ଅନଗୁଳ-ଢେଙ୍କାନାଳ

କାମରେ ଲାଗୁନି ଅଧିକାଂଶ ଗୋଷ୍ଠୀ ଖଳା: ରାସ୍ତାରେ ପଡ଼ୁଛି ଧାନ ବେଙ୍ଗଳା

କାମରେ ଲାଗୁନି ଅଧିକାଂଶ ଗୋଷ୍ଠୀ ଖଳା: ରାସ୍ତାରେ ପଡ଼ୁଛି ଧାନ ବେଙ୍ଗଳା
ବନ୍ତଳା,୬।୧୨ -ଚାଷୀ ଯେପରି ଭଲରେ ଫସଲ ଅମଳ କରିପାରିବେ ସେଥିପାଇଁ ସରକାର କାର୍ଯ୍ୟକାରୀ କରିଛନ୍ତି ଗୋଷ୍ଠୀଖଳା ଯୋଜନା। ଏହି ଯୋଜନା ମାଧ୍ୟମରେ ଚାଷୀଙ୍କ ସୁବିଧା ପାଇଁ ଗ୍ରାମାଞ୍ଚଳର ସରକାରୀ ଜମିରେ କଂକ୍ରିଟ୍‌ ଖଳାମାନ ନିର୍ମାଣ କରାଯାଉଛି। ହେଲେ ଅନେକ ଗଁାରେ ଏହି ସରକାରୀ ଯୋଜନା ବାଟବଣା ହୋଇଥିବା ଅଭିଯୋଗ ହୋଇଆସୁଛି। କାରଣ ଯେଉଁ ସ୍ଥାନରେ କଂକ୍ରିଟ୍‌ ଖଳା ନିର୍ମାଣ କରାଯାଇଛି ସେଠାରେ ଫସଲ ପହଞ୍ଚାଇ ଅମଳ କରି ଘରକୁ ଆଣିବା ଚାଷୀ ପାଇଁ କଷ୍ଟକର ହୋଇପଡ଼ୁଛି। ଫଳରେ ବୋଝ ଉପରେ ନଳିତା ବିଡା ପରି ପୁଣି ଖର୍ଚ୍ଚାନ୍ତ ସହ ସମୟ ଅପଚୟ କରିବା ବଦଳରେ ଘର ସମ୍ମୁଖ ପକ୍କା ବା ପିଚୁ ରାସ୍ତା ଉପରେ ଧାନ ବେଙ୍ଗଳା ପକାଇବାକୁ ଚାଷୀମାନେ ବେଶ୍‌ ସହଜ ତଥା ସୁବିଧାଜନକ ମନେ କରୁଛନ୍ତି। ଅନୁଗୋଳ ଜିଲାର ବହୁ ଚାଷୀ ଏପରି ବେଙ୍ଗଳା ପକାଉଥିବା ନଜରକୁ ଆସୁଛି। ଜିଲାର ଅନୁଗୋଳ, ଛେଣ୍ଡିପଦା, ବଅଁରପାଳ, କିଶୋରନଗର, ପାଲଲହଡ଼ା ଓ କଣିହଁା ବ୍ଲକରେ ସରକାରଙ୍କ ଗୋଷ୍ଠୀଖଳା ଯୋଜନା କାର୍ଯ୍ୟକାରୀ ହୋଇଛି। ଅନୁଗୋଳ ଓ ଛେଣ୍ଡିପଦା ବ୍ଲକରେ ଅନୁଗୋଳ ନିୟନ୍ତ୍ରିତ ବଜାର କମିଟି ଏହି ଦାୟିତ୍ୱ ନେଇଥିବା ବେଳେ ବଅଁରପାଳ ଓ କିଶୋରନଗର ବ୍ଲକରେ ଜିଲା କୃଷି ବିଭାଗ ଖଳା ନିର୍ମାଣ କାମ କରୁଛି। ବର୍ତ୍ତମାନ ସୁଦ୍ଧା ଅନୁଗୋଳ ବ୍ଲକରେ ୨୪ଟି ଗୋଷ୍ଠୀଖଳା ନିର୍ମାଣ ପ୍ରସ୍ତାବ ଥିବାବେଳେ ବଡ଼କନ୍ତକୁଳ, ବାରଗୌଣିଆ, ବନ୍ତଳା, ଧୋକୁଟା, ବେଡ଼ାଶାସନ, ବସଲା, କାଙ୍ଗୁଲା, ବେନ୍ତପୁର, ଜଗନ୍ନାଥପୁର, ମାଟିଆସାହି, ଅନ୍ତୁଳିଆ, ଟିକରପଡ଼ା, ମାଣିକଯୋଡ଼ି, ଶଙ୍ଖପୁର, ଟାଇଁସି ଆଦି ୧୪ଟି ପଞ୍ଚାୟତରେ ଖଳା ନିର୍ମାଣ ସରିଛି। ସେହିପରି ଛେଣ୍ଡିପଦାରେ ୩୦ଟି ଗୋଷ୍ଠୀଖଳା ନିମନ୍ତେ ପ୍ରସ୍ତୁତି ସରିଥିବା ବେଳେ ୧୩ଟିର କାର୍ଯ୍ୟ ଶେଷ ହୋଇଛି। ଜିଲା କୃଷି ବିଭାଗ ପକ୍ଷରୁ ବଅଁରପାଳ ଓ କିଶୋରନଗର ବ୍ଲକରେ ଖଳା ନିର୍ମାଣ ଦାୟିତ୍ୱ ହାତକୁ ନିଆଯାଇଛି। ବଅଁରପାଳରେ ୧୫ଟି ଓ କିଶୋରନଗର ବ୍ଲକରେ ୫ଟି ଗୋଷ୍ଠୀଖଳା ସମ୍ପୂର୍ଣ୍ଣ ହୋଇସାରିଛି। ତେବେ ପାଲଲହଡ଼ା ବ୍ଲକରେ ସମୁଦାୟ ୨୩ଟି ଗୋଷ୍ଠୀଖଳା ନିର୍ମାଣ ପାଇଁ ଜିଲାପାଳ ଅନୁମୋଦନ କରିଥିଲେ ହେଁ ନିର୍ମାଣ କାର୍ଯ୍ୟ ଏଯାଏ ହୋଇପାରି ନାହିଁ। କଣିହଁା ବ୍ଲକରେ ମଧ୍ୟ ସମାନ ଅବସ୍ଥା। ଏଠାରେ ୧୫ଟି ଗୋଷ୍ଠୀଖଳା ନିର୍ମାଣ ନିମନ୍ତେ ଜିଲା କୃଷି ବିଭାଗ ଦାୟିତ୍ୱ ନେଇଛି। ହେଲେ ଗୋଟିକର ବି କାର୍ଯ୍ୟ ଶେଷ ହୋଇପାରି ନାହିଁ। ଅନ୍ୟପକ୍ଷରେ କେତେକ ସ୍ଥାନରେ ରାଜନୈତିକ ଟଣାଓଟରା ଯୋଗୁ କାର୍ଯ୍ୟରେ ବାଧା ଉପୁଜିଥିବା ବେଳେ ଚାଷୀଙ୍କ ପାଇଁ ଉଦ୍ଦିଷ୍ଟ ଏହି ଯୋଜନାରେ ଠିକ୍‌ ଜାଗା ଚିହ୍ନଟ ହୋଇପାରୁ ନ ଥିବା ଚାଷୀମାନେ ଅଭିଯୋଗ କରୁଛନ୍ତି। ଅନୁଗୋଳ ବ୍ଲକ ବନ୍ତଳା ପଞ୍ଚାୟତର ସାପ୍ତାହିକ ହାଟ ନିକଟରେ ଗୋଷ୍ଠୀ ଖଳା ନିର୍ମାଣ କରାଯାଇଥିବାରୁ ଏହାକୁ ନେଇ ଚାଷୀମାନେ ଅସନ୍ତୋଷ ବ୍ୟକ୍ତ କରିଛନ୍ତି। ଏହା ଚାଷୀଙ୍କ କାର୍ଯ୍ୟରେ ଲାଗିପାରୁ ନ ଥିବା ସେମାନେ କହିଛନ୍ତି। ବନ୍ତଳା