ସମ୍ପାଦକୀୟ |

ଦିଲ୍ଲୀ ପ୍ରଦୂଷଣ

ଦିଲ୍ଲୀ ପ୍ରଦୂଷଣ

ନଦୀୟାଚାନ୍ଦ କାନୁନ୍‌ଗୋ
ଯେଉଁ ରାଷ୍ଟ୍ରର ରାଜଧାନୀରୁ ସ୍ବଚ୍ଛ ଭାରତ ଅଭିଯାନ ଜନ୍ମ ନେଇଛି, ସେହି ରାଜଧାନୀର ସ୍ବଚ୍ଛତା ଏବେ ଭୁଶୁଡି ପଡିଛି। ଏଠାକାର ଜଳ, ବାୟୁ, ମୃତ୍ତିକା ପ୍ରଦୂଷଣ ଏତେମାତ୍ରାରେ ବଢିଚାଲିଛି ଯେ, ସାଧାରଣ ମଣିଷ ସହିତ କୌଣସି ପଶୁପକ୍ଷୀ ସ୍ବଚ୍ଛନ୍ଦରେ ବଞ୍ଚିବାକୁ ସମର୍ଥ ହୋଇପାରୁନାହାନ୍ତି। ଏବେ ଦିଲ୍ଲୀର ସମଗ୍ର ବାୟୁମଣ୍ଡଳ ଧୂଆଁ, ଅଙ୍ଗାର ଓ ଅନ୍ୟାନ୍ୟ ଆବର୍ଜନାପୂର୍ଣ୍ଣ ବସ୍ତୁର ପ୍ରଭାବରେ ପୂରି ରହି ସୂର୍ଯ୍ୟଙ୍କ ଆଲୋକକୁ ଭୂପୃଷ୍ଠକୁ ନ ଛାଡି ଏକ ଅନ୍ଧାରୁଆ ଅଞ୍ଚଳ ସୃଷ୍ଟି କରିଚାଲିଛି ଏବଂ ସେଠାରେ ଉପସ୍ଥିତ ଥିବା ପ୍ରାଣୀଜଗତ ପାଇଁ ସମସ୍ୟା ସୃଷ୍ଟି କରିଛି। ସ୍ବଚ୍ଛ ବାୟୁ, ଜଳ ଏବଂ ଆଲୋକ ମଧ୍ୟ ଏ ଅଞ୍ଚଳରେ ଦୁର୍ଲଭ ହେବାକୁ ଲାଗିଛି। ଦିଲ୍ଲୀରେ ଏପରି ଅବସ୍ଥା ସୃଷ୍ଟି ହେବାର କାରଣ ହେଲା, ଏଠାରେ ଆବଶ୍ୟକତାଠାରୁ ଅଧିକ ମୋଟରଯାନ ବ୍ୟବହାର, ଦିଲ୍ଲୀର ନିକଟବର୍ତ୍ତୀ ଅଞ୍ଚଳରେ ଗଢିଉଠିଥିବା କଳକାରଖାନାରୁ ନିର୍ଗତ ଧୂଆଁ, ଧୂଳି ଏବଂ ଦିଲ୍ଲୀର ନିକଟବର୍ତ୍ତୀ ପ୍ରଦେଶରେ ଫସଲ ଅମଳ ହେବା ପରେ ନଡାକୁ ନିଆଁରେ ପୋଡିଦେବା। ଏବେ ଦିଲ୍ଲୀବାସୀ ନିଜ ପାଇଁ ଏହି ସମସ୍ୟା ସୃଷ୍ଟି କରିଚାଲିଛନ୍ତି। ଦିଲ୍ଲୀ କହିଲେ ସେଠାକାର ସମସ୍ତ ଜୈବ ମଣ୍ଡଳକୁ ହିଁ ଧରାଯିବ। ସେଥିରେ ଦିଲ୍ଲୀ କେନ୍ଦ୍ରଶାସିତ ଅଞ୍ଚଳ, ହରିୟାଣା, ପଞ୍ଜାବ, ଉତ୍ତରପ୍ରଦେଶ ଏବଂ ରାଜସ୍ଥାନ ପ୍ରଦେଶମାନ ମଧ୍ୟ ଅନ୍ତର୍ଭୁକ୍ତ। ଏହି ସମସ୍ତ ପ୍ରକାର ରାଜନୈତିକ ଶ୍ରେଣୀଭୁକ୍ତ ଅଞ୍ଚଳକୁ ଗୋଟିଏ ଶ୍ରେଣୀର ପ୍ରାକୃତିକ ଜୈବମଣ୍ଡଳ ଭାବେ ବିବେଚନା କରାଗଲେ ଦିଲ୍ଲୀକୁ ସୁରକ୍ଷା ଦେବା ସମ୍ଭବ ହୋଇପାରିବ। ସେ ଗଙ୍ଗା ନଦୀ ହେଉ କିମ୍ବା ଯମୁନା ନଦୀ, ଏହା କୌଣସି ନିର୍ଦ୍ଦିଷ୍ଟ ରାଜନୈତିକ ଅଞ୍ଚଳର ସମ୍ପତ୍ତି ନୁହେଁ। ବିଶ୍ୱର ପ୍ରତ୍ୟେକ ଜଳସ୍ରୋତ ସମଗ୍ର ପ୍ରାଣିଜଗତ ନିମନ୍ତେ ଉଦ୍ଦିଷ୍ଟ। ସମଗ୍ର ଜୈବମଣ୍ଡଳ ଉପରେ ଦିଲ୍ଲୀର ନିୟନ୍ତ୍ରଣ ଆଣିବାକୁ ହେଲେ ସୁସ୍ଥ ନିୟନ୍ତ୍ରଣାଧୀନ ପରିବେଶ ଆବଶ୍ୟକ। ଯାନବାହନ, କଳକାରଖାନା ଓ ନୂତନ ଗୃହ ନିର୍ମାଣ ଉପରେ ନିୟନ୍ତ୍ରଣ ଓ ବର୍ଜ୍ୟବସ୍ତୁର ଠିକ୍‌ ପରିଚାଳନା କରିବାକୁ ପଡିବ। ମଣିଷର ଅମାନବିକତାପୂର୍ଣ୍ଣ ସ୍ବାର୍ଥ ମଧ୍ୟରେ ଆସୁଛି ପଞ୍ଜାବ, ହରିୟାଣା, ୟୁପି ଓ ଦିଲ୍ଲୀ ପ୍ରଦେଶମାନଙ୍କର ଧାନ, ଗହମ ଚାଷୀମାନଙ୍କ କଥା। ଏହି ଚାଷୀମାନେ ଫସଲ, ବିଶେଷକରି ଶୀତଦିନେ ଅମଳ ହୋଇସାରିଲା ପରେ ଜମିରେ ଥିବା ଖୁଣ୍ଟା ନଡା କିଆରିରେ ନିଆଁ ଲଗାଇ ଜାଳିଦିଅନ୍ତି। ପୁନର୍ବାର ଜମିକୁ ଚାଷ ନିମନ୍ତେ ପ୍ରସ୍ତୁତ କରିବାକୁ ଏବଂ ନଡା ଗଦା ବୋଝରୁ ତ୍ରାହି ପାଇବା ନିମନ୍ତେ। କିନ୍ତୁ ଏହି ନଡା କିଆରିମାନ ଜଳିବାରୁ ପ୍ରଚୁର ଧୂଆଁା ଓ ଅଙ୍ଗାରକାମ୍ଳ ସୃଷ୍ଟି ହୁଏ। ବାୟୁମଣ୍ଡଳର ବର୍ଣ୍ଣକୁ ଧୂସରିତ କରି କିଛି ସପ୍ତାହ ପର୍ଯ୍ୟନ୍ତ ଦିଲ୍ଲୀ ଏବଂ ଏହାର ଆଖପାଖ ଅଞ୍ଚଳକୁ ଆଚ୍ଛନ୍ନ କରି ରଖିଥାଏ।ଏହା ସାଧାରଣ ଜନତାଙ୍କ ଜୀବନକୁ ଦୁର୍ବିଷହ କରିତୋଳେ। ତେଣୁ ନଡ଼ାକୁ ନ ଜାଳି ତାକୁ କମ୍ପୋଷ୍ଟରେ ପରିଣତ କରି କ୍ଷେତରେ ବ୍ୟବହାର କରାଯିବା ଉଚିତ। ଧାନ ନଡା, ଗହମ ନଡା ଓ ଅନ୍ୟ ଫସଲର ନଡା ସହିତ ଧାନ ଓ ଗହମର ଚଷୁ ଦ୍ୱାରା ମଧ୍ୟ ଚିପ୍ସବୋର୍ଡ, ହସ୍କ-ବୋର୍ଡ କରାଯାଇ ପ୍ଲାଇଉଡ୍‌ର ସ୍ଥାନ ଦିଆଯାଇପାରିବ। ଧାନ ନଡାକୁ କୁଟି କ୍ଷୁଦ୍ର, କ୍ଷୁଦ୍ର କରି ସେଥିରେ ଅଠା ଦେଇ ପ୍ଲାଇଉଡ୍‌ ପରି ଖଣ୍ଡ ମାନ ପ୍ରସ୍ତୁତ କରାଯାଇପାରେ। ଏହା ପ୍ରେସର ମେଶିନ ମାଧ୍ୟମରେ ସମ୍ଭବ ହୋଇପାରିବ। ପ୍ଲାଇଉଡ୍‌ ପ୍ରସ୍ତୁତ କରିବା ନିମନ୍ତେ ଆମର କେତେ ଗଛ କଟା ହେଉଛି। ଯଦି ଆମେ ନଡା ଓ ଚଷୁରୁ ପ୍ଲାଇଉଡ୍‌ ପ୍ରସ୍ତୁତ କରିପାରିବା ତା’ହେଲେ ଅସଂଖ୍ୟ ଗଛର ଜୀବନ ବଞ୍ଚାଇ ପରିବେଶକୁ ରକ୍ଷା କରିପାରିବା। ଏବେ ଗାଁ ଗହଳିରୁ ଚାଳଛପର ଘରମାନ ଲୋପ ପାଇଲାଣି ଏବଂ ପକ୍କାଗୃହ ମାନ ଏବେ ଦ୍ରୁତଗତିରେ ବୃଦ୍ଧି ପାଇବାରେ ଲାଗିଛି। ଧାନ ନଡାରେ କଚ୍ଚାଘରମାନ ଛପର ହେଉଥିଲା। ଏଣୁ ଏହି ଉଦ୍‌ବୃତ୍ତ ନଡା, ଚଷୁ ଓ ପାଳକୁ ପଶୁଖାଦ୍ୟ ରୂପେ ବର୍ଷସାରା ବ୍ୟବହାର କରିବା ନିମନ୍ତେ ବୈଜ୍ଞାନିକ ପଦ୍ଧତି ଆବଶ୍ୟକ। ଶୁଖା ଅବସ୍ଥାରେ ନଡାକୁ ମଧ୍ୟ ବର୍ଷ ବର୍ଷ ଧରି ରଖାଯାଇପାରେ, ଯାହାକୁ ଇଂଲିଶରେ ‘ହେ ମେକିଙ୍ଗ’ କୁହାଯାଇଥାଏ। ନଡାରୁ ଜଳୀୟ ଅଂଶକୁ ବାଦ୍‌ ଦେଇ ସଂରକ୍ଷଣ କରିବା ହିଁ ହେ ମେକିଙ୍ଗ। ଏଣୁ ବାୟୁମଣ୍ଡଳକୁ ସୁରକ୍ଷିତ ରଖିବାକୁ ଓ ଗ୍ରାମ୍ୟ ଅର୍ଥନୀତିକୁ ସମୃଦ୍ଧ କରିବାକୁ ଧାନ ନଡାର ସଦୁପଯୋଗ ଆବଶ୍ୟକ। ନଡାକୁ ମଧ୍ୟ ବାୟୋ-କମ୍ପୋଷ୍ଟ ବା ଜୈବିକ ସାର ଭାବେ ରୂପାନ୍ତରିତ କରାଯାଇପାରେ। ଧାନ ନଡା, ପାଳ ଓ କୁଟାଗଦାକୁ ମଧ୍ୟ ଛତୁ ଚାଷରେ ବ୍ୟବହାର କରାଯାଇପାରେ। ଚାଷୀମାନେ ନିଜ କ୍ଷେତରେ ଯେଉଁ ନଡାକୁ ଜାଳିଦିଅନ୍ତି, ସେଥିରୁ ମିଳୁଥିବା ପାଉଁଶ ଜମିର ମୃତ୍ତିକାକୁ ହାଲ୍‌କା କରି ମୃତ୍ତିକାର ଅଠାଳିଆ ଶକ୍ତିକୁ ହ୍ରାସ କରିଦେଇଥାଏ। ମୃତ୍ତିକାର ଜୈବିକ ଶକ୍ତିର ଅଭିବୃଦ୍ଧି ଘଟେ। କୃଷ୍ଣ କାର୍ପାସ ମୃତ୍ତିକା ବା ଚିକିଟା, ମଟାଳ ମାଟି ସହିତ ଚୂନିଆ ମୃତ୍ତିକାରେ ଏହା ବିଶେଷ ଉପଯୋଗୀ ହୋଇଥାଏ। ଏହି ପାଉଁଶ ମୃତ୍ତିକାର ଉର୍ବରତା ବୃଦ୍ଧି ସହିତ ଜମିର ଜଳଧାରଣ ଶକ୍ତି ବୃଦ୍ଧି କରେ। ଏଣୁ ଚାଷୀମାନେ ନଡା ଜାଳି ଚାଷ ଜମିକୁ ଉର୍ବର କରିଥାଆନ୍ତି। କିନ୍ତୁ ଏହାର ଏକ ବିକଳ୍ପ ଅଛି। ନଡାକୁ ନିଆଁ ନ ଲଗାଇ, ନ ଜଳାଇ ମଧ୍ୟ ଅଙ୍ଗାର ପ୍ରସ୍ତୁତ କରିହେବ। ଯେକୌଣସି ବସ୍ତୁକୁ ଅମ୍ଳଜାନବିହୀନ କୋଠରିରେ ରଖି ଅତ୍ୟଧିକ ଉତ୍ତାପ ପ୍ରୟୋଗ କଲେ ତାହା ଅଙ୍ଗାରରେ ପରିଣତ ହୋଇଯାଏ। କିନ୍ତୁ ତାହା ଜଳେ ନାହିଁ କି ଧୂଆଁ ସୃଷ୍ଟି କରେ ନାହିଁ। ଏହି ଉପାୟରେ ଉଦ୍‌ବୃତ୍ତ ନଡାକୁ ଅଙ୍ଗାରରେ ପରିଣତ କରି ଚାଷଜମିରେ ବ୍ୟବହୃତ କରାଯାଇପାରେ। ଏ ନେଇ ସରକାରଙ୍କ ସହଯୋଗ ଓ ସମର୍ଥନର ଆବଶ୍ୟକତା ରହିଛି।
ଶୈଳଶ୍ରୀବିହାର, ଜିଏ୪୭୯, ଭୁବନେଶ୍ୱର, ମୋ-୯୯୩୭୪୬୦୬୪୯

