Dharitri News
ମେଟ୍ରୋ |

ପୁରୀ ଜିଲା: ୧,୧୩,୮୪୬ ହେକ୍ଟର ଜମିରେ ହେବ ରବି ଫସଲ

ପୁରୀ ଜିଲା: ୧,୧୩,୮୪୬ ହେକ୍ଟର ଜମିରେ ହେବ ରବି ଫସଲ ପୁରୀ ଅଫିସ, ୭।୧୨: ଆସନ୍ତା ରବି ଋତୁରେ ଜିଲାର ୧ଲକ୍ଷ ୧୩ହଜାର ୮୪୬ ହେକ୍ଟର ଜମିରେ ଧାନ ଓ ଅଣଧାନଜାତୀୟ ଫସଲ କରାଯିବ। ଏଥିରୁ ୨୧ହଜାର ୯୯୨ ହେକ୍ଟର ଜମିରେ ଧାନ ଏବଂ ୯୧ହଜାର ୮୫୪ ହେକ୍ଟର ଜମିରେ ଅଣଧାନଜାତୀୟ ଫସଲ ଚାଷ ହେବ। ହେକ୍ଟର ପିଛା ୪୫ କୁଇଣ୍ଟାଲ ଧାନ ଉତ୍ପାଦନ ଲକ୍ଷ୍ୟଧାର୍ଯ୍ୟ ହୋଇଛି। ସମବାୟ ବ୍ୟାଙ୍କ ଜରିଆରେ ଚଳିତ ରବି ଋତୁରେ ଚାଷୀଙ୍କୁ ୧୪୧ କୋଟି ଟଙ୍କାର କୃଷିଋଣ ଦେବା ପାଇଁ ପୁରୀ ଜିଲା କୃଷି ନିର୍ଦ୍ଧାରଣ କମିଟି ବୈଠକରେ ସ୍ଥିର ହୋଇଛି। ରବି ଚାଷ ଲାଗି ପୁରୀ ଜିଲା କୃଷି ନିର୍ଦ୍ଧାରଣ କମିଟି ବୈଠକ ଗୁରୁବାର ଅନୁଷ୍ଠିତ ହୋଇଛି। ଜିଲା ଗ୍ରାମ୍ୟ ଉନ୍ନୟନ ସଂସ୍ଥା (ଡିଆର୍‌ଡିଏ) ସମ୍ମିଳନୀ କକ୍ଷରେ ଅନୁଷ୍ଠିତ ଏହି ଗୁରୁତ୍ୱପୂର୍ଣ୍ଣ ବୈଠକରେ ଜିଲାପାଳଙ୍କ ଦେଖା ମିଳି ନ ଥିଲା। ବିଧାନସଭା ଚାଲିଥିବା ଦୃଷ୍ଟିରୁ ଜିଲାର ୨ ମନ୍ତ୍ରୀ ଏବଂ ବିଧାୟକ ମଧ୍ୟ ଅନୁପସ୍ଥିତ ଥିଲେ। ଜିଲା ପରିଷଦ ସଭାପତି ମଧ୍ୟ ଅନୁପସ୍ଥିତ ଥିଲୋ। ଡିଆରଡିଏ ପ୍ରକଳ୍ପ ନିର୍ଦ୍ଦେଶକ ଉଦ୍ଧବ ଚନ୍ଦ୍ର ମାଝିଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ରବି ଚାଷର ପ୍ରସ୍ତୁତି ଉପରେ ଆଲୋଚନା କରାଯାଇଥିଲା। ଜିଲାରେ ୭୬,୭୧୫ ହେକ୍ଟର ଜଳସେଚିତ ଜମି ରହିଥିବା ବେଳେ ୨୧,୯୯୨ ହେକ୍ଟର ଧାନ ଫସଲ ଏବଂ ୫୪,୭୨୩ ହେକ୍ଟର ଜମିରେ ଅଣଧାନ ଜାତୀୟ ଫସଲ କରାଯିବ। ଅଣଜଳସେଚିତ ୩୭,୧୩୧ ହେକ୍ଟର ଜମିରେ ଅଣଧାନ ଜାତୀୟ ଫସଲ ଚାଷ ହେବ। ୫୭,୯୧୧ ହେକ୍ଟର ଜମିରେ ଡାଲିଜାତୀୟ ଫସଲ କରିବା ଲାଗି ଲକ୍ଷ୍ୟଧାର୍ଯ୍ୟ ହୋଇଛି। ଏଥିରୁ ୨୭,୪୩୦ ହେକ୍ଟର ଜମିରେ ମୁଗ, ୨୬,୨୬୫ ହେକ୍ଟର ଜମିରେ ବିରି ଓ ୩,୮୪୫ ହେକ୍ଟର ଜମିରେ କୋଳଥ ଚାଷ ପାଇଁ ଆଲୋଚନା ହୋଇଛି। ଜିଲା କୃଷି ବିଭାଗ ପକ୍ଷରୁ ୨୬ ପ୍ରକାର ବିରି ବିହନ ରଖାଯାଇଥିବା ବେଳେ ୧୮ ପ୍ରକାର ନୂତନ ବିହନ ଅଣାଯାଇଛି। ଲବଣାକ୍ତ ଅଞ୍ଚଳ ଲାଗି ୪ ପ୍ରକାର, ମରୁଡି ପ୍ରଭାବିତ ଅଞ୍ଚଳ ଲାଗି ୮ ପ୍ରକାର ଏବଂ ବନ୍ୟା ପ୍ରଭାବିତ ଅଞ୍ଚଳ ପାଇଁ ୬ ପ୍ରକାର ନୂତନ ବିରି ବିହନ ଅଣାଯାଇଛି। ଜିଲାର ୮ଟି ବ୍ଲକ ଅଞ୍ଚଳରେ ଏହି ୧୮ ପ୍ରକାର ବିରିକୁ ପରୀକ୍ଷାମୂଳକ ଭାବେ ଚାଷ କରାଯିବ ବୋଲି କୃଷି ଉପନିର୍ଦ୍ଦେଶକ ଏସ୍‌. ଚନ୍ଦ୍ରଶେଖର ରାଓ ସୂଚନା ଦେଇଥିଲେ। ୧୫,୯୩୩ ହେକ୍ଟର ଜମିରେ ତୈଳଜାତୀୟ ଫସଲ କରିବା ପାଇଁ ଟାର୍ଗେଟ ରହିଛି। ସେଥିମଧ୍ୟରେ ୧୩,୩୪୦ ହେକ୍ଟର ଜମିରେ ଚିନାବାଦାମ, ୬୭୧ ହେକ୍ଟର ଜମିରେ ରାଶି, ୧୨ଶହ ହେକ୍ଟର ଜମିରେ ସୋରିଷ ଏବଂ ୩୭୫ ହେକ୍ଟର ଜମି ସୂର୍ଯ୍ୟମୁଖୀ ଚାଷ କରାଯିବ। ୧୫,୫୭୫ ହେକ୍ଟର ଜମିରେ ପରିବା ଚାଷ ପାଇଁ ଯୋଜନା ରହିଛି। ସେଥିରୁ ୧୨୩୫ ହେକ୍ଟରରେ ଆଳୁ ଓ ୪୩୦ ହେକ୍ଟର ଜମିରେ ପିଆଜ ଚାଷ କରାଯିବାର ଲକ୍ଷ୍ୟ ରହିଛି। ୮୫ ହେକ୍ଟର ଜମିରେ ଆଖୁ ଫସଲ ପାଇଁ ଯୋଜନା ରହିଛି। ଚଳିତ ବର୍ଷ ରବି ଫସଲରେ ହେକ୍ଟର ପିଛା ୫୭.