ମେଟ୍ରୋ |

ଓଏଲଏକ୍ସରେ ଚୋରି ମୋବାଇଲର ବିଜ୍ଞାପନ: ଗୋଟିଏ ମୋବାଇଲ୍‌ର ୨ ମାଲିକ, ଦ୍ୱନ୍ଦ୍ୱରେ ପୋଲିସ

ଓଏଲଏକ୍ସରେ ଚୋରି ମୋବାଇଲର ବିଜ୍ଞାପନ: ଗୋଟିଏ ମୋବାଇଲ୍‌ର ୨ ମାଲିକ, ଦ୍ୱନ୍ଦ୍ୱରେ ପୋଲିସ

ଭୁବନେଶ୍ୱର, ୮।୧୨(ବ୍ୟୁରୋ)- ମୋବାଇଲ୍‌ ବିକ୍ରି ପାଇଁ ଓଏଲଏକ୍ସରେ ଦିଆଯାଇଛି ବିଜ୍ଞାପନ। ହେଲେ ଏହି ମୋବାଇଲ୍‌ର ମାଲିକ ଦୁଇଜଣ। ଦୁଇ ଜଣକ ପାଖରେ ରହିଛି ଉକ୍ତ ମୋବାଇଲ୍‌ର ଦୁଇଟି ରସିଦ୍‌। କିନ୍ତୁ ମୋବାଇଲ୍‌ କାହାର। କିଏ ଏହାର ପ୍ରକୃତ ମାଲିକ ତାହାକୁ ନେଇ ଦ୍ୱନ୍ଦ୍ୱରେ ପଡିଛି ପୋଲିସ। ଏଭଳି ଏକ ରୋଚକ ଘଟଣା ଖାରବେଳନଗର ଥାନା ଅଞ୍ଚଳରେ ଦେଖିବାକୁ ମିଳିଛି। ମୋବାଇଲ୍‌ ବିକ୍ରି କରିବା ପାଇଁ ଯେଉଁ ବ୍ୟକ୍ତି ବିଜ୍ଞାପନ ଦେଇଥିଲେ ତାଙ୍କୁ ପୋଲିସ ଥାନାରେ ଅଟକ ରଖି ପଚରାଉଚରା କରୁଛି। ଅନ୍ୟପଟେ ଅଟକଥିବା ଯୁବକଙ୍କୁ ଛାଡିବା ପାଇଁ ୟୁନିଟ୍‌-୩ ଗୋଲାସାହି ଅଞ୍ଚଳର ବହୁ ମହିଳାପୁରୁଷ ଥାନା ଘେରାଉ କରିଛନ୍ତି। ଦୁଇ ଘଣ୍ଟାକାଳ ଥାନା ସମ୍ମୁଖରେ ହୋହଲ୍ଲା କରିଥିଲେ। ଥାନା ଅଧିକାରୀ ବୁଝାଶୁଝା କରିବା ପରେ ପରିସ୍ଥିତି ଶାନ୍ତ ପଡିଥିଲା। ସୂଚନାଯୋଗ୍ୟ, ଖଣ୍ଡଗିରି ଥାନା କଳିଙ୍ଗବିହାର ଅଞ୍ଚଳରେ ବିଶ୍ୱଜିତ୍‌ ସେନାପତି ନାମକ ଯୁବକ ରୁହନ୍ତି। ୨ ମାସ ପୁର୍ବରୁ ତାଙ୍କର ଏକ ମୋବାଇଲ୍‌ ଚୋରି ହୋଇଯାଇଥିଲା। ଏ ନେଇ ସେ ଖଣ୍ଡଗିରି ଥାନାରେ ଅଭିଯୋଗ କରିଥିଲେ। କିଛି ଦିନ ପରେ ଖାରବେଳନଗର ଥାନା ଗୋଲାସାହିର ଜଣେ ଯୁବକ ଏକ ମୋବାଇଲ୍‌ ବିକ୍ରି କରିବା ପାଇଁ ରସିଦ ସହ ଓଏଲଏକ୍ସରେ ବିଜ୍ଞାପନ ଦେଇଥିଲେ। ବିଶ୍ୱଜିତ ଓଏଲଏକ୍ସ ଦେଖିବାବେଳେ ବିଜ୍ଞାପନ ଦିଆଯାଇଥିବା ମୋବାଇଲ୍‌ ରସିଦରେ ଥିବା ଆଇଏମଇଆଇ ନମ୍ବର ସହିତ ତାଙ୍କ ମୋବାଇଲ୍‌ ଫୋନର ଆଇଏମ୍‌ଇଆଇ ନମ୍ବର ସମାନ ବୋଲି ଜାଣିବାକୁ ପାଇଥିଲେ। ପରେ ଉକ୍ତ ମୋବାଇଲ୍‌ କିଣିବା ବାହାନାରେ ବିଜ୍ଞାପନ ଦେଇଥିବା ଯୁବକଙ୍କୁ ଶ୍ରୀୟା ଫିଲ୍ମ ହଲ୍‌ ନିକଟକୁ ଡକାଇଥିଲେ। ତାଙ୍କଠାରୁ ମୋବାଇଲ୍‌ ଦେଖିବା ପରେ ତାହା ତାଙ୍କର ବୋଲି  ବିଶ୍ୱଜିତ୍‌ ସ୍ପଷ୍ଟ ହୋଇଥିଲେ। ଏହାପରେ ସେ ଉକ୍ତ ଯୁବକଙ୍କୁ କାବୁ କରି ପୋଲିସକୁ ଫୋନ୍‌ କରିଥିଲେ। ପୋଲିସ ଆସି ଉକ୍ତ ଯୁବକଙ୍କୁ ଥାନାକୁ ନେବାକୁ ଉଦ୍ୟମ କରିବା ବେଳେ ସେ ପୋଲିସ କର୍ମଚାରୀଙ୍କୁ ମାଡ଼ ମାରିଥିଲେ। ପୋଲିସ ତାଙ୍କୁ ଅଟକ ରଖିଥିବାବେଳେ ମୋବାଇଲ୍‌ର ପ୍ରକୃତ ମାଲିକ କିଏ ତାହା ଜାଣିବାକୁ ମୋବାଇଲ୍‌ କମ୍ପାନୀ ସହ ଯୋଗାଯୋଗ କରୁଥିବା ଜଣାପଡ଼ିଛି। ଅନ୍ୟପଟେ ନକଲି ରସିଦକୁ ନେଇ ଏବେ ପ୍ରଶ୍ନ ଉଠିଛି। ଚୋରି ମୋବାଇଲ୍‌ର ନକଲି ରସିଦ୍‌ ପ୍ରସ୍ତୁତ କରି ତାହାକୁ ବିକ୍ରି କରିବା ପଛରେ ଏକ ର଼୍ୟାକେଟ୍‌ କାମ କରୁଥିବା ସ୍ପଷ୍ଟ ହେଉଛି।

