ସମ୍ପାଦକୀୟ |

ଓଡ଼ିଶା ମୁକ୍ତି ସଂଗ୍ରାମର ପ୍ରଥମ ଶହୀଦ

 ଓଡ଼ିଶା ମୁକ୍ତି ସଂଗ୍ରାମର ପ୍ରଥମ ଶହୀଦ
ସବ୍ୟସାଚୀ ଅମିତାଭ ଏଇ କିଛିଦିନ ହେଲା, ଓଡ଼ିଶା ଇତିହାସର ଅନ୍ୟତମ ଯୋଦ୍ଧା ଜୟୀ ରାଜଗୁରୁଙ୍କୁ ନେଇ ଅଯଥା ବିବାଦ ଦେଖାଦେଇଛି। ରାଜ୍ୟ ସରକାରଙ୍କ ଜଣେ ବରିଷ୍ଠ ମନ୍ତ୍ରୀ ଜୟୀ ରାଜଗୁରୁ ସ୍ବାଧୀନତା ସଂଗ୍ରାମୀ ନୁହନ୍ତି ବୋଲି କହି ବିବାଦଟିକୁ ଭିଆଇଛନ୍ତି। ଇତିହାସ କ’ଣ କହୁଛି ତାହା ପର କଥା। ହେଲେ ସତ ହେଉଛି ଜୟୀ ରାଜଗୁରୁ ହେଉଛନ୍ତି ଓଡିଆ ଅସ୍ମିତା ଓ ବୀରତାର ଜଣେ କିମ୍ବଦନ୍ତୀ ପୁରୁଷ। ତାଙ୍କର ନିଡରପଣ ଯୁଗେ ଯୁଗେ ତାଙ୍କୁ କୋଟି କୋଟି ଓଡିଆଙ୍କ ପ୍ରାଣରେ ଉଜ୍ଜୀବିତ ରଖିଛି, ଆଉ ରଖିଥିବ। ଇତିହାସର ପୃଷ୍ଠା ଓଲଟାଇଲେ ଜଣାପଡେ, ୧୮୦୩ ମସିହାରେ ଓଡିଶାକୁ ଅଧିକାର କରିଥିଲେ ବ୍ରିଟିଶ ଶାସକ। ଇଂରେଜ ଶାସକଙ୍କ ଜୁଲମରେ ଅତିଷ୍ଠ ହୋଇପଡିଥିଲେ ସାଧାରଣ ଲୋକେ। ସେମାନଙ୍କ ଅନ୍ୟାୟ, ଅତ୍ୟାଚାର ଓ ଶୋଷଣ ବିରୋଧରେ ଜନଅସନ୍ତୋଷ ବଢିଥିଲା ଆଉ ଚାରିଆଡେ ବିଦ୍ରୋହର ନିଆଁ ଜଳିଥିଲା। ଇଂରେଜ ଫୌଜଙ୍କ ସହ ଲଢି ମାଟିମାଆ ପାଇଁ ପ୍ରାଣବଳି ଦେଇଥିବା ଓଡିଆ ବୀରଙ୍କ ଭିତରେ ଅନ୍ୟତମ ହେଉଛନ୍ତି ଖୋର୍ଦ୍ଧାର ଜୟୀ ରାଜଗୁରୁ। ପୁରୀ ହରେକୃଷ୍ଣପୁର ଶାସନରେ ତାଙ୍କର ଜନ୍ମ ୧୭୩୯ ଅକ୍ଟୋବର ୨୯ରେ। ପୂରା ନାଁ ଜୟକୃଷ୍ଣ ରାଜଗୁରୁ। ଜୟୀଙ୍କ ବାପା ଓ ବଂଶଧରମାନେ ଖୋର୍ଦ୍ଧା ରାଜାଙ୍କର ରାଜଗୁରୁ ଥିଲେ। ଇତିିହାସରୁ ଜଣାପଡେ, ରାଜଗୁରୁ ଧର୍ମଶାସ୍ତ୍ର ଓ ନୀତିଶାସ୍ତ୍ରରେ ବେଶ୍‌ ପ୍ରବୀଣ ଥିଲେ, ଆଉ ହଜାର ହଜାର ଶ୍ଲୋକକୁ ଅତି ସହଜରେ ବ୍ୟାଖ୍ୟା କରିପାରୁଥିଲେ। ଅସାଧାରଣ ପାଣ୍ଡିତ୍ୟ ସହ ଜୟୀ ରାଜଗୁରୁ ଥିଲେ ଜଣେ ସୁଦକ୍ଷ ଯୋଦ୍ଧା। ଇଂରେଜମାନେ ବାଲେଶ୍ୱର ଓ ଗଞ୍ଜାମକୁ ନିଜ ଅଧୀନକୁ ନେବା ପରେ କଟକର ବାରବାଟୀ ଦୁର୍ଗକୁ ଦଖଲ କରିଥିଲେ। ଏହାପରେ ସେମାନଙ୍କ ଆଖି ପଡିଥିଲା ଖୋର୍ଦ୍ଧାଗଡ ଉପରେ। ସେତେବେଳେ ଖୋର୍ଦ୍ଧାର ରାଜା ଥାଆନ୍ତି ଦ୍ୱିତୀୟ ମୁକୁନ୍ଦ ଦେବ। ମୁକୁନ୍ଦ ଦେବ ନାବାଳକ ଥିବାରୁ ତାଙ୍କ ଅଭିଭାବକ ଭାବେ କାମ କରୁଥାନ୍ତି ଜୟୀ ରାଜଗୁରୁ। ମୋଗଲ ଶାସନ କାଳରୁ ଖୋର୍ଦ୍ଧା ଥିଲା ଏକ ସ୍ବାଧୀନ ରାଜ୍ୟ। ଓଡିଶାର କେନ୍ଦ୍ର ସ୍ଥଳରେ ଏହା ଅବସ୍ଥିତ ଥିବାରୁ ଗୋରା ଶାସକମାନେ ଖୋର୍ଦ୍ଧା ଉପରେ ସାମରିକ ଅଭିଯାନ ଆରମ୍ଭ କରିବାକୁ ସ୍ଥିର କଲେ। ଇଂରେଜ ଶାସକ ହାରକୋଟ୍‌ ରାଜା ମୁକୁନ୍ଦ ଦେବଙ୍କୁ ବୁଝାମଣା ପାଇଁ ଏକ ଧମକପୂର୍ଣ୍ଣ ଚିଠି ଲେଖିଥିଲେ। ରାଜା ମୁକୁନ୍ଦ ଦେବ ଜୟୀଙ୍କ ପରାମର୍ଶ ମୁତାବକ ଇଂରେଜଙ୍କୁ ଦୁଇଟି ସର୍ତ୍ତ ପୂରଣ ପାଇଁ ପ୍ରସ୍ତାବ ଦେଲେ। ପ୍ରଥମ ସର୍ତ୍ତଟି ଥିଲା, ଖୋର୍ଦ୍ଧା ଅଧିକାର ପୂର୍ବରୁ ଇଂରେଜ ସରକାର ଗଜପତିଙ୍କୁ ଲକ୍ଷେ ଟଙ୍କା ଦେବେ ଏବଂ ଦ୍ୱିତୀୟରେ ମରହଟ୍ଟା ଅମଳରେ ଦଖଲ ହୋଇଥିବା ଲେମ୍ବାଇ, ସିରାଇ, ରାହାଙ୍ଗ ଓ ଚବିଶକୁଦ ନାମକ ଚାରିଗୋଟି ପ୍ରଗଣାକୁ ଫେରାଇଦେବେ। ଗୋରା ଶାସକ ହାରକୋଟ୍‌ ଚତୁରତାର ସହ ୭୦ ହଜାର ଟଙ୍କା ଖୋର୍ଦ୍ଧା ପଠାଇଥିଲେ। ହେଲେ ଜୟୀ ରାଜଗୁରୁ ଏଇ ଟଙ୍କା ରାଜାଙ୍କୁ ନ ଦେଇ ପାଇକମାନଙ୍କ ମଧ୍ୟରେ ବାଣ୍ଟିଦେଇଥିଲେ। ଜୟୀ ଜାଣିଥିଲେ, ଇଂରେଜମାନଙ୍କ ବିରୋଧରେ ଲଢିବା ପାଇଁ ପାଇକମେଳି ଦରକାର। ଖୋର୍ଦ୍ଧାରେ ପାଇକମେଳି ଶକ୍ତିିଶାଳୀ ହେବା ଯୋଗୁ ଇଂରେଜ ଶାସକଙ୍କ ନିଦ ହଜିଯାଇଥିଲା। ସେମାନେ ରାଜାଙ୍କୁ ଦୋଷ ଦେଇ ବାରମ୍ବାର ଚିଠି ଲେଖୁଥିଲେ। ଆଉ ଜୟୀ ସେମାନଙ୍କୁ ଉତ୍ତର ଦେଉଥିଲେ, ବାକି ୩୦ ହଜାର ଟଙ୍କା ଶୀଘ୍ର ଦିଅ ଓ ଚାରୋଟି ପ୍ରଗଣା ଫେରାଅ। ଜୟୀ ରାଜଗୁରୁ ଓ ପାଇକମେଳିକୁ ଧ୍ୱଂସ କରିବା ପାଇଁ ଗୋରା ସାହେବମାନେ ପ୍ରସ୍ତୁତ କରିଥିଲେ ଯୋଜନା। ପାଇକ ଆଖଡା ସବୁ ବନ୍ଦ କରିଦିଆଗଲା। ପାଇକମାନଙ୍କ ଉପରେ ବିଭିନ୍ନ କର ବସାଗଲା। ତଥାପି ପାଇକ ବୀରମାନେ ହଟି ନ ଥିଲେ। ବ୍ରିଟିଶ ଶାସକଙ୍କ ବିରୋଧରେ ବିଦ୍ରୋହର ନିଆଁ ବ୍ୟାପିଥିଲା ଆଳି, କନିକା, କୁଜଙ୍ଗ, ଘୁମୁସର, ଆଠଗଡ ଆଦି ଅଞ୍ଚଳକୁ। ମାନ୍ଦ୍ରାଜ ଓ କଲିକତାରୁ ଫୋର୍ସ ମଗାଇ ୧୮୦୪ ନଭେମ୍ବର ୨୨ରେ ଖୋର୍ଦ୍ଧାଗଡକୁ ଆକ୍ରମଣ କଲେ ଇଂରେଜ। ହେଲେ କିଛି ଲୋକ ବିଶ୍ୱାସଘାତକତା କରିବାରୁ ଶେଷରେ ଧରାପଡିଲେ ଜୟୀ ରାଜଗୁରୁ ଓ ସହଯୋଗୀ ଦିଗମ୍ବର ଭୂୟାଁ। ବରୁଣେଇ ଗଡର ପତନ ହେଲା। ଜୟୀ ରାଜଗୁରୁ ନିଜ ଭୁଲ୍‌ ମାନିବା ପ୍ରସ୍ତାବରେ ରାଜି ନ ହେବାରୁ ଇଂରେଜମାନେ ତାଙ୍କୁ ମେଦିନୀପୁର ବାଘି ତୋଟାକୁ ନେଇଥିଲେ, ଆଉ ୧୮୦୬ ଡିସେମ୍ବର ୬ ତାରିଖରେ ନୃଶଂସ ଭାବେ ହତ୍ୟା କରିଥିଲେ। ଗୋଟିଏ ବରଗଛର ଦୁଇଟି ଡାଳ ଟାଣି ତାଙ୍କର ଦୁଇଗୋଡ ବାନ୍ଧି ଡାଳ ଦୁଇଟିକୁ ଛାଡି ଦେଇଥିଲେ। ଯାହା ରାଜଗୁରୁଙ୍କର ଶରୀରକୁ ନିମିଷକ ମଧ୍ୟରେ ଦୁଇଫାଳ କରିଦେଇଥିଲା। ଜଟାଧାରୀ ମିଶ୍ରଙ୍କ ଓଡିଶାର ପ୍ରଥମ ଶହୀଦ ଜୟୀ ରାଜଗୁରୁ ହେଉ ଅବା କାର୍ତ୍ତିକ ଦାଶଙ୍କ ରକ୍ତତୀର୍ଥ ଓଡିଶା ଅବା Orissan Records, Vol.II, W. Trower to J.P. Ward, ଇତିହାସକୁ ସାଉଁଟିବାକୁ ଚେଷ୍ଟା କରିଥିବା ପ୍ରତିଟି ଦଲିଲରେ ଜୟୀ ରାଜଗୁରୁ ଜଣେ ଯୋଦ୍ଧା, ସାହସୀ ଓ ବୀର ଓଡିଆ। ପ୍ରସିଦ୍ଧ ଐତିହାସିକ ବି.ସି. ରାୟଙ୍କ ତଥ୍ୟରୁ ବି ଏଇ ପ୍ରମାଣ ମିଳିସାରିଛି। ତେବେ ୧୮୦୪ ଜୟୀ ରାଜଗୁରୁଙ୍କ ସଂଗ୍ରାମ ନା ୧୮୧୭ ବକ୍ସି ଜଗବନ୍ଧୁଙ୍କ ଲଢେଇ, କେଉଁଟି ଗୋରା ଶାସକଙ୍କ ବିରୋଧରେ ପ୍ରଥମ ଲଢେଇ, ଏନେଇ ଯେଉଁମାନେ ଏବେ ପ୍ରଶ୍ନ ଉଠାଉଛନ୍ତି, ସେମାନେ ଭୁଲିଯାଉଛନ୍ତି, ଉଭୟ ବୀର ଜୟୀ ରାଜଗୁରୁ ଓ ବକ୍ସି ଜଗବନ୍ଧୁ ଓଡିଆ ଅସ୍ମିତା ପାଇଁ ଲଢିଛନ୍ତି ଆଉ ଶହୀଦ ହୋଇଛନ୍ତି। ସେମାନଙ୍କ ବୀରତ୍ୱ କାହାଣୀ ଯୁଗେ ଯୁଗେ ଅମର, ଏହାକୁ ନେଇ ରାଜନୀତି ନ ହେଉ। ଯଥାର୍ଥରେ ଜୟୀ ରାଜଗୁରୁଙ୍କ ପାଇଁ କେଉଁ ଜଣେ କବି କହିଥିଲେ, ”କୁଆଡେ ବହି ଯାଉଛି କାଳ ଗଲାଣି କଟି କେତେଶ ସାଲ, ରହିଛି ଏବେ କଥା,ଜଇଆ ପଛେ ଜୀବନ ଦେଲା ନୁଆଁଇ ନାଇଁ ମଥା।...“ (ଜୟୀ ରାଜଗୁରୁଙ୍କ ଶହୀଦ ଦିବସ ଉପଲକ୍ଷେ) ଭୁବନେଶ୍ୱର, ମୋ-୯୪୩୮୨୯୬୫୧୯
All Right Reserved By

