ଅନଗୁଳ-ଢେଙ୍କାନାଳ

୧୫ ମଧ୍ୟରାତ୍ରିରୁ ଟ୍ରକ୍‌ ଧର୍ମଘଟ

୧୫ ମଧ୍ୟରାତ୍ରିରୁ ଟ୍ରକ୍‌ ଧର୍ମଘଟ
ଅନୁଗୋଳ ଅଫିସ/ବଅଁରପାଳ, ୬।୧୨(ଡି.ଏନ.ଏ.)- ରାଜ୍ୟ ସରକାର ଟ୍ରକ୍‌ଗୁଡ଼ିକ ଉପରେ ଅହେତୁକ ଟ୍ୟାକ୍ସ ବୃଦ୍ଧି କରିବା ସହ ନୂତନ ଭାବେ ଗ୍ରୀନ୍‌ ଟ୍ୟାକ୍ସ ପ୍ରଚଳନ କରିଥିବାରୁ ରାଜ୍ୟ ଟ୍ରକ୍‌ ମାଲିକ ମହାସଂଘ ତରଫରୁ ତୀବ୍ର ଅସନ୍ତୋଷ ପ୍ରକାଶ କରାଯାଇଛି। ବୁଧବାର ଅନୁଗୋଳ ଟ୍ରକ୍‌ ମାଲିକ ସଂଘ କାର୍ଯ୍ୟାଳୟ ପରିସରରେ ରାଜ୍ୟ ଟ୍ରକ୍‌ ମାଲିକ ମହାସଂଘର ଏକ ସାଧାରଣ ବୈଠକ ଅନୁଷ୍ଠିତ ହୋଇଥିଲା। ଏଥିରେ ଉପସ୍ଥିତ କର୍ମକର୍ତ୍ତାମାନେ ରାଜ୍ୟ ସରକାରଙ୍କ ଏପରି ନିଷ୍ପତ୍ତିର ତୀବ୍ର ପ୍ରତିବାଦ କରିବା ସହ ଚେକିଂ ନାମରେ ହେଉଥିବା ପାଉଣା ଆଦାୟ ବିରୋଧରେ ସ୍ବର ଉତ୍ତୋଳନ କରିଥିଲେ। ଏଥିସହ ରାଜ୍ୟ ପରିବହନ ବିଭାଗରେ ବ୍ୟାପକ ଦୁର୍ନୀତି ହେଉଥିବା ନେଇ ସଂଘ କର୍ମକର୍ତ୍ତାମାନେ ଖୋଲାଖୋଲି ଅଭିଯୋଗ କରିଥିଲେ। ଏହି ଦୁର୍ନୀତିରେ କେତେଜଣ ଆର୍‌ଟିଓଙ୍କଠାରୁ ଆରମ୍ଭ କରି ଏମ୍‌ଭିଆଇ, ଉଚ୍ଚପଦସ୍ଥ ଅଧିକାରୀ ଓ ଖୋଦ ପରିବହନ ମନ୍ତ୍ରୀ ଲିପ୍ତ ଥିବା ସଂଘ ସାଧାରଣ ସମ୍ପାଦକ ରବିନାରାୟଣ ଶତପଥୀ ଅଭିଯୋଗ କରିଥିଲେ। ମହାସଂଘ ସଭାପତି ବିଭୂତି ପ୍ରସାଦ ଦାସ ବୈଠକରେ ସଭାପତିତ୍ୱ କରିଥିଲେ। ସଂଘ ପକ୍ଷରୁ କୁହାଯାଇଛି ଯେ, ୧୫ ବର୍ଷ ପୁରୁଣା ଟ୍ରକ୍‌ଗୁଡ଼ିକରୁ ୪ ହଜାର ଟଙ୍କା ଗ୍ରୀନ୍‌ ଟ୍ୟାକ୍ସ ଆଦାୟ କରିବାକୁ ସରକାର ନିଷ୍ପତ୍ତି ନେଇଛନ୍ତି। ଏଥିସହ ରୋଡ୍‌ ଟ୍ୟାକ୍ସ ଅହେତୁକ ଭାବେ ବୃଦ୍ଧି କରାଯାଇଛି। ଚେକିଂ ଆଳରେ ରାସ୍ତାରେ ବ୍ୟାପକ ପାଉଣା ଆଦାୟ କରାଯାଉଛି। ତନଖି ଫାଟକଗୁଡ଼ିକରେ ଟ୍ରକ୍‌ ମାଲିକମାନଙ୍କୁ ଜୁଲମ୍‌ କରାଯାଉଛି। ଆଇନ୍‌ ବହିର୍ଭୂତ କାର୍ଯ୍ୟ କଲେ ମୋଟରଯାନ ଆଇନ ଅନୁଯାୟୀ ଜରିମାନା ଆଦାୟ କରାଯିବା କଥା। କିନ୍ତୁ ଚେକିଂ କରୁଥିବା ଅଧିକାରୀମାନଙ୍କୁ ମାସିକିଆ ପାଉଣା ନ ଦେଲେ ସେମାନେ ବିଭିନ୍ନ ଆଳ ଦେଖାଇ ମାତ୍ରାଧିକ ଜରିମାନା ଆଦାୟ କରୁଛନ୍ତି। ଅଧିକ ଉଚ୍ଚକରି ମାଲ୍‌ ଲୋଡ୍‌ କରୁ ନ ଥିଲେ ମଧ୍ୟ ଟ୍ରକ୍‌ ମାଲିକଙ୍କଠାରୁ ୨୫ଶହ ଟଙ୍କା ଜରିମାନା ଆଦାୟ କରାଯାଉଛି। ଏହାକୁ ନେଇ ଟ୍ରକ୍‌ ମାଲିକମାନେ ପରିବହନ କମିଶନରଙ୍କୁ ଦାବିପତ୍ର ପ୍ରଦାନ କରିଥିଲେ। ସେହିପରି ପ୍ରାୟ ୧ ବର୍ଷ ହେଲା ଗିରିଶୋଳା ଚେକ୍‌ ଗେଟ୍‌ ଉଚ୍ଛେଦ ହୋଇଥିଲେ ବି ଉକ୍ତ ଗେଟ୍‌ର ଜୁନିୟର ଏମ୍‌ଭିଆଇଙ୍କ ନାମରେ ଜରିମାନା ଆଦାୟ ହେଉଛି। ବିଭିନ୍ନ ଆଳରେ ଓ ଚେକିଂ ନାମରେ ପ୍ରତ୍ୟେକ ଟ୍ରିପ୍‌ରେ ଜରିମାନା ନଁାରେ ଚାନ୍ଦା ଆଦାୟ କରାଯାଉଛି। ବଡ଼ ବଡ଼ ପରିବହନ କମ୍ପାନୀଙ୍କ କଥାରେ ସରକାର ପ୍ରଭାବିତ ହୋଇ ୨୦୦୮ରୁ ଟ୍ରକ୍‌ର ସର୍ବନିମ୍ନ ଭଡ଼ା ଧାର୍ଯ୍ୟ କରୁନାହାନ୍ତି। ସରକାରଙ୍କୁ ଭଡ଼ା ବୃଦ୍ଧି କରିବାକୁ ପ୍ରସ୍ତାବ ଦିଆଯାଇଛି। ମାତ୍ର ତାହା ଏ ପର୍ଯ୍ୟନ୍ତ କାର୍ଯ୍ୟକାରୀ ହୋଇପାରି ନାହିଁ। ଏ ସଂକ୍ରାନ୍ତରେ ମହାସଂଘ ତରଫରୁ ଏକ ୮ ଦଫା ସମ୍ବଳିତ ଦାବିପତ୍ର ଗତ ଜୁନ୍‌ରେ ପ୍ରଦାନ କରାଯାଇଥିଲେ ମଧ୍ୟ ପରିବହନ ମନ୍ତ୍ରୀ ଆଲୋଚନା କରିବାକୁ ଅମଙ୍ଗ ହେଉଛନ୍ତି। ସେହିପରି ପାଉଣା ଆଦାୟରେ ପୋଲିସର ଦୁର୍ନୀତି ମଧ୍ୟ ବଢ଼ି ଚାଲିଛି। ଫଳରେ ଓଡ଼ିଶାରେ ଟ୍ରକ୍‌ ବ୍ୟବସାୟ କରିବା ଅସମ୍ଭବ ହୋଇପଡ଼ିଛି। ତେଣୁ ଟ୍ରକ୍‌ ମାଲିକମାନଙ୍କ ବିଭିନ୍ନ ସମସ୍ୟା ଓ ନ୍ୟାଯ୍ୟ ଦାବି ପୂରଣ ପାଇଁ ଆସନ୍ତା ୧୫ ତାରିଖ ମଧ୍ୟରାତ୍ରରୁ ରାଜ୍ୟବ୍ୟାପୀ ଧର୍ମଘଟ କରାଯିବା ପାଇଁ ନିଷ୍ପତ୍ତି ନିଆଯାଇଛି। ରାଜ୍ୟର ପ୍ରାୟ ୨ଲକ୍ଷରୁ ଊର୍ଦ୍ଧ୍ୱ ଟ୍ରକ୍‌ ଚଳାଚଳ ବନ୍ଦ କରାଯିବା ସହ କୌଣସି ଟ୍ରକ୍‌କୁ ରାଜ୍ୟ ବାହାରକୁ ଓ ରାଜ୍ୟ ବାହାରର ଟ୍ରକ୍‌କୁ ରାଜ୍ୟ ଭିତରକୁ ପୂରାଇ ଦିଆଯିବ ନାହିଁ ବୋଲି ସଂଘ ପକ୍ଷରୁ ଚେତାବନୀ ଦିଆଯାଇଛି। ଏହି ବୈଠକରେ ସଂଘ ଉପସଭାପତି ଦିଲୀପ ପାଣି, ରଞ୍ଜିତ ପଣ୍ଡା, ସମ୍ପାଦକ ରାଜୀବ କୁମାର ଜେନା, ପ୍ରଶାନ୍ତ କୁମାର ପ୍ରଧାନ, କାଳୀଚରଣ ସ୍ବାଇଁ, ଅନାମ ଚରଣ ପ୍ରଧାନଙ୍କ ସମେତ ବିଭିନ୍ନ ଜିଲାରୁ ଆସିଥିବା ଟ୍ରକ୍‌ ମାଲିକମାନେ ଉପସ୍ଥିତ ଥିଲେ।
All Right Reserved By