ଗଁାର ଗିରୀଶ ପ୍ରଧାନ, ଅନିଲ ସାହୁ କୁହନ୍ତି, ପ୍ରକୃତ କ୍ଷେତ୍ରରେ ଯେଉଁଠି ଚାଷ ଜମି ରହିଛି ସେଠାରେ ଖଳା ନିର୍ମାଣ କରାଯାଉ ନାହିଁ। ଯେଉଁଠାରେ ଖଳାର କୌଣସି ଆବଶ୍ୟକତା ନାହିଁ, ସେଠାରେ ଖଳା କରାଯାଇଛି। ଏଥିଯୋଗୁ ଚାଷୀମାନେ ହଇରାଣ ହେଉଛନ୍ତି। ଏ ନେଇ ଜିଲାପାଳଙ୍କ ନିକଟରେ ଅଭିଯୋଗ କରାଯାଇଥିଲେ ମଧ୍ୟ କୌଣସି ପଦକ୍ଷେପ ନିଆଯାଇ ନାହିଁ। ସେହିପରି ଅନୁଗୋଳ-ଟିକରପଡ଼ା ପୂର୍ତ୍ତ ବିଭାଗ ରାସ୍ତାର ଶଙ୍ଖପୁର ଗଁା ନିକଟରେ କେତେଜଣ ଚାଷୀ ରାସ୍ତା ଉପରେ ବେଙ୍ଗଳା ପକାଉଥିବା ଦେଖାଯାଇଛି। ଏପରି କାର୍ଯ୍ୟ ସେମାନଙ୍କ ପାଇଁ ସୁବିଧାଜନକ ହୋଇଥିଲେ ବି ବାଇକ୍‌ ଆରୋହୀଙ୍କ ପାଇଁ ଏହା ଦୁର୍ଘଟଣାର ଆଶଙ୍କା ସୃଷ୍ଟି କରୁଥିବା କୁହାଯାଉଛି। ଏ ସମ୍ପର୍କରେ ବନ୍ତଳା ଥାନା ଆଇଆଇସି ସବ୍ୟସାଚୀ ରାଉତ କୁହନ୍ତି, ରାସ୍ତାରେ ଧାନ ଗଦାଇ ବେଙ୍ଗଳା ପକାଉଥିବା ବ୍ୟକ୍ତିମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ। ସମସ୍ୟା ସମ୍ପର୍କରେ ଜିଲା ନିୟନ୍ତ୍ରିତ ବଜାର କମିଟି ସମ୍ପାଦକ ସନ୍ତୋଷ ପ୍ରଧାନ କୁହନ୍ତି, ନୂଆ କରି ଗୋଷ୍ଠୀଖଳା ନିର୍ମାଣ କରାଯାଇଥିବାରୁ ଚାଷୀମାନେ ସଚେତନ ହୋଇନାହାନ୍ତି। କେତେକ ଜାଗାରେ ରାଜନୈତିକ କନ୍ଦଳ କାରଣରୁ ଗୋଷ୍ଠୀଖଳା ନିର୍ମାଣ ବନ୍ଦ ହେଉଛି, ଠିକ୍‌ ଜାଗା ମଧ୍ୟ ମିଳୁନାହିଁ। ଜିଲା କୃଷି ଉପ ନିର୍ଦ୍ଦେଶକ ସୁବାସ ଚନ୍ଦ୍ର ବିଶ୍ୱାଳ କୁହନ୍ତି, ୪ଟି ବ୍ଲକରେ ଖଳା କାର୍ଯ୍ୟ ଚାଲିଥିବା ବେଳେ ୨ଟି ବ୍ଲକରେ ନିର୍ମାଣ ପାଇଁ ପ୍ରସ୍ତାବ ଅନୁମୋଦନ ହୋଇଛି।
All Right Reserved By

