ସମ୍ପାଦକୀୟ |

ଦେବଦତ୍ତ ଓ ବୌଦ୍ଧଧର୍ମ

ଦେବଦତ୍ତ ଓ ବୌଦ୍ଧଧର୍ମ
ଦେବଦତ୍ତ ପଟ୍ଟନାୟକ ଗୌତମ ବୁଦ୍ଧଙ୍କର ଜଣେ ସମ୍ପର୍କୀୟ ମାଉସୀପୁଅ ଭାଇ ଥିଲେ, ଯେ କି ସବୁବେଳେ ତାଙ୍କ ସହ ଯୁକ୍ତିତର୍କ କରୁଥିଲେ ଏବଂ ତାଙ୍କୁ ବିରୋଧ କରୁଥିଲେ। ତାଙ୍କ ନଁା ଦେବଦତ୍ତ। ସେ ମଧ୍ୟ ଗୌତମଙ୍କ ଶ୍ୟାଳକ ଅର୍ଥାତ୍‌ ଯଶୋଧାରାଙ୍କ ଭାଇ ଥିଲେ। ମୋତେ ଲୋକେ ପ୍ରଶ୍ନ କରନ୍ତି: ସେହି ବୁଦ୍ଧ-ବିରୋଧୀଙ୍କ ନାମାନୁସାରେ ଆପଣଙ୍କ ନାମ ହୋଇଛି କି? ମୁଁ ମନା କରେ। କହେ- ଦେବତାଙ୍କ ଦାନ ଅର୍ଥରେ ମୋ ମାଆ ମୋର ନାମ ଦେବଦତ୍ତ ରଖିଛନ୍ତି। ତା’ଛଡ଼ା ନାରଦଙ୍କ ବୀଣା ଓ ଅର୍ଜୁନଙ୍କ ଶଙ୍ଖର ନାମ ମଧ୍ୟ ଦେବଦତ୍ତ। ପୁଣି ଅତ୍ରି ଋଷି ଓ ଅନସୂୟାଙ୍କ ପୁତ୍ର ଦତ୍ତାତ୍ରେୟଙ୍କୁ ମଧ୍ୟ ଦତ୍ତ ବା ଦେବ-ଦତ୍ତ ବା ଦତ୍ତ-ଦେବ ବୋଲି କୁହାଯାଏ। ସେ ଜଣେ ଅବଧୂତ ସନ୍ନ୍ୟାସୀ, ଯିଏ ଏକ ଦେହରେ ବ୍ରହ୍ମା, ବିଷ୍ଣୁ ଓ ଶିବଙ୍କ ଅବତାର ଏବଂ ଯାହାଙ୍କ ସାଙ୍ଗରେ ଗୋଟିଏ ଗାଈ ଓ ଚାରିଟି କୁକୁର ଥାନ୍ତି। ବୌଦ୍ଧଧର୍ମରେ ଦେବଦତ୍ତ ଶାକ୍ୟମୁନି ଗୌତମ ବୁଦ୍ଧଙ୍କ ମାଉସୀପୁଅ ଭାଇ ହେଲେ ମଧ୍ୟ ସେ ସବୁବେଳେ ତାଙ୍କୁ ବିରୋଧ କରିଆସୁଥିଲେ। ଅନେକ କାହାଣୀରେ ଦେବଦତ୍ତଙ୍କ ବିରୋଧ ଓ ଶତ୍ରୁତା ହିଁ ଗୌତମ ବୁଦ୍ଧଙ୍କ ମହନୀୟ ଚରିତ୍ର ଓ ପ୍ରଜ୍ଞାର ପ୍ରମାଣ ଦେଇଛି। ଦେବଦତ୍ତ ବୁଦ୍ଧଦେବଙ୍କ ପରି ଆକର୍ଷଣୀୟ ବ୍ୟକ୍ତିତ୍ୱ ଓ କ୍ଷମତାର ଅଧିକାରୀ ହେଲେ ମଧ୍ୟ ବୁଦ୍ଧଙ୍କ ପ୍ରତି ଈର୍ଷା ଓ ଅସୂୟା ହିଁ ତାଙ୍କ ଅଧଃପତନର କାରଣ ହୋଇଥିଲା। ଯେତେବେଳେ ଉଭୟେ ବାଳକ ଥିଲେ ଦେବଦତ୍ତ ଗୋଟିଏ ଉଡ଼ନ୍ତା ହଂସ ଦେହରେ ଗୁଳିବିଦ୍ଧ କଲେ। ହଂସଟି ଆହତ ହୋଇ ତଳେ ପଡ଼ିଯିବା ପରେ ବୁଦ୍ଧଦେବ ତାହାକୁ ପାଇ, ତା’ର ସେବାଶୁଶ୍ରୂଷା କରି ତା’ର ଜୀବନ ବଞ୍ଚାଇଲେ। ସେ ଦେବଦତ୍ତଙ୍କୁ ହଂସଟିକୁ ନ ଦେଇ ଯୁକ୍ତି କଲେ ଯେ ଯିଏ ଜୀବନ ଦେଇପାରିବ ନାହିଁ, କାହାର ଜୀବନ ନେବାର ଅଧିକାର ତା’ର ନାହିଁ। ବୌଦ୍ଧ ଭିକ୍ଷୁମାନେ ଅତ୍ୟନ୍ତ ସାଦାସିଧା ଜୀବନଯାପନ କରନ୍ତୁ ବୋଲି ଦେବଦତ୍ତ କହୁଥିଲେ, କିନ୍ତୁ ବୁଦ୍ଧ ଥିଲେ ମଧ୍ୟମ ମାର୍ଗର ଉପଦେଶକ। ଯେତେବେଳେ ବୁଦ୍ଧ ଏକ ମଠ (ବୌଦ୍ଧ ବିହାର)ର ପ୍ରତିଷ୍ଠା କଲେ, ଦେବଦତ୍ତ କହିଲେ- ତୁମେ ଏବେ ଅବସର ନେଇଯାଅ ଏବଂ ସଂସ୍ଥା ଚଳାଇବାର ଦାୟିତ୍ୱ ମୋତେ ଦେଇଦିଅ। ବୁଦ୍ଧ ଏଥିରେ ରାଜି ନ ହେବାରୁ ସେ ବିଦ୍ରୋହ କଲେ ଏବଂ ସଂଘ ଭିତରେ ବିଭାଜନ ସୃଷ୍ଟି କଲେ। ବୌଦ୍ଧ ଜାତକ ଅନୁସାରେ ପୂର୍ବଜନ୍ମଗୁଡ଼ିକରେ ମଧ୍ୟ ଦେବଦତ୍ତ ଏମିତି ବୁଦ୍ଧଙ୍କ ସହ ଶତ୍ରୁତା କରି ଆସିଛନ୍ତି। ଗୋଟିଏ ପୂର୍ବଜନ୍ମରେ ସେ କାଶୀର ରାଜା ଥିଲେ। ସେତେବେଳେ ତପସ୍ବୀ ବୁଦ୍ଧଙ୍କ କଥାରେ ରାଜନର୍ତ୍ତକୀମାନେ ପ୍ରଭାବିତ ହେବାରୁ ସେ ଈର୍ଷାପରାୟଣ ହୋଇ ତାଙ୍କୁ ନିର୍ଯାତନା ଦେଇଥିଲେ। କିନ୍ତୁ ତପସ୍ବୀ ବୁଦ୍ଧ ଅସୀମ ଧୈର୍ଯ୍ୟ ସହକାରେ ତାହା ସହ୍ୟ କରିଥିଲେ। ଗୋଟିଏ ଜନ୍ମରେ ସେ ଥିଲେ ଏକ ନିର୍ବୋଧ ବଣିକ, ଯାହାଙ୍କୁ ଗୋଟିଏ ଯକ୍ଷ ଧରି ଖାଇଦେଇଥିଲା। ଗୋଟିଏ ଜନ୍ମରେ ଦେବଦତ୍ତ ଥିଲେ ଏକ ଜଳରାକ୍ଷସ, ଯାହାଙ୍କୁ ମର୍କଟରୂପୀ ବୁଦ୍ଧ ବୁଦ୍ଧିରେ ପରାସ୍ତ କରିଥିଲେ। ଜଳରାକ୍ଷସ ପାଣି ଭିତରେ ଲୁଚି ରହି ପାଣି ପିଇବାକୁ ଆସୁଥିବା ମାଙ୍କଡ଼ମାନଙ୍କୁ ଧରି ଖାଉଥିଲେ। ମାଙ୍କଡ଼ରୂପୀ ବୋଧିସତ୍ତ୍ୱ ପାଣି ପାଖକୁ ଯିବାକୁ ମାଙ୍କଡ଼ମାନଙ୍କୁ ମନା କଲେ। ତା’ ବଦଳରେ ଏକ ବାଉଁଶ ନଳୀ ସାହାଯ୍ୟରେ ସେମାନଙ୍କ ପାଣି ପିଇବାର ବ୍ୟବସ୍ଥା କରିଦେଲେ। ଏକ ଜନ୍ମରେ ବୁଦ୍ଧଦେବ ମାଙ୍କଡ଼ମାନଙ୍କର ନେତା ଥିଲେ। ଶିକାରୀମାନଙ୍କ କବଳରୁ ମାଙ୍କଡ଼ ପ୍ରଜାମାନଙ୍କ ଜୀବନ ବଞ୍ଚାଇବା ପାଇଁ ସେ ଏକ ଗିରିଖାତ ଉପରେ ନିଜ ଦେହକୁ ଲମ୍ବାଇ ଏକ ପୋଲ ପରି କରିଦେଲେ ଏବଂ ତାଙ୍କ ମାଙ୍କଡ଼ବାହିନୀକୁ ଜଣକ ପରେ ଜଣେ ତାଙ୍କ ପିଠି ଉପରେ ଚଢ଼ି ନାଳ ପାରିହେବା ପାଇଁ ଆଦେଶ ଦେଲେ। ସେତେବେଳେ ଦେବଦତ୍ତ ତାଙ୍କ ପିଠି ଉପରକୁ ଏପରି କୁଦା ମାରିଲେ ଯେ ତାଙ୍କ ମେରୁହାଡ଼ ଭାଙ୍ଗିଗଲା। ବୁଦ୍ଧଦେବଙ୍କ ସହ ଦେବଦତ୍ତଙ୍କର ଶତ୍ରୁତା ଏତେ ବଢ଼ିଗଲା ଯେ ସେ ତାଙ୍କୁ ହତ୍ୟା କରିବାକୁ ଷଡ଼ଯନ୍ତ୍ର କଲେ। କୌଶଳକ୍ରମେ ସେ ମଗଧ ସମ୍ରାଟ୍‌ ବିମ୍ବିସାରଙ୍କ ପୁତ୍ର ରାଜକୁମାର ଅଜାତଶତ୍ରୁଙ୍କୁ ନିଜର ବଶୀଭୂତ କରିନେଲେ। ସେ ବିମ୍ବିସାରଙ୍କୁ ହତ୍ୟା କରି ନିଜେ ରାଜଗାଦି ଅକ୍ତିଆର କରିବାକୁ ଅଜାତଶତ୍ରୁଙ୍କୁ ପ୍ରବର୍ତ୍ତାଇଲେ। ତା’ପରେ ଅଜାତଶତ୍ରୁଙ୍କ ସହାୟତାରେ ଏକ ପାଗଳା ହାତୀକୁ ପଠାଇଲେ ବୁଦ୍ଧଦେବଙ୍କୁ ମାରିବା ପାଇଁ। କିନ୍ତୁ ହାତୀଟି ସର୍ବଜୀବେ ପ୍ରେମଭାବ ରଖୁଥିବା ବୁଦ୍ଧଦେବଙ୍କ ଦ୍ୱାରା ବଶୀଭୂତ ହୋଇଗଲା। ତା’ପରେ ବୁଦ୍ଧଦେବ ଏକ ପାହାଡ଼ି ରାସ୍ତାରେ ଚାଲି ଚାଲି ଯାଉଥିବା ବେଳେ ପାହାଡ଼ ଉପରୁ ପଥର ଗଡ଼ାଇ ତାଙ୍କୁ ମାରିବା ପାଇଁ ଦେବଦତ୍ତ ଲୋକ ନିଯୁକ୍ତ କଲେ। କିନ୍ତୁ ସେହି ଲୋକମାନେ ବି ବୁଦ୍ଧଙ୍କ ଦ୍ୱାରା ବଶୀଭୂତ ହୋଇ ତାଙ୍କର ଦୀକ୍ଷା ନେଲେ ଓ ତାଙ୍କଠାରୁ ହିଂସାଭାବ ଦୂର ହୋଇଗଲା। ବୁଦ୍ଧଙ୍କୁ ମାରିବାର ସମସ୍ତ ଚେଷ୍ଟା ଦେବଦତ୍ତଙ୍କର ବ୍ୟର୍ଥ ହୋଇଗଲା। ଇତିମଧ୍ୟରେ ଉଭୟେ ବାର୍ଦ୍ଧକ୍ୟରେ ଉପନୀତ ହୋଇଥାନ୍ତି। ନିଜର କୃତକର୍ମ ପାଇଁ ଦେବଦତ୍ତଙ୍କ ମନରେ ଅନୁତାପ ଆସିଲା। ସେ ବୁଦ୍ଧଙ୍କଠାରୁ କ୍ଷମା ମାଗିବାକୁ ମନେ ମନେ ଚିନ୍ତା କଲେ। କିନ୍ତୁ ପର ମୁହୂର୍ତ୍ତରେ ପୁଣି ତାଙ୍କ ମନରେ ପ୍ରତିହିଂସା ଜାଗିଲା। ସେହି ସମୟରେ ପୃଥିବୀ ଫାଟିଗଲା ଓ ଦେବଦତ୍ତ ତା’ ଭିତରେ ପୋତି ହୋଇ ମୃତ୍ୟୁବରଣ କଲେ ଏବଂ ତାଙ୍କର ନରକଗତି ହେଲା। ଏହାର ଶହ ଶହ ବର୍ଷ ପରେ ଯେତେବେଳେ ଖ୍ରୀଷ୍ଟିଆନ ମିଶନାରୀମାନେ ଆସିଲେ ଥାଇଲାଣ୍ଡର ବୌଦ୍ଧଧର୍ମାବଲମ୍ବୀମାନଙ୍କୁ ଧର୍ମାନ୍ତରିତ କରାଇବା ପାଇଁ, ସେତେବେଳେ ଥାଇଲାଣ୍ଡର ରାଜା ଦେଖିଲେ ସେମାନଙ୍କ ବେକରେ ଏକ କ୍ରସ୍‌ ଚିହ୍ନ ଉପରେ ଯିଶୁଖ୍ରୀଷ୍ଟଙ୍କ ବିଗ୍ରହର ଲକେଟ୍‌ ଶୋଭା ପାଉଛି। ମିଶନାରୀମାନେ କହିଲେ ଯେ ଖ୍ରୀଷ୍ଟ ହେଉଛନ୍ତି ତାଙ୍କର ତ୍ରାଣକର୍ତ୍ତା। କିନ୍ତୁ ଥାଇଲାଣ୍ଡର ରାଜା ଓ ପାରିଷଦବର୍ଗଙ୍କର ମନେହେଲା ଖ୍ରୀଷ୍ଟ ହେଉଛନ୍ତି ନରକ ଯନ୍ତ୍ରଣା ଭୋଗ କରୁଥିବା ସେଇ ଦେବଦତ୍ତ। ତେଣୁ ସେମାନେ ମିଶନାରୀମାନଙ୍କ ପ୍ରସ୍ତାବକୁ ଗ୍ରହଣ ନ କରି ନିଜର ବୌଦ୍ଧଧର୍ମ ପ୍ରତି ବିଶ୍ୱସ୍ତ ରହିଲେ। ସୁତରାଂ ବୁଦ୍ଧଦେବଙ୍କ ଜୀବନକାଳରେ ତାଙ୍କର ପରମ ଶତ୍ରୁ ପାଲଟିଥିବା ଦେବଦତ୍ତ ମୃତ୍ୟୁ ପରେ ପରୋକ୍ଷରେ ଥାଇଲାଣ୍ଡରେ ବୌଦ୍ଧଧର୍ମର ସୁରକ୍ଷା କଲେ। (ଲେଖକ ଜଣେ ବିଶିଷ୍ଟ ପୁରାଣବିତ୍‌ ଏବଂ ପୁରାଣଶାସ୍ତ୍ର ଉପରେ ସେ ଅନେକ ପୁସ୍ତକ ରଚନା କରିଛନ୍ତି। ତାଙ୍କ ପୁସ୍ତକଗୁଡ଼ିକ ଭୁବନେଶ୍ୱର ମାଷ୍ଟର କ୍ୟାଣ୍ଟିନ୍‌ ଛକରେ ଥିବା ମଡର୍ନ ବୁକ୍‌ ଡିପୋରେ ଉପଲବ୍ଧ।) ଇମେଲ୍‌: devdutt@devdutt.com
All Right Reserved By

