ମେଟ୍ରୋ |

‘ସାହିତ୍ୟ ଅନ୍ତରରୁ ଆସେ’

‘ସାହିତ୍ୟ ଅନ୍ତରରୁ ଆସେ’
ଭୁବନେଶ୍ୱର,୮।୧୨(ବ୍ୟୁରୋ)- ଦୃଢ଼ ନିଷ୍ଠା, ଗଭୀର ଅଧ୍ୟବସାୟ, ଓଡ଼ିଆ ଭାଷା ପ୍ରତି ଥିବା ସମ୍ମାନ ଆଜି ତାଙ୍କୁ ଦେଇଛି ଶ୍ରେଷ୍ଠତାର ପରିଚୟ। ସାହିତ୍ୟ ଜଗତର ଅତି ଜଣାଶୁଣା କବି ରବି ସିଂ। ନିଜର ସାରସ୍ବତ ସାଧନା ପାଇଁ ସେ ଚଳିତବର୍ଷ ଓଡ଼ିଶା ସାହିତ୍ୟ ଏକାଡେମୀର ସର୍ବୋଚ୍ଚ ପୁରସ୍କାର ‘ଅତିବଡ଼ୀ ଜଗନ୍ନାଥ ଦାସ ପୁରସ୍କାର’ ପାଇବାକୁ ମନୋନୀତ ହୋଇଛନ୍ତି। ତାଙ୍କର ଅନେକ ରଚନା ମଧ୍ୟରେ ରହିଛି କବିତାଗ୍ରନ୍ଥ ସର୍ବହରା, ପଥପ୍ରାନ୍ତର କବିତା, ଚରମ ପତ୍ର, ଶିଥିଳ ବଲ୍‌ଗା, ଭ୍ରୁକୂଟୀ, ବିଷବାଣୀ ଭଳି କୃତି, ଯାହା ପାଠକଙ୍କୁ ଦେଇପାରିଛି ପ୍ରବଳ ଆତ୍ମସନ୍ତୋଷ। ଏହା ବ୍ୟତୀତ ଆତ୍ମଜୀବନୀ ‘ନିଃସଙ୍ଗ ପଦାତିକ’, ସମାଲୋଚନା ସାହିତ୍ୟ ‘ସଂସ୍କୃତିର ବୈପ୍ଲବୀକ ମୂଲ୍ୟବୋଧ’ ଭଳି କୃତି ତାଙ୍କ ଲେଖନୀ ମୁନକୁ କରିଛି ଆହୁରି ସମୃଦ୍ଧ। ଉଚ୍ଚକୋଟୀର ସାହିତ୍ୟ ପାଇଁ ସେ ସାହିତ୍ୟ ଏକାଡେମୀଠାରୁ ଆରମ୍ଭ କରି ଅନେକ ପୁରସ୍କାର ପୂର୍ବରୁ ଗ୍ରହଣ କରିସାରିଛନ୍ତି। ଚଳିତବର୍ଷ ଅତିବଡ଼ୀ ଜଗନ୍ନାଥ ଦାସ ପୁରସ୍କାର ପାଇବାକୁ ମନୋନୀତ ହେବା ପରେ ତାଙ୍କ ସହ ଧରିତ୍ରୀର ସ୍ବତନ୍ତ୍ର ସାକ୍ଷାତ୍‌କାର। ପ୍ର- ‘ଅତିବଡ଼ୀ ଜଗନ୍ନାଥ ଦାସ ପୁରସ୍କାର’; ଓଡ଼ିଶା ସାହିତ୍ୟ ଏକାଡେମୀର ଏହି ସର୍ବୋଚ୍ଚ ପୁରସ୍କାର ପାଇବା ପରେ କେମିତି ଲାଗୁଛି? ଅତିବଡ଼ୀ ଜଗନ୍ନାଥ ଦାସ ପୁରସ୍କାର ପାଇବି ବୋଲି କେବେ ଭାବି ନ ଥିଲି କି ଆଶା ମଧ୍ୟ ନ ଥିଲା। ଅନେକ ସାହିତ୍ୟ ରଚନା କରିବା ସହ ଛୋଟବଡ଼ ଅସଂଖ୍ୟ ପୁରସ୍କାର ଆଗରୁ ପାଇସାରିଛି। ପୁରସ୍କାର ପାଇବା ପାଇଁ ମୁଁ କେବେ ଲବି କିମ୍ବା କୌଣସି ଯୋଗାଡ଼ କରିନାହିଁ। ହଠାତ୍‌ ଏ ନେଇ ଫୋନକଲ୍‌ ପାଇବା ପରେ ବିସ୍ମିତ ହୋଇଯାଇଥିଲି। କାରଣ, ମୁଁ ଜଣେ ବିବାଦୀୟ ଲୋକ। ବିବାଦରେ ରହିବା ସହ ବହୁ ବିବାଦ ମଧ୍ୟ ସୃଷ୍ଟି କରିଛି। ତେଣୁ ଏହି ପୁରସ୍କାର ମୋ ପାଇଁ ଅପ୍ରତ୍ୟାଶିତ ଥିଲା। ପ୍ର- ବର୍ତ୍ତମାନ ସାହିତ୍ୟର ସ୍ଥିତି କିପରି? ସାହିତ୍ୟର ସ୍ଥିତି ଭଲ ନାହିଁ। ସବୁ କେବଳ ଯୋଗାଡ଼ ହିଁ ଚାଲିଛି। ବିଶେଷ କରି କବିତାର ସ୍ଥିତି ଦୁର୍ବଳ ରହିଛି। ଏବେ ଯେଉଁ କବିତା ରଚନା ହେଉଛି, ତାହାର କଡ଼ାକର ମୂଲ୍ୟ ନାହିଁ। କାରଣ, ଗଦ୍ୟଗୁଡ଼ିକ ତଳକୁ ତଳ ସଜେଇ ଲେଖିଲେ, ତାହାକୁ କବିତା ବୋଲି କୁହାଯିବ ନାହିଁ। ସେଥିରେ କୌଣସି ସାମାଜିକ ବାର୍ତ୍ତା ନାହିଁ। ଏଥିପାଇଁ ଉତ୍ସର୍ଗୀକୃତ ମନୋଭାବ ରହିବା ଆବଶ୍ୟକ। ପ୍ର- ପୂର୍ବରୁ ରଚନା ହେଉଥିବା କବିତା ଆଉ ଏବେକାର କବିତା ଭିତରେ କିଛି ପ୍ରଭେଦ ରହିଛି ବୋଲି ଭାବୁଛନ୍ତି କି? ନିଶ୍ଚିତ ଭାବେ ପ୍ରଭେଦ ରହିଛି। କବି ଭଗବତୀ ଚରଣ ପାଣିଗ୍ରାହୀ, କବି ଅନନ୍ତ ପଟ୍ଟନାୟକଙ୍କ କବିତା ହୃଦୟକୁ ଛୁଉଁଥିଲା। କବିତାଗୁଡ଼ିକ ଅନେକ ସାମାଜିକ ବାର୍ତ୍ତା ମଧ୍ୟ ଦେଉଥିଲା। ମାତ୍ର ଏବେକାର କବିତାରେ ସେ ସବୁ ନାହିଁ। କେବଳ ଯୋଗାଡ଼ କରି କିଛି ଲେଖା ଛପେଇ ଦେଇ ଅନେକ ନଁା କରିବାକୁ ଚାହୁଁଛନ୍ତି। ପ୍ର- ସ୍ଥିତିରେ ସୁଧାର ଆଣିବା ପାଇଁ କ’ଣ ପଦକ୍ଷେପ ଜରୁରୀ? ଏଭଳି ସ୍ଥିତିରେ ସୁଧାର ଆଣିବା ପାଇଁ ଉତ୍ସର୍ଗୀକୃତ ମନୋଭାବ ରହିବା ଜରୁରୀ। ଓଡ଼ିଆ ଭାଷାରେ ଗଭୀର ଜ୍ଞାନର ଆବଶ୍ୟକତା ରହିଛି। ଅନେକ ଅଧ୍ୟାପକ ଶୁଦ୍ଧ ଓଡ଼ିଆ ଲେଖି ପାରୁନାହାନ୍ତି। ଏଥିରୁ ଓଡ଼ିଆ ଭାଷାର ସ୍ଥିତି ପ୍ରମାଣିତ ହେଉଛି। ଯେଉଁଠି ଭାଷାର ଅବସ୍ଥା ଦାରିଦ୍ର୍ୟ, ସେଠାରେ ସାହିତ୍ୟର ଅବସ୍ଥା ଅନୁମେୟ। ବର୍ତ୍ତମାନର ଇଣ୍ଟରନେଟ୍‌ ଯୁଗରେ ଅନେକ ଯୁବପିଢ଼ି