ଥନୈତିକ ବ୍ୟବସ୍ଥାକୁ ଗତିଶୀଳ କରାଉଛି। ଲୋକମାନଙ୍କ ଯାତାୟାତଠାରୁ ଆରମ୍ଭ କରି ସାମଗ୍ରୀର ଦର ଉପରେ ତୈଳ ଦରର ସିଧାସଳଖ ପ୍ରଭାବ ରହିଛି। ତେଣୁ ପ୍ରତ୍ୟେକ ସରକାର ତେଲ ମୂଲ୍ୟକୁ ନିୟନ୍ତ୍ରଣରେ ରଖିବାକୁ ଚେଷ୍ଟା କରିଥାଆନ୍ତି। ହେଲେ ନରେନ୍ଦ୍ର ଦାମୋଦରଦାସ ମୋଦି ୨୦୧୪ରେ କ୍ଷମତାକୁ ଆସିବା ପରେ ତୈଳ ଦର ଉପରେ ଥିବା ନିୟନ୍ତ୍ରଣକୁ ହଟାଦେଲେ। ଏ ଦିଗରେ ଦିଆଯାଉଥିବା ରିହାତିକୁ ସମ୍ପୂର୍ଣ୍ଣ ଉଚ୍ଛେଦ କରିଦିଆଗଲା। ଫଳରେ ତେଲ ଦର ବଜାର ବ୍ୟବସ୍ଥା ଅନୁଯାୟୀ ସ୍ଥିରୀକୃତ ହେଉଥିବା କୁହାଯାଉଛି। ଭୁବନେଶ୍ୱରରେ ଏବେ ପେଟ୍ରୋଲ ୭୪ ଟଙ୍କା ନିକଟତର ହୋଇ ...

 ଚାଷୀ ମୃତ୍ୟୁ ଓ ଦଣ୍ଡମୁକ୍ତ କର୍ମଚାରୀ

ଚାଷୀ ମୃତ୍ୟୁ ଓ ଦଣ୍ଡମୁକ୍ତ କର୍ମଚାରୀ

ସହଦେବ ସାହୁ ଆମ ଦେଶର କ୍ରାଇମ୍‌ ରେକର୍ଡସ୍‌ ବ୍ୟୁରୋ ତା’ର ୨୦୧୬ର ଏଡିଏସ୍‌ଆଇ (ଆକ୍ସିଡେଣ୍ଟାଲ୍‌ ଡେଥ୍‌ ଆଣ୍ଡ୍‌ ସୁଇସାଇଡ୍ସ ଇନ୍‌ ଇଣ୍ଡିଆ)ର ଅଗ୍ରିମ (ପ୍ରୋଭିଜନାଲ୍‌) ରିପୋର୍ଟରେ ପ୍ରକାଶ କରିଛି ଯେ ସାରା ଦେଶରେ ୨୦୧୫ରେ ଚାଷୀ ଆତ୍ମହତ୍ୟା ୧୨,୬୦୨ ଥିବାବେଳେ ୨୦୧୬ରେ ୧୧,୩୭୦କୁ କମିଛି। ଓଡିଶାରେ ସେହି ଢାଞ୍ଚା। ୨୦୧୪ ରିପୋର୍ଟରେ ଚାଷୀ ଆତ୍ମହତ୍ୟା ସଂଖ୍ୟା ୫ ଥିଲା, ୨୦୧୫ ଓ ୧୬ରେ ସରକାରୀ ରିପୋର୍ଟରେ ଶୂନ ଥିବାବେଳେ ୨୦୧୭ରେ ୨୦୧୪ ସଂଖ୍ୟାର ଦୁଇଗୁଣ ବଢିଯାଇଛି। ...

