ସମ୍ପାଦକୀୟ |

କୁକୁର ସେବା କମ୍ପାନୀ

କୁକୁର ସେବା କମ୍ପାନୀ

ପରିବେଶ ପରିଚିନ୍ତା/ ମାନେକା ଗାନ୍ଧୀ
ଏକ ଶିଶୁ ଶ୍ରମ ସମ୍ବନ୍ଧୀୟ ସମ୍ମିଳନୀରେ ଯୋଗଦେବା ପାଇଁ ଆସି ମୁଁ ଏବେ ଆର୍ଜେଣ୍ଟିନାରେ ଅଛି। ବୁଏନସ ଏୟାର୍ସର ରାସ୍ତାଗୁଡ଼ିକ ଖୁବ୍‌ ପ୍ରଶସ୍ତ ଏବଂ ରାସ୍ତାକଡ଼ରେ ଅସଂଖ୍ୟ ବୃକ୍ଷରୋପଣ କରାଯାଇଛି, ଯାହା ଆମ ଭାରତରେ ବି ଦେଖିବାକୁ ମିଳେ। ଏହା ହେଉଛି ଜାକାରାନାଡ଼ା ଗଛରେ ଫୁଲ ଫୁଟିବାର ଋତୁ। ତେଣୁ ରାସ୍ତାପାର୍ଶ୍ୱ ପାଦଚଲା ରାସ୍ତାରେ ନୀଳଲୋହିତ ବର୍ଣ୍ଣର ଝଡ଼ା ଫୁଲର ଏକ ଆସ୍ତରଣ ଜମିଥିବାର ଦେଖିବାକୁ ମିଳିଲା। ମାଗ୍ନୋଲିଆ ଫୁଲର ବାସ୍ନାରେ ପୂରା ସହର ମହକୁଥିଲା। ଦିଲ୍ଲୀରେ ବିଶୁଦ୍ଧ ବାୟୁର ଅଭାବରେ ନାକ ରୁନ୍ଧି ହୋଇଯାଉଥିବା ବେଳେ ଏଠାରେ ମୁକ୍ତ ବିଶୁଦ୍ଧ ପବନ ଯାହାକୁ ଯେତେ। ସକାଳ ସାଢ଼େ ୮ଟାରେ ଥିବା ସମ୍ମିଳନୀରେ ଯୋଗଦେବାକୁ ଗଲାବେଳେ ବାଟରେ ମୁଁ ଏକ ନୂଆ କଥା ଦେଖିଲି। ଯୁବକମାନେ ଜଣକା ପ୍ରାୟ ୧୫ଟା ଲେଖା କୁକୁର ଧରି ପାର୍କରେ ଚାଲୁଛନ୍ତି ବା ରାସ୍ତା ପାରି ହେଉଛନ୍ତି କିମ୍ବା ପାଦଚଲା ରାସ୍ତାରେ ଯାଉଛନ୍ତି। କୁକୁରଗୁଡ଼ିକ ବିଭିନ୍ନ ଆକୃତିର। ସେମାନେ ଅନୁଗତ ଭୃତ୍ୟ ପରି ପରସ୍ପର ସହ ଲଗାଲଗି ହୋଇ ମାଲିକଙ୍କ ସହ ଚାଲିଛନ୍ତି। ପ୍ରାୟ ୧୪ ଦଳ କୁକୁର ପରସ୍ପରଠାରୁ ଅଳ୍ପ ବ୍ୟବଧାନରେ ଚାଲିଥାନ୍ତି। ଡ୍ରାଇଭର ମୋତେ କହିଲା ଯେ ଏହା ହେଉଛି ଏ ସହରର ଏକ ସବୁଦିନିଆ ସାଧାରଣ ଦୃଶ୍ୟ। ଏଠାରେ ଯୁବକମାନେ ଡଗ୍‌ ଓ୍ବାକିଂ କମ୍ପାନୀରେ ଯୋଗ ଦିଅନ୍ତି। କୁକୁରମାନଙ୍କୁ କିପରି ସମ୍ଭାଳିବାକୁ ହେବ ଏବଂ ଚାଲିବା ବେଳେ ସେମାନେ ମଳତ୍ୟାଗ କଲେ କିପରି ବେଲ୍‌ଚାରେ ମଳ ଉଠାଇବାକୁ ହେବ, ଏ ସମ୍ବନ୍ଧରେ ସେମାନେ ତାଲିମ ନେଇଥାନ୍ତି। କୁକୁରମାନଙ୍କୁ ଚଲାଇବା ପାଇଁ ଉକ୍ତ କମ୍ପାନୀଗୁଡ଼ିକ ଡିପ୍ଲୋମା ସାର୍ଟିଫିକେଟ୍‌ ଦିଅନ୍ତି। ଯଦି ରାସ୍ତାରେ ଚାଲିବା ବେଳେ କୌଣସି ଦୁର୍ଘଟଣା ହେଲା, ତେବେ ତା’ର ଆଶୁ ଚିକିତ୍ସା କିପରି କରିବାକୁ ହେବ, ସେ ସମ୍ବନ୍ଧରେ ମଧ୍ୟ ଯୁବକମାନେ ତାଲିମ ନେଇଥାନ୍ତି। କମ୍ପାନୀ ଏକ ଆପ୍‌ ଦିଏ। ଏହା ସାହାଯ୍ୟରେ ଆପଣ ଜାଣିପାରିବେ ଚାଲିବାର ଆରମ୍ଭ ଓ ଶେଷ ସମୟ, କେଉଁ ରାସ୍ତାରେ କୁକୁରଙ୍କୁ ଚଲାଉଥିଲେ, କେଉଁଠି ସେମାନଙ୍କର ଝାଡ଼ାପରିସ୍ରା କରାଇଥିଲେ ଏବଂ କେଉଁଠି ଓ କେତେବେଳେ ପାଣି ପିଆଇଥିଲେ ଇତ୍ୟାଦି। କୁକୁରଙ୍କୁ ଚଲାଇବା ଛଡ଼ା କମ୍ପାନୀମାନେ ପେଟ୍‌ ଟ୍ୟାକ୍ସିର ସୁବିଧା ବି ଦିଅନ୍ତି। ଏହି ଟ୍ୟାକ୍ସି ନିର୍ଦ୍ଦିଷ୍ଟ ଦିନରେ ବା ଜରୁରୀ ସମୟରେ ଆସି ଆପଣଙ୍କ କୁକୁରକୁ ପ୍ରାଣୀ ଚିକିତ୍ସକଙ୍କ ନିକଟକୁ ନେଇଯିବ। ଘରକୁ ମଧ୍ୟ ପ୍ରାଣୀ ଚିକିତ୍ସକ ଆସି ଚିକିତ୍ସା ସେବା ଯୋଗାଇ ଦିଅନ୍ତି। କମ୍ପାନୀର ନିର୍ଦ୍ଦିଷ୍ଟ ସ୍ଥାନରେ ବା ଆପଣଙ୍କ ଘରେ ଦୈନିକ କୁକୁରଙ୍କ ସେବାଯତ୍ନର ମଧ୍ୟ ବ୍ୟବସ୍ଥା ଅଛି। ଆପଣ ଅଫିସ ଯାଇଥିବା ବା ଛୁଟି କଟାଇବାକୁ ଯାଇଥିବା ବେଳେ କମ୍ପାନୀ ଲୋକ ଆପଣଙ୍କ ଘରକୁ କିଛିଘଣ୍ଟା ପାଇଁ ଆସି କୁକୁରଙ୍କ ସେବାଯତ୍ନ କରିବେ, ତାଙ୍କ ସହ ଖେଳିବେ ବା ତାଙ୍କୁ ଖାଇବାକୁ ଦେବେ ଇତ୍ୟାଦି। ଏ କମ୍ପାନୀଗୁଡ଼ିକ ପଞ୍ଜୀକୃତ, ବୀମାକୃତ ଏବଂ ପୋଲିସ ସେମାନଙ୍କର ଯାଞ୍ଚ କରିଥାଏ। କମ୍ପାନୀର ପ୍ରତ୍ୟେକ ଲୋକ ତାଲିମ ପାଇଥାନ୍ତି। କମ୍ପାନୀର ଉଭୟ ପେଟ୍‌ ସିଟର ଓ ଡଗ୍‌ ଓ୍ବାକର ଅଛନ୍ତି। କୁକୁରଙ୍କୁ ଅଧଘଣ୍ଟା ବା ଅଧିକ ସମୟ ଚଲାଇବା ପାଇଁ ଅଲଗା ଅଲଗା ରେଟ୍‌ ଅଛି। ଟୟଲେଟ୍‌ ଭିଜିଟ୍‌ ଭାବେ ଜଣାଶୁଣା ଅନ୍ୟ ଏକ ସେବା ପାଇଁ ଅଲଗା ରେଟ୍‌, ଯାହା ଅପେକ୍ଷାକୃତ କମ୍‌। ନିର୍ଦ୍ଦିଷ୍ଟ ସମୟରେ କମ୍ପାନୀ ଲୋକ ଆପଣଙ୍କ ଘରକୁ ଆସିବେ, ଆପଣଙ୍କ କୁକୁରକୁ ନେଇ ବାହାରକୁ ଯାଇ ଝାଡ଼ାପରିସ୍ରା କରାଇବେ ଏବଂ ତା’ପରେ ଆଣି ଆପଣଙ୍କ ଘରେ ଛାଡ଼ିଦେଇ ଯିବେ। ପେଟ୍‌ ଭେଟ୍‌ ଭିଜିଟ୍‌, ପେଟ୍‌ ଟ୍ୟାକ୍ସି ଓ ଡଗ୍‌ ଡେ କେୟାର ପାଇଁ କମ୍ପାନୀମାନେ ପ୍ରତ୍ୟେକ କୁକୁର ମାଲିକଙ୍କୁ ଏକ ରେଟ୍‌ କାର୍ଡ ଦେଇଥାନ୍ତି। ବେଳେବେଳେ ଆପଣ ଅଫିସରେ କାମରେ ଅଛନ୍ତି ଏବଂ ମଧ୍ୟାହ୍ନ ଭୋଜନ ପାଇଁ ଘରକୁ ଯାଇପାରୁ ନାହାନ୍ତି। ସେତେବେଳେ ମଧ୍ୟ ଡଗ୍‌ ଓ୍ବାକର ଆସି ଆପଣଙ୍କ କୁକୁରକୁ ନେଇ ଅଧଘଣ୍ଟା ବୁଲାଇ ଆଣି ଛାଡ଼ିଦେଇ ଯାଇପାରିବେ। କମ୍ପାନୀମାନେ ଛୁଆ କୁକୁରଙ୍କୁ ନିର୍ଦ୍ଦିଷ୍ଟ ସମୟରେ ଟୟଲେଟ୍‌ ଯିବାର ତାଲିମ ମଧ୍ୟ ଦେଇଥାନ୍ତି। କେତେକ କମ୍ପାନୀ ବିଭିନ୍ନ କିସମର ସେବା ଦେଇଥାନ୍ତି: ସିଟି ଓ୍ବାକ୍‌ କହିଲେ ନିର୍ଦ୍ଦିଷ୍ଟ ସମୟରେ କୁକୁରକୁ ନେଇ ହାତରେ ଲିଶ୍‌ (କୁକୁରବନ୍ଧା ଫିତା) ଧରି ନିର୍ଦ୍ଦିଷ୍ଟ ସମୟ ପର୍ଯ୍ୟନ୍ତ ଚଲାଇବା। ସେମାନଙ୍କୁ ନେଇ ମଧ୍ୟ ଗ୍ରୁପ୍‌ ଆଡ୍‌ଭେଞ୍ଚର ଓ୍ବାକ୍‌ର ବ୍ୟବସ୍ଥା କରାଯାଏ। ଏଥିରେ କୁକୁରମାନେ ବିନା ଲିଶ୍‌ରେ ଦୌଡ଼ନ୍ତି ଏବଂ ଡାକିବା ମାତ୍ରେ ସେମାନଙ୍କୁ ପାଖକୁ ଆସିବାକୁ ତାଲିମ ଦିଆଯାଏ। କେତେକ କମ୍ପାନୀ କୁକର ଦିବସ ପାଳନ କରନ୍ତି, ଯେଉଁଦିନ ଅନେକ ଦଳ କୁକୁରଙ୍କୁ ଦିନ ୧୦ଟାରୁ ୨ଟା ଭିତରେ ୩ ଘଣ୍ଟା ପାଇଁ ଆଣନ୍ତି ଏବଂ ସେମାନଙ୍କୁ ୪୦ ମିନିଟ୍‌ ଚଲାନ୍ତି। ତେବେ ବୁଏନସ ଏୟାର୍ସରେ କୁକୁର ଚୋରି ବି ହୁଏ। କେତେକ ଚୋର କୁକୁରଙ୍କୁ ଚୋରି କରି ପ୍ରଜନନକାରୀମାନଙ୍କୁ ବିକ୍ରି କରିଦିଅନ୍ତି। ଚୋରମାନେ କାର୍‌ରେ ଗ୍ରୁପ୍‌ ଡଗ୍‌ ଓ୍ବାକରଙ୍କ ପିଛା କରୁଥାନ୍ତି। ସେମାନଙ୍କୁ ଟିକିଏ ଅନ୍ୟମନସ୍କ ଦେଖିଲେ ଗୋଟାଏ ଦିଟା କୁକୁରଙ୍କୁ ଝିଙ୍କି କାର୍‌ରେ ନେଇ ଚମ୍ପଟ ମାରନ୍ତି। କିନ୍ତୁ ଅଧିକାଂଶ ସମୟରେ ପରେ ପୋଲିସ ଦ୍ୱାରା ଚୋର ଧରାପଡ଼ନ୍ତି। ଯଦି ଚୋର ଧରା ନ ପଡ଼େ ଓ କୁକୁର ନ ମିଳେ ତେବେ କମ୍ପାନୀ ବୀମା କରିଥିବାରୁ କୁକୁର ମାଲିକକୁ କ୍ଷତିପୂରଣ ମିଳେ। ଆମ ଭାରତରେ ବି ଏପରି କମ୍ପାନୀ ଆରମ୍ଭ କରାଯିବାର ଆବଶ୍ୟକତା ରହିଛି। ବହୁ ଲୋକ ମୋତେ ଫୋନ୍‌ କରୁଛନ୍ତି ଯେ, ସେମାନେ ଚାକିରି କରିଥିବାରୁ କୁକୁରର ଦେଖାଶୁଣା କରିବାକୁ କେହି ନାହାନ୍ତି। ତେଣୁ ସେମାନେ କୁକୁରକୁ ଦେଇଦେବାକୁ ଚାହୁଁଛନ୍ତି। ବେଳେବେଳେ ବୁଢ଼ା ଲୋକ ଫୋନ୍‌ କରନ୍ତି ଯେ, ତାଙ୍କ ପାଖରେ ଥିବା କୁକୁରଟି ତାଙ୍କ ପିଲାମାନଙ୍କର, ଯେଉଁମାନେ ଏବେ ବାହାରେ ଚାକିରି କରୁଛନ୍ତି। ସେମାନେ ଏ ବୟସରେ କୁକୁରଙ୍କ ଯତ୍ନ ନେବାକୁ ଅକ୍ଷମ। ତେଣୁ ସେମାନେ କୁକୁରକୁ ମୋତେ ଦେଇଦେବାକୁ ଚାହୁଁଛନ୍ତି। ଏହି ଲୋକମାନଙ୍କ ପାଇଁ ଏପରି ସେବା ଦରକାର। ଆପଣ କୁକୁର ରଖିବେ, ଅଥଚ କିଛି ଅର୍ଥ ବିନିମୟରେ ତାଙ୍କ ସେବାଯତ୍ନ କରିବ କମ୍ପାନୀ। କୁକୁରଙ୍କ ପାଇଁ ବୁଲାଚଲା, ବ୍ୟାୟାମ, ବାହାରେ ଝାଡ଼ାପରିସ୍ରା କରିବା, ଆବଶ୍ୟକ ସମୟରେ ଚିକିତ୍ସା ଆଦି ନିହାତି ଦରକାର। ଯେଉଁମାନେ ନିଜେ ତାହା କରିପାରୁ ନାହାନ୍ତି, ଏପରି କମ୍ପାନୀ ଥିଲେ ସେମାନେ ତାଙ୍କର ସେବା ନେଇପାରିବେ। ତେଣୁ ଭାରତୀୟ ସହରଗୁଡ଼ିକରେ ଏପରି କମ୍ପାନୀ ପ୍ରତିଷ୍ଠା ହେବା ନିହାତି ଦରକାର। ଯଦି ଜଣେ ଏକ କମ୍ପାନୀ ଆରମ୍ଭ କଲା, ତେବେ ସେ ବିଭିନ୍ନ ସହରରେ ତାହା ଚଳାଇପାରିବ। ଯଦି କେହି କମ୍ପାନୀ ଆରମ୍ଭ କରିବାକୁ ଆଗ୍ରହ ପ୍ରକାଶ କରନ୍ତି, ତେବେ ମୁଁ ସେମାନଙ୍କୁ ତାଲିମପ୍ରାପ୍ତ କର୍ମଚାରୀ ଯୋଗାଇବାରେ ସାହାଯ୍ୟ କରିପାରିବି।
Email: gandhim@nic.in

