ଅନଗୁଳ-ଢେଙ୍କାନାଳ

କୋର୍‌ ଜଙ୍ଗଲ ଛାଡ଼ିଲେ ରାଇଗୁଡ଼ାବାସୀ: ନୂଆ ରାଇଗୁଡ଼ା ନୂଆ ଠିକଣା

କୋର୍‌ ଜଙ୍ଗଲ ଛାଡ଼ିଲେ ରାଇଗୁଡ଼ାବାସୀ: ନୂଆ ରାଇଗୁଡ଼ା ନୂଆ ଠିକଣା

ବନ୍ତଳା,୬।୧୨(ଡି.ଏନ.ଏ.)- ଅନୁଗୋଳ ଜିଲା ସାତକୋଶିଆ ଅଭୟାରଣ୍ୟରେ ବାଘ ବଂଶ ବୃଦ୍ଧି ପାଇଁ ସରକାର କରିଥିବା ଯୋଜନା ପାଦେ ଆଗେଇଛି। ଚଳିତମାସ ଶେଷ ସପ୍ତାହରେ ମଧ୍ୟପ୍ରଦେଶରୁ ଗୋଟିଏ ବାଘ ବାଘୁଣୀ ଅଣାଯାଇ ଏଠାରେ ଛଡ଼ାଯିବା ପୂର୍ବରୁ ଅଭୟାରଣ୍ୟର କୋର୍‌ ଜଙ୍ଗଲରେ ରହୁଥିବା ବନ୍ତଳା ଥାନା ବଡ଼କନ୍ତକୁଳ ପଞ୍ଚାୟତର ରାଇଗୁଡ଼ା ଗ୍ରାମବାସୀଙ୍କୁ ପ୍ରଶାସନ ବୁଧବାର ବିସ୍ଥାପିତ କରିଛି। ସେମାନଙ୍କ ପାଇଁ ନୂଆକ୍ଷେତା ସାରୁଆଳି ନିକଟରେ ପୂର୍ବରୁ ପ୍ରସ୍ତୁତ କରାଯାଇଥିବା ନୂଆ ରାଇଗୁଡ଼ା ଗ୍ରାମରେ ସମ୍ପୃକ୍ତ ୩୩ ମୂଳ ପରିବାରକୁ ଥଇଥାନ କରାଯାଇଛି। ଜିଲା ପ୍ରଶାସନର ବରିଷ୍ଠ ପଦାଧିକାରୀଙ୍କ ଉପସ୍ଥିତିରେ ୪୫ଟି ଗାଡ଼ିରେ ଗ୍ରାମବାସୀଙ୍କୁ ଅଣାଯାଇ ସେମାନଙ୍କ ନୂଆ ଠିକଣାରେ ପହଞ୍ଚାଯିବା ସହ ନବନିର୍ମିତ ଘରର ଚାବି ହସ୍ତାନ୍ତର କରାଯାଇଥିଲା।
ସାତକୋଶିଆ ଡିଏଫ୍‌ଓ ଏସ୍‌ଏମ୍‌ଡିଟି ରହମାନଙ୍କ ପ୍ରତ୍ୟେକ୍ଷ ତତ୍ତ୍ୱାବଧାନରେ ବିସ୍ଥାପିତମାନଙ୍କୁ ନୂଆ ରାଇଗୁଡ଼ା ଅଣାଯାଇଥିଲା। ଅନୁଗୋଳ ଉପଜିଲାପାଳ ସରୋଜକାନ୍ତ ମହାନ୍ତି, ଡେପୁଟି କଲେକ୍ଟର ପତିତପାବନ ଦେବତା, ସାତକୋଶିଆ ସହକାରୀ ବନ ସଂରକ୍ଷକ ଶୁଭେନ୍ଦୁ ବେହେରା, ଆର.