ସ୍ତ୍ରୀର ଦରମା

ସ୍ତ୍ରୀର ଦରମା

ରୁଦ୍ର ପ୍ରସନ୍ନ ରଥ ବିଗତ କିଛି ବର୍ଷ ମଧ୍ୟରେ ଭାରତରେ ନାରୀ ଶିକ୍ଷାର ବ୍ୟାପକ ପ୍ରଚାର ଏବଂ ପ୍ରସାର ଘଟିବା ସହ ନିଯୁକ୍ତି କ୍ଷେତ୍ରରେ ଏମାନଙ୍କ ପାଇଁ ବିଶେଷ ସୁଯୋଗ ସୃଷ୍ଟି ହୋଇଛି। ତଥାପି ଦେଶର ପ୍ରଗତିକୁ ଏହା ନୂଆ ଦିଶା ଦେବାରେ ସକ୍ଷମ ନୁହେଁ। କାରଣ ସାମାଜିକ, ରାଜନୈତିକ ଏବଂ ଲିଙ୍ଗଗତ ଭେଦଭାବ ଯୋଗୁ ନାରୀଟିଏ ଅନେକ କ୍ଷେତ୍ରରେ ନିଜ ପାଇଁ ମନପସନ୍ଦର ଚାକିରି ଏବଂ ଦରମା ପାଇବାରେ ସକ୍ଷମ ହୋଇପାରୁ ନାହିଁ।

ଏଇ ଭାରତରେ

ଏଇ ଭାରତରେ

ଲୋକଙ୍କ ମଧ୍ୟରେ ବେଳେବେଳେ ଏଭଳି ମାନସିକତା ସୃଷ୍ଟି ହୁଏ, ଯାହାକି ସହଜରେ ବିଶ୍ୱାସ ହୁଏନାହିଁ। ମୋବାଇଲ ଓ ଇଣ୍ଟର୍‌ନେଟ ବ୍ୟବହାର ଯୁଗରେ ମଧ୍ୟ କେତେକଙ୍କ ମଧ୍ୟରେ ରକ୍ଷଣଶୀଳ ଚିନ୍ତାଧାରା ଦେଖାଯାଉଛି। ଏଭଳି ଏକ ଘଟଣା ଘଟିଛି ଉତ୍ତରପ୍ରଦେଶର ଲକ୍ଷ୍ନୌ ସହରରେ। ବାଙ୍ଗାଲୋରର ଜଣେ ଯୁବତୀଙ୍କ ଏକ ଫେସ୍‌ବୁକ୍‌ ପୋଷ୍ଟକୁ ବିରୋଧ କରି ଲକ୍ଷ୍ନୌର ଅଭିଷେକ ନାମକ ଜଣେ ଯୁବକ ମୁସଲମାନ ଡ୍ରାଇଭର ଚଳାଉଥିବା ଏକ ଘରୋଇ କାର୍‌ ପରିବହନ ସଂସ୍ଥାରେ ଯିବାକୁ ମନା କରିଦେଇଛନ୍ତି। ଏହାକୁ ଟୁଇଟ କରି ସେ କହିଛନ୍ତି ଯେ, ଯଦି ଜଣେ ଯୁବତୀ ରୁଦ୍ର ହନୁମାନ ପୋଷ୍ଟର ଲଗାଯାଇଥିବା କାର୍‌ରେ ...