ଅନଗୁଳ-ଢେଙ୍କାନାଳ

ମାର୍କେଟ କମ୍ପେକ୍ସ ଉଦ୍‌ଘାଟିତ

ମାର୍କେଟ କମ୍ପେକ୍ସ ଉଦ୍‌ଘାଟିତ

ବଇଣ୍ଡା,୧୮।୧୨(ଡି.ଏନ.ଏ.)- ଆଠମଲ୍ଲିକ ବ୍ଲକ ସାପଘରା ପଞ୍ଚାୟତଠାରେ ନିର୍ମାଣ  ହୋଇଥିବା ନୂତନ ମାର୍କେଟ କମ୍ପେକ୍ସ  ମଙ୍ଗଳବାର ଉଦ୍‌ଘାଟିତ ହୋଇଯାଇଛି। 

ପେଥାଇ ଆଣିଲା ଦୁଃଖ:  ଧାନ ଜମିରେ ଆଣ୍ଠୁଏ ପାଣି

ପେଥାଇ ଆଣିଲା ଦୁଃଖ: ଧାନ ଜମିରେ ଆଣ୍ଠୁଏ ପାଣି


କାମାକ୍ଷାନଗର, ୧୮।୧୨(ଡି.ଏନ୍‌.ଏ.)-ଘୂର୍ଣ୍ଣିଝଡ଼ ‘ପେଥାଇ’ ଢେଙ୍କାନାଳ ଜିଲା କଙ୍କଡ଼ାହାଡ଼ ବ୍ଲକର ଚାଷୀଙ୍କ ପାଇଁ ଦୁଃଖ ଆସିଛି। ଅଦିନିଆ ବର୍ଷାରେ ନଷ୍ଟ ହୋଇଯାଇଛି ହଜାର ହଜାର ଏକର ଜମିର ଧାନ ଚାଷ। ଆଣ୍ଠୁଏ ପାଣିରେ ବୁଡ଼ିରହିଛି ପାଚିଲା ଧାନ। ଅମଳବେଳକୁ ଏପରି ଦୁର୍ଦ୍ଦଶା ଚାଷୀଙ୍କ ମେରୁଦଣ୍ଡ ଦୋହଲାଇଦେଇଛି।

 ବିଦ୍ୟୁତ୍‌ ସଂସ୍ପର୍ଶରେ ଆସି ଶ୍ରମିକଙ୍କ ମୃତ୍ୟୁ ଘଟଣା:   କ୍ଷତିପୂରଣ ଦାବିରେ ଗ୍ରାମବାସୀଙ୍କ ଆନ୍ଦୋଳନ

ବିଦ୍ୟୁତ୍‌ ସଂସ୍ପର୍ଶରେ ଆସି ଶ୍ରମିକଙ୍କ ମୃତ୍ୟୁ ଘଟଣା: କ୍ଷତିପୂରଣ ଦାବିରେ ଗ୍ରାମବାସୀଙ୍କ ଆନ୍ଦୋଳନ