କେ. ସ୍ବାଇଁ, ଶ୍ରୀକାନ୍ତ କୁମାର ବେହେରା, ଆଞ୍ଚଳିକ ମୁଖ୍ୟ ବନସଂରକ୍ଷକ କାର୍ଯ୍ୟାଳୟର ପ୍ରାଣୀ ବିଶେଷଜ୍ଞ ରୁଦ୍ର ନାରାୟଣ ପ୍ରଧାନ, ବନ୍ତଳା ଥାନା ଆଇଆଇସି ସବ୍ୟସାଚୀ ରାଉତ, ଏଏସ୍‌ଆଇ ସାରଦା ପ୍ରସାଦ ସାମନ୍ତ, ବଡ଼କନ୍ତକୁଳ ସରପଞ୍ଚ ଧ୍ରୁବ ଚରଣ ଦେହୁରୀ, ଗଡ଼ତରାଶ ସରପଞ୍ଚ ପୁଷ୍ପାଞ୍ଜଳି ମାଝି ଓ ସମିତିସଭ୍ୟା କାମିନୀ ସାମଲଙ୍କ ଉପସ୍ଥିତିରେ ପୂର୍ବାହ୍ନ ୧୦ଟାରୁ ବିସ୍ଥାପନ କାର୍ଯ୍ୟ ଆରମ୍ଭ କରାଯାଇଥିଲା। ଅପରାହ୍ନ ୨ଟାରେ ସମସ୍ତେ ରାଇଗୁଡ଼ା ଗେଟ୍‌ ସମ୍ମୁଖରେ ପହଞ୍ଚିବା ପରେ ସମ୍ପୃକ୍ତ ପରିବାରଗୁଡ଼ିକୁ ଚିହ୍ନଟ କରାଯାଇ ନାମ ଅନୁସାରେ ଘରର ଚାବି ପ୍ରଦାନ କରାଯାଇଥିଲା। ଗ୍ରାମବାସୀଙ୍କ ସୁବିଧା ପାଇଁ ପ୍ରତି ଘର କବାଟରେ ମୁଖ୍ୟ ହିତାଧିକାରୀଙ୍କ ନାମ ସହିତ ନମ୍ବର ଲେଖାଯାଇଥିଲା। ଏଥିସହ ବିସ୍ଥାପିତମାନେ ଯେପରି ନୂଆ ସ୍ଥାନରେ କୌଣସି ଅସୁବିଧାର ସମ୍ମୁଖୀନ ନ ହେବେ ସେଥିପାଇଁ ବନ ବିଭାଗ ଏବଂ ପ୍ରଶାସନ ପକ୍ଷରୁ ପୂର୍ବରୁ ସମସ୍ତ ବ୍ୟବସ୍ଥା ଶେଷ କରାଯାଇଥିଲା। ସୋଲାର ଲାଇଟ, ପାଇପ୍‌ ପାଣି, ବିଦ୍ୟୁତ୍‌, ପାଇଖାନା, ଗାଧୁଆ ଘର, ପିଲାଙ୍କ ପଢ଼ିବା ପାଇଁ କୋଠଘର ନିର୍ମାଣ ହୋଇଥିବା ବେଳେ ୩ ମାସ ପାଇଁ ମାଗଣାରେ ଖାଦ୍ୟ ମଧ୍ୟ ଯୋଗାଇ ଦିଆଯିବାକୁ ଘୋଷଣା କରାଯାଇଥିଲା। ଡାକ୍ତରମାନେ ଜଣ ଜଣ କରି