ଶିଶୁ ବଳାତ୍କାର: ଦଣ୍ଡ କାହିଁ

ଶିଶୁ ବଳାତ୍କାର: ଦଣ୍ଡ କାହିଁ

୨୦୧୨ ନିର୍ଭୟା ଗଣବଳାତ୍କାର ଘଟଣା ପରେ ଭାରତରେ ମହିଳା ନିର୍ଯାତନା ନିରୋଧୀ ସ୍ବର ଯେଭଳି ସର୍ବୋଚ୍ଚରେ ପହଞ୍ଚତ୍ଥିଲା, ଏବେ ସେଭଳି ପରିସ୍ଥିତିର ପୁନରାବୃତ୍ତି ଘଟିଛି। ନିର୍ଭୟାଙ୍କ ବୟସ ୨୩ ହୋଇଥିବା ବେଳେ ଏବେ ଶିଶୁକନ୍ୟାଙ୍କ ଉପରେ ପାଶବିକ ଅତ୍ୟାଚାର ଯେପରି ଭାବେ ବଢ଼ିଚାଲିଛି ତାକୁ ଦେଖିଲେ ବ୍ୟସ୍ତ ଲାଗୁଛି। ଜମ୍ମୁ-କଶ୍ମୀର କଠୁଆର ୮ ବର୍ଷୀୟା କନ୍ୟା, ଗୁଜରାଟ ସୁରଟର ୧୧ ବର୍ଷୀୟା ଝିଅ, ଓଡ଼ିଶା ନୀଳଗିରିର ୪ ବର୍ଷୀୟା ଶିଶୁକନ୍ୟା, ନିଶ୍ଚିନ୍ତକୋଇଲିର ୬ ବର୍ଷୀୟା ଝିଅଠାରୁ ଆରମ୍ଭ କରି ମଧ୍ୟପ୍ରଦେଶ ଇନ୍ଦୋରର ୪ ମାସର ଶିଶୁକନ୍ୟାଙ୍କୁ ବଳାତ୍କାର ଓ ହତ୍ୟା ପର୍ଯ୍ୟନ୍ତ ଅସଂଖ୍ୟ ଘଟଣା ଘଟିଗଲାଣି। ସବୁଠାରୁ ଅତ୍ୟନ୍ତ ସମ୍ବେଦନଶୀଳ ଇନ୍ଦୋର ଘଟଣାକୁ ଦେଖିଲେ ଯେ କେହି ବିବ୍ରତ ହେବା ସ୍ବାଭାବିକ। ଇନ୍ଦୋର ଶିଶୁକୁ ବଳାତ୍କାର କରିଥିବା ବ୍ୟକ୍ତି ହେଉଛନ୍ତି ସମ୍ପର୍କୀୟ ମାମୁ। ଦେଖିବାକୁ ଗଲେ ୪ ମାସ ଶିଶୁର ବେକ ଟାଣ ହୋଇ ନ ଥାଏ। ଯିଏ ତା’ ସହ ଏପରି ଜଘନ୍ୟ କାଣ୍ଡ ଘଟାଇଥାଆନ୍ତି ତାଙ୍କ ମାନସିକତା ବୁଝିବା ଅସମ୍ଭବ। ଏଠାରେ ସାମାଜିକ ବିଶ୍ଳେଷଣର ପ୍ରୟୋଜନ ଉଠିଲାଣି। ମନେହେଉଛି, ଯେପରି ଏହା କେବଳ ଘୋର ଯୌନ ଲାଳସାର ପରିଣତି ନୁହେଁ। ସହଜ ଭାଷାରେ କହିବାକୁ ଗଲେ ଏହା ଅତ୍ୟନ୍ତ ଜଘନ୍ୟ ଆପରାଧିକ ମାନସିକତାର ପ୍ରତିଫଳନ।

ରେଭେନ୍‌ସା ଯୁଗର ଅବସାନ

ରେଭେନ୍‌ସା ଯୁଗର ଅବସାନ

ଶରତ ଚନ୍ଦ୍ର ମିଶ୍ର/ରେଭେନ୍‌ସା କଲେଜ ଓଡ଼ିଶାର ସର୍ବପୁରାତନ ଉଚ୍ଚ ଶିକ୍ଷାନୁଷ୍ଠାନ। ଦେଢ଼ଶହ ବର୍ଷ (୧୮୬୮) ପୂର୍ବେ ନଅଙ୍କ ଦୁର୍ଭିକ୍ଷର ଦୁଇବର୍ଷ ପରେ ଏ କଲେଜ ସ୍ଥାପିତ ହୋଇଥିଲା। କଟକ କଲେକ୍ଟୋରେଟ୍‌ ପାଖରେ ଏହି ଅନୁଷ୍ଠାନଟି ପଚାଶ ବର୍ଷ ରହିବା ପରେ ଚାଉଳିଆଗଞ୍ଜର ରେସ୍‌କୋର୍ସ ପଡିଆକୁ ଉଠିଆସିଲା ଓ ଗତ ଶହେବର୍ଷ ଧରି ସେହିଠାରେ ଗର୍ବୋନ୍ନତ ଶିର ଉତ୍ତୋଳନ କରି ବିଦ୍ୟମାନ।

ଲୁଣା ଜଙ୍ଗଲ ଓ ଉପକୂଳ ସୁରକ୍ଷା

ଲୁଣା ଜଙ୍ଗଲ ଓ ଉପକୂଳ ସୁରକ୍ଷା

ହିମାଂଶୁ ଶେଖର ଫତେସିଂହ/ପୃଥିବୀର ନିରକ୍ଷୀୟ ଓ ଉପନିରକ୍ଷୀୟ ଅଞ୍ଚଳ ଅନ୍ତର୍ଗତ ୨୪ଂ ଉ.ଅକ୍ଷାଂଶରୁ ୩୮ଂ ଦ.ଅକ୍ଷାଂଶ ମଧ୍ୟବର୍ତ୍ତୀ ଅଞ୍ଚଳରେ ସମୁଦ୍ର ତଟବର୍ତ୍ତୀ ଜୁଆରିଆ ଆର୍ଦ୍ର, ବାଲିଆ ଭୂମିରେ ଏକ ନିର୍ଦ୍ଦିଷ୍ଟ ପ୍ରଜାତିର ଉଦ୍ଭିଦ ଦେଖାଯାଆନ୍ତି। ଏହି ଅଞ୍ଚଳରେ ୨୬ଂରୁ ୩୫ଂ ସେଲ୍‌ସିୟସ୍‌ ପର୍ଯ୍ୟନ୍ତ ଉଚ୍ଚ ବାୟୁମଣ୍ଡଳୀୟ ତାପମାତ୍ରା, ୧୦୦୦ ମିମିରୁ ୩୦୦୦ ମିମି ବୃଷ୍ଟିପାତ, ଉଚ୍ଚ ଲବଣତା, ଜୁଆରିଆ ଜଳ ପ୍ଳାବନ ସତ୍ତ୍ୱେ ଏହି ଉଦ୍ଭିଦଗୁଡ଼ିକ ଜୀବନ ଧାରଣ କରି ବଂଶବୃଦ୍ଧି କରିଥାନ୍ତି।

ଏଇ ଭାରତରେ

ଏଇ ଭାରତରେ

ଲୋକଙ୍କଠାରୁ ମାନବିକତା କ୍ରମେ ହଜିଯାଉଛି। ଅର୍ଥ ଓ ବସ୍ତୁବାଦୀ ହୋଇପଡୁଥିବା ମଣିଷ ଅନ୍ୟ ପ୍ରତି ସହାନୁଭୂତି, ଦୟା ଆଦି ଗୁଣକୁ ହରାଇବସୁଛି। ବିପଦରେ ପଡିଥିବା ଲୋକଙ୍କୁ ସାହାଯ୍ୟ କରିବା ପରିବର୍ତ୍ତେ ସୁଯୋଗର କିଭଳି ଫାଇଦା ଉଠାଇହେବ ସେଥିପ୍ରତି ଆଗ୍ରହ ଦେଖାଉଛି। ଗତ ଶୁକ୍ରବାର ବିଳମ୍ବିତ ରାତିରେ ଦିଲ୍ଲୀ ନିକଟବର୍ତ୍ତୀ ଗାଜିଆବାଦରେ ଘଟିଥିବା ଏକ ଘଟଣା ସମ୍ପର୍କରେ ଶୁଣିଲେ ମଣିଷ ନିକଟରୁ ମାନବିକତାର ଗୁଣ କିପରି ହଜିଯାଉଛି ତାହା ସ୍ପଷ୍ଟ ହୁଏ।

