ସମ୍ବଲପୁର

ବାଇକ୍‌ ଚୋରି ର଼୍ୟାକେଟ୍‌ର ପର୍ଦ୍ଦାଫାଶ: ୩ ଗିରଫ, ୧୩ ବାଇକ୍‌ ଜବତ

ବାଇକ୍‌ ଚୋରି ର଼୍ୟାକେଟ୍‌ର ପର୍ଦ୍ଦାଫାଶ: ୩ ଗିରଫ, ୧୩ ବାଇକ୍‌ ଜବତ
ଜୟପାଟଣା,୭।୧୨ (ଡି.ଏନ୍‌.ଏ.)-କଳାହାଣ୍ଡି ଜିଲା ଜୟପାଟଣା ପୋଲିସ ବୁଧବାର ଏକ ବାଇକ୍‌ ଚୋରି ର଼୍ୟାକେଟ୍‌ର ପର୍ଦ୍ଦାଫାଶ କରିଛି। ଏଥିରେ ସମ୍ପୃକ୍ତ ୩ଜଣଙ୍କୁ ଗିରଫ କରାଯିବା ସହିତ ୧୩ ବାଇକ୍‌ ଜବତ କରାଯାଇଛି। ଅଭିଯୁକ୍ତମାନଙ୍କୁ ଗୁରୁବାର କୋର୍ଟ ଚାଲାଣ କରାଯାଇଛି। ମିଳିଥିବା ସୂଚନା ଅନୁଯାୟୀ, ଗତ କିଛିଦିନ ତଳେ ଜୟପାଟଣା କୈବର୍ତ୍ତପଡ଼ାର ସୁଦାମ ନାଏକଙ୍କ ଘରକୁ ଜୟପାଟଣା ଥାନା ଅଧୀନ ସାନକର୍ଲାକୋଟ ଗ୍ରାମର ଚକ୍ର ନାଏକ, ଛତାପଦର ଗ୍ରାମର ପ୍ରଭୁଲାଲ ନାଗ, ଖଲିଆଭଟା ଗ୍ରାମର ପାର୍ଥ ନାଏକ, ଗୋଡ଼ଭଞ୍ଜା ଗ୍ରାମର ସୁଶାନ୍ତ ବେଣୁପାଣି ଏବଂ ମୈଦଳପୁର ନିକଟ ସେମ୍‌ଲା ଗ୍ରାମର ରିଣ୍ଟୁ ଖୁରା ଏକ ବାଇକ୍‌ ଆଣି ତାଙ୍କୁ କିଣିବାକୁ କହିଥିଲେ। ସର୍ତ୍ତ ଅନୁଯାୟୀ, ସୁଦାମ ତାଙ୍କୁ ପ୍ରଥମେ ୧୦ ହଜାର ଟଙ୍କା ଅଗ୍ରୀମ ଦେଇଥିଲେ, କାଗଜପତ୍ର ଦେବା ପରେ ବାକି ୨୫ ହଜାର ଟଙ୍କା ପ୍ରଦାନ କରିବେ ବୋଲି କଥା ଛିଡ଼ିଥିଲା। ଉକ୍ତ ବାଇକ୍‌ଟି ଚକ୍ର ନାଏକଙ୍କ ବାପାଙ୍କ ନାମରେ ଅଛି ବୋଲି ସେମାନେ କହିଥିଲେ। ଗତ ୧ ତାରିଖରେ ସେହି ଯୁବକମାନେ ସୁଦାମଙ୍କୁ ବାଇକ୍‌ର ସାର୍ଟିଫିକେଟ୍‌ ଅଫ୍‌ ରେଜିଷ୍ଟ୍ରେଶନ୍‌ ଦେଇ ବାକି ୨୫ ହଜାର ଟଙ୍କା ମାଗିଥିଲେ। ସୁଦାମ କାଗଜପତ୍ର ଯାଞ୍ଚ କରିବା ପରେ ଜାଣିବାକୁ ପାଇଥିଲେ ଯେ ସାର୍ଟିଫିକେଟ୍‌ ଅଫ୍‌ ରେଜିଷ୍ଟ୍ରେଶନରେ ଥିବା ଇଞ୍ଜିନ୍‌ ନଂ. ଏବଂ ଚେସିସ୍‌ ନଂ. ମୋଟର ସାଇକେଲରେ ଥିବା ଇଞ୍ଜିନ୍‌ ନଂ. ଏବଂ ଚେସିସ୍‌ ନଂ. ସହିତ ମେଳ ଖାଉନାହିଁ। ଏ ନେଇ ତାଙ୍କ ମନରେ ସନ୍ଦେହ ଜାତ ହୋଇଥିଲା। ସୁଦାମ ସେମାନଙ୍କୁ କାଗଜପତ୍ର ମୋ’ ନାଁରେ କରି ଦେବା ପରେ ବାକି ଟଙ୍କା ଦେବି ବୋଲି କହିଥିଲେ। ଏହାସହିତ ତୁରନ୍ତ ସେ ଏ ସମ୍ପର୍କରେ ଜୟପାଟଣା ଥାନା ପୋଲିସକୁ ସୂଚନା ଦେଇଥିଲେ। ପୋଲିସ ସାନକର୍ଲାକୋଟ ଗ୍ରାମର ଚକ୍ର ନାଏକଙ୍କ ମୋବାଇଲ ଫୋନ୍‌କୁ ଟ୍ରାକିଂ କରିଥିଲା। ସମସ୍ତ ତଥ୍ୟ ଜଣାପଡିବା ପରେ ତାଙ୍କୁ ପୋଲିସ ଗିରଫ କରିଥିଲା। ଅଧିକ ଜେରା ପରେ ବାଇକ୍‌ ଚୋରି ର଼୍ୟାକେଟରେ ତାଙ୍କ ସହିତ ପ୍ରଭୁଲାଲ ନାଗ, ପାର୍ଥ ନାଏକ, ସୁଶାନ୍ତ ବେଣୁପାଣି ଏବଂ ରିଣ୍ଟୁ ଖୁରା ସାମିଲ ଥିବା ଚକ୍ର ସ୍ବୀକାର କରିଥିଲେ। ପୋଲିସ ବିଭିନ୍ନ ସ୍ଥାନରେ ଚଢ଼ାଉ କରି ପ୍ରଭୁଲାଲ ନାଗ, ପାର୍ଥ ନାଏକଙ୍କୁ ଗିରଫ କରିଥିବାବେଳେ ସୁଶାନ୍ତ ବେଣୁପାଣି ଫେରାର ହୋଇଯାଇଥିଲେ। ରିଣ୍ଟୁ ଖୁରା ଅନ୍ୟ ଏକ ଚୋରି ଘଟଣାରେ ସମ୍ପୃକ୍ତ ଥିବାରୁ ମୈଦଳପୁର ପୋଲିସ ତାଙ୍କୁ ଅଟକ ରଖିଛି। ଚକ୍ରଙ୍କଠାରୁ ୪, ପ୍ରଭୁଲାଲଙ୍କ ଠାରୁ ୪,ପାର୍ଥଙ୍କଠାରୁ ୪ ଓ ଅଭିଯୋଗକାରୀ ସୁଦାମ କିଣିଥିବା ବାଇକ୍‌କୁ ପୋଲିସ ଜବତ କରିଛି ବୋଲି ଏକ ଖବରଦାତା ସମ୍ମିଳନୀରେ କଳାହାଣ୍ଡି ଅତିରିକ୍ତ ଏସ୍‌ପି ଅକ୍ଷୟ କୁମାର ଦାସ ଏବଂ ଜୟପାଟଣା ଥାନାଧିକାରୀ ପ୍ରବୀର କିଶୋର ତ୍ରିପାଠୀ କହିଛନ୍ତି। ଏହି ଚଢ଼ାଉରେ ଏସ୍‌.ଆଇ. ସୁରେନ୍ଦ୍ର ଛତ୍ରିଆ(ଏସ୍‌) ଆଇ.ଆର୍‌.ବି.ଏନ୍‌ ର ହାବିଲଦାର ସୁଜିତ କୁମାର ବଛାର, ଏସ୍‌.କେ. ସାହୁ, ଏସ୍‌.କେ. ଦୁର୍ଗା, ଏସ୍‌.କେ. ବେହେରା, ଆର୍‌.ଡ଼ି. ସିଂ, ଏମ୍‌.କେ. ବୈରାଗୀ, ଏସ୍‌.କେ. ସାହୁ, ଡ଼ି. ହରିଜନ ଏବଂ ଭି.କେ. ରାଉତ ପ୍ରମୁଖ ସହଯୋଗ କରିଥିଲେ। ଏ ସମ୍ପର୍କରେ ଜୟପାଟଣା ଥାନା ଏକ ମାମଲା( ନଂ. ୩୦୧/୧୭) ରୁଜୁ ହୋଇଛି।
All Right Reserved By