ସମସ୍ତଙ୍କ ସ୍ବାସ୍ଥ୍ୟ ପରୀକ୍ଷା କରିବା ପରେ ବିସ୍ଥାପିତମାନେ ଏକାଠି ବସି ଭୋଜି ଖାଇଥିଲେ। ଅପରାହ୍ନରେ ଅନୁଗୋଳ ବିଧାୟକ ରଜନୀକାନ୍ତ ସିଂ, ଆଞ୍ଚଳିକ ମୁଖ୍ୟ ବନସଂରକ୍ଷକ ଡ. ସୁଦର୍ଶନ ପଣ୍ଡା, ଅନୁଗୋଳ ବ୍ଲକ ବିଜେଡି ସଭାପତି ଦୁର୍ଗାଚରଣ ପ୍ରଧାନ, ପୂର୍ବତନ ଜିଲାପରିଷଦ ସଭ୍ୟ ଭାଗୀରଥି ମାଝି, ପୂର୍ବତନ ବ୍ଲକ ଚେୟାରମ୍ୟାନ ପ୍ରିୟଦର୍ଶୀ ପଟ୍ଟନାୟକ, ଦୁର୍ଯ୍ୟୋଧନ ସାହୁ ପ୍ରମୁଖ ପହଞ୍ଚତ୍ ବିସ୍ଥାପିତମାନଙ୍କୁ ସ୍ବାଗତ କରିଥିଲେ। ପରେ ଗଁାର ଅଧିଷ୍ଠାତ୍ରୀ ଦେବୀ ବ୍ରାହ୍ମଣୀଦେଈଙ୍କ ପୂଜା କରିଥିଲେ। ବିସ୍ଥାପନ ବେଳେ ମାଓବାଦୀ ଯେପରି କୌଣସି ଅଘଟଣ ନ ଘଟାନ୍ତି ସେଥିପାଇଁ ସତର୍କତା ସ୍ବରୂପ ସୋମବାରଠାରୁ ଗୋଟିଏ ପ୍ଲାଟୁନ ସିଆର୍‌ପିଏଫ୍‌ ବିସ୍ଥାପିତ ଗ୍ରାମରେ ମୁତୟନ କରାଯାଇଥିଲା। ଏଥିସହ ଆଉ ଏକ ପ୍ଲାଟୁନ ଯବାନଙ୍କୁ ଗଁା ନିକଟ ଜଙ୍ଗଲ ମଧ୍ୟରେ ତଲାସି ଅଭିଯାନରେ ଲଗାଯାଇଥିଲା। ସାଦା ପୋଷାକରେ ପୋଲିସ ମଧ୍ୟ ଜଙ୍ଗଲ ଅଞ୍ଚଳ ଉପରେ ନଜର ରଖିଥିଲେ। ନୂଆ ଠିକଣା ବିଷୟରେ ବିସ୍ଥାପିତ ସର ଦେହୁରୀ, ମୁକ୍ତା ଦେହୁରୀ, ରମ୍ଭା ଦେହୁରୀ, ଗୟା ଦେହୁରୀ କୁହନ୍ତି, ପୁରୁଣା ଗଁା ଛାଡ଼ି ଆସିଥିବାରୁ ମନରେ ଦୁଃଖ ଅଛି। ଠାକୁରାଣୀ ଆସିବା ପରେ ଆମେ ଆସିଲୁ। ନୂଆ ଜାଗାରେ ରହିବା ପାଇଁ କିଛିଦିନ ଲାଗିବ। ତଥାପି ଆମେ ସମସ୍ତେ ଖୁସି ବୋଲି ସେମାନେ କହିଥିଲେ।

