ବାଣିଜ୍ୟ |

ଅନାବଶ୍ୟକ ବିଦ୍ୟୁତ୍‌ କାଟ ହେବ ଅପରାଧ

ଅନାବଶ୍ୟକ ବିଦ୍ୟୁତ୍‌ କାଟ ହେବ ଅପରାଧ


ନୂଆଦିଲ୍ଲୀ,୭-୧୨
ଆମ ଦେଶରେ ଅତିରିକ୍ତ ବିଦ୍ୟୁତ୍‌ ଉତ୍ପାଦନ ସମୟରେ ବି ଅନାବଶ୍ୟକ ଭାବେ ବିଜୁଳି କାଟ ହୋଇଥାଏ। ଏହାକୁ ଦୃଷ୍ଟିରେ ରଖି ସରକାର ଏକ କଡା ନିୟମ ଆଣିବାକୁ ଯାଉଛନ୍ତି। ଏହା ଅଧୀନରେ ୨୦୧୯ରୁ ଅନାବଶ୍ୟକ ବିଦ୍ୟୁତ୍‌ କାଟ୍‌କୁ ଏକ ଅପରାଧ ଭାବେ ଗଣାଯିବ ଏବଂ ଏହି କାର୍ଯ୍ୟରେ ସଂପୃକ୍ତ ବିତରଣ କମ୍ପାନୀଗୁଡିକ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କେନ୍ଦ୍ର ଶକ୍ତିମନ୍ତ୍ରୀ ଆର୍‌. କେ. ସିଂ ଗୁରୁବାର ସୂଚନା ଦେଇଛନ୍ତି। ଏଠାରେ ସମସ୍ତ ରାଜ୍ୟର ଶକ୍ତିମନ୍ତ୍ରୀମାନଙ୍କ ଏକ ବୈଠକ ହୋଇଥିଲା। ଉକ୍ତ ବୈଠକରେ ସିଂ ଏହି ସୂଚନା ଦେଇଛନ୍ତି।
ତାଙ୍କ କହିବାନୁଯାୟୀ, ଅନାବଶ୍ୟକ ବିଦ୍ୟୁତ୍‌ କାଟ୍‌ କଲେ ବିଦ୍ୟୁତ୍‌ ବିତରଣ କମ୍ପାନୀଗୁଡିକ ଉପରେ ଜରିମାନା ଲାଗିବ। ଏହି ଜରିମାନା ବ୍ୟବସ୍ଥା ସରକାରଙ୍କ ଉକ୍ତ ରୋଡ୍‌ମ୍ୟାପ୍‌ର ଅଂଶବିଶେଷ, ଯାହା ଅଧୀନରେ ଲୋକଙ୍କୁ ନିର୍ବିଘ୍ନ ବିଦ୍ୟୁତ୍‌ ସେବା ଯୋଗାଇ ଦେବାର ଲକ୍ଷ୍ୟ ରହିଛି। ୨୦୧୯ ମାର୍ଚ୍ଚରୁ ସମସ୍ତଙ୍କୁ ୨୪ ଘଣ୍ଟିଆ ବିଦ୍ୟୁତ୍‌ ସେବା ଯୋଗାଇ ଦେବାର ଲକ୍ଷ୍ୟକୁ ପୂରଣ କରିବା ଦିଗରେ ଏହି ରୋଡ୍‌ମ୍ୟାପ୍‌ ପ୍ରସ୍ତୁତ କରାଯାଇଛି। ୨୦୧୯ ପରେ ଯଦି କୌଣସି ବିଦ୍ୟୁତ୍‌ ଯୋଗାଣ କମ୍ପାନୀ ଅନାବଶ୍ୟକ ଭାବେ ବିଦ୍ୟୁତ୍‌ କାଟ କରନ୍ତି ଉକ୍ତ କମ୍ପାନୀ ଉପରେ ଜରିମାନା ଲଗାଯିବ। ଟେକ୍ନୋଲୋଜିଗତ ତ୍ରୁଟିକୁ ଏଥିରେ ସାମିଲ କରାଯାଇନାହିଁ।
ସିଂ କହିଛନ୍ତି ଯେ, ଲୋକଙ୍କୁ ଅବିରତ ବିଜୁଳି ପ୍ରଦାନ କରିବା କ୍ଷେତ୍ରରେ କମ୍ପାନୀଗୁଡିକର ନୈତିକ ଦାୟିତ୍ୱକୁ ଏବେ ଇଲେକ୍ଟ୍ରିସିଟି ଆକ୍ଟ, ୨୦୦୩ ଜରିଆରେ ବାଧ୍ୟତାମୂଳକ ଦାୟିତ୍ୱ ଭାବେ ଗଣାଯିବ। ସମସ୍ତଙ୍କୁ ବିଜୁଳି ଯୋଗାଇ ଦେବାର ଯେଉଁ ଲକ୍ଷ୍ୟ ରହିଛି ତାହାକୁ ପୂରଣ କରିବା ପାଇଁ ସମ୍ପୂର୍ଣ୍ଣ ବ୍ୟବସ୍ଥାକୁ ସୁଦୃଢ଼ କରିବାକୁ ପଡିବ। ସେ ଆହୁରି କହିଛନ୍ତି ଯେ, ମାନୁଆଲ୍‌ ମିଟର ରିଡିଙ୍ଗ୍‌ର କୌଣସି ସିଷ୍ଟମ୍‌ ରହିବ ନାହିଁ। ବିଲିଂ, ମିଟରିଂ ଏବଂ କଲେକ୍ସନ ପାଇଁ ଆମେ ହ୍ୟୁମାନ୍‌ ଇଣ୍ଟର୍‌ଫେସ୍‌ ବ୍ୟବସ୍ଥାକୁ ସମାପ୍ତ କରିବୁ। ପ୍ରିପେଡ୍‌ ସିଷ୍ଟମ୍‌ର ପ୍ରଚଳନ ହେବ, ଯାହାଦ୍ୱାରା ଗରିବ ଲୋକେ ଉପକୃତ ହେବେ। ଗ୍ରାହକ ନିଜ ଆବଶ୍ୟକତା ଅନୁସାରେ ବିଦ୍ୟୁତ୍‌ ପାଇଁ ମୋବାଇଲ୍‌ରେ ପେମେଣ୍ଟ୍‌ କରିବେ। ନୂଆ ବ୍ୟବସ୍ଥାରେ ବିତରଣ କମ୍ପାନୀଗୁଡିକ ବିଲିଙ୍ଗ୍‌ କ୍ଷତି ପାଇଁ ଗ୍ରାହକଙ୍କଠାରୁ ଟଙ୍କା ଅସୁଲ କରିପାରିବ ନାହିଁ। ଏହା ଅନିବାର୍ଯ୍ୟ ହେବ।