ସମ୍ବଲପୁର

ମହିଳା ସ୍ବାସ୍ଥ୍ୟକର୍ମୀ ସଂଘର ସିଡିଏମଓଙ୍କୁ ଦାବିପତ୍ର

ମହିଳା ସ୍ବାସ୍ଥ୍ୟକର୍ମୀ ସଂଘର ସିଡିଏମଓଙ୍କୁ ଦାବିପତ୍ର

ଭବାନୀପାଟଣା,୨୫।୯(ଡି.ଏନ.ଏ.)
ଏନ୍‌ଏଚ୍‌ଏମ୍‌ ଅଧୀନରେ ଅସ୍ଥାୟୀ ଭାବେ କାମ କରୁଥିବା ସ୍ବାସ୍ଥ୍ୟ କର୍ମୀଙ୍କୁ ସ୍ଥାୟୀ ଚାକିରି, ପେନସନ, ସମସ୍ତ ସରକାରୀ ସୁବିଧା ଦାବିରେ କଳାହାଣ୍ଡି ଜିଲା ଏନଏଚଏମ ମହିଳା ସ୍ବାସ୍ଥ୍ୟ କର୍ମୀ ସଂଘ ପକ୍ଷରୁ ସ୍ବାସ୍ଥ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ସିଡିଏମଓ ଡାକ୍ତର ସରୋଜ ତିହାଡିଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି ।
ମହିଳା ସ୍ବାସ୍ଥ୍ୟକର୍ମୀମାନେ ଚାକିରିରେ ଯୋଗଦେବାର ୧୩ ବର୍ଷ ପରେ ମଧ୍ୟ କୌଣସି ସୁବିଧା ପାଇପାରି ନାହାନ୍ତି । ଏମାନେ ଅସ୍ଥାୟୀ ଭାବେ କାମ କରୁଛନ୍ତି । କମ୍‌ ଦରମା ପାଉ ଥିବାରୁ ପରିବାର 

ପୁରୀରୁ ଫେରୁଥିବା ଭାଜପା ମହିଳା ମୋର୍ଚ୍ଚା ଭ୍ୟାନ ଦୁର୍ଘଟଣା: ୨୫ ଗୁରୁତର

ପୁରୀରୁ ଫେରୁଥିବା ଭାଜପା ମହିଳା ମୋର୍ଚ୍ଚା ଭ୍ୟାନ ଦୁର୍ଘଟଣା: ୨୫ ଗୁରୁତର

ଭବାନୀପାଟଣା,୨୫।୯(ଡି.ଏନ.ଏ.)
ଭାଜପା ମହିଳା ମୋର୍ଚ୍ଚା ପକ୍ଷରୁ ପୁରୀଠାରେ ଆୟୋଜିତ କାର୍ଯ୍ୟକ୍ରମରେ ଯୋଗଦେଇ ଫେରୁଥିବା ପିକ୍‌ଅପ୍‌ ଭ୍ୟାନ୍‌ ଦୁର୍ଘଟଣାଗ୍ରସ୍ତ ହୋଇଛି। ଏଥିରେ କଳାହାଣ୍ଡି ଜିଲା ସଦର ବ୍ଲକ ଛେଲିଆମାଲ ଗ୍ରାମର ୨୫ ଜଣ ଗୁରୁତର ଆହତ ହୋଇଛନ୍ତ। ପ୍ରଥମେ ସେମାନଙ୍କୁ ଭବାନୀପାଟଣା ଜିଲା ମୁଖ୍ୟଚିକିତ୍ସାଳୟରେ ଭର୍ତ୍ତି କରାଯାଇଥିଲା। ସେମାନଙ୍କ ମଧ୍ୟରୁ ୬ ଜଣଙ୍କ ଅବସ୍ଥା ଅଧିକ ଗୁରୁତର ହେବାରୁ ବୁର୍ଲା ଓ କଟକ ପଠାଯାଇଛି। ସୋମବାର ପୁରୀରେ ଅନୁଷ୍ଠିତ ଭାଜପା ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହଙ୍କ କାର୍ଯ୍ୟକ୍ରମରେ ଯୋଗଦେଇ କଳାହାଣ୍ଡି ଭାଜପା ମହିଳା ମୋର୍ଚ୍ଚା ସଦସ୍ୟାମାନେ 