All Right Reserved By

ଅନଗୁଳ-ଢେଙ୍କାନାଳ

ଚାଷୀଙ୍କୁ ମିଳିନି ଫସଲ ବୀମା ସହାୟତା ରାଶି;  କୃଷିଋଣ ଛାଡ଼ ନ ହେଲେ ଆନ୍ଦୋଳନ

ଚାଷୀଙ୍କୁ ମିଳିନି ଫସଲ ବୀମା ସହାୟତା ରାଶି; କୃଷିଋଣ ଛାଡ଼ ନ ହେଲେ ଆନ୍ଦୋଳନ

ଛେଣ୍ଡିପଦା,୧୮।୭ (ଡି.ଏନ.ଏ.)- ଅନୁଗୋଳ ଜିଲା ଛେଣ୍ଡିପଦା ବ୍ଲକ ଜରପଡା ରାଜସ୍ବ ସର୍କଲ ଅଧୀନରେ ଥିବା ଜରପଡା, ପରା, ଜେରେଙ୍ଗ ଦେହୁରୀସାହି, ଦୁର୍ଗାପୁର, କତଡା, ତୁକୁଡା, ଓଗୀ ପଞ୍ଚାୟତ ଅଞ୍ଚଳରେ ସ୍ବଳ୍ପ ବୃଷ୍ଟିପାତ ଯୋଗୁ ୨୦୧୭ରେ ଖରିଫ ଧାନ ଏବଂ ଅଣଧାନ ଫସଲ ଉଜୁଡି ଯାଇଥିଲା। ପରେ କୃଷି, ପରିସଂଖ୍ୟାନ ଓ ରାଜସ୍ବ ବିଭାଗ, ଫସଲ ବୀମା କମ୍ପାନୀ ପକ୍ଷରୁ ମରୁଡ଼ି ଅଞ୍ଚଳରେ ସର୍ଭେ କରାଯାଇ ଫସଲ ହାନି ବାବଦରେ କ୍ଷୟକ୍ଷତି ଆକଳନ କରାଯାଇଥିଲା। ଏପରି କି ପ୍ରତି ଗ୍ରାମ ଏବଂ ପଞ୍ଚାୟତସ୍ତରରେ ଫସଲ ଅମଳ ସହ କ୍ଷୟକ୍ଷତି ରିପୋର୍ଟ ସଂଗ୍ରହ କରାଯାଇଥିଲା। ଏ ନେଇ ଜିଲା ପ୍ରଶାସନ, ରାଜ୍ୟ ସରକାର ଏବଂ କେନ୍ଦ୍ର ସରକାରଙ୍କୁ ରିପୋର୍ଟ ପ୍ରଦାନ କରାଯାଇଥିଲା। ମାତ୍ର ବର୍ଷେ ହେବ ଉକ୍ତ ଅଞ୍ଚଳର ମରୁଡି କ୍ଷତିଗ୍ରସ୍ତ ଚାଷୀମାନଙ୍କୁ ସରକାରଙ୍କ ପକ୍ଷରୁ ଫସଲ ବୀମା ସହାୟତା ମିଳିପାରି ନାହିଁ।

ନକଲି ବିଦ୍ୟୁତ୍‌ ତାର ଗୋଦାମ  ଠାବ କଲା ଭୁବନ ପୋଲିସ

ନକଲି ବିଦ୍ୟୁତ୍‌ ତାର ଗୋଦାମ ଠାବ କଲା ଭୁବନ ପୋଲିସ

ଭୁବନ, ୧୮ା୭(ଡି.ଏନ.ଏ.)- ଢେଙ୍କାନାଳ ଜିଲା ଭୁବନ ପୋଲିସ ବୁଧବାର ନକଲି ବିଦ୍ୟୁତ୍‌ ତାର ଗୋଦାମ ଠାବ କରିଛି। ଭୁବନ କାଳୀ ବଜାରରେ ଥିବା ଅଜନବୀ ଇଲେକ୍ଟ୍ରୋନିକସ୍‌ ଓ କାଚରାସାହି ଗୋଦାମ ଘରେ ପୋଲିସ ଚଢ଼ାଉ କରିଥିଲା।

୯ ଦଫା ଦାବିରେ ଜିଲାପାଳଙ୍କ ଅଫିସ ଘେରାଉ

୯ ଦଫା ଦାବିରେ ଜିଲାପାଳଙ୍କ ଅଫିସ ଘେରାଉ

ଅନୁଗୋଳ ଅଫିସ,୧୮।୭: ଅନୁଗୋଳ ଜିଲା ସାତକୋଶିଆ ଅଭୟାରଣ୍ୟ ଆଖପାଖରେ ଥିବା ୧୦ଟି ପଞ୍ଚାୟତର ଅଧିବାସୀ ବୁଧବାର ୯ ଦଫା ଦାବିରେ ଷ୍ଟାଡିୟମଠାରୁ ଏକ ଶୋଭାଯାତ୍ରାରେ ବାହାରି ଜିଲାପାଳଙ୍କ ଅଫିସ ଘେରାଉ କରିଛନ୍ତି।

