ରାୟଗଡା

ବାଲ୍ୟ ବିବାହ ନିରୋଧୀ ଅଭିଯାନର ୨ ତରୁଣ ସାରଥି

ବାଲ୍ୟ ବିବାହ ନିରୋଧୀ ଅଭିଯାନର ୨ ତରୁଣ ସାରଥି
ପଟ୍ଟାଙ୍ଗି,୬।୧୨(ଡି.ଏନ୍‌.ଏ.) କୋରାପୁଟ ଭଳି ଆଦିବାସୀ ବହୁଳ ଜିଲାରେ ବାଲ୍ୟ ବିବାହ ପ୍ରଥାରୁ ଲୋକେ ଏବେ ବି ମୁକୁଳି ପାରିନାହାନ୍ତି। ପ୍ରଶାସନ ଏନେଇ ସଚେତନ କରୁଥିଲେ ମଧ୍ୟ ତାହା ପ୍ରଭାବହୀନ। ପରମ୍ପରା ନାଁରେ ଚାଲିଆସିଥିବା ଏହି ଦୀର୍ଘଦିନର ପ୍ରଥାକୁ ଅନ୍ଧ ଭଳି ଜାବୁଡ଼ି ଧରିଛନ୍ତି ଲୋକେ। ବାଲ୍ୟ ବିବାହ ଦ୍ୱାରା ଭବିଷ୍ୟତ ଯେ ନିରାପଦ ନୁହେଁ, ଏହି ମର୍ମକୁ ଅତି କମ୍‌ ବୟସରେ ବୁଝିନେଇଥିଲେ ରାଇମତି ଓ ଆନନ୍ଦ। କୋରାପୁଟ ଜିଲାର ଭିନ୍ନ ଭିନ୍ନ ଗାଁର ବାସିନ୍ଦା ଥିବା ଏହି ଦୁଇଜଣ ଆଦିବାସୀ ତରୁଣୀ ତରୁଣ ନାବାଳକ ବୟସରେ ଘରଲୋକଙ୍କ ଦ୍ୱାରା ଅଣାଯାଇଥିବା ବିବାହ ପ୍ରସ୍ତାବକୁ କେବଳ ପ୍ରତ୍ୟାଖ୍ୟାନ କରିନଥିଲେ, ବରଂ ନିଜ ଅଞ୍ଚଳରୁ ବାଲ୍ୟ ବିବାହକୁ ବନ୍ଦ କରିବା ପାଇଁ ସଚେତନତା ଅଭିଯାନରେ ସାମିଲ ମଧ୍ୟ ହୋଇଥିଲେ। ପାଠପଢ଼ା ସହ ନିଜ ଗାଁରେ ଶିଶୁସଂଘ ଗଢ଼ି ଏ ଦୁଇଜଣ ଏବେ ବାଲ୍ୟ ବିବାହ ନିରୋଧୀ ଅଭିଯାନର ଦୁଇ ତରୁଣ ସାରଥି ସାଜିଛନ୍ତି। ରାଇମତି ସାଉନ୍ତା। କୋରାପୁଟ ଜିଲା କୁନ୍ଦୁରା ବ୍ଲକ କେରମଟି ପଞ୍ଚାୟତ ଗମକାପଦର ଗ୍ରାମର ବାସିନ୍ଦା। ଅଷ୍ଟମ ଶ୍ରେଣୀରେ ପାଠ ପଢୁଥିବା ବେଳେ ବାପା ତାଙ୍କ ବାହାଘର ପ୍ରସ୍ତାବ ଆଣିଥିଲେ। ତାଙ୍କ ବାପା ଜଣେ ଚାଷୀ। ପ୍ରସ୍ତାବ ପଡ଼ିଥିବା ପରିବାର ମଧ୍ୟ ଚାଷୀ ଥିଲେ। ରାଇମତି