ସମ୍ପାଦକୀୟ |

ଇଣ୍ଡୋନେସିଆରେ ସୁନାମି, ଭାରତରେ ଭୟ

ଇଣ୍ଡୋନେସିଆରେ ସୁନାମି, ଭାରତରେ ଭୟ

୨୦୧୮ ଜୁଲାଇ ଓ ଅଗଷ୍ଟ ମାସର ଭୂକମ୍ପ ପରେ ସେପ୍ଟେମ୍ବର ୨୮ ତାରିଖର ଭୂକମ୍ପ ଥିଲା ଇଣ୍ଡୋନେସିଆରେ ଏ ବର୍ଷର ତୃତୀୟ ତଥା ଶକ୍ତିଶାଳୀ। ଇଣ୍ଡୋନେସିଆରେ ଛୋଟ-ବଡ଼ ଭୂକମ୍ପ ସାଧାରଣ କଥା।

ସମ୍ଭ୍ରାନ୍ତ ଠାଣି

ସମ୍ଭ୍ରାନ୍ତ ଠାଣି

ଅକ୍ଟୋବର ୧୩ ଅପରାହ୍ଣ ୪ଟା ୪୫ ମିନିଟ୍‌ରେ ଦିଲ୍ଲୀ ନିକଟସ୍ଥ ଗୁଡ୍‌ଗାଓଁର ଜିଲା କୋର୍ଟ ଭିତରେ ଅତିରିକ୍ତ ଦୌରା ଜଜ୍‌ କ୍ରିଷ୍ଣକାନ୍ତ ଶର୍ମା ଅନ୍ୟ ଜଣେ ବିଚାରପତିଙ୍କ ସହ କଥା ହେଉଥିବା ବେଳେ ତାଙ୍କ ମୋବାଇଲ୍‌ ଫୋନ୍‌କୁ ଏକ କଲ୍‌ ଆସିଲା। ଫୋନ୍‌ କରିଥିବା ବ୍ୟକ୍ତି ଥିଲେ କ୍ରିଷ୍ଣକାନ୍ତଙ୍କ ବ୍ୟକ୍ତିଗତ ସୁରକ୍ଷାକର୍ମୀ ମହିପାଲ ସିଂ।

 ବିବାଦରେ ଆକବର

ବିବାଦରେ ଆକବର

ଆକାର ପଟେଲ

ପ୍ରାୟ ୨୫ ବର୍ଷ ତଳେ ମୁଁ କାର୍ଯ୍ୟ ଅନ୍ବେଷଣରେ ସୁରତରୁ ବମ୍ବେ (ସେତେବେଳେ ମୁମ୍ବାଇ ନାଁ ହୋଇ ନ ଥିଲା) ଆସିଲି। ଆମ ପାରିବାରିକ ବ୍ୟବସାୟ ‘ପଲିଷ୍ଟର ପୋଷାକ ତିଆରି’ ଆଉ ଚାଲିଲା ନାହିଁ। ମୁଁ ଟେକ୍ସଟାଇଲ ବିଦ୍ୟାରେ ଡିପ୍ଲୋମା କରିଥିଲି। ବିଦ୍ୟାଳୟ ଶିକ୍ଷା ପରେ ଏହି ଡିପ୍ଲୋମା କରିବାରେ ମୋର ଦୁଇବର୍ଷ ଚାଲିଗଲା। ସୁତରାଂ କୌଣସି ଅଫିସ ଚାକିରି ପାଇଁ ମୋର ଶିକ୍ଷାଗତ ଯୋଗ୍ୟତା ନ ଥିଲା। ଜଣେ ...

ଶ୍ୱେତକେତୁ, ବିଛୁଆତି ଓ ଧାରା-୪୯୭

ଶ୍ୱେତକେତୁ, ବିଛୁଆତି ଓ ଧାରା-୪୯୭

ପ୍ରକାଶ ତ୍ରିପାଠୀ

ଶୁଣିଥିବା ଏକ ପୌରାଣିକ କଥାବସ୍ତୁରୁ ଆଲେଖ୍ୟଟିକୁ ଆରମ୍ଭ କରୁଛୁ। ଋଷି ଉଦ୍ଦାଳକ ଓ ତାଙ୍କ ପୁତ୍ର ଶ୍ୱେତକେତୁ ନିଜ ଆଶ୍ରମ ସନ୍ନିକଟରେ ବସି କୌଣସି ଏକ କାର୍ଯ୍ୟ ସମ୍ପାଦନ କରୁଥିଲେ। ଆଶ୍ରମରେ ସେତେବେଳେ ଉଦ୍ଦାଳକଙ୍କ ପତ୍ନୀ ଏକୁଟିଆ ଥିଲେ। ଏହି ସମୟରେ ଜଣେ ବ୍ୟକ୍ତି ଆଶ୍ରମ ଭିତରକୁ ପ୍ରବେଶ କରି ଉଦ୍ଦାଳକଙ୍କ ପତ୍ନୀଙ୍କୁ ଧରି ପଳାୟନ କଲେ। ଉଭୟ ପିତା ଓ ପୁତ୍ରଙ୍କ ଆଖି ସାମ୍ନାରେ ଘଟଣାଟି ...

