ବାଣିଜ୍ୟ |

ସୁଧ ହାର ଅପରିବର୍ତ୍ତିତ

 ସୁଧ ହାର ଅପରିବର୍ତ୍ତିତ
ବମ୍ବେ,୬-୧୨(ପି.ଟି.) ମୁଦ୍ରାସ୍ଫୀତିକୁ ଆଖି ଆଗରେ ରଖି ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ) ବୁଧବାର ମୁଦ୍ରାନୀତି ସମୀକ୍ଷା ବୈଠକରେ ସୁଧ ହାରକୁ ଅପରିବର୍ତ୍ତିତ ରଖିଛି। ଫଳରେ ବ୍ୟାଙ୍କଗୁଡିକ ଗୃହ ଏବଂ ଯାନ ଋଣ ସୁଧ ହାର ହ୍ରାସ କରିବା ଆଶା କ୍ଷୀଣ ହୋଇଛି। ଚଳିତ ଆର୍ଥିକବର୍ଷର ଦ୍ୱିତୀୟାର୍ଦ୍ଧ ପାଇଁ ଏହା ମୁଦ୍ରାସ୍ଫୀତି ଆକଳନକୁ ୪.୩%ରୁ ୪.୭%କୁ ବୃଦ୍ଧି କରିଛି। ପୂର୍ବରୁ ଆର୍‌ବିଆଇର ମୁଦ୍ରାସ୍ଫୀତି ଆକଳନ ୪.୨ରୁ ୪.୬% ଥିଲା। ତେବେ ଏହା ୨୦୧୭-୧୮ ଆର୍ଥିକବର୍ଷ ପାଇଁ ଅଭିବୃଦ୍ଧି ଆକଳନକୁ ୬.୭%ରେ ଅପରିବର୍ତ୍ତିତ ରଖିଛି। ଆର୍‌ବିଆଇ ଗଭର୍ନର ଉର୍ଜିତ ପଟେଲ୍‌ଙ୍କ ଅଧ୍ୟକ୍ଷତାରେ ୬ ଜଣିଆ ସଦସ୍ୟବିଶିଷ୍ଟ ମୁଦ୍ରାନୀତି କମିଟି(ଏମ୍‌ପିସି) ଏହାର ପଞ୍ଚମ ଦ୍ୱିମାସିକ ବୈଠକରେ ରେପୋରେଟ୍‌କୁ ୬% ଏବଂ ରିଭର୍ସ ରେପୋରେଟ୍‌କୁ ୫.୭୫%ରେ ଅପରିବର୍ତ୍ତିତ ରଖିଛି। ଖାଉଟି ମୂଲ୍ୟସୂଚୀଭିତ୍ତିକ ମୁଦ୍ରାସ୍ଫୀତିକୁ ଦୃଷ୍ଟିରେ ରଖି ଏହି ନିଷ୍ପତ୍ତି ନିଆଯାଇଛି। ଏଚ୍‌ଆର୍‌ଏ(ଘରଭଡା ଭତ୍ତା) ବୃଦ୍ଧି ସହିତ ସପ୍ତମ ବେତନ ଆୟୋଗର ସୁପାରିସ୍‌ କାର୍ଯ୍ୟକାରୀ ହେବା ପରେ ଏହାର ପ୍ରଭାବ ମୁଦ୍ରାସ୍ଫୀତି ଉପରେ ପଡିଥିବା ସର୍ବୋଚ୍ଚ ବ୍ୟାଙ୍କ ପକ୍ଷରୁ କୁହାଯାଇଛି। ଆଗାମୀ ଦିନରେ ଦରବୃଦ୍ଧି ସମସ୍ୟା ଆହୁରି ବଳବତ୍ତର ହୋଇପାରେ ବୋଲି ଏହା ଆଶଙ୍କା