All Right Reserved By

Model This Week

ନିକିତା

ସମ୍ପାଦକୀୟ |

ସମ୍ପାଦକୀୟ/ରକ୍ତ ଶୋଷଣ, ପରେ ଦାନ

ସମ୍ପାଦକୀୟ/ରକ୍ତ ଶୋଷଣ, ପରେ ଦାନ

ଦେଶର ପ୍ରଗତିରେ ପରିବହନ ବ୍ୟବସ୍ଥା ସୁଗମ ହେବା ନିତାନ୍ତ ଦରକାର। ଏଥିପାଇଁ ପ୍ରମୁଖ ଉପାଦାନ ହେଉଛି ଇନ୍ଧନ। ଆଜିର ସମୟରେ ପେଟ୍ରୋଲ ଓ ଡିଜେଲ ଦର ଅର୍ଥନୈତିକ ବ୍ୟବସ୍ଥାକୁ ଗତିଶୀଳ କରାଉଛି। ଲୋକମାନଙ୍କ ଯାତାୟାତଠାରୁ ଆରମ୍ଭ କରି ସାମଗ୍ରୀର ଦର ଉପରେ ତୈଳ ଦରର ସିଧାସଳଖ ପ୍ରଭାବ ରହିଛି। ତେଣୁ ପ୍ରତ୍ୟେକ ସରକାର ତେଲ ମୂଲ୍ୟକୁ ନିୟନ୍ତ୍ରଣରେ ରଖିବାକୁ ଚେଷ୍ଟା କରିଥାଆନ୍ତି। ହେଲେ ନରେନ୍ଦ୍ର ଦାମୋଦରଦାସ ମୋଦି ୨୦୧୪ରେ କ୍ଷମତାକୁ ଆସିବା ପରେ ତୈଳ ଦର ଉପରେ ଥିବା ନିୟନ୍ତ୍ରଣକୁ ହଟାଦେଲେ। ଏ ଦିଗରେ ଦିଆଯାଉଥିବା ରିହାତିକୁ ସମ୍ପୂର୍ଣ୍ଣ ଉଚ୍ଛେଦ କରିଦିଆଗଲା। ଫଳରେ ତେଲ ଦର ବଜାର ବ୍ୟବସ୍ଥା ଅନୁଯାୟୀ ସ୍ଥିରୀକୃତ ହେଉଥିବା କୁହାଯାଉଛି। ଭୁବନେଶ୍ୱରରେ ଏବେ ପେଟ୍ରୋଲ ୭୪ ଟଙ୍କା ନିକଟତର ହୋଇ ...

 ଚାଷୀ ମୃତ୍ୟୁ ଓ ଦଣ୍ଡମୁକ୍ତ କର୍ମଚାରୀ

ଚାଷୀ ମୃତ୍ୟୁ ଓ ଦଣ୍ଡମୁକ୍ତ କର୍ମଚାରୀ

ସହଦେବ ସାହୁ ଆମ ଦେଶର କ୍ରାଇମ୍‌ ରେକର୍ଡସ୍‌ ବ୍ୟୁରୋ ତା’ର ୨୦୧୬ର ଏଡିଏସ୍‌ଆଇ (ଆକ୍ସିଡେଣ୍ଟାଲ୍‌ ଡେଥ୍‌ ଆଣ୍ଡ୍‌ ସୁଇସାଇଡ୍ସ ଇନ୍‌ ଇଣ୍ଡିଆ)ର ଅଗ୍ରିମ (ପ୍ରୋଭିଜନାଲ୍‌) ରିପୋର୍ଟରେ ପ୍ରକାଶ କରିଛି ଯେ ସାରା ଦେଶରେ ୨୦୧୫ରେ ଚାଷୀ ଆତ୍ମହତ୍ୟା ୧୨,୬୦୨ ଥିବାବେଳେ ୨୦୧୬ରେ ୧୧,୩୭୦କୁ କମିଛି। ଓଡିଶାରେ ସେହି ଢାଞ୍ଚା। ୨୦୧୪ ରିପୋର୍ଟରେ ଚାଷୀ ଆତ୍ମହତ୍ୟା ସଂଖ୍ୟା ୫ ଥିଲା, ୨୦୧୫ ଓ ୧୬ରେ ସରକାରୀ ରିପୋର୍ଟରେ ଶୂନ ଥିବାବେଳେ ୨୦୧୭ରେ ୨୦୧୪ ସଂଖ୍ୟାର ଦୁଇଗୁଣ ବଢିଯାଇଛି। ...