All Right Reserved By

ମେଟ୍ରୋ |

ମାଛ ମାର୍କେଟରେ ଚଢ଼ାଉ

ଖୋର୍ଦ୍ଧା ଅଫିସ,୧୯।୭: ଖୋର୍ଦ୍ଧା ସହର ସମେତ ବିଭିନ୍ନ ଅଞ୍ଚଳରେ ଥିବା ମାଛ ଗୋଦାମ ଓ ମାଛ ମାର୍କେଟରେ ଗୁରୁବାର ଚଢ଼ାଉ କରାଯାଇଛି। ତୋଟାପଡ଼ା ବଜାରର ମାଛଗୋଦାମ, ସହରର ମାଛମାର୍କେଟ, ମୁକୁନ୍ଦପ୍ରସାଦ ଆଦି ସ୍ଥାନରେ ଚଢ଼ାଉ କରାଯାଇଛି।

ହିନ୍ଦୀ ଟେଲି ଅଭିନେତ୍ରୀଙ୍କୁ ପୁରୀରେ ଦୁର୍ବ୍ୟବହାର

ହିନ୍ଦୀ ଟେଲି ଅଭିନେତ୍ରୀଙ୍କୁ ପୁରୀରେ ଦୁର୍ବ୍ୟବହାର

ପୁରୀ ଅଫିସ,୧୯।୭ : ରଥଯାତ୍ରାବେଳେ ବ୍ୟାପକ ସୁରକ୍ଷା ବ୍ୟବସ୍ଥା ସତ୍ତ୍ୱେ ପୁରୀରେ ଘଟିଥିଲା ଏକ ସ୍ପର୍ଶକାତର ଘଟଣା। ମହାପ୍ରଭୁଙ୍କୁ ଦର୍ଶନ କରିବାକୁ ଆସିଥିବା ହିନ୍ଦୀ ଟେଲି ଅଭିନେତ୍ରୀ ମାହିକା ଶର୍ମା ଦୁର୍ବ୍ୟବହାରର ଶିକାର ହୋଇଥିଲେ।