ପ୍ରକାଶ କରିଛି। ଅନ୍ତର୍ଜାତୀୟ ବଜାରରେ ଅଶୋଧିତ ତୈଳ ଦରରେ ବୃଦ୍ଧି ଘଟିଥିବାବେଳେ ଏହା ଜାରି ରହିବ ବୋଲି ଆର୍‌ବିଆଇ ଆକଳନ କରିଛି। କେତେକ ରାଜ୍ୟଗୁଡିକ ଦ୍ୱାରା କରାଯାଇଥିବା କୃଷିଋଣ ଛାଡ, ଆଂଶିକ ଉତ୍ପାଦନ ଶୁଳ୍କ ଛାଡ ଏବଂ ପେଟ୍ରୋଲିୟମ୍‌ ଉତ୍ପାଦଗୁଡିକ ଉପରେ ଭାଟ୍‌ ରିହାତି ଯୋଗୁ ମୁଦ୍ରାସ୍ଫୀତି ଆହୁରି ଊର୍ଦ୍ଧ୍ୱମୁଖୀ ହୋଇପାରେ ବୋଲି ସର୍ବୋଚ୍ଚ ବ୍ୟାଙ୍କ ପକ୍ଷରୁ ଆଶଙ୍କା ପ୍ରକାଶ ପାଇଛି। କେତେକ ସାମଗ୍ରୀ ଏବଂ ସେବା ଉପରୁ ଜିଏସ୍‌ଟି ହ୍ରାସ ଯୋଗୁ ସରକାରୀ ରାଜସ୍ବ ହ୍ରାସ ପାଇବ, ଯାହାକି ମୁଦ୍ରାସ୍ଫୀତି ଉପରେ ପ୍ରଭାବ ପକାଇବ ବୋଲି ଏମ୍‌ପିସି ବୈଠକରେ ପ୍ରକାଶ ପାଇଛି। ଏମ୍‌ପିସିର ୬ ଜଣ ସଦସ୍ୟଙ୍କ ମଧ୍ୟରୁ ମାତ୍ର ଜଣେ ସଦସ୍ୟ ରବୀନ୍ଦ୍ର ଏଚ୍‌. ଢୋଲକିଆ ସୁଧ ହାରରେ ୨୫ ବେସିସ୍‌ ପଏଣ୍ଟ ହ୍ରାସ କରିବା ଲାଗି ମତ ଦେଇଥିଲେ। ମାତ୍ର ସଂଖ୍ୟାଗରିଷ୍ଠତା ଦୃଷ୍ଟିରୁ ସୁଧ ହାରକୁ ଅପରିବର୍ତ୍ତିତ ରଖାଯାଇଛି। ମୁଦ୍ରାସ୍ଫୀତିକୁ ୪% ମଧ୍ୟରେ ସୀମିତ ରଖିବା ପାଇଁ ଆର୍‌ବିଆଇ ଲକ୍ଷ୍ୟ ଧାର୍ଯ୍ୟ କରିଛି। ସୂଚନାଯୋଗ୍ୟ, ଅକ୍ଟୋବରରେ ମୁଦ୍ରାସ୍ଫୀତି ୭ ମାସର ସର୍ବୋଚ୍ଚ ସ୍ତର ୩.୫୮% ଛୁଇଁଛି। ଆର୍‌ବିଆଇ ସୁଧ ହାର ଅପରିବର୍ତ୍ତିତ ରଖିବ ବୋଲି ପୂର୍ବରୁ ଆଶା କରାଯାଉଥିଲା। ଏହାସତ୍ତ୍ୱେ ସୁଧ ହାର ନିଷ୍ପତ୍ତି ଘୋଷଣା ହେବା ପରେ ବମ୍ବେ ଷ୍ଟକ୍‌ ଏକ୍ସଚେଞ୍ଜ ସେନ୍‌ସେକ୍ସରେ ୨୦୫.୨୬ ପଏଣ୍ଟ ହ୍ରାସ ଘଟିଛି।
All Right Reserved By