All Right Reserved By

ସମ୍ପାଦକୀୟ |

ପ୍ରାଣୀଙ୍କ ଜୀବନ ସହ ଖେଳ

ପ୍ରାଣୀଙ୍କ ଜୀବନ ସହ ଖେଳ

ପରିବେଶ ପରିଚିନ୍ତା/ ମାନେକା ଗାନ୍ଧୀ ପ୍ରତିବର୍ଷ ବିଜ୍ଞାନାଗାରରେ କୋଟି କୋଟି ପ୍ରାଣୀଙ୍କ ଅଙ୍ଗପ୍ରତ୍ୟଙ୍ଗ କଟାଯାଉଛି। ଯେଉଁମାନେ ସରକାରରେ ଅଛନ୍ତି, ସେମାନେ ଭାବୁଛନ୍ତି ମଣିଷଙ୍କ ହିତ ପାଇଁ ଏହା ନିହାତି ଦରକାର। ସେମାନଙ୍କ ଧାରଣା ଯେକୌଣସି ଜିନିଷ ମଣିଷ ପାଖରେ ପହଞ୍ଚିବା ପୂର୍ବରୁ ପ୍ରାଣୀଠାରେ ପରୀକ୍ଷା ହୋଇଥିବା ଜରୁରୀ। ତେବେ ପ୍ରଶ୍ନ ଉଠୁଛି, ଏହା କ’ଣ ସତରେ ମଣିଷକୁ ନିରାପଦ କରୁଛି? ଚିନ୍ତା କରନ୍ତୁ, ପକ୍ଷୀ ପାଇଁ ଉଦ୍ଭାବିତ କୌଣସି ନୂଆ ଔଷଧକୁ କେବଳ ପକ୍ଷୀଠାରେ ହିଁ ପରୀକ୍ଷା କରାଯାଉଛି। ଏହାକୁ କ’ଣ କୁକୁରଠାରେ ପରୀକ୍ଷା କରାଯାଇପାରିବ? ତେଣୁ କାହିଁକି ମୂଷାଠାରେ ପରୀକ୍ଷିତ ଔଷଧ ମଣିଷକୁ ଦିଆଯିବ? ...

 ପରୀକ୍ଷା କେନ୍ଦ୍ରରେ ସିସି ଟିଭି

ପରୀକ୍ଷା କେନ୍ଦ୍ରରେ ସିସି ଟିଭି

ଡ. ସୁବାସ ଚନ୍ଦ୍ର ପାତ୍ର ଏବେ ଯୁକ୍ତ ୨ ପରୀକ୍ଷା ପାଇଁ ଉଦ୍ଦିଷ୍ଟ ପରୀକ୍ଷା କେନ୍ଦ୍ରଗୁଡ଼ିକରେ ସିସି ଟିଭି ଲାଗିବ ବୋଲି ସରକାରୀ ସ୍ତରରେ ନିଷ୍ପତ୍ତି ହୋଇଛି। ପରବର୍ତ୍ତୀ ସମୟରେ ତାହା ମହାବିଦ୍ୟାଳୟ ବା ବିଶ୍ୱବିଦ୍ୟାଳୟ ସ୍ତରୀୟ ପରୀକ୍ଷା କେନ୍ଦ୍ରରେ ଲଗାଇବାକୁ ମନସ୍ଥ କରାଯାଇଛି। ତେବେ ଏହି ସିସି ଟିଭି ଲାଗିବା ନେଇ ମିଶ୍ର ପ୍ରତିକ୍ରିୟା ଶୁଣିବାକୁ ମିଳୁଛି। କେତେକେ କହୁଛନ୍ତି, କିଛି ନ ହେଲେ ବି ପରୀକ୍ଷାର୍ଥୀ, ପରୀକ୍ଷା ନିୟନ୍ତ୍ରକ, କେନ୍ଦ୍ର ଅଧୀକ୍ଷକ ଓ ଅଭିଭାବକମାନଙ୍କ ମନରେ ଭୟ ଟିକେ ରହିବ। ସେମାନେ ଅସତ୍‌ ଉପାୟ ଅବଲମ୍ବନ ବା ସେ ପାଇଁ ପୃଷ୍ଠପୋଷକତା କରିବା ପୂର୍ବରୁ ଦୁଇଥର ଭାବିବେ। ଅନ୍ୟ ଏକ ଗୋଷ୍ଠୀ ଏହାକୁ ପ୍ରଭାବୀ ବୋଲି ଭାବୁନାହାନ୍ତି। ...

