ଫୁରସତ |

ସଫଳତା ଦେଇଛି ବାପାଙ୍କ ପ୍ରେରଣା: ଅଞ୍ଜନ ବିଶ୍ୱାଳ(ସଫଳ ଚାଷୀ)

ସଫଳତା ଦେଇଛି ବାପାଙ୍କ ପ୍ରେରଣା: ଅଞ୍ଜନ ବିଶ୍ୱାଳ(ସଫଳ ଚାଷୀ)
ପାଠପଢ଼ା ସରିବା ପରେ ଘରର ଆର୍ଥିକ ପରିସ୍ଥିତିକୁ ଆଖି ଆଗରେ ରଖି ବସ୍‌ କଣ୍ଡକ୍ଟର ବୃତ୍ତିକୁ ଆପଣାଇଥିଲେ ସେ। କିନ୍ତୁ ତାଙ୍କ ମା’-ବାପା ପୁଅର ଏହି ବୃତ୍ତିକୁ ନେଇ ଆଦୌ ସନ୍ତୁଷ୍ଟ ନ ଥିଲେ। ପୁଣି ସେ ଥିଲେ ମା’- ବାପାଙ୍କର ଏକମାତ୍ର ପୁତ୍ର। ବାରମ୍ବାର ସେମାନେ କହୁଥିଲେ କଣ୍ଡକ୍ଟର କାମ ଛାଡି ଚାଷ କର, ନିଶ୍ଚିତ ଅଧିକ ରୋଜଗାର କରିବୁ। ଶେଷରେ ମା’ -ବାପାଙ୍କ କଥା ରକ୍ଷା କରି କଣ୍ଡକ୍ଟର ବୃତ୍ତି ଛାଡ଼ିଦେଲେ। ଆଉ ଚାକିରି ନ କରି ଚାଷକାର୍ଯ୍ୟ କରି ସ୍ବାବଲମ୍ବୀ ହେବାକୁ ନିଷ୍ପତ୍ତି ନେଲେ। ଆରମ୍ଭ ହେଲା ଉଦ୍ୟମ। ମାତ୍ର ବର୍ଷ କେଇଟାରେ ସେ ସ୍ବାବଲମ୍ବୀ ହେବା ସହ ଜଣେ ସଫଳ ଚାଷୀ ଭାବେ ରାଜ୍ୟ ଏବଂ ଜାତୀୟସ୍ତରୀୟ ସମ୍ମାନ ପାଇବାରେ ହୋଇଛନ୍ତି ସକ୍ଷମ। ସେ ହେଲେ ଅଞ୍ଜନ ବିଶ୍ୱାଳ(ମୋ: ୯୧୭୮୮୦୧୦୨୬)। ବାଲେଶ୍ୱର ଜିଲା ନୀଳଗିରି ବ୍ଲକ୍‌ ଅମ୍ବିକାପୁର ଗ୍ରାମରେ ତାଙ୍କର ଘର। ମା’ ଅନ୍ନପୂର୍ଣ୍ଣା ଓ ପିତାଙ୍କ ନାମ ବଂଶୀଧର ବିଶ୍ୱାଳ। ମା’ ବାପାଙ୍କ କଥା ରକ୍ଷା କରି ୨୦୦୯ରେ ଚାଷ କାମ ଆରମ୍ଭ କଲେ ଅଞ୍ଜନ। ପ୍ରଥମେ ଗାଁରେ ବାପାଙ୍କର ଥିବା ୫୦ଡେସିମିଲ ଜମିରେ ଗୋଟିଏ ପୋଖରୀ ଖୋଳାଇଲେ। ଏଥିରେ ମାଛଚାଷ ସହିତ ପୋଖରୀ ବନ୍ଧରେ ଅମୃତଭଣ୍ଡା, କଦଳୀ ସହିତ ପନିପରିବା ଚାଷ କଲେ। ବାପା ଜଣେ କୃଷକ ହୋଇଥିବାରୁ ତାଙ୍କ ପରାମର୍ଶ ଅନୁସାରେ ଚାଷ କରୁଥିଲେ ବି ତାଙ୍କୁ ବହୁ ସମସ୍ୟାର ସାମ୍ନା କରିବାକୁ ପଡିଥିଲା। ତେବେ ତାଙ୍କ ପନିପରିବା ଚାଷକୁ ଦେଖି ସ୍ଥାନୀୟ କାଂଶସ୍ଥିତ ଷ୍ଟେଟ୍‌ବ୍ୟାଙ୍କ ସହଯୋଗର ହାତ ବଢ଼ାଇଥିଲା। ବ୍ୟାଙ୍କ୍‌ କର୍ମଚାରୀମାନେ ଉନ୍ନତମାନର ଚାଷ କରିବା ପାଇଁ ଅଞ୍ଜନଙ୍କୁ ୪ଲକ୍ଷ ୫୦ହଜାର ଟଙ୍କା ଋଣ ଦେଇଥିଲେ। ସେହି ଋଣରାଶିକୁ ବିନିଯୋଗ କରି ଅଞ୍ଜନ ଆଗେଇ ଚାଲିଲେ। ପ୍ରଥମରୁ ବ୍ୟାଙ୍କ ସୁଧ ଦେବା କଷ୍ଟକର ହେଉଥିଲେ ମଧ୍ୟ ପରବର୍ତ୍ତୀ ସମୟରେ ପର୍ଯ୍ୟାୟକ୍ରମେ ଋଣ ପରିଶୋଧ କରିଥିଲେ। ତେବେ ବର୍ତ୍ତମାନ ସେ ୯ଟି ପୋଖରୀରେ ମାଛ ଚାଷ କରୁଥିବାବେଳେ ୭ଏକର ଜାଗାରେ ପନିପରିବା ସମେତ ୧୫୦ ଅମୃତଭଣ୍ଡା, ୨୦୦ କଦଳୀଗଛ, ୨୭୦ ଆମ୍ବଗଛ ଲଗାଇଛନ୍ତି। ଗତବର୍ଷ କେବଳ ୯୦ କୁଇଣ୍ଟାଲ ଆମ୍ବ ବିକ୍ରି କରିଥିବା କଥା କୁହନ୍ତି ଅଞ୍ଜନ। ତାଙ୍କ କ୍ଷେତରୁ ଉତ୍ପାଦିତ ପନିପରିବା ଆଦି ଅଯେଧ୍ୟା, କାଂଶ ଆଦି ବଜାରରେ ବିକ୍ରି ହୋଇଥାଏ। ଆଉ କେତେଜଣ ବି ତାଙ୍କ କ୍ଷେତରେ କାର୍ଯ୍ୟ କରି ରୋଜଗାର କରିବାକୁ ସକ୍ଷମ ହେଉଛନ୍ତି। ତେବେ ମାଛ, ପନିପରିବା, ଫଳଚାଷରୁ ବାର୍ଷିକ ୧୦ଲକ୍ଷ ଟଙ୍କା ରୋଜଗାର ହେଉଥିବା କଥା ପ୍ରକାଶ କରନ୍ତି ଅଞ୍ଜନ। ପରିଶ୍ରମକୁ ଆଦରି ଚାଷକାର୍ଯ୍ୟ କରି ସ୍ବାବଲମ୍ବୀ ହୋଇଥିବା ଅଞ୍ଜନ ପଞ୍ଚାୟତସ୍ତରରେ ଉତ୍ତମ ଚାଷୀ ଭାବେ ନିଜକୁ ସାବ୍ୟସ୍ତ କରି ସମ୍ମାନିତ ହୋଇଥିଲେ। ଜିଲାସ୍ତରୀୟ ଉଦ୍ୟାନ ବିଭାଗ ତରଫରୁ ସଫଳ ଉଦ୍ୟାନ ଚାଷୀ ଭାବେ ୨୦୧୦ରେ ଏବଂ ଭୁବନେଶ୍ୱର ଜୟଦେବ ଭବନଠାରେ ଆୟୋଜିତ ଉତ୍ସବରେ ୨୦୧୧ ବର୍ଷର ରାଜ୍ୟସ୍ତରୀୟ ସଫଳ ମାଛ ଚାଷୀ ଭାବେ ସମ୍ବର୍ଦ୍ଧିତ ହୋଇଛନ୍ତି। ଗୁଜରାଟର ଅହମ୍ମଦାବାଦଠାରେ ଆୟୋଜିତ ଉତ୍ସବରେ ତତ୍‌କାଳୀନ ଗୁଜୁରାଟ ମୁଖ୍ୟମନ୍ତ୍ରୀ ତଥା ବର୍ତ୍ତମାନର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କଠାରୁ ୨୦୧୩ ସେପ୍ଟେମ୍ବର ୩ ରେ ‘ସର୍ଦ୍ଦାର ବଲ୍ଲଭ ଭାଇ ପଟେଲ ସମ୍ମାନରେ ସମ୍ମାନିତ ହୋଇଛନ୍ତି ଅଞ୍ଜନ। ତେବେ ଚାଷ କ୍ଷେତ୍ରରେ ସେ ଆଜି ଯେଉଁ ସଫଳତା ହାସଲ କରିଛନ୍ତି ସେଥିରେ ବାପାଙ୍କ ପ୍ରେରଣାକୁ ସ୍ମରଣ କରନ୍ତି ସେ। - ମାନସ ବିଶ୍ୱାଳ
All Right Reserved By