ମୁଖ୍ୟ ଅର୍ଥନୀତିଜ୍ଞ

ମୁଖ୍ୟ ଅର୍ଥନୀତିଜ୍ଞ

ବ୍ୟକ୍ତିତ୍ୱ/ଜିତେନ୍ଦ୍ର

ବିଶ୍ୱର ୧୮୯ ଦେଶ ମଧ୍ୟରେ ଆର୍ଥିକ ସହଯୋଗ ବୃଦ୍ଧି, ବାଣିଜ୍ୟକୁ ସୁଗମ କରିବା, ଉଚ୍ଚ ନିଯୁକ୍ତି ସୁଯୋଗ ସୃଷ୍ଟି ଓ ନିରନ୍ତର ଅର୍ଥନୈତିକ ଅଭିବୃଦ୍ଧି ଏବଂ ବିଶ୍ୱରୁ ଦାରିଦ୍ର୍ୟ ହ୍ରାସ ଦିଗରେ କାର୍ଯ୍ୟ କରିବା ହେଉଛି ଅନ୍ତର୍ଜାତୀୟ ମୁଦ୍ରା ପାଣ୍ଠି (ଆଇଏମ୍‌ଏଫ୍‌)ର ମୁଖ୍ୟ ଉଦ୍ଦେଶ୍ୟ। ୧୯୪୫ରେ ଗଠିତ ଏହି ବିଶ୍ୱ ସଂସ୍ଥାର ମୁଖ୍ୟାଳୟ ଆମେରିକା ରାଜଧାନୀ ଓ୍ବାଶିଂଟନ ଡି.ସି.ରେ ଅବସ୍ଥିତ। ଅନ୍ତର୍ଜାତୀୟ ସ୍ତରରେ ...

ଏଇ ଭାରତରେ

ଏଇ ଭାରତରେ

କେତେକ ବ୍ୟକ୍ତି ଉଚ୍ଚ ପଦପଦବୀରେ ଅଧିଷ୍ଠିତ ହୋଇଥିଲେ ବି ସେମାନଙ୍କ ମନକୁ ଅହଂକାର ଛୁଇଁ ନ ଥାଏ। ସେମାନେ ସମାଜ ପାଇଁ କିଛି ନୂଆ ବାର୍ତ୍ତା ଦେବାକୁ ପ୍ରୟାସ କରିଥାଆନ୍ତି। ଏପରି ଏକ ଘଟଣାକ୍ରମରେ ମହାରାଷ୍ଟ୍ର ନାସିକ ଅଞ୍ଚଳର ଡାକ୍ତର ଦୁଇଭାଇ ଆସନ୍ତା ମାସରେ ଶ୍ରୀନଗରରୁ କନ୍ୟାକୁମାରୀ ଯାତ୍ରା କରି ‘ସୁସ୍ଥ ଜୀବନଶୈଳୀ’ର ବାର୍ତ୍ତା ପ୍ରଚାର କରିବେ। ସେମାନେ ହେଉଛନ୍ତି ଡା. ମହେନ୍ଦ୍ର ମହାଜନ ...

ସୁରକ୍ଷା ରଣନୀତି

ସୁରକ୍ଷା ରଣନୀତି


ଦିଲ୍ଲୀକା ବାବୁ/ ଦିଲୀପ ଚେରିଏନ୍‌

୨୦୧୯ ସାଧାରଣ ନିର୍ବାଚନ ପୂର୍ବରୁ କେନ୍ଦ୍ର ସରକାର ଜାତୀୟ ସୁରକ୍ଷା ବ୍ୟବସ୍ଥାରେ ଉନ୍ନତି ଆଣିବାକୁ ଚେଷ୍ଟା କରିଛନ୍ତି। ଗତ କିଛିମାସ ଭିତରେ ସରକାର ପ୍ରତିରକ୍ଷା ଯୋଜନା କମିଟି (ଡିପିସି) ଗଠନ କରିଛନ୍ତି, ଜାତୀୟ ସୁରକ୍ଷା କାଉନ୍‌ସିଲ ସେକ୍ରେଟାରିଏଟ୍‌ ପାଇଁ ବଜେଟ୍‌ ବୃଦ୍ଧି କରିଛନ୍ତି ଏବଂ ଜାତୀୟ ସୁରକ୍ଷା ପରିଷଦକୁ ସହାୟତା କରିବା ପାଇଁ ଷ୍ଟ୍ରାଟେଜିକ୍‌ ପଲିସି ଗ୍ରୁପ୍‌ (ଏସ୍‌ପିଜି)ର ପୁନର୍ଗଠନ କ...