ଅନଗୁଳ-ଢେଙ୍କାନାଳ

ଘରୋଇ କମ୍ପାନୀ ସର୍ଭେ କାର୍ଯ୍ୟକୁ ବିରୋଧ

ଘରୋଇ କମ୍ପାନୀ ସର୍ଭେ କାର୍ଯ୍ୟକୁ ବିରୋଧ


ଛେଣ୍ଡିପଦା,୧୯।୧୦(ଡି.ଏନ.ଏ.)- ଛେଣ୍ଡିପଦା ବ୍ଲକ ଅନ୍ତର୍ଗତ ଶିମିଳିପାଳ ପଞ୍ଚାୟତରେ ଶୁକ୍ରବାର ଏକ ଘରୋଇ କମ୍ପାନୀ ଦ୍ୱାରା ବିଭିନ୍ନ ସର୍ଭେ କାର୍ଯ୍ୟ ଚାଲିଥିବାବେଳେ ସ୍ଥାନୀୟ ଅଞ୍ଚଳବାସୀ ଏହାକୁ ତୀବ୍ର ବିରୋଧ କରିଛନ୍ତି। ଏପରିକି ଲୋକମାନେ ଉତ୍ତେଜିତ ହୋଇ ସମ୍ପୃକ୍ତ କମ୍ପାନୀ କର୍ମଚାରୀଙ୍କୁ ସର୍ଭେ ବିଷୟରେ ପଚାରିଥିଲେ। 

କଳାସଂସ୍କୃତି ପାଇଁ ଓଡ଼ିଶା ଗର୍ବିତ

କଳାସଂସ୍କୃତି ପାଇଁ ଓଡ଼ିଶା ଗର୍ବିତ


ବଇଣ୍ଡା,୧୯।୧୦(ଡି.ଏନ.ଏ.)- କିଶୋରନଗର ବ୍ଲକ ବଇଣ୍ଡା ହାଇସ୍କୁଲଠାରେ ଚାଲିଥିବା ଦୁର୍ଗାପୂଜା ଅବସରରେ ଗୁରୁବାର ଅନୁଷ୍ଠିତ ସାଂସ୍କୃତିକ କାର୍ଯ୍ୟକ୍ରମରେ କଳାକାରଙ୍କୁ ପୁରସ୍କୃତ କରାଯାଇଛି। 