ଫୁରସତ |

ଯେଉଁଠି ପାଠପଢ଼ା ପାଇଁ କରାଯାଏ ବୈଶ୍ୟାବୃତ୍ତି...

ଯେଉଁଠି ପାଠପଢ଼ା ପାଇଁ କରାଯାଏ ବୈଶ୍ୟାବୃତ୍ତି...

ଶିକ୍ଷା ଉପରେ ବାଳକ ବାଳିକା ଉଭୟଙ୍କର ରହିଛି ସମାନ ଅଧିକାର। ତେବେ ଶିକ୍ଷା ଲାଗି ହେଉଥିବା ଖର୍ଚ୍ଚ ପାଇଁ ଅନେକ ପାଠପଢ଼ିବାକୁ ଚାହୁଁଥିଲେ ମଧ୍ୟ ପଛଘୁଞ୍ଚା ଦେଇଥାନ୍ତି। ବିଶ୍ୱର ଅନେକ ରାଷ୍ଟ୍ରରେ ସରକାର ମହିଳାଙ୍କ ବିକାଶ ପାଇଁ ନାନା ପ୍ରକାର ଶିକ୍ଷା ଯୋଜନା ପ୍ରଣୟନ କରାଯାଉଛି। 

ରାତିରେ ମଲ୍‌ଚା ମହଲରୁ ଶୁଭେ ମହିଳାଙ୍କ କାନ୍ଦିବା ଶବ୍ଦ...

ରାତିରେ ମଲ୍‌ଚା ମହଲରୁ ଶୁଭେ ମହିଳାଙ୍କ କାନ୍ଦିବା ଶବ୍ଦ...

ଦିଲ୍ଲୀ ଆର୍ଥ ଷ୍ଟେସନ୍‌ ନିକଟରେ ବୁଦ୍ଧ ଜୟନ୍ତୀ ପାର୍କ ପଛପଟେ ରହିଛି ମଲ୍‌ଚା ମହଲ। ଏଠାରେ ପ୍ରେତାତ୍ମା ରହିଥିବାନେଇ ଅନେକ କହିଥାନ୍ତି। ଅନେକ ସମୟରେ ଏଠାରେ ଅନେକ ଆତ୍ମହତ୍ୟା କରିଥାନ୍ତି। କାହିଁକି ଏକ ନିଦ୍ଦିଷ୍ଟ ସ୍ଥାନରେ ଲୋକମାନେ ଆତ୍ମହତ୍ୟା କରନ୍ତି ତାହାର ରହସ୍ୟ କାହାକୁ ଜଣାନାହିଁ। 