ସମ୍ପାଦକୀୟ |

ସମ୍ପାଦକୀୟ/ ଚୋକ୍‌ସିଙ୍କ ପଥ

ସମ୍ପାଦକୀୟ/ ଚୋକ୍‌ସିଙ୍କ ପଥ

ପଞ୍ଜାବ ନ୍ୟାଶନାଲ ବ୍ୟାଙ୍କ (ପିଏନ୍‌ବି) ସ୍କାମ୍‌ ପ୍ରାୟ ବର୍ଷେ ପୂରଣ କରିବାକୁ ଯାଉଛି। ଇତିମଧ୍ୟରେ ଏହାର ମୁଖ୍ୟ ଅଭିଯୁକ୍ତ ହୀରା ବ୍ୟବସାୟୀ ନୀରବ ମୋଦି ଓ ତାଙ୍କ ମାମୁ ମେହୁଲ ଚୋକ୍‌ସିଙ୍କୁ ଭାରତ ପ୍ରତ୍ୟର୍ପଣ କରାଯାଇପାରିଲା ନାହିଁ। ଚୋକ୍‌ସି ଆଣ୍ଟିଗୁଆ ନାଗରିକତ୍ୱ ଗ୍ରହଣ କରିସାରିଥିବାରୁ ୨୦୧୯ ଜାନୁୟାରୀ ୨୧ରେ ଭାରତୀୟ ପାସ୍‌ପୋର୍ଟ ସମର୍ପଣ କରିଦେଇଛନ୍ତି। ଭାରତୀୟ ବୈଦେଶିକ ନୀତି ଅନୁଯାୟୀ, ଯେତେବେଳେ ଜଣେ ନାଗରିକ ଅନ୍ୟ ଦେଶର ..