ସ୍ତ୍ରୀର ଦରମା

ସ୍ତ୍ରୀର ଦରମା

ରୁଦ୍ର ପ୍ରସନ୍ନ ରଥ ବିଗତ କିଛି ବର୍ଷ ମଧ୍ୟରେ ଭାରତରେ ନାରୀ ଶିକ୍ଷାର ବ୍ୟାପକ ପ୍ରଚାର ଏବଂ ପ୍ରସାର ଘଟିବା ସହ ନିଯୁକ୍ତି କ୍ଷେତ୍ରରେ ଏମାନଙ୍କ ପାଇଁ ବିଶେଷ ସୁଯୋଗ ସୃଷ୍ଟି ହୋଇଛି। ତଥାପି ଦେଶର ପ୍ରଗତିକୁ ଏହା ନୂଆ ଦିଶା ଦେବାରେ ସକ୍ଷମ ନୁହେଁ। କାରଣ ସାମାଜିକ, ରାଜନୈତିକ ଏବଂ ଲିଙ୍ଗଗତ ଭେଦଭାବ ଯୋଗୁ ନାରୀଟିଏ ଅନେକ କ୍ଷେତ୍ରରେ ନିଜ ପାଇଁ ମନପସନ୍ଦର ଚାକିରି ଏବଂ ଦରମା ପାଇବାରେ ସକ୍ଷମ ହୋଇପାରୁ ନାହିଁ।

ଏଇ ଭାରତରେ

ଏଇ ଭାରତରେ

ଲୋକଙ୍କ ମଧ୍ୟରେ ବେଳେବେଳେ ଏଭଳି ମାନସିକତା ସୃଷ୍ଟି ହୁଏ, ଯାହାକି ସହଜରେ ବିଶ୍ୱାସ ହୁଏନାହିଁ। ମୋବାଇଲ ଓ ଇଣ୍ଟର୍‌ନେଟ ବ୍ୟବହାର ଯୁଗରେ ମଧ୍ୟ କେତେକଙ୍କ ମଧ୍ୟରେ ରକ୍ଷଣଶୀଳ ଚିନ୍ତାଧାରା ଦେଖାଯାଉଛି। ଏଭଳି ଏକ ଘଟଣା ଘଟିଛି ଉତ୍ତରପ୍ରଦେଶର ଲକ୍ଷ୍ନୌ ସହରରେ। ବାଙ୍ଗାଲୋରର ଜଣେ ଯୁବତୀଙ୍କ ଏକ ଫେସ୍‌ବୁକ୍‌ ପୋଷ୍ଟକୁ ବିରୋଧ କରି ଲକ୍ଷ୍ନୌର ଅଭିଷେକ ନାମକ ଜଣେ ଯୁବକ ମୁସଲମାନ ଡ୍ରାଇଭର ଚଳାଉଥିବା ଏକ ଘରୋଇ କାର୍‌ ପରିବହନ ସଂସ୍ଥାରେ ଯିବାକୁ ମନା କରିଦେଇଛନ୍ତି। ଏହାକୁ ଟୁଇଟ କରି ସେ କହିଛନ୍ତି ଯେ, ଯଦି ଜଣେ ଯୁବତୀ ରୁଦ୍ର ହନୁମାନ ପୋଷ୍ଟର ଲଗାଯାଇଥିବା କାର୍‌ରେ ...

ଶିଶୁ ବଳାତ୍କାର: ଦଣ୍ଡ କାହିଁ

ଶିଶୁ ବଳାତ୍କାର: ଦଣ୍ଡ କାହିଁ

୨୦୧୨ ନିର୍ଭୟା ଗଣବଳାତ୍କାର ଘଟଣା ପରେ ଭାରତରେ ମହିଳା ନିର୍ଯାତନା ନିରୋଧୀ ସ୍ବର ଯେଭଳି ସର୍ବୋଚ୍ଚରେ ପହଞ୍ଚତ୍ଥିଲା, ଏବେ ସେଭଳି ପରିସ୍ଥିତିର ପୁନରାବୃତ୍ତି ଘଟିଛି। ନିର୍ଭୟାଙ୍କ ବୟସ ୨୩ ହୋଇଥିବା ବେଳେ ଏବେ ଶିଶୁକନ୍ୟାଙ୍କ ଉପରେ ପାଶବିକ ଅତ୍ୟାଚାର ଯେପରି ଭାବେ ବଢ଼ିଚାଲିଛି ତାକୁ ଦେଖିଲେ ବ୍ୟସ୍ତ ଲାଗୁଛି। ଜମ୍ମୁ-କଶ୍ମୀର କଠୁଆର ୮ ବର୍ଷୀୟା କନ୍ୟା, ଗୁଜରାଟ ସୁରଟର ୧୧ ବର୍ଷୀୟା ଝିଅ, ଓଡ଼ିଶା ନୀଳଗିରିର ୪ ବର୍ଷୀୟା ଶିଶୁକନ୍ୟା, ନିଶ୍ଚିନ୍ତକୋଇଲିର ୬ ବର୍ଷୀୟା ଝିଅଠାରୁ ଆରମ୍ଭ କରି ମଧ୍ୟପ୍ରଦେଶ ଇନ୍ଦୋରର ୪ ମାସର ଶିଶୁକନ୍ୟାଙ୍କୁ ବଳାତ୍କାର ଓ ହତ୍ୟା ପର୍ଯ୍ୟନ୍ତ ଅସଂଖ୍ୟ ଘଟଣା ଘଟିଗଲାଣି। ସବୁଠାରୁ ଅତ୍ୟନ୍ତ ସମ୍ବେଦନଶୀଳ ଇନ୍ଦୋର ଘଟଣାକୁ ଦେଖିଲେ ଯେ କେହି ବିବ୍ରତ ହେବା ସ୍ବାଭାବିକ। ଇନ୍ଦୋର ଶିଶୁକୁ ବଳାତ୍କାର କରିଥିବା ବ୍ୟକ୍ତି ହେଉଛନ୍ତି ସମ୍ପର୍କୀୟ ମାମୁ। ଦେଖିବାକୁ ଗଲେ ୪ ମାସ ଶିଶୁର ବେକ ଟାଣ ହୋଇ ନ ଥାଏ। ଯିଏ ତା’ ସହ ଏପରି ଜଘନ୍ୟ କାଣ୍ଡ ଘଟାଇଥାଆନ୍ତି ତାଙ୍କ ମାନସିକତା ବୁଝିବା ଅସମ୍ଭବ। ଏଠାରେ ସାମାଜିକ ବିଶ୍ଳେଷଣର ପ୍ରୟୋଜନ ଉଠିଲାଣି। ମନେହେଉଛି, ଯେପରି ଏହା କେବଳ ଘୋର ଯୌନ ଲାଳସାର ପରିଣତି ନୁହେଁ। ସହଜ ଭାଷାରେ କହିବାକୁ ଗଲେ ଏହା ଅତ୍ୟନ୍ତ ଜଘନ୍ୟ ଆପରାଧିକ ମାନସିକତାର ପ୍ରତିଫଳନ।