୭୨ ଘଣ୍ଟା ନୋ ଟଏଲେଟ୍‌

୭୨ ଘଣ୍ଟା ନୋ ଟଏଲେଟ୍‌

ବିବାହ ସମୟରେ ୭୨ ଘଣ୍ଟା ଟଏଲେଟ ନ ଯିବା ବିଶ୍ୱର ଟିଡୋଙ୍ଗ ଆଦିବାସୀ ସମ୍ପ୍ରଦାୟର ଏକ ପ୍ରାଚୀନ ପରମ୍ପରା। ଏହି ପରମ୍ପରା ଅନୁସାରେ ନବବିବାହିତଙ୍କୁ ବିବାହ ଦିନଠାରୁ ୩ ଦିନ ପର୍ଯ୍ୟନ୍ତ ଟଏଲେଟ୍‌ ବ୍ୟବାହର କରିବାକୁ ଦିଆଯାଇ ନ ଥାଏ। 

୧୦୭ ବର୍ଷରେ ଫିଟ୍‌: ଡାକ୍ତର ବି ଆଶ୍ଚର୍ଯ୍ୟ ହୋଇଗଲେ

୧୦୭ ବର୍ଷରେ ଫିଟ୍‌: ଡାକ୍ତର ବି ଆଶ୍ଚର୍ଯ୍ୟ ହୋଇଗଲେ

ନୂଆଦିଲ୍ଲୀ, ୨୩।୧: ଯଦି ମନୋବଳ ଦୃଢ, ତେବେ ଜୀବନରେ ଯେ କୌଣସି ଝଡଝଞ୍ଜା ଆସିଲେ ମଧ୍ୟ ତାହାର ସାମ୍ନା କରିବା ସହଜ ମନେ ହୁଏ। ଏମିତି ଜଣେ ଦୃଢମନା ବ୍ୟକ୍ତି ହେଉଛନ୍ତି ଗୁରୁଚରଣ ସିଂହ ସାନ୍ଧୁ। 

ଥଣ୍ଡାରେ କମ୍‌ ପୋଷାକ ପିନ୍ଧିବା ପଡ଼ିଲା ମହଙ୍ଗା: ପର୍ବତ ଶିଖରରେ ଚଢ଼ି ବିକିନିରେ ସେଲ୍‌ଫି ଉଠାଉଥିବା ମହିଳା ଗିଗୀ ମୃତ

ଥଣ୍ଡାରେ କମ୍‌ ପୋଷାକ ପିନ୍ଧିବା ପଡ଼ିଲା ମହଙ୍ଗା: ପର୍ବତ ଶିଖରରେ ଚଢ଼ି ବିକିନିରେ ସେଲ୍‌ଫି ଉଠାଉଥିବା ମହିଳା ଗିଗୀ ମୃତ

ତାଇଓ୍ବାନ: ବହୁତ ଲୋକଙ୍କର ପର୍ବତାରୋହଣ କରି ଶିଖର ଛୁଇଁବା ଭଳି ସଉକ ଥାଏ। ମାତ୍ର ଏପରି କରିବା ପୂର୍ବରୁ ସମସ୍ତ ପ୍ରତିକୂଳ ପରିସ୍ଥିତିରେ ନିଜର ସୁରକ୍ଷା ଓ ସ୍ବାସ୍ଥ୍ୟ ଆଦି ବିଷୟରେ ଧ୍ୟାନ ରଖିବା ଉଚିତ୍‌। ନଚେତ ଜୀବନ ବି ଯାଇପାରେ। ନିକଟରେ ଏଭଳି ଏକ ଘଟଣାର ଶିକାର ହୋଇଛନ୍ତି ତାଇଓ୍ବାନର ଜଣେ ମହିଳା ପର୍ବତାରୋହୀ।

