ରାୟଗଡା

ଇନ୍ଦ୍ରାବତୀ ଅବବାହିକା ଅବହେଳିତ

ଇନ୍ଦ୍ରାବତୀ ଅବବାହିକା ଅବହେଳିତ
ନବରଙ୍ଗପୁର, ୭।୧୨ (ବି.ପ୍ର.)-ନବରଙ୍ଗପୁର କୌଶଳ ବିକାଶ କେନ୍ଦ୍ରର ସଭାଗୃହ ଠାରେ ମଙ୍ଗଳବାର ଓଡିଶା ଏନର୍ଭରମେଣ୍ଟ କଂଗ୍ରେସ ପକ୍ଷରୁ ଇନ୍ଦ୍ରାବତୀ ଅବବାହିକା ଓ ପରିବେଶର ଚିରସ୍ଥାୟୀ ପରିଚାଳନା ଉପରେ ଏକ କର୍ମଶାଳା ଆୟୋଜିତ ହୋଇଥିଲା । ଜଳ ବିଦ୍ୟୁତ ପ୍ରକଳ୍ପ ପରେ ଇନ୍ଦ୍ରାବତୀ ଅବବାହିକା ଅବହେଳିତ ହୋଇପଡିଛି । ପ୍ରକଳ୍ପ ପୂର୍ବରୁ ନବରଙ୍ଗପୁର ଜିଲାର ଇନ୍ଦ୍ରାବତୀ ଅବବାହିକା ଅଞ୍ଚଳରେ ପ୍ରଚୁର ଫସଲ ଉପତ୍।ଦନ ହେଉଥିଲା । ପ୍ରକଳ୍ପ ପରେ ଆଉ ଏହି ଅଞ୍ଚଳରେ ଚାଷ ହୋଇପାରୁନି । ନଦୀ ପାଶ୍ୱବର୍ତ୍ତୀ ପରିବେଶ ଓ ନଦୀର ଅବବାହିକା ପ୍ରତି ଅବହେଳା କରାଯାଇଛି । ଏଭଳି ନିର୍ଯ୍ୟାସ ବାହାରିଥିଲା । ପ୍ରକଳ୍ପ ନିର୍ମାଣ କରି ନବରଙ୍ଗପୁର ଜିଲାବାସୀଙ୍କୁ ଠକି ଦିଆଯାଇଛି । ବିସ୍ଥାପିତଙ୍କୁ ଏ ପର୍ଯ୍ୟନ୍ତ ଥଇଥାନ କରାଗଲା ନାହିଁ । ଜଳସେଚନର ବ୍ୟବସ୍ଥା କରାଗଲା ନାହିଁ । ଇନ୍ଦ୍ରାବତୀ ଅବବାହିକାର ବିକାଶ ପ୍ରତି ଗୁରୁତ୍ୱ ଦିଆଗଲା ନାହିଁ । ସେଭଳି ଶିକ୍ଷା ସ୍ବାସ୍ଥ୍ୟ, ଗମନାଗମନ ଇତ୍ୟାଦି କ୍ଷେତ୍ର ଅବହେଳା କରାଯାଇଛି । ପ୍ରକଳ୍ପ ପୂର୍ବରୁ ନଦୀର ପଟୁ ମାଟି ଲାଗି ସ୍ବଳ୍ପ ପାଣିରେ ଇନ୍ଦ୍ରାବତୀ ଅବବାହିକାରେ ଅନେକ ଫସଲ ହେଉଥିଲା । ଏବେ ନଦୀର ଧାର ଶୁଖିଗଲା ପରେ ଜଳସ୍ତର ୨ଶହ ମିଟର ତଳକୁ ଖସି ଯାଇଛି । ମାଟିର ଆଦ୍ରତା କମି କମି ଗଲାଣି । ନବରଙ୍ଗପୁର ଜିଲାବାସୀ ଅବଦାନରେ ପ୍ରକଳ୍ପ ଠିଆ ହେଲା । ପ୍ରକଳ୍ପ ଆରମ୍ଭ ହେବା ଆଗରୁ ଜିଲାବାସୀଙ୍କୁ ସୁନେଲି ସ୍ବପ୍ନ ଦେଖାଇ ଦିଆଗଲା । ପ୍ରକଳ୍ପ ନିର୍ମାଣ ପରେ ଗୋଟିଏ ବି ପ୍ରତିଶ୍ରୁତିକୁ ପୂରଣ କରାଗଲା ନାହିଁ । ଏଭଳି କରି ତଳମୁଣ୍ଡ ଅଞ୍ଚଳକୁ ଜଳ ଅଧିକାରରୁ ବଞ୍ଚିତ କରିଦିଆଗଲା ବୋଲି ପରିବେଶବିତ ବିମଳ ବେହେରା କହିଥିଲେ । ପ୍ରକଳ୍ପ ପାଇଁ ଯେତିକି ପରିମାଣର ଜଙ୍ଗଲକୁ ଧ୍ୱଂସ କରାଗଲା । ପରିବେଶକୁ ସନ୍ତୁଳିତ କରିବା ପାଇଁ ବ୍ୟାପକ ପରିମାଣରେ ବୃକ୍ଷରୋପଣ ପାଇଁ ଅନୁଦାନ ଆସିଲା କିନ୍ତୁ ତାହା କାର୍ଯ୍ୟକାରୀ ହୋଇପାରିଲା ନାହିଁ । ସେଭଳି ପ୍ରଫେସର ପରମାନନ୍ଦ ପଣ୍ଡା ସିଧାସଳଖ କହିଥିଲେ ଯେ, ଆଦିବାସୀଙ୍କ ସରଳତାର ସୁଯୋଗ ନିଆଯାଇ ସେମାନଙ୍କୁ ଜମି ଛଡାଇ ଗରୀବ କରିଦିଆଯାଇଛି । ସେଭଳି ପ୍ରକଳ୍ପ ନିର୍ମାଣ ପୂର୍ବରୁ ଓ ପ୍ରକଳ୍ପ ପରବର୍ତ୍ତି ସକାରାମତ୍କ ପ୍ରଭାବ ଉପରେ କୌଣସି ଯୋଜନା ହୋଇନଥିବା କର୍ମଶାଳାରେ ଆଲୋଚନା ହୋଇଥିଲା ା ଓଡିଶା ଏନର୍ଭରମେଣ୍ଟ କଂଗ୍ରେସ ପକ୍ଷରୁ ଓଡିଶାର ୧୧ଟି ନଦୀର ଅବବାହିକାର ସମସ୍ୟାକୁ ନେଇ ରାଜ୍ୟ ଓ ଜାତୀୟ ସ୍ତରୀୟ ସଂଘର୍ଷ କରାଯିବା ସେଭଳି ନିଜର ଅଧିକାର ପାଇଁ ଜନସଚେତନାର ଆବଶ୍ୟକତା ରହିଛି ବୋଲି କହିଥିଲେ । ଏହି କର୍ମଶାଳାକୁ ସ୍ବେଚ୍ଛାସେବୀ ସଙ୍ଗଠନ ଇସାରାର ସମ୍ପାଦକ ଗଜେନ୍ଦ୍ର ଦାସ ପରିଚାଳନା କରିଥିଲେ । ସେଭଳି କର୍ମଶାଳାରେ ଉଠାଜଳସେଚନ ନିର୍ବାହୀଯନ୍ତ୍ରୀ ଗଙ୍ଗାଧର ତ୍ରିପାଠୀ, ଜଳସେଚନ ବିଭାଗର ନିର୍ବାହୀଯନ୍ତ୍ରୀ ପ୍ରମୋଦ କୁମାର ସାହୁ ଯୋଗଦେଇ ଇନ୍ଦ୍ରାବତୀ ନଦୀର ଅବବାହିକାର ସମ୍ପର୍କରେ ଆଲୋଚନା କରିଥିଲେ ।
All Right Reserved By