ପ୍ରଜ୍ଞା, ମେଧା ଓ ଯୋଗ

ପ୍ରଜ୍ଞା, ମେଧା ଓ ଯୋଗ

ବ୍ରହ୍ମାନନ୍ଦ ପଣ୍ଡା ଶରୀର ଏକ ରଥ, ଯହିଁରେ ଜୀବ ହେଉଛି ରଥୀ ବା ଆରୋହୀ। ଏ ରଥରେ ବୁଦ୍ଧି ସାରଥି, ମନ ଲଗାମ, ଇନ୍ଦ୍ରିୟମାନେ ହେଉଛନ୍ତି ଅଶ୍ୱ ଏବଂ ବିଷୟ ହେଉଛି ଗନ୍ତବ୍ୟ ମାର୍ଗ। ବିକ୍ଷିପ୍ତ ଆଲୋକରଶ୍ମିକୁ ଯବ କାଚରେ କେନ୍ଦ୍ରୀଭୂତ କରି ଯେପରି ଅଗ୍ନି, ତାପ ଓ ଆଲୋକ ସୃଷ୍ଟି କରାଯାଇପାରେ ଠିକ୍‌ ସେପରି ଯୋଗସାଧନା ଦ୍ୱାରା ଶରୀର, ମନ, ବୁଦ୍ଧି ଓ ଇନ୍ଦ୍ରିୟମାନଙ୍କୁ ନିୟନ୍ତ୍ରିତ କରି ସୁସ୍ଥ, ସବଳ ଓ ଦୀର୍ଘାୟୁ ଜୀବନ ଲାଭ କରାଯାଇପାରେ। ଯୋଗସାଧନା ଦ୍ୱାରା ଅନ୍ତଃକରଣକୁ ଶୁଦ୍ଧ କରି ପ୍ରାରବ୍ଧ ବା ଭାଗ୍ୟଫଳର ସଦୁପଯୋଗ ...

ଏଇ ଭାରତରେ

ଏଇ ଭାରତରେ

ଲେସ୍‌ବିଆନ୍‌, ଗେ, ବାଇସେକ୍ସୁଆଲ ଆଣ୍ଡ୍‌ ଟ୍ରାନ୍ସଜେଣ୍ଡର (ଏଲ୍‌ଜିବିଟି) ବର୍ଗ ଜୁନ୍‌କୁ ‘ପ୍ରାଇଡ୍‌ ମନ୍‌ଥ’ ବା ଗର୍ବର ମାସ ଭାବେ ପାଳନ କରୁଥିବା ବେଳେ କଲିକତାରେ ଜଣେ କିନ୍ନର ଚାକିରି ପାଇଁ ସାକ୍ଷାତ୍‌କାର ଦେବା ବେଳେ ଅଶ୍ଳୀଳତାର ସମ୍ମୁଖୀନ ହୋଇଥିବା ବିଷୟ ପଦାକୁ ଆସିଛି। ଇଂଲିଶ ଓ ଭୂଗୋଳରେ ସ୍ନାତକୋତ୍ତର ଡିଗ୍ରୀ ଅର୍ଜନ କରିଥିବା ହରିନ୍ମୟୀ ଦେ ଯୌନ ଅସ୍ତ୍ରୋପଚାର ପରେ ସୁଚିତ୍ରା ଦେ ଭାବେ ପରିଚିତ ହୋଇଥିଲେ। ଘରେ ବୃଦ୍ଧା ମା’ ଥିବାରୁ ସଂସାର ଚଳାଇବା ପାଇଁ ତାଙ୍କୁ ଚାକିରି ଖୋଜିବାକୁ ପଡ଼ିଲା। ...

ସମ୍ପାଦକୀୟ/ ସମୟ ଆଜି

ସମ୍ପାଦକୀୟ/ ସମୟ ଆଜି

୧୭ ଜୁନ୍‌, ୨୦୧୮ରେ ନୂଆଦିଲ୍ଲୀଠାରେ ପ୍ରଧାନମନ୍ତ୍ରୀ ନରେନ୍ଦ୍ର ଦାମୋଦରଦାସ ମୋଦିଙ୍କ ଅଧ୍ୟକ୍ଷତାରେ ନୀତି ଆୟୋଗର ୪ର୍ଥ ଗଭର୍ନିଂ କାଉନ୍‌ସିଲ ବୈଠକ ଅନୁଷ୍ଠିତ ହୋଇଯାଇଛି। ଏଥିରେ ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯୋଗ ଦେଇ ନ ଥିବାରୁ କେନ୍ଦ୍ରରୁ ରାଜ୍ୟଯାଏ ରାଜନୈତିକ ବାତାବରଣ ସରଗରମ ରହିଛି। ଏହି ବୈଠକରେ କେନ୍ଦ୍ର ସରକାରଙ୍କ ଆକାଂକ୍ଷିତ ଜାତୀୟ ସ୍ବାସ୍ଥ୍ୟ ସୁରକ୍ଷା ଯୋଜନା (ଏନ୍‌ଏଚ୍‌ପିଏସ୍‌) ବା ‘ଆୟୁଷ୍ମାନ୍‌ ଭାରତ’ ଏକ ପ୍ରମୁଖ ପ୍ରସଙ୍ଗ ପାଲଟିଥିଲା। ସମ୍ଭବତଃ ଏହି ଯୋଜନାରେ ଓଡ଼ିଶା ସାମିଲ ହେବ ନାହିଁ ବୋଲି ପୂର୍ବରୁ କହି ଦେଇଥିବାରୁ ମୁଖ୍ୟମନ୍ତ୍ରୀ ବୈଠକରେ ଯୋଗ ଦେଲେ ନାହିଁ ବୋଲି ଆଲୋଚନା ହେଉଛି। ତେବେ ବୈଠକର ଦିନକ ପୂର୍ବରୁ ପ୍ରଧାନମନ୍ତ୍ରୀଙ୍କୁ ମୁଖ୍ୟମନ୍ତ୍ରୀ ଦେଇଥିବା ଚିଠିକୁ ତର୍ଜମା କଲେ ବିଭିନ୍ନ ପ୍ରସଙ୍ଗ ନେଇ ରାଜ୍ୟ ସରକାରଙ୍କ ଅସନ୍ତୋଷ ଜଣାପଡ଼ିଯାଉଛି। ସଂଘୀୟ ବ୍ୟବସ୍ଥାରେ ରାଜ୍ୟ ବ୍ୟାପାରରେ କେନ୍ଦ୍ରର ଅତ୍ୟଧିକ ହସ୍ତକ୍ଷେପ ମୁଖ୍ୟମନ୍ତ୍ରୀଙ୍କୁ ବୈଠକରୁ ଦୂରେଇ ରଖିଥିବା ବୁଝାପଡ଼ୁଛି। କେବଳ ଓଡ଼ିଶା ନୁହେଁ। ଦିଲ୍ଲୀରେ ମଧ୍ୟ ସଂଘୀୟ ବ୍ୟବସ୍ଥାର ଯେଉଁଭଳି ଉଲ୍ଲଂଘନ କରାଯାଉଛି ତାହା ସମସ୍ତଙ୍କୁ ଚିନ୍ତାରେ ପକାଇଛି। ସେହିଭଳି ପଶ୍ଚିମବଙ୍ଗ, ପଞ୍ଜାବ ଭଳି କେତେକ ରାଜ୍ୟ କେନ୍ଦ୍ର ସରକାରଙ୍କ ବିଭିନ୍ନ ଯୋଜନା ସହ ଏକମତ ହୋଇପାରି ନ ଥିବା ଦେଖିବାକୁ ମିଳିଛି। ...