୧୦ ବର୍ଷରେ ଶିକାର ହେଲେଣି ୧୦୨ ଏକଶିଙ୍ଗି ଗଣ୍ଡା

୧୦ ବର୍ଷରେ ଶିକାର ହେଲେଣି ୧୦୨ ଏକଶିଙ୍ଗି ଗଣ୍ଡା

ନୋଇଡା(ୟୁପି): ୨୦୦୮ରୁ ଏପର୍ଯ୍ୟନ୍ତ ୧୦୨ ଏକଶିଙ୍ଗି ଗଣ୍ଡା ଶିକାର କରାଗଲାଣି ଏବଂ ଏଥିପାଇଁ ୨୦୯ ଶିକାରୀଙ୍କୁ ଗିରଫ କରାଯାଇଥିବା ସୂଚନା ଅଧିକାର ଆଇନ (ରାଇଟ୍‌ ଟୁ ଇନଫରମେଶନ୍‌) ତଥ୍ୟରୁ ଜଣାଯାଇଛି। ପରିବେଶ ଓ ଜଙ୍ଗଲ ମନ୍ତ୍ରଣାଳୟ ଅଧୀନ ଓ୍ବାଇଲ୍ଡ ଲାଇଫ୍‌ କ୍ରାଇମ୍‌ କଣ୍ଟ୍ରୋଲ ବ୍ୟୁରୋ (ଡବ୍ଲ୍ୟୁସିସିବି) ଦ୍ୱାରା ମିଳିଥିବା ତଥ୍ୟ ଅନୁସାରେ ଆସାମରୁ ସର୍ବାଧିକ ୮୪ ଏକଶିଙ୍ଗି ଗଣ୍ଡା ଶିକାର କରାଯାଇଛି। ଏହି ସମୟ ମଧ୍ୟରେ ପଶ୍ଚିମବଙ୍ଗରେ ୧୭ଟି ଗଣ୍ଡା ଶିକାର କରାଯାଇଥିବା ବେଳେ ଉତ୍ତରପ୍ରଦେଶରେ ଗୋଟିଏ ଗଣ୍ଡାର ମୃତ୍ୟୁ ଘଟିଛି। 

ସକାଳେ ବିଛଣାଛାଡ଼ି  ଏସବୁ କାହିଁକି  ମନା...

ସକାଳେ ବିଛଣାଛାଡ଼ି ଏସବୁ କାହିଁକି ମନା...

ସକାଳେ ବିଛଣା ଛାଡିବା ପରେ ନିରୋଗ ଜୀବନଚର୍ଯ୍ୟା ଆପଣେଇବା ଆବଶ୍ୟକ। ଏହାଦ୍ୱାରା ମନ ଓ ଶରୀର ଉପରେ ପଡ଼ିଥାଏ ସକାରାତ୍ମକ ପ୍ରଭାବ।

ଚୁମ୍ବନ ଦେଇ କୋଟି କୋଟି ଟଙ୍କା ରୋଜଗାର କରୁଛନ୍ତି ଯୁବକ

ଚୁମ୍ବନ ଦେଇ କୋଟି କୋଟି ଟଙ୍କା ରୋଜଗାର କରୁଛନ୍ତି ଯୁବକ

କ୍ରିସ୍‌ ମୋନରୋ ନାମକ ଜଣେ ଯୁବକ ଏବେ ଇଣ୍ଟରନେଟର କିସିଂ ବୟ ଭାବେ ବେଶ୍‌ ପରିଚିତ। ସେ ଚୁମ୍ବନ ଦେଇ ଏବେ କୋଟି କୋଟି ଟଙ୍କା ରୋଜଗାର କରୁଥିବା କୁହନ୍ତି। ଏମିତିକି ବଲିଉଡ୍‌ ଷ୍ଟାର ତଥା ସିରିୟଲ କିସର୍‌ ଇମ୍ରାନ ହାସମିଙ୍କୁ ଏବେ ପଛରେ ପକାଇ ଦେଇଛନ୍ତି କିସିଂ ବୟ କ୍ରିସ୍‌।