ନାଲ୍‌କୋ ଟ୍ରକ ମାଲିକ ସଙ୍ଘର ବୈଠକ

ନାଲ୍‌କୋ ଟ୍ରକ ମାଲିକ ସଙ୍ଘର ବୈଠକ

ବଅଁରପାଳ, ୧୮।୭(ଡି.ଏନ୍‌.ଏ.): ଅନୁଗୋଳ ଜିଲା ନାଲ୍‌କୋ ଟ୍ରକ ମାଲିକ ସଙ୍ଘର ଏକ ବୈଠକ ବୁଧବାର ଅନୁଷ୍ଠିତ ହୋଇଯାଇଛି। ସଙ୍ଘ ସଭାପତି ରାଜୀବ ଜେନା ଏଥିରେ ସଭାପତିତ୍ୱ କରିଥିଲେ। ଏହି ଅବସରରେ ଆସନ୍ତା ୨୦ ତାରିଖରେ ସର୍ବଭାରତୀୟସ୍ତରରେ ହେବାକୁ ଥିବା ଧର୍ମଘଟକୁ ସମର୍ଥନ କରି ନାଲ୍‌କୋରେ କିଭଳି ଧର୍ମଘଟ କରାଯିବ ସେ ନେଇ ଆଲୋଚନା କରାଯାଇଥିଲା।

ତାଲା କାଟି ନେଇଗଲେ ଏସି, କୁଲର

ତାଲା କାଟି ନେଇଗଲେ ଏସି, କୁଲର

ବଅଁରପାଳ, ୧୮।୭(ଡି.ଏନ୍‌.ଏ.): ଅନୁଗୋଳ ଜିଲା ବଅଁରପାଳ ଥାନାଠାରୁ ପ୍ରାୟ ୫ଶହ ମିଟର ଦୂରରେ ଥିବା ଏକ ଇଲେକ୍ଟ୍ରି ଦୋକାନରୁ ମଙ୍ଗଳବାର ବିଳମ୍ବିତ ରାତିରେ ଚୋରି ହୋଇଛି। କେହି ଦୁର୍ବତ୍ତ ଦୋକାନର ତାଲା ଭାଙ୍ଗି ଏସି, କୁଲର ଏବଂ ଅନ୍ୟାନ୍ୟ ସାମଗ୍ରୀ ନେଇ ଯାଇଛନ୍ତି।

ଜୁଆ ଆଡ୍ଡା ଉପରେ ଚଢ଼ାଉ: ବାଇକ୍‌ ଜବତ, ଜଣେ ଅଟକ

ପରଜଙ୍ଗ, ୧୮।୭(ଡି.ଏନ.ଏ.): ଢେଙ୍କାନାଳ ଜିଲା ପରଜଙ୍ଗ ଥାନା ଅଞ୍ଚଳରେ ଜୁଆ ଖେଳ ବଢ଼ିବାରେ ଲାଗିଛି। ବିଭିନ୍ନ ସ୍ଥାନରେ ଆଡ୍ଡା ଖୋଲି ଲକ୍ଷାଧିକ ଟଙ୍କାର ଖେଳ ହେଉଛି।