କହନ୍ତି, ‘ବାପା ମା’ ମୋତେ ବିବାହ ଦେବା ପାଇଁ ବେଶ୍‌ ବ୍ୟାକୁଳ ଥିଲେ। ହୋଇପାରେ ସେଇଟା ତାଙ୍କ ଖୁସି। କିନ୍ତୁ ଏହାର କୁପରିଣତି ଦିଗରେ ସେମାନେ ସଚେତନ ନଥିଲେ। ଅତି କମ୍‌ ବୟସରେ ବିବାହ ମୋ’ ଜୀବନରେ ଅନ୍ଧକାର ଭରିଦେବା ଆଶଙ୍କା ଥିଲା। ସେମାନଙ୍କୁ ବୁଝାଇବା ପାଇଁ ମୁଁ ବହୁତ ଚେଷ୍ଟା କଲି। ଏମିତିକି ମୋ’ ବଡ଼ଭାଇଙ୍କୁ ମଧ୍ୟ ଅନୁରୋଧ କରିଥିଲି ବାହାଘର ବନ୍ଦ କରିବା ପାଇଁ। ଭାଇଙ୍କ ଇଚ୍ଛା ଥିଲା ମୁଁ ଆଗକୁ ପାଠ ପଢ଼ିବି। ଶିକ୍ଷକ, ଶିକ୍ଷୟିତ୍ରୀ ଓ ଆମ ଗ୍ରାମରେ କାମ କରୁଥିବା ସ୍ବେଚ୍ଛାସେବୀ ସାଥୀ ଏବଂ ବିଦ୍ୟାଳୟ ଦ୍ୱାରା ହେଉଥିବା ବୈଠକ/ସଭାରେ ଯୋଗଦେଇ ଶିଶୁ ଅଧିକାର ଓ ବାଲ୍ୟ ବିବାହ ସମ୍ପର୍କରେ ବେଶ୍‌ ଧାରଣା ହୋଇସାରିଥିଲା। ତେଣୁ ଏନେଇ ବାପାମା’ଙ୍କୁ ବୁଝାଇ ପାରିଥିଲି। ମୁଁ ବାହାଘରକୁ ବିରୋଧ କରୁନି, କିନ୍ତୁ ବାଲ୍ୟ ବିବାହକୁ ବିରୋଧ କରୁଛି। ମୋର ଯେଉଁଠୁ ପ୍ରସ୍ତାବ ଆସିଥିଲା, ମୁଁ ତାଙ୍କ ପରିବାରକୁ କହିଥିଲି ମୋର ପାଠ ପଢ଼ିବା ସରିବା ପର୍ଯ୍ୟନ୍ତ ସେମାନେ ଅପେକ୍ଷା କରନ୍ତୁ। କିନ୍ତୁ ସେମାନେ ସେ ପୁଅକୁ ଅନ୍ୟ ଜାଗାରେ ବିଭା କରିଦେଲେ। ମୁଁ ଆଜି ବହୁତ ଖୁସି। ମୋତେ ୧୭ ବର୍ଷ ହେଲାଣି ଆଉ ମୁଁ ଯୁକ୍ତଦୁଇରେ ପାଠ ପଢୁଛି। ସାଙ୍ଗମାନଙ୍କୁ ନେଇ ୪ ଖଣ୍ଡ ଗ୍ରାମରେ ଆମେ ଶିଶୁସଂଘ ଗଢ଼ିଛୁ। ପ୍ରତ୍ୟେକ ମାସ ବୈଠକରେ ମୁଁ ଆଉ ମୋର ସାଙ୍ଗମାନେ ଶିଶୁ ଅଧିକାର ଓ ବାଲ୍ୟ ବିବହାର କୁପରିଣତି ସମ୍ପର୍କାରେ ଆଲୋଚନା କରୁଛୁ। ଯଦି କେଉଁଠୁ ବାଲ୍ୟ ବିବାହ ଖବର ଆସୁଛି, ତେବେ ଭୟ ନକରି ୧୦୯୮କୁ ଫୋନ୍‌ କରିବା ପାଇଁ ସମସ୍ତଙ୍କୁ ସଚେତନ କରାଉଛୁ। ମୋର ଆଶା ସମସ୍ତଙ୍କ ସହଯୋଗରେ ଆମେ ବାଲ୍ୟ ବିବାହକୁ ବନ୍ଦ କରିପାରିବୁ।’ ଆନନ୍ଦ ପାଙ୍ଗି। ପଟ୍ଟାଙ୍ଗି ବ୍ଲକ ଧୁରିଆ ଗାଁରେ ଘର। ୨ ବର୍ଷ ତଳେ ମାମୁଘରୁ ତାଙ୍କ ପାଇଁ ବିବାହ ପ୍ରସ୍ତାବ ଆସିଥିଲା। ସେତେବେଳେ ତାଙ୍କୁ ୧୬ ବର୍ଷ ବୟସ ଓ ସେ ଯୁକ୍ତଦୁଇ ପ୍ରଥମ ବର୍ଷର ଛାତ୍ର ଥିଲେ। କଲେଜ ଓ ବିଭିନ୍ନ ପତ୍ରପତ୍ରିକାରୁ ବାଲ୍ୟ ବିବାହର କୁପରିଣତି ବିଷୟରେ ସଚେତନ ଥିବା ଆନନ୍ଦ ନାବାଳକ ବୟସରେ ବିବାହ ନ କରିବା ପାଇଁ ବାପାମା’ଙ୍କୁ ବୁଝାଇଥିଲେ। ସେମାନେ ରାଜି ନ ହେବାରୁ ନିଜ ଅଞ୍ଚଳରେ କାମ କରୁଥିବା ଆଦିବାସୀ ଏକତା ମଞ୍ଚର ସହଯୋଗ ଲୋଡ଼ିଥିଲେ। ଆଖପାଖରେ ଯେଉଁମାନେ ବାଲ୍ୟ ବିବାହ କରିଥିଲେ, ସେମାନେ ଏବେ କିଭଳି ଅସୁବିଧା ଭୋଗୁଛନ୍ତି, କାହାର ଦୁର୍ବଳ ପିଲା ଜନ୍ମ ହୋଇଛି ତ କାହାର ପିଲା ମରିଯାଇଛି। ଯେଉଁମାନେ କମ୍‌ ବୟସରେ ବାହା ହୋଇଛନ୍ତି, ସେମାନେ କିଭଳି ଶାରୀରିକ ଭାବେ ଦୁର୍ବଳ ହୋଇଯାଇଛନ୍ତି, ଏହିଭଳି ଉଦାହରଣ ଦେଇ ସେ ବାପାମା’ଙ୍କୁ ବୁଝାଇଥିଲେ। ସୁଖର କଥା, ସେମାନେ ଆନନ୍ଦଙ୍କୁ ବୁଝିପାରି ବିବାହ ରୋକିଥିଲେ। ଏବେ ତାଙ୍କୁ ୧୮ ବର୍ଷ ଆଉ ସେ ଯୁକ୍ତତିନିରେ ପାଠ ପଢୁଛନ୍ତି। ଏହା ସହ ସେ ଗାଁ ଯୁବକ ସଂଘ ଓ ଶିଶୁସଂଘ ଜରିଆରେ ବାଲ୍ୟ ବିବାହର କୁପରିଣତି ସମ୍ପର୍କରେ ସଚେତନ କରୁଛନ୍ତି।
All Right Reserved By

ରାୟଗଡା

ବିକାଶ ବଦଳରେ ସମସ୍ୟାକୁ ପୁଞ୍ଜି କରିଛି ପୁଞ୍ଜିସିଲ

ବିକାଶ ବଦଳରେ ସମସ୍ୟାକୁ ପୁଞ୍ଜି କରିଛି ପୁଞ୍ଜିସିଲ

କୋରାପୁଟ,୧ା୧୯(ସ୍ବ.ପ୍ର.) ଗାଁର ବିକାଶ ପାଇଁ ରାସ୍ତା, ପାଣି, ଆବାସ, ସ୍କୁଲ ଭଳି ମୌଳିକ ସୁବିଧା ଦରକାର। କିନ୍ତୁ ଏସବୁ ପାଇବାରୁ ବଞ୍ଚତ୍ତ ହୋଇଛି ଗୋଟିଏ ଆଦିବାସୀ ପଡ଼ା। କୋରାପୁଟ ଜିଲା ଦଶମନ୍ତପୁର ବ୍ଲକ ମୁଜାଙ୍ଗ ପଞ୍ଚାୟତ ଦୁର୍ଗମ ପୁଞ୍ଜିସିଲ ହେଉଛି ସେହିଭଳି ଏକ ଗାଁ, ଯେଉଁଠି ଏଭଳି ନାନାଦି ମୌଳିକ ସମସ୍ୟା ଗାଁ ଲୋକଙ୍କ ଭିତରେ ପୁଞ୍ଜୀଭୂତ ଅସନ୍ତୋଷ ସୃଷ୍ଟି କରିଛି। 

ଗୁଣପୁର କୋର୍ଟରେ ହାଜର ହେଲେ ସବ୍ୟସାଚୀ

ଗୁଣପୁର କୋର୍ଟରେ ହାଜର ହେଲେ ସବ୍ୟସାଚୀ

ଗୁଣପୁର,୧୮।୧(ଡି.ଏନ.ଏ)-ରାୟଗଡା ଜିଲା ଗୁଣପୁର କୋର୍ଟରେ କଡ଼ା ସୁରକ୍ଷା  ମଧ୍ୟରେ ମାଓବାଦୀ ନେତା ସବ୍ୟସାଚୀ ପଣ୍ଡାଙ୍କୁ ଶୁକ୍ରବାର ହାଜର କରାଯାଇଥିଲା । ଗୁଣପୁର ସହକାରୀ ଦୌରା ଜଜ୍‌ଙ୍କ କୋର୍ଟରେ ତାଙ୍କ ନାମରେ ରହିଥିବା ମାମଲାଗୁଡ଼ିକର ସାକ୍ଷ୍ୟ ଗ୍ରହଣ କରାଯାଇଥିଲା ।

ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର

ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର

ବୈପାରୀଗୁଡ଼ା,୧୮।୧ (ଡି.ଏନ୍‌.ଏ)-ଶୁକ୍ରବାର ବୈପାରୀଗୁଡ଼ା ଗୌଡ଼ସାହି ନିକଟସ୍ଥ ଏକ ଶ୍ମଶାନ ନିକଟରେ ଜଣେ ଯୁବକଙ୍କ ମୃତଦେହ ଏକ ଗଛ ଡାଳରେ ଝୁଲୁଥିବା ଅବସ୍ଥାରେ ଉଦ୍ଧାର କରାଯାଇଛି। 

ବଣ୍ଡା ଜନଜାତି ଲୋକଙ୍କୁ ଭେଟିଲେ ପ୍ରଧାନ ମୁଖ୍ୟ ବନ ସଂରକ୍ଷକ

ବଣ୍ଡା ଜନଜାତି ଲୋକଙ୍କୁ ଭେଟିଲେ ପ୍ରଧାନ ମୁଖ୍ୟ ବନ ସଂରକ୍ଷକ

ଖଇରପୁଟ,୧୮। ୧(ଡି.ଏନ.ଏ.)- ପ୍ରଧାନ ମୁଖ୍ୟ ବନ ସଂରକ୍ଷକ ଦେବବ୍ରତ୍ତ ସ୍ବାଇଁ ମାଲକାନଗିରି ଜିଲାର ଦୁର୍ଗମ ଅଞ୍ଚଳ ବଣ୍ଡାଘାଟି ଗସ୍ତ  କରିଥିଲେ। ସେ ମୁଦୁଲିପଡ଼ା ପଞ୍ଚାୟତ ଯାଇ ମୁଦୁଲିପଡା ଗ୍ରାମ ନିକଟରେ ଥିବା ସୀତା କୁଣ୍ଡ ଦର୍ଶନ କରିଥିଲେ।

