Dharitri News
ମେଟ୍ରୋ |

ନଳା ପାଣିରେ ବୁଡିଲା ଶରଧାବାଲି

ନଳା ପାଣିରେ ବୁଡିଲା ଶରଧାବାଲି ପୁରୀ ଅଫିସ, ୬।୧୨: ପୂଣ୍ୟର ମାଟି ଶ୍ରୀକ୍ଷେତ୍ର। ଏହା ଲୀଳାମୟ ଜଗନ୍ନାଥଙ୍କ ଲୀଳାସ୍ଥଳ। ଏହି ପାବନ ଭୂମିର ପାଣି, ପବନ ସବୁ ପବିତ୍ର ବୋଲି ଲୋକଙ୍କ ବିଶ୍ୱାସ ରହିଛି। ଏହି ବିଶ୍ୱାସକୁ ସାଥୀରେ ଧରି ପ୍ରତିଦିନ ଦେଶ ବିଦେଶରୁ ହଜାର ହଜାର ସଂଖ୍ୟାରେ ଭକ୍ତ, ପର୍ଯ୍ୟଟକ ଛୁଟି ଆସନ୍ତି ପୁଣ୍ୟ ଧାମକୁ। ସକାଳ ହେଲେ ଭକ୍ତଙ୍କ ଗହଳିରେ ଉଛୁଳିପଡ଼େ ସିଂହଦ୍ୱାରଠାରୁ ଶରଧାବାଲି। ବଡ଼ଦାଣ୍ଡ ଆଉ ଶରଧାବାଲିର ଧୂଳିକୁ ମଥାରେ ବୋଳି ପୂଣ୍ୟ ଅର୍ଜନ କରିଥାନ୍ତି। ହେଲେ ବୁଧବାର ଶରଧାବାଲିରେ ଦେଖିବାକୁ ମିଳିଥିଲା ଭିନ୍ନ ଚିତ୍ର। କୋଟି କୋଟି ଜଗନ୍ନାଥପ୍ରେମୀଙ୍କ ଆସ୍ଥା ଓ ବିଶ୍ୱାସର ପ୍ରତୀକ ଶରଧାବାଲିକୁ ଭିଜାଇ ଦେଇଥିଲା ନଳା ପାଣି। ପବିତ୍ର ବାଲି ଉପରେ ଅପବିତ୍ରର ପାଣି ମାଡ଼ିଥିବା ଦେଖି ନାକ ଟେକିଛନ୍ତି ଶ୍ରଦ୍ଧାଳୁ ଓ ପର୍ଯ୍ୟଟକ। ସ୍ଥାନୀୟ ଲୋକେ ବି ଅସନ୍ତୋଷ ଓ କ୍ଷୋଭ ପ୍ରକାଶ କରିଛନ୍ତି। ଶ୍ରୀମନ୍ଦିର ସାଙ୍ଗକୁ ପୁରାତନ ଐତିହ୍ୟସ୍ଥଳୀ ଶ୍ରୀକ୍ଷେତ୍ର ସଂସ୍କୃତି ଓ ପରମ୍ପରାକୁ ରୁଦ୍ଧିମନ୍ତ କରିଛି। ତେଣୁ ପ୍ରତିଦିନ ଆଧ୍ୟାତ୍ମିକତାର ମନୋଭାବ ନେଇ ଦେଶ, ବିଦେଶରୁ ଭକ୍ତ ଓ ପର୍ଯ୍ୟଟକ ଆସିଥାନ୍ତି। ଶ୍ରୀମନ୍ଦିରରେ ମହାପ୍ରଭୁଙ୍କ ଦର୍ଶନ ପରେ ଶ୍ରଦ୍ଧାରେ ଶ୍ରଦ୍ଧାଳୁ ବୁଲିଯାନ୍ତି ଗୁଣ୍ଡିଚା ମନ୍ଦିର ଅଭିମୁଖେ। ପୁଣ୍ୟତାର ପ୍ରତୀକ ଶରଧାବାଲିକୁ ଦର୍ଶନ କରିବା ସହ ଏହାକୁ ମୁଣ୍ଡରେ ବୋଳିଥାନ୍ତି। ହେଲେ ଶରଧାବାଲିର ପବିତ୍ରତାକୁ ଅପବିତ୍ର କରିଦେଇଛି ଡ୍ରେନ୍‌ ପାଣି। ଗୁଣ୍ଡିଚା ମନ୍ଦିର ନାକଚଣା ଦ୍ୱାରା ସମ୍ମୁଖରେ ଥିବା ଡ୍ରେନ୍‌ ଚୋକ୍‌ ହୋଇଯାଇଥିବାରୁ ମଇଳା ପାଣି ଶରଧାବାଲିରେ ମାଡିଥିଲା। ସ୍ଥିତି ଏମିତି ହୋଇଥିଲା ଯେ, ଏହି ଡ୍ରେନ୍‌ ପାଣିରେ ବାଲି ସମ୍ପୂର୍ଣ୍ଣ ଭିଜି ଯାଇଥିଲା। ଏହାକୁ ନେଇ ସେଠାରେ ଏକ ଅସ୍ବାଭାବିକ ପରିସ୍ଥିତି ସୃଷ୍ଟି ହୋଇଥିଲା। ଗୁଣ୍ଡିଚା ମନ୍ଦିରକୁ ବୁଲିବାକୁ ଆସିଥିବା ଶ୍ରଦ୍ଧାଳୁ ଏଭଳି ଅବସ୍ଥା ଦେଖି ଅସନ୍ତୋଷ ବ୍ୟକ୍ତ କରିଥିଲେ। ସ୍ଥାନୀୟ ଦୋକାନୀ ଏବଂ ଲୋକେ ମଧ୍ୟ ଶରାଧାବାଲି ଉପରେ ନଳାପାଣିର ଧାର ଛୁଟୁଥିବା ଦେଖି କ୍ଷୋଭ ପ୍ରକାଶ କରି୍‌ଥିଲେ। ଗଞ୍ଜାମ ଦିଗପହଣ୍ଡିରୁ ସପରିବାର ଆସିଥିବା ସନ୍ତୋଷ ସାହୁ କହିଥିଲେ, ଶରଧାବାଲି ପ୍ରତି ଲୋକମାନଙ୍କ ବିଶ୍ୱାସ ରହିଛି। ଶରଧାବାଲିକୁ ମୁଣ୍ଡରେ ମାରିଲେ ମନରେ ପବିତ୍ରତା ଆସିଥାଏ। ହେଲେ ଏହି ଶରଧାବାଲିରେ ଡ୍ରେନ ପାଣି ମାଡିଯିବା ଦେଖି ଦୁଃଖ ଲାଗୁଛି। କେବଳ ଆମେ ନୁହେଁ, ପୁରୀକୁ ଦେଶ ବିଦେଶରୁ ଭକ୍ତ, ପର୍ଯ୍ୟଟକ ଆସୁଛନ୍ତି। ସେମାନେ ଯଦି ଏଭଳି ଦୃଶ୍ୟ ଦେଖିବେ ନିଶ୍ଚିତ ପୁଣ୍ୟର ମାଟି ଶ୍ରୀକ୍ଷେତ୍ର ପ୍ରତି ତାଙ୍କ ମନରେ ଖରାପ ଭାବନା ଆସିବ। ତେଣୁ ଶରଧାବାଲି କିପରି ପବିତ୍ରତାର ସହ ରହିବ ସେ ଦିଗରେ ସମସ୍ତେ ଧ୍ୟାନ ଦେବା ଉଚିତ। ଭୁବନେଶ୍ୱରର ମୋନାଲିସା ବିଶ୍ୱାଳ ମଧ୍ୟ ଏଭଳି ସ୍ଥିତି ଦେଖି କ୍ଷୋଭ ପ୍ରକାଶ କରିଥିଲେ। ଶରଧାବାଲି ପ୍ରତି କେବଳ ଓଡ଼ିଆଙ୍କର ନୁହେଁ ବାହାର ଶ୍ରଦ୍ଧାଳୁଙ୍କର ମଧ୍ୟ ଭାବାବେଗ ଜଡିତ ରହିଛି। ବାହୁଡା ସମୟରେ ତିନିରଥ ଏହି ଶରଧାବାଲିରେ ଠିଆ ହୋଇଥାନ୍ତି। ହେଲେ ଏହା ଉପରେ ଆଜି ମାଡିଛି ଡ୍ରେନ୍‌ ପାଣି। ପୁରୀ ପୌର ପ୍ରଶାସନ ତୁରନ୍ତ ଏ ଦିଗରେ ପଦକ୍ଷେପ ନେବା ଦରକାର। କେବଳ ସନ୍ତୋଷ କି ମୋନାଲିସା ନୁହଁନ୍ତି, ବୁଧବାର ବହୁ ଭକ୍ତ ଏହି ଘଟଣାକୁ ନେଇ କ୍ଷୋଭ ପ୍ରକାଶ କରିଥିଲେ। ଏ ସମ୍ପର୍କରେ ନଗରପାଳ ଜୟନ୍ତ କୁମାର ଷଡ଼ଙ୍ଗୀ କହିଛନ୍ତି, ସେ ଖବର ପାଇବା ପରେ କର୍ମଚାରୀଙ୍କୁ ପଠାଇଥିଲେ। ନାକଚଣା ଦ୍ୱାରା ସମ୍ମୁଖରେ ତଳେ ଯେଉଁ ପାଇପ ପଡିଛି ସେଠାରେ ଅଧିକାଂଶ ସମୟ ଡ୍ରେନ୍‌ ଚୋକ୍‌ ହେଉଛି। ଯେତେବେଳେ ସମସ୍ୟା ହେଉଛି ଏହାର ସମାଧାନ କରାଯାଉଛି। ସୂଚନାଯୋଗ୍ୟ, ରଥଯାତ୍ରା ସମୟରେ ପୁରୀର ପରିମଳ ପାଇଁ କୋଟି କୋଟି ଟଙ୍କା ଖର୍ଚ୍ଚ କରାଯାଉଛି। କିନ୍ତୁ ଡ୍ରେନ୍‌ ସଫା ଓ ମରାମତି ଠିକ୍‌ ଭାବେ ହେଉ ନାହିଁ। ଫଳରେ ଅନେକ ସମୟରେ ଅପ୍ରୀତିକର ପରିସ୍ଥିତି ଉପୁଜୁଛି। ସ୍ଥିତି ଏମିତି ହୋଇଛି ଯେ, ଅସରାଏ ବର୍ଷାବି ବଡ଼ଦାଣ୍ଡକୁ ବୁଡ଼ାଇ ଦେଉଛି।