ବାଣିଜ୍ୟ |

ତ୍ୱରିତ ହେବ ମୋବାଇଲ ନମ୍ବର ପୋର୍ଟେବିଲିଟି

ତ୍ୱରିତ ହେବ ମୋବାଇଲ ନମ୍ବର ପୋର୍ଟେବିଲିଟି

ନୂଆଦିଲ୍ଲୀ,୧୪-୧୨:ଭାରତୀୟ ଟେଲିକମ୍‌ ନିୟାମକ କର୍ତ୍ତୃପକ୍ଷ(ଟ୍ରାଇ) ମୋବାଇଲ ନମ୍ବର ପୋର୍ଟେବିଲିଟି (ଏମ୍‌ଏନ୍‌ପି) ନିୟମରେ ସଂଶୋଧନ ଆଣିଛି। 

ରାଜ୍ୟରେ ୧୨,୧୫୧ କୋଟିର ଆୟକର ସଂଗ୍ରହ ଲକ୍ଷ୍ୟ

ରାଜ୍ୟରେ ୧୨,୧୫୧ କୋଟିର ଆୟକର ସଂଗ୍ରହ ଲକ୍ଷ୍ୟ

ଭୁବନେଶ୍ୱର ,୧୪-୧୨: ରାଜ୍ୟରେ ପ୍ରତ୍ୟକ୍ଷ ଟିକସ କ୍ଷେତ୍ରରେ ମୋଟ ଟିକସଦାତାଙ୍କ ସଂଖ୍ୟାରେ ବୃଦ୍ଧି ଘଟି ୧୦,୨୭,୭୯୬ ଛୁଇଁଛି। ଗତ ବର୍ଷ ତୁଳନାରେ ଟିକସଦାତାଙ୍କ ସଂଖ୍ୟାରେ ୨୦% ବୃଦ୍ଧି ଘଟିଛି। ଚଳିତ ଆର୍ଥତ୍କ ବର୍ଷ ଶେଷ ସୁଦ୍ଧା ରାଜ୍ୟରେ ୫୦ ହଜାର ନୂଆ ଟିକସଦାତା ଯୋଡିବାର ଯୋଜନା ରହିଛି। 

ୟୁନିୟନ ବ୍ୟାଙ୍କ କ୍ଷେତ୍ର ମହାପ୍ରବନ୍ଧକଙ୍କ ଓଡ଼ିଶା ଗସ୍ତ

ୟୁନିୟନ ବ୍ୟାଙ୍କ କ୍ଷେତ୍ର ମହାପ୍ରବନ୍ଧକଙ୍କ ଓଡ଼ିଶା ଗସ୍ତ

ଭୁବନେଶ୍ୱର ,୧୪-୧୨: ୟୁନିୟନ ବ୍ୟାଙ୍କ ଅଫ୍‌ ଇଣ୍ଡିଆ କ୍ଷେତ୍ର ମହାପ୍ରବନ୍ଧକ କାର୍ଯ୍ୟାଳୟ ରାଞ୍ଜିର କ୍ଷେତ୍ର ପ୍ରବନ୍ଧକ ଅତୁଲ କୁମାର ଭୁବନେଶ୍ୱର କ୍ଷେତ୍ରୀୟ କାର୍ଯ୍ୟାଳୟକୁ ଦୁଇ ଦିନିଆ ଗସ୍ତରେ ଆସିଥିଲେ। 

କୁମ୍ଭମେଳା ପାଇଁ ୮୦୦ ସ୍ବତନ୍ତ୍ର ଟ୍ରେନ

କୁମ୍ଭମେଳା ପାଇଁ ୮୦୦ ସ୍ବତନ୍ତ୍ର ଟ୍ରେନ

ଭୁବନେଶ୍ୱର ,୧୪-୧୨: କୁମ୍ଭମେଳା ସମୟରେ ତୀର୍ଥଯାତ୍ରୀ ଏବଂ ଶ୍ରଦ୍ଧାଳୁଙ୍କ ସମାଗମକୁ ଧ୍ୟାନରେ ରଖି ଆଲ୍ଲାହାବାଦ ପ୍ରୟାଗକୁ ଗମନାଗମନ ସୁବିଧା ଯୋଗାଣ ଲାଗି ରେଲଓ୍ବେ ପକ୍ଷରୁ ପ୍ରସ୍ତୁତି ପର୍ବ ଶେଷ ହୋଇଛି। ଏହି ସମୟରେ ରେଲଓ୍ବେ ୮୦୦ ସ୍ବତନ୍ତ୍ର ଟ୍ରେନ ଚଳାଇବ ବୋଲି ସୂଚନା ଦେଇଛି। 

ନାଲ୍‌କୋ ଖଣି ଡିଜିଜନ ପୁରସ୍କୃତ

ନାଲ୍‌କୋ ଖଣି ଡିଜିଜନ ପୁରସ୍କୃତ

ଭୁବନେଶ୍ୱର ,୧୩-୧୨: ନ୍ୟାଶନାଲ ଆଲୁମିନିୟମ କମ୍ପାନୀ (ନାଲକୋ)ର ପଞ୍ଚପଟ୍ଟମାଳୀସ୍ଥିତ ବକ୍ସାଇଟ ଖଣିକୁ ୩୬ତମ ବାର୍ଷିକ ମେଟାଲିକ ରେସ୍‌ ମାଇନ୍ସ ସୁରକ୍ଷା ସପ୍ତାହ ପାଳନ ଅବସରରେ ପୁରସ୍କାର ପ୍ରଦାନ କରାଯାଇଛି। 