ସର୍ବୋଚ୍ଚ ଅଦାଲତଙ୍କ ଗୁରୁତ୍ୱପୂର୍ଣ୍ଣ ରାୟ

ସର୍ବୋଚ୍ଚ ଅଦାଲତଙ୍କ ଗୁରୁତ୍ୱପୂର୍ଣ୍ଣ ରାୟ

ମନ-ମାନଚିତ୍ର/ ଡ. ନରହରି ବେହେରା

ଆମ ଦେଶରେ ସର୍ବୋଚ୍ଚ ନ୍ୟାୟାଳୟର ସ୍ଥାନ କୌଣସି ପବିତ୍ର ଦେବାଳୟଠାରୁ କମ୍‌ ନୁହେଁ। ଯେକୌଣସି ବିବଦମାନ ବିଷୟରେ ନ୍ୟାୟାଳୟର ନିର୍ଣ୍ଣାୟକ ମନ୍ତବ୍ୟକୁ ଉକତ୍ଣ୍ଠାର ସହିତ ଅପେକ୍ଷା କରିଥାନ୍ତି ଜନସାଧାରଣ। ଏବେ ସର୍ବୋଚ୍ଚ ନ୍ୟାୟାଳୟ ଯେଉଁ କେତୋଟି ରାୟ ଶୁଣାଇଛନ୍ତି, ସେଗୁଡ଼ିକ ରାଜନୀତିକ, ସାମାଜିକ ଏବଂ ପାରମ୍ପରିକ ଦୃଷ୍ଟିକୋଣରୁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ତେଣୁ ଏହି ରାୟ ଉପରେ ବିତର୍କ ହେବା ସ୍ବାଭାବିକ।...

ସରଳତାର ସଂଜ୍ଞା

ସରଳତାର ସଂଜ୍ଞା

ସୁଧିରାଜ ରାଉତ

ବନ୍ଧୁ ଆଉ ମୁଁ ଫେରୁଥାଉ ମାଲକାନଗିରିରୁ। ସର୍ପିଳ ରାସ୍ତା, ଅଙ୍କାବଙ୍କା ନଈ, ଶାଳ, ପିଆଶାଳର ମାଇଲ ମାଇଲ ସାମ୍ରାଜ୍ୟ। ବନ୍ଧୁ କହିଲେ- ଏହି ଘଞ୍ଚ ବନାନୀ, ଦୁର୍ଗମ ପାହାଡ଼ ଓ ଆଦିବାସୀଙ୍କ ସରଳତାର ସୁଯୋଗ ନେଇ କିଛି ଧୂର୍ତ୍ତ ସେମାନଙ୍କୁ ଧରାଇ ଦେଇଛନ୍ତି ବନ୍ଧୁକ, ସଜାଇ ଦେଇଛନ୍ତି ମାଓବାଦୀ। ମୁଁ ଝରକା ଆଉ ଝରଣା ଆଡୁ ମୁହଁ ଫେରାଇ ବନ୍ଧୁଙ୍କୁ କହିଲି- ସରଳତା ଶବ୍ଦଟିକୁ ଆମେ ଯତ୍ରତତ୍ର ବ୍ୟବହାର କରୁଛୁ। ଆଦିବାସୀଙ୍କ ଶିକ୍ଷାର ଅଭାବ, ଅଜ୍ଞାନତା, ମାନସିକ ଅନଗ୍ରସରତାର ସୁଯୋଗ ନେଉଛନ୍ତି ଅନ୍ୟମାନେ। ଅଜ୍ଞାନତା କ’ଣ ସରଳତା? ଜଣେ ମାଓ କିଏ ଚିହ୍ନିନାହିଁ, ଅଥଚ ମାଓବାଦୀ ହୋଇଯାଉଛି- ଏହା ଅଜ୍ଞାନତା, ମୋଟେ ସ...

ଏଇ ଭାରତରେ

ଏଇ ଭାରତରେ

କୋଲକାତା ଦୁର୍ଗାପୂଜାର ପ୍ରସିଦ୍ଧି ବିଷୟରେ ସମସ୍ତେ ଅବଗତ। କିନ୍ତୁ ଉତ୍ତର କୋଲକାତାରେ ରାସ୍ତାକଡର ପିଲାଙ୍କ ଦ୍ୱାରା ନୂଆକରି ଏକ ଦୁର୍ଗାପୂଜା ଆରମ୍ଭ ହୋଇଛି। ଏହାକୁ ‘ଫୁଟ୍‌ପାଥ୍‌ ଦୁର୍ଗାପୂଜା’ କୁହାଯାଉଛି। ରାସ୍ତାକଡ ଝୁମ୍ପୁଡ଼ିରେ ବାସ କରୁଥିବା ପିଲାମାନେ ପ୍ରତିବର୍ଷ ଜନଗହଳିପୂର୍ଣ୍ଣ ଦୁର୍ଗାପୂଜା ଦେଖିବାକୁ ଯାଆନ୍ତି। କିନ୍ତୁ କେବେ ମା’ ଦୁର୍ଗାଙ୍କୁ ପୂଜା କରିବାର ଅବସର ପାଇ ନ ଥିଲେ। ଅପରିଚ୍ଛନ୍ନ ପୋଷା ...