ଛେଣ୍ଡିପଦା,୧୮।୧୨(ଡି.ଏନ.ଏ.)- ମଙ୍ଗୁଳିରୁ ସମ୍ବଲପୁର ପର୍ଯ୍ୟନ୍ତ ନିର୍ମାଣଧୀନ ୫୫ ନଂ. ଜାତୀୟ ରାଜପଥ କାମରେ ନିୟୋଜିତ ଶ୍ରମିକ ଛେଣ୍ଡିପଦା ବ୍ଲକ ଜରପଡ଼ା ଅଞ୍ଚଳ ତୁକୁଡ଼ା ଗ୍ରାମର ଦୀପକ କୁମାର ସାହୁ(୧୯) ସୋମବାର ବିଦ୍ୟୁତ୍‌ ସଂସ୍ପର୍ଶରେ ଆସି ମୃତ୍ୟୁବରଣ କରିଥିଲେ। ମଙ୍ଗଳବାର ମୃତକଙ୍କ ପରିବାରକୁ କ୍ଷତିପୂରଣ ଦାବିରେ ଉକ୍ତ ରାଜପଥ ସମ୍ପ୍ରସାରଣ କାର୍ଯ୍ୟ ଦାୟିତ୍ୱ ନେଇଥିବା ଗାୟତ୍ରୀ ପ୍ରୋଜେକ୍ଟ ଲିମିଟେଡ ଠିକାସଂସ୍ଥାର ଅନୁଗୋଳ ଜିଲା ଜରପଡା ଥାନା ଲକ୍ଷ୍ମୀଧରପୁର ଗ୍ରାମ ନିକଟସ୍ଥ ଗୋବିନ୍ଦ ପାଣସାହିସ୍ଥିତ କ୍ୟାମ୍ପ ଅଫିସ ପରିସରରେ ତୁକୁଡା ଗ୍ରାମବାସୀ ଆନ୍ଦୋଳନ କରିଛନ୍ତି। 

ନାଳ ଭିତରୁ ଯୁବକଙ୍କ ମୃତଦେହ ଉଦ୍ଧାର

ନାଳ ଭିତରୁ ଯୁବକଙ୍କ ମୃତଦେହ ଉଦ୍ଧାର

କାମାକ୍ଷାନଗର,୧୮।୧୨(ଡି.ଏନ.ଏ.)- ଢେଙ୍କାନାଳ ଜିଲା କଙ୍କଡାହାଡ ଥାନା ଉର୍ବେଙ୍ଗି ନାଳ ଭିତରୁ  ମଙ୍ଗଳବାର  ବ୍ରାହ୍ମଣିଆ ଗ୍ରାମର ଶ୍ରୀକାନ୍ତ ନାୟକ(୪୦)ଙ୍କ ମୃତଦେହ ଉଦ୍ଧାର କରାଯାଇଛି।

ପାଚିଲା ଧାନ ଉପରେ ପେଥାଇ ମାଡ: ଚିନ୍ତାରେ ଚାଷୀ

ପାଚିଲା ଧାନ ଉପରେ ପେଥାଇ ମାଡ: ଚିନ୍ତାରେ ଚାଷୀ

ଛେଣ୍ଡିପଦା,୧୮।୧୨(ଡି.ଏନ.ଏ)-ଅନୁଗୋଳ ଜିଲା ଛେଣ୍ଡିପଦା ବ୍ଲକ ଅଞ୍ଚଳରେ ଦୁଇ ଦିନ ଧରି ପେଥାଇ ବାତ୍ୟା ପ୍ରଭାବରେ ଲଗାଣ ବର୍ଷା ଲାଗି ରହିଛି। ଦିନରାତି ଝିପିଝିପି ଲାଗି ରହିଛି। ଏହାଦ୍ୱାରା ସାଧାରଣ ଜୀବନ ଯାତ୍ରା ବାଧାପ୍ରାପ୍ତ ହୋଇଛି। ବିଶେଷ କରି ଏହି ବର୍ଷା ପ୍ରଭାବରେ ଚାଷୀକୁଳ କ୍ଷତିଗ୍ରସ୍ତ ହୋଇଛନ୍ତି। 