All Right Reserved By

Model This Week

ନିକିତା

ବାଣିଜ୍ୟ |

ଆସସ୍‌ ଜେନ୍‌ଫୋନ୍‌ ମ୍ୟାକ୍ସ ପ୍ରୋ ଏମ୍‌୧

ଆସସ୍‌ ଜେନ୍‌ଫୋନ୍‌ ମ୍ୟାକ୍ସ ପ୍ରୋ ଏମ୍‌୧

ନୂଆଦିଲ୍ଲୀ,୨୩।୪- ତାଇଓ୍ବାନ ଭିତ୍ତିକ ମୋବାଇଲ୍‌ ନିର୍ମାତା ଆସସ୍‌ ପକ୍ଷରୁ ବଜାରକୁ ଆସିଛି ଜେନ୍‌ଫୋନ୍‌ ମ୍ୟାକ୍ସ ପ୍ରୋ ଏମ୍‌୧। ଏହା ବଜାର ଦର ୧୫,୦୦୦ ଟଙ୍କା ରହିଛି।

ଏସର୍‌ର ସ୍ବତନ୍ତ୍ର ଆଭେଞ୍ଜର୍ସ:ଇନ୍‌ଫିନିଟି ଓ୍ବାର ଲାପଟପ୍‌

ଏସର୍‌ର ସ୍ବତନ୍ତ୍ର ଆଭେଞ୍ଜର୍ସ:ଇନ୍‌ଫିନିଟି ଓ୍ବାର ଲାପଟପ୍‌

ନୂଆଦିଲ୍ଲୀ,୨୩।୪-ବହୁ ପ୍ରତୀକ୍ଷିତ ହଲିଉଡ୍‌ ଚଳଚ୍ଚିତ୍ର ଆଭେଞ୍ଜର୍ସ:ଇନ୍‌ଫିନିଟି ଓ୍ବାରର ରିଲିଜ୍‌କୁ ନେଇ ଯୁବବର୍ଗ ଏକପ୍ରକାର ପାଗଳ। ଏହାକୁ ନଜରରେ ରଖି ମାର୍ବଲ୍‌ ଷ୍ଟୁଡିଓ ଏବଂ ଏସର୍‌ ମିଳିତ ଭାବେ ଆଭେଞ୍ଜର୍ସ:ଇନ୍‌ଫିନିଟି ଓ୍ବାର ଥିମ୍‌ଭିତ୍ତିକ ନୂଆ ଲାପଟପ୍‌ ବଜାରକୁ ଛାଡିଛନ୍ତି। କ୍ୟାପ୍‌ଟେନ୍‌ ଆମେରିକା, ଆଇରନ୍‌ ମ୍ୟାନ୍‌ ଏବଂ ଥାନୋସ ଭଳି ୩ଟି ଭାରିଆଣ୍ଟରେ ଉପଲବ୍ଧ ଲାପଟପ୍‌ଗୁଡିକର ମୂଲ୍ୟ ଯଥାକ୍ରମେ ୬୩୯୯୯, ୭୯୯୯୯ ଏବଂ ୮୦୯୯୦ ଟଙ୍କା ରହିଛି।

ବିକ୍ରି ଷ୍ଟାଫ୍‌ଙ୍କୁ ବିଦା କରୁଛନ୍ତି ହ୍ୟାଣ୍ଡସେଟ୍‌ ନିର୍ମାତା

ବିକ୍ରି ଷ୍ଟାଫ୍‌ଙ୍କୁ ବିଦା କରୁଛନ୍ତି ହ୍ୟାଣ୍ଡସେଟ୍‌ ନିର୍ମାତା

ନୂଆଦିଲ୍ଲୀ,୨୩-୪ ବଜାରରେ ତୀବ୍ର ପ୍ରତିଯୋଗିତା ମଧ୍ୟରେ କେତେକ ମୋବାଇଲ ହ୍ୟାଣ୍ଡସେଟ୍‌ ନିର୍ମାତା ଖର୍ଚ୍ଚକାଟ ଅଭିଯାନ ଆରମ୍ଭ କରିଛନ୍ତି। ବିଶେଷ କରି ଇ-କମର୍ସ କମ୍ପାନୀଗୁଡିକ ପକ୍ଷରୁ ପ୍ରତିଯୋଗିତାର ସାମ୍ନା କରୁଥିବା ଏହି କମ୍ପାନୀଗୁଡିକ ମଲ୍‌ଟି ବ୍ରାଣ୍ଡ୍‌ ଆଉଟ୍‌ଲେଟ୍‌ ତଥା ଏକ୍ସକ୍ଲୁସିଭ୍‌ ଷ୍ଟୋର୍‌ଗୁଡିକରେ ନିୟୋଜିତ ଥିବା ବିକ୍ରି ଷ୍ଟାଫ୍‌ମାନଙ୍କୁ ହଜାର ହଜାର ସଂଖ୍ୟାରେ ବାହାର କରିଦେଉଛନ୍ତି। କେତେକଙ୍କ ଦରମା ମଧ୍ୟ କମାଇ ଦିଆଯାଉଥିବା ଜଣାଯାଇଛି।