ମେଟ୍ରୋ |

ରାଜଧାନୀରୁ ୨୫ରୁ ଊର୍ଦ୍ଧ୍ୱ ବୋମା ଜବତ, ୫ ଗିରଫ

ରାଜଧାନୀରୁ ୨୫ରୁ ଊର୍ଦ୍ଧ୍ୱ ବୋମା ଜବତ, ୫ ଗିରଫ

ଭୁବନେଶ୍ୱର,୨୨।୨(ବ୍ୟୁରୋ): ଲକ୍ଷ୍ମୀସାଗର ଥାନା ଅନ୍ତର୍ଗତ ଝାରପଡ଼ା ନିକଟସ୍ଥ ଏକ ଫେବ୍ରିଗେସନ୍‌ ଗୋଦାମରୁ ସ୍ବେଶାଲ ସ୍କ୍ବାଡ୍‌ ଓ ସ୍ଥାନୀୟ ଥାନା ପୋଲିସ ମିଳିତ ଚଢ଼ାଉ କରି ଗୁରୁବାର ଅପରାହ୍ନରେ ୨୫ରୁ ଊର୍ଦ୍ଧ୍ୱ ଅଫୁଟା ବୋମା ଜବତ କରିଛି। ଏହି ଘଟଣାରେ ପୋଲିସ ୫ ଜଣଙ୍କୁ ଗିରଫ କରିଥିବା ଜଣାପଡିଛି।

ପିଲାଙ୍କ ଚୁଟି କାଟିଲେ ଶିକ୍ଷୟିତ୍ରୀ: ଡିଇଓଙ୍କ ତଦନ୍ତ ନିର୍ଦ୍ଦେଶ

ପିଲାଙ୍କ ଚୁଟି କାଟିଲେ ଶିକ୍ଷୟିତ୍ରୀ: ଡିଇଓଙ୍କ ତଦନ୍ତ ନିର୍ଦ୍ଦେଶ

ପୁରୀ ଅଫିସ, ୨୨।୨: ପୁରୀ ସଦର ବ୍ଲକ ଅଧୀନ ଚନ୍ଦନପୁର ନିକଟସ୍ଥ ରଘୁରାଜପୁରସ୍ଥିତ କପ୍ତେଶ୍ୱର ସରକାରୀ ଉଚ୍ଚ ବିଦ୍ୟାଳୟରେ ଏକ ଅଭାବନୀୟ ଘଟଣା ଘଟିଛି। ବିଦ୍ୟାଳୟର ୮ମ ଓ ୯ମ ଶ୍ରେଣୀରେ ପଢ଼ୁଥିବା କେତେଜଣ ଛାତ୍ରଙ୍କ ଚୁଟି ପିଇଟି ଶିକ୍ଷୟିତ୍ରୀ ଶ୍ୟାମାଲିନା ଦାଶ କାଟିଥିବା ଗୁରୁବାର କିଛି ଅଭିଭାବକ ବିଦ୍ୟାଳୟରେ ଅଭିଯୋଗ କରିଛନ୍ତି। ଜିଲା ଶିକ୍ଷାଧିକାରୀ(ଡିଇଓ) ସଲୀଳା ସେଠୀ ଘଟଣାକୁ ନିନ୍ଦା କରିବା ସହ କହିଛନ୍ତି ଯେ, ଶିକ୍ଷୟିତ୍ରୀ କେଉଁ ପିରିସ୍ଥିତିରେ ଚୁଟି କାଟିଲେ ତାହା ତଦନ୍ତ କରାଯିବ। ଏନେଇ ପୁରୀ ସଦର ବିଇଓଙ୍କୁ ଏହାର ତଦନ୍ତ ନିର୍ଦ୍ଦେଶ ଦିଆଯାଇଛି।