ରେଭେନ୍‌ସା ଯୁଗର ଅବସାନ

ରେଭେନ୍‌ସା ଯୁଗର ଅବସାନ

ଶରତ ଚନ୍ଦ୍ର ମିଶ୍ର/ରେଭେନ୍‌ସା କଲେଜ ଓଡ଼ିଶାର ସର୍ବପୁରାତନ ଉଚ୍ଚ ଶିକ୍ଷାନୁଷ୍ଠାନ। ଦେଢ଼ଶହ ବର୍ଷ (୧୮୬୮) ପୂର୍ବେ ନଅଙ୍କ ଦୁର୍ଭିକ୍ଷର ଦୁଇବର୍ଷ ପରେ ଏ କଲେଜ ସ୍ଥାପିତ ହୋଇଥିଲା। କଟକ କଲେକ୍ଟୋରେଟ୍‌ ପାଖରେ ଏହି ଅନୁଷ୍ଠାନଟି ପଚାଶ ବର୍ଷ ରହିବା ପରେ ଚାଉଳିଆଗଞ୍ଜର ରେସ୍‌କୋର୍ସ ପଡିଆକୁ ଉଠିଆସିଲା ଓ ଗତ ଶହେବର୍ଷ ଧରି ସେହିଠାରେ ଗର୍ବୋନ୍ନତ ଶିର ଉତ୍ତୋଳନ କରି ବିଦ୍ୟମାନ।

ଲୁଣା ଜଙ୍ଗଲ ଓ ଉପକୂଳ ସୁରକ୍ଷା

ଲୁଣା ଜଙ୍ଗଲ ଓ ଉପକୂଳ ସୁରକ୍ଷା

ହିମାଂଶୁ ଶେଖର ଫତେସିଂହ/ପୃଥିବୀର ନିରକ୍ଷୀୟ ଓ ଉପନିରକ୍ଷୀୟ ଅଞ୍ଚଳ ଅନ୍ତର୍ଗତ ୨୪ଂ ଉ.ଅକ୍ଷାଂଶରୁ ୩୮ଂ ଦ.ଅକ୍ଷାଂଶ ମଧ୍ୟବର୍ତ୍ତୀ ଅଞ୍ଚଳରେ ସମୁଦ୍ର ତଟବର୍ତ୍ତୀ ଜୁଆରିଆ ଆର୍ଦ୍ର, ବାଲିଆ ଭୂମିରେ ଏକ ନିର୍ଦ୍ଦିଷ୍ଟ ପ୍ରଜାତିର ଉଦ୍ଭିଦ ଦେଖାଯାଆନ୍ତି। ଏହି ଅଞ୍ଚଳରେ ୨୬ଂରୁ ୩୫ଂ ସେଲ୍‌ସିୟସ୍‌ ପର୍ଯ୍ୟନ୍ତ ଉଚ୍ଚ ବାୟୁମଣ୍ଡଳୀୟ ତାପମାତ୍ରା, ୧୦୦୦ ମିମିରୁ ୩୦୦୦ ମିମି ବୃଷ୍ଟିପାତ, ଉଚ୍ଚ ଲବଣତା, ଜୁଆରିଆ ଜଳ ପ୍ଳାବନ ସତ୍ତ୍ୱେ ଏହି ଉଦ୍ଭିଦଗୁଡ଼ିକ ଜୀବନ ଧାରଣ କରି ବଂଶବୃଦ୍ଧି କରିଥାନ୍ତି।