ସାଲୁଇଖମଣ ଗ୍ରାମରେ ଦନ୍ତାହାତୀ ଉପଦ୍ରବ

ସାଲୁଇଖମଣ ଗ୍ରାମରେ ଦନ୍ତାହାତୀ ଉପଦ୍ରବ

ଛେଣ୍ଡିପଦା,୧୮।୧୨(ଡି.ଏନ.ଏ)-ଛେଣ୍ଡିପଦା ପଞ୍ଚାୟତ ସାଲୁଇଖମଣ ଗ୍ରାମରେ ସୋମବାର ବିଳମ୍ବିତ ରାତିରେ ଦନ୍ତାହାତୀ ଉତ୍ପାତ କରିଥିବା ଜଣାପଡିଛି।

ସନ୍ଧ୍ୟା ୬ରୁ ସକାଳ ୬ ବିଦ୍ୟୁତ୍‌ କାଟ

ସନ୍ଧ୍ୟା ୬ରୁ ସକାଳ ୬ ବିଦ୍ୟୁତ୍‌ କାଟ

ବଇଣ୍ଡା, ୧୮।୧୨(ଡି.ଏନ.ଏ.)ସଞ୍ଜ ନଇଁବା କ୍ଷଣି ବିଦ୍ୟୁତ୍‌ କାଟ୍‌ କରିଦେଉଛି ବିଭାଗ। ଦିନେ କି ସପ୍ତାହେ ନୁହେଁ ମାସେ ହେଲାଣି ଅନ୍ଧାରରେ ହନ୍ତସନ୍ତ ହେଉଛନ୍ତି ଅନୁଗୋଳ ଜିଲା ଆଠମଲ୍ଲିକ ବ୍ଲକର ଜଙ୍ଗଲ ଅଧ୍ୟୁଷିତ ଅଞ୍ଚଳରେ ଥିବା ୫ ପଞ୍ଚାୟତବାସୀ। 

ଘର, ଜମି ବଞ୍ଚାଇବାକୁ ପ୍ରଶାସନର ଦ୍ୱାରସ୍ଥ ଶିଥିରାସାହିବାସୀ:ଜିଲାପାଳଙ୍କ ହସ୍ତକ୍ଷେପ ଲୋଡ଼ିଲେ

ଘର, ଜମି ବଞ୍ଚାଇବାକୁ ପ୍ରଶାସନର ଦ୍ୱାରସ୍ଥ ଶିଥିରାସାହିବାସୀ:ଜିଲାପାଳଙ୍କ ହସ୍ତକ୍ଷେପ ଲୋଡ଼ିଲେ

ଅନୁଗୋଳ ଅଫିସ, ୧୮।୧୨ଅନୁଗୋଳ ପଞ୍ଚମହଲାରେ ଥିବା ଶିଥିରାସାହିର ଲୋକଙ୍କ ଜାଗା ହଡ଼ପ କରାଯାଇଥିବା ନେଇ ଅଞ୍ଚଳବାସୀ ସୋମବାର ଜିଲାପାଳଙ୍କ ସହଯୋଗ ଲୋଡ଼ିଛନ୍ତି।

ବିଦ୍ୟୁତ୍‌ ସଂସ୍ପର୍ଶରେ ହେଲ୍‌ପର ମୃତ

ବିଦ୍ୟୁତ୍‌ ସଂସ୍ପର୍ଶରେ ହେଲ୍‌ପର ମୃତ

ଓଡ଼ାପଡ଼ା, ୧୮ା୧୨(ଡି.ଏନ.ଏ.ଢେଙ୍କାନାଳ ଜିଲା ବାଲିମୀ ଥାନା ଅନ୍ତର୍ଗତ ୫୫ନଂ. ଜାତୀୟ ରାଜପଥର ନିମବାହାଳି ନିକଟ କାର୍ଯ୍ୟରତ ଏସ୍କାଭେଟର (ମାଟିଖୋଳା ମେଶିନ) ହେଲ୍‌ପର ଦୀପକ ସାହୁ (୨୩)  ଉଚ୍ଚଶକ୍ତିସମ୍ପନ୍ନ ବିଦ୍ୟୁତ୍‌ ସଂସ୍ପର୍ଶରେ ଆସି ପ୍ରାଣ ହରାଇଛନ୍ତି।