ଓଡ଼ିଆ ଭାଷା ସମ୍ପର୍କରେ କିଛି ଜାଣୁନାହାନ୍ତି। ଓଡ଼ିଆ ସଂସ୍କୃତି, ପରମ୍ପରା ଅନେକଙ୍କୁ ଅବଗତ ନାହିଁ। ତେଣୁ ବର୍ତ୍ତମାନର ପରିସ୍ଥିତି ହତାଶମୟ ହୋଇପଡ଼ିଛି। ପ୍ର- ବର୍ତ୍ତମାନର ଅନୁବାଦ ପ୍ରକୃତ ସାହିତ୍ୟକୁ ବିକୃତ କରୁଛି କି? ଅନୁବାଦ ସାହିତ୍ୟକୁ ବିକୃତ କରେ ନାହିଁ। ମୁଁ ଅନ୍ୟୁନ ୧୦ଟି ବହି ଅନୁବାଦ କରିଛି। ତେବେ ଏହା ସହଜ କାମ ନୁହେଁ। ଅନୁବାଦ ଓ ଆକ୍ଷରିକ ଅନୁବାଦ ସମାନ କଥା ନୁହେଁ। ଅନୁବାଦ କରିବାକୁ ହେଲେ ନିଜେ ତା’ ଭିତରେ ପଶିବାକୁ ହେବ। ମୂଳ ଚିନ୍ତାଧାରାକୁ ଅକ୍ଷତ ରଖି ନିଜ ଭାଷାରେ ଲେଖିବାକୁ ହେବ। ଅନୁବାଦର ମର୍ମବସ୍ତୁକୁ ଆଣି ଥୋଇବା ବଦଳରେ ବାଜେ ଭାଷା ବ୍ୟବହାର କରାଯାଉଥିବାରୁ ତାହା ପଢ଼ିବାକୁ ସୁଖକର ହେଉନାହିଁ। ପ୍ର- ଯୁବ ସାହିତି୍ୟକଙ୍କ ପାଇଁ ଆପଣଙ୍କର କ’ଣ ବାର୍ତ୍ତା ରହିବ? ବାର୍ତ୍ତା ପ୍ରଧାନମନ୍ତ୍ରୀ, ରାଜ୍ୟପାଳ, ମୁଖ୍ୟମନ୍ତ୍ରୀ, ଏମାନେ ଦିଅନ୍ତି। ଏମାନଙ୍କ ମଧ୍ୟରୁ ମୁଁ କେହି ନୁହେଁ। ତେଣୁ ବାର୍ତ୍ତା ଦେଲା ଭଳି କିଛି ନାହିଁ। ସାହିତ୍ୟ ଅନ୍ତରରୁ ଆସେ, ଯୋଗାଡ଼ କଲେ ହୁଏ ନାହିଁ। ଏଥିପ୍ରତି ନିଜର ଅନୁରକ୍ତି ବ୍ୟକ୍ତ କରିବା ଆବଶ୍ୟକ। ପ୍ରଥମେ ଭାଷା ଜ୍ଞାନ ରଖିବା ନିହାତି ଦରକାର। ପ୍ର- ଆଗାମୀ ପଦକ୍ଷେପ କ’ଣ? ମୁଁ ୫୦ଖଣ୍ଡ ବହି ଲେଖିବା ସହ ବହୁ ପ୍ରବନ୍ଧ ଆଦି ଲେଖିସାରିଛି। ଗୋଆ ମୁକ୍ତି ଆନ୍ଦୋଳନରେ ଯୋଗଦେବାବେଳେ ମୋ ଆଖି ନଷ୍ଟ ହୋଇଯାଇଛି। ତେଣୁ ଆଉ ଲେଖି ପାରୁନାହିଁ କି ପଢ଼ି ବି ପାରୁନାହିଁ। ଦୁଃଖ ଲାଗୁଛି କି, ଡାକିଲେ ମଧ୍ୟ ଶୁଦ୍ଧ ଓଡ଼ିଆ ପଦେ ଲେଖିବା, ଲୋକଙ୍କଠାରେ ଅଭାବ ରହିଛି। ତେଣୁ ଆଗକୁ କ’ଣ କରିବି କିଛି ଭାବି ପାରୁନି। ସାକ୍ଷାତ୍‌କାର: ବନ୍ଦନା ସେଠୀ
All Right Reserved By