ନାବାଳିକାଙ୍କୁ ବଳାତ୍କାର ଘଟଣାର ରାୟ ପ୍ରକାଶ: ଅଭିଯୁକ୍ତଙ୍କୁ ୧୦ବର୍ଷ ଜେଲଦଣ୍ଡ, ୫ ହଜାର ଟଙ୍କା ଜରିମାନା

ନାବାଳିକାଙ୍କୁ ବଳାତ୍କାର ଘଟଣାର ରାୟ ପ୍ରକାଶ: ଅଭିଯୁକ୍ତଙ୍କୁ ୧୦ବର୍ଷ ଜେଲଦଣ୍ଡ, ୫ ହଜାର ଟଙ୍କା ଜରିମାନା

ଭବାନୀପାଟଣା,୨୫।୯(ଡି.ଏନ.ଏ.)
ଜଣେ ନାବାଳିକାଙ୍କୁ ୫ ବର୍ଷ ପୂର୍ବେ ବଳାତ୍କାର କରିବା ଘଟଣାର ରାୟ ମଙ୍ଗଳବାର ପ୍ରକାଶ ପାଇଛି। କଳାହାଣ୍ଡି ଅତିରିକ୍ତ ଦୌରାଜଜ୍‌ ତଥା ସ୍ବତନ୍ତ୍ର ଜଜ୍‌ ରଶ୍ମିତା ଦଳେଇ ଏହି ଘଟଣାରେ ଗିରଫ ଅଭିଯୁକ୍ତଙ୍କୁ ୧୦ ବର୍ଷ ଜେଲ ଦଣ୍ଡ ସହ ୫ ହଜାର ଟଙ୍କା ଜରିମାନା ଦଣ୍ଡରେ ଦଣ୍ଡିତ କରିଛନ୍ତି। ଘଟଣାର ପ୍ରକାଶ ଯେ, କେସିଙ୍ଗା ଥାନା ଅନ୍ତର୍ଗତ ଏକ ଗ୍ରାମର ଜଣେ ନାବାଳିକା ଶୌଚ ହେବା ପାଇଁ ସନ୍ଧ୍ୟାରେ ଗ୍ରାମ ନିକଟସ୍ଥ ନାଳକୁ ଯାଇଥିଲାବେଳେ କଶୃପଡା ଗ୍ରାମର ଅରୁଣ ମାଝି (୩୫) ଜୋର କରି ସାଇକେଲରେ ବସାଇ ଏକ ପଥର କ୍ରଶର ନିକଟକୁ ଉଠାଇ ନେଇ ବଳାତ୍କାର କରିଥିଲେ। ଏ

ସ୍ବଚ୍ଛତା ଦ୍ୱାରା ହିଁ ସୁସ୍ଥ ପରିବେଶ ସମ୍ଭବ

ସ୍ବଚ୍ଛତା ଦ୍ୱାରା ହିଁ ସୁସ୍ଥ ପରିବେଶ ସମ୍ଭବ

ଖଡିଆଳ,୨୫।୯(ଡି.ଏନ.ଏ.): ସ୍ଥାନେ ସ୍ଥାନେ ଅଳିଆ ଆବର୍ଜନା ପଡି ରହିବା ଯୋଗୁ ଅସ୍ବାସ୍ଥ୍ୟକର ପରିବେଶ ସୃଷ୍ଟି ହୋଇ ଏହାର ପ୍ରଭାବ ଜଳବାୟୁ ଉପରେ ପଡୁଛି । ଫଳରେ ଝାଡାବାନ୍ତି, ମ୍ୟାଲେରିଆ ଜ୍ୱର, ଡେଙ୍ଗୁ ଆଦି ମାରତ୍ମକ ଜ୍ୱର ହୋଇ ଲୋକେ ମୃତ୍ୟୁ ବରଣ କରୁଛନ୍ତି । 