୨୦୧୯ରୁ ଟେମ୍ପର ପ୍ରୁଫ୍‌ ନମ୍ବର ପ୍ଲେଟ୍‌

୨୦୧୯ରୁ ଟେମ୍ପର ପ୍ରୁଫ୍‌ ନମ୍ବର ପ୍ଲେଟ୍‌

ନୂଆଦିଲ୍ଲୀ,୨୩-୪(ପି.ଟି.) ଆସନ୍ତା ବର୍ଷଠାରୁ ସବୁ ଯାନଗୁଡ଼ିକ ଟେମ୍ପର ପ୍ରୁଫ୍‌ ହାଇସିକ୍ୟୁରିଟି ରେଜିଷ୍ଟ୍ରେଶନ ପ୍ଲେଟ୍‌(ଏଚ୍‌ଏସ୍‌ଆର୍‌ପି) ସହିତ ବଜାରକୁ ଆସିବ। ଏହାକୁ ସରକାର ବହୁ ପୂର୍ବରୁ ବାଧ୍ୟତାମୂଳକ କରିଥିଲେ ମଧ୍ୟ ଅନେକ ରାଜ୍ୟରେ ଏପର୍ଯ୍ୟନ୍ତ ଏହା ଲାଗୁ ହୋଇନାହିଁ।

ଡ୍ୟୁଟି ଫ୍ରି ଶପ୍‌ରେ ଲାଗୁ ହେବ ଜିଏସ୍‌ଟି

ଡ୍ୟୁଟି ଫ୍ରି ଶପ୍‌ରେ ଲାଗୁ ହେବ ଜିଏସ୍‌ଟି

ନୂଆଦିଲ୍ଲୀ,୨୩-୪(ପି.ଟି.) ଅନ୍ତର୍ଜାତୀୟ ବିମାନବନ୍ଦରଗୁଡିକରେ ଥିବା ‘ଡ୍ୟୁଟି ଫ୍ରି’ ଶପ୍‌ରୁ ବିମାନଯାତ୍ରୀମାନେ କୌଣସି ସାମଗ୍ରୀ କ୍ରୟ କଲେ ସେଥିରେ ଜିଏସ୍‌ଟି ଲାଗୁ ହେବେ।

ଜିଏସ୍‌ଟି କମିସନରଙ୍କ ବିରୋଧରେ ଚାର୍ଜସିଟ ଦାଖଲ

ଜିଏସ୍‌ଟି କମିସନରଙ୍କ ବିରୋଧରେ ଚାର୍ଜସିଟ ଦାଖଲ

ନୂଆଦିଲ୍ଲୀ, ୨୩-୪(ପି.ଟି.) ସାମଗ୍ରୀ ଓ ସେବା ଟିକସ(ଜିଏସ୍‌ଟି) କମିଶନର ସଂଶାର ଚାନ୍ଦ ଏବଂ ତାଙ୍କ ତାଙ୍କ ପତ୍ନୀ ଅଭିନାଶ କୌରଙ୍କ ବିରୋଧରେ କେନ୍ଦ୍ରୀୟ ତଦନ୍ତ ବ୍ୟୁରୋ(ସିବିଆଇ) ଚାର୍ଜ ସିଟ୍‌ ଦାଖଲ କରିଛି।