ବାଲିକାନ୍ଥିଆ ପ୍ରାଥମିକ ବିଦ୍ୟାଳୟର ବାର୍ଷିକ ଉତ୍ସବ

ବାଲିକାନ୍ଥିଆ ପ୍ରାଥମିକ ବିଦ୍ୟାଳୟର ବାର୍ଷିକ ଉତ୍ସବ

ବାଲିଅନ୍ତା, ୨୨।୨(ଡି.ଏନ୍‌.ଏ.): ବାଲିଅନ୍ତା ବ୍ଲକର ଭିଙ୍ଗାରପୁର ପଞ୍ଚାୟତ ଅଧୀନ ବାଲିକାନ୍ଥିଆ ପ୍ରାଥମିକ ବିଦ୍ୟାଳୟର ପ୍ରଥମ ବାର୍ଷିକ ଉତ୍ସବ ଗୁରୁବାର ଅନୁଷ୍ଠିତ ହୋଇଯାଇଛି। ଏଥିରେ ସରପଞ୍ଚ ଜୟଶ୍ରୀ ନାୟକ ମୁଖ୍ୟ ଅତିଥିଭାବେ ଯୋଗ ଦେଇଥିଲେ। ଏଥସହ ମୁଖ୍ୟବକ୍ତା ରୂପେ ବିଆରସିସି ସୁରେନ୍ଦ୍ର ସାହୁ, ସମ୍ମାନୀତ ଅତିଥିଭାବେ ସିଆରସିସି ସଞ୍ଜୟ ମହାପାତ୍ର ପ୍ରମୁଖ ଯୋଗ ଦେଇଥିଲେ।

ଆଇଆଇଏମ୍‌ସିଏଏ ପକ୍ଷରୁ କନେକ୍ସନ ୨୦୧୮: ୨୩ ଜଣଙ୍କୁ ଇଫ୍‌କୋ ଆଇଆଇଏମ୍‌ସିଏଏ ଆଓ୍ବାର୍ଡ

ଆଇଆଇଏମ୍‌ସିଏଏ ପକ୍ଷରୁ କନେକ୍ସନ ୨୦୧୮: ୨୩ ଜଣଙ୍କୁ ଇଫ୍‌କୋ ଆଇଆଇଏମ୍‌ସିଏଏ ଆଓ୍ବାର୍ଡ

ଭୁବନେଶ୍ୱର,୨୨।୨(ବ୍ୟୁରୋ)-ଭାରତୀୟ ଜନସଂଚାର ସଂସ୍ଥାନ ପୁରାତନ ଛାତ୍ର ସଂସଦ(ଆଇଆଇଏମ୍‌ସିଏଏ)ର ୬ଷ୍ଠ ବାର୍ଷିକ ଆଲୁମିନି ମିଟ୍‌ ‘କନେକ୍ସନ ୨୦୧୮’ ବୁଧବାର ନୂଆଦିଲ୍ଲୀସ୍ଥିତ ଆଇଆଇଏମ୍‌ସି ମୁଖ୍ୟ କାର୍ଯ୍ୟାଳୟଠାରେ ଅନୁଷ୍ଠିତ ହୋଇଯାଇଛି। କାର୍ଯ୍ୟକ୍ରମରେ ଅତିଥି ଭାବେ ଆଇଆଇଏମ୍‌ସି ଡିଜି କେ.ଜି. ସୁରେଶ, ଭାରତରେ ଅବସ୍ଥାପିତ ଉଜ୍‌ବେକିସ୍ତାନ ରାଷ୍ଟ୍ରଦୂତ ଫରହୋଦ୍‌ ଅର୍ଜିଭ୍‌, ଆଇଆଇଏମ୍‌ସିଏଏର ସଭାପତି ସୁରେଶ କୁମାର ବଶିଷ୍ଠ, କାର୍ଯ୍ୟକ୍ରମ ଆବାହକ ନୀତିନ ପ୍ରଧାନ, ବରିଷ୍ଠ ସାମ୍ବାଦିକ ତଥା ପୁରାତନ ଛାତ୍ର ସୁଧୀର ଚୌଧୁରୀ, ଆଶିଷ ଚକ୍ରବର୍ତ୍ତୀ, ବ୍ରଜେଶ କୁମାର ସିଂ ପ୍ରମୁଖ ଯୋଗଦେଇଥିଲେ। ଏହି ଅବସରରେ ବିଭିନ୍ନ କ୍ଷେତ୍ରରେ ପାରଦର୍ଶିତା ଲାଗି ୨୩ଜଣ ପୁରାତନ ଛାତ୍ରୀଛାତ୍ରଙ୍କୁ ଇଫ୍‌କୋ ଆଇଆଇଏମ୍‌ସିଏଏ ଆଓ୍ବାର୍ଡ ୨୦୧୮ ପ୍ରଦାନ କରାଯାଇଥିଲା।