ଜୈବିକ କୃଷିପ୍ରଶିକ୍ଷଣ, କ୍ଷେତ ପ୍ରଦର୍ଶନ କାର୍ଯ୍ୟକ୍ରମ

ଜୈବିକ କୃଷିପ୍ରଶିକ୍ଷଣ, କ୍ଷେତ ପ୍ରଦର୍ଶନ କାର୍ଯ୍ୟକ୍ରମ

କର୍ଲାମୁଣ୍ଡା,୨୫।୯(ଡି.ଏନ.ଏ.)
କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ ବୋରପଦର ପଞ୍ଚାୟତ ସଦରସ୍ଥିତ ଇସକନ୍‌ ମନ୍ଦିର ନିକଟରେ ଏକ ଦିବସୀୟ ଜୈବିକ କୃଷି ପ୍ରଶିକ୍ଷଣ ଓ କ୍ଷେତ ପ୍ରଦର୍ଶନ କାର୍ଯ୍ୟକ୍ରମ ମଙ୍ଗଳବାର ଅନୁଷ୍ଠିତ ହୋଇଯାଇଛି। ଭାରତ ସରକାରଙ୍କ ଆଞ୍ଚଳିକ ଜୈବିକ କୃଷି ପରିଚାଳନା କେନ୍ଦ୍ର ଭୁବନେଶ୍ୱରଙ୍କ ଆୟୋଜନ କ୍ରମେ ସାଂସଦ ଆଦର୍ଶ ଗ୍ରାମ ଯୋଜନାରେ ୫୦ ଜଣ ଚାଷୀଙ୍କୁ ନେଇ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଛି । 

ଝାରବନ୍ଦରେ ନୂତନ ସାପ୍ତାହିକ ବଜାର ଉଦ୍‌ଘାଟିତ

ଝାରବନ୍ଦରେ ନୂତନ ସାପ୍ତାହିକ ବଜାର ଉଦ୍‌ଘାଟିତ

ଜୁନାଗଡ,୨୫।୯(ଡି.ଏନ୍‌.ଏ)-କଳାହାଣ୍ଡି ଜିଲା ଜୁନାଗଡ ବ୍ଲକ ଚିଙ୍ଗୁଡିସର ପଞ୍ଚାୟତର ଝାରବନ୍ଧ ଠାରେ ମଙ୍ଗଳବାର ନୂତନ ସାପ୍ତାହିକ ବଜାର ଉଦ୍‌ଘାଟିତ ହୋଇଯାଇଛି। ଏଥିରେ ମୁଖ୍ୟ ଅତିଥି ଭାବେ ଜୁନାଗଡ ବିଧାୟକ ଦିବ୍ୟଶଙ୍କର ମିଶ୍ର ଯୋଗଦେଇ ଆନୁଷ୍ଠାନିକ ଭାବରେ ଉଦ୍‌ଘାଟନ କରିଥିଲେ। ଏହି ବଜାର ଦ୍ୱାରା ଅଞ୍ଚଳର ଅନେକ ବ୍ୟବସାୟୀ ଓ  ଗ୍ରାହକ  ଉପକୃତ ହୋଇ ପାଇପାରିବେ ବୋଲି ବିଧାୟକ ମିଶ୍ର କହିଥିଲେ। ପରେ ବିଧାୟକ ମିଶ୍ର ବଜାରରେ ବସିଥିବା ସାମଗ୍ରୀ ଗୁଡିକୁ ବୁଲି ଦେଖିଥିଲେ। ଅନ୍ୟମାନଙ୍କ ମଧ୍ୟରେ ପୂର୍ବତନ ଜୁନାଗଡ ଏନଏସି ଅଧ୍ୟକ୍ଷ ମହେଶ