ସଂଖ୍ୟାଗୁରୁ ମାନସିକତା

ସଂଖ୍ୟାଗୁରୁ ମାନସିକତା

ଆକାର ପଟେଲ ଭାରତୀୟ ଉପମହାଦେଶର ଉପନିବେଶୀୟ ପର ପରମ୍ପରା ମୁଖ୍ୟତଃ ଧାର୍ମିକ ରହିଆସିଛି ଏବଂ ସଂଖ୍ୟାଗୁରୁ ଧାର୍ମିକ ଗୋଷ୍ଠୀ ସଂଖ୍ୟାଲଘୁମାନଙ୍କ ବିରୋଧୀ ସାଜିଛନ୍ତି। ଶ୍ରୀଲଙ୍କାରେ ସଂଖ୍ୟାଗୁରୁ ବୌଦ୍ଧ ସିଂହଳୀମାନେ ଧର୍ମ ଓ ଭାଷାକୁ ନେଇ ତାମିଲମାନଙ୍କ ବିରୋଧରେ ଲଢ଼େଇ କରିଛନ୍ତି। ଭାରତରେ ବୌଦ୍ଧ ଓ ହିନ୍ଦୁମାନଙ୍କ ଭିତରେ ଘୃଣା ଭାବ ରହିଛି, ଯାହା ସଂଖ୍ୟାଗୁରୁତ୍ୱର ସ୍ବଭାବ। ଶ୍ରୀଲଙ୍କାର ଗୃହଯୁଦ୍ଧ ପ୍ରାୟ ୨୫ ବର୍ଷ ଧରି ଲାଗିରହିଥିଲା, ଯାହା ଫଳରେ ଶ୍ରୀଲଙ୍କାର ଅନେକ ନେତା ଓ ଭାରତର ରାଜୀବ ଗାନ୍ଧୀଙ୍କ ସମେତ ଲକ୍ଷାଧିକ ଲୋକ ମଲେ। ବାଂଲାଦେଶରେ ପ୍ରାଥମିକ ଜାତୀୟତାବାଦ ଭାଷା ଭିତ୍ତିରେ ଗଢ଼ିଉଠିଥିଲା ଏବଂ ଏହା ବଙ୍ଗାଳୀ ମୁସଲମାନ ଓ ହିନ୍ଦୁମାନଙ୍କୁ ପଶ୍ଚିମ ପାକିସ୍ତାନୀଙ୍କ ଦ୍ୱାରା ସେମାନଙ୍କ ଉପରେ ଜୋରଜବରଦସ୍ତ ଉର୍ଦ୍ଦୁଭାଷାକୁ ଲଦିଦିଆଯିବା ବିରୋଧରେ ଏକତ୍ରିତ କରିଥିଲା। ଆଶ୍ଚର୍ଯ୍ୟର କଥା ମହମ୍ମଦ ଅଲି ଜିନ୍ନା ଜଣେ ...

ବୋହୂଯୋଗ୍ୟା କନ୍ୟା

ବୋହୂଯୋଗ୍ୟା କନ୍ୟା

ପ୍ରକାଶ ତ୍ରିପାଠୀ ଗତ ରବିବାର ସାରେ ଆମେ କିଛି ବନ୍ଧୁ ପୁରୀ ବେଳାଭୂମିରେ ବସିଥିଲୁ। କର୍ମମୟ ଜୀବନରୁ କିଛି ମୁହୂର୍ତ୍ତ ବାହାର କରି ବନ୍ଧୁମାନଙ୍କ ସହ ଦୁଃଖସୁଖ ହେବା କେବଳ ଏହି ଛୁଟିଦିନମାନଙ୍କରେ ହିଁ ସମ୍ଭବ ହୋଇଥାଏ। ତାହା ପୁଣି ଅନିୟମିତ। ସେ ଯାହାହେଉ, ମଝିରେ ମଝିରେ ଏପରି ବନ୍ଧୁମିଳନ ମନରେ ପ୍ରସନ୍ନତା ଭରିଦିଏ ଓ ଆଳାପ ଆଲୋଚନା ଦ୍ୱାରା ମନ ବି ହାଲ୍‌କା ହୋଇଯାଏ। ସେଦିନ କଥାପ୍ରସଙ୍ଗରେ ଜଣେ ବନ୍ଧୁ କହିଲେ ଯେ, ଆଜି ତାଙ୍କ ଘରେ ଝିଅ ଓ ତା’ ମାଆ ମଧ୍ୟରେ ଝଗଡା ହୋଇଯାଇଛି। ଆମେ ଜାଣୁ ଯେ ବନ୍ଧୁଙ୍କ ପତ୍ନୀ ଅତି ସରଳ ଓ ଶାନ୍ତ ସ୍ବଭାବର। ...