୩୯ କେଜି ସାର ପକାଯିବାକୁ ଟାର୍ଗେଟ ରହିଛି। ତେବେ ମୃତ୍ତିକା ପରୀକ୍ଷା କରି ସାର ପକାଇବା ନିମନ୍ତେ ଚାଷୀଙ୍କୁ ବୁଝାଇବାକୁ କୃଷି ଅଧିକାରୀମାନଙ୍କୁ ପରାମର୍ଶ ଦିଆଯାଇଛି। ସାର କଳାବଜାରିକୁ ରୋକିବା ଲାଗି ୩ଟି ଏନ୍‌ଫୋର୍ସମେଣ୍ଟ ସ୍କ୍ବାଡ୍‌ ଗଠନ ହୋଇଛି। ଡିଲର ଏବଂ ପ୍ୟାକ୍ସରେ ପିଓଏସ୍‌ ମେଶିନ ଲାଗିବ। ପିଓଏସ୍‌କୁ ଚାଷୀଙ୍କ ଆଧାର ଲିଙ୍କ୍‌ ରହିବ। ଆସନ୍ତା ଜାନୁୟାରୀଠାରୁ ପିଓଏସ୍‌ ମେଶିନ ଜରିଆରେ ସାର ବିକ୍ରି କରାଯିବ। ଚାଷୀ ନିଜେ ପ୍ୟାକ୍ସ ତଥା ଡିଲର ପାଖକୁ ଆସି ପିଓଏସ୍‌ରେ ଟିପ୍‌ ଚିହ୍ନ ଦେଇ ସାର କିଣି କରି ନେବେ। ଜିଲାରେ ସାର ବିକ୍ରି କରୁଥିବା ପ୍ରାଇଭେଟ ଡିଲର ଏବଂ ପ୍ୟାକ୍ସ ମିଶି ୫୦୩ ରହିଛନ୍ତି। ସେଥିରୁ ୩୯୯ ଜଣଙ୍କୁ ମେଶିନ ବଣ୍ଟନ କରାଯାଇଛି। ୮୯୯୮ ଚାଷୀଙ୍କୁ ରାଇସ୍‌ କ୍ରପ ମ୍ୟାନେଜର କାର୍ଡ ପ୍ରଦାନ କରାଯାଇଛି। ଏଥିରେ ଫସଲ କିଭଳି ଅଧିକ ଅମଳକ୍ଷମ ହୋଇପାରିବ ସେ ସମ୍ପର୍କରେ ପରାମର୍ଶ ଦିଆଯାଉଛି। ସେହିପରି ବୈଠକରେ ଜଳସେଚନ ସମ୍ପର୍କରେ ଆଲୋଚନା ହୋଇଥିଲା। କେନାଲ ପାଣି ଯେଭଳି ସବୁ ଜମିକୁ ମାଡ଼ିବ, ସେ ଦିଗରେ ଜଳସେଚନ ବିଭାଗ ଦୃଷ୍ଟି ଦେବ। ଜଳସେଚନ ବିଭାଗ ଏବଂ କୃଷି ବିଭାଗ ସମନ୍ବୟ ରଖି ପାଣି ଠିକ୍‌ ଭାବେ ଯାଉଛି କି ନାହିଁ ଯାଞ୍ଚ କରିବେ। ଏହି ବୈଠକରେ ଜିଲା ପରିଷଦ ଉପସଭାପତି ଦୀପ୍ତିରାଣୀ ସ୍ବାଇଁ, ଉଦ୍ୟାନ କୃଷି ଉପନିର୍ଦ୍ଦେଶକ ନବକିଶୋର ତାଡ, କୃଷି ବିଜ୍ଞାନ କେନ୍ଦ୍ରର ମୁଖ୍ୟ ତଥା ବରିଷ୍ଠ ବୈଜ୍ଞାନିକ ସଞ୍ଜୟ କୁମାର ମହାନ୍ତି ଏବଂ ସହକାରୀ ନିର୍ଦ୍ଦେଶକ ମୃତ୍ତିକା ସଂରକ୍ଷଣ ଉତ୍ସବ ସ୍ବାଇଁ ପ୍ରମୁଖ ଉପସ୍ଥିତ ଥିଲେ।