୫ ଟ୍ରିଲିୟନ ଡଲାରରେ ପହଞ୍ଚିବ ଭାରତର ଜିଡିପି

୫ ଟ୍ରିଲିୟନ ଡଲାରରେ ପହଞ୍ଚିବ ଭାରତର ଜିଡିପି

ଓ୍ବାଶିଂଟନ, ୨୩-୪ ୨୦୨୫ ବେଳକୁ ଭାରତର ମୋଟ ଘରୋଇ ଉତ୍ପାଦ (ଜିଡିପି) ପରିମାଣ ୫ ଟ୍ରିଲିୟନ(ଲକ୍ଷ କୋଟି) ଡଲାରରେ ପହଞ୍ଚିବ। ସେହିପରି ଚଳିତବର୍ଷ ଦେଶର ଅଭିବୃଦ୍ଧି ୭.୪% ହାରରେ ଅଗ୍ରସର ହେବ। ଓ୍ବାଶିଂଟନଠାରେ ଶନିବାର ବିଶ୍ୱବ୍ୟାଙ୍କର ଡେଭଲପ୍‌ମେଣ୍ଟ୍‌ କମିଟି ବୈଠକରେ ଯୋଗଦେଇ ଭାରତର ଅର୍ଥନୈତିକ ବ୍ୟାପାର ସଚିବ ସୁବାସଚନ୍ଦ୍ର ଗର୍ଗ ଏହା କହିଛନ୍ତି। ଭୁଟାନ, ନେପାଳ, ବାଂଲାଦେଶ, ଶ୍ରୀଲଙ୍କା ଭଳି ଦକ୍ଷିଣ-ପୂର୍ବ ଏସିଆର ଦେଶଗୁଡ଼ିକ ମଧ୍ୟରେ ତୁଳନା କରି ଗର୍ଗ କହିଛନ୍ତି, ଭାରତ ଏମାନଙ୍କ ମଧ୍ୟରେ ସର୍ବୋଚ୍ଚ ସ୍ଥାନରେ ରହିବ। ଗତ କିଛିବର୍ଷ ମଧ୍ୟରେ ଦେଶରେ ବ୍ୟାପକ ଅର୍ଥନୈତିକ ସଂସ୍କାର ଆସିବା ସହିତ ଦେଶବାସୀ ଡିଜିଟାଲ୍‌ ଉପାୟରେ ଆର୍ଥିକ କ୍ଷେତ୍ରରେ ନିଜକୁ ସାମିଲ କରିଛନ୍ତି।

କ୍ରିପ୍ଟୋକରେନ୍ସି କାରବାର:ସରକାରଙ୍କୁ ଉତ୍ତର ମାଗିଲେ ଦିଲ୍ଲୀ ହାଇକୋର୍ଟ

କ୍ରିପ୍ଟୋକରେନ୍ସି କାରବାର:ସରକାରଙ୍କୁ ଉତ୍ତର ମାଗିଲେ ଦିଲ୍ଲୀ ହାଇକୋର୍ଟ

ନୂଆଦିଲ୍ଲୀ,୨୩-୪ କ୍ରିପ୍ଟୋକରେନ୍ସି ଭଳି ଭର୍ଚୁଆଲ୍‌ କରେନ୍ସି ଆଧାରରେ କୌଣସି ପ୍ରକାର କାରବାର ଆଇନ୍‌ ସଙ୍ଗତ ନୁହେଁ। ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ) ସମସ୍ତ ଆର୍ଥିକ ଅନୁଷ୍ଠାନ ଏବଂ ବାଣିଜି୍ୟକ ବ୍ୟାଙ୍କକୁ ଏ ନେଇ ପୂର୍ବରୁ ସର୍କୁଲାର ଜାରି କରିଛି।

ଭାରତର ପ୍ରଥମ ସ୍ମାର୍ଟ ହାଇଓ୍ବେ ‘ଇଷ୍ଟର୍ନ ପେରିଫେରାଲ ଏକ୍ସପ୍ରେସ୍‌ଓ୍ବେ’

ଭାରତର ପ୍ରଥମ ସ୍ମାର୍ଟ ହାଇଓ୍ବେ ‘ଇଷ୍ଟର୍ନ ପେରିଫେରାଲ ଏକ୍ସପ୍ରେସ୍‌ଓ୍ବେ’

ନୂଆଦିଲ୍ଲୀ,୨୩-୪ ଭାରତର ପ୍ରଥମ ସ୍ମାର୍ଟ ତଥା ସବୁଜ ରାଜପଥ ଆସନ୍ତା ୨୯ ତାରିଖରେ ଦିଲ୍ଲୀରେ ଉଦ୍‌ଘାଟନ ହେବ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହାର ଉଦ୍‌ଘାଟନ କରିବେ। ଏହାଦ୍ୱାରା ଜାତୀୟ ରାଜଧାନୀ ଦିଲ୍ଲୀରେ ଟ୍ରାଫିକ୍‌ ସମସ୍ୟା କମିବ ଏବଂ ପ୍ରଦୂଷଣ ହ୍ରାସ ପାଇବ।