ଟ୍ରକ୍‌-ବାଇକ ଧକ୍କା: ୧ମୃତ, ଜଣେ ଆହତ

ଟ୍ରକ୍‌-ବାଇକ ଧକ୍କା: ୧ମୃତ, ଜଣେ ଆହତ

ଅତାବିରା/ବୁର୍ଲା, ୨୫।୯(ଡି.ଏନ.ଏ.)- ବରଗଡ- ସମ୍ବଲପୁର ୫୩ ନମ୍ବର ଜାତୀୟ ରାଜପଥ ଗୋଶାଳା ଫାଣ୍ଡି ଗୋଶାଳା ଛକ ନିକଟରେ ଏକ ଟ୍ରକ ଧକ୍କାରେ ଜଣେ ବାଇକ ଆରୋହୀଙ୍କ ମୃତ୍ୟୁ ହୋଇଛି।  ଅନ୍ୟ ଜଣେ ଗୁରୁତର ଅବସ୍ଥାରେ ବୁର୍ଲା ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ମଙ୍ଗଳବାର ଅତାବିରା ଥାନା ଗୋଡଭଗା ଫାଣ୍ଡି ଅନ୍ତର୍ଗତ କାଦୋବାହାଲ ଗ୍ରାମର ରଘୁବୀର ସିଂ ଓରଫ ବୁଛି ଓ କର୍ଣ୍ଣା ମେହେର ଏକ ବାଇକରେ ଆସୁଥିବାବେଳେ ବିପରୀତ ଦିଗରୁ ଆସୁଥିବା ଟ୍ରକ ବାଇକକୁ ଧକ୍କା ଦେବାରୁ ଘଟଣାସ୍ଥଳରେ ରଘୁବୀରଙ୍କ ମୃତ୍ୟୁ ହୋଇଯାଇଥିଲା । ସ୍ଥାନୀୟ ଲୋକେ 

ଦଧିବାମନ ଡ଼ିଗ୍ରୀ ମହାବିଦ୍ୟାଳୟରେ ଭୋଟର ପଞ୍ଜିକରଣ କାର୍ଯ୍ୟକ୍ରମ

ଦଧିବାମନ ଡ଼ିଗ୍ରୀ ମହାବିଦ୍ୟାଳୟରେ ଭୋଟର ପଞ୍ଜିକରଣ କାର୍ଯ୍ୟକ୍ରମ

ଭଟଲି, ୨୫।୯(ଡି.ଏନ.ଏ.)-ବରଗଡ଼ ଜିଲା ଭଟଲି ଦଧିବାମନ ଡ଼ିଗ୍ରୀ ମହାବିଦ୍ୟାଳୟରେ ଭୋଟର ପଞ୍ଜିକରଣ ସଚେତନତା କାର୍ଯ୍ୟକ୍ରମ ମଙ୍ଗଳବାର ଅନୁଷ୍ଠିତ ହୋଇଯାଇଛି। ଏହି ଅବସରରେ ଭଟଲି ବିଡ଼ିଓ ଧୀରେନ୍ଦ୍ର କୁମାର ସେଠୀ ମୁଖ୍ୟ ଅତିଥି ଭାବେ ଯୋଗଦେଇଥିଲେ। ଜିପିଇଓ ରଞ୍ଜିତ କୁମାର ଜେନା, ମହାବିଦ୍ୟାଳୟର ଅଧ୍ୟକ୍ଷ ଜୟସେନ ଭୋଇ, ଅଧ୍ୟାପକ ରାଜୀବ ସାହୁ ଅତିଥି ଭାବେ ମଞ୍ଚାସୀନ ଥିଲେ। ୧୮ବର୍ଷ ପୂରଣ କରିଥିବା ଛାତ୍ରୀଛାତ୍ରଙ୍କୁ ଦେଶର ନାଗରିକ ହେବା ପାଇଁ ସଚେତନ କରାଯିବା ସହିତ ନାମ ପଞ୍ଜିକରଣ କରାଯାଇଥିଲା।