ମେଟ୍ରୋ |

ପୁରୀରୁ ବାହାରିଲା ଆଧ୍ୟାତ୍ମିକ ଜାଗରଣ ଯାତ୍ରା

ପୁରୀରୁ ବାହାରିଲା ଆଧ୍ୟାତ୍ମିକ ଜାଗରଣ ଯାତ୍ରା

ପୁରୀ ଅଫିସ,୨୨।୧: ଜଗତ୍‌ଗୁରୁ ସ୍ବାମୀ ନିଶ୍ଚଳାନନ୍ଦ ସରସ୍ବତୀ ଗୋବର୍ଦ୍ଧନ ପୀଠରେ ଅଭିଷେକ ହେବାକୁ ସୋମବାର ୨୫ବର୍ଷ ପୁରିଛି। ଏହାକୁ ସ୍ମରଣୀୟ କରିବା ଉଦ୍ଦେଶ୍ୟରେ ଶଙ୍କରାଚାର୍ଯ୍ୟଙ୍କ ପଟ୍ଟାଭିଷେକ ପଞ୍ଚବିଂଶତି ପୂର୍ତ୍ତି ମହୋତ୍ସବ ପାଳନ କରାଯାଉଛି।

ସ୍ବର୍ଗଦ୍ବାରରୁ ଫେରି ଶେଷଯାତ୍ରାରେ ସମ୍ପର୍କୀୟ

ସ୍ବର୍ଗଦ୍ବାରରୁ ଫେରି ଶେଷଯାତ୍ରାରେ ସମ୍ପର୍କୀୟ

ସାକ୍ଷୀଗୋପାଳ,୨୨।୧(ଡି.ଏନ୍‌.ଏ): ସତ୍ୟବାଦୀ ଥାନା ଶୁକଳ ଛକ ନିକଟରେ ରବିବାର ବିଳମ୍ବିତ ରାତିରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ୫ ଜଣଙ୍କ ମୃତ୍ୟୁ ଘଟିଥିବାବେଳେ ୪ ଜଣ ଗୁରୁତର ଅବସ୍ଥାରେ ଚିକିତ୍ସିତ ହେଉଛନ୍ତି। ସୋମବାର ସକାଳେ ଏହି ଦୁଃଖଦାୟକ ଘଟଣା ନେଇ ସୂଚନା ପାଇ କଣାସ ଓ ସତ୍ୟବାଦୀରୁ ଶତାଧିକ ଲୋକ ଘଟଣାସ୍ଥଳରେ ପହଞ୍ଚିଥିଲେ।

ଶଙ୍କରାଚାର୍ଯ୍ୟଙ୍କ ପଟ୍ଟାଭିଷେକ ପଞ୍ଚବିଂଶତି ବର୍ଷ ପୂର୍ତ୍ତି ମହୋତ୍ସବ: ଭୁବନେଶ୍ୱରରେ ସ୍ବତନ୍ତ୍ର କାର୍ଯ୍ୟକ୍ରମ ଆଜି

ଶଙ୍କରାଚାର୍ଯ୍ୟଙ୍କ ପଟ୍ଟାଭିଷେକ ପଞ୍ଚବିଂଶତି ବର୍ଷ ପୂର୍ତ୍ତି ମହୋତ୍ସବ: ଭୁବନେଶ୍ୱରରେ ସ୍ବତନ୍ତ୍ର କାର୍ଯ୍ୟକ୍ରମ ଆଜି

ପୁରୀ ଅଫିସ,୨୧ା୧: ଜଗଦ୍‌ଗୁରୁ ସ୍ବାମୀ ନିଶ୍ଚଳାନନ୍ଦ ସରସ୍ବତୀ ଗୋବର୍ଦ୍ଧନ ପୀଠରେ ଅଭିଷେକ ହେବାର ସୋମବାର ୨୫ ବର୍ଷ ପୂରଣ ହେଉଛି। ଏହାକୁ ସ୍ମରଣୀୟ କରିବା ଉଦ୍ଦେଶ୍ୟରେ ଶଙ୍କରାଚାର୍ଯ୍ୟଙ୍କ ପଟ୍ଟାଭିଷେକ ପଞ୍ଚବିଂଶତି ବର୍ଷ ପୂର୍ତ୍ତି ମହୋତ୍ସବ ପାଳନ କରାଯାଉଛି। ଏହି ପରିପ୍ରେକ୍ଷୀରେ ସୋମବାରଠାରୁ ଆଧ୍ୟାତ୍ମିକ ଜାଗରଣ ଯାତ୍ରା ଆରମ୍ଭ ହେବ।