ବ୍ୟାଟେରୀ ଚୋରି ଅଭିଯୋଗ: ଜଣେ ଅଟକ

ବ୍ୟାଟେରୀ ଚୋରି ଅଭିଯୋଗ: ଜଣେ ଅଟକ

ବଇଣ୍ଡା,୧୯।୧୦(ଡି.ଏନ.ଏ.)-ଅନୁଗୋଳ ଜିଲା ହଣ୍ଡପା ଥାନା ବଡ଼ହୁଲା ଗ୍ରାମରେ ଛିଡ଼ା ହୋଇଥିବା  ଏକ ମିନି ଟ୍ରକ(ନଂ.ଓଡି୦୨ଏଲ୯୧୫୩)ରୁ ଗୁରୁବାର ରାତିରେ କେତେକ ଦୁର୍ବୃତ୍ତ ବ୍ୟାଟେରୀଟି ଚୋରି କରି ନେଇଯାଇଛନ୍ତି। ଏ ନେଇ ଟ୍ରକ ଚାଳକ ବଡ଼ହୁଲାର ଗ୍ରାମର  ଚାଳକ ଚନ୍ଦ୍ରାହାସ୍ୟ ଦେହୁରୀ ଶୁକ୍ରବାର ହଣ୍ଡପା ଥାନାରେ ଅଭିଯୋଗ କରିଛନ୍ତି। 

ବୀରତ୍ୱ ପ୍ରଦର୍ଶନ କଲେ  ପାଇକ ପୁଅ

ବୀରତ୍ୱ ପ୍ରଦର୍ଶନ କଲେ ପାଇକ ପୁଅ


ଛେଣ୍ଡିପଦା,୧୯।୧୦(ସ୍ବ.ପ୍ର)- ଅନୁଗୋଳ ଜିଲା ଛେଣ୍ଡିପଦା ବ୍ଲକ ବରସାହି ପଞ୍ଚାୟତ ଖମାର ଗ୍ରାମରେ ଶୁକ୍ରବାର ମହା ଆଡମ୍ବରରେ ଦଶହରା ପର୍ବ ପାଳିତ ହୋଇଛି। 

ଅନୁଗୋଳ ଟ୍ରକ ମାଲିକ ସଂଘ ଉପସଭାପତିଙ୍କ ବିୟୋଗ

ଅନୁଗୋଳ ଟ୍ରକ ମାଲିକ ସଂଘ ଉପସଭାପତିଙ୍କ ବିୟୋଗ

ବଅଁରପାଳ,୧୯।୧୦(ଡି.ଏନ.ଏ.)-ଅନୁଗୋଳ ଜିଲା ଟ୍ରକ ମାଲିକ ସଂଘର ଉପସଭାପତି ନରେନ୍ଦ୍ର ପ୍ରଧାନଙ୍କ ଶୁକ୍ରବାର ପରଲୋକ ହୋଇଯାଇଛି। 

କଂଗ୍ରେସର ମିଶ୍ରଣ ପର୍ବ

କଂଗ୍ରେସର ମିଶ୍ରଣ ପର୍ବ


ଅନୁଗୋଳ ଅଫିସ,୧୯।୧୦- ଅନୁଗୋଳ ଜିଲା ଛେଣ୍ଡିପଦା ନିର୍ବାଚନ ମଣ୍ଡଳୀର ବଡହିଂସର ମା’ ଖମ୍ବେଶ୍ବରୀ ମନ୍ଦିର ନିକଟରେ ଶୁକ୍ରବାର କଂଗ୍ରେସର ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି।

ଗୋଷ୍ଠୀ କେନ୍ଦ୍ରର ଭୂମିପୂଜନ କଲେ ଏମ୍‌ପିଙ୍କ ପ୍ରତିନିଧି

ଗୋଷ୍ଠୀ କେନ୍ଦ୍ରର ଭୂମିପୂଜନ କଲେ ଏମ୍‌ପିଙ୍କ ପ୍ରତିନିଧି

ଅନୁଗୋଳ ଅଫିସ,୧୯।୧୦- ଆମ ଗାଁ ଆମ ବିକାଶ ଯୋଜନାରେ ଢେଙ୍କାନାଳ-ଅନୁଗୋଳ ଏମ୍‌ପି ତଥାଗତ ସତପଥୀଙ୍କ ଜିଲା ପ୍ରତିନିଧି ଭକ୍ତି ପ୍ରସାଦ ଦାସ ଗୁରୁବାର ଅନୁଗୋଳ ବ୍ଲକ ନୂଆମୌଜା ପଞ୍ଚାୟତ ଶରଧାପୁର ପିତାବଳୀ ସାହି ଗୋଷ୍ଠୀ କେନ୍ଦ୍ରର ଭୂମିପୂଜନ କରିଛନ୍ତି।