ଏଇ ଭାରତରେ

ଏଇ ଭାରତରେ

ଲୋକଙ୍କଠାରୁ ମାନବିକତା କ୍ରମେ ହଜିଯାଉଛି। ଅର୍ଥ ଓ ବସ୍ତୁବାଦୀ ହୋଇପଡୁଥିବା ମଣିଷ ଅନ୍ୟ ପ୍ରତି ସହାନୁଭୂତି, ଦୟା ଆଦି ଗୁଣକୁ ହରାଇବସୁଛି। ବିପଦରେ ପଡିଥିବା ଲୋକଙ୍କୁ ସାହାଯ୍ୟ କରିବା ପରିବର୍ତ୍ତେ ସୁଯୋଗର କିଭଳି ଫାଇଦା ଉଠାଇହେବ ସେଥିପ୍ରତି ଆଗ୍ରହ ଦେଖାଉଛି। ଗତ ଶୁକ୍ରବାର ବିଳମ୍ବିତ ରାତିରେ ଦିଲ୍ଲୀ ନିକଟବର୍ତ୍ତୀ ଗାଜିଆବାଦରେ ଘଟିଥିବା ଏକ ଘଟଣା ସମ୍ପର୍କରେ ଶୁଣିଲେ ମଣିଷ ନିକଟରୁ ମାନବିକତାର ଗୁଣ କିପରି ହଜିଯାଉଛି ତାହା ସ୍ପଷ୍ଟ ହୁଏ।

ସଂଖ୍ୟାଗୁରୁ ମାନସିକତା

ସଂଖ୍ୟାଗୁରୁ ମାନସିକତା

ଆକାର ପଟେଲ ଭାରତୀୟ ଉପମହାଦେଶର ଉପନିବେଶୀୟ ପର ପରମ୍ପରା ମୁଖ୍ୟତଃ ଧାର୍ମିକ ରହିଆସିଛି ଏବଂ ସଂଖ୍ୟାଗୁରୁ ଧାର୍ମିକ ଗୋଷ୍ଠୀ ସଂଖ୍ୟାଲଘୁମାନଙ୍କ ବିରୋଧୀ ସାଜିଛନ୍ତି। ଶ୍ରୀଲଙ୍କାରେ ସଂଖ୍ୟାଗୁରୁ ବୌଦ୍ଧ ସିଂହଳୀମାନେ ଧର୍ମ ଓ ଭାଷାକୁ ନେଇ ତାମିଲମାନଙ୍କ ବିରୋଧରେ ଲଢ଼େଇ କରିଛନ୍ତି। ଭାରତରେ ବୌଦ୍ଧ ଓ ହିନ୍ଦୁମାନଙ୍କ ଭିତରେ ଘୃଣା ଭାବ ରହିଛି, ଯାହା ସଂଖ୍ୟାଗୁରୁତ୍ୱର ସ୍ବଭାବ। ଶ୍ରୀଲଙ୍କାର ଗୃହଯୁଦ୍ଧ ପ୍ରାୟ ୨୫ ବର୍ଷ ଧରି ଲାଗିରହିଥିଲା, ଯାହା ଫଳରେ ଶ୍ରୀଲଙ୍କାର ଅନେକ ନେତା ଓ ଭାରତର ରାଜୀବ ଗାନ୍ଧୀଙ୍କ ସମେତ ଲକ୍ଷାଧିକ ଲୋକ ମଲେ। ବାଂଲାଦେଶରେ ପ୍ରାଥମିକ ଜାତୀୟତାବାଦ ଭାଷା ଭିତ୍ତିରେ ଗଢ଼ିଉଠିଥିଲା ଏବଂ ଏହା ବଙ୍ଗାଳୀ ମୁସଲମାନ ଓ ହିନ୍ଦୁମାନଙ୍କୁ ପଶ୍ଚିମ ପାକିସ୍ତାନୀଙ୍କ ଦ୍ୱାରା ସେମାନଙ୍କ ଉପରେ ଜୋରଜବରଦସ୍ତ ଉର୍ଦ୍ଦୁଭାଷାକୁ ଲଦିଦିଆଯିବା ବିରୋଧରେ ଏକତ୍ରିତ କରିଥିଲା। ଆଶ୍ଚର୍ଯ୍ୟର କଥା ମହମ୍ମଦ ଅଲି ଜିନ୍ନା ଜଣେ ...