  ଅଧା ରହିଗଲା ଚାକିରି ସ୍ବପ୍ନ: ସନ୍ତରଣ ଅଭ୍ୟାସ ବେଳେ ଯୁବକଙ୍କ ମୃତ୍ୟୁ

ଅଧା ରହିଗଲା ଚାକିରି ସ୍ବପ୍ନ: ସନ୍ତରଣ ଅଭ୍ୟାସ ବେଳେ ଯୁବକଙ୍କ ମୃତ୍ୟୁ

ଭୁବନେଶ୍ୱର, ୨୧।୧(ଡି.ଏନ.ଏ)- ଚାକିରି କରିବାର ସ୍ବପ୍ନ ଥିଲା। ଆଗକୁ ଏକ ସରକାରୀ ଚାକିରି ପାଇଁ ସନ୍ତରଣ ପରୀକ୍ଷା ମଧ୍ୟ ଥିଲା। ଏଥିପାଇଁ ସାଙ୍ଗ ସହ ମିଶି ଜୋରଦାର ପ୍ରସ୍ତୁତି ଚଳାଇଥିଲେ।

ଡାକ୍ତର ସ୍ବାମୀଙ୍କ ପରକୀୟା ପ୍ରୀତିକୁ ଧରାଇଲେ ଗୁପ୍ତଚର: ହୋଟେଲରେ ପହଞ୍ଚତ୍ ଛେଚିଲେ ସ୍ତ୍ରୀ

ଡାକ୍ତର ସ୍ବାମୀଙ୍କ ପରକୀୟା ପ୍ରୀତିକୁ ଧରାଇଲେ ଗୁପ୍ତଚର: ହୋଟେଲରେ ପହଞ୍ଚତ୍ ଛେଚିଲେ ସ୍ତ୍ରୀ

ଭୁବନେଶ୍ୱର, ୨୧।୧(ବ୍ୟୁରୋ)- ଘରେ ସ୍ତ୍ରୀ ଥାଇ ଅନ୍ୟ ମହିଳାଙ୍କ ସହ ପରକୀୟା ପ୍ରୀତିରେ ଡାକ୍ତର ସ୍ବାମୀ ବ୍ୟସ୍ତ ରହୁଥିଲେ। ଶେଷରେ ତାଙ୍କ ସ୍ତ୍ରୀ ଗୁପ୍ତଚର ଲଗାଇ ତାଙ୍କୁ ଧରିବାରେ ସଫଳ ହୋଇଛନ୍ତି।

୪୪୦୭.୭୩ ଏକର ଜମିରେ ବେଆଇନ ଗଞ୍ଜେଇ ଚାଷ ନଷ୍ଟ କରାଯାଇଛି

୪୪୦୭.୭୩ ଏକର ଜମିରେ ବେଆଇନ ଗଞ୍ଜେଇ ଚାଷ ନଷ୍ଟ କରାଯାଇଛି

କଟକ ଅଫିସ,୨୧।୧: ୮ ଜିଲାରେ ବେଆଇନ ଭାବେ ହେଉଥିବା ଗଞ୍ଜେଇ ଚାଷ ରୋକାଯିବା ପାଇଁ ଓଡ଼ିଶା ପୋଲିସ ପକ୍ଷରୁ ପଦକ୍ଷେପ ନିଆଯାଇଛି। ୨୦୧୭ -୧୮ ବର୍ଷରେ ୪୪୦୭.୭୩ ଏକର ଜମିରେ ବେଆଇନ ଗଞ୍ଜେଇ ଚାଷ ନଷ୍ଟ କରାଯାଇଛି। ଏ ନେଇ ରବିବାର ପୋଲିସ ମହାନିର୍ଦ୍ଦେଶକ ଡ. ଆର ପି ଶର୍ମା ଏକ ଖବରଦାତା ସମ୍ମିଳନୀରେ ପ୍ରକାଶ କରିଛନ୍ତି।