ଟିଟୋଙ୍କ ୮ ସହଯୋଗୀଙ୍କୁ ଗିରଫ ଘଟଣା ଜେଲ ଗଲେ ୪, ରିମାଣ୍ଡରେ ଆଣିବ କ୍ରାଇମବ୍ରାଞ୍ଚ

ଟିଟୋଙ୍କ ୮ ସହଯୋଗୀଙ୍କୁ ଗିରଫ ଘଟଣା ଜେଲ ଗଲେ ୪, ରିମାଣ୍ଡରେ ଆଣିବ କ୍ରାଇମବ୍ରାଞ୍ଚ

କଟକ ଅଫିସ, ୧୯।୭ - ଗ୍ୟାଙ୍ଗଷ୍ଟର ସୟଦ ଉସ୍‌ମାନ ଅଲ୍ଲୀ ଓରଫ ଟିଟୋଙ୍କ ୮ ସହଯୋଗୀଙ୍କୁ ସୋମବାର ବିଳମ୍ବିତ ରାତିରେ କ୍ରାଇମ୍‌ବ୍ରାଞ୍ଚର ସ୍ବତନ୍ତ୍ର ଟାକ୍ସ ଫୋର୍ସ (ଏସ୍‌ଟିଏଫ୍‌) ଗିରଫ କରିଥିଲା। ପଚରାଉଚରାରୁ ସେମାନଙ୍କର ଟିଟୋ ଲିଙ୍କ୍‌ ଜଣାପଡିବା ପରେ ଅଧିକ ଖୋଳତାଡ଼ ଆରମ୍ଭ ହୋଇଛି।

ନିଆରା ପରମ୍ପରା , ଶ୍ରୀଦେବୀଙ୍କୁ ମହାପ୍ରଭୁ ଦେଇଯାନ୍ତି କଳମ ଶାଗ

ପୁରୀ ଅଫିସ, ୧୯।୭: ଘୋଷଯାତ୍ରାରେ ବାହାରିଥିବା ଦାରୁଦିଅଁ ଏବେ ଆଡ଼ପ ମଣ୍ଡପରେ। ଗୁଣ୍ଡିଚା ମନ୍ଦିରରେ ଲାଗୁଛି ଶ୍ରଦ୍ଧାଳୁଙ୍କ ଲମ୍ବା ଧାଡି। ଏପଟେ କିନ୍ତୁ ଖଁା ଖଁା ଶ୍ରୀମନ୍ଦିର। ରନ୍ଧାଯାଉନି ଷାଠିଏ ପଉଟି କି ମନ୍ଦିରରେ ନାହିଁ ଗହଳି ଚହଳି।

ଆତ୍ମହତ୍ୟା ପ୍ରବଣତାକୁ ନେଇ ବଢ଼ୁଛି ଚିନ୍ତା , ଆରମ୍ଭ ହେବ ସ୍ବତନ୍ତ୍ର କାଉନ୍‌ସେଲିଂ ବ୍ୟବସ୍ଥା

କଟକ ଅଫିସ, ୧୯।୭- ପ୍ରେମରେ ଧୋକା ଖାଇବା ପରେ ହେଉ କିମ୍ବା ସ୍ବାମୀସ୍ତ୍ରୀଙ୍କ ମଧ୍ୟରେ ବିବାଦ କାରଣରୁ ହେଉ ଅବା ପରୀକ୍ଷାରେ ଅକୃତକାର୍ଯ୍ୟ ଓ ମାନସିକ ଅସୁସ୍ଥତା କାରଣରୁ ଲୋକେ ଆତ୍ମହତ୍ୟା କରୁଛନ୍ତି। ସେହିପରି ନିଶା ସେବନ ଯୋଗୁ ଆତ୍ମହତ୍ୟା ପ୍ରବୃତ୍ତି ଜାଗ୍ରତ ହେଉଛି।