ମେଟ୍ରୋ |

କୋଣାର୍କରେ ବିଜେଡିର ଜନ ସମ୍ପର୍କ ପଦଯାତ୍ରା

କୋଣାର୍କରେ ବିଜେଡିର ଜନ ସମ୍ପର୍କ ପଦଯାତ୍ରା

କୋଣାର୍କ,୨୧।୧୦(ଡି.ଏନ୍‌.ଏ.): କାକଟପୁର  ନିିର୍ବାଚନ ମଣ୍ଡଳୀ ଅଧୀନ କୋଣାର୍କ ଏନ୍‌ଏସିରେ ବିଜୁ ଜନତା ଦଳ ପକ୍ଷରୁ ରବିବାର ଜନ ସମ୍ପର୍କ ପଦଯାତ୍ରା ଅନୁଷ୍ଠିତ ହୋଇଯାଇଛି।

ତିତ୍‌ଲି ଦ୍ୱାରା କ୍ଷତିଗ୍ରସ୍ତ ବିଦ୍ୟୁତ୍‌ ଭିତ୍ତିଭୂମିର ପୁନଃସ୍ଥାପନା ଜାରି, ୨୦୦୦ କର୍ମଚାରୀ ନିୟୋଜିତ

ତିତ୍‌ଲି ଦ୍ୱାରା କ୍ଷତିଗ୍ରସ୍ତ ବିଦ୍ୟୁତ୍‌ ଭିତ୍ତିଭୂମିର ପୁନଃସ୍ଥାପନା ଜାରି, ୨୦୦୦ କର୍ମଚାରୀ ନିୟୋଜିତ

ଭୁବନେଶ୍ୱର,୨୧।୧୦(ବ୍ୟୁରୋ)-ତିତ୍‌ଲି ଦ୍ୱାରା କ୍ଷତିଗ୍ରସ୍ତ ହୋଇଥିବା ଦକ୍ଷିଣ ଓଡ଼ିଶାର ବିଦ୍ୟୁତ୍‌ ଭିତ୍ତିଭୂମିକୁ ଯୁଦ୍ଧକାଳୀନ ଭିତ୍ତିରେ ସଜାଡିବା ପାଇଁ ଶକ୍ତି ବିଭାଗ ଉଦ୍ୟମ ଅବ୍ୟାହତ ରଖିଛି। ଯେଉଁଭଳି ଭାବେ କ୍ଷତିଗ୍ରସ୍ତ ହୋଇଥିଲା, ସାଧାରଣ ଭାବେ ତାହାର ପୁନରୁଦ୍ଧାର ପାଇଁ ୬ ମାସ ସମୟ ଲାଗିଥାନ୍ତା।

ଓଏଏସ୍‌ ସ୍ତରରେ ଅଦଳବଦଳ

ଓଏଏସ୍‌ ସ୍ତରରେ ଅଦଳବଦଳ

ଭୁବନେଶ୍ୱର,୨୧।୧୦(ବ୍ୟୁରୋ)-ଓଡ଼ିଶା ପ୍ରଶାସନିକ ସେବା(ଓଏଏସ୍‌)ସ୍ତରରେ ଛୋଟ ଧରଣର ଅଦଳବଦଳ ହୋଇଛି। ସାଧାରଣ ପ୍ରଶାସନ ବିଭାଗ ପକ୍ଷରୁ  ଏନେଇ ଶନିବାର ବିଜ୍ଞପ୍ତି ପ୍ରକାଶ ପାଇଛି। 

ଗୋଚର ଜମି ଜବରଦଖଲ

ଖୋର୍ଦ୍ଧା ଅଫିସ,୨୧।୧୦: ଖୋର୍ଦ୍ଧା ଜିଲା ଟାଙ୍ଗୀ ତହସିଲ ରତନପୁର ମୌଜାରେ ୨ ଏକର ଗୋଚର ଜମି ଜବରଦଖଲ ହୋଇଛି। 