ଚମ୍ପୁ ୨୫୦ ବର୍ଷର ପ୍ରାଚୀନ ସୃଷ୍ଟି

ଚମ୍ପୁ ୨୫୦ ବର୍ଷର ପ୍ରାଚୀନ ସୃଷ୍ଟି

ସାାକ୍ଷୀଗୋପାଳ, ୨୧।୧(ଡି.ଏନ.ଏ.): ପୁରୀ ଜିଲା ସତ୍ୟବଦୀର ବୀରଗୋବିନ୍ଦପୁର ରାମହରି ଦାସ ଓଡ଼ିଶୀ ଗୁରୁକୁଳ ପରିସରରେ ରବିବାର ଓଡ଼ିଶୀ ସଙ୍ଗିତରେ ଚମ୍ପୁର ଭୂମିକା ଶୀର୍ଷକ ଆଲୋଚନା ଚକ୍ର ଓ କର୍ମଶାଳା ଅନୁଷ୍ଠିତ ହୋଇଯାଇଛି। ଭାରତ ସରକାରଙ୍କ ସଂସ୍କୃତି ମନ୍ତ୍ରଣାଳୟର ସହଯୋଗରେ ଆୟୋଜିତ ଏହି କର୍ମଶାଳାରେ ଓଡ଼ିଶୀ ସଙ୍ଗିତ ଗୁରୁ ରାମହରି ଦାସ ଅଧ୍ୟକ୍ଷତା କରିଥିଲେ।

ଗ୍ରାମବସୀଙ୍କ ଗଣଧାରଣା

ଗ୍ରାମବସୀଙ୍କ ଗଣଧାରଣା

ବ୍ରହ୍ମଗିରି,୨୧।୧(ଡି.ଏନ୍‌.ଏ): ପୁରୀ ଜିଲା ବ୍ରହ୍ମଗିରି ବ୍ଲକ ଅନ୍ତର୍ଗତ ରେଣ୍ଢା ଗ୍ରାମବସୀଙ୍କ ପକ୍ଷରୁ ପୁରୀ-ବ୍ରହ୍ମଗିରି ଜାତୀୟ ରାଜପଥରେ ରବିବାର ଗଣଧାରଣା ଦିଆଯାଇଛି।

ଅର୍ଥ ତୋସରପାତ: ବିଡିଓ, ଯନ୍ତ୍ରୀଙ୍କ ସମେତ ୩ ଗିରଫ

କଟକ ଅଫିସ, ୨୦।୧- ଗ୍ରାମ ସଡ଼କ ନିର୍ମାଣ କ୍ଷେତ୍ରରେ ଦୁର୍ନୀତି। ୧କୋଟି ୩୨ଲକ୍ଷ ଟଙ୍କାର ପ୍ରକଳ୍ପକୁ ଟେଣ୍ଡର ନ କରି ବିଭାଗ ପକ୍ଷରୁ କରାଯାଇ ୪୨ଲକ୍ଷ ଟଙ୍କା ତୋସରପାତ କରାଯାଇଛି। ଏହି ଅଭିଯୋଗରେ ଭିଜିଲାନ୍ସ ସେଲ୍‌ ପକ୍ଷରୁ ସୁନ୍ଦରଗଡ ଜିଲାର ଲାଠିକଟା ବିଡିଓ ପୂର୍ଣ୍ଣଚନ୍ଦ୍ର ଭୋଇ, ସହକାରୀ ନିର୍ବାହୀ ଯନ୍ତ୍ରୀ ରାଜକିଶୋର ସାହୁ ଓ ବ୍ଲକର ପୂର୍ବତନ ସହକାରୀ ଯନ୍ତ୍ରୀ ବୁଦ୍ଧେଶ୍ୱର ସାହୁଙ୍କୁ ଶନିବାର ଗିରଫ କରାଯାଇଛି।