ଗଜଲକ୍ଷ୍ମୀଙ୍କ ପୂଜା ପାଇଁ ପ୍ରସ୍ତୁତି ବୈଠକ


ତାଳଚେର,୧୯।୧୦(ନି.ପ୍ର)- ତାଳଚେର ବ୍ଲକ ଅନ୍ତର୍ଗତ କମଳଛୁଇଁ ଗ୍ରାମରେ ଗଜଲକ୍ଷ୍ମୀଙ୍କ ପୂଜା ପାଇଁ  କେନ୍ଦ୍ରୀୟ ଲକ୍ଷ୍ମୀ ପୂଜା କମିଟି ପକ୍ଷରୁ  ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଛି। କମିଟିର ସଭାପତି ଗଗନ ବିହାରୀ ସାହୁ ଏଥିରେ  ଅଧ୍ୟକ୍ଷତା କରିଥିଲେ। 

ଲୁଟ୍‌ ଘଟଣାରେ ଅଭିଯୁକ୍ତ ଗିରଫ

ଲୁଟ୍‌ ଘଟଣାରେ ଅଭିଯୁକ୍ତ ଗିରଫ

କଣିହାଁ,୧୯।୧୦(ଡି.ଏନ.ଏ.)- କଣିହାଁ ବ୍ଲକ ରେଙ୍ଗାଳି ଥାନା ପୋଲିସ ପୂର୍ବରୁ ଲୁଟ୍‌ ଘଟଣାକୁ ନେଇ ଜଣକୁ ଗିରଫ କରି କୋର୍ଟଚାଲାଣ କରିଛି।

ଚୋର ଅଟକ

ଚୋର ଅଟକ

ବଅଁରପାଳ,୧୯।୧୦(ଡି.ଏନ.ଏ.)-ବଅଁରପାଳ ବଜାରର ଏକ ପାନ ଦୋକାନରୁ ଚୋରି କରୁଥିବା ସମୟରେ ଜଣେ ଯୁବକଙ୍କୁ କାବୁ କରିଛନ୍ତି ଦୋକାନୀ।

ବିଜେଡି  ପକ୍ଷରୁ ଜନସମ୍ପର୍କ ପଦଯାତ୍ରା

ବିଜେଡି ପକ୍ଷରୁ ଜନସମ୍ପର୍କ ପଦଯାତ୍ରା


ଛେଣ୍ଡିପଦା,୧୯।୧୦(ଡି.ଏନ.ଏ.)- ଛେଣ୍ଡିପଦା ବ୍ଲକ ବିଜେଡି ପକ୍ଷରୁ ଜନସମ୍ପର୍କ ପଦଯାତ୍ରା ଅନୁଷ୍ଠିତ ହୋଇଯାଇଛି। ସ୍ଥାନୀୟ ବିଧାୟକ ସୁଶାନ୍ତ କୁମାର ବେହେରାଙ୍କ ନେତୃତ୍ୱରେ ଆୟୋଜିତ ଏହି ପଦଯାତ୍ରା ଜରପଡା, ତୁକୁଡା, ପରା, ଓଗୀ ପଞ୍ଚାୟତର ସମସ୍ତ ଗ୍ରାମ ପରିକ୍ରମା କରିଥିଲା। ପରେ  ଓଗୀ ଗ୍ରାମଠାରେ ଏକ ସାଧାରଣ ସଭା ଅନୁଷ୍ଠିତ ହୋଇଥିଲା।

୪  ଗିରଫ, ୯ଏମ୍‌ଏମ ବନ୍ଧୁକ, ୫ରାଉଣ୍ଡ ଜୀବନ୍ତ ଗୁଳି ଜବତ

୪ ଗିରଫ, ୯ଏମ୍‌ଏମ ବନ୍ଧୁକ, ୫ରାଉଣ୍ଡ ଜୀବନ୍ତ ଗୁଳି ଜବତ

ଅନୁଗୋଳ ଅଫିସ, ୧୮।୧୦- ଅନୁଗୋଳ ପୋଲିସ  ୪ ଡକାୟତଙ୍କୁ   ଗିରଫ କରି କୋର୍ଟଚାଲାଣ କରିଛି। ସେମାନେ ହେଲେ  ତାଳଚେର ଥାନା ନାକେଇପଶି ଅଞ୍ଚଳର ରଣଜିତ ନାଏକ ଓରଫ ଜିତୁ, ତାଙ୍କ ଭାଇ ରତ୍ନାକର ଓରଫ ରାଜ ନାଏକ, ନୂଆପଡ଼ାର ପପୁ ନାଏକ ଏବଂ ଅନୁଗୋଳ ଥାନା ପଞ୍ଚମହଲା ଅଞ୍ଚଳର ଅନିଲ ବେହେରା।