ରାୟଗଡା

‘ବିପନ୍ନଙ୍କୁ  ଗୃହ ଯୋଗାଇ ଦିଆଯିବ’

‘ବିପନ୍ନଙ୍କୁ ଗୃହ ଯୋଗାଇ ଦିଆଯିବ’

ରାମନାଗୁଡା, ୧୮।୧୦ (ଡି.ଏନ୍‌.ଏ.)- ବିପନ୍ନ ପରିବାରଙ୍କୁ  ସରକାରୀ ଆବାସ ଯୋଜନାରେ ଗୃହ ମିଳିବ ବୋଲି ଜିଲାପାଳ ଗୁହାପୁନମ ତାପସ କୁମାର କହିଛନ୍ତି। ରାୟଗଡ଼ା ଜିଲା ରାମନାଗୁଡ଼ା ବ୍ଲକ କୁଜେନ୍ଦ୍ରୀ ଗ୍ରାମ ପଞ୍ଚାୟତର ଗାଜିଲିଗୁଡ଼ା ଗ୍ରାମର ଗତ ବାତ୍ୟାରେ କ୍ଷତିଗ୍ରସ୍ତ ଲୋକଙ୍କୁ ବିଧାୟକ ସଞ୍ଜୟ ଦାସବର୍ମା, ରାଜ୍ୟସଭା ଏମ୍‌ପି ଏନ୍‌. ଭାସ୍କର ରାଓ, ଯୋଜନା ବୋର୍ଡ ସଦସ୍ୟ ସୁଧୀର ଦାସଙ୍କ ସମେତ ଜିଲାପାଳ ଗୁହାପୁନମ ତାପସ କୁମାର, ଗୁଣପୁର ଉପଜିଲାପାଳ ଅମ୍ରିତ ରୁତୁରାଜ ଭେଟିଛନ୍ତି। ଗ୍ରାମବାସୀ ପ୍ରଧାନମନ୍ତ୍ରୀ ସଡ଼କ ଯୋଜନାରେ ରାସ୍ତାକାମ କରିବାକୁ ଦାବି କରିଥିଲେ।

କୋଲାବନଗର ଦୁର୍ଗାପୂଜା

କୋଲାବନଗର ଦୁର୍ଗାପୂଜା


କୋଲାବନଗର,୧୮।୧୦(ଡି.ଏନ.ଏ)- କୋଲାବନଗର ନିକଟସ୍ଥ ବିମାନଘାଟି ଓ କଫି ବୋର୍ଡସ୍ଥିତ ପ୍ରଥମ ଭାରତୀୟ ରିଜର୍ଭ ବାଟାଲିଅନ୍‌ ପକ୍ଷରୁ ଦୁର୍ଗାପୂଜା ଅନୁଷ୍ଠିତ ହୋଇଛି।  ବାଟାଲିଅନ୍‌ର ଦୁର୍ଗପତି ପିକେ ସୁବୁଦ୍ଧିଙ୍କ ତତ୍ତ୍ୱାବଧାନରେ ଏହି ପୂଜା ପାଳନ କରାଯାଉଛି। ଆଖପାଖ ଅଞ୍ଚଳର ଅନେକ ଶ୍ରଦ୍ଧାଳୁ ପୂଜା ଦେଖିବା ପାଇଁ ଭିଡ଼ ଜମାଉଛନ୍ତି।