 ‘ଲେସ୍‌’ର ଲେଖକ

‘ଲେସ୍‌’ର ଲେଖକ

ବ୍ୟକ୍ତିତ୍ୱ/ଜିତେନ୍ଦ୍ର ଆମେରିକାରେ ଖବରକାଗଜ, ପତ୍ରିକା, ଅନ୍‌ଲାଇନ୍‌ ଜର୍ନାଲିଜିମ୍‌, ସାହିତ୍ୟ ଓ ସଙ୍ଗୀତ ସଂଯୋଜନା କ୍ଷେତ୍ରରେ ‘ପୁଲିଜର ପୁରସ୍କାର’ ମର୍ଯ୍ୟାଦାଜନକ ସମ୍ମାନ ଭାବେ ପରିଚିତ। ହଙ୍ଗେରିଜନ୍ମିତ ଆମେରିକୀୟ ଖବରକାଗଜ ପ୍ରକାଶକ ତଥା ସାମ୍ବାଦିକ ଯୋଶେଫ୍‌ ପୁଲିଜରଙ୍କ ନାମାନୁଯାୟୀ ୧୯୧୭ ମସିହାରୁ ଏହି ସମ୍ମାନ ପ୍ରତିବର୍ଷ କଲମ୍ବିଆ ବିଶ୍ୱବିଦ୍ୟାଳୟ ଦ୍ୱାରା ପ୍ରଦାନ କରାଯାଇଆସୁଛି। ୨୧ଟି କ୍ଷେତ୍ରରେ ଏହି ପୁରସ୍କାର ଦିଆଯାଉଥିବା ବେଳେ ୨୦୧୮ ପାଇଁ କାଳ୍ପନିକ ଲେଖା ସକାଶେ ଆଣ୍ଡ୍ର୍ୟୁ ସିଏନ ଗ୍ରୀର୍‌ ଯୋଗ୍ୟ ବିବେଚିତ ହୋଇଛନ୍ତି।...

ଏଇ ଭାରତରେ

ଏଇ ଭାରତରେ

ପୋଲିସ ପାଖକୁ ଗଲେ ପଇସା ନ ଦେଲେ କୌଣସି କାମ ହୁଏନାହିଁ। ଏହା ବାରମ୍ବାର ପ୍ରମାଣିତ ହୋଇଆସୁଛି। ଖାକି ବର୍ଦ୍ଦି ପିନ୍ଧିଥିବା ଅଧିକାଂଶ ବାବୁ ଅଭିଯୋଗକାରୀଙ୍କ ଆର୍ଥିକ କ୍ଷମତାକୁ ନ ଦେଖି ଅର୍ଥ ଦାବି କରନ୍ତି, ଯାହା ପୈଠ କରିବା କାଠିକର ପାଠ ହୋଇଯାଏ। ନିକଟରେ ବିହାର ବୈଶାଳୀ ଜିଲାର ଜଣେ ଅନାଥ ବାଳକ ଥାନାବାବୁଙ୍କ ଚାହିଦା ପୂରଣ ପାଇଁ ଭିକ୍ଷା କରିବା ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ବୈଶାଳୀ ଜିଲା କଟହରାର ଚେହରାକଳା ଗ୍ରାମର ଜଣେ ଅନାଥ ବାଳକ ବିବେକଙ୍କଠାରୁ ସମ୍ପୃକ୍ତ ଅଞ୍ଚଳର ଜଣେ ଗୁଣ୍ଡା ଶ୍ରେଣୀୟ ବ୍ୟକ୍ତି ଜୋର୍‌ କରି ଜମି ନେଇଯାଇଥିଲେ। ବିବେକ ଏ ସମ୍ପର୍କରେ ପୋଲିସରେ ଅଭିଯୋଗ କରିବାକୁ ଥାନାକୁ ଗଲେ। ମାତ୍ର ଥାନାବାବୁ ତାଙ୍କୁ ଏଥିପାଇଁ ଦଶ ହଜାର ଟଙ୍କା ଦାବି କରିଥିଲେ। ...