 ଆଜିର ଅର୍ଥନୀତି/ ଜନସ୍ବାର୍ଥବିରୋଧୀ

ଆଜିର ଅର୍ଥନୀତି/ ଜନସ୍ବାର୍ଥବିରୋଧୀ

ଭାରତୀୟ ଷ୍ଟେଟ୍‌ ବ୍ୟାଙ୍କ (ଏସ୍‌ବିଆଇ) ଏଟିଏମ୍‌ରୁ ଦୈନିକ ଉଠାଣ ସୀମା ୪୦,୦୦୦ ଟଙ୍କାରୁ ୨୦,୦୦୦ ଟଙ୍କାକୁ ହ୍ରାସ କରିଛନ୍ତି। ଭାରତୀୟ ବ୍ୟାଙ୍କିଙ୍ଗ୍‌ କୋଡ୍‌ ଓ ମାନକ ପରିଷଦ (ବିସିଏସ୍‌ବିଆଇ)ର ନିୟମ ଅନୁସାରେ ବ୍ୟାଙ୍କର କୌଣସି ବି ସର୍ତ୍ତାବଳିରେ ପରିବର୍ତ୍ତନ କରାଯିବାର ଅନ୍ତତଃ ୩୦ ଦିନ ପୂର୍ବରୁ ଗ୍ରାହକମାନଙ୍କୁ ବିଜ୍ଞପ୍ତି ଜରିଆରେ ଅବଗତ କରାଇବା ଦରକାର। ତେଣୁ ଉକ୍ତ ହ୍ରାସପ୍ରାପ୍ତ ଉଠାଣ ସୀମା ଅକ୍ଟୋବର ୩୧ରୁ କାର୍ଯ୍ୟକାରୀ ହେବ। ନୂଆ ନିୟମ କାର୍ଯ୍ୟକାରୀ ହେବା ପୂର୍ବରୁ ବ୍ୟାଙ୍କ ତା’ର ଶାଖାଗୁଡ଼ିକୁ ଏ ବାବଦରେ ନୋଟି...

ଭ୍ରଷ୍ଟାଚାରକୁ ପ୍ରୋତ୍ସାହନ

ଭ୍ରଷ୍ଟାଚାରକୁ ପ୍ରୋତ୍ସାହନ

ଜନାର୍ଦ୍ଦନ ବନ୍ଦ୍ୟୋପାଧ୍ୟାୟ 

ଗତ ତା୨୭ା୯ା୨୦୧୮ରିଖର ଏକ ଐତିହାସିକ ସିଦ୍ଧାନ୍ତରେ ସର୍ବୋଚ୍ଚ ନ୍ୟାୟାଳୟ ଦାମ୍ପତ୍ୟ ଜୀବନରେ ପରକୀୟା ପ୍ରୀତିଙ୍କୁ ଆଇନସିଦ୍ଧ ଘୋଷଣା କରିଛନ୍ତି। ଫଳରେ ସମାଜ ଜୀବନରେ ଅଭୂତପୂର୍ବ ନୈତିକ ବିଶୃଙ୍ଖଳା ଘଟିବାର ଆଶଙ୍କା ସୃଷ୍ଟି ହୋଇଛି। ଏହାଦ୍ୱାରା କାଳେ ଦେଶର ନାରୀ ସମାଜ ସ୍ବାମୀ ଏବଂ ସଂସାରର ପରାଧୀନତା ଶୃଙ୍ଖଳରୁ ମୁକ୍ତ ହୋଇ ପରପୁରୁଷ ସହିତ ଅବାଧ ଯୌନ ଉପଭୋଗର ଆନନ୍ଦ ନେଇ ପାରିବେ- ଯଦିଓ ଭାରତୀୟ ନାରୀମାନେ କେବେ ବି ସ୍ବାମୀ ଏବଂ ସଂସାରର ସ୍ନେହପ୍ରୀତି ଏବଂ ନୈତିକତାର ବନ୍ଧନକୁ ପରାଧୀନତା ମନେକରିବା ଶୁଣାଯାଇ ନାହିଁ। ସମାଜ ଜୀବନକୁ ଶୃଙ୍ଖଳିତ କରିବା ପାଇଁ କେଉଁ ଆବହମାନ କାଳରୁ ଆରମ୍ଭ ହୋଇଛି ନରନାରୀଙ୍କ ମଧ୍ୟ...