ତିତ୍‌ଲି କ୍ଷୟକ୍ଷତି ସମୀକ୍ଷା : ବିଧାୟକଙ୍କ ଅନୁପସ୍ଥିତିକୁ ନେଇ ଚର୍ଚ୍ଚା

ତିତ୍‌ଲି କ୍ଷୟକ୍ଷତି ସମୀକ୍ଷା : ବିଧାୟକଙ୍କ ଅନୁପସ୍ଥିତିକୁ ନେଇ ଚର୍ଚ୍ଚା

ଗୁଣପୁର,୧୮।୧୦(ଡି.ଏନ.ଏ)-ରାୟଗଡ଼ା ଜିଲା ଗୁଣପୁର ଅଞ୍ଚଳରେ ତିତ୍‌ଲି କ୍ଷୟକ୍ଷତି ଅନୁଧ୍ୟାନ କରିଛି ଏଷ୍ଟିମେଟ କମିଟି। କମିଟି ଅଧ୍ୟକ୍ଷ ସଞ୍ଜୟ ଦାସବର୍ମାଙ୍କ ନେତୃତ୍ୱରେ ଦଳ ପ୍ରଭାବିତ ଅଞ୍ଚଳ ଗସ୍ତ କରିଛି। ପ୍ରଥମେ ରାମନାଗୁଡ଼ା ବ୍ଲକ ଗାଜିଲିଗୁଡ଼ାଠାରେ ଦିଆଯାଉଥିବା ମାଗଣା ରନ୍ଧା ଖାଦ୍ୟ ନେଇ କରିଥିଲେ। ଏହାପରେ ଗୁଣପୁର ଆସି ଗୁଣପୁର ବ୍ଲକର ରେଗେଡ଼ାରେ କ୍ଷତିଗ୍ରସ୍ତ ହୋଇଥିବା କଦଳୀ ଚାଷ ଏବଂ ନାଉଡାଠାରେ ବିଦ୍ୟୁତ୍‌ ସେବା ବ୍ୟାହାତ ହୋଇଥିବା ନେଇ ସ୍ଥିତି ପରିଖି ଥିଲେ।  ବିଭିନ୍ନ ପ୍ରଭାବିତ ଅଞ୍ଚଳ ଗସ୍ତ କରିବା ପରେ ଗୁଣପୁର ବ୍ଲକ ସମ୍ମିଳନୀ କକ୍ଷଠାରେ ସମୀକ୍ଷା ବୈଠକ ବସିଥିଲା।

୩୫ ବର୍ଷରେ ପଦାର୍ପଣ କଲା କାଶୀପୁର ଦୁର୍ଗାପୂଜା

୩୫ ବର୍ଷରେ ପଦାର୍ପଣ କଲା କାଶୀପୁର ଦୁର୍ଗାପୂଜା

କାଶୀପୁର,୧୮।୧୦(ଡି.ଏନ୍‌.ଏ.)- ୩୫ ବର୍ଷରେ ପଦାର୍ପଣ କରିଛି କାଶୀପୁର ଦୁର୍ଗାପୂଜା। ମା’ ଦୁର୍ଗାଙ୍କ ଆବାହନରେ ସଜେଇ ହୋଇଛି ଗଁ।ଠୁ  ସହର। ସବୁଠି ଉତ୍ସବ ମୁଖର। ମା’ ମାଣିକେଶ୍ବରୀ ପୀଠରେ ଧୁମ୍‌ଧାମ୍‌ରେ ଚାଲିଛି ନବରାତ୍ରୀ ପୂଜା। ଦୁର୍ଗାପୂଜା କମିଟିର କାର୍ଯ୍ୟକାଳ ୩୫ ବର୍ଷରେ ପହଞ୍ଚିଛି। ତୋରଣ,ମେଢ ସାଙ୍ଗକୁ ରଙ୍ଗବେରଙ୍ଗ ଆଲୋକ ସଜ୍ଜାରେ ଝଲକୁଛି କାଶୀପୁର।

ଆସନ୍ତା ୨୧ ସୁଦ୍ଧା ସରିବ ନୂଆପଡ଼ା-ଗୁଣପୁର ସେକ୍ସନ ଟ୍ରାକ୍‌ ମରାମତି କାମ

ଆସନ୍ତା ୨୧ ସୁଦ୍ଧା ସରିବ ନୂଆପଡ଼ା-ଗୁଣପୁର ସେକ୍ସନ ଟ୍ରାକ୍‌ ମରାମତି କାମ

ରାୟଗଡ଼ା,୧୮।୧୦ (ଡ଼ି.ଏନ.ଏ)- ଓ୍ବାଲ୍‌ଟିଅର ଡିଭିଜନର ନୂଆପଡ଼ା-ଗୁଣପୁର ସେକ୍ସନ ରେଲଓ୍ବେ ଟ୍ରାକ୍‌ ମରାମତି କାମ ଆସନ୍ତା ୨୧ ତାରିଖ ସୁଦ୍ଧା ଶେଷ ହେବ ବୋଲି ଡିଭିଜିନାଲ ରେଲଓ୍ବେ ମ୍ୟାନେଜର ମୁକୁଲ ସରଣ ମାଥୁର କହିଛନ୍ତି।