 ଦିବ୍ୟାଙ୍ଗ ଶିକ୍ଷୟିତ୍ରୀଙ୍କ ସନ୍ଦେହଜନକ ମୃତ୍ୟୁ

ଦିବ୍ୟାଙ୍ଗ ଶିକ୍ଷୟିତ୍ରୀଙ୍କ ସନ୍ଦେହଜନକ ମୃତ୍ୟୁ

ବରଗଡ଼ ଅଫିସ୍‌,୨୫।୯-ବରଗଡ଼ ବ୍ଲକ କଲୋନୀ ପ୍ରାଥମିକ ସ୍କୁଲରେ କାର୍ଯ୍ୟରତ ଶିକ୍ଷୟିତ୍ରୀ କେ. ଶାରଦା ପାତ୍ର(୪୮)ଙ୍କ ମଙ୍ଗଳବାର ସନ୍ଦେହଜନକ ମୃତ୍ୟୁ ହୋଇଛି। ସେ ରହୁଥିବା ସରକାରୀ କ୍ବାର୍ଟର ଛାତରେ ତାଙ୍କ ମୃତଦେହ ଝୁଲନ୍ତା ଅବସ୍ଥାରେ ରହିଛି । ତେବେ ସେ ଆତ୍ମହତ୍ୟା କରିଛନ୍ତି ନା ଏହା ପଛରେ ଅନ୍ୟ କୌଣସି କାରଣ ରହିଛି, ତାହା ସ୍ପଷ୍ଟ ହୋଇ ନାହିଁ । ସ୍ବର୍ଗତା ପାତ୍ରଙ୍କ ସ୍ବାମୀ ଲଡ଼ୁ କିଶୋର ବେହେରା ସ୍ଥାନୀୟ ଭିନ୍ନକ୍ଷମ ସ୍କୁଲରେ ଶିକ୍ଷକତା କରୁଛନ୍ତି। ଉଭୟେ ଦୃଷ୍ଟିହୀନ ଏବଂ ଏହି ଦିବ୍ୟାଙ୍ଗ ଦମ୍ପତି ଦୀର୍ଘବର୍ଷ ହେଲା ଏଠାରେ ରହି ଶିକ୍ଷକତା କରୁଥିଲେ। ଗତ ୨୦୧୩ ଜାନୁୟାରୀ 

ହାଇକୋର୍ଟ ବେଞ୍ଚ ସ୍ଥାପନ ଦାବି ପ୍ରସଙ୍ଗ: କୋର୍ଟ ସମ୍ମୁଖରେ ଧାରଣା ଦେଲେ ଓକିଲ

ହାଇକୋର୍ଟ ବେଞ୍ଚ ସ୍ଥାପନ ଦାବି ପ୍ରସଙ୍ଗ: କୋର୍ଟ ସମ୍ମୁଖରେ ଧାରଣା ଦେଲେ ଓକିଲ

ବରଗଡ଼ ଅଫିସ୍‌,୨୫।୯-
ପଶ୍ଚିମଓଡ଼ିଶାରେ ହାଇକୋର୍ଟର ସ୍ଥାୟୀ ବେଞ୍ଚ ସ୍ଥାପନ ଦାବି  ଜୋର ଧରି ବସିଛି।  ଏହି କ୍ରମରେ ଗତ ୧୮ତାରିଖରୁ ବରଗଡ଼ ଜିଲା ଓକିଲ ସଂଘ କାର୍ଯ୍ୟବନ୍ଦ ଆନ୍ଦୋଳନ ଜାରି ରଖି ଥିବାବେଳେ ମଙ୍ଗଳବାରରୁ ସଂଘ ପକ୍ଷରୁ ସ୍ଥାନୀୟ କୋର୍ଟ ସମ୍ମୁଖରେ ଧାରଣା ଦିଆଯାଇଛି। ଆସନ୍ତା ଅକ୍ଟୋବର ୨ତାରିଖ ପର୍ଯ୍ୟନ୍ତ ଓକିଲଙ୍କ କାର୍ଯ୍ୟବନ୍ଦ ଏବଂ ଏହି ଧାରଣା ଜାରି ରହିବ। ସେହିପରି ଗତ ୨୦ତାରିଖ ସଂଘର କର୍ମକର୍ତ୍ତା, ସଭ୍ୟବୃନ୍ଦ ନୀରବ ଶୋଭାଯାତ୍ରାରେ ଯାଇ ରାଜ୍ୟପାଳଙ୍କ ଉଦ୍ଦେଶ୍ୟରେ ବରଗଡ଼ ଜିଲାପାଳଙ୍କୁ ଏକ ସ୍ମାରକପତ୍ର ପ୍ରଦାନ କରିଥିଲେ।  ଜିଲା ଓକିଲ ସଂଘର ସଭାପତି 