 ପାଠକ ଶୂନ, ଲେଖକ ବେଶି

ପାଠକ ଶୂନ, ଲେଖକ ବେଶି

ଡ. ଶରତ ଚନ୍ଦ୍ର ରଥ ତାହା ସାହିତ୍ୟ ପଦବାଚ୍ୟ, ଯାହା ପାଠକ ମନକୁ ସୁନାସୂତାରେ ବାନ୍ଧିରଖେ। ତାହା ସଫଳ ଗଳ୍ପ, ଯାହା ପାଠକ ମନକୁ ଚହଲାଇଦିଏ, କିଛି କିଛି ଭଲ ବାଟ ବତାଏ, ଦରକାର ପଡିଲେ ଚାଲି ଶିଖାଏ। ତାହା ସଫଳ କବିତା, ଯାହା ପାଠକ ମନରେ ଭାବାନ୍ତର ସୃଷ୍ଟି କରେ, ବାସ୍ତବତା ସହିତ କଳ୍ପନାର ସମନ୍ବୟ କରିପାରେ। କବିତା କମ୍‌ ଶବ୍ଦରେ ଅଧିକ କଥା କହେ। ଗଳ୍ପ ସରିଗଲେ ନ ସରିଲା ପରି ଲାଗେ, କବିତା ସରିଗଲେ ଆଉ କିଛି କଥା ବୁଝିବା ପାଇଁ ବାକି ରହିଗଲା ପରି ଲାଗେ। ତାହା ସଫଳ ଉପନ୍ୟାସ, ଯାହା ଆଉ ଏକ ଦୁନିଆକୁ ନେଇଯାଏ, ଯେଉଁଠି ସ୍ନାୟୁରେ ଶିରାରେ ସଞ୍ଚରିତ ହୋଇଯାଏ ଅନେକ ହସଲୁହ, ସୁଖଦୁଃଖ, ଶାନ୍ତି ...

ରାମରାଜ୍ୟ ଓ ଗଣତନ୍ତ୍ର

ରାମରାଜ୍ୟ ଓ ଗଣତନ୍ତ୍ର

ଅରୁଣ ଦାସ ବାଲ୍ମିକୀଙ୍କ ରାମାୟଣ ପଢିଲା ପରେ ସମସ୍ତେ ରାମରାଜ୍ୟ କ’ଣ ଜାଣିଲେ। ମର୍ଯ୍ୟାଦାପୁରୁଷ ରାମ ଜଣେ ପ୍ରଜାବତ୍ସଳ ଓ ଆଦର୍ଶ ରାଜା ଥିଲେ। ଏପରି କି ପ୍ରଜାମାନଙ୍କ ମତକୁ ସମ୍ମାନ ଦେଇ ସେ ନିଜ ପ୍ରିୟତମା ପତ୍ନୀଙ୍କୁ ମଧ୍ୟ ବିତାଡ଼ିତ କରିଥିଲେ। ଏଥିରୁ ସ୍ପଷ୍ଟ ଅନୁମେୟ ଯେ ରାଜତନ୍ତ୍ରରେ ମଧ୍ୟ ଜନତାଙ୍କ କଥାକୁ ସମ୍ମାନ ଦେବାକୁ ଯାଇ ସ୍ବୟଂ ରାଜା ନିଜ ବ୍ୟକ୍ତିଗତ ଜୀବନରେ କଠୋର ନିଷ୍ପତ୍ତି ନେଇପାରନ୍ତି। ସେହିପରି ଖ୍ରୀଷ୍ଟପୂର୍ବ ୩୮୦ରେ ଗ୍ରୀସ୍‌ ଦାର୍ଶନିକ ପ୍ଲାଟୋ ଯେଉଁ ଦି ରିପବ୍ଲିକ ରଚନା କରିଥିଲେ, ସେଥିରେ ମଧ୍ୟ ଆଇଡ଼ିଆଲ ଷ୍ଟେଟ, ବା ଆଦର୍ଶ ରାଜ୍ୟ ଓ ଫିଲୋସଫର କିଙ୍ଗ୍‌ ବା ଦାର୍ଶନିକ ରାଜାର କଥା ଉପସ୍ଥାପନ କରିଛନ୍ତି। ପ୍ରାଚୀନ ...