ଆଚାରରେ ସକାରାତ୍ମକତା ପ୍ରକାଶର ସୁଯୋଗ

ଆଚାରରେ ସକାରାତ୍ମକତା ପ୍ରକାଶର ସୁଯୋଗ

ତତ୍ତ୍ୱ ଓ ତର୍କ/ ବିମଳ ପ୍ରସାଦ ପାଣ୍ଡିଆ

୨୦୧୯ ବର୍ଷର ଶେଷ ‘ମନ୍‌ କି ବାତ୍‌’ରେ ପ୍ରଧାନମନ୍ତ୍ରୀ ମୋଦି କହିଥିଲେ ଯେ, ନକାରାତ୍ମକତାର ପ୍ରସାର କରିବା ଅତି ସହଜ କିନ୍ତୁ ଲୋକେ ସକାରାତ୍ମକତାର ପ୍ରସାର ପାଇଁ ଆଗେଇ ଆସିବା ଦରକାର। ପ୍ରଧାନମନ୍ତ୍ରୀଙ୍କ ଭଳି ନେତୃସ୍ଥାନୀୟ ବ୍ୟକ୍ତି ଏଭଳି ସକାରାତ୍ମକତାର ବିଚାର ଦେବା ଅନେକ ଆଶା ଉଦ୍ରେକ କରାଏ। ଏହି ନିର୍ବାଚନୀ ଋତୁରେ ପ୍ରଧାନମନ୍ତ୍ରୀ ‘ମନ୍‌ କି ବାତ୍‌’ରେ ରଖିଥିବା ବିଚାରକୁ ନିଜ ଆଚାରରେ ପରିଣତ କରିପାରିଲେ ତାହା ସକାରାତ୍ମକତାର ଉଦାହରଣ ସୃଷ୍ଟିକରିବ। ନିଜ ବିଚାରକୁ ଆଚାରରେ ପରିଣତ କରି ବିରୋଧୀଙ୍କୁ ଟାହିଟାପରା କରିବାର ପ୍ରବୃତ୍ତିରୁ ନିଜକୁ ଦୂରେଇ ବା ବିରୋ..

ସଶସ୍ତ୍ର ମୁକ୍ତି ସଂଗ୍ରାମର ମହାନାୟକ

ସଶସ୍ତ୍ର ମୁକ୍ତି ସଂଗ୍ରାମର ମହାନାୟକ

ଡ. ପ୍ରଫୁଲ୍ଲ କୁମାର ସାହୁ

ଉଚ୍ଚଶିକ୍ଷିତ ଭାରତୀୟଙ୍କ ପକ୍ଷରେ ଯେତେବେଳେ ଆଇସିଏସ୍‌ ଚାକିରି ଥିଲା ଶ୍ରେଷ୍ଠ ସଫଳତା, ସେତେବେଳେ ସୁଭାଷ ବୋଷ ଥିଲେ ପ୍ରଥମ ଭାରତୀୟ, ଯିଏ ଆଇସିଏସ୍‌ ପରୀକ୍ଷାରେ ସଫଳତା ଅର୍ଜନ କରି ମଧ୍ୟ ତାହାକୁ ପାଦରେ ଏଡ଼େଇ ଦେଇ କେମ୍ବ୍ରିଜ୍‌ରୁ ସ୍ବଦେଶ ଫେରି ଆସିଥିଲେ ଦେଶମାତୃକାକୁ ସ୍ବାଧୀନ କରିବାର ଦୃଢ଼ ସଂକଳ୍ପ ନେଇ। ସିଧାସଳଖ ବମ୍ବେରେ ମହାମତ୍ା ଗାନ୍ଧୀଙ୍କୁ ସାକ୍ଷାତ କରି (୨୦ଜୁଲାଇ ୧୯୨୧) ସେ କଂଗ୍ରେସରେ ଯୋଗଦେଲେ ଏବଂ..

ଏଇ ଭାରତରେ

ଏଇ ଭାରତରେ

ଦେଶର ବିଭିନ୍ନ ରାଜ୍ୟରେ ବିବାହକୁ ନେଇ ରହିଛି ଭିନ୍ନ ଭିନ୍ନ ପରମ୍ପରା। ବିବାହ ବେଳେ କନ୍ୟା ଓ ବର ଅଗ୍ନିକୁ ସାକ୍ଷୀ ରଖି ସାରା ଜୀବନ ଲାଗି ସାଥୀ ହୋଇଥାଆନ୍ତି। ତେବେ ରାଜସ୍ଥାନର ଶ୍ରୀମାଲୀ ସମ୍ପ୍ରଦାୟରେ ଏକ ଭିନ୍ନ ପରମ୍ପରା ଦେଖିବାକୁ ମିଳେ। ବିଭାଘର ବେଳେ ବର କନ୍ୟାକୁ କୋଳରେ ଧରି ଅଗ୍ନି ଚାରିପାଖରେ ସାତଥର ପ୍ରଦକ୍ଷିଣ କରିଥାଆନ୍ତି। ପୁରାଣରେ ଉଲ୍ଲେଖ ରହିଛି ପ୍ରଭୁ ଶ୍ରୀକୃଷ୍ଣ ରୁକ୍ମିଣୀଙ୍କୁ ବିବାହ କରିବା ସମୟରେ ବିଘ୍ନ ..