ବୋହୂଯୋଗ୍ୟା କନ୍ୟା

ବୋହୂଯୋଗ୍ୟା କନ୍ୟା

ପ୍ରକାଶ ତ୍ରିପାଠୀ ଗତ ରବିବାର ସାରେ ଆମେ କିଛି ବନ୍ଧୁ ପୁରୀ ବେଳାଭୂମିରେ ବସିଥିଲୁ। କର୍ମମୟ ଜୀବନରୁ କିଛି ମୁହୂର୍ତ୍ତ ବାହାର କରି ବନ୍ଧୁମାନଙ୍କ ସହ ଦୁଃଖସୁଖ ହେବା କେବଳ ଏହି ଛୁଟିଦିନମାନଙ୍କରେ ହିଁ ସମ୍ଭବ ହୋଇଥାଏ। ତାହା ପୁଣି ଅନିୟମିତ। ସେ ଯାହାହେଉ, ମଝିରେ ମଝିରେ ଏପରି ବନ୍ଧୁମିଳନ ମନରେ ପ୍ରସନ୍ନତା ଭରିଦିଏ ଓ ଆଳାପ ଆଲୋଚନା ଦ୍ୱାରା ମନ ବି ହାଲ୍‌କା ହୋଇଯାଏ। ସେଦିନ କଥାପ୍ରସଙ୍ଗରେ ଜଣେ ବନ୍ଧୁ କହିଲେ ଯେ, ଆଜି ତାଙ୍କ ଘରେ ଝିଅ ଓ ତା’ ମାଆ ମଧ୍ୟରେ ଝଗଡା ହୋଇଯାଇଛି। ଆମେ ଜାଣୁ ଯେ ବନ୍ଧୁଙ୍କ ପତ୍ନୀ ଅତି ସରଳ ଓ ଶାନ୍ତ ସ୍ବଭାବର। ...

 ‘ଲେସ୍‌’ର ଲେଖକ

‘ଲେସ୍‌’ର ଲେଖକ

ବ୍ୟକ୍ତିତ୍ୱ/ଜିତେନ୍ଦ୍ର ଆମେରିକାରେ ଖବରକାଗଜ, ପତ୍ରିକା, ଅନ୍‌ଲାଇନ୍‌ ଜର୍ନାଲିଜିମ୍‌, ସାହିତ୍ୟ ଓ ସଙ୍ଗୀତ ସଂଯୋଜନା କ୍ଷେତ୍ରରେ ‘ପୁଲିଜର ପୁରସ୍କାର’ ମର୍ଯ୍ୟାଦାଜନକ ସମ୍ମାନ ଭାବେ ପରିଚିତ। ହଙ୍ଗେରିଜନ୍ମିତ ଆମେରିକୀୟ ଖବରକାଗଜ ପ୍ରକାଶକ ତଥା ସାମ୍ବାଦିକ ଯୋଶେଫ୍‌ ପୁଲିଜରଙ୍କ ନାମାନୁଯାୟୀ ୧୯୧୭ ମସିହାରୁ ଏହି ସମ୍ମାନ ପ୍ରତିବର୍ଷ କଲମ୍ବିଆ ବିଶ୍ୱବିଦ୍ୟାଳୟ ଦ୍ୱାରା ପ୍ରଦାନ କରାଯାଇଆସୁଛି। ୨୧ଟି କ୍ଷେତ୍ରରେ ଏହି ପୁରସ୍କାର ଦିଆଯାଉଥିବା ବେଳେ ୨୦୧୮ ପାଇଁ କାଳ୍ପନିକ ଲେଖା ସକାଶେ ଆଣ୍ଡ୍ର୍ୟୁ ସିଏନ ଗ୍ରୀର୍‌ ଯୋଗ୍ୟ ବିବେଚିତ ହୋଇଛନ୍ତି।...

ଏଇ ଭାରତରେ

ଏଇ ଭାରତରେ

ପୋଲିସ ପାଖକୁ ଗଲେ ପଇସା ନ ଦେଲେ କୌଣସି କାମ ହୁଏନାହିଁ। ଏହା ବାରମ୍ବାର ପ୍ରମାଣିତ ହୋଇଆସୁଛି। ଖାକି ବର୍ଦ୍ଦି ପିନ୍ଧିଥିବା ଅଧିକାଂଶ ବାବୁ ଅଭିଯୋଗକାରୀଙ୍କ ଆର୍ଥିକ କ୍ଷମତାକୁ ନ ଦେଖି ଅର୍ଥ ଦାବି କରନ୍ତି, ଯାହା ପୈଠ କରିବା କାଠିକର ପାଠ ହୋଇଯାଏ। ନିକଟରେ ବିହାର ବୈଶାଳୀ ଜିଲାର ଜଣେ ଅନାଥ ବାଳକ ଥାନାବାବୁଙ୍କ ଚାହିଦା ପୂରଣ ପାଇଁ ଭିକ୍ଷା କରିବା ଘଟଣା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ବୈଶାଳୀ ଜିଲା କଟହରାର ଚେହରାକଳା ଗ୍ରାମର ଜଣେ ଅନାଥ ବାଳକ ବିବେକଙ୍କଠାରୁ ସମ୍ପୃକ୍ତ ଅଞ୍ଚଳର ଜଣେ ଗୁଣ୍ଡା ଶ୍ରେଣୀୟ ବ୍ୟକ୍ତି ଜୋର୍‌ କରି ଜମି ନେଇଯାଇଥିଲେ। ବିବେକ ଏ ସମ୍ପର୍କରେ ପୋଲିସରେ ଅଭିଯୋଗ କରିବାକୁ ଥାନାକୁ ଗଲେ। ମାତ୍ର ଥାନାବାବୁ ତାଙ୍କୁ ଏଥିପାଇଁ ଦଶ ହଜାର ଟଙ୍କା ଦାବି କରିଥିଲେ। ...