ଟ୍ରେନ୍‌ ବିଳମ୍ବ ହେଲେ ଯାତ୍ରୀଙ୍କୁ ମିଳିବ ମାଗଣା ପାଣି

ଟ୍ରେନ୍‌ ବିଳମ୍ବ ହେଲେ ଯାତ୍ରୀଙ୍କୁ ମିଳିବ ମାଗଣା ପାଣି

ନୂଆଦିଲ୍ଲୀ,୨୩-୪ ରାଜଧାନୀ ଏବଂ ଦୁରନ୍ତୋ ଯାତ୍ରୀଙ୍କ ପାଇଁ ଖୁସି ଖବର। ଯଦି ବିଳମ୍ବରେ ଚାଲୁଥିବା କାରଣରୁ ଏହି ଟ୍ରେନ୍‌ଗୁଡିକରେ ମୋଟ ଯାତ୍ରା ସମୟ ୨୦ ଘଣ୍ଟାରୁ ଅଧିକ ହୁଏ ତା’ହେଲେ ଏଥିରେ ଯାତ୍ରା କରୁଥିବା ଯାତ୍ରୀମାନଙ୍କୁ ଅତିରିକ୍ତ ମାଗଣା ପାଣି ବଟଲ୍‌ ଯୋଗାଇ ଦିଆଯିବ।

ଆଇଏମ୍‌ଏଫ୍‌ର ନୂତନ ଦୁର୍ନୀତି ନିବାରଣ ନୀତି

ଆଇଏମ୍‌ଏଫ୍‌ର ନୂତନ ଦୁର୍ନୀତି ନିବାରଣ ନୀତି

ଓ୍ବାଶିଂଟନ,୨୩-୪ ଦୁର୍ନୀତି ନିବାରଣ ପାଇଁ ଅନ୍ତର୍ଜାତୀୟ ମୁଦ୍ରାପାଣ୍ଠି(ଆଇଏମ୍‌ଏଫ୍‌) ରବିବାର ନୂତନ ନୀତି ନିର୍ଦ୍ଧାରଣ କରିଛି। ଅର୍ଥନୈତିକ ପ୍ରଗତିରେ ଦୁର୍ନୀତି କିପରି ବାଟ ଓଗାଳୁଛି ତାହାକୁ ତର୍ଜମା କରିବା ସହିତ ପ୍ରତିହତ କରାଯିବ। ଆଇଏମ୍‌ଏଫ୍‌ ଏହାର ସମସ୍ତ ସଦସ୍ୟ ରାଷ୍ଟ୍ରଙ୍କୁ ନେଇ ବ୍ୟବସ୍ଥିତ ଢଙ୍ଗରେ ଦୁର୍ନୀତି ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବ।

ସାମାଜିକ ସୁରକ୍ଷା ଯୋଜନାକୁ ପିଏମ୍‌ଓର ମଞ୍ଜୁରୀ ଉପକୃତ ହେବେ ୫୦ କୋଟି ଶ୍ରମିକ ଶ୍ରେଣୀ

ସାମାଜିକ ସୁରକ୍ଷା ଯୋଜନାକୁ ପିଏମ୍‌ଓର ମଞ୍ଜୁରୀ ଉପକୃତ ହେବେ ୫୦ କୋଟି ଶ୍ରମିକ ଶ୍ରେଣୀ

ନୂଆଦିଲ୍ଲୀ, ୨୩-୪ କୃଷି ସମେତ ଅନ୍ୟାନ୍ୟ କ୍ଷେତ୍ରରେ କାର୍ଯ୍ୟରତ ଦେଶର ପ୍ରାୟ ୫୦ କୋଟି ଶ୍ରମିକଙ୍କୁ ସାର୍ବଜନୀନ ସାମାଜିକ ସୁରକ୍ଷା ଯୋଜନାରେ ସାମିଲ କରାଯିବ। ଏଥିପାଇଁ ଶ୍ରମ ମନ୍ତ୍ରଣାଳୟର ଏକ ପ୍ରସ୍ତାବକୁ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ(ପିଏମ୍‌ଓ) ପକ୍ଷରୁ ମଞ୍ଜୁରୀ ମିଳିଛି।