ସମ୍ପାଦକୀୟ/କୃଷି ଆଗ

ସମ୍ପାଦକୀୟ/କୃଷି ଆଗ

ଆଜିର ସ୍ଥିତି ଦେଖିଲେ ୨୦୧୪ରେ କ୍ଷମତାକୁ ଆସିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ଦେଇଥିବା ପ୍ରତିଶ୍ରୁତି ଆଦୌ ପୂରଣ କରିନାହାନ୍ତି। ଉଚ୍ଚାଙ୍ଗ ସ୍ବରରେ ‘ସମସ୍ତଙ୍କୁ ସାଙ୍ଗରେ ନେଇ ବିକାଶ’ କଥା କହୁଥିଲେ ମଧ୍ୟ ତା’ର ଫଳ ଶୂନ ହୋଇଛି। ବିଶେଷକରି ସାମାଜିକ ଓ ଅର୍ଥନୈତିକ ଦିଗରୁ ତାଙ୍କ ଶାସନ ସମୟରେ ଦେଶର ଅଧିକ କ୍ଷତି ଘଟିଛି। ଅସହିଷ୍ଣୁତା, ମିଛିମିଛିକା ଦେଶପ୍ରେମ ଓ ବିଭାଜନ ରାଜନୀତି ସାମାଜିକ ବାତାବରଣକୁ ଘୋର ପ୍ରଭାବିତ କରିଛି। ଏକ ଉତ୍ତମ ଶାସନ ଜରିଆରେ ଭାରତୀୟ ଅର୍ଥନୀତିକୁ ନୂଆ ଦିଗ ଦେଖାଇଦିଆଯିବ ବୋଲି କୁହାଯାଇଥିଲେ ମଧ୍ୟ ତା’ର ସୁଫଳ ଲୋକେ ପାଇପାରିନାହାନ୍ତି। ଏହା ଜଣାଶୁଣା ଯେ, ମୋଦିଙ୍କ ଶାସନ ସମୟରେ କର୍ପୋରେଟ ପ୍ରୀତି ବଢ଼ିଛି..

କ୍ଷୁଧା ଓ କୁପୁଷ୍ଟି: ସୁଶାସନ ହିଁ ସମାଧାନ

କ୍ଷୁଧା ଓ କୁପୁଷ୍ଟି: ସୁଶାସନ ହିଁ ସମାଧାନ

ସହଦେବ ସାହୁ

ଜାତିସଂଘର ଖାଦ୍ୟ ଓ କୃଷି ସଂସ୍ଥା (ଏଫ୍‌ଏଓ) ସହିତ କାର୍ଯ୍ୟ କରୁଥିବା କ୍ଷୁଧା ଓ କୁପୁଷ୍ଟି ବିରୋଧୀ ଅନ୍ତର୍ଜାତୀୟ ସଂଗୋଷ୍ଠୀ (ଇଣ୍ଟରନ୍ୟାଶନାଲ ଆଲାଏନ୍ସ ଏଗେଁଷ୍ଟ ହଙ୍ଗର ଆଣ୍ଡ ମାଲନ୍ୟୁଟ୍ରିଶନ୍‌) କୃଷି କ୍ଷେତ୍ରରେ ଭାରତର ଅଭୂତପୂର୍ବ ବିକାଶକୁ ପ୍ରଶଂସା କରିଛି। ୧୯୫୦-୫୧ରେ ଭାରତରେ ଖାଦ୍ୟଶସ୍ୟ ଉପତ୍ାଦନ ପରିମାଣ ୫ କୋଟି ଟନ୍‌ ଥିବାବେଳେ ୨୦୧୬-୧୭ରେ ୨୭ କୋଟି ୨୦ ଲକ୍ଷ ଟନ୍‌ ହୋଇଛି, ପ୍ରାୟ ୫ଗୁଣ। ଲୋକସଂଖ୍ୟା ବଢ଼ିଛି ୪ ଗୁଣ। ତେଣୁ ଖାଦ୍ୟ-ଅଭାବୀ ପରିସ୍ଥିତିକୁ ପଛରେ ପକାଇ ଭାରତ ଏକ ଖାଦ୍ୟ ରପ୍ତାନିକାରୀ ରାଷ୍ଟ୍ର ହୋଇଗଲାଣି। ତଥାପି ଭାରତରେ କ୍ଷୁଧା ଓ କୁପୁଷ୍ଟି କାରଣରୁ ଏକଚତୁର୍ଥାଂଶ ଲୋକ କାର୍ଯ୍ୟକ୍ଷମ ହୋଇପାରୁ ନାହା..