ନକଲି ମସଲା  କାରଖାନା ଠାବ ଘଟଣା: ଜଣେ ଗିରଫ, ମାନ ପରୀକ୍ଷା ପାଇଁ ଲାବୋରେଟୋରୀ ପଠାଗଲା ମସଲା

ନକଲି ମସଲା କାରଖାନା ଠାବ ଘଟଣା: ଜଣେ ଗିରଫ, ମାନ ପରୀକ୍ଷା ପାଇଁ ଲାବୋରେଟୋରୀ ପଠାଗଲା ମସଲା

ଜୟପୁର, ୧୮।୧(ନି.ପ୍ର.)-ନକଲି ମସଲା କାରଖାନାରେ ଗୁରୁବାର ଜୟପୁର ଟାଉନ ପୋଲିସ ଚଢ଼ାଉ କରି ବିଭିନ୍ନ ବ୍ରାଣ୍ଡର ଜରି ପ୍ୟାକେଟ ଏବଂ ମସଲା ଜବତ କରିଥିବାବେଳେ ଶୁକ୍ରବାର ଏଥିରେ ସମ୍ପୃକ୍ତି ଥିବା ଅଭିଯୋଗରେ ବ୍ରହ୍ମପୁରର ହରିହର ପାତ୍ରଙ୍କୁ ଗିରଫ କରିଛି। 

ବଂଶଧାରା ଆଁରେ ଲୀନ ହେବ ପାଲସିଂ ଗାଁ

ବଂଶଧାରା ଆଁରେ ଲୀନ ହେବ ପାଲସିଂ ଗାଁ

କାଶୀନଗର, ୧୮ା୧(ଡି.ଏନ.ଏ): ଗାଁକୁ ଲାଗିରହିଛି ବଂଶଧାରା ନଦୀ। ପ୍ରତିବର୍ଷ ବନ୍ୟାରେ ନଦୀ କୂଳ ଖାଇଚାଲିଛି। ଫଳରେ ଦିନେ ନଦୀ ଗର୍ଭରେ ଗ୍ରାମଟି ଲୀନ ହୋଇଯିବାର ଆଶଙ୍କା ସୃଷ୍ଟି ହେଲାଣି। ସେହିପରି କିଛିବର୍ଷ ହେଲା ଆନ୍ଧ୍ରର କାଟ୍ରାଗଡ ପ୍ରକଳ୍ପ ଚିନ୍ତା ବି ଘାରିଛି। ଏ ନେଇ ପ୍ରଶାସନ ଚୁପ୍‌ ବସିଥିବାରୁ ଗ୍ରାମବାସୀ ଆନ୍ଦୋଳନକୁ ଓହ୍ଲାଇବା ପାଇଁ ସଜବାଜ ହେଉଛନ୍ତି। ଏହାସତ୍ତ୍ୱେ ସରକାର ନ ଶୁଣିଲେ ସେମାନେ ଆନ୍ଧ୍ରରେ ମିଶିଯିବେ ବୋଲି ଚେତାବନୀ ଦେଇଛନ୍ତି ଗଜପତି ଜିଲା କାଶୀନଗର ବ୍ଲକର ପାଲସିଂ ଗ୍ରାମବାସୀ।