ଏଇ ଭାରତରେ

ଏଇ ଭାରତରେ

ସମାଜରେ କୁସଂସ୍କାର ଏବଂ ଅନ୍ଧବିଶ୍ୱାସ ଯେ ମଣିଷକୁ କେତେ ତଳକୁ ନେଇଯାଏ, ତା’ର ସଦ୍ୟତମ ଉଦାହରଣ ଦେଖିବାକୁ ମିଳିଛି ବିହାର ରାଜ୍ୟର ପୁର୍ନିଆ ଜିଲା ଅନ୍ତର୍ଗତ ଆମନା ବଂଶ ବିଟା ଗାଆଁରେ। ୪୦ବର୍ଷ ବୟସ୍କା ଜନୈକା ମହିଳାଙ୍କୁ ଗୁଣିଗାରେଡି ସନ୍ଦେହରେ ତାଙ୍କ ପରିବାର ସଦସ୍ୟମାନେ ପିଟିପିଟି ମାରିଦେଇଛନ୍ତି। ମୃତ ମହିଳା ଜଣକ ହେଉଛନ୍ତି ପାର୍ବତୀ ମୁର୍ମୁ। ମୃତ ମହିଳାଙ୍କ ଝିଅର ବୟାନ ଅନୁଯାୟୀ, ତାଙ୍କର ଦାଦା ଦୀର୍ଘ ଦେଢ଼ବର୍ଷ ହେଲା ରୋଗରେ ପଡ଼ିଥିଲେ। ଯେତେ ଚିକିତ୍ସା କରାଗଲେ ମଧ୍ୟ ସେ ଭଲ ନ ହେବାରୁ ସୋମବାର ମୃତ୍ୟୁବରଣ କଲେ। ଦାଦାଙ୍କ ପରିବାର ସଦସ୍ୟଙ୍କ ଅଭିଯୋଗ ଅନୁଯାୟୀ, ...

 ସମ୍ପାଦକୀୟ/ ଅନ୍‌ଲାଇନ୍‌ ଠକେଇ

ସମ୍ପାଦକୀୟ/ ଅନ୍‌ଲାଇନ୍‌ ଠକେଇ

ଗ୍ଲୋବାଲ ଫାଇନାନ୍‌ସିଆଲ ଇନ୍‌ଫର୍ମେଶନ କମ୍ପାନୀ ‘ଏକ୍ସପେରିଆନ୍‌’ ୧୮ ଜୁନ୍‌, ୨୦୧୮ରେ ଭାରତୀୟଙ୍କ ଉପରେ ଏକ ରିପୋର୍ଟ ପ୍ରକାଶ କରି କହିଛି ଯେ ଏଠାକାର ୨୫ ପ୍ରତିଶତ ନାଗରିକ ଆର୍ଥିକ ଠକେଇର ସମ୍ମୁଖୀନ ହେଉଛନ୍ତି। ଏହା ପଛରେ ରହିଛି ଅନ୍‌ଲାଇନ୍‌ କାରବାର। କିଛି ସୁବିଧା ଓ ସେବା ପାଇବା ପାଇଁ ୫୧ ପ୍ରତିଶତ ଭାରତୀୟ ସେମାନଙ୍କ ବ୍ୟକ୍ତିଗତ ତଥ୍ୟକୁ ଅନାୟାସରେ ଦେଇଦେଉଛନ୍ତି ବୋଲି ରିପୋର୍ଟରୁ ଜଣାପଡ଼ିଛି। ଆଜିର ଡିଜିଟାଲ ଯୁଗରେ ପ୍ରାୟ ପ୍ରତି କ୍ଷେତ୍ରରେ ଇଣ୍ଟରନେଟ୍‌ ମାଧ୍ୟମରେ କାରବାର ବୃଦ୍ଧି ପାଇବାରେ ଲାଗିଛି। ଏକ ପ୍ରଗତିଶୀଳ ରାଷ୍ଟ୍ର ପାଇଁ ବୈଷୟିକ ବିକାଶ ଅତ୍ୟନ୍ତ ଜରୁରୀ। କିନ୍ତୁ ଯେଉଁମାନେ ଏହାର ପ୍ରୟୋଗାତ୍ମକ ଦିଗ ସହ ଅଭ୍ୟସ୍ତ ହୋଇନାହାନ୍ତି, ସେମାନେ ଅନ୍ୟମାନଙ୍କ ଉପରେ ନିର୍ଭର କରି ପ୍ରବଳ ...