ବାପାଙ୍କ କାନ୍ଧରେ ଝିଅଙ୍କ ମୃତଦେହ: ପୋଲିସ ନ ଆସିବାରୁ ୮ କିମି ବୋହି ମେଡ଼ିିକାଲ ନେଲେ

ବାପାଙ୍କ କାନ୍ଧରେ ଝିଅଙ୍କ ମୃତଦେହ: ପୋଲିସ ନ ଆସିବାରୁ ୮ କିମି ବୋହି ମେଡ଼ିିକାଲ ନେଲେ

ଗଜପତି, ୧୮।୧୦ (ଡ଼ି.ଏନ.ଏ)- ଗଜପତି ଜିଲା ରାୟଗଡ଼ ବ୍ଲକ୍‌ ଆତଙ୍କପୁରରେ ଏକ ଅଭାବନୀୟ ଘଟଣା ଘଟଛି। ପୋଲିସ୍‌ ବ୍ୟବଚ୍ଛେଦ ପାଇଁ ମୃତଦେହ ନ ହେବାରୁ ବାପା ମୁକୁନ୍ଦ ଦୋରା ନାବାଳିକା ଝିଅର ଗଳିତ ମୃତଦେହ କାନ୍ଧରେ ୮ କି.ମି ବୋହିଛନ୍ତି।

ଜୟପୁର ରଥ ପଡ଼ିଆ ଛକ ଗୁଳିକାଣ୍ଡ ମାମଲା:  ଆଉ ୩ ଗିରଫ

ଜୟପୁର ରଥ ପଡ଼ିଆ ଛକ ଗୁଳିକାଣ୍ଡ ମାମଲା: ଆଉ ୩ ଗିରଫ

ଜୟପୁର, ୧୮।୧୦ (ଡ଼ି.ଏନ.ଏ)-  ଜୟପୁର ରଥ ପଡ଼ିିଆ ଛକ ଗୁଳିକାଣ୍ଡ ମାମଲାରେ ୩ ଜଣଙ୍କୁ ଗିରଫ କରିଛି ଟାଉନ ଥାନା ପୋଲିସ। ଅଭିଯୁକ୍ତମାନେ ହେଲେ ସ୍ଥାନୀୟ ଗୋଡ଼ିଆ ଧୋବା ସାହିର ସନ୍ତୋଷ ନାୟକ ଓରଫ ମୁନା, ସୁରି ନାୟକ, ପୂର୍ଣ୍ଣଚନ୍ଦ୍ର ନାୟକ । ୩ ଅଭିଯୁକ୍ତଙ୍କୁ ଭୁବନେଶ୍ୱରରୁ ପୋଲିସ ଗିରଫ କରିଛି । ଏହି ମାମଲାରେ ପୂର୍ବରୁ ୩ ଜଣ ଗିରଫ ହୋଇଥିଲେ । କିନ୍ତୁ ମୁଖ୍ୟ ଅଭିଯୁକ୍ତ ବିକାଶ ପାତ୍ର ବର୍ତ୍ତମାନ ସୁଧା ଫେରାର ଅଛନ୍ତି।

ମନ୍ଦିର ପରିସରରୁ ୭ ଜୁଆଡ଼ି ଗିରଫ

ମନ୍ଦିର ପରିସରରୁ ୭ ଜୁଆଡ଼ି ଗିରଫ

ମାଥିଲି, ୧୮।୧୦ (ଡି.ଏନ.ଏ.)- ମାଲକାନଗିରି ଜିଲା ମାଥିଲି ଥାନା ଅନ୍ତର୍ଗତ ମାଉଁଲି ମା’ ମନ୍ଦିର ପରିସରରେ ବୁଧବାର ବିଳମ୍ବିତ ରାତିରେ ପୋଲିସ ଚଢାଉ କରି ୭ ଜୁଆଡିଙ୍କୁ ଗିରଫ କରିଛି । 