ସ୍ଥାୟୀ ଡାକ୍ତର, ନର୍ସ  ନିଯୁକ୍ତି ଦାବିରେ ଜହ୍ନାପଙ୍କରେ ରାସ୍ତାରୋକୋ

ସ୍ଥାୟୀ ଡାକ୍ତର, ନର୍ସ ନିଯୁକ୍ତି ଦାବିରେ ଜହ୍ନାପଙ୍କରେ ରାସ୍ତାରୋକୋ

ବୌଦ୍ଧ, ୨୫।୯(ଡି.ଏନ.ଏ.)-ବୌଦ୍ଧ ଜିଲା ସଦରବ୍ଲକ ଜହ୍ନାପଙ୍କ ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ସ୍ଥାୟୀ ଡାକ୍ତର, ନର୍ସ ଓ ସୁଇପର ନିଯୁକ୍ତି ଦାବିରେ  ମଙ୍ଗଳବାର ଅଞ୍ଚଳର ଲୋକେ ଆନ୍ଦୋଳନକୁ ଓହ୍ଲାଇଥିଲେ। ସକାଳ ୮ଟାରୁ ଖୋର୍ଦ୍ଧା-ବଲାଙ୍ଗୀର ୫୭ନଂ ଜାତୀୟ ରାଜପଥର ଜହ୍ନାପଙ୍କଠାରେ  ରାସ୍ତାରୋକୋ କରିଥିଲେ। ଫଳରେ ରାଜପଥର ଉଭୟ ପାର୍ଶ୍ୱରେ ଶହଶହ ଗାଡ଼ି ଅଟକି ରହିଥିଲା। ଜିଲାମୁଖ୍ୟ ଚିକିତ୍ସାଧୀକାରୀ (ସିଡ଼ିଏମଓ), ଅତିରିକ୍ତ ଜିଲାମୁଖ୍ୟ ଚିକିତ୍ସାଧୀକାରୀ (ଏଡ଼ିଏମଓ) ପହଞ୍ଚି ଲୋକଙ୍କ ସହିତ ଆଲୋଚନା କରିଥିଲେ। ତୁରନ୍ତ ସମସ୍ୟାର ସମାଧାନ କରିବାକୁ

ବିବାହ ପାଇଁ ମନା କରିବାରୁ ପ୍ରେମିକଙ୍କ ଗୁପ୍ତାଙ୍ଗ କାଟିଲେ ପ୍ରେମିକା

ବିବାହ ପାଇଁ ମନା କରିବାରୁ ପ୍ରେମିକଙ୍କ ଗୁପ୍ତାଙ୍ଗ କାଟିଲେ ପ୍ରେମିକା

ଲୋଇସିଂହା, ୨୫।୯(ଡି.ଏନ.ଏ)-ବଲାଙ୍ଗୀର ଜିଲା ଲୋଇସିଂହା ଥାନା ଅନ୍ତର୍ଗତ କନ୍ଦାଜୁରୀ ଗ୍ରାମରେ ସୋମବାର ବିଳମ୍ବିତ ରାତିରେ ଅଭାବନୀୟ ଘଟଣା ଘଟିଛି। ଗ୍ରାମର ଜଣେ ଯୁବତୀ ତାଙ୍କ ପ୍ରେମିକଙ୍କୁ ସାକ୍ଷାତ କରିବାକୁ ଡ଼ାକି ବ୍ଲେଡ଼ରେ ତାଙ୍କ ଗୁପ୍ତାଙ୍ଗ କାଟି ଦେଇଛନ୍ତି। ଯୁବକ ଜଣଙ୍କ  ଗୁରୁତର ଅବସ୍ଥାରେ ଲୋଇସିଂହା ଡାକ୍ତରଖାନାରେ ଭର୍ତ୍ତି ହୋଇଛନ୍ତି। କନ୍ଦାଜୁରୀ ଗ୍ରାମର ପାଇକଲାଲ ଶିକ୍କାଙ୍କ ପୁଅ ରଶ୍ମିରଞ୍ଜନ ବସ୍ତିର ଜଣେ ସମ୍ପର୍କୀୟ ଯୁବତୀଙ୍କୁ ଭଲ ପାଉଥିଲେ। ଉଭୟଙ୍କ ପରିବାର ଏକଥା ଜାଣିଥିଲେ।