ରାସ୍ତା ମରାମତି ଦାବି:ଓଭରବ୍ରିଜ କାମ ବନ୍ଦ କଲେ ଗ୍ରାମବାସୀ

ରାସ୍ତା ମରାମତି ଦାବି:ଓଭରବ୍ରିଜ କାମ ବନ୍ଦ କଲେ ଗ୍ରାମବାସୀ

ପାଲଲହଡା,୧୮।୧୨(ଡି.ଏନ.ଏ.)ରାସ୍ତା ମରାମତି ଦାବିରେ ପାଲଲହଡା ନୋ-ଏଣ୍ଟ୍ରି ଛକଠାରେ ଏକ ଠିକାସଂସ୍ଥା ପକ୍ଷରୁ ଚାଲିଥିବା ଓଭରବ୍ରିଜ କାମକୁ ଗ୍ରାମବାସୀ ସୋମବାର ବନ୍ଦ କରିଛନ୍ତି। 

ଓଟିିପିିସିଏଲ୍‌ କାର୍ଯ୍ୟକୁ ବିରୋଧ:ମରିଚକଣରେ ଉତ୍ତେଜନା

ଓଟିିପିିସିଏଲ୍‌ କାର୍ଯ୍ୟକୁ ବିରୋଧ:ମରିଚକଣରେ ଉତ୍ତେଜନା

କାମାକ୍ଷାନଗର, ୧୮ା୧୨(ଡି.ଏନ୍‌.ଏ)ଢେଙ୍କାନାଳ ଜିଲା କାମାକ୍ଷାନଗର ବ୍ଲକ ମରିଚକଣରେ ପ୍ରସ୍ତାବିତ ଓଟିପିସିଏଲ୍‌ ପ୍ରକଳ୍ପ କାର୍ଯ୍ୟକୁ ଗ୍ରାମବାସୀ ତୀବ୍ର ବିରୋଧ କରିଛନ୍ତି। ଏହାକୁ ନେଇ ସୋମବାର ସନ୍ଧ୍ୟାରେ ଗ୍ରାମରେ ଉତ୍ତେଜନାମୂଳକ ପରିସ୍ଥିତି ସୃଷ୍ଟି ହୋଇଥିଲା।

ଯୌତୁକ ନିର୍ଯାତନା ମାମଲା: ସ୍ବାମୀଙ୍କୁ କାରାଦଣ୍ଡ

ଯୌତୁକ ନିର୍ଯାତନା ମାମଲା: ସ୍ବାମୀଙ୍କୁ କାରାଦଣ୍ଡ


ଢେଙ୍କାନାଳ ଅଫିସ, ୧୭ା୧୨-ଢେଙ୍କାନାଳ ସଦର ଥାନା ଝାରଗାଡ଼ିଆ ଫାଣ୍ଡି ସାନବଉଳପୁର ଗ୍ରାମର ସବିତା ପାତ୍ର ଯୌତୁକ ନିର୍ଯାତନା ମାମଲାର ରାୟ ସୋମବାର ପ୍ରକାଶ ପାଇଛି। ମହିଳା ଅଦାଲତ ବିଚାରପତି ଗୀତାଞ୍ଜଳି ନନ୍ଦ ଅଭିଯୁକ୍ତ ପ୍ରଫୁଲ୍ଲ ପାତ୍ରଙ୍କୁ ଦୋଷୀ ସାବ୍ୟସ୍ତ କରିବା ସହ  ୧ବର୍ଷ ୩ମାସ କାରାଦଣ୍ଡାଦେଶ ଶୁଣାଇଛନ୍ତି।