ଟ୍ରକ-ବାଇକ୍‌ ଧକ୍କା, ଜଣେ ମୃତ

ଟ୍ରକ-ବାଇକ୍‌ ଧକ୍କା, ଜଣେ ମୃତ

ରାୟଗଡା ଅଫିସ, ୧୭।୧୦-ରାୟଗଡା ସହର ସାଇ ଇଣ୍ଟରନ୍ୟାସନାଲ ଟାଫିକ ଛକ ନିକଟରେ ଏକ ଟ୍ରକ ବାଇକ୍‌ ମୁହାଁମୁହିଁ ଧକ୍କା ହେବା ଫଳରେ ଏଥିରେ ବାଇକ ଚାଳକଙ୍କ   ମୃତ୍ୟୁ ହୋଇଛି। ସେ  ହେଲେ ଜେକେପୁର ଥାନା ଅଧୀନ ନେହେରୁ ନଗରର ପ୍ରତାପ ଚନ୍ଦ୍ର ପାଣିଗ୍ରାହୀ। ପୋଲିସ ଟ୍ରକ ଡ୍ରାଇଭରଙ୍କୁ ଗିରଫ କରିଛି। 

ଚିକ୍‌ମିକ୍‌ ଆଲୁଅରେ ଝଲସୁଛି ମାଲକାନଗିରି

ଚିକ୍‌ମିକ୍‌ ଆଲୁଅରେ ଝଲସୁଛି ମାଲକାନଗିରି

ମାଲକାନଗିରି, ୧୭।୧୦(ଡି.ଏନ୍‌.ଏ.)- ମାଲକାନଗିରି ଜିଲା ସଦର ମହକୁମା ଏବଂ ବିଭିନ୍ନ ବ୍ଲକରେ  ମା’ ଦୁର୍ଗାଙ୍କ ମହାଷ୍ଟମୀ ପୂଜା ପାରମ୍ପରିକ ରୀତିନୀତିରେ ଅନୁଷ୍ଠିତ ହୋଇଯାଇଛି। ଏହାଛଡା ବିଭିନ୍ନ ଶକ୍ତିପୀଠରେ ନବମୀ ପୂଜା ମଧ୍ୟ ଅନୁଷ୍ଠିତ ହେଉଛି। ଷଷ୍ଠୀଠାରୁ ବିଭିନ୍ନ ପୂଜା ମଣ୍ଡପରେ ମା’ଙ୍କ ବେଲ ବରଣ ପୂଜା ସହ   ଶକ୍ତିପୀଠଗୁଡ଼ିକରେ ଚଣ୍ଡୀପାଠ, ହୋମଯଜ୍ଞ  ଆଦି କରାଯାଉଛି। 

ସରକାରୀ ବ୍ୟବସ୍ଥାର ବିଚିତ୍ର ରୂପ: ଜଙ୍ଗଲ ହୁଡାରେ ଗୋବିନ୍ଦପାଲି ଯାତ୍ରୀ ପ୍ରତୀକ୍ଷାଳୟ

ସରକାରୀ ବ୍ୟବସ୍ଥାର ବିଚିତ୍ର ରୂପ: ଜଙ୍ଗଲ ହୁଡାରେ ଗୋବିନ୍ଦପାଲି ଯାତ୍ରୀ ପ୍ରତୀକ୍ଷାଳୟ

ମାଥିଲି, ୧୭।୧୦(ଡି.ଏନ୍‌.ଏ.) - ସରକାରୀ ବ୍ୟବସ୍ଥାରେ ବିଚିତ୍ର ରୂପ। ଯିବାକୁ ହୋଇନି ରାସ୍ତା। ଜଙ୍ଗଲ ହୁଡାରେ ଖୋଲାପଡିଛି ଯାତ୍ରୀ ପ୍ରତୀକ୍ଷାଳୟ। ମାଲକାନଗିରି ଜିଲା ଖଇରପୁଟ ବ୍ଲକ  ଗୋବିନ୍ଦପାଲି ସଦର ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ଏପରି ଦୃଶ୍ୟ ଦେଖିବାକୁ ମିଳିଛି। ଦୀର୍ଘ ଦିନରୁ ଯାତ୍ରୀମାନଙ୍କ ସୁବିଧା ନିମନ୍ତେ ସ୍ବାସ୍ଥ୍ୟକେନ୍ଦ୍ର ସମ୍ମୁଖରେ ନୂତନ ଭାବେ ଯାତ୍ରୀ ପ୍ରତୀକ୍ଷାଳୟ ନିର୍ମାଣ କରାଯାଇଥିଲା । କିନ୍ତୁ ଆଜି ପର୍ଯ୍ୟନ୍ତ ଏହା ବ୍ୟବହାର ହୋଇନାହିଁ।