ରଞ୍ଜିତା ବିଶ୍ୱାଳ ଜାମିନ ମାମଲା , ଡି’ଲିଙ୍କ୍‌ର ପ୍ରମାଣ ଲୋଡିଲେ ହାଇକୋର୍ଟ

କଟକ ଅଫିସ,୧୯।୭- ବିଜେଡି କର୍ପୋରେଟର ରଞ୍ଜିତା ବିଶ୍ୱାଳଙ୍କ ଜାମିନ ଆବେଦନର ଶୁଣାଣି ଗତ ମଙ୍ଗଳବାର ହାଇକୋର୍ଟରେ ହୋଇଥିଲା। କର୍ପୋରେଟର ରଞ୍ଜିତା ଧଳସାମନ୍ତ ଭ୍ରାତାଙ୍କୁ ଜେଲ୍‌ରେ ଭେଟିବାର କ’ଣ ସବୁ ପ୍ରମାଣ ରହିଛି ସେସବୁ କୋର୍ଟରେ ଦାଖଲ କରିବା ପାଇଁ ବିଚାରପତି ଜଷ୍ଟିସ ଜେ.ପି. ଦାସ ସରକାରଙ୍କୁ ଆଦେଶ ଦେଇଛନ୍ତି।

ସ୍ବାସ୍ଥ୍ୟ ବିଭାଗ କିରାଣିଙ୍କ ଘରେ ଭିଜିଲାନ୍ସ ଯାଞ୍ଚ , ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗ

କଟକ ଅଫିସ, ୧୯।୭- କଟକ ଜିଲା ମୁଖ୍ୟ ଚିକିତ୍ସାଧିକାରୀ (ସିଡିଏମ୍‌ଓ)ଙ୍କ କାର୍ଯ୍ୟାଳୟର କନିଷ୍ଠ କିରାଣି ସୁନୀଲ କୁମାର ଦାସଙ୍କ ଘରେ ବୁଧବାର ଭିଜିଲାନ୍ସ ଯାଞ୍ଚ ହୋଇଛି। ଆୟ ବହିର୍ଭୂତ ସମ୍ପତ୍ତି ଠୁଳ କରିଥିବା ନେଇ ସୁନୀଲଙ୍କ ବିରୋଧରେ ଅଭିଯୋଗ ହୋଇଥିଲା।

ପୁରୀ ଜେଲ୍‌ରେ କଏଦୀଙ୍କ ମୃତ୍ୟୁ

ପୁରୀ ଜେଲ୍‌ରେ କଏଦୀଙ୍କ ମୃତ୍ୟୁ

ପୁରୀ ଅଫିସ,୧୯।୭ : ଏକ ହତ୍ୟା ମାମଲାରେ ଆଜୀବନ ଜେଲ ଦଣ୍ଡାଦେଶ ପାଇ ପୁରୀ ଜିଲା ଜେଲରେ ଥିବା ଜଣେ କଏଦୀଙ୍କ ମଙ୍ଗଳବାର ମୃତ୍ୟୁ ଘଟିଛି। ସେ ହେଲେ କାକଟପୁରର ତ୍ରିଲୋଚନ ମଲିକ। ପୋଲିସ କହିବାନୁସାରେ, ସକାଳେ ତାଙ୍କ ଦେହ ଭୀଷଣ ଖରାପ ହେବାରୁ ଜେଲ କର୍ତ୍ତୃପକ୍ଷ ତାଙ୍କୁ ଜିଲା ମୁଖ୍ୟ ଚିିକିତ୍ସାଳୟରେ ଭର୍ତ୍ତି କରିଥିଲେ।

ବଟାନିକାଲ ଗାର୍ଡେନ : ବିନା ଟେଣ୍ଡରରେ ରାସ୍ତା କାମ, ନିମ୍ନମାନ ଅଭିଯୋଗ ଉଚ୍ଚସ୍ତରୀୟ ତଦନ୍ତ ପାଇଁ ମୁଖ୍ୟମନ୍ତ୍ରୀ ଓ କ୍ରାଇମ୍‌ବ୍ରାଞ୍ଚକୁ ଚିଠି ଲେଖିଲେ ବ୍ଲକ ଉପାଧ୍ୟକ୍ଷା