୨୪ ପୋଲିସ ଅଧିକାରୀ ସମ୍ବର୍ଦ୍ଧିତ

୨୪ ପୋଲିସ ଅଧିକାରୀ ସମ୍ବର୍ଦ୍ଧିତ

କଟକ ଅଫିସ, ୨୦।୧- ଅଦାଲତ ଅଭିଯୁକ୍ତଙ୍କୁ ଦଣ୍ଡବିଧାନ କଲେ ମାମଲାର ତଦନ୍ତ ଅଧିକାରୀ ପୁରସ୍କୃତ ହେବେ। ଓଡିଶା ପୋଲିସ ପକ୍ଷରୁ ଏଭଳି ଅଭିନବ ଯୋଜନା ଶନିବାର କାର୍ଯ୍ୟକାରୀ ହୋଇଛି। ପ୍ରଥମ ଥର ପାଇଁ ରାଜ୍ୟର ୨୪ ଜଣ ପୋଲିସ ଅଧିକାରୀଙ୍କୁ କ୍ରାଇମବ୍ରାଞ୍ଚ ମୁଖ୍ୟ କାର୍ଯ୍ୟାଳୟ ସ୍ଥିତ ସମ୍ମିଳନୀ କକ୍ଷରେ ଡିଜିପି ଡ. ରାଜେନ୍ଦ୍ର ପ୍ରସାଦ ଶର୍ମା ପ୍ରଶଂସାପତ୍ର ସହ ପ୍ରୋତ୍ସାହନ ରାଶି ଦେଇ ସମ୍ବର୍ଦ୍ଧିତ କରିଛନ୍ତି।

ନିର୍ଝର ହତ୍ୟାକାଣ୍ଡ: ଭାବୀପତ୍ନୀଙ୍କୁ ପଚରାଉଚରା କରିବ ପୋଲିସ

କଟକ ଅଫିସ, ୨୦।୧- ଚୌଦ୍ୱାର କପାଳେଶ୍ୱରର ଲିଟିଲ ଓରଫ ନିର୍ଝର ବେହେରା ହତ୍ୟା ମାମଲାରେ ପୋଲିସ ନିର୍ଝରଙ୍କ ଭାବୀପତ୍ନୀଙ୍କୁ ପଚରାଉଚରା କରିବ। ଅନ୍ୟପକ୍ଷରେ ଅଭିଯୁକ୍ତ ସମ୍ବିତ କୁମାର ସେନାପତିଙ୍କୁ ଶନିବାର ସାଲେପୁର ଜେଏମଏଫସି କୋର୍ଟରେ ହାଜର କରାଯିବା ପରେ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି।

ସହରାଞ୍ଚଳ ବସ୍‌ ସେବା: ଗଠନ ହେବ ସିଆରୟୁଟି

ଭୁବନେଶ୍ୱର,୨୦।୧(ବ୍ୟୁରୋ)-ଭୁବନେଶ୍ୱର ପୁରୀ ଟ୍ରାନ୍ସପୋର୍ଟ ସର୍ଭିସ୍‌ ଲିମିଟେଡ(ବିପିଟିଏସଏଲ) ସହିତ କଟକ ଟ୍ରାନ୍ସପୋର୍ଟ ସର୍ଭିସ୍‌ର ବିଲୟ ହେବ। ଉଭୟ ସଂସ୍ଥାର ବିଲୟ ହୋଇ କ୍ୟାପିଟାଲ ରିଜିଅନ ଅର୍ବାନ ଟ୍ରାନ୍ସପୋର୍ଟ(ସିଆରୟୁଟି) ନାମରେ ନୂତନ ପରିବହନ ସଂସ୍ଥା ଗଠନ ହେବ। ଏହି ସଂସ୍ଥା କଟକ, ଭୁବନେଶ୍ୱର, ପୁରୀ ଓ କୋଣାର୍କ ଅଞ୍ଚଳରେ ଜନସାଧାରଣଙ୍କୁ ବସ ସେବା ଯୋଗାଇ ଦେବ। ଏହି ପ୍ରସ୍ତାବକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶନିବାର ଅନୁମୋଦନ କରିଛନ୍ତି।