୧୫ ନୁହେଁ, ୪ ଦିନ ପାଇଁ ମିଳିଲା ମଞ୍ଜୁରୀ:ରିମାଣ୍ଡରେ ଗଲେ ୨ ବ୍ୟାଙ୍କ ଡକାୟତ

୧୫ ନୁହେଁ, ୪ ଦିନ ପାଇଁ ମିଳିଲା ମଞ୍ଜୁରୀ:ରିମାଣ୍ଡରେ ଗଲେ ୨ ବ୍ୟାଙ୍କ ଡକାୟତ

ଅନୁଗୋଳ ଅଫିସ,୧୮ା୭- ଅନୁଗୋଳସ୍ଥିତ ଆନ୍ଧ୍ର ଓ ଇଣ୍ଡିଆନ ବ୍ୟାଙ୍କ ଲୁଟ୍‌ ଘଟଣାରେ ବିହାରର ଗୟାରୁ ଗିରଫ ହୋଇଥିବା ଦୁଇ ଡକାୟତ ଓମ୍‌ ପ୍ରକାଶ ଦାସ ଓ ରାଜେଶ ଦାସଙ୍କୁ ମଙ୍ଗଳବାର ରିମାଣ୍ଡରେ ନେଇଛି ଅନୁଗୋଳ ପୋଲିସ। ଏ ନେଇ କୋର୍ଟରେ ୧୫ ଦିନ ପାଇଁ ଆବେଦନ କରାଯାଇଥିଲା।

ଶ୍ରୀହର୍ଷ ନାୟକ ଭୁବନ ବିଇଓ

ଶ୍ରୀହର୍ଷ ନାୟକ ଭୁବନ ବିଇଓ

ଭୁବନ, ୧୮ା୭(ଡି.ଏନ୍‌.ଏ.)-ଭୁବନ ବ୍ଲକ ଶିକ୍ଷାଧିକାରୀ (ବିଇଓ) ଭାବେ ସୋମବାର ଶ୍ରୀହର୍ଷ ନାୟକ କାର୍ଯ୍ୟରେ ଯୋଗଦେଇଛନ୍ତି। ସେ ଚିଲିକା ବ୍ଲକ ଲକ୍ଷ୍ମୀଧର ନୋଡାଲ ବିଦ୍ୟାପୀଠରେ ପ୍ରଧାନ ଶିକ୍ଷକ ଭାବେ କାର୍ଯ୍ୟ କରୁଥିଲେ। ଏଥିପୂର୍ବରୁ ବିଇଓ ଅଜୟ କୁମାର ପାତ୍ର ଭୁବନ ଏବଂ କାମାକ୍ଷାନଗର ବ୍ଲକର ଯୁଗ୍ମ ଦାୟିତ୍ୱରେ ଥିଲେ। କାର୍ଯ୍ୟରେ ଯୋଗଦେବା ପରେ ବିଭାଗୀୟ କର୍ମଚାରୀମାନେ ତାଙ୍କୁ ସ୍ବାଗତ ଜଣାଇଛନ୍ତି।

ମାଫିଆ ବିକ୍ରି କରୁଛନ୍ତି ସରକାରୀ ଜମି

ମାଫିଆ ବିକ୍ରି କରୁଛନ୍ତି ସରକାରୀ ଜମି

ଢେଙ୍କାନାଳ ଅଫିସ, ୧୮।୭: ଭୂମିହୀନଙ୍କୁ ଥଇଥାନ, ଘର ଡିହପଟ୍ଟା ସାଙ୍ଗକୁ ଚାଷ ପାଇଁ ଜମି ପ୍ରଦାନ କରିବାକୁ ଦାବି କରିଛନ୍ତି ଭୂମିହୀନ ପ୍ରଜା ସଂଘ। ଏ ନେଇ ମଙ୍ଗଳବାର ଢେଙ୍କାନାଳ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଗଣଧାରଣା ଦିଆଯାଇଛି। ଶତାଧିକ ଭୂମିହୀନ ପରିବାର ସ୍ଥାନୀୟ ବାଜିଚୌକରୁ ଶୋଭାଯାତ୍ରାରେ ବାହାରି ସହର ପରିକ୍ରମା କରିବା ପରେ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ପହଞ୍ଚତ୍ ନାରାବାଜି କରିଥିଲେ।