ଦୀପ ତେଜିଲେ ହାତ ଚିକ୍କଣ

ଦୀପ ତେଜିଲେ ହାତ ଚିକ୍କଣ

ବୈକୁଣ୍ଠନାଥ ମିଶ୍ର ମାତ୍ର ଛ’ବର୍ଷର ଝିଅ ଲକ୍ଷ୍ମୀ। ଦରିଦ୍ର ମାତାପିତାଙ୍କ କାରୁଣ୍ୟ ତାକୁ ବିଚଳିତ କରେ। ଗ୍ରାମର ଆରାଧ୍ୟ ଦେବତା ନୀଳମାଧବଙ୍କ ଉପରେ ତା’ର ପ୍ରଗାଢ ବିଶ୍ୱାସ। ପ୍ରଭୁଙ୍କୁ ଏକାନ୍ତରେ ଦର୍ଶନ କରି ତା’ ନିଜର ତଥା ପରିବାରର ଦୈନ୍ୟ ପ୍ରକାଶ କରିବାର ଲିପ୍ସା ତା’ ମନ ମଧ୍ୟରେ ଜାଗ୍ରତ ହୋଇଛି। ହେଲେ ଭଜନକୀର୍ତ୍ତନ ଓ ଗହଳଚହଳରେ ସଦା ପ୍ରକମ୍ପିତ ମନ୍ଦିରକୁ ଆସି ପ୍ରଭୁଙ୍କୁ ଦର୍ଶନ କରିବା କଷ୍ଟକର। ଦିନେ ବୈଶାଖର ନିଛାଟିଆ ଝାଞ୍ଜି ଦି’ପହରେ ସେ ସାହସ କରି ଘରୁ ଗୋଡ କାଢିଲା ଓ ମନ୍ଦିର ସଂଲଗ୍ନ ଝଙ୍କାଳିଆ କୃଷ୍ଣଚୂଡା ଗଛମୂଳେ ଠିଆ ହେଲା। କ୍ଷୁଦ୍ର ବାତାୟନ ମଧ୍ୟ ଦେଇ ଦେଖିଲା- ଗର୍ଭଗୃହର ଅନ୍ଧକାର ଭେଦକରି ପ୍ରଭୁ ସତେଯେମିତି ...

ରହସ୍ୟ ଖୋଲିବ କୁଞ୍ଚି

ରହସ୍ୟ ଖୋଲିବ କୁଞ୍ଚି

ସୁଧୀର କୁମାର ନାୟକ କୁଞ୍ଚି ମନ ଦୁଃଖ। ଅନ୍ୟମାନଙ୍କର ଅବହେଳା ପାଇଁ ସେ ଆଜି ଲଜ୍ଜିତ, ଚର୍ଚ୍ଚିତ। ତା’ ହଜିବା କଥାଟା ରାଜ୍ୟ ବାହାରକୁ ବି ଚାଲିଗଲାଣି। ବାସ୍ତବିକ ସେ କ’ଣ ଯାହିତାହି କୁଞ୍ଚି, ମହାପ୍ରଭୁ ଶ୍ରୀଜଗନ୍ନାଥଙ୍କ ରନତ୍ଭଣ୍ଡାରର କୁଞ୍ଚି, ଯେଉଁଠି ଅଛି ସୁନା, ରୁପା, ହୀରା, ନୀଳା, ମୋତି, ମାଣିକ, କାହିଁରେ କେତେ। କୁଞ୍ଚି ନିଜକୁ ନିଜେ ପଚାରୁଛି ଏତେ ନୀତିନିୟମ, କଟକଣାର ଦ୍ୱାର ଡେଇଁ ସେ ହଜିଗଲା କିପରି? ସେ ନିଜେ ହଜିଲା, ନା ତାକୁ କିଏ ହଜାଇଲା? କୁଞ୍ଚି ହଜିବାର ତନାଘନା ଭିତରେ ତାହାର ନକଲ (ଡୁପ୍ଲିକେଟ୍‌ କାଠି) ମିଳିଛି, ...

ଏଇ ଭାରତରେ

ଏଇ ଭାରତରେ

ପୁଅଝିଅଙ୍କ ନାମକରଣ କରିବା ପାଇଁ ବାପାମା’ମାନେ ଶବ୍ଦ ଯୋଗାଡ଼ରେ ଲାଗିଥାଆନ୍ତି କାହିଁ କେତେ ଦିନରୁ। ଏଥିପାଇଁ ପରିବାର ସଦସ୍ୟ ଏବଂ ବନ୍ଧୁବାନ୍ଧବଙ୍କ ପରାମର୍ଶ ଲୋଡ଼ିଥାଆନ୍ତି। ମହାରାଷ୍ଟ୍ରର ନାଗପୁର ଅଞ୍ଚଳର ଏକ ଦମ୍ପତି ସେମାନଙ୍କ ନବଜାତ ଶିଶୁପୁତ୍ରର ନାମକରଣ କରିବା ପାଇଁ ଏକ ଅଭିନବ ଉପାୟ ଆପଣାଇଛନ୍ତି। ସେମାନେ ଏଥିପାଇଁ ୩ଟି ନାଁ ବାଛିଥିଲେ। ପରିବାର ସଦସ୍ୟ ଏବଂ ବନ୍ଧୁବାନ୍ଧବମାନେ ଭୋଟ ଦେଇ ସେଥିମଧ୍ୟରୁ ନାଁ ଚୟନ କରିଛନ୍ତି। ଏଥିରେ ନିର୍ବାଚନ ପ୍ରଚାରପତ୍ର ଲାଗିବା ସାଙ୍ଗକୁ ବାଲାଟ୍‌ ବକ୍ସ ବି ବ୍ୟବହାର ହୋଇଥିଲା। ଗୋଣ୍ଡିଆ ଜିଲାର ଦେଓରି ତାଲୁକା ଅନ୍ତର୍ଗତ ମିଥୁନ ଏବଂ ମାନ୍‌ସି ବ୍ୟାଙ୍ଗ୍‌ ଏଭଳି ଏକ ଅଭିନବ ଉପାୟ ସ୍ଥିର କରିଛନ୍ତି। ଏପ୍ରିଲ ୫ରେ ଜନ୍ମିତ ସନ୍ତାନର ନାମକରଣ ପାଇଁ ଜୁନ୍‌ ୧୫ରେ ନିର୍ବାଚନ ଅନୁଷ୍ଠିତ ହୋଇଥିଲା। ...

Model This Week

ପ୍ରଭାତ