ଆଜିର ଶିକ୍ଷା ଓ ପ୍ରାଚୀନ ସଂସ୍କୃତି

ଆଜିର ଶିକ୍ଷା ଓ ପ୍ରାଚୀନ ସଂସ୍କୃତି

ବ୍ରହ୍ମାନନ୍ଦ ପଣ୍ଡା

ଆଜିକାଲି ଭାରତୀୟ ଶିକ୍ଷା ବ୍ୟବସ୍ଥାର ଏଭଳି ଅଧୋଗତି ହୋଇଛି ଯେ, ପ୍ରାୟ ୬୦% ମାଧ୍ୟମିକ ଛାତ୍ରୀଛାତ୍ର ଦରଖାସ୍ତଟିଏ ଲେଖିବାକୁ ବା ସାଧାରଣ ହିସାବଟିଏ କରିବାକୁ ଅସମର୍ଥ। ଭାରତର ୭୫% ଯାନ୍ତ୍ରିକ ଓ କାରିଗରି ଶିକ୍ଷାପ୍ରାପ୍ତ ସ୍ନାତକ ଚାକିରି ପାଇବାକୁ ଅଯୋଗ୍ୟ ବୋଲି ନିକଟ ଅତୀତରେ ପ୍ରକାଶ ପାଇଥିବା ତଥ୍ୟ ସାରା ଭାରତରେ ଆଲୋଡ଼ନ ସୃଷ୍ଟି କରିଥିଲା। ଖାଲି ସେତିକି ନୁହେଁ ଛାତ୍ରସମାଜର ଆଜି ନୈତିକ ସ୍ଖଳନ ଘଟିଛି। ଭାରତୀୟ ସଂସ୍କୃତିର ଅବକ୍ଷୟ ହେଉଛି। ମାନବିକ ମୂଲ୍ୟବୋଧ ଲୋପ ପାଉଛି। ଆଜିର ଶିକ୍ଷା ବ୍ୟୟବହୁଳ ଏବଂ ଚାକିରିସର୍ବସ୍ବ ହୋଇଛି। ଜ୍ଞାନ ଓ ଗବେଷଣା ଅର୍ଥସର୍ବସ୍ବ ହୋଇଛି। ସମାଜସେବା ପ୍ରଚାରସର୍ବସ୍ବ ହୋଇଛି। ଯଦି ସ୍ନାତକ ଓ ସ୍ନାତକୋତ୍ତର ଛାତ୍ରୀଛାତ୍ର ପିଅନ ..

ଏଇ ଭାରତରେ

ଏଇ ଭାରତରେ

କାହିଁ କେଉଁ ଆଦିମ କାଳରୁ କୁକୁର ହେଉଛି ମଣିଷର ସାଥୀ। ଏହି ପ୍ରାଣୀ ମଣିଷର ଅତ୍ୟନ୍ତ ବିଶ୍ୱସ୍ତ ଭୃତ୍ୟ ଭାବରେ କାର୍ଯ୍ୟ କରେ। ଏପରି କି ମାଲିକର ଲୁଣ ଖାଇବାରୁ ତା’ର ଗୁଣ ଗାଏ। ମାଲିକର ଜୀବନ ବଞ୍ଚାଇବାକୁ ଯାଇ ଦରକାର ପଡ଼ିଲେ ନିଜ ଜୀବନ ହାରିଦିଏ। ଏପରି ଏକ ଘଟଣା ଘଟିଛି ଜୟପୁରରେ। ରାଜସ୍ଥାନର ଜୟପୁରରେ ବାସ କରୁଥିବା ପୂର୍ବତନ ରଣଜୀ ଖେଳାଳି ସଞ୍ଜୀବ ଓହଲାନ୍‌ଙ୍କ ବାସଭବନରେ ନିଆଁ ଲାଗିଯାଇଥିଲା। ତଳ ମହଲାରେ ତାଙ୍କ ସ୍ତ୍ରୀ, ପୁଅ ଓ ଚାକରକୁ ଉଦ୍ଧାର କରାଯାଇଥିଲେ ମଧ୍ୟ ନିଆଁ ଲାଗିବା ଯୋଗୁ ସଞ୍ଜୀବ..