ରାଜସ୍ବ ସମୀକ୍ଷା ବୈଠକ

ରାଜସ୍ବ ସମୀକ୍ଷା ବୈଠକ

ପୁରୀ ଅଫିସ,୨୨।୨: ପୁରୀ ଜିଲାର ରାଜସ୍ବ ସମୀକ୍ଷା ବୈଠକ ଗୁରୁବାର ଜିଲାପାଳଙ୍କ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଯାଇଛି। ଜିଲାପାଳ ଅରବିନ୍ଦ ଅଗ୍ରଓ୍ବାଲଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ରାଜସ୍ବ ଆଦାୟ ହ୍ରାସକୁ ନେଇ ଉଦ୍‌ବେଗ ପ୍ରକାଶ ପାଇଛି। ଲଗାଣ ବର୍ଷାଜନିତ କ୍ଷୟକ୍ଷତିର କ୍ଷତିପୂରଣ ରାଶି ବଣ୍ଟନରେ ବିଳମ୍ବକୁ ନେଇ ଜିଲାପାଳ ଅସନ୍ତୋଷ ବ୍ୟକ୍ତ କରିଛନ୍ତି।

ଆଇନଜୀବୀଙ୍କ ଆନ୍ଦୋଳନ: ସମର୍ଥନ କଲା ଭୁବନେଶ୍ୱର ବାର୍‌ ଆସୋସିଏଶନ

ଆଇନଜୀବୀଙ୍କ ଆନ୍ଦୋଳନ: ସମର୍ଥନ କଲା ଭୁବନେଶ୍ୱର ବାର୍‌ ଆସୋସିଏଶନ

ଭୁବନେଶ୍ୱର, ୨୨।୨(ବ୍ୟୁରୋ): ଓଡ଼ିଶା ହାଇକୋର୍ଟରେ ମଞ୍ଜୁରୀପ୍ରାପ୍ତ ପଦବୀ ପୂରଣ ପାଇଁ ଗତ ୧୨ ତାରିଖରୁ ଆନ୍ଦୋଳନ ଜାରି ରହିଛି। ଏହାକୁ ସମର୍ଥନ ଜଣାଇ ଭୁବନେଶ୍ୱର ବାର୍‌ ଆସୋସିଏଶନ ପକ୍ଷରୁ ଗୁରୁବାର କାର୍ଯ୍ୟବନ୍ଦ ଆନ୍ଦୋଳନ କରାଯାଇଛି।

ବିଲରୁ ହାତୀର ମୃତଦେହ ଉଦ୍ଧାର

ବିଲରୁ ହାତୀର ମୃତଦେହ ଉଦ୍ଧାର

ଖୁଣ୍ଟୁଣୀ, ୨୧ା୨ (ଡି.ଏନ୍‌.ଏ.)- ଖୁଣ୍ଟୁଣୀ ବନାଞ୍ଚଳ ଅଧୀନ ମଞ୍ଚେଶ୍ୱର ପଞ୍ଚାୟତ ପାଇକେରାପୁର ଗ୍ରାମର ବାତ୍ୟା ଆଶ୍ରୟସ୍ଥଳ ନିକଟ ବିଲରେ ବୁଧବାର ସକାଳେ ଏକ ମାଈ ହାତୀର ମୃତଦେହ ଉଦ୍ଧାର କରାଯାଇଛି। ଖବରପାଇ ବନାଞ୍ଚଳ ଅଧିକାରୀ ରତ୍ନାକର ଦାସ, ଆଠଗଡ ଡିଏଫଓ ଅରୁଣ କୁମାର ସ୍ବାଇଁ, ଏସିଏଫ ରାଜେନ୍ଦ୍ର ପ୍ରସାଦ ଦାସ, ସମ୍ପଦ ମହାପାତ୍ର, ଭୁବନେଶ୍ୱରସ୍ଥିତ ଓଡିଶା କୃଷି ଓ ବୈଷୟିକ ବିଶ୍ୱବିଦ୍ୟାଳୟ(ଓୟୁଏଟି)ର ପ୍ରଫେସର ନିରଞ୍ଜନ ସାହୁ, ଡା. ସୌରଭ ରଞ୍ଜନ ହୋତା ପ୍ରମୁଖ ଘଟଣାସ୍ଥଳରେ ପହଞ୍ଚି ତଦନ୍ତ କରିଥିଲେ।