ଖୋର୍ଦ୍ଧାରେ ଶହୀଦ ଦିବସ ଅନୁଷ୍ଠିତ

ଖୋର୍ଦ୍ଧାରେ ଶହୀଦ ଦିବସ ଅନୁଷ୍ଠିତ

ଖୋର୍ଦ୍ଧା ଅଫିସ,୨୧।୧୦: ଖୋର୍ଦ୍ଧା ପୋଲିସ ପକ୍ଷରୁ ସ୍ଥାନୀୟ ତରତୁଆ ପୋଲିସ ପଡିଆଠାରେ ରବିବାର ୫୯ତମ ପୋଲିସ ଶହୀଦ ଦିବସ ପାଳିତ ହୋଇଯାଇଛି । ଏହି କାର୍ଯ୍ୟକ୍ରମରେ  ମୁଖ୍ୟ ଅତିଥି ଭାବେ ଖୋର୍ଦ୍ଧା ଏସ୍‌ପି ଦୀପ୍ତି ରଞ୍ଜନ ରାୟ ଯୋଗଦେଇ ମିଳିତ ପରେଡ୍‌ରେ ଅଭିବାଦନ ଗ୍ରହଣ କରିଥିଲେ ।

ତିତ୍‌ଲି ପ୍ରଭାବିତଙ୍କୁ ସହାୟତା; ଘର ଏବଂ ଗୃହପାଳିତ ପଶୁଙ୍କ ଲାଗି କ୍ଷତିପୂରଣ ଘୋଷଣା

ତିତ୍‌ଲି ପ୍ରଭାବିତଙ୍କୁ ସହାୟତା; ଘର ଏବଂ ଗୃହପାଳିତ ପଶୁଙ୍କ ଲାଗି କ୍ଷତିପୂରଣ ଘୋଷଣା

ଭୁବନେଶ୍ୱର,୨୧।୧୦(ବ୍ୟୁରୋ): ସାମୁଦ୍ରିକ ଝଡ଼ ତିତ୍‌ଲି ଏବଂ ଏହାର ପରବର୍ତ୍ତୀ ବନ୍ୟାରେ ରାଜ୍ୟର ତିନୋଟି ଜିଲା ବିଶେଷଭାବେ କ୍ଷତିଗ୍ରସ୍ତ ହୋଇଛି। ଜିଲାଗୁଡ଼ିକର ଭିତ୍ତି ଭୂମି ସଜାଡ଼ିବାକୁ ସରକାରୀସ୍ତରରେ ତତ୍ପରତା ପ୍ରକାଶ ପାଇଛି। ଏହି କ୍ରମରେ କ୍ଷତିଗ୍ରସ୍ତ ଲୋକଙ୍କୁ ଘର ଓ ଗୃହପାଳିତ ପଶୁଙ୍କ ପାଇଁ କ୍ଷତିପୂରଣ ମିଳିବା ନେଇ ଯୁଗ୍ମ ଏସ୍‌ଆର୍‌ସି ପ୍ରଭାତ ମହାପାତ୍ର ରବିବାର ବିଭିନ୍ନ ଘୋଷଣା କରିଛନ୍ତି। 

ଜାହାନିୟାଁ ବେଳାଭୂମି ଓ ମଙ୍ଗଳା ମନ୍ଦିରରେ ପର୍ଯ୍ୟଟକଙ୍କ ଭିଡ

ଜାହାନିୟାଁ ବେଳାଭୂମି ଓ ମଙ୍ଗଳା ମନ୍ଦିରରେ ପର୍ଯ୍ୟଟକଙ୍କ ଭିଡ

କାକଟପୁର, ୨୧।୧୦(ଡି.ଏନ.ଏ): ଆଜି ରବିବାର। ଦଶହରା ଛୁଟି କଟାଇବାକୁ ଶହଶହ ଯୁବତୀଯୁବକ, ଶ୍ରଦ୍ଧାଳୁ ଓ ପରିବାର ରାଜ୍ୟର ବିଭିନ୍ନ ସ୍ଥାନରୁ ଛୁଟି ଆସିଛନ୍ତି ଅସ୍ତରଙ୍ଗ ଉପକୂଳର ସର୍ବଧର୍ମ ସମନ୍ବୟର ପୀଠ ଜାହାନିୟାଁ ଓ କାକଟପୁରର ମଙ୍ଗଳା ମନ୍ଦିରକୁ। 

ଶାନ୍ତିଶୃଙ୍ଖଳାରେ ମା’ଙ୍କୁ ବିଦାୟ

କଣ୍ଟାପଡା,୨୧।୧୦(ଡି.ଏନ୍‌.ଏ.): ଶାରଦୀୟ ଦୁର୍ଗାପୂଜା ଶେଷ ହୋଇଛି। ୧୫ ତାରିଖରେ  ମା’ ଦୁର୍ଗା ଓ ହରପାର୍ବତୀ ବିଭିନ୍ନ ପୂଜା ମଣ୍ଡପରେ ପୂଜା ପାଇବା ପରେ ୨୦ ତାରିଖରେ ମେଲାଣି ନେଇଛନ୍ତି। 