ରେଙ୍ଗାଳି କେନାଲରୁ ହାତୀଛୁଆ ଉଦ୍ଧାର

ରେଙ୍ଗାଳି କେନାଲରୁ ହାତୀଛୁଆ ଉଦ୍ଧାର

ଢେଙ୍କାନାଳ ଅଫିସ,୧୮।୭: ଢେଙ୍କାନାଳ ବନଖଣ୍ଡ ଗଦାଶିଳା ଫରେଷ୍ଟ ସେକ୍ସନ ଅଧୀନ ଗଇଲୋ ନିକଟ ରେଙ୍ଗାଳି କେନାଲରେ ଖସିପଡ଼ିଥିବା ଏକ ହାତୀ ଶାବକକୁ ବନ ବିଭାଗ ଉଦ୍ଧାର କରିଛି।

ବର୍ଷା ଆଣିଲା ହରଷ

ଢେଙ୍କାନାଳ ଅଫିସ, ୧୮।୭: ଲଘୁଚାପଜନିତ ଲଗାଣବର୍ଷା ଢେଙ୍କାନାଳ ଜିଲାର ଚାଷୀଙ୍କ ପାଇଁ ଆଣିଛି ଖୁସି। ଅନିୟମିତ ବର୍ଷାକୁ ନେଇ ଚିନ୍ତିତ ଚାଷୀକୁଳ ପାଇଁ ଜୁଲାଇ ମାସ ଶୁଭ ସାବ୍ୟସ୍ତ ହୋଇଛି। ମଙ୍ଗଳବାର (୧୭ ତାରିଖ) ସୁଦ୍ଧା ଜିଲାରେ ୩୫୪.୪ ମିଲିମିଟର ବର୍ଷା ହୋଇଛି। ଜିଲାରେ ଏହି ସମୟ ମଧ୍ୟରେ ୨୦୦ ମିମି ବର୍ଷାର ଆବଶ୍ୟକ ରହିଥିବାବେଳେ ଏହା ତା’ଠାରୁ ଯଥେଷ୍ଟ ଅଧିକ। ବର୍ଷାର ପରିମାଣ ୪୪.୩% ବୋଲି କୃଷି ବିଭାଗ ପକ୍ଷରୁ କୁହାଯାଇଛି।

ମହିଳା କମିଶନର ଆଇନ ସଚେତନତା କାର୍ଯ୍ୟକ୍ରମ: ଅଧିକାର ସମ୍ପର୍କରେ ସଚେତନ ହେବାକୁ ଆହ୍ବାନ

ମହିଳା କମିଶନର ଆଇନ ସଚେତନତା କାର୍ଯ୍ୟକ୍ରମ: ଅଧିକାର ସମ୍ପର୍କରେ ସଚେତନ ହେବାକୁ ଆହ୍ବାନ

ଅନୁଗୋଳ ଅଫିସ, ୧୮ା୭: ମହିଳାମାନଙ୍କ ସୁରକ୍ଷା ନିମନ୍ତେ ଏକ ଆଇନ ସଚେତନତା କାର୍ଯ୍ୟକ୍ରମ ମଙ୍ଗଳବାର ପୂର୍ବାହ୍ନରେ ଜିଲା ପରିଷଦ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଯାଇଛି। ରାଜ୍ୟ ମହିଳା କମିଶନର ଅଧ୍ୟକ୍ଷା ଡ. ଲୋପାମୁଦ୍ରା ବକ୍ସିପାତ୍ର ମୁଖ୍ୟ ଅତିଥି ଭାବେ ଯୋଗଦେଇ କାର୍ଯ୍ୟକ୍ରମର ଉଦ୍ଦେଶ୍ୟ ସମ୍ପର୍କରେ ଆଲୋକପାତ କରିବା ସହିତ ମହିଳାଙ୍କ ସୁରକ୍ଷା ଉପରେ ଗୁରୁତ୍ୱାରୋପ କରିଥିଲେ।

Model This Week

ରୂପେଶ