ରାଜଧାନୀରେ ୨୬ ହୋଟେଲ, ମଲ୍‌କୁ ଅଗ୍ନିଶମ ବିଭାଗର ନୋଟିସ

ଭୁବନେଶ୍ୱର,୨୧ା୨(ବ୍ୟୁରୋ): ବାରମ୍ବାର ଅଗ୍ନିକାଣ୍ଡ ପରେ ଅଗ୍ନିଶମ ବିଭାଗ ପକ୍ଷରୁ ନିରାପତ୍ତା ବ୍ୟବସ୍ଥାକୁ କଡ଼ାକଡ଼ି କରାଯାଇଛି। କିଛି ଦିନ ହେବ ଭୁବନେଶ୍ୱରରେ ଥିବା ବଡ଼ ଶପିଂ ମଲ୍‌ ଓ ହୋଟେଲଗୁଡିକ ଉପରେ ଚଢାଉ କରାଯାଇଥିଲା। ଯାଞ୍ଚ ପରେ ଅଧିକାଂଶ ହୋଟେଲ ଓ ମଲ୍‌ରେ ଅଗ୍ନି ନିରାପତ୍ତା ବ୍ୟବସ୍ଥା ନ ଥିବା ଜଣାପଡିଥିଲା। ସେଥିମଧ୍ୟରୁ ୨୬ଟି ହୋଟେଲ ଓ ମଲ୍‌କୁ ବୁଧବାର ଅଗ୍ନିଶମ ବିଭାଗ ପକ୍ଷରୁ ନୋଟିସ ଦିଆଯାଇଛି। ଦୁଇ ମାସ ମଧ୍ୟରେ ଅଗ୍ନି ନିରାପତ୍ତା ଉପରେ ସମସ୍ତ ବ୍ୟବସ୍ଥା କରା ନ ଗଲେ ସେମାନଙ୍କ ଉପରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ବିଭାଗୀୟ ଡିଜି ବି.କେ ଶର୍ମା କହିଛନ୍ତି।

ଜାତୀୟ ମହିଳା କମିଶନ ଅଧ୍ୟକ୍ଷାଙ୍କ ପ୍ରଥମ ଜନଶୁଣାଣି

ଭୁବନେଶ୍ୱର,୨୧ା୨(ବ୍ୟୁରୋ): ଜାତୀୟ ମହିଳା କମିଶନ ଅଧ୍ୟକ୍ଷା ରେଖା ଶର୍ମା ବୁଧବାର ପ୍ରଥମଥର ଭୁବନେଶ୍ୱଠାରେ ଜନଶୁଣାଣି କରିଛନ୍ତି। ଓଡ଼ିଶା ପୋଲିସ ଏବଂ ଜାତୀୟ ମହିଳା କମିଶନଙ୍କ ଏହି ମଳିତ ଜନଶୁଣାଣିରେ ସେ ଯୌତୁକ ଓ ପାରିବାରିକ ହିଂସା ସଂକ୍ରାନ୍ତ ୧୨ଟି ମାମଲାର ବିଚାର କରିଛନ୍ତି।