ନେପାଳରେ କୁଚିନା ଶୋ’ରୁମ

ନେପାଳରେ କୁଚିନା ଶୋ’ରୁମ

ଭୁବନେଶ୍ୱର ,୧୪-୧୨: ପ୍ରମୁଖ କମ୍ପାନୀ କୁଚିନା ପକ୍ଷରୁ ନେପାଳର କାଠମାଣ୍ଡୁ ସହରରେ ଏକ ସ୍ବତନ୍ତ୍ର ଆଉଟଲେଟ ଖୋଲିଛି। ଏହାକୁ କୁଚିନାର ପ୍ରତିଷ୍ଠାତା ନମିତ ବଜୋରିଆ ଉଦ୍‌ଘାଟନ କରିଥିଲେ। 

ପିଏନ୍‌ବି ମାମଲା: ଚୋକ୍‌ସୀଙ୍କ ବିରୋଧରେ ରେଡ୍‌କର୍ନର ନୋଟିସ

ପିଏନ୍‌ବି ମାମଲା: ଚୋକ୍‌ସୀଙ୍କ ବିରୋଧରେ ରେଡ୍‌କର୍ନର ନୋଟିସ

ନୂଆଦିଲ୍ଲୀ,୧୪-୧୨:  ବହୁଚର୍ଚ୍ଚିତ ପଞ୍ଜାବ ନ୍ୟାଶନାଲ ବ୍ୟାଙ୍କ(ପିଏନ୍‌ବି) ମହାଦୁର୍ନୀତି ଠକେଇ ମାମଲାରେ ଅନ୍ୟତମ ମୁଖ୍ୟ  ଅଭିଯୁକ୍ତ ପଳାତକ ମେହୁଲ ଚୋକ୍‌ସୀଙ୍କ ବିରୋଧରେ ଇଣ୍ଟରପୋଲ ରେଡ୍‌କର୍ନର ନୋଟିସ ଜାରି କରିଛି।

ଆଜି ରିଜର୍ଭ ବ୍ୟାଙ୍କ ବୋର୍ଡ ବୈଠକ; ନଗଦ ସଙ୍କଟ ଦୂର ଉପରେ ରହିବ ଜୋର୍‌

ଆଜି ରିଜର୍ଭ ବ୍ୟାଙ୍କ ବୋର୍ଡ ବୈଠକ; ନଗଦ ସଙ୍କଟ ଦୂର ଉପରେ ରହିବ ଜୋର୍‌

ମୁମ୍ବାଇ,୧୪-୧୨:  ଶୁକ୍ରବାର ଭାରତୀୟ ରିଜର୍ଭ ବ୍ୟାଙ୍କ(ଆର୍‌ବିଆଇ)ର ବୋର୍ଡ ବୈଠକ ବସିବାକୁ ଯାଉଛି। ଗଭର୍ନର ହେବା ପରେ ଶକ୍ତିକାନ୍ତ ଦାସ ପ୍ରଥମ ଥର ଏହି ବୈଠକରେ ଯୋଗ ଦେବେ। ବଜାରରେ ଏବେ ନଗଦ ସଙ୍କଟ ଉତ୍କଟ ହୋଇଥିବା ବେଳେ ଏହାକୁ ଦୂର କରିବା ତାଙ୍କର ପ୍ରଧାନ ଉଦ୍ଦେଶ୍ୟ ହେବ।

କେନ୍ଦ୍ରକୁ ସୁପ୍ରିମକୋର୍ଟଙ୍କ ନିର୍ଦ୍ଦେଶ; ସିନିୟର ସିଟିଜେନ୍‌ଙ୍କ ପେନସନ ବଢ଼ାଅ

କେନ୍ଦ୍ରକୁ ସୁପ୍ରିମକୋର୍ଟଙ୍କ ନିର୍ଦ୍ଦେଶ; ସିନିୟର ସିଟିଜେନ୍‌ଙ୍କ ପେନସନ ବଢ଼ାଅ

ନୂଆଦିଲ୍ଲୀ,୧୪-୧୨:  ବିପିଏଲ୍‌ ଶ୍ରେଣୀରେ ଥିବା ସିନିୟର ସିଟିଜେନଙ୍କ ପେନସନ ପରିମାଣ ବଢ଼ାଇବାକୁ ସୁପ୍ରିମକୋର୍ଟ ଗୁରୁବାର କେନ୍ଦ୍ର ସରକାରଙ୍କୁ ନିର୍ଦ୍ଦେଶ ଦେଇଛନ୍ତି। ଏହାଛଡ଼ା ସେମାନଙ୍କ ଲାଗି ପ୍ରତି ଜିଲାରେ ଅତିକମ୍‌ରେ ଗୋଟିଏ ଲେଖାଏ ଓଲ୍ଡଏଜ୍‌ ହୋମ୍‌ ନିର୍ମାଣ କରିବାକୁ ନିର୍ଦ୍ଦେଶରେ କୁହାଯାଇଛି। 