ଭୁବନେଶ୍ୱର, ୧୯।୭(ବ୍ୟୁରୋ) - ନନ୍ଦନକାନନ ବଟାନିକାଲ ଗାର୍ଡେନରେ ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ ବିନା ଟେଣ୍ଡରରେ ୯୫ଲକ୍ଷରୁ ଊର୍ଦ୍ଧ୍ୱ ଟଙ୍କାର କାର୍ଯ୍ୟ ହେଉଛି। ଅତି ଚତୁରତାର ସହ ଜଣେ ଠିକାଦାରଙ୍କୁ ଭାଗ ଭାଗ କରି କାର୍ଯ୍ୟ ଦିଆଯାଇଥିବା ଅଭିଯୋଗ ଉଠିଛି।

‘ହାତୀ ବଞ୍ଚାଅ’ ପାଇଁ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଲେ ରିଚା ଚଢ଼ା

‘ହାତୀ ବଞ୍ଚାଅ’ ପାଇଁ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଲେ ରିଚା ଚଢ଼ା

ଓଡ଼ିଶାରେ ଟ୍ରେନ ଧକ୍କାରେ ହାତୀଙ୍କ ମୃତ୍ୟୁ ଘଟୁଥିବାରୁ ରିଚା ଏହାକୁ ଗଭୀରତାର ସହ ନେଇଛନ୍ତି। ଏହାର ସମାଧାନ କିପରି ହୋଇପାରିବ ସେ ନେଇ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଛନ୍ତି। ରିଚା କହିଛନ୍ତି, ୨୦୧୮ରେ ଅନେକ ଜାଗାରେ ହାତୀ ଦୁର୍ଘଟଣାର ଶିକାର ହୋଇଛନ୍ତି।

ଡ୍ରେନ ପାଇଁ ଘରୋଇ ଜମି କିଣିବ ବିଏମ୍‌ସି

ଭୁବନେଶ୍ୱର, ୧୯।୭(ବ୍ୟୁରୋ)- ଭାଗବତ ସନ୍ଧାନ ନିକଟ ଡ୍ରେନ୍‌ ପାଣି ନିଷ୍କାସନ ପାଇଁ ଭୁବନେଶ୍ୱର ମହାନଗର ନିଗମ(ବିଏମ୍‌ସି) ଘରୋଇ ଜମି ଅଧିଗ୍ରହଣ କରିବ। ଏଠାରେ ଡ୍ରେନ୍‌ର ସ୍ଥିତି ଆକଳନ ପାଇଁ ବିଏମ୍‌ସି କମିଶନର ଡ. କ୍ରିଷନ କୁମାରଙ୍କ ନେତୃତ୍ୱରେ ନଗର ପ୍ରଶାସନର

ଟିଟୋଙ୍କୁ ପେଟ୍ରୋଲ ପମ୍ପ ଡିଲରଶିପ ମିଳିବା ପ୍ରସଙ୍ଗ ସିବିଆଇ ତଦନ୍ତ ସୁପାରିସ କଲା ଆଇଓସିଏଲ୍‌

ଭୁବନେଶ୍ୱର, ୧୯।୭(ବ୍ୟୁରୋ)- ଗ୍ୟାଙ୍ଗଷ୍ଟର ସୟଦ ଉସମାନ ଅଲି ଓରଫ ଟିଟୋଙ୍କୁ ପେଟ୍ରୋଲ ପମ୍ପ ଡିଲରଶିପ ମିଳିବା ଘଟଣାର ସିବିଆଇ ତଦନ୍ତ କରାଯିବ। ନିୟମର ଉଲ୍ଲଂଘନ କରାଯାଇ ଟିଟୋଙ୍କୁ ପେଟ୍ରୋଲ ପମ୍ପ ଦିଆଯାଇଥିବା ଆଇଓସିଏଲ(ଇଣ୍ଡିଆନ ଅଏଲ କର୍ପୋରେଶନ ଲିମିଟେଡ) ନିଜସ୍ବ ପ୍ରାଥମିକ ତଦନ୍ତରୁ ଜାଣିବାକୁ ପାଇଥିଲା।

Model This Week

ରୂପେଶ