ପୁରୀ ହିଂସାକାଣ୍ଡ: ଗିରଫ ସଂଖ୍ୟା ୮୬ରେ ପହଞ୍ଚିଲା

ପୁରୀ ହିଂସାକାଣ୍ଡ: ଗିରଫ ସଂଖ୍ୟା ୮୬ରେ ପହଞ୍ଚିଲା

ପୁରୀ ଅଫିସ,୨୧।୧୦:ଅକ୍ଟୋବର ୩ ତାରିଖରେ ପୁରୀ ବନ୍ଦ ପାଳନ ବେଳେ ଘଟିଥିବା ହିସାଂକାଣ୍ଡରେ ଗିରଫ ସଂଖ୍ୟା ୮୬ରେ ପହଞ୍ଚିଛି। ରବିବାର ଶହୀଦ ଦିବସ ପାଳନ ଅବସରରେ ଏସପି ସାର୍ଥକ ଷଡଙ୍ଗୀ ଏହା କହିଛନ୍ତି ।

‘ଶହୀଦଙ୍କ ତ୍ୟାଗ ଓ ନିଷ୍ଠା ପ୍ରେରଣାର ଉତ୍ସ’

‘ଶହୀଦଙ୍କ ତ୍ୟାଗ ଓ ନିଷ୍ଠା ପ୍ରେରଣାର ଉତ୍ସ’

ପୁରୀ ଅଫିସ,୨୧।୧୦: ପୁରୀ ପୋଲିସ ପକ୍ଷରୁ ୫୯ତମ ପୋଲିସ ଶହୀଦ ଦିବସ ପୋଲିସ ରିଜର୍ଭ ପଡିଆରେ ରବିବାର ଅନୁଷ୍ଠିତ ହୋଇଯାଇଛି।

ପରଲୋକରେ ପ୍ରଯୋଜକ ଅମିୟ ପଟ୍ଟନାୟକ:ପୁରୀରେ ଶେଷକୃତ୍ୟ ସମ୍ପନ୍ନ

ପରଲୋକରେ ପ୍ରଯୋଜକ ଅମିୟ ପଟ୍ଟନାୟକ:ପୁରୀରେ ଶେଷକୃତ୍ୟ ସମ୍ପନ୍ନ

ଭୁବନେଶ୍ୱର, ୨୧।୧୦(ବ୍ୟୁରୋ)- ଓଡ଼ିଆ ଚଳଚ୍ଚିତ୍ର ପ୍ରଯୋଜକ ତଥା ନିର୍ଦ୍ଦେଶକ ଅମିୟ ରଞ୍ଜନ ପଟ୍ଟନାୟକଙ୍କର ଶୁକ୍ରବାର ପରଲୋକ ଘଟିଛି। ଦିଲ୍ଲୀସ୍ଥିତ ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ତାଙ୍କର ଦେହାନ୍ତ ହୋଇଛି। 

ବାଇକ୍‌କୁ ଧକ୍କା ଦେଇ ପୋଖରୀରେ ବୁଡ଼ିଲା କାର

ବାଇକ୍‌କୁ ଧକ୍କା ଦେଇ ପୋଖରୀରେ ବୁଡ଼ିଲା କାର

ଭୁବନେଶ୍ୱର(ବ୍ୟୁରୋ)/ପୁରୁଣା ଭୁବନେଶ୍ୱର/ପିପିଲି(ଡି.ଏନ.ଏ.) ୨୧।୧୦- ବିଜୟା ଦଶମୀରେ ସାରା ରାଜ୍ୟ ଉତ୍ସବମୁଖର ଥିବାବେଳେ ରାଜଧାନୀ ଉପକଣ୍ଠ ଉତ୍ତରା ଛକ ନିକଟ ମଧୁରଜଳ ମତ୍ସ୍ୟ ଗବେଷଣା କେନ୍ଦ୍ର(ସିଫା) ସମ୍ମୁଖରେ ଶୁକ୍ରବାର ରାତି ପ୍ରାୟ ୯ଟା ୪୫ରେ ଘଟିଛି ମର୍ମନ୍ତୁଦ ସଡ଼କ ଦୁର୍ଘଟଣା।