ଭାରତକୁ କ୍ରୁଡ୍‌ ଯୋଗାଣ: ୬ଷ୍ଠ ସ୍ଥାନକୁ ଖସିଲା ଇରାନ

ଭାରତକୁ କ୍ରୁଡ୍‌ ଯୋଗାଣ: ୬ଷ୍ଠ ସ୍ଥାନକୁ ଖସିଲା ଇରାନ

ନୂଆଦିଲ୍ଲୀ,୧୪-୧୨:  ଭାରତକୁ ଅଶୋଧିତ ତେଲ (କ୍ରୁଡ୍‌)ଯୋଗାଣରେ ୪ର୍ଥ ସ୍ଥାନରେ ଥିବା ଇରାନ ନଭେମ୍ବରରେ ଆଉ ୨ ସ୍ଥାନ ତଳକୁ ଖସିଯାଇ ଷଷ୍ଠ ସ୍ଥାନରେ ରହିଛି। ଆମେରିକା କଟକଣା ଯୋଗୁ ଇରାନରୁ ଭାରତ କ୍ରୁଡ୍‌ କିଣିବା କମାଇ ଦେଇଥିଲା। 

ଆଇପିଓ ସହ ଷ୍ଟକ୍‌ ମାର୍କେଟରେ ପ୍ରବେଶ କରିବ ପତଞ୍ଜଳି

ଆଇପିଓ ସହ ଷ୍ଟକ୍‌ ମାର୍କେଟରେ ପ୍ରବେଶ କରିବ ପତଞ୍ଜଳି

ନୂଆଦିଲ୍ଲୀ,୧୪-୧୨:  ପତଞ୍ଜଳି ଆୟୁର୍ବେଦ ଖୁବଶୀଘ୍ର ଷ୍ଟକ୍‌ ମାର୍କେଟରେ ପ୍ରବେଶ କରିବାକୁ ଯାଉଛି। ଏ ସଂକ୍ରାନ୍ତରେ କମ୍ପାନୀ  ଆଇପିଓ ଆଣିବ ବୋଲି ଯୋଗ ଗୁରୁ ରାମଦେବ ସୂଚନା ଦେଇଛନ୍ତି। ଚଳିତ ମାସରେ ସମସ୍ତଙ୍କୁ ଶୁଭ ଖବର ଦିଆଯିବ ବୋଲି ସେ କହିଛନ୍ତି। 

୨୨ରେ ଜିଏସ୍‌ଟି କାଉନସିଲ ବୈଠକ;ଶସ୍ତା ହୋଇପାରେ ସିମେଣ୍ଟ, ଗାଡ଼ି ଯନ୍ତ୍ରାଂଶ ଦର

୨୨ରେ ଜିଏସ୍‌ଟି କାଉନସିଲ ବୈଠକ;ଶସ୍ତା ହୋଇପାରେ ସିମେଣ୍ଟ, ଗାଡ଼ି ଯନ୍ତ୍ରାଂଶ ଦର

ନୂଆଦିଲ୍ଲୀ,୧୪-୧୨:  ଚଳିତ ମାସ ୨୨ରେ ଜିଏସ୍‌ଟି କାଉନସିଲ ବୈଠକ ବସିବାକୁ ଯାଉଛି। ଏହି ବୈଠକରେ ନିର୍ମାଣ କାର୍ଯ୍ୟରେ ବ୍ୟବହୃତ ସିମେଣ୍ଟ, ଅଟୋମୋବାଇଲ ସହ ଜଡିତ ସାମଗ୍ରୀକୁ ୨୮% ସ୍ଲାବ୍‌ରୁ କାଢ଼ି ଆଣିବା ନେଇ ଆଲୋଚନା ହେବ। ଏ ଦିଗରେ ନିଷ୍ପତ୍ତି ହେଲେ ଏଗୁଡିକ ଶସ୍ତା ହେବ।