ସାଙ୍ଗିଆ ପରିବର୍ତ୍ତନ

ସାଙ୍ଗିଆ ପରିବର୍ତ୍ତନ

ନିଜ ସାଙ୍ଗିଆକୁ କିଏ ବା ଭଲ ନ ପାଏ । କାରଣ ନାଁ ପରେ ଏହା ବି ମଣିଷର ପରିଚୟ ପାଲଟିଥାଏ। ତେବେ ପୁରୁଷମାନଙ୍କ କ୍ଷେତ୍ରରେ ଏହା ଶୈଶବରୁ ଆରମ୍ଭ କରି ଜୀବନର ଶେଷ ସମୟ ଯାଏ ଅପରିବର୍ତ୍ତିତ ରହିଥିବା ବେଳେ ମହିଳାଙ୍କ କ୍ଷେତ୍ରରେ ଅନେକ ସମୟରେ ଏହା ବଦଳି ଯାଇଥାଏ...

ପାଠପଢ଼ା ଚାପ ବି ସ୍ମରଣ ଶକ୍ତିକୁ କରେ ପ୍ରଭାବିତ...

ପାଠପଢ଼ା ଚାପ ବି ସ୍ମରଣ ଶକ୍ତିକୁ କରେ ପ୍ରଭାବିତ...

ପିଲାଙ୍କ ସ୍ମରଣ ଶକ୍ତି ହ୍ରାସ ପଛରେ ଅଭିଭାବକ ହିଁ ଦାୟୀ ଥାଆନ୍ତି।  ପିଲାଟି ଉପରେ ଷ୍ଟଡିପେସର୍‌ ବା ପାଠପଢ଼ା ଚାପ ବଢ଼ାଇବାରେ ସେମାନଙ୍କର ଥାଏ ମୁଖ୍ୟ ଭୂମିକା। 

ଏମିତି ମନ୍ଦିର ଯେଉଁଠି ମୁସଲମାନ ମହିଳା ଶିବରାତ୍ରୀରେ କରନ୍ତି ମହାଦେବଙ୍କୁ ଜଳଲାଗି...

ଏମିତି ମନ୍ଦିର ଯେଉଁଠି ମୁସଲମାନ ମହିଳା ଶିବରାତ୍ରୀରେ କରନ୍ତି ମହାଦେବଙ୍କୁ ଜଳଲାଗି...

ଦେଶରେ ଭିନ୍ନ ଭିନ୍ନ ସମ୍ପ୍ରଦାୟ ମଧ୍ୟରେ ବିବାଦ ଜାରି ରହିଥିବାବେଳେ ଉତ୍ତରପ୍ରଦେଶ କନୌଜରେ ଥିବା ମହାଦେବଙ୍କ ମନ୍ଦିର ପାଲଟିଛି ସର୍ବଧର୍ମସମନ୍ବୟର ପବିତ୍ର କ୍ଷେତ୍ର। 

ଯେଉଁଠି ବିବାହ ପୂର୍ବରୁ ଝିଅ ହୁଅନ୍ତି ବିଦା...

ଯେଉଁଠି ବିବାହ ପୂର୍ବରୁ ଝିଅ ହୁଅନ୍ତି ବିଦା...

ସାଧାରଣତଃ ବିବାହ ପରେ କନ୍ୟା ବିଦା ହୋଇଥାଏ। ତେବେ ଝାଡ଼ଖଣ୍ଡ ଉତ୍ତର ଛୋଟନାଗପୁର ଅଞ୍ଚଳରେ ରହିଛି ଏକ ପରମ୍ପରା। ଏଠାରେ ବିବାହର କିଛି ଦିନ ପୂର୍ବରୁ ବରଘର ଲୋକେ କନ୍ୟାଘରେ ପହଞ୍ଚିଥାନ୍ତି।