ରାଜ୍ୟସ୍ତରୀୟ କାୟାକଳ୍ପ ସମ୍ମାନ: କ୍ୟାପିଟାଲ ହସ୍ପିଟାଲ ସବୁଠୁ ପରିଷ୍କାର

ଭୁବନେଶ୍ୱର,୨୧ା୨ (ବ୍ୟୁରୋ)- ଚଳିତ ବର୍ଷ ଭୁବନେଶ୍ୱରର କ୍ୟାପିଟାଲ ହସ୍ପିଟାଲ ରାଜ୍ୟର ସବୁଠୁ ପରିଷ୍କାର ଡାକ୍ତରଖାନାର ମାନ୍ୟତା ପାଇଛି। ଦ୍ୱିତୀୟ ସ୍ଥାନରେ କଳାହାଣ୍ଡି ଜିଲା ମୁଖ୍ୟ ଚିକିତ୍ସାଳୟ ଓ ତୃତୀୟ ସ୍ଥାନରେ ରାଉରକେଲାର ଇସ୍ପାତ ଜେନେରାଲ ହସ୍ପିଟାଲ ରହିଛି। ବୁଧବାର ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଆୟୋଜିତ ରାଜ୍ୟସ୍ତରୀୟ କାୟାକଳ୍ପ ସମ୍ମାନ ପ୍ରଦାନ ସମାରୋହରେ ଏ ସମ୍ପର୍କରେ ଘୋଷଣା କରାଯିବା ସହ ପୁରସ୍କୃତ କରାଯାଇଛି।

ଆରମ୍ଭ ହେଲା ବାଏ ଅଫ୍‌: ‘ଫର୍ଚ୍ଚା’ରେ ଦୁଇ ବନ୍ଧୁଙ୍କ ଦୁଃଖ କାହାଣୀ

ଆରମ୍ଭ ହେଲା ବାଏ ଅଫ୍‌: ‘ଫର୍ଚ୍ଚା’ରେ ଦୁଇ ବନ୍ଧୁଙ୍କ ଦୁଃଖ କାହାଣୀ

ପୁରୀ ଅଫିସ,୨୧।୨: ସ୍ବାର୍ଥପର ଏ ଦୁନିଆ। ସମସ୍ତେ ନିଜ ପାଇଁ ବ୍ୟସ୍ତ। କିନ୍ତୁ ମାନବିକତାର ମୂଲ୍ୟବୋଧ ବୁଝୁଥିବା ମଣିଷକୁ ଏଠି ବା ପଚାରେ କିଏ? ହେଲେ ସମାଜରେ ଏମିତି କିଛି ଲୋକ ଅଛନ୍ତି ଯେଉଁମାନଙ୍କ ହୃଦୟ ଅନ୍ୟ ପାଇଁ ବିଳାପ କରେ। କିନ୍ତୁ ଏ ସମାଜ ତା’ର ମୂଲ୍ୟ ବୁଝେନି। ବରଂ ଜୀବନର ଶେଷ ସମୟରେ ତାକୁ ପରିହାସ କରେ।

ଆରମ୍ଭ ହେଲା ବିଚ୍‌ କାର୍ନିଭାଲ: ନଚାଇଲେ ହ୍ୟୁମାନ ସାଗର

ଆରମ୍ଭ ହେଲା ବିଚ୍‌ କାର୍ନିଭାଲ: ନଚାଇଲେ ହ୍ୟୁମାନ ସାଗର

ପୁରୀ ଅଫିସ, ୨୧।୨: ନିଃଶ୍ୱାସ ତୋ ବିନା ଭଲ ଲାଗେନା... ଗୀତ ପୁରୀ ବେଳାଭୂମିର ଶୀତୁଆ ସନ୍ଧ୍ୟାରେ ରୋମାଞ୍ଚ ଭରିଥିଲା। ଯୁବ କଣ୍ଠଶିଳ୍ପୀ ହ୍ୟୁମାନ ସାଗରଙ୍କ ଏହି ଗୀତ ଉପସ୍ଥିତ ଯୁବଗୋଷ୍ଠୀଙ୍କ ହୃଦୟକୁ ଛୁଇଁଥିଲା।