ମୋଦି: ସବୁଥିରେ ଆଙ୍ଗୁଠି

ମୋଦି: ସବୁଥିରେ ଆଙ୍ଗୁଠି

ସ।ଧାରଣ ନିର୍ବାଚନ ଯେତେ ନିକଟତର ହେଉଛି, ରାଜନୈତିକ ଉଷ୍ମତା ସେତେ ବଢ଼ିବାରେ ଲାଗିଲାଣି। ଜାନୁୟାରୀ ୧୯ରେ କୋଲକାତାରେ  ବିରୋଧୀଙ୍କ ରାଲିର କଳେବର ଦେଖିଲେ ମହାଗଠବନ୍ଧନ ଶକ୍ତିଶାଳୀ ହେଉଥିବା ମନେହେଉଛି। 

ସବୁଜ ପରିବହନ ବ୍ୟବସ୍ଥା

ସବୁଜ ପରିବହନ ବ୍ୟବସ୍ଥା

 ବିଶ୍ୱ ସ୍ବାସ୍ଥ୍ୟ ସଂସ୍ଥାର ଏକ ରିପୋର୍ଟରୁ ଜଣାଯାଏ ଯେ, ଭାରତରେ ଅଧିକାଂଶ ସହର ବାୟୁ ପ୍ରଦୂଷଣ ଦ୍ୱାରା ଆକ୍ରାନ୍ତ। ଏପରି କି ପୃଥିବୀର ସବୁଠାରୁ ଅଧିକ ପନ୍ଦରଟି ସହର ମଧ୍ୟରେ ଭାରତର ଚଉଦଟି ସହର ଅଛି। ସବୁଠାରୁ ପ୍ରଦୂଷିତ ସହର ହେଉଛି କାନପୁର। 

ବାସିପାଣିରେ ପଚରା

ବାସିପାଣିରେ ପଚରା

ହଇରେ ମୋତେ କ’ଣ ଆଉ ବାସିପାଣିରେ ପଚାରୁନୁ? ଚିହ୍ନା ଲୋକଟିଏ, ଆପଣାର ମଣିଷଟିଏ ଆମକୁ ପୂର୍ବାପେକ୍ଷା ହତାଦର କରିବାର ଅନୁଭବ କଲେ ଆମେ ଏ ରୂଢିଟିର ପ୍ରୟୋଗ କରିଥାଉ! ଏଠାରେ ବାସିପାଣିକୁ ନିକୃଷ୍ଟ ଅର୍ଥରେ ବ୍ୟବହାର କରାଯାଇଛି। ନଚେତ୍‌ ଆମେ କହୁଥାନ୍ତେ- ହଇରେ ମୋତେ କ’ଣ ଆଉ ସଜପାଣିରେ ପଚାରୁନୁ? ନଚେତ୍‌ କହିଥାନ୍ତେ- କିରେ ମୋତେ କ’ଣ ଆଉ ମଦପାଣିରେ ପଚାରୁନୁ? ମାନେ ବାସିପାଣିଟି ପଚାରିବା ବା ବନ୍ଧୁ ଚର୍ଚ୍ଚା କରିବା ଯୋଗ୍ୟ ନୁହେଁ।

ଏଇ ଭାରତରେ

ଏଇ ଭାରତରେ

ଭଲ ପାଇବାର ହୃଦୟଟିଏ ଥିଲେ କେତେକ ପୁରୁଷ ଓ ମହିଳା ଅତିକ୍ରାନ୍ତ ବୟସରେ ବି ଭଲପାଇ ବସନ୍ତି। ତେବେ ଭଲ ପାଇବା ପାଇଁ ଜଣେ ବିବାହିତା ମହିଳା ଏକ ଅଭିନବ ପନ୍ଥା ଆପଣାଇଥିଲେ।