ଦୁଡୁକାବାହାଲ ଚେକ୍‌ଡ୍ୟାମକୁ ବିରୋଧ

ଦୁଡୁକାବାହାଲ ଚେକ୍‌ଡ୍ୟାମକୁ ବିରୋଧ

ଟିକିରି,୧୮।୧(ଡ଼ି.ଏନ.ଏ): କାଶୀପୁର ବ୍ଲକ ଦୁଡୁକାବାହାଲ ପଞ୍ଚାୟତ ଠାରୁ କିଛି ଦୂରରେ ନିର୍ମାଣାଧୀନ ଚେକ୍‌ଡ୍ୟାମକୁ ଚାଷୀମାନେ ବିରୋଧ କରିଛନ୍ତି ।  ଜିଲା ଖଣିଜ ପାଣ୍ଠିରୁ ଦଶଲକ୍ଷ ଟଙ୍କା ବ୍ୟୟରେ ଏହା ନିର୍ମାଣ ଚାଲିଛି।  ଏହି ଡ୍ୟାମଟି ଯେଉଁ ସ୍ଥାନରେ ନିର୍ମାଣ କରାଯାଉଛି ତାହାଦ୍ୱାରା ଅନ୍ୟ ଜମିକୁ ପାଣି ମାଡିବ ନାହିଁ । ଏହି ଚେକ୍‌ଡ୍ୟାମଟି ଉପରମୁଣ୍ଡରେ ନିର୍ମାଣ କରାଯିବା କଥା, କିନ୍ତୁ ଠିକାଦାର ଓ ଜେଇ ନିଜ ଇଚ୍ଛାରେ ତଳମୁଣ୍ଡରେ ଏହା ନିର୍ମାଣ କରୁଛନ୍ତି।  କିଛିବର୍ଷ ତଳେ ଏହାର ପ୍ରାୟ ପଚାଶ ମିଟର ଉପରେ ଏକ ଚେକ୍‌ଡ୍ୟାମ ନିର୍ମାଣ କରାଯାଇଥିଲା। ତାହା  କାର୍ଯ୍ୟକାରୀ ହେଉ ନ ଥିବାବେଳେ ବର୍ତ୍ତମାନ ପୁଣି ଏକ ଚେକ୍‌ଡ୍ୟାମ କାହା ସ୍ବାର୍ଥରେ ବୋଲି  ଡୁଡୁକାବାହାଲ ଗ୍ରାମର ଅଟାରି ନାଏକ, ଶଙ୍କର ନାଏକ, ଚାଟି ନାଏକ, ନରସିଂହ ପାଢି, ବିଜୟ ନାଏକ, ରାମେଶ୍ୱର ପ୍ରଧାନି, ହର ପ୍ରଧାନି, ପୀତବାସୀ ପ୍ରଧାନୀ ପ୍ରମୁଖ ଗ୍ରାମବାସୀ ପ୍ରଶ୍ନ କରିଛନ୍ତି ।

ଜୟପୁର ଉପକାରାଗାରରେ ଅବ୍ୟବସ୍ଥା: ୨ଗୁଣରୁ ଊର୍ଦ୍ଧ୍ୱ ବିଚାରାଧୀନ କଏଦୀ

ଜୟପୁର ଉପକାରାଗାରରେ ଅବ୍ୟବସ୍ଥା: ୨ଗୁଣରୁ ଊର୍ଦ୍ଧ୍ୱ ବିଚାରାଧୀନ କଏଦୀ

ଜୟପୁର,୧୮।୧(ଡି.ଏନ୍‌.ଏ.): କୋରାପୁଟ ଜିଲା ଜୟପୁର ଉପଖଣ୍ଡ କାରାଗାର ଉପରେ ୮ଟି ଥାନା ବିଭିନ୍ନ ମାମଲାରେ ନିର୍ଭର କରୁଛି। ଜୟପୁର ଉପକାରାଗାର ୧୯୫୮ରେ ସ୍ଥାପନ ହୋଇ ମାନ୍ୟତା ପାଇଛି। କିନ୍ତୁ ଅଧିକ ଥାନା, ସମସ୍ତ ଜିଲାଜଜ୍‌ ଓ ଅନ୍ୟ କୋର୍ଟ ଏଠାରେ ଥିବା ଯୋଗଁୁ  ଆବଶ୍ୟକଠାରୁ ଅଧିକ ବିଚାରାଧୀନ କଏଦୀ ରହୁଛନ୍ତି । କିନ୍ତୁ ଏହାକୁ ଉନ୍ନୀତ କରାଯାଇ ସ୍ବତନ୍ତ୍ର ଜେଲ କିମ୍ବା ଜିଲା ଜେଲ ଭାବେ ମାନ୍ୟତା ଦେବା ପାଇଁ ପଦକ୍ଷେପ ନିଆଯାଉ ନାହିଁ। ଏହାକୁ ଉନ୍ନୀତ କରାଗଲେ ୪୦୦ ଜଣ କଏଦୀ ରହିବାର ବ୍ୟବସ୍ଥା କରାଯିବ ଏବଂ  ଆବଶ୍ୟକ ଅନୁଯାୟୀ ସୁରକ୍ଷା କର୍ମଚାରୀ ଓ ଅନ୍ୟ ବ୍ୟବସ୍ଥା କରାଯିବ । ସେହିପରି ସୁରକ୍ଷା ଏବଂ ଅନ୍ୟ ସମସ୍ୟାକୁ ଆଖିଆଗରେ ରଖାଯାଇ ଏଠାରୁ ୧୦୦ ଜଣ ବିଚାରାଧୀନ କଏଦୀଙ୍କୁ କୋରାପୁଟ ସର୍କଲ ଜେଲକୁ ସ୍ଥାନାନ୍ତର ପାଇଁ ଉପକାରାଗାର କର୍ତ୍ତୃପକ୍ଷ ଉଚ୍ଚ ଅଧିକାରୀଙ୍କୁ ଅନୁରୋଧ କରିଛନ୍ତି ।

ଛାତ୍ରୀଛାତ୍ରଙ୍କ ମିଥ୍ୟା ଉପସ୍ଥାନ ଦେଖାଇ ଫସିଲେ ଶିକ୍ଷକ: ବିଇଓ ଜାରି କଲେ କାରଣ ଦର୍ଶାଅ ନୋଟିସ୍‌

ଛାତ୍ରୀଛାତ୍ରଙ୍କ ମିଥ୍ୟା ଉପସ୍ଥାନ ଦେଖାଇ ଫସିଲେ ଶିକ୍ଷକ: ବିଇଓ ଜାରି କଲେ କାରଣ ଦର୍ଶାଅ ନୋଟିସ୍‌

ମାଲକାନଗିରି, ୧୮।୧ (ଡି.ଏନ୍‌.ଏ.) ଛାତ୍ରୀଛାତ୍ରଙ୍କ ମିଥ୍ୟା ଉପସ୍ଥାନ ଦେଖାଇ ଜଣେ ଶିକ୍ଷକ ଏବେ ହରଡ଼ଘଣାରେ। ଏହା ଜଣାପଡିବା ପରେ ସମ୍ପୃକ୍ତ  ଶିକ୍ଷକଙ୍କୁ  ବ୍ଲକ  ଶିକ୍ଷାଧିକାରୀ(ବିଇଓ) କାରଣ ଦର୍ଶାଅ ନୋଟିସ୍‌ ଜାରି କରିଛନ୍ତି। ଏପରି ଘଟଣା ଘଟିଛି ମାଲକାନଗିରି ସଦର ବ୍ଲକ ଝରାପାଲ୍ଲୀ  ପଞ୍ଚାୟତ ସଦର ମହକୁମା ପ୍ରକଳ୍ପ ଉଚ୍ଚ ବିଦ୍ୟାଳୟରେ।

ଶଙ୍କରଡ଼ା ପଞ୍ଚାୟତ:  ପାଣି ପାଇଁ ଲୋକେ ଡ଼ହଳବିକଳ

ଶଙ୍କରଡ଼ା ପଞ୍ଚାୟତ: ପାଣି ପାଇଁ ଲୋକେ ଡ଼ହଳବିକଳ

ଟିକିରି, ୧୮ା୧ (ଡି.ଏନ୍‌.ଏ.)- ରାୟଗଡ଼ା ଜିଲା କାଶିପୁର ବ୍ଳକ ଶଙ୍କରଡା ପଞ୍ଚାୟତର ଅଧିକାଂଶ ଗ୍ରାମରେ ରାସ୍ତାଘାଟ ଓ ପାନୀୟ ଜଳ ସମସ୍ୟା ଲାଗି ରହିଛି। ଫଳରେ ଗ୍ରାମବାସୀ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଏନେଇ ବାରମ୍ବାର ଅଭିଯୋଗ କଲେ ମଧ୍ୟ କେହି ଶୁଣୁ ନାହାନ୍ତି। 

ଓଡ଼ିଆ ଅଭିନେତ୍ରୀରୁ ମାତା ମାହେଶ୍ୱରୀ

ଓଡ଼ିଆ ଅଭିନେତ୍ରୀରୁ ମାତା ମାହେଶ୍ୱରୀ

ଜୟପୁର,୧୭ା୧(ଡି.ଏନ୍‌.ଏ./ନି.ପ୍ର.): ଓଡ଼ିଆ ଚଳଚ୍ଚିତ୍ର ଓ ଆଲବମ୍‌ ଜଗତରେ ନିଜ ରୂପ ଓ ଅଭିନୟ ଦ୍ୱାରା ଏକଦା ଦର୍ଶକଙ୍କ ହୃଦୟ ଜିଣିଥିବା ଅଭିନେତ୍ରୀ ଶ୍ୱେତା ମଲ୍ଲିକ ଏବେ ସେଲିବ୍ରିଟିରୁ ଆତ୍ମଘୋଷିତ ‘ମାତା ମାହେଶ୍ୱରୀ’ ପାଲଟି ଯାଇଛନ୍ତି। ପରଦାରୁ ବହୁଦିନ ହେଲା ଉଭାନ୍‌ ଥିବା ଏହି ଅଭିନେତ୍ରୀ ଜଣକ ଏବେ ଆକସ୍ମିକ ଭାବେ ସନ୍ନ୍ୟାସିନୀ ରୂପରେ କୋରାପୁଟ ଜିଲା ଜୟପୁରରେ ଆବିର୍ଭାବ ହେବା ପରେ ତାଙ୍କୁ ନେଇ ଜୟପୁର ସହର ସମେତ ରାଜ୍ୟବ୍ୟାପୀ ଚର୍ଚ୍ଚା ଜୋର୍‌ ଧରିଛି। ତାଙ୍କ ବ୍ୟତୀତ ସମ୍ରାଟ କ୍ୟାସେଟ୍‌ କମ୍ପାନିର ମାଲିକ ବିଶ୍ୱମ୍ଭର ସାବତ ମଧ୍ୟ ଆଧ୍ୟାତ୍ମିକ ପରିବର୍ତ୍ତନ କ୍ରମରେ ନିଜକୁ ବାବା ଅନନ୍ତ କେଶରୀ ସମ୍ରାଟ ବିଶ୍ୱମ୍ଭର ମହାରାଜ ରୂପେ ପରିଚୟ ଦେଉଛନ୍ତି। ଉଭୟ ନିଜକୁ ଦିବ୍ୟମହିଳା ଓ ପୁରୁଷ ଭାବେ ଆତ୍ମଘୋଷଣା କରିବା ସହ ଈଶ୍ୱରଙ୍କ ସହ ସେମାନେ ପ୍ରତ୍ୟକ୍ଷ ସମ୍ପର୍କରେ ଥିବା କହୁଛନ୍ତି।

କମେଣ୍ଟ ମରାକୁ କେନ୍ଦ୍ର କରି ଗୋଷ୍ଠୀ ସଂଘର୍ଷ:  ୪ ଆହତ, ବ୍ୟାପକ ଭଙ୍ଗାରୁଜା

କମେଣ୍ଟ ମରାକୁ କେନ୍ଦ୍ର କରି ଗୋଷ୍ଠୀ ସଂଘର୍ଷ: ୪ ଆହତ, ବ୍ୟାପକ ଭଙ୍ଗାରୁଜା

ରାୟଗଡା ଅଫିସ୍‌, ୧୭ା୧-କମେଣ୍ଟ ମରାକୁ କେନ୍ଦ୍ରକରି ଗୁରୁବାର ରାୟଗଡା ଜିଲା ଜେକେପୁରରେ ଗୋଷ୍ଠୀ ସଂଘର୍ଷ ହୋଇଛ। ଫଳରେ ୪ ଜଣ ଆହତ ହୋଇଛନ୍ତି। ଆହତମାନେ ହେଲେ ବସନ୍ତ ତାଣ୍ଡି, ଭବାନୀ ତାଣ୍ଡି, ହରିରାମ ତାଣ୍ଡି ଓ ଚିତ୍ର ବାଗ । ଘଟଣାସ୍ଥଳରେ ଉତ୍ତେଜନା ଦେଖାଦେବାରୁ ବ୍ୟାପକ ପୋଲିସ